كانت السالفه ضحك .. صارت جد .. ثم طلاق!!!!

[ست الحسن والجمال]

لاحول ولاقوة الا بالله

الله يصلحكم و
وتعديها على خير ويكون درس لكم
هالسوالف مالت مراهقين وانتو متزوجات المفروض ماترضون مثل هالامور

 

[قمر2009]

خلي صديقتكم تدق على زوج رفيجتها وتكلمه وتقوله اهيا صاحبه الموضوع وتعتذر ولا ترافجون هالاشكاااال

 

[شوشه ام كوشه]

هذا استهتار مراهقات تبون تهدمون بيت الرجال وتيتمون عياله وهو عايش عشان سفاهتكم
سبحان الله شوفوا ربي شلون قلبها عليكم
ولا انتوا شكو تشيشونها وتتحدون بلعب عشان تضيعون عايله كامله
يمكن انتي
الحين تحقدين علي بكلامي وردت فعلي بس والله واقسم بالله لما تجيبين عيال وتحسين بقيمه الضنا بتندمين على زله زليتيها بضحك

 

[نونه المنكوشه]

سبحان الله من حفر حفرلاخيه وقع فيه قلعتها تستاهل الله عطها على قد نيتها

 

[q8y-moon]

ولو ان المفروض اقولج قلعتها وزين يصير فيها بس هذا طلاق مو بس اهي بتضيع عيالها وسمعتها بعد بتضيع
حل واحد ماكو غيره
تقول لريلها يراسل حبيب ضديقتها سابقا بس مسجات ويستدرجه بالحجي علي بو هو صاحبه التلفون لين يتاكد اهو داز المسج لمنو
هذا اذا اقنعته واتوقع بيرد عليها بيقولها انج متفقه معاه لان خلاص دش الشك بينهم
الله المستعان

 

[UNICORNA]

حسبى الله عليكم انتم الثلاثه

كما تدين تدان والحمدلله انه ماتزوجها لانه اكيد يدرى انها مو محترمه

وطبعا المرء على دين خليله

 

[miss-toota]

استغفرالله السالفه حده قويه

شهالاستهتار اللي فيكم مو لهدرجه يعني وانتي غلطانه انج سكتيلهم

ماكو الا رفيجتج ام المشاكل اللي دقت على حبيبها ادق على ريل الثانيه واتوضحله انها مالها شغله وانه استهتار منها

تتعذر جانها تحب رفيجتها واتخااف على حياتها

ولو اني ما اعتقد لانه الشخص اللي حبته حيل على قولتها ما خافت عليه وعلى حياته

بتخاف على رفيجتج اللي بتتطلق ... بس الله ما يطق بعصى لا ادخلين نفسج لا اطيحين بمشاكل اكبر واكبر واييج طشاار

روحي كلمي اللي مو متزوجه وقوليلها ادق وتتعذر وبسسس هذا الحل الوحيد

وان شاءالله يكون درس تتعلمون منه ثلاثتكم

 

[ماركة انثى]

سبحان من حفره حفرة لاخيه وقع فيها

 

[DLW3A]

سبحان الله من حفر للااخيه حفره!!

 

[صبر الليالي]

لا حول ولا قوة الا بالله ايش الحركات التعبانه كسبتو ذنوب وخربتو بيوت ليه ليه كدا الفضاوه وما تسوي والله انربط لساني
الله يهديهم بس وانشالله ما يقصرو الباقين
وترى الحماقه مالها علاج

 

[زوجة عزيز]

اشهالضمير اللي على رفيجتج اعووذ بالله

 

[laish ya3ni]

لاحول ولا قوة الا بالله

شفتي شلون رفيجتج تبي تخرب بيت بنت الناس والسالفه ردت كلها على راسها

صج كما تدين تدان

معاهاااا.... ليش تسوي جذي قلعتها...اللهم لا شماته بس حركه وقحه اتحدى رفيجتها تكلم واحد متزوج ومعيل... ماراح ترضاها عنفسها ورضتها ببنت الناس اللي ما ضرتها !!!

 

[laish ya3ni]

واهي اصلن شلوووون تعطي رفيجتها تلفونها تدق فيه على ريال غريب ومتزوج! ماخاافت اهو يسويلها سوااالف !!!!!!!!!!

 

[Beauty is Me]

الله ما يطق بعصاا رفيجتج المتزوجه بغت تخرب بيت المتزوج اخترب بيتهااا بعرف ثلاثتكم ما فكرتو بعقاب الله ووليش ما نصحتيهم حرام والله الحين بيتين انظروووا
والله الزمن يخرع ورفيجتج المو متزوجه يا ويلها من الله بغت تخرب بيتين والله يستر على بيوت الناس والله اسفه على كلامي بس نص مشاكل الناس من سالفه ((تتحداااا ))

 

[بالقرآن اسمو]

من صجج هذول عادتهم رفايج
بس ريلج عارف رفايجج جذي وراضي
تستمرين معاهم
الله يستر علينا وعليج

 

[رضاهم جنه]

ادري انها غلطانه بس مابي يصير فيها جذي لان الموضوع كله على بعضه مجرد عبط و حجي فاضي

عبط وحجي فاضي :eh_s(2):

الحين يخربون بيوت خلق الله صار عبط وحجي فاضي يعني كل هذي فراغه ماعندهم شي يتسلون فيه غير خراب البيوت مافكرت لو زوجه الرجال الي قالت احبك تكون جنبه وتسمع !!!!
بس سبحان الله وقعت بالحفره الي خفرت لها

وانتي زني على زوجج خليه يكلمه حتى لو ماطلقها بتصير علاقتهم متوتره من هالسالفه وراح تصير مو ثقه عند زوجها

 

[~ بنت الهدى ~]

الله مايطق بعصااااااااااااااااااااا

 

[ليتني مـآ كبرت]

سبحان الله. من حفر حفرة لأخيه وقع فيها

رفيجتج متزوجة وهذا تفكيرها اتحداج تقولين اجبك

ههههههة اسمحيلي سوالف اطفال

 

[أُلَجّـۇۈۉهّـره]

سبحان الله , حوبت الرجال ومرته ماتعدتهم , وخليها تتحمل نتيجة لعبها وتحدياتها اللي مالها معنى , وبعدين انتي بنفسج تقولين ان البنت وقفت مع اهلها ضد الولد , الحين يوم شافته متزوج وعايش حياة مستقره , تقوم وتخرب حياته , خلاص الله ماكتب بينهم نصيب لي هاللعب اللي ماله معنى .

 

[njoom1]

يهال انتوا؟
تحملو نتجيتة سوالفكم البطاليه