كان ياما كان في قديم الزمان

[Leann]

كان في بنت خطبها واحد

و البنت


رفضت

و عاشت عيشة سعيدة

تصدقون يا بنات ان هالقصة كانت تنقال لي و انا صغيرة و كبرت عليها و تعودت عليها و انا كنت و ما زلت اشوف الزواج نهاية لحياة البنت السعيدة

خل شوي اعرفكم على نفسي

انا طالبة جامعية عمري 21 سنة و كنت دايما اقرا منتدى كويتيات اب صمت و لا عمري كتبت او شاركت لكن هالموضوع صارله فترة شاغل بالي و حبيت استشيركم فيه لأن ما شاء الله المنتدى مليان و اكيد فيه ناس مروا بتجربتي او عندهم خبرات بهالموضوع
ترددت وايد على ما اطرح الموضوع .. خفت من بعض الردود القاسية و صج في ناس ما ترحم و لكن بالنهاية توكلت على الله و حبيت استعين اب ناس من ثقافتي و ديني عشان يقدرون يحلون لي هالمشكلة

مشكلتي يا بنات اني رافضة فكرة الزواج الاآن و طول عمري كنت اقول البنت بالأول لازم تشتغل و تثبت روحها بعدين تتزوج و عقبها تقدر تبني حياة سعيدة مع شريكها

و دايما كنت استغرب البنات اللي يتزوجون في عمر صغير او للحينهم يدرسون .. و الله كنت افكر هذي البنت ليش ما تعيش حياتها و تستانس و بعدين تتفرغ حق عوار الراس

و المشكلة ان الجو المحيط كلللش مو مساعدني.. اهلي الله يخليهم لي خوش ناس و احب امي و ابوي وايد بس للأسف ساعات تصير هوشات و شجارات وايد جدامنا احنا العيال و هالشي مأثر فيني وايد
و أدخل قسم الحية الزوجية ..و يالهووووووووووووووووووووووي صج الله يعين البنات على مشاكلهم

من قبل فترة تقدم لي شاب يصير لنا من بعيد و هالصبي مثل ما ينقال انه ما يتطوف و خوش واحد و يحط الحرمة على راسه و يحترمها و يدلعها و انا قعدت معاه بالشوفة الشرعية و صج تبينت من هالشي
و الحين أهلي يضغطون علي لان الصبي ما ينرد ​

و لكن صاحبتكم راسها يابس :23_asmilies-com: كلش مو مقتنعة بالزواج قبل لا اتخرج من الجامعة و اتوظف
وصرت افكر و ادور و ابحث و ادرس

يا بنات و الله اني رحت دورت ابحاث عن الزواج من جامعات و قمت اقراها
قمت اقرا كتب
لا لا مو الكتب اللي خبري خبركم
كتب تاريخ .. عن نشأة الزواج و عادات و تقاليد الزواج بالشعوب و غيرها من الاشياء اللي ممكن تساعدني اني اغير وجهة نظري عن الزواج

تدرون شنو لقيت؟؟؟
دراسة من جامعة امريكية - ما اذكر اسمها الحين - تفيد بان الزواج فيه فائدة كبيييييييييييييييرة

للرجل!!

الرجل المتزوج اكثر سعادة من الرجل الأعزب
الرجل المتزوج اقل كآبة من الرجل الاعزب
الرجل المتزوج مفيد للمجتمع اكثر من الرجل الاعزب
الرجل المتزوج يعمر اكثر من الرجل الاعزب

الخ.

الحين وين المشكلة ؟؟؟
المرأة المتزوجة اقل سعادة و اكثر كآبة و تعيش اقل من المرأة العانس

اي اي بالظبط فاهميين علي؟؟ خلاصة هالدراسة انه الزواج مفيد جدا للرجل ... لكنه العكس تماما للمرأة


و الله اني تعبت و يمكن اسلوبي شوي غريب لاني ماعرف اعبر بالعربي وايد اعذروني خواتي و تحملوني شوي

الله يخليكم .. ابي احد يقنعني بالزواج
ابي احد يقولي اني اقدر احقق طموحي حتى لو تزوجت
ابي احد يقولي اني الزواج مو عائق و حجر عثرة في
ريح نجاحي و التزامي نحو وظيفني
ابي احد يقولي اني لا تزوجت راح اكون اكثر سعادة و ماراح اتحسر على العز اللي عايشة فيه ويا هلي

و الله اني مادري شسوي اخاف اوافق على الريال و اتحسر بعدين و اتذكر القصة القصيرة اللي كتبتها اول الموضوع
و اخاف ما اتزوج و اعنس على قولة اخواني لاني عمري 21 سنة و ما قط احد خطبني او حتى كلموا اهلي او سألوا عني

ساعدوني بنات و فيدوني بتجاربكم و اللي تعرف وحدة كبيرة تزوجت و اهي تدرس و صارت دكتورة او مهندسة او حققت طموحها و فادت بلدها الله يخليهم ودي اتواصل وياها

انا الحين عندي قناعة انه اذا ما تزوجت راح احقق طموحي و اتخرج و اشتغل و ارفع راس بلدي و اهلي

ابي احد يقولي انه هالشي ممكن مع زوج

و بلا مبالغة اتجرأ و اقول
زوج عربي خليجي ... !:nocommint:

نشكر لكم حسن استماعكم ..

