mi$$ alkuwait
New member
~[ انهــــيآر ..]~
رسل كانت جالسه في غرفتها لحالها ..
كانت تقرأ مصدووومة من كل المصايب الي سوتها العقرب..
كل هذا صار بسببها ؟؟
رسوب دلع وشوق ..
قصة بدر وفجر !!
إصابة زايد وهو يلعب ..
حآدث جهآد ..
مصآيـــــــــب ..
خطط فظيعة ..
يعني لو أكبر وزير حربية موز ي كذا يفكر ..
والأهــــــــم ..
شهد .. مجاكرتها لشهد ..
وسالفة زايد يوم دخلت عليه بالغرفة ..
يوم سافرت الشرقية ..
والأخطــــر ..
كرهها لخالد ..
يعني رسل عمرها مافكرت إن الجوهرة تكره خالد ..
الحقيرة كانت تمثل بامتياز ..
والحيــن ..
بتنفذ خطتها عشان تخسر شركة خالد ..
حبيبها المجهول ..
والفلوس الي بتسرقها ..
والولد الي بتخطفه ..
قامت رسل من مكانها وهي مرعووووبة ..
هذي شيطان ..
روحها روح شياطين في جسد بشرية ..
كيف رح تقدر توقفها عند حدها؟
وكل هذي مصايب الجوهرة ؟
كيف رح تقدر تحمي أخوها وتكشف ألاعيب مرته؟
كيـــــــــف ..
فكرت رسل وفكرت ..
وآخر شي اتصلت بفجــــر ..
فجر: هلا وغلا بأحلى من خلق ربي ..
رسل: هلا جوجو .. اسمعي بقولك شي مهم ..
فجر: شالسالفة رسل ؟؟ انتو بخير ؟؟
رسل: ايه ايه .. كل الناس بخير .. بس شسموو ..
فجر: ايش ؟؟؟ قلقتيني ..
حكتها رسل كل القصة ..
فجر: الحقييييييرة .. المنحطة الواطية بنت الكلـــب .. وقحة .. وقحة .. آآآآآآآآآآآآآآآآآآآه ..
رسل: بس بس .. عورتي إذني ..
فجر: وش بتسوين؟
رسل: مدري .. اتصلت عليك عشان أسألك ..
فجر: وقصم إنا حقيرة واطية .. ماكنت أعرف ..
رسل: أنا بعد .. بس دليني يافجر تكفين ..
فجر: وش أدلك فيه ؟ روجي لعمي أبو خالد بسرعة وقوليله ..
رسل: لالا أفكر أقول لزايد ..
فجر: لا ياغبية .. لازم الكبار يعرفون بالسالفة ..
رسل: مدري خايفة ..
فجر: أجل استنيني لين أجي .. اليوم طيارتي ..
رسل: كذااابة جد؟؟ حمآآآآآس .. يلا نستناك .. متى الوصول؟
فجر: الساعة 9 الليل ..
رسل: الحمآس .. خلاص رح أستناك ..
فجر: وأنا بقول لجهاد .. على طول من المطار لبيتكم .. وأوريك فيها الحقـــيرة ..
رسل: أوووكيه يلا باي ..
فجر: باي حياتي ..
قفلت رسل من فجر وهي متطمنة ..
ومتأكدة إن كل شي رح يكون تمآم ..
لأن الموضوع في يد الفجـــر ..
ماتخاف من شي ^_^ ..
~[ غنـى النفـس ..]~
سمر: مدري ايش .. ومدري ايش قلبي عليك مدري ايش ..
شهد: هههههههههههههه مافهمت شي ..
روعة: من أول مابديتي وانتي مدري ايش مدري ايش ..
شهد: هههههههههههه من جد ..
سمر: يوووه عمى .. المهم انه حلو ..
روعة: مدري .. أحس ذوقك مش ولابد ..
سمر: عمــى .. من زين ذوقك عااااد ..
روعة: وشفيه ذوقي؟؟ أنا الي اخترتك لنواف ..
سمر: ههههههههههههههههه ايه هين ..
روعة: هههههههههههههه .. يلا روحي بس .. والله ان ذوقي توحفة ..
شهد: بس بس .. كلكم أذواقكم تحفة ..
صـــمـــت ..
شهد: بنات ؟
سمر وروعة: هلا ..
شهد: ليه احنا فقراء ؟؟
سمر:.......!!!
روعة:..........!!!
سمر: سؤال وجيــهـ ..
روعة: احنا فقراء بالفلوس .. بس نفوسنا غنية يابنت العم ..
سمر: هيييييييه .. من وين جات بنت عمك؟
روعة: أوص انتي مايخصك ..
شهد كانت تضحك ..
وفعلاً زي ماقالت روعة..
هم فقراء بالفلوس ..
لكن بالضحكة هم أغنى الأغنياء ..
مافيه ذيك المشاكل الي ببيت أبو خالد وأبو بدر ..
مافيه هذاك التكبر الي في الأغنياء ..
مافيه الحواجز الي تمنعهم من التعامل على طبيعتهم ..
مافـــيه شي ينكد عليهم ..
هذا هو الغنــــى بعينه ..
