كتاب السر فيه الحل لكل المشاكل

[منانا]

السلام عليكم
:ggdw:
شلونكم كويتياااات ؟؟


اليوم دقت علي رفيجتي من زمان مادري عنها وقعدت افضفضلها عن المشاكل الي عندي جان تقووولي الحل حق كل مشااكلج بعد رب العالمين كتاااب السر من تقرينه وتسمعيين السي دي ماله وتطبقين كل شي حرفيا راح تتغيرين بنسبه 300 بالامية على كلامها للاحسن طبعا واهو عن شلون نجذب الطاقه الايجابية في حياااتنا :dddds:

طبعا الي ورا هالمقدمة ابي اعرف منو مر عليها الكتاب او لها تجربه من هالنوع و حست بتأثير الطاقه بحيااتها وابي اعرف اي شي يتعلق بالمووضووع وطبعا الكتاب موجود بمكتبة جرير بروح اشتريه اليوم واقولكم شيصير معاي سعره تقريبا 14 او 16 نسيت شنو قالتلي

ومشكوورين حبااايبي:tek:

 

[شاربه بيبسي ومونسه نفسي]

والله ما سمعــــت عنه

وان شاء الله البنااات يفييدوونها دامه مفيييد لهدرجه وحلوووووووووو

شوقتيني اقراه


طييييراان على جرييير

 

[flowers_q8]

الكتاب وايد حلو بس سعره 6 دنانير
توني قريته مرة وبلشت بالثانيه
يخليج تحسين انج سعيده ومتفائله بس توني باديه اطبقه
ان شاء الله اعلمج باللي يصير معاي
بس شوفي تغيرت نظرتي صرت متفائله مونفس قبل

شوفي في المواضيع المثبته موضوع خاص فيه اسمه the secret

البنات ماقصرو كاتبين اللي صار معاهم

 

[وصرت غايب]

تعجبني هالنوعيه من الكتب

بس هذا شي مو جديد في ديننا لو طبقنا تعاليمه صح

الحديث القدسي ( أنا عند ظن عبدي فليظن بي ما يشاء )

وقول ارسول صلى الله عليه وسلم: (تفائلوا بالخير تجدوه )


تحميل كتاب السر
http://www.mediafire.com/?5ncnrbobemx

 

[همس الحبايب]

تعجبني هالنوعيه من الكتب

بس هذا شي مو جديد في ديننا لو طبقنا تعاليمه صح

الحديث القدسي ( أنا عند ظن عبدي فليظن بي ما يشاء )

وقول ارسول صلى الله عليه وسلم: (تفائلوا بالخير تجدوه )


تحميل كتاب السر
http://www.mediafire.com/?5ncnrbobemx

صح كلامج ومشكووورة عالرابط

 

[وصرت غايب]

ولقيت ملخص الكتاب >>>>> للي مايحبون القراءه او ماعندهم وقت http://www.4shared.com/get/55389566/393c150b/___online.html;jsessionid=B649E9C950AC3AA4FCC581E1C8E7A6A4.dc82

 

[yam_yam]

روعة الكتاب بس مافهمته عدل

 

[وائليه]

الكتاب احس انه حيل مفيد ولو اني للحين ماوصلت ربعه من كثرة المشاغل بس للأمانه خوش كتاب انا بطبيعتي احب اتفائل والكم صفحة اللي قريتهم زادوني تفائل وثقة بالنفس . وانصح بقرائته

 

[منانا]

رحت اليوم مكتبة جرير وشريت الكتاااب وااايد شوقتووني اني اقراه بس نصحتني رفيجتي اقرااه بروحي وبذهن صافي يعني يبيله وقت مناااسب وانشالله راح اقولكم شنو يصير معاي خطوه خطوه والي عندهم الكتاب وما قروه او قروا شوي منه خل نتناقش فيه ونتعلم شلون نطبق لان جد ودي اغير حياااتي كله معترضه وكله مو عاجبني شي وحدي متضاايقه ومضايقة الي حوالي

 

[!! الواصليّـــــة !!]

عاد في شيخ حقّر هالكتاب وسوا له كتاب سماه ( خرافة السر )
انا سمعت انه يحتوي ع معتقدات خاطئة وتتنافى مع عقيدتنا ..

والله مادري بنات ودي اشتريه واشتري الكتاب المناقض له .. !

 

[شذورالذهب]

عاد في شيخ حقّر هالكتاب وسوا له كتاب سماه ( خرافة السر )
انا سمعت انه يحتوي ع معتقدات خاطئة وتتنافى مع عقيدتنا ..

والله مادري بنات ودي اشتريه واشتري الكتاب المناقض له .. !