 

[ضايعة بدنيتي]

رد : كان ياما كان في قديم الزمان

حبيبتي ربي يسعدك ويهنيك ويوفقك ..

اول شي .. انا فاهمة عليك وفاهمة وجهة نظرك . انا لما كنت بعمرك كنت اقول نفس الكلام وكنت متأثرة كثير بالتفكير الي نقدر نقول عنه اجنبي . لان هالفكرة اساسها الاجانب . اني اخذ الشهادة الي ابيها واني اشتغل واكون نفسي واثبت مكانتي بالحياة وبعدين الزواج . اذا كان الزواج بيعيق كل هذا ف افضل اني ما اتزوج لانه راح يهدم كياني !! هذا تفكيرنا . المشكلة ان عقب ما تمر السنين راح تشوفين كل شي بنظرك هو المهم وله الاولوية الحين بهالوقت الحاضر... راح يكون اقل اهمية واقل اولوية بعدين . انتي بنت . عمرك الي قاعد يمشي ما راح يرجع . شوفيني انا . كان عندي سبب خلاني ما ارتبط بذاك الوقت وانا الحين عمري 25 . السبب هذا كبير ومهم وقلب كياني . ولكن بعد كنت اقول لنفسي نفس الكلام الي انتي تقولينه لنفسك . كنت اقول انا مو مستعجلة على الزواج لازم اكون لي كيان خاص فيني يعني الرجال فيه امان لو ما فيه امان انا ماني خسرانه شي انا شايلة نفسي بنفسي .اجل ليش اتزوج !! الزوج ستر وحماية وامان . وبعد كم سنة لما تشوفين كل صديقاتك تزوجوا وصاروا امهات قلبك راح ياكلك على الاطفال . وصدقيني باب النصيب اذا انفتح وتسكر صعبة ينفتح مرة ثانية وفي النهاية كل شي بإيد الله سبحانه. انا لما كنت بعمرك الخطاطيب كل واحد احسن من الثاني وانا اقول لا والف لاااأ . والحين لما شفت الواقع هو شنو ندمت بس بعد بنفس الوقت انا عندي عذر . ولكن انتي حرام تضيعين عمرك و وقتك . زوجك وحياتك وبيتك شي خاص فيك انتي الي تشكلينهم مثل ما تبين . انتي الي بتحددين ان كانت حياتكم بتكون مستقرة ومو مثل علاقة والدتك و والدك . انتي الي راح تأسسين نظام معين لحياتك وتمشين بيتك على هالنظام . انتي الي راح تكونين المسؤولة عن بيتك. صدقيني عمر الزواج ما كان عائق للدراسة طول ما كان عندك زوج متفهم . واذا جا رجال وكفو ليه توقفين نصيبك وتقولين لأ لسبب ابدا ما هو قوي . انتي شرطي عليه وقولي له هذي مطالبي ان وافق كان بها ما وافق خلاص ما حصل نصيب . قولي له انا بكمل دراستي وبشتغل . اذا كان هذا هو الي شاغل بالك تقدرين تطمنين نفسك ولا تحاتين ان شاء الله كل شي راح يصير بخير. يعني البنت شتبي في النهاية ؟ ما تبي واحد يعزها ويرزها ويصونها ويحميها ويستر عليها ويحترمها ؟ اذا لقيتي واحد فيه هالمواصفات كيف تفولين له لأ ؟ صدقيني راح تندمين لو رفضتي للأسباب الي انتي ذكرتيها . سألي مجرب. شوفيني انا الحين عمري 25 وكل ما اكبر سنة يقلون خطابي وحتى مواصفاتهم و مميزاتهم تقل . انا من رأيي انك تستخرين مرة ومرتين وثلاث وتشيلين هالافكار انتي بس متأثرة بالجو عندكم بالبيت بس دائما تذكري ان انتي مو امك ولا الي بتتزوجينه هو ابوك كل واحد له شخصية وعقلية غير . مثل ما قلت لك انتي الي تحددين نوعية حياتك . طول ما بين اي اثنين احترام متبادل ف السعاده اقرب لهم . ادعي ياقلبي واستغفري كثر ما تقدرين وابتعدي عن افكار الاجانب ترى مع الوقت وبعد ما تمر السنين راح يرجع عقلك للواقع الي انتي عايشه فيه . شوفي حياتك وتاكدي ان الزواج ما راح يكون عائق بالعكس ممكن يكون دافع وممكن هالشخص يشجعك اكثر على انك توصلين لهدفك . ربي يوفقك ويسوي لك الي فيه الخير والصلاح وان شاء الله تبشرينا بالاخبار الحلوة .

 

[بنت الرويلي]

رد: رد : كان ياما كان في قديم الزمان

حبيبتي ربي يسعدك ويهنيك ويوفقك ..