وبكذا حصلت شهد جواب سؤالها ..
ورجعت تضحك مع الي حولها ..
~[ حضآرات .. ]~
زايد: شوشوووو أبسألك ..
راشد: شوشو في عينك يادب ..
الشباب: هههههههههههههههههههههههههههه ..
راشد: إسأل ياعمي ..
زايد: كنت بسألك ..
راشد: طيب الي بعده؟؟ وين السؤال ؟
زايد: شسموووو ..
راشد: بتتكلم ولا على أقرب زبالة ؟
زايد: ههههههههههههههههههه .. كنت بسألك تبغى شاهي؟
راشد: الله يخس ابليسك ياووووووووصخ ...
زايد: ههههههههاي ..
الشبآب: هههههههههههههههههههههههه ..
خالد دخل: السلام عليكم ..
الكل: وعليكم السلاااااااام ..
خالد جلس جنب راشد ..
خالد: ايوه ياراشد؟؟ حكينا ..
راشد: عن ايش مثلاً ؟
خالد: يعني .. عن الدنيا هناك كيف كانت ..
راشد: آآآخ ياخوي .. جنة الله في أرضه ..
خالد:أهم شي إنك انبسطت هناك ..
راشد: الحمدلله .. يوووه فاتكم يالشباب ..
الشباب: ايـــــــش ؟
راشد: هناك فيه حي للعرب .. من كل الأشكال ..
سوريين .. مصريين .. إماراتيين .. وحتى سودانيين ..
الناس هناك متطورة .. عقليتها متفتحة .. بس أكيد فيهم انحراف ..
ماجد: وانت الي عاجبك الانحراف ..
الشباب: هههههههههههههههههههههههه ..
راشد: هههههه لا والله حرام عليك ..
خالد: يعني كيف حي للعرب ؟
راشد: يعني كل الي في الحي عربي . مطاعم .. أسواق ..
ناس .. كله عربي × عربي .. وحتى عودتنا والمستكة وهالأشياء موجودة .. بس على الحي تشديد ورقابة ..
زايد: ليش؟
راشد: لأنهم عرب .. ماخذين فكرة عن العرب انهم ارهابيين ..
ومتشددين .. وعندهم الدين يعني قتل .. صح المعاملة هناك مش ولابد ..
بس الي يروح يستآآآآآآآآآآآآآآآآنــس ..
بعدين الحضارات الي عندهم كثـــيرة جد ..
يعني من الآشورية الي سارقينها .. للمتاحف الفرعونية ..
وحضارة الهنود الحمر .. ومتاحف للحضارة الأندلسية .
كل شي هناك .. كل شـــي .. حلـــو ..
زايد: الله يرزقنا روحة زي كذا ..
راشد: هههههههههههههههه لاء .. انت لو رحت بتخرب ..
زايد:ههههههههه دب ..
مرت السهرة دردشة ونقاشات ..
حتى وفجأة ..
سمعوا صوته ..
لالا مو صوته ..
صوت عكآآآآآزهـ ..
طلعوا كلهم لاستقباله ..
الي يضم والي يبوس ..
والي يبارك ويهني ..
والي متفاجئ ..
والأهم .. راشد ..
يوم شاف جهاد بكى ..
هذا جهآآآآآآآآآآد ..
صديق طفووووووووووولتهـ ..
هذا روحه .. الثانية ..
ذا أغلى إنسآن على قلبه ..
هذا الي عاش معاه أحلى أيام عمره ..
تضاربو .. وتخاصمو .. تشاكسو ..
أزعجوا خلق ربي وضربوا وانضربو ..
هذا الي لما مات أبوه .. ركض على راشد يبكي عنده ..
هذا أغلى شخــص عرفه راشد ..
جهاد فتح فمه .. ودمعت عينه ..
بكوا ..
وركضوا لبعض ..
ركضوا من جد .. ضموا بعض .. ويبكوووون ..
والشباب متأثرين ..
طبعاً عدا ماد الي مسكها تعليقات خخخخخخخ ..
كم لهم ماشافوا بعض؟
سنــــــــــين طويلة ..
اشتاقوا لبعض مووت ..
لما زايد كان يتكلم مع راشد ..
ماقاله إن جهاد صار أعرج ..
راشد يفكرها عرضية ..
مايدري إنه من سنين .. والإصابة دائمة ..
جلسوا وتقهوو ..
راشد: ايوه ؟؟ وش أخبارك ياصاحبي؟
جهاد: أبد .. مثل ماتشوف .. تزوجت خخخ .
راشد: هذا أهم شي عندك يالداشر ..
جواد: هههههه .. جهاد من يومه مشفوح ع الزواج ..
راشد: ههههههههههه تعلمني فيه ؟
جهاد: هههههههههه لا والله .. والله ماندري مين الي راح برا وتزوج ماقدر يتحمل لين يرجع ..
ولا الثاني الي محير البنت يخاف يعجز ومحد يتزوجه ..
جواد وراشد فطسوا ضحك على جهاد الي انحرج خخخ ..
راشد: والله مشتاق لك .. بس وش ذا؟ سلامات .. هذا قبل الزواج ولا بعده ؟
جهاد: هذي؟ الله يسلمك هذي من يوم سافرت بعدها بأسبوعين ..