انـا محمـله كـتاب خـرافه السر للمنـجد مـن فــتره وللـحيـن مـا قريتـه

 

[مع حبي]

إن شاء الله أقراه
مشكوره
الله يفرج مصيبتج يأجرج أجر الصابرين
آمييييييييييييييين

 

[!! الواصليّـــــة !!]

انـا محمـله كـتاب خـرافه السر للمنـجد مـن فــتره وللـحيـن مـا قريتـه

قارية كتاب السر ؟

شنو حسيتي الي متناقض مع عقيدتنا ؟

 

[am-7awra'a]

مشكورة حبيبتي على هالمعلومة الحلوة

بس انا اول مرة اسمع عن هالكتاب

 

[شذورالذهب]

قارية كتاب السر ؟

شنو حسيتي الي متناقض مع عقيدتنا ؟

الواصـليــه

انـا للـحين مـا قـريـته .. وانـا مثـلج تحمـست اقـرا كـتـاب السـر بـس قريـت عنـه وفهمـت انـه فـي انحـرافات للعـقيده
صـراحـه مـابي اضيـع وقتـي فيـه فحمـلت كـتاب " خـرافه الســر "

 

[منانا]

مع حبي

مشكورة على الدعاء والله يسمع مني ومنج ولج مثله انشالله



مشكوورين على تفااعلكم الحلو بناات

انا بديت اقرا الكتاب امس بالليل قبل لا انام وانا حاطة في بالي انه راح امل منه وماراح اكمله بس بسراااحه شدني الاسلوب جديد علي والمعلومات مكتوبه بطريقة تثير الانتباه ومع ذلك في تشياء وانا اقراها اعارضها بعقلي مثلا قال شغله ان ليش الناس يكسبون فلوس وااايد وبعدين يخسرونها فجأه وبعدين يردون يكسبون فلووس واايد
اهو فسر هالشي ان الشخص يركز تفكيره اول شي على تجميع الثروه فيكسبها وبعدين الخوف من فقدان الثروة يحتل تفكيره فيخسر ثروته وعقب تهيمن فكرة تجميع الثروة بعقله فيرد يصير عنده ثروة!!!!!!!!!!!!!

ما احس ان الموضووع بهالسهوله يعني بمجرد ما اركز تفكيري على شيي يحصل على كلام الكتاب يستجيب قانون الكون لأفكارك احس الي الله كاتبه اهو الي بيصير مثلا وحده ميته تبي تتزوج شخص والله مو كاتبلها اياه ماراح يصير او مثلا شخص الله كاتبله انه يكون فقير طول حياته ماراح يصير غني ...

ولا شرايكم ؟

الافكار الي عجبتني لي الحين

الشبيه يجذب شبيهه مثل المغناطيس يعني اذا انا متشاءمه اجذب الاشياء السلبيه وهالشي انا بديت الاحظه واحاول اغيرها علطول مقتدية بقول الرسول عليه الصلاة والصلام تفاءلوا بالخير تجدوه

الشي اذا ركزنا تفكيرنا عليه وخليناه محور حياتنا راح نجذبه ناحيتنا يعني اذا ركزنا على النجاح في الدوام راح نسوي ونفكر بكل شي يخلينا ننجح فيه

اذا تخيلت الشي الي تبيه وفكرت فيه راح يتحقق وهذا شي علمونا اياه في الانلبي وواقعي انا احسه

هذي بعض الافكار من قراءتي لاول 12 صفحه والبقية تأتي

انا ماشريت الديفيدي حسيت وايد عليه 10 قلت اقرا الكتاب اول اشوف شالسالفه

انشالله الموضوع يشجعكم تقرون الكتاب علشان نناقشه مع بعض

 

[ميس الورد والشوق]

ان شاءالله اقراه

عاد انا احب القرايه وخصوصا هالكتب

 

[منانا]

اليوم وانا اقرا الكتاب قاعده اتييني افكار واايد واحس شوي سلوكي تغير سبحان الله الكتاااب قاعد يثير فيني افكار وتساؤلات وااايد منها ::

مكتوب ان التفكير والانسااان لما يقعد يردد شي بشكل يتحقق ويه ببالي الدعاء وشلون ان الدعاء من صفاته انه يكون شي ايجابي يعني مو دعاء ضد الغير وانه يكون الدعاء بأشياء طيبه

 

[vogue grl]

انشالله اشتريه بس بنات اهوا معاه سيدي؟؟

 

[منانا]

الكتااب تشترينه بروحه واذا تبين فيه ديفيدي هم اذا تبين تاخذينه بس كل وااحد بروح انا خذيت الكتااب