اول شي .. انا فاهمة عليك وفاهمة وجهة نظرك . انا لما كنت بعمرك كنت اقول نفس الكلام وكنت متأثرة كثير بالتفكير الي نقدر نقول عنه اجنبي . لان هالفكرة اساسها الاجانب . اني اخذ الشهادة الي ابيها واني اشتغل واكون نفسي واثبت مكانتي بالحياة وبعدين الزواج . اذا كان الزواج بيعيق كل هذا ف افضل اني ما اتزوج لانه راح يهدم كياني !! هذا تفكيرنا . المشكلة ان عقب ما تمر السنين راح تشوفين كل شي بنظرك هو المهم وله الاولوية الحين بهالوقت الحاضر... راح يكون اقل اهمية واقل اولوية بعدين . انتي بنت . عمرك الي قاعد يمشي ما راح يرجع . شوفيني انا . كان عندي سبب خلاني ما ارتبط بذاك الوقت وانا الحين عمري 25 . السبب هذا كبير ومهم وقلب كياني . ولكن بعد كنت اقول لنفسي نفس الكلام الي انتي تقولينه لنفسك . كنت اقول انا مو مستعجلة على الزواج لازم اكون لي كيان خاص فيني يعني الرجال فيه امان لو ما فيه امان انا ماني خسرانه شي انا شايلة نفسي بنفسي .اجل ليش اتزوج !! الزوج ستر وحماية وامان . وبعد كم سنة لما تشوفين كل صديقاتك تزوجوا وصاروا امهات قلبك راح ياكلك على الاطفال . وصدقيني باب النصيب اذا انفتح وتسكر صعبة ينفتح مرة ثانية وفي النهاية كل شي بإيد الله سبحانه. انا لما كنت بعمرك الخطاطيب كل واحد احسن من الثاني وانا اقول لا والف لاااأ . والحين لما شفت الواقع هو شنو ندمت بس بعد بنفس الوقت انا عندي عذر . ولكن انتي حرام تضيعين عمرك و وقتك . زوجك وحياتك وبيتك شي خاص فيك انتي الي تشكلينهم مثل ما تبين . انتي الي بتحددين ان كانت حياتكم بتكون مستقرة ومو مثل علاقة والدتك و والدك . انتي الي راح تأسسين نظام معين لحياتك وتمشين بيتك على هالنظام . انتي الي راح تكونين المسؤولة عن بيتك. صدقيني عمر الزواج ما كان عائق للدراسة طول ما كان عندك زوج متفهم . واذا جا رجال وكفو ليه توقفين نصيبك وتقولين لأ لسبب ابدا ما هو قوي . انتي شرطي عليه وقولي له هذي مطالبي ان وافق كان بها ما وافق خلاص ما حصل نصيب . قولي له انا بكمل دراستي وبشتغل . اذا كان هذا هو الي شاغل بالك تقدرين تطمنين نفسك ولا تحاتين ان شاء الله كل شي راح يصير بخير. يعني البنت شتبي في النهاية ؟ ما تبي واحد يعزها ويرزها ويصونها ويحميها ويستر عليها ويحترمها ؟ اذا لقيتي واحد فيه هالمواصفات كيف تفولين له لأ ؟ صدقيني راح تندمين لو رفضتي للأسباب الي انتي ذكرتيها . سألي مجرب. شوفيني انا الحين عمري 25 وكل ما اكبر سنة يقلون خطابي وحتى مواصفاتهم و مميزاتهم تقل . انا من رأيي انك تستخرين مرة ومرتين وثلاث وتشيلين هالافكار انتي بس متأثرة بالجو عندكم بالبيت بس دائما تذكري ان انتي مو امك ولا الي بتتزوجينه هو ابوك كل واحد له شخصية وعقلية غير . مثل ما قلت لك انتي الي تحددين نوعية حياتك . طول ما بين اي اثنين احترام متبادل ف السعاده اقرب لهم . ادعي ياقلبي واستغفري كثر ما تقدرين وابتعدي عن افكار الاجانب ترى مع الوقت وبعد ما تمر السنين راح يرجع عقلك للواقع الي انتي عايشه فيه . شوفي حياتك وتاكدي ان الزواج ما راح يكون عائق بالعكس ممكن يكون دافع وممكن هالشخص يشجعك اكثر على انك توصلين لهدفك . ربي يوفقك ويسوي لك الي فيه الخير والصلاح وان شاء الله تبشرينا بالاخبار الحلوة .