راشد انصدم ..
جهاد: يعني الحين أنا معاق رسمي .. ههههههههه ..
ضحكة ألـــم ..
طلعت من جوااااااااااااااا .
من أعماق أعماق جهآد ..
والكل فهمها ..
وراشد دمعت عينه .. كيييييييف؟
خشآر .. كان أسرع ولد فيهم ..
كان ينط نط وهو يسابق ..
تحسر على أيامه مع جهاد ..
راشد: أجر وعافية ..
جهاد: عادي .. نسيت إن لي رجلين أصلاً .. الحمد لله ..
راشد حزن من قلب على تعليق جهاد ..
بس سكت ..
طيب نترك جهاد وراشد مع ألمهم ..
ونروح لناس ثانية ..
~[ كشـــف الزيف ..]~
دخلت فجر للبيت ..
وماتلاقي إلا الجموع الغفيرة مجتمعة عندها ..
يسلمون عليها ويباركون لها .
ومبسوطين عليها ..
والكبار يضمونها ويبسونها ..
ووحشتينا ومشتاقين ..
والجدة منيرة بكت ..
وتمسح دموعها بشرشفها الأبيض ..
وفجر تهديها ..
فجر: يووه ياجدة خلاص لاتبكين ..
منيرة: وه يالغالية .. أخيراً رجعتي .. فقدتك ..
ضمتها فجر ..
الي كانت أول من الجدة ..
يعني هي ماشاء الله طويلة ..
وضمتها وصارت جدتها في حضنها ..
والبنات يضمون فجر ويضحكون ..
فجر شافت الجوهرة الي لوت فمها من دخلت فجر ..
فجر: مرحبا يامرة خويلد ..
الجوهرة: أهلين .. الحمد لله ع السلامة ..
فجر: الله يسلمك .. رسل .. هاتي الي عندك..
رسل طلعت لفوق ..
وأخذت فتر الجوهرة .. نزلت وحطته بيد فجر ..
والكل يطالع مستغرب ..
إلا الجوهرة الي فتحت عيونها ع الأخير ..
وخآفت ..
لا مو خافت ..
ارتعـــبت ..
فجر: تغطوا .. خالد وعمي أحمد بيدخلون ..
الحريم سووا الي تقوله فجر ..
وتغطوا كلهم ..
ورسيل نادت أبوها وأخوها ..
طبعاً رسيل وأسيل مايدرون شالسالفة ..
بس يسوون الي تقوله رسل . وفجر تطالع بمكر ..
مبسوووطة ع الي بيصير ..
طبعاً هي بالموت تحصل فرص زي كذا .. خخخ
دخل أبو خالد وخالد ..
مستغربين شالسالفة ..
فجر: تفضل ياعمي اجلس ..
جلس أبو خالد ..
وجلس وراه خالد ..
وفجر طبعاً جلست ..
يعن يتقريباً الكل جلس ..
والجوهرة تنزل دموعها لا إرادياً ..
وفجر بكل برود الدنيا ..
فتحت الدفتر ..
وبدأت تقرأه حبه حبه ..
ولما خلصت قفلته ..
وتناظر خالد الي يبكي ..!!!!
خآلد يبكــــــــي!! ؟
مصدوم ..
هذي هي الجوهرة؟
تكرهني؟
تخدعني؟
سوي كذا في عيلتي؟
هذي هي الجوهرة ؟؟
أبو خالد زفر زفرة قوية ..
معــــصب حده ..
ويناظر خالد الي يبكي ..
هذا في حياته مانزلت دموعه ..
حتى وهو بزر ماكان يبكي ..
هذآ خــــــــآلد ..
والجوهرة تطالع فيه ..
وتهز راسها ..
وكأنها تقول مو دفتري .. كذابة ..
الكـــل مصدوم ..
يطالع في الجوهرة ..
كل المصايب الي كانت تحل عليهم ..
هي السبب فيها ؟
كــــــل شي بتدبير منها ..
هي الي رسلت الرجال الي يصدم جهاد ..
هي الي اتصلت في بدر على أٍساس إنه أخته تحب ..
هي الي حطت المسمار في جزمة زايد ..
هي الي سرقت معلومات المناقصة من شركة أبو خالد للشركة المنافسة ..
كل شي بتدبيرها هي ..
قامت أسرار بهدوووووء معتاد ..
وصفعتها كــــف ..
وزاد بكى خالد ..
كانوا يسمعونه وهو يبكي ..
كانوا مقهورين عليهـ ..
وخالد يبكي بألم من جد ..
ويأشر لأسرار إنه لا تضربينها ..
كذب .. كل الي حوله كذب ..
خالد قام ..
مسك دفتر الجوهرة من يد فجر ..
وقطعه ..
شق كل صفحة فيه ..
ونثر أوراقه ..
خالد بأعلى صوته: انتي طآلق ..
طآلق ..
طآلق
طآلق
طآلق ..
صدى كلمته ترن في أذون الكل ..
فرح ممزوج بصدمة ..
الكل مبسوط على حركة فجر ..
