السلام عليكم ورحمة الله وبركاته
اشلونكم بنات ... جهزتوا حق ولادتكم .. ترى مابقى شي
انا بالثامن وقاعدة اشطب حيل ثقيلة ومتاخرة
اول مرة اطب بهالمقلب بحملاتي السابقة كنت اخلص من السادس بس هالحملة حاشني برود
وبصراحة حق الجهاز ما أحب الشي المبالغ فيه بس أحب الزين .. وخصوصا انه مو كل يوم بييون ضيوف كلها يومين
أنا كان بخاطري الكاكاو من جوديفا والتوزيع اللي عند الطلعة يكون مكرون من لودري
يوم رحت جوديفا واللا لوعة مالقيت عنده كاكاو بمكسرات سنعة او حتى كريسبيس وتقول لي انتي اخذيه من الحين لان الكاكاو مانسويه فرش نطلبه من برا .. وانا مابي جذي احبه فرش
او تسوين اوردر بس مو اكيد يكون عندنا يعني انتي وحظج فشلته من بالي
او تسوين اوردر بس مو اكيد يكون عندنا يعني انتي وحظج فشلته من بالي
وسالت عن المكرون فقالوا لي موكل الناس يحبون المكرون فخليه عنج ..
ومالي خلق افتر .. عاد بنت عمتي عروس وعندها خبرة بالكاكاوات
قالت لي روحي الراية في محل يبيع كاكاوات حلوة روحي شوفيه يم عباية نجد
رحنا والله هناك تصميم المحل يشوق ولمادخلت سالني الهندي تبين كاكاو واللا حلو قهوة قلت له ابي حلو قهوة
عطاني صحن مشكل فيه كل شي قعدت على الكرسي وحطيت الصحن على الطاولة وبلشت مرحلة التذوق
وطلبت قهوة وماي
الكاكاوات طيبة وفيه مجال تنوعين بين الغلاف من برا من حيث اللون واذا تبين يشخطون بلون ثاني يعني ازرق ولادي او وردي بناتي
وقال لي عطيني الصواني مو مشكلة وانتي رايحة المستشفى اتصلي نحضر طلبج
طلبت صينية كاملة اوريو احس محد يقاومه وصينية كاملة ريد فلفيت وايد حلوة
والتوزيع عندهم صندوق حلو نفس نقشة المحل بس لونه وردي هذا اللي رددني
فاخذت الصندوق الشفاف وحطيت عليه شريط ازرق ولزقة المحل قلت لهم يكتبون لي اسم البيبي والعايلة باللون الازرق
وقسمت التوزيعات قسمين يعني نوعين من الكاكاو داخلهم
واحد من داخل حطيت كاكاو عندهم اسمه جيز كيك من داخل ابيض وعلى جنب فراولة مجففة وايد حلو
والنص الثاني حطيت كاكاو اسمه كوكيز لازم تذوقونه طعمه موطبيعي
واسعارهم معقولة ..
يالله قولوا لي من وين جهزتوا كاكاواتكم