اضم صوتي لصوت الاخت وانا معاها بكل كلمه كتبتها
والله يوفقك ويوفقها ويوفق الجميع يارب

 

[حـوريـه]

حبيبتي الله يهديج ويرزقج الزوج الصالح والوظيفه الزينه

تضمنين عقب لاتوظفتي وكونتي نفسج واشتغلتي وضمنتي مستقبلج ؟
يجيج عريس ؟ بمواصفات هاللي جاج الزين اللي ماينتطوف على قولتج

تخيلي معاي مستانسه وتخرجتي ونطرتي وتقدم لج واحد عساس الوقت المناسب
وخذيتيه .. لانج مقنعه نفسج بالوقت .. مو بالنصيب

جا وقت اللي انتي ودج تتزوجين فيه
وخطبج فلان وخذيتوا بعض ..والحمدالله وظيفتج و ثبتي نفسها فيها وكونتي مستقبلج الحمدالله
لكن
للاسف طلع انسان فاشل يهدم مستقبلج وكلشي بنيتيه
انسان غير متعاون مايساعد
شخصيته اكس
مايقدر المره
ما يحشمها
عنده المره نـكره ..
تخيلي فقط
ساعتها بتتمنين انج راضيه باللي خطبج واللي فيه المواصفات الزينه لو ماكملتي دراستج بتكملينها معاه
كل الناس جذي
وابشرج يكملون ماستر ودكتوراه عادي



ليش تسيئين الظن وتبحثين عن اعذر
ماكو احلى من زوج يساندج بدراستج وتكوين مستقبلج ويكون واقف معاج بكل صعابج

لاتردين النصيـب خصوصه لاكان لئطه
لان الحين شايفه حال الشباب صعب تلقين الزين بينهم اللي يحط المره على راسه
فالله يوفقج ويرزقج كل ماتتمنينه

ولاتبحثين وتقرين
ياما ناس بحثت وقرت والنهايه عكس بحوثاتهم وتجاربهم
والنهايات تعيسه .. لان الشخص اللي بتاخذينه شخصيه مستقله
الكاتب مايدري عنها الكاتب معمم مو مخصص .. يمكن شخصيه بعيده كل البعد عن اللي يتكلم عنها الكاتب

ولعلمج الاجانب يعيشون عزابيه مع صديقاتهم لسن الاربعين وينجبون تالي يفكرون بالزواج
يعني يرتبطون وينجبون وكل شي وعايشين مع بعض .. واحلى عيشه
آخــــــــــــر شي يتزجون استغفرالله ؟؟
وهم صارلهم عشرين سنه عايشين وشاربين وماكلين ونايمين بنفس البيت ؟ لا وجايبين عيال ؟


المره بحاجه لرجال يدعمها يساندها يسندها
وماكو احسن من الزوج المتعاون الطيب الحبوب اللي يشجعج ويكون لج الدافع والمعين

عشان تضمنين حياة افضل ولانج تبين تكلمين مستقبل وتثبتين نفسج
اتفقي مع اهله وخل يشوفون شوره بهالموضوع وشنو وجهة نظره عشان ترتاحين نفسيًا وتتطمنين

 

[Leann]

ضايعة بدنيتي
أشكرج حبيبتي على ردج و الله يوفقج و يسهل امورج يا رب
بالنسبة للنقاط الي ذكرتيها .. أنا حاليا أولوياتي دراستي و شغلي و كوني ارفض الزواج فهذا لاني اخاف ان الزواج ممكن يوخروني بعيد عن طموحي .. ما اتصور نفسي اكون الام اللي تضحي .. لان ضحيت وايد عشان اوصل للي أبيه و ما بي الزوج او العيال يجبروني على التضحية او اني اغير اسلوب حياتي
و بالنسبة للاستخارة و الله انا اعرف وايد ناس استخاروا و ارتاحوا و انتهوا بالطلاق .. بس ان استخرت مرتين و ارتحت فيهم لكني للحين متضايقة و خايفة من الزواج .. ودي لو اقدر اجمع بين شغلي و زواجي بس و الله عقلي يقولي هالشي مستحيل يااني انقي الطموح او الزواج .. اثنينهم ما يمشون ويا بعض

بنت الرويلي
أشكر مرورج الكريم اختي و ما قصرت ضايعة بدنيتي

حُـوريَّـه
مشكورة اختي بس انا ما اطلع اعذار .. انا و الله هذا اللي اشوفه
مثل ما في احتمال انه واحد مو زين يخطبني بعد التخرج .. هم فيه احتمال انه واحد زين يخطبني
يعني النسبة اهيا 50% 50% ما في احتمال فوق الثاني !
و بالنسبة للأجانب انا عشان جذي حاولت اخذ راي ناس من ثقافيتي .. لان منظمومة الزواج عند الاجانب غير عنا
و كونهم عايشين ويا بعض و يسوون كل شي المتزوجين يسوونه هذا بحد ذاته زواج لكن ليس قانوني فانا ماخذت اسلوب حياتهم و طبقته هنيه انا مجرد اني اخذت دراستهم و ابحاثهم عن الزواج السعيد و اسباب الطلاق
صج انهم مجتمع غير لكن راح تتفأجين بمدى تشابه الافكار من ناحية الزواج السعيد و اسباب الطلاق و انا خذيت هالابحاث من بره لان للأسف بالعالم العربي ما عندنا كتب دراسات جذي
انا فاهمه ان الشخص اللي ابي اخذه غير عن كل الناس .. لكن هذا احتمال ضئيل . وايد بنات واعدوهم ازوجواهم ان يكملون و بالاخير محد وفلا بوعده و انا خايفة هذا اللي يصير لي
مابي اوصل لمرحلة اني اضحي باحلامي عشان انقذ زواجي ​