بس حزينين على خالد ..
الي كان يبكي فعلاً بشكل هستيري ..
مصدوميـــن كلهم من الجوهرة والي سوته ..
يعرفون إنها لئيمة بس مو شيطآآآنة ..
ومصدومين من خالد الي يبكي .. يبكي !!
ماكنت أصدق في دموع الرجاجيل ..
لين شفت الدمع يملي عيونه ..
طلع برا وتركهم ..
ولحقه زايد وجهاد الي سمعوا كل شي ..
أما الجوهرة ..
بكت .. وسال الكحل على خدها ..
وجلست ع الأرض وهي مو مصدقة ..
حرام كذا ..
حرآآآآم ..
ماكان باقي شي ..
خلاص .. شوي وتاخذ الفلوس والولد وتروح ..
شوي وتفلس شكرة خالد ..
وتاخذ فلوووووووووووووس من الي محرضها ..
شوي وتطلع من البيت منتصرة ..
بكت ..
وقامت بعدها .
مسكت كاسة ورمتها على فجر ..
وجات في راسها ..
الي نزف نزف نزف لييي قال بس ..
وطاحت ع الأرض من الضربة ..
رسل راحت للجوهرة وضربتها ..
مقهوووووورة منها ..
صارت تلطش فيها هي وشوق ..
الين ماأبعدتهم أم شوق عن الجوهرة ..
وأسرار جرت لها ..
واتصلت في جهاد بس ماكان يرد ..
الجوهـــــرة ..
تطلــــقت ..
وفجـــــر طايحة ..
الجدة منيرة اتصلت في جهاد ..
وأخيراً رد ..
خبرته وهو ماااات من الخوف على بحيبته ..
جا بأسرع شي عنده ..
وحملها ووداها للمسشفى ..
راحت معاها أمها وأختها قمر ..
أما في بيت أبو خالد ..
الجوهرة ركضت لغرفتها .. لمت أغراضها في شنطة وشالت نواف..
ونزلت الدرج بسرعة تبغى تطلع من البيت قبل لا يسوون فيها شي ..
لأن باين بعيونهم غــضب فظيع ..
وخصوصاً منيرة ..
نزلت ووقفت أم خالد بوجهها ..
أم خالد: وين رايحة وشايله ولدي معاك ..؟
الجوهرة ببكى: هذا ولدييييي .. ولدي أنا .. مو ولدكم .. هذا يبغاااني .. نايف حياتي وروحي ومارح تاخذووووه مني .
أم خالد: حول ولا قوة إلا بالله ..
منيرة: انتي ماتفهمين؟؟ هذا ولدنا .. وانتي تطلعين برا الحين ولا أجي الحين أدوس في بطنك .. حنان خذي الولد ..
تقدمت حنان وأخذت نايف والجوهرة تصيح بألم ..
تبكي من قلبها .. حاولت تهرب فيه بس ماقدرت ..
منيرة: اطلعي برااااااااااااااااااا ..
الجوهرة ركضت لبرا وفتحت الباب ..
طلعت وراحت مع السواق ..
مايدرون وين راحت ..
يمكن بيت أهلها ..
بس راحت ع العموم ..
والكل جالس مصدوم ..
الكـــــــــــــــــل ..
مقهور ..
أجل كل شي صار فيهم من تحت راس هالحية ؟؟
انعل أم القهر الي زي كذا ..
طلعت الجوهرة ..
وفي بالها صورة خالد وهو يبكي عليها ..
تأثرت كثـــير بهالموقف بالذات ..
تذكرت نايف وبكت ..
بكت دم ..
متنــــدمة .. تبغى نايف ..
تحــبه ..
الوحيد الي حبته في دنيتها مع خالد ..
حطت في راسها إنها رح ترجع للبيت هذا ..
غصـــب عن الي مايرضى ..
~[ الأموات الأحيآء .!. ]~
جهاد: الله يلعنهااا .. حقيييييرة .. أوريكم فيها الآآآه ..
أسرار: هدي حبيبي هدي ..
جواد: شوي شوي ياجهاد .. مايصير كذا .. احنا في المستشفى .. وفيه ناس مرضى ..
جهاد: آآآآخ .. وقصم بموت من القهر ..
شوق: طيب كلنا بنموت من القهر ..
أسرار: بس شوق ورسل وروها نجوم الظهر ..
جهاد: كفو بنات العم ..
فهد: ياربي .. تأخروا جوا ..
جهاد: مدري ياخوك .. تعال نشوف وش صار ؟
فهد: انت خليك جالس .. مو ناقصين تطيح .. وقفت كثير اليوم .. أنا بروح أشوف .. شوق تعالي ..
راحت شوق مع فهد ..
ودقوا الباب ع الغرفة الي فيها فجر ..
طبعاً هذي أول مره تصير ..
بس جد كانوا قلقانين عليها ..
الهبلة رمتها بكاس ..
المهم .. طبعاً الممرضات ولا معطينهم وجه ..
آخر شي فهد دق الباب بقوة خخخ ..
وطلعت النيرس وشوي تطب في بطنه ...
