كتالوج آيفون>>q8yat<<

[Om eLkakawiya]

يعافيج حبيبتي

العفو ^_^

 

[++The DuchesS++]

اب اب اب

 

[هيبة الطاووس]

صراحه الله يفتحها بويهكم

ويوفقكم دنيا وآخره

يسلموووووووووووو

 

[Om eLkakawiya]

اجمعين يارب ^_^

 

[نور الفنر]

من المواضيع اللي استفدت منها للايفون: موضوعج

لج كل الشكر ياقلبي

 

[توتي فروتـي]

..

الله يعطيج العافية يــــا يمه

 

[Om eLkakawiya]

الاعدادات > store

اذا دشينا هني راح يطلعلنا كلمة دخول او حاطين الحساب اللي نستخدمه بالاب ستور اللي ننزل منه البرامج.

. نقدر من هني نغير الحساب.
. نقدر نسويلنا حساب يديد.

اذا مكتوب دخول بعد ما نضغط عليها راح يطلعلنا اختياريين اما ندش بحساب موجود او نسوي حساب يديد.

وسلامتكم ^_^

 

[Queen of Roses]

بنات باسوي ابديت لايفوني ابي الاصدار الجديد

بس خايفه برامجي اللي فيه كلها تروح مابي ارد اشتري مره ثانيه

في طريقه انهم ما ينمسحون؟؟؟

ماحد رد علي
:lkmnkl:

 

[Om eLkakawiya]

توتي

يعافيج حبيبتي يا بنيتي هههه

 

[Om eLkakawiya]

كوين
قلبي الاستفسارات مو هني

في موضوع لاستفسارات اسمه قروب ايفون مثبت.

 

[توتي فروتـي]

>>>

شي لازم ينقال :
هالبنت هذي تدخل القلب بطيبتها ومساعدتها لخواتها .,
عسى ربي يحفظها :*

 

[البخت ضايع]

اعدادات وسائط ( mms ) = زين , فيفا , وطنيه

.قبل لا نسوي اعدادات الوسائط..لازم نفتح خدمة الوسائط.. نروح على

الاعدادات > الرسائل > مراسلة mms .. ونفتح المربع اللي جدامها ع الازرق.

.وعشان نحط اعدادات الوسائط .. نروح على

الاعدادات > عام > الشبكة > شبكة البيانات الخلويه > خانة الـ mms

**وسائط زين**

**وسائط فيفا**

apn viva
username
password
mmsc 172.16.128.80:38090/was
mms proxy 172.16.128.228:8080

( الـ username و الـ password فاضيين )


**وسائط الوطنية**

ملاحظه : بعد ما نسوي الاعدادات .. نسكر الايفون ونفتحه مره ثانيه = ريستارت.

مالقيت هالخيارات عندي جهازي فور

شلون اضبط الوسائط؟؟

 

[ROZE]

صارلي بالايفون سنه وشي بس في اشياء توني اعرفهاا علبالي فلته فيه !! :denya:

تسلمييييييييين فدييتج عالموضوووع صج متعووب عليه :eh_s(22)::rerrerek:

والله يعطيييييج العافيه ..,:eh_s(17)::eh_s(17):

 

[هيبة الطاووس]

مالقيت هالخيارات عندي جهازي فور

شلون اضبط الوسائط؟؟

لا موجود بنفس الإعدادات بالضبط الشبكه الخلويه دشين عن طريق الشبكه

يسلمو سويته

 

[البخت ضايع]

لا موجود بنفس الإعدادات بالضبط الشبكه الخلويه دشين عن طريق الشبكه

يسلمو سويته

جزاج الله خير ياقلبي عرفت يوم قلتي الشبكه الخلويه

 

[Om eLkakawiya]

توتي فروتي

حبيبتي انتي .. احرجتيني :$
كل البنات ما يقصرون .. قلبي انتي مشكوره :*

 

[Om eLkakawiya]

البخت ضايع

حبيبتي انتي لو مثبته ع الطريقه عدل.. انا قلت شبكة البيانات الخلويه .. بالضبط حطيت وين مكانه.. يلا الحمدلله انه عرفتيله


هيبة الطاووس

تشكرات ع المساعده فديتج ^_^

 

[Om eLkakawiya]

Roze

يعافيج حبوبه .. زين استفدتي يعني ^_^

فيدينا دام خبره سنه ^_*

 

[Om eLkakawiya]

طريقة عرض الشرائح ( عرض الصور )

ندش على ألبوم الصور >> الألبوم >> ندش على اي صوره نبي نبدي منها ( صوره عاديه مو فيديو..لانه الفيديو اذا طقينا بلاي يشتغل..ما يعرض الشرائح يعني )

و راح تطلع لنا تحت علامة بلاي بين السهمين .. مثل بالصوره...

لما نطق عليها .. راح يطلع لنا

خيارات عرض الشرائح
المراحل الانتقاليه : نختار منها طريقة العرض..تلاشي..مكعب..تموّج..تحريك خلال..تحريك إلى الاسفل...مثلا اخترنا مكعب راح تتغير من صوره الى صوره بشكل مكعب..وااايد روعه ^_^

تشغيل موسيقى : اذا فتحنا المربع ع الازرق راح تشتغل موسيقى مع عرض الصور..راح يطلع لنا اختيار ثالث لما نفتح ع الازرق عشان نختار اللي نبيه من نغماتنا اللي بالايبود حاطينهم.

بعد هذي الاختيارات..اذا ما نبي نعرض الصور نختار إلغاء فوق ع اليمين .. أو نضغط على بدء عرض الشرائح
وتمتعو بالعرض الرائع ( اصلح اسوي دعايات هههه )

^_^

 

[Om eLkakawiya]

الاعدادات >> الصور

لما ندش هني راح يطلع لنا

عرض الشرائح

عرض الشريحة لمدة : نختار هني المده اللي نبي الصوره تنعرض فيها بوقت العرض..من ثانيتين إلى 20 ثانيه
تكرار : تكرار الصوره بوقت العرض.
عشوائي : يحطون الصور عشوائيه مو بترتيبها ورا بعض.

وشكرا ^_^