 

[يا ليل مطولك]

حبيبتي انا بسألج سؤاااااال وانتي من خلال اجابتج على هالسؤال بتعرفين مفتااح مشكلتج

منو الاهم عندج بعد 10 سنين .. العياااااال وتسمعين كلمة ماما ولا وظيفه محتررررمه دكتووره ؟؟؟؟؟؟؟؟؟؟


اذا اخترتي الثااااااني فاسمحيلي انتي ما تفكرين بالاستقرار ابداااااااا

فرضنا انج صرتي دكتووووووره وحققتي كل طموحاتج وبعدين ؟؟ اذا رجعتي البيت وانتي هلكانه من الشغل تبين احد يخفف عليج بتحصلين لاااااااااااا .. اجتمعتي مع رفيجاتج الدكاتره وكانوا يسولفوووون عن اعيالهم والاماكن الي يشترون ملابس عيالهم منها والخ


شراح يكووووون شعوووووورج ؟؟؟

صدقيني ترا فطرره الامومه موجوده عند كل الحريم ..

لا تقولين انا ما احب الاطفال


حبيبتي باختصااااااااار المره لو تاااخذ اعلى الشهادات وتحقق كل طموحاتها مالها غنى عن حياتها الاسريه زوجها وعيالها

والاطفاااااال هم احباب الله ليش تحرمين نفسج من هالنعمه ..



وعلى فكررررررررره عمررررررره الزواج ماكان عائق لتحقيق الطموحات اشكثر اعرف بنات ماشاءالله تزوجوا وهم توهم في بدايه الكليه وكاهم تخرجوووووا وعاااااااادي



بعدين ترا اختيار الزوج المناسب له دووور يعني هذا اول خاطب يتقدم لج .... سألووووا عنه صلي استخااااره

اذا الكل يمدحه وانتي ارتحتي حراااااااام يروووح من ايدج ترا هالزمن البنت صعبه تلقى زوج صالح

وبعدين انتي ما ودج يكوووون عندج بيت بروحج .. مملكتج الخاصه

فكررررري فكررررررري عدددددل

وعسى الله يكتب لج الي فيه الخييييير يااااااااااااااااااارب ...

 

[فطفط نجد]

اللـــهــ يهديسرج وتوافقين على هالريال
انا اختج فطفوطه تخرجت وتوظفت وبعدني ماتزوجت ولاني يائسه م رحمه ربي لاني عادني صغيرة بس كنت اتمنى اني اكون متزوجه من قبل بس قدر الله وماشاء فعل


نصيحه لااااااترفسين النعمه واااافقي على الريال......


ومبروووووووووووووك مقدما

 

[•Brown•Sugar•]

بنت خالتي كانت مثل تفكيرج بالضبط بس تدرين شنو الفرق بينج وبينها؟

ان قصتج توها بدت واهي قصتها انتهت

شلون انتهت قصتها؟

انا اقولج

اهية كانت متفوقة بدراستها وتخرجت من الثانوي واهيمن الاوائل ع الكويت وهم حلوه ماشاءاللة موناقصها شي

وبهالفتره كل مايتقدم لها ولحد ترفضه

ماهمها لا شهاده ولا منصب ولا عايلة كل همها شهادتها وبس

سافرت امريكا درست طب وتخرجت وارجعت الكويت بايدها الشهاده (دكتوره نساء وولاده)

واول ماردت كانت ناطره الخطاب لكن للاسف محد طق الباب

فقررت تكمل بعد دراسه

وفعلا ردت امريكا كملت بعد وردت واهي باعلى اعلى المناصب ورفعت راس امها وابوها

واهي مستانسه لكن فيها شي مكسور لان عمرها صار كبير وخواتها كلهم تزوجوا وعيلوا

ومره بنت اختها قالت لها انتي وين بنتج وزوجج خليتيهم بامريكا ورديتي بروحج؟

ابتسمت < حسيت انها تصرخ من داخل ندمانه حيل

وللحين ناطره واملها باللة كبير انها تتزوج واهي بالثلاثينات

بس شنو الفرص اللي يتقدمون لها؟

ماتلاقي واحد بعمرها اعزب وتوه مفكر يستقر

يا مطلق يا فية علة يا يبي يتزوج على مرتة

حرااااااااااااااام ياناس توقفون نصيبكم ع شان ورق

وكل شي مفكره تسوينة الحين شرطي على اللي متقدملج توصلين له

مثلا ابي اكمل دراستي وابي اتوظف و و و

وربي يوفقج يابنت الناس ويكون هالريال من نصيبج

 

[بنت شيخ]

بنات ما قصرووا كفوو ووفووو

 

[ياشوقي للجوري]