فهد: ليه ماتردون؟
النيرس: انت ايس بي؟ مزنون هدا ؟ وانتي يامدام . لي مايكلم زوزك ؟ كلاس .. روه ..
فهد: الله ينعنك يالهندية .. أقول كيفها البنت ؟
النيرس: انت مين ؟
فهد: أنا ولد خالها .. خلصيني ..
النيرس: ماتري .. الهين نهنا سوي نكل دم ..
شوق: ياحيآآآآتي يابنت عمتي ..
جات منيرة ومعاها أم بدر ..
منيرة تبكي: وينها ؟؟ وينها بنتي ؟؟ حسبي الله عليك ياجويهر .. حسبي الله على خالد الي دخلها بيتنا ..
أم بدر: جهاد حبيبي كيف بنتي ؟؟
جهاد يسلم على عمته: لا تخافين ياعمة .. إن شاء الله كل شي تمام ..
فهد كان يناظر جهاد ..
وكأنه يقول: كيف تعرف؟ انت أصلاً خايف عليها ومحتاج أحد يقولك هالكلمتين ..
فهد: لاتخافين ياعمة .. النيرس تقول ينقلون الحين دم ..
منيرة: جعل الدم ينزف من جويهر لين تطيح وماعاد ترجع حية هالحية ..
جهاد: هدي يايمه .. قام جهاد يسلم على راس جدته ..
لكن عكازه طاح ..
وهو طاح وراه ..
حس بالنـــقص ..
شعووور مؤلم يابنات ..
يحس نفسه مو زيهم ..
ليه هو غير ؟
حرام والله حرام ..
كان سريع .. ي الغزال ..
كان لاعب .. زي زايد ..
كانت رجله ذهبية ..
بس الحين ماااافيه أي استجابة منها ..
قهـــر ..
حس نفسه ناقص وهو يناظر فهد الي تقدم يساعده ..
وجواد الي يسمي عليه ..
مآت من القهـــر ..
قام بمساعدة الشباب ..
وفهد عطاه العكاز ..
تسند عليه .. وسلم على جدته ..
ورجع جلس مكانه وهو بيموت من القلق ..
أخيـــراً .
طلعت الدكتورة ..
وراح لها جواد: هاه دكتورة كيفها ؟
الدكتورة: منيحة كتير الحمدلله .. هلأ فيها تطلع ..
جواد: جد والله؟؟ مشكورة ماقصرتي ...
الدكتورة تنحت في جواد الي كان وسيــم ..
الدكتورة: واجبنا ياإستاز ..
شوق انقهرت من اللبنانية ..
شوق: فهد روح الله يلعنها بتاكله بعيونها ..
فهد: وزوجك بعد مو مقصر ..
استحت شوق ..
ياربي قد ايش حلوة كلمة زوجك >> لوووول ..
راح فهد وسحب جواد الي تورط ..
وسأل الدكتورة .. كان باين ملامح صدمة وانزعاج ..
بس محد عرف وش صار .؟
لأن جواد راح للجماعة قبل لا ينصدم فهد من الشي .
الي مدري وشو خخخخخخخخخخ..
جواد: أبشركم ياجماعة .. تقدر تطلع اليوم ..
جهاد: .................
يبغى يقوم ..
يبغى يركض ..
يبغى يصرخ هي بخير ..
ويركض لها يضمها ..
يبغى هو الي يسندها مو هي ..
يبغى يرجع حـــــي ..
جهاد: طيب يلا .. نبغى نخلص الإجراءات عشان تطلع ..
فهد وجواد فهموا قصده ..
هو رجاء بطريقة غير مباشرة ..
فهد: أنا بروح أخلصها من عيوني ياولد العم ..
جواد: لاء أنا ..
فهد: أنا حجزت قبلك ..
جواد: تراها بنت عمي ..
فهد: وبنت عمي بعد ..
جواد: بس أنا أكبر منك ..
فهد: سناً لا عقلاً هع ..
جواد: هههههههههههههه .. طيب .. نردها ..
راح فهد يكمل إجراءات وخروج وسالفة ..
ولما طلعت فجر ..
أخذت فهد على جنب ..
سألته وخبرته وطلبته ..
ماندري شالسالفة .. بس عاد شنقووول ؟
مالنا دخــل ..
وطلعوا كلهم متوجهين لبيت أبو خالد ..
إلا فهد وفجر وجهاد ..
فجر ماكانت تتكلم أبد من يوم خرجت من المستشفى ..
حتى يوم قالها جهاد الحمد لله ع سلامتك ماردت ..
اكتفت بابتسامة حريرية جرت على وجهها الناعم ..
وفهد الي كان يسوق فيهم ..
مايدري ليه جهاد اليوم تعبان أكثر من الطبيعي ..
المهم ..
وصلهم للبيت ..
فجر وفهد سندوا جهاد وطلعوه ع الدرج ..
فلة جهاد كانت كبيرة ..
فالدرج كان مره مره مره مره مره طويـــل ..
المهم ..
طلعوه للغرفة ..
وطلع فهد بعد ماتطمن عليهم ..
جهاد ع السرير ..
مستغرب صمـــتها ..
فجر ؟؟ تسكت ؟؟!!
