كان ياما كان في قديم الزمان

[Leann]

كان في بنت خطبها واحد

و البنت


رفضت

و عاشت عيشة سعيدة

تصدقون يا بنات ان هالقصة كانت تنقال لي و انا صغيرة و كبرت عليها و تعودت عليها و انا كنت و ما زلت اشوف الزواج نهاية لحياة البنت السعيدة

خل شوي اعرفكم على نفسي

انا طالبة جامعية عمري 21 سنة و كنت دايما اقرا منتدى كويتيات اب صمت و لا عمري كتبت او شاركت لكن هالموضوع صارله فترة شاغل بالي و حبيت استشيركم فيه لأن ما شاء الله المنتدى مليان و اكيد فيه ناس مروا بتجربتي او عندهم خبرات بهالموضوع
ترددت وايد على ما اطرح الموضوع .. خفت من بعض الردود القاسية و صج في ناس ما ترحم و لكن بالنهاية توكلت على الله و حبيت استعين اب ناس من ثقافتي و ديني عشان يقدرون يحلون لي هالمشكلة

مشكلتي يا بنات اني رافضة فكرة الزواج الاآن و طول عمري كنت اقول البنت بالأول لازم تشتغل و تثبت روحها بعدين تتزوج و عقبها تقدر تبني حياة سعيدة مع شريكها

و دايما كنت استغرب البنات اللي يتزوجون في عمر صغير او للحينهم يدرسون .. و الله كنت افكر هذي البنت ليش ما تعيش حياتها و تستانس و بعدين تتفرغ حق عوار الراس

و المشكلة ان الجو المحيط كلللش مو مساعدني.. اهلي الله يخليهم لي خوش ناس و احب امي و ابوي وايد بس للأسف ساعات تصير هوشات و شجارات وايد جدامنا احنا العيال و هالشي مأثر فيني وايد
و أدخل قسم الحية الزوجية ..و يالهووووووووووووووووووووووي صج الله يعين البنات على مشاكلهم

من قبل فترة تقدم لي شاب يصير لنا من بعيد و هالصبي مثل ما ينقال انه ما يتطوف و خوش واحد و يحط الحرمة على راسه و يحترمها و يدلعها و انا قعدت معاه بالشوفة الشرعية و صج تبينت من هالشي
و الحين أهلي يضغطون علي لان الصبي ما ينرد
و لكن صاحبتكم راسها يابس كلش مو مقتنعة بالزواج قبل لا اتخرج من الجامعة و اتوظف
وصرت افكر و ادور و ابحث و ادرس

يا بنات و الله اني رحت دورت ابحاث عن الزواج من جامعات و قمت اقراها
قمت اقرا كتب
لا لا مو الكتب اللي خبري خبركم
كتب تاريخ .. عن نشأة الزواج و عادات و تقاليد الزواج بالشعوب و غيرها من الاشياء اللي ممكن تساعدني اني اغير وجهة نظري عن الزواج

تدرون شنو لقيت؟؟؟
دراسة من جامعة امريكية - ما اذكر اسمها الحين - تفيد بان الزواج فيه فائدة كبيييييييييييييييرة

للرجل!!

الرجل المتزوج اكثر سعادة من الرجل الأعزب
الرجل المتزوج اقل كآبة من الرجل الاعزب
الرجل المتزوج مفيد للمجتمع اكثر من الرجل الاعزب
الرجل المتزوج يعمر اكثر من الرجل الاعزب

الخ.