رد : كان ياما كان في قديم الزمان

الزواج قسمة ونصيب ما يردة لا دراسة ولا غيره
انا اعرف بنات تزوجوا وتالي كملوا
وهم فية بنات كملوا تالي تزوجوا يعني كلة نصيب
واعرف بنات خلصوا الثانوي وقاعدين ينطرون نصيبهم وبعدهم ماتزوجوا
لا تقولون ردتهم وتالي تحسفوا قولوا الله ماكتب نصيب
اذا تبين رايي استخيري ثم وافقي اذا تيسرت امورج الحمدلله واشرطي علية الدراسة
بس لازم تحطين في بالج انج راح تتحملين مسؤوليتين الزواج والدراسة
واذا الله ما اكتبة الله يكتب لج الي احسن منة كملي دراستج وانت مرتاحة
اول واخير كلة نصيب

 

[( المـلاك )]

حبيبتي مو شرط تتوظفين عشان تتزوجين
لانج انتي مو مسؤوله عن اعاله البيت
الريال اهو اللي راح يصرف عالبيت
فالوظيفه لج انتي مالها شغل بموضوع الزواج انتي البنت مو الريال بهالموضوع
و من ناحيه الدراسات حبيبتي مو كل شي صح ولا كل شي ينطبق عالكل
انتي بس لانج تفكرين وايد صايره تحاتين
و من ناحيه المشاكل اللي تشوفينها عن اهلج و عن قسم الحياه الزوجيه
حبيبتي هذي الدنيا يوم حلو و يوم مر
و كلهم بيمرون
و مو شرط حياتج تكون تعيسه مثل غيرج
و هم مو شرط حياتج توب و مافيها نقص

و بالاخير هذي سنه الحياه
و دام ياج النصيب و خوش ريال
توكلي على الله

و عسى الله يوفقج =)

 

[lovely jojo]

اختي اذا كان الرجال زين استخيري وشوفي نفسج ولا توسوسين حيل بسوالف الدراسات وجذي ومو كل شي ينطبق علينا كعرب..

 

[يوآش يوآش]

انا رايي من رايج صاحبة الموضوع : )


وان شالله اللي مجربين بيردون عليج..

 

[sweet cake]

انا حاليا رايي من رايج.. بس مو بالضبط

انا لو منج والشخص بمواصفات مميزه جدا اقول له شروطي اللي انا راسمتها لحياتي بالمستقبل واذا وافق وضمنت انه وافق هني استخير كم مره واشوف..



شوفي معنى كلمة نصيب مو بس الزواج.. النصيب معناها اللي ربج كاتبه لج سواء انج تتزوجين ولا ما تتزوجين ابد وهالشي بعلم الغيب




شغله ثانيه .. لازم تعرفين عدل شنو تفكيره وهل هو راح يساعدج على تحقيق طموحج ولا لأ..
يعني اعتقد شكثر يعرفون دكتوره لطيفة الكندري زوجة الدكتور بدر ملك .. هي كملت دراستها قبله وكان مساعدتها على هالشي وبعدها كمل .. لكن اللي نعرفه انها هي اللي بدت تكمل دراستها العليا مع انه متخرج قبلها .. يعني شوفي هالدكتوره طلع زوجه متفهم واول شي كان مرافق لها وبعدها كمل

شوفي اللي متقدم لج يساعدج ولا يبي يقول لا اقعدي ومادري شنو

 

[بحور الصمت]

السلام عليكم

حبيبتي صاحبة الموضوع
انا ابي انصحج نصيحة
من واقع تجربة
انا لما كنت في عمرج اصلا فكرة الزواج هذي مو براسي ابد
كل همي دراستي وبس
وكنت متفوقة
واخذت احسن الشهادات
وكان عندي الدراسة اهم من الزواج
اهم من الاستقرار
اهم من الزوج الصالح


بس
مسرع ما تمر الايام
واخذت احسن الشهادات العلمية بس البنت تظل بنت
تغيرت الاولويات
لما وصل عمري نص العشرينات بديت احس اني محتاجة الزوج والبيت
وتمر السنين
وخاصة لما الحين على ابواب الثلاثين
صدقيني
اكثر اللي ايولي اما متزوج او مطلق او اعزب بس فيه عيوب

لا شك ان الله هو الرزاق
بس احنا لازم نبذل السبب

الرسول صلى الله عليه وسلم اوصانا
اذا اتاكم من ترضون دينه وخلقه فزوجوه الا تفعلوا تكن فتنة في الارض وفساد عريض

تاملي كل كلمة في هالحديث وفكري فيها زين
تظنين ان الزواج عائق؟؟
الزوج اذا كان زين عمره ما يكون عائق بالعكس دافع

لا تعرضين نفسج للندم
لا تعرضين نفسج لكلام الناس
ولا لنظراتهم
ولا لنغزاتهم
ولا للحزن لما تشوفين نفسج يمر العمر فيج وانتي وحيدة

انا اقول لج وهذا رايي
اذا كان الريال فعلا شروة
اذا كان مصلي مسمي خايف ربه ومتاكدة عدل من دينه واخلاقه وشفتي امج وابوج مرتاحين له
نصييييحة من اختج لا تفوتين الزين
استخيري
وادعي
وتوكلي على الله