ماأدري .. بس حس إنه شي غريب ..
كانت تسرح شعرها ..
كان قصـــير حده ..
يعني نفس ماهو ..
بس يمكن طال 2 سانتي ..
نقطتين يعني .. بس مازال بوي ..
جهاد: حياتي ؟
فجر التفتت عليه ..
جهاد: اشفيك ياعمري؟ ليه ساكتة ؟
فجر:...... مدري .. مافيه شي أقوله ..
جهاد: غررررررريبة .. أول مره تصير ..
فجر: جود ..
جهاد: يالبيه ..
فجر: طلقـــني ..
جهاد:!!!!!!!!!!!!!!!!!!!!!!!!!!!!!!!!!!!!!!!!! نعم ؟
فجر: الي سمعته ..
جهاد: فجر انتي بعقلك ؟؟ اش صار ؟ أنا زعلتك في شي ؟
فجر: لاء .. مازعلتني .. بس أنا .. آآآهـ ..
كانت آه عميقة ..
أعمق من آلام جهاد ..
أكبر من غرور دلال ..
أحلى من جمال شوق ..
أقوى من مرض أسرار ..
أعلى من صراخ خالد ..
كانت غيــر .. مميزة ..
راح لها جهاد بعكازه ..
ضمها بيد وحده لأن الثانية مشغولة بعكاز .
جهاد: حياتي .. فجر .. جعل الآه فيني أنا يالغلا ..
فجر دفته: غبي غبي غبي .. لاتقول كذا .. والله أزعل ..
جهاد: انتي تحبيني .؟ ولا أنا أتوهم ؟
فجر: طبعاً أحبك .. أف .. أنا أموت فيك اهئ .. بس .. أووووف .. آآآآهـ ..
جهاد: حياتي وش صار ؟
فجر: ولا شي .. بس كذا ..
جهاد: ..............................
فجر:......... أنا أحبب.. أحببب ... أحببب .. وجع مو راضية تطلع الكاف ..
جهاد: ههههههههههه ..
بعد صمت ..
جهاد: أجل يوم انك تحبيني .. ليه تبين تتطلقين ؟؟
فجر كشرت ثاني وجلست ع التسريحة تكمل ..
مع إنه شعرها كله على بعضه 5 سانتي ..
وناعم أصلاً .. بس مشطته .. وحطت جل ..
وراحت للسرير .. تغطت وغمضت عيونها ..
آخ بـــس ..
أبموووت ياناس..
ياربي خذني بقربك .. أنا تعبت من الحياهـ ..
ماعاد أبعيـــش ..
ياربي تاخذني عندك .. يااااارب ..
جهاد قام على عكازه ..
واتجه للتلفون ..
رفع السماعة ..
فجر: وش بتسوي؟
جهاد: بتصل على فهد ..
فجر: فهد! .. هالوقت ؟
جهاد: ايه . أنا شفت على وجهه صدمة يوم يكلم الممرضة .. وصدمات وانزعاج يوم يكلمك ..
فجر توترت: ليه تكلمه؟؟ حرام تقلق راحة الرجال ..
جهاد نزل السماعة: يعني بتتكلمين ؟
فجر: مافيه شي أقوله ..
جهاد: لافيه شي .. وإن ماسمعت هالشي منك بسمعه من فهد ..
فجر: بس أنا . آآ ..
جهاد: طيب .. نتصل يجينا ..
فجر مسكت السماعة وقفلتها ..
فجر: خلاص .. أنا راح أقولك كل شي ..
جلسته على السرير ..
وبدت دموعها تجري ..
جهاد حس إن الموضوع خطير ..
جهاد أشرلها جنبه: تعالي هنا ..
راحت فجر وجلست جنبه ..
فجر أخذت نفس طويييل ..
جهاد مسح دموعها وضمها وهو يمسح على شعرها ..
صارت متكية عليه نسبياً ..
وتكلمت وهي تبكي ..
وهو كل شوي يمسح دموعها الي تنزل .. وهي تتكلم ..
فجر: أولاً .. آآهـ ..
وتبكي ويمسح دموعها ..
فجر: مو عارفة من وين أبدأ ..
وتبكي .. وجهاد يمسح دموعها ..
جهاد: من البداية ..
فجر: بس .. مـ .. ماأدري وين البداية ..
وتبكي ويمسح دموعها برقة ..
جهاد: البداية هي أول شي تتذكرينه لما تبغين تبكين ..
فجر: آآهـ .. أنا مو أنثى .. أنا مو حلو صوتي .. أنا مو حلوة .. أنا مو دلوعة .. أنا أحبك ومابيك تتعذب .. وآخر شي .. أنا عقــيم ..!
جهاد انصدم ..
وهي بس شافت تعابير وجهه ..
ماااااتت من البكي ..
صارت تايهة بعيونه ..
تدور شي يطمنها .. شي يقولها أنا مارح أتخلى عنك ..
شي يقولها إنتي أكبر من إنك تكونين آلة تفريخ وبس ..
لكـــن ..
جمود غير طبيعي اجتمع بعيون جهاد ..
ليــــه ياجود ؟ ليـــه ؟
فجر بقوة مع دموعها : وعشان كذا لازم تطلقني ..