الحين وين المشكلة ؟؟؟
المرأة المتزوجة اقل سعادة و اكثر كآبة و تعيش اقل من المرأة العانس

اي اي بالظبط فاهميين علي؟؟ خلاصة هالدراسة انه الزواج مفيد جدا للرجل ... لكنه العكس تماما للمرأة


و الله اني تعبت و يمكن اسلوبي شوي غريب لاني ماعرف اعبر بالعربي وايد اعذروني خواتي و تحملوني شوي

الله يخليكم .. ابي احد يقنعني بالزواج
ابي احد يقولي اني اقدر احقق طموحي حتى لو تزوجت
ابي احد يقولي اني الزواج مو عائق و حجر عثرة في
ريح نجاحي و التزامي نحو وظيفني
ابي احد يقولي اني لا تزوجت راح اكون اكثر سعادة و ماراح اتحسر على العز اللي عايشة فيه ويا هلي

و الله اني مادري شسوي اخاف اوافق على الريال و اتحسر بعدين و اتذكر القصة القصيرة اللي كتبتها اول الموضوع
و اخاف ما اتزوج و اعنس على قولة اخواني لاني عمري 21 سنة و ما قط احد خطبني او حتى كلموا اهلي او سألوا عني

ساعدوني بنات و فيدوني بتجاربكم و اللي تعرف وحدة كبيرة تزوجت و اهي تدرس و صارت دكتورة او مهندسة او حققت طموحها و فادت بلدها الله يخليهم ودي اتواصل وياها

انا الحين عندي قناعة انه اذا ما تزوجت راح احقق طموحي و اتخرج و اشتغل و ارفع راس بلدي و اهلي

ابي احد يقولي انه هالشي ممكن مع زوج

و بلا مبالغة اتجرأ و اقول
زوج عربي خليجي ... !

نشكر لكم حسن استماعكم ..​

ملاحظة: انا طرحت موضوعي في قسم النقاشات الجادة لكن مو وايد عبروني و حبيت اخذ راي المتزوجات بهالقسم .. منو فيكم قدرت تحقق طموحها مع الزوج ؟ و هل تحسفتي انج تزوجتي او لأ

 

[om Firas]

ووالله مادري شنو اقولج
بس كل شي مكتوب بالدنيا لج
اذا كنتي سعيده او تعيسه
ومايغير القدر الا الدعاء
صراحه مادري شنو اقولج
كل اللي اقدر اقوله الله يوفقج
ويسهل امورج
واستخيريييييييييييييي
وشوفي شنو ربي يدلج عليه

 

[blue diamond]

حبوبه انا مو متزوجه بس اقدر ارد عليج
هالشي يتعلق بالزوج نفسه اذا كان يعين ويساعد او يكون مثل العثره في درب طموحها
في رياييل يساعدون ويشجعون
وفي رياييل يحسون بالغيره اذا مرتهم أعلى منهم من ناحيه الطموح او من اي شي ثاني

 

[لطوووفه]

:hearting:



امممممممممممممم





:hearting:

 

[نور الكوثر]

ابنت الناس الستر زين ليمتى بتظلين جذي يعني وحرام قطع النصيب يوقفه مره وحده سأليني انا كنت نفسج والحين نادر ماييووني ترا لان الناس تقل على كثر الي يتشرطون وبس يرفضون

 

[ماما تركي]

السلام عليكم
اختي وحبيتي
لا تقولين مستقبل و حياه ودراسه وطموح
استقرااااااااااااااااااااااااااااار المره في بيتها مع زوجها وعيالها
هذا شي بالفطره من رب العالمين
وين بتوصلين دكتوره مهندسه وبعدين راح تتزوجين وراح تكون وظيفتج عقبه في
طريق تربيتج لعيالج
ماراح تفضين لهم و غير جذي الوظيفه العاديه الي بعد الجامعه راح يكون دوامج
الى الظهر وبعدها قاعده مع عيالج وعندج وقت لمواجيبج وللطلعات
احسن من دوام مضغوط لانه منصب ماراح افضى منه لا لبيتي ولا لعيالي ولا اهلي ولا
راح تقدرين توفقين بينهم مستحييييييييييييييييييل

 

[غير عنهم]