صدقيني ممكن ايي يوم تندمين على رفضج لكل خاطب كفؤ بحجة الدراسة
ياما بنات متزوجات والحمدلله ماشين بدراستهم
صح يبيله شوية مجهود زيادة ممكن
مع ان لي وجهة نظر في هالموضوع

بس مع تنظيم الوقت ومساندة الزوج وتوفيق الله قبل كل شي تمشين وتتفوقين بعد

الكلام وايد
والتجربة اللي انا اعيشها لحظة بلحظة ويمكن وايد في بنات غيري مثلي يعرفون شنو اقصد لازم تستفيدين منها ولا تطيحين بمطب (تكوين الذات)
..
هذي نصيحة مني
من انسانة عاشت تجربة معينة


والحمدلله اولا واخرا

 

[ضايعة بدنيتي]

رد : رد: كان ياما كان في قديم الزمان

ضايعة بدنيتي
أشكرج حبيبتي على ردج و الله يوفقج و يسهل امورج يا رب
بالنسبة للنقاط الي ذكرتيها .. أنا حاليا أولوياتي دراستي و شغلي و كوني ارفض الزواج فهذا لاني اخاف ان الزواج ممكن يوخروني بعيد عن طموحي .. ما اتصور نفسي اكون الام اللي تضحي .. لان ضحيت وايد عشان اوصل للي أبيه و ما بي الزوج او العيال يجبروني على التضحية او اني اغير اسلوب حياتي
و بالنسبة للاستخارة و الله انا اعرف وايد ناس استخاروا و ارتاحوا و انتهوا بالطلاق .. بس ان استخرت مرتين و ارتحت فيهم لكني للحين متضايقة و خايفة من الزواج .. ودي لو اقدر اجمع بين شغلي و زواجي بس و الله عقلي يقولي هالشي مستحيل يااني انقي الطموح او الزواج .. اثنينهم ما يمشون ويا بعض
​

حبيبتي انا وربي فاهمتك وفاهمة مبدأ الاولويات الي تفكرين به بس صدقيني وهذا وعد مني اذا بقيتي على رايك مع الوقت اولوياتك هذي راح تنقلب فوق حدر مع الايام . طيب خليني ناخذ نقطة نقطة. كيف الزواج بيأخرك عن طموحك ؟ اذا الشخص الي اخترتيه شخص واعي ومتفهم وله نفس الاهداف ويفتخر بالزوجة الناجحة .. كيف هالشي راح يوخرك عن طموحك ؟؟؟ بعكس ما راح تحسين انك لحالك وراح تحسين ان لك رفيق درب مشى معاك من البداية وراح يكون معاك للنهاية . وبعدين منو قال لك لما تصيرين ام راح تضحين بكل الي تطمحين له ؟ انتي لما تتزوجين الشخص المناسب هو راح يكون معك عالحلوة والمرة . حياتكم راح تكون شراكة . مو بس انتي فيها . ومثل ما قلت لك انتي الي تتحكمين بأسلوب حياتك كيف راح يكون . وبعدين مو شرط اول ما تتزوجين على طول تعيلين . صبري فترة لحد ما تتعودين على حياتك معه وتضبطين امورك بين بيتك وزوجك واذا كان هو شخص متفهم بالعكس راح يساعدك ما راح يكتم طموحك ويقتله الا راح يكون له يد بتحقيقه . بالنسبة للإستخاره ف الخيره فيما اختاره الله . انتي تستخرين وتسوين الي يمليه عليه عقلك وقلبك . ومثل ما قلت لك لازم تاخذين بالاسباب . يعني هذول الي استخارو وارتاحوا وبالنهاية تطلقوا.. وين الغلط و وين السبب ؟ ممكن يكون فيهم هم شخصيا هم ما عرفوا ينجحون بعلاقتهم مع شريكهم ليه تقنعين نفسك بأن الزواج نقمه . ياقلبي نصيحة وربي من اخت لأختها الصغيره .. شيلي فكرة الزواج والطموح ما يجتمعون . كاهي بنت خالتي ربي يسعدها ويوفقها .. كانت من الاوائل على دفعتها وكاهي تدرس تخصص حيل صعب ويتطلب منها كثير وبنفس الوقت انخطبت وخطيبها ربي يحفظه متفهم كثير واصلا هو يبيها توصل عشان يشوف ان هذي البداية الصح . هذي الي راح تكون ام عياله والي راح تربيهم وتعلمهم وتثقفهم من احسن ما يكون. انتي ليه تستعجلين خليها بس خطوبة مو شرط على طول زواج . قعدي فترة درسيه ودرسي اخلاقه ونظرته للحياة وشوفي طبايعه ولا تكونين سلبية . عطي نفسك فرصة ترى وربي مثل ما قالو البنات الاشخاص الزينة بهالايام ما تلقينها الا بالموت .