جهاد:............ طلاق ماأطلق يابنت الناس ..
فجر:............بس .. مارح يون لك عيال ..
جهاد: أنا تزوجتك عشانك فجر .. مو عشان عيال . وبعدين أنا مابي عيال يجون يشوفون أبوهم معاق ..
فجر بسرعة: قص بلسان الي يقول إنك معاق ..
جهاد ابتسم وهي انحرجت ..
جهاد: وانتي أنثى لا أقوم أمحطك بالعقال .. وغصب عنك حلوة وصوتك جنان ..
ومامعذبني إلا الصوت فديته وفديت راعيته ..
بعدين جديدة ذي أحبك .. يلا تعالي حكيني كيف ابتدا الحب وتنامى هع ..
فجر ابتسامة راحة ..
مع دموع ألم ..
مع ضمة حب وامتنان ..
وجهاد يبتسم بهدوووووووووووء حلو عليه دايم ..
بس للحين ..
فجر من الأموات الأحياء ..
لاهي عايشة .. ولا هي ميتة ..
لا صوت ..
ولا أنوثة ..
ولا دلع ..
ولا عيال ..
مافيها شي يجبر جهاد يعيش معها ..
والي مجننها سالفة العقم ذي ..
كيف ومتى ؟ وليه ؟
وآضح كثــير إن فجر تعذبت في حياتها ..
تعذبت موت ..
ياترى بيجي يوم وتخلص من هالعذآب ..
لأنها بجد صايرة من الأموات ..
بروحها وعقلها ..
وحية بجسدها بـــس ..
والحب الي يكبر بقلـــبهآ ..
هذي الشيين الي تدل على وجود حياة فيها ..
~[ الفــــقد .. ]~
دلال ..
في غرفتها زي الأميرة ..
جالسة ببيجامتها الصفرا ..
غرور يكسيها ..
من راسها لأخمص قدميها ..
وحطوا خطين تحت أخمص ^_^ ..
دوبه جواد طالع من عندها وهو يقول مغرورة ..
وقبلها بنص ساعة ..
صاحبتها لمياء .. رمت عليها نفس الكلمة ..
مغرورة ..
هذي البنت يمكن انخلقت من الغرور ..
والصراحة ..
كان معاها حق لا اغترت ..
جميــلة .. جادة .. متفوقة دراسياً ..
ولها نظرة مرعــبة تسكت ..
وإذا أمرت كله يتنفذ ..
كانت تكره الدلع ..
أبد ماتحب تكون مدلعة ..
وهذا الشي معطيها هالة من الغرابة ..
الأنوثة الممزوجة بعطر المرأة الناضجة ..
ماأدري ..
تركــيبة غريبة ..
وهي ضامة الدبدوب وتلعب باللاب ..
فتحت مسن ..
الي تبغى ايميلها فهو :
groooor@مدري وش دوت كوم هع ..
دخلت ع المسن ..
وحصلت ناس كثيرة ..
تعرفهم وماتعرفهم ..
قامت سوت حذف لكل الي عندها ..
لأنها تابت بعد الي صار معاها ..
يوم تحس إن مشاري جاي عشان يقول لاخوها عن مصايبها ..
بس حصلت إنسآنة ..
كانت متعرفة عليها من ورا خشمها ..
أصايل ..
بس شافتها بالصدفة في الحفلة ..
وتعرفت عليها ..
لأنها وقفت تسلم عليها مع مشاري ..
فتحت معها محادثة ..
تبغى تتطمن عليه ..
وش صار فيه من بعدها ؟
هي للحين تحبه ..
بس .. كانت تخاف ..
وهي تابت ..
بس تبغى تتطمن .. تحس إنه موجود في دنيتها ! .
أصايل كان نكها:
ضمها وأقفيت ..
ودلال كان نكها :
هذا مو غرور الي تشوفونه ..
هذي عزة نفسي في قمة تواضعها ..
مدري بس كأنه توقيع بقايا ؟ خخخ ..
معليه ع اللطش ياعمري ..
شسموو ..
هذا مو غرور الي تشوفونه ..
هذي عزة نفسي في قمة تواضعها ..
مرحبا أصووول ...
ضمها وأقفيت :
هلا وغلا والله .. إذا ماخاب ظني دلول ؟
هذا مو غرور الي تشوفونه ..
هذي عزة نفسي في قمة تواضعها ..
هههههه بشحمها ولحمها .. كيفك يادبه ؟
ضمها وأقفيت:
تمام ياعمري .. انتي كيفك ؟
هذا مو غرور الي تشوفونه ..
هذي عزة نفسي في قمة تواضعها ..
دوووم قلبوشتي .. أنا بخير .. بس حبيت أسألك ..
ضمها وأقفيت :
هلا قلبي آمري ..
هذا مو غرور الي تشوفونه ..
هذي عزة نفسي في قمة تواضعها ..
ناصر شخباره ؟
أصايل انصدمت ..
كيف للحين دلال ماعرفت ؟
قريب وتصير السنة من موته ..