هذي سنة الحياه وبعدين في وحدة قالت لشيخ معروف اتوقع سليمان الجبيلان قالت انو بنتي وهي بالثانوية يجيلها خطاب بس اناارفض اقول لازم بنتي تكمل الثانوية ولمى تخرجت من الثانوية قالت لازم تكمل جامعتها وبعدين بزوجها تخيلي بعد ماتخرجت ماجها أحد أبد وبنت كبرت صارت بالثلاثين شوفي أختي كبري عقلك (إذا جالك نصيب ماينعاف من أخلاق ودين ووظيفة) صلي صلاةالاستخارة ووافقـــــــــــــــي طيب إذا ماتزوجتي وكبرتي مين بيفكر فيك مين بشيلك ومين بيهتم فيك عقب أهلك:denya: الله يطول بأعمارهم وربي أني أطلع الكلام من قلبي ماأبغاك تعنسين ابغاك تفرحي وتشوفي حياتك وزوجك يحبك وتحبينة وتجيبي عيال :eh_s(21):ويقولوك مــامـــــا:denya:

 

[زيــنه]

حبيبتي اذا انتي طموحه وحابه تثبتين نفسج

قعدي مع خطيبج وشرطي عليه...او بالاحرى تفاهمو انج انتي تبين تكملين دراستج وتشتغلين وانشالله يكون متفهم...

وترى مو كل وحده تتزوج معناته انهدم مستقبلها وطموجها

انا لمن تخرجت من الثانويه على طول تزوجت وريلي اهو الي كان يشجعني على الدراسه وكملت واشتغلت واللحين قاعده اسجل حق الجامعه اكمل بكلريوس..وانا بعد اشجعه عشان يكمل معاي ماجستير

 

[عيش و مرق]

الزواج مايوقف الدراسه وماتوقف الدنيا وانا متاكده انج اذا تزوجتى بتعيشين انشاله عيشه حلوه وبتقولين انا شلون كنت افكر قبل واقول مابى اتزوج

 

[كوكو دلوع]

حبيبتي البنت مالها من بعد بيت ابوها غير بيت الريل
فتزوجي الحين واحد زين احسن من انج باجر تتزوجين اي شئ او تصيرين شريجه بس علشان تحصلين ريل

 

[المستغفرة 74]

بالعكس ممكن ان الزوج يكون لج عون عالدراسة .واذا الريال زين لا طوفينة وسعادة المراة مع زوجها وعيالها وعالمها الخاص .واول شيء استخيري والله يوفقج.

 

[SelezYa]

مبين ععليج خايفه على طموحج اكثر شي .. اما خوفج من المشاكل فهالشي ماله داعي لان الحياه بكل اتجاه فيها مشاكل فاذا لقيتها بالزواج بتلقينها بكل مكان ثاني

عموما
انتي كل اللي عليج
يرجع الولد مره ثانيه
وتقولون البنت تبي تتفاهم مع الولد قبل لا يصير أي شي .. ترا مافيها شي لا عيب ولا بطيخ .. وياريت يكون في احد كبير معاكم عشان يشهد على كلامج
قوليلي انا مهتمه وايد بدراستي وحابه احقق اشياء بحياتي وماعندي شروط وايد .. انشالله بحاول اوفق بين حياتي ودراستي ومابي منك إلا انك تعيني وتساعدني هذي شروطي وانت براحتك
اذا خوش ريال بيقولج انا حاضر ومافيها شي كملي ومارااااااح يخررب عليج بعدين تدرين ليش ؟ لانج لما وصيتيه بهالكلام كان في ريال كبير معاكم يعني احد من اهلج . فراح يستحي انه ما ينفذ وصيتج

وبس

الزواج حلو ويونس واهتمام وسعاده وفرح ومشاكل وحزن وكآبه
كل هذا الزواج .. وانتي حظك نصيبك بس انشالله يكون من اللي يسعدونج بحياتج

وموفقه بشرينا عاد

 

[هيبة ملك]

ياقلبي الزواج رغم مشاكلة حلو

وبعدين هذي سنة الحياة مرة وناسة مرة مشاكل وجذيه

بعدين عمر الزواج ماوقف دون طموحج

الولد دامه زين لاتوقفين نصيبج وعسى الله يوفقج

 