حبيبتي فكري زين وشيلي من راسك فكرة الزواج والطموح ما يلتقون . في بنات كثييييير يدرسون ومتزوجين ومرتاحين بحياتهم . المهم انك تختارين شريك حياتك اختيار صح .مو تختارين واحد مافي اي توافق فكري بينكم لان كذا تقدرين تقولين انه طموحك راح يقتله زوجك او زوجك راح يقتله طموحك . يعني لازم تختارين شخص صح . عشان نظريتك هذي ما تتحقق . وربي يرزقك بالخير كله ويهنيك ويسعدك ويارب تبشرينا انك صرتي عروسة .

 

[كبرياء أمراه]

حبيبتي مع انه الزواج شر لا بد منه بس انا انصحج فيه

صح انه عندج طموح وتبين اتسوين اشياء وايد بحياتج
بس حبيتبي الزوج العدل والزين والله ثم والله هو اللي يدفعج للامام ويعطيج طاقه وقت اللي انتي يأستي
صدقيني وعن تجربه
حبيتي لا تنظرين للزواج نظري للزوج اللي بتاخذينه
الزوج واخلاقه هيا اللي تتحكم بالحياة الزوجيه وتخليها سعيده او تعيسه
وبصفتي وحده صج مااعرفج بس من كلامج حسيته انه هالريال يعتمد عليه
يعني ما فيه سبب ينرفض
وبالعكس لين عرستي بتحسين انج ضفتي شي حلو لحياتج موب هم

وبالنسبه للدراسه...

حبيبتي المرأه بصفتها عاااطغيه جدا جدا مايهمها الفعل كثر القوول ودايما حساسه وهالشي يقصر العمر
عكس الريال واقعي ..

اتمنى اكون افدتج

 

[غمزه وإبتسامه]

ااااااااااااااااب

 

[لولاكينو]

تبين الصراحه انا مثلج بالضبط


بنت جامعيه خايفه من الزواج !!!!

انا اخاف اني اذا تزوجت وانا ادرس وتخرجت وابي اكمل دراسة الماجستير والدكتوراه يعااارضني زوجي ومايرضى!!
مرات اقول : اشرط على اللي يبي يتزوجني وانا للحين ماتخرجت انه يوافق اكمل دراستي بعد التخرج بس هم اخاف لان شكثر وقت الخطبه (اي اي راضين واللي تبي حاضر) وبعد الزواج كل شي تغير <صارت بأختي ...

انا مستقبلي اهم شي عندي .. بس هم افكر واقول لو بقيت طول عمري عانس ماما وبابا الله يطووووووووووووول بعمرهم ويخليهم لي مو داييمين لي واخواني وخواتي متزوجين فباجر عسى الله لايقوله وين بروح وادري انا الحين قاعدارفض اللي يتقدمولي وباجر راح اتحسف

بس تدرين شلون ؟!!!

>>> نعيش حياتنا حالنا حال البنات زواج ودراسه بالجامعه والله اللي كاتبه بيصير <<<

<ولو اني مو مقتنعه بس احاول اقص على روحي:$

 

[منو انا]

بنت خالتي كانت مثل تفكيرج بالضبط بس تدرين شنو الفرق بينج وبينها؟

ان قصتج توها بدت واهي قصتها انتهت

شلون انتهت قصتها؟

انا اقولج

اهية كانت متفوقة بدراستها وتخرجت من الثانوي واهيمن الاوائل ع الكويت وهم حلوه ماشاءاللة موناقصها شي

وبهالفتره كل مايتقدم لها ولحد ترفضه

ماهمها لا شهاده ولا منصب ولا عايلة كل همها شهادتها وبس

سافرت امريكا درست طب وتخرجت وارجعت الكويت بايدها الشهاده (دكتوره نساء وولاده)

واول ماردت كانت ناطره الخطاب لكن للاسف محد طق الباب

فقررت تكمل بعد دراسه

وفعلا ردت امريكا كملت بعد وردت واهي باعلى اعلى المناصب ورفعت راس امها وابوها

واهي مستانسه لكن فيها شي مكسور لان عمرها صار كبير وخواتها كلهم تزوجوا وعيلوا

ومره بنت اختها قالت لها انتي وين بنتج وزوجج خليتيهم بامريكا ورديتي بروحج؟

ابتسمت < حسيت انها تصرخ من داخل ندمانه حيل

وللحين ناطره واملها باللة كبير انها تتزوج واهي بالثلاثينات

بس شنو الفرص اللي يتقدمون لها؟

ماتلاقي واحد بعمرها اعزب وتوه مفكر يستقر

يا مطلق يا فية علة يا يبي يتزوج على مرتة

حرااااااااااااااام ياناس توقفون نصيبكم ع شان ورق

وكل شي مفكره تسوينة الحين شرطي على اللي متقدملج توصلين له

مثلا ابي اكمل دراستي وابي اتوظف و و و

وربي يوفقج يابنت الناس ويكون هالريال من نصيبج

انتي فكري بالمستقبل
انا اعرف ناس بعد ماتزوج سافرت هي وزوجها يكملون دراسات
وبالنسبه للدراسات اللي شفتها انتي قريت دراسه عن امريكا يعني دول اجنبيه تفكيرهم غير عنا ومشرط تطبق بالكويت