كيـــف ماتعرف ؟
ضمها وأقفيت:
حبيبي دلول .. انتي ماتدرين يمكن ؟ بس ناصر الله يرحمه .. عطاك عمره .. مات ياروحي ..
بس وصلها الخبر جرت دموعها ..
هذا مو غرور الي تشوفونه ..
هذي عزة نفسي في قمة تواضعها ..
مات؟؟ كيف مات ؟ والعنود وينها الحين ؟ ومن متى هالكلام ؟
ضمها وأقفيت:
مات له حول السنة .. بسكتة قلبية أظن .. العنود طلعوها الديانة من بيت ناصر .. بس تزوجت من مشاري وعايشة ..
دلال انهارت ..
قفلت اللاب وضمت الدبدوب وبكت ..
بكت من قلب ..
هذا نآصر ..
كيف يموت ؟ ناصر الجبار .. مات؟
ليه يتركها لحالها ؟
هي تحبه ..
تموت فيه ..
من جهة ثانية ..
ارتاحت دلال نفسياً لأنه مات ..
ماتدري ليه ..
بس تحس إنها مرتاحة ..
يمكن كانت تفكر إن وجود ناصر خطر عليها ؟
ماأدري ..
المهم .. نامت هالليلة في أحضان الدبدوب ..
وهي تبكي بألم على ناصر ..
مو لأنه فارقها ..
هي عادي تعودت من يوم بطلت تكلمه ..
بس حزنت لأنها كانت تعرفه ..
كانت تحبه ..
وهو .. هو يمكن إنه مات على معصية ..
قامت وصلت ركعتين دعت فيها لناصر ..
يآرب توسع عليه قبره ..
يارب تجعل قبره روضة من رياض الجنة ..
يآرب تثبته عند السؤال ..
يآرب تغفر له ذنوبه ..
يآرب ترحمه وتنور قبره ..
طوت سجادتها ..
وقامت رجعت لدبدوبها وهي تبكي على ناصر ..
~[ عودة النبــضـ .. ]~
رسل: والله .. وقصم فااااتك .. شي جنااان ..
سمر: خصااارة .. وربي كان نفسي أجيكم .. كان عفصت خشمها الي مدري وش يبي ..
رسل: هههههههههههههههههه .. لا تخافين .. قمنا بالواجب أنا وشوووق ..
سمر: كفووو بنات الـ.... .. كفو والله ..
رسل: يوووه ياويلي .. نسيت رسيل في الغرفة تبغاني أكتب معاها .. باي ..
سمر: بايووو .. بروح أبشر الي عندي ..
قامت سمر بعد ماقفلت من رسل ..
وجري على تحت عند أبوها ..
طبعاً هي رجعت مابقي عند شهد إلا روعة ..
راحت لأبوها ..
سمر: يبه يبه ..
جابر: أمر ..
سمر: مايامر عليك ظالم .. يبه تكفى .. طلبتك .. نخيتك .. أمانة .. أحب رجولك ..
جابر: ههههههههههههههه وشو ؟
سمر: أبروح عند شهد يبه تكككفى ..
جابر: بهالوقت ؟؟ الساعة 12..
سمر: يبه .. تكـــفى ..
جابر: طيب يلا قومي البسي وأوديك ..
امت سمر وجري على بيت شوشو ..
وأول مافتح تركي دفته ودخلت >> عربجة ..
تركي: هلا ياعم تفضل ..
جابر: لا ياولدي أنا بروح .. بنتي أمانتك ..
تركي: من عيوني ياعم .. بس ع الأقل فنجال ..
جابر: والله ياولدي واصلة .. عيوني قامت تغمض بلحالها ..
تركي: طيب ياعم .. أجل تصبح على خير ..
راح جابر ..
ودخل تركي البيت ..
وهو يحب يدينه من حركات سمر ..
الي كانت رامية عبايتها في السيب خخخ ..
وعند البنات ..
سمر: شوشووو .. رووووروووو ..
شهد: لا إله إلا الله .. اسكنهم مساكنهم يارب ..
روعة: انتي من وين جيتي؟
سمر: على تراب أوص لين أكمل .. جويهر تطلقت كلولوولولويش .. طلقها خالد ..
شهد انصدمت .. اش صار ياترى ؟
لا أخفيكم إنه جزء منها كان منشكح ..
ماتدري ليه ..
والجزء الثاني كان خايف ..
روعة: حلفتك بالله جد ؟
سمر: والله .. ومباااركن عرس الاثنين .. ليلة خميس .. وو .. مدري وش قمرا ..
روعة: طيب ليه ؟
سمر: مدري .. سالفة دفتر .. مافهمتها زين من رسل .. بس إن شاء الله إذا جونا يحكونا كل شي ..
شهد: ونايف وين ؟؟ ولدي وين ؟؟
سمر: بنت اللذين كانت تبي تاخذه .. بس جدة منيرة لعنت خامسها ..
شهد زفرت بارتياح ..
شهد: عااادي مايهمني خالد ..
وكانت شهد تكذب على نفسها ..
وتحاول تصدق كذبتها إن خالد ماعاد يعنيلها شي ..
كيف ممكن الإنسان يحب شخــصين ياترى ؟؟؟