[Dancing^Queen]

رد : كان ياما كان في قديم الزمان

[b]اختي الحبيبه
انتي باين عليج انسانه عقلانيه وتحبين توزنين الامور صح

ليش تتزوجين؟
شنو بالزواج؟
ليش الزواج سنه؟
شنو راح يضيفلي

رائع جدا انج تفكرين بهالطريقه لانج ان شاءالله بتعيشين صح
حلو جدا ان الانسان يقرر عن اقتناع
بدال لايعيش التطور الطبيعي للماده والله العظيم امس اسولف ويا ريلي عن هالموضوع
ان في ناس عايشه للروتين تزوجت لان الوقت مناسب والظروف مناسبه يابت عيال لان متوقع
بس ماعاشت صج ولا تمتعت بحياتها

ليش تتزوجين؟
شنو بيظفلج الزواج؟
حسبيها بعقلج عدل عدل عدل
وقيسيها بقلبج
حسبيها بعقلج
منو هالشخص؟
مناسب ان يشيل الامانه ويكون شريك لحياتي وزوجي وابو عيالي؟
يعتمد عليه؟
يشيليني واشيله؟

منصب
عيله
مقتدر؟
ينحب؟
له مستقبل
اسلوبه حلو؟
اقدر اتقبله وافتح قلبي له؟


اوكي مناسب عقلايا
اقيسها بقلبي
الزواج شيضيفلي؟
انسان يشاركني حياتي
صديق
حبيب بالحلال
عشيق
حياه كامله اكتسبها وابنيها معاه
وعقب الحياه ان شاءالله باجتمع بالجنه معاه
هذا الزواج
خرعتج اكثر؟

لووووول
انا اقولج فكري بعقلج قيسي بقلبج وتوكلي علي الله

كنت مثلج مقرره اتزوج 23 تزوجت 21
ودون وعي ترا تزوجت لان كان مناسب وعيلته منناسبه واحنا نحتاج اخو وابوي محتاج ولد
هل حبيته من اول يوم؟ لأ
هل تقبلته بسرعه لأ
بس لاني خذيت باقتاع وحياتي تستاهل اني اتعب لها وريلي زين صلحت حياتي وعشتها
شنو الوضع الحين؟
صارلي عشر سنين متزوجه مرت علي جنها سنه ! سبحان الله الله يخليلي زوجي وعيالي واهلي
زوجي مو احبه اكون جذابه لو قلت احبه انا اعشقه الله لايغيرر علينا ويحببه فيني زود وزود
ممتاز وكامل؟ لأ وانا بعد مو كامله
مثل مانا كنت متصوره
لأ
الحياه عمرها ماتيي علي التصورات والتوقعات بس يمكن لو يت علي هواي جان وصلت وياه اللي واصلته الحين
الحياه ماتيي علي توقعاتج وهواج وحساباتج
استخيري ربج
حكمي عقلج
وقيسي بقلبج واستغلي الفرص[/b]

 

[غلا عيوني]

رد : كان ياما كان في قديم الزمان

هذي سنه الحياه<<<<<<لاتصرين معقده اذا جالج نصيبج استخيري وتوكلي على الله

 

[Om 3zo0oz_2011]

توكلي علي الله وتزوجي
والبنات ماقصروا

الزواج ماتوقف حياتج لأ بالعكس

 

[pink Flamingo]

رد : كان ياما كان في قديم الزمان

[b]اختي الحبيبه
انتي باين عليج انسانه عقلانيه وتحبين توزنين الامور صح

ليش تتزوجين؟
شنو بالزواج؟
ليش الزواج سنه؟
شنو راح يضيفلي

رائع جدا انج تفكرين بهالطريقه لانج ان شاءالله بتعيشين صح
حلو جدا ان الانسان يقرر عن اقتناع
بدال لايعيش التطور الطبيعي للماده والله العظيم امس اسولف ويا ريلي عن هالموضوع
ان في ناس عايشه للروتين تزوجت لان الوقت مناسب والظروف مناسبه يابت عيال لان متوقع
بس ماعاشت صج ولا تمتعت بحياتها

ليش تتزوجين؟
شنو بيظفلج الزواج؟
حسبيها بعقلج عدل عدل عدل
وقيسيها بقلبج
حسبيها بعقلج
منو هالشخص؟
مناسب ان يشيل الامانه ويكون شريك لحياتي وزوجي وابو عيالي؟
يعتمد عليه؟
يشيليني واشيله؟

منصب
عيله
مقتدر؟
ينحب؟
له مستقبل
اسلوبه حلو؟
اقدر اتقبله وافتح قلبي له؟


اوكي مناسب عقلايا
اقيسها بقلبي
الزواج شيضيفلي؟
انسان يشاركني حياتي
صديق
حبيب بالحلال
عشيق
حياه كامله اكتسبها وابنيها معاه
وعقب الحياه ان شاءالله باجتمع بالجنه معاه
هذا الزواج
خرعتج اكثر؟

لووووول
انا اقولج فكري بعقلج قيسي بقلبج وتوكلي علي الله

كنت مثلج مقرره اتزوج 23 تزوجت 21
ودون وعي ترا تزوجت لان كان مناسب وعيلته منناسبه واحنا نحتاج اخو وابوي محتاج ولد
هل حبيته من اول يوم؟ لأ
هل تقبلته بسرعه لأ
بس لاني خذيت باقتاع وحياتي تستاهل اني اتعب لها وريلي زين صلحت حياتي وعشتها
شنو الوضع الحين؟
صارلي عشر سنين متزوجه مرت علي جنها سنه ! سبحان الله الله يخليلي زوجي وعيالي واهلي
زوجي مو احبه اكون جذابه لو قلت احبه انا اعشقه الله لايعير علينا
ممتاز وكامل؟ لأ وانا بعد مو كامله
مثل مانا كنت متصوره
لأ
الحياه عمرها ماتيي علي التصورات والتوقعات بس يمكن لو يت علي هواي جان وصلت وياه اللي واصلته الحين
الحياه ماتيي علي توقعاتج وهواج وحساباتج
استخيري ربج
حكمي عقلج
وقيسي بقلبج واستغلي الفرص[/b]

انا وياها :wqedqw:
وزواج ترى عمره مايحد الطموح واذا على قولتج متفهم ويحب المره معنات راح يساعدج
والله يوفقج
ونشوفج في قسم العرايس اولا و قسم المتزوجات ثانيا وقسم الحوامل بعد ماتخلصيندراسه وتتوظفين ثالثا :sfg:

 

[بـاسي قــوي]

رد : كان ياما كان في قديم الزمان

حبيبتي باختصاار الزواج حلو و مر و حياتج اللي عايشتها بعد حلووه و مره ..

يعني لا تقولين انا بظل عانس اريحلي ,, يعني بتقنعيني انه حياتج الحين خاليه من المشاكل و كل اللي تبينه تحصلينه ؟؟ ماعتقد

كل شي فيه قيوود و بتواجهج مشاكل سواء متزوجه و لا لا .. و يعتمد على حظج بزوجج و لا تقولين حظي ردي لانه الله سبحانه كاتب لج هالشخص قبل لا تنولدين و مالج الا الدعاء حزتهاا اذا ماكان يساندج ,,

و صدقيني اذا انتي تبين شي من قلبج تسوينه يعني تسوينه لو بعد مده زمنية طوويله .. و على قولتهم مافيش حاقه تجي بالساهل و خصوصا طموحج و حلمج عيل ليش سمووه طمووح ؟ مو عشان تعدين مراحل وايد من حياتج و تواجهين صعووبات و تحديات لين توصلين لهالطمووح و تحسين بلذته من بعد معاناة ,,, استخيري و توكلي على الله و ماعليج شر انشالله