كارهه عمري والدنيا :(

[ليش_أنا]

السلام عليكم ورحمه الله وبركاته ​

شلونكم بنات عساكم بخير​

اممم أنا سجلت معاكم فالمنتدى لاني بموت قهروبنفجر ابي اتكلم مع حد اي حد بس اطلع اللي بخاطري​

تعبت من كل شي ولو اني ضامنه اني بدش الجنهجان دعيت ربي يأخذ روحي الحين​

انا يتيمه وماعندي حد فالهدنيا ابد ومتزوجهواحد من ثاني يوم عرسي اكتشفت انه مواعد ولليوم ومن بعد 4سنين وانا اصيده كل وكلصيده أشين من اللي قبلها وللأسف اول امس مسكت تلفونه وبطلت الصور وليتني ما بطلتهاشفت صور بنات وفلبن ومغازل ومسجات بس اللي قهرني وذبحني هالمره صح اني شفته مصوروحده ومصور اللي كان يسويه معاها وانتو فاهميني.. أحس أني بموت ماعرف شسوي ولاشلون أتصرف الحين ماقدر أخليه يطلقني لاني بتلته مع أعيالي بروحنا وبنفس الوقت مبطايقه أشوف ويهه واللي هامني الحين أنا.. أبي هالضيقه تروح أبي أنسى ماعرف شسوي.. وربيأستحملت وايد واااااااااااااااااااااايد ​

 

[frozntouch]

حبيبتي هذا ريلج قاعد يزني ويخربط مع فلبن وبنات مادري شلون صايرين

لحقي علا روحج قبل لا ايب الامراض الله لا يقوله ليدام مافي امل يتوب وصارله ٤ سنوات هالسوالف هذا ما راح يتعدل

حتا باجر عيالج لا سمح الله يصيبهم المرض تركيه وشوفي مستقبلج وخليه اهوا مع خرابيطه تنفعه

 

[granted]

الله يفرج همج ويبعد عنج الضيقة
ولاتدعين على نفسج عيالج مالهم غيرج
الله يبلغج فيهم ويرزقج برهم

 

[لمى الهاجري]

لحظة لا تواجهينه خذي ارقام هالفلبن وهدديهم وخليهم يبعدون من نفسهم

 

[شباصـه فرنسيــه]

آعوذ بالله !! طيب ماحآولتي تنصحيننهه ؟
المشكلهه ماتقدرين تتطلقين علششان عيالككِ بيضيعوون بعدين
مآلكك آختي غير الدعآء بأأخخر الليل ان الله يهديهه ويسخرهه لكك وذكريهه بالاخرهه
وان هالشئئ من الكبآئر
بس ماادري إذاا حرآآم اننكك تضلين معهه كلمي شيخخ ثقه وشوفي وش يقولكك
وربي يبعدد عننكك الضيقهه

 

[توني انتبهت]

الله يفرجها عليج

 

[Tom ♥ Jerry]

.


تبين الصج !؟ انتي وايد سلبيا !!
ريلج اظاهر متعود على هالسوالف قبل لا يتزوجج
و الدليل مواعد بنات بثاني يوم من زواجكم
المفروض من ثاني يوم من الزواج تاخذين موقف و تكبرين السالفه
عشان يعرف و يفهم الي قاعد يسويه غلط
مو ساكته 4 سنين و تطوفين و اتييبين عيال و الحين يايه تقولين كارهه نفسي
شي طبيعي تكرهين نفسج و الدنيا كلها ..

> سامحيني اذا قسيت عليج بالحجي بس والله من قلبي قاعد انصحج !
الحين لا تخلينه يقرب منج كلش كلش كلش .. خصوصا انه يعاشر هالفلبن و هالبنات الوصخين الزباله
لا ينقل لج امراض او شي لا سمح الله ..

انا اقول مشكلتج يبيلها حل " غير الطلاق طبعا "
عشان خاطر اليهال .. المشكله في ريلج يبيله علاج ديني + نفسي + تربوي من يد و يديد
روحي اخصائي بهالمسائل عرضي عليه مشكلتج ..
او الدكاتره " طارق الحبيب / محمد الثويني " حاولي تتواصلين وياهم :$


موفقه :*******

 

[نونه المنكوشه]

اللي مامنه خير تركه اخير والله يعينج ويفرج همج

 

[Princess^Mom]

حسبي الله ونعم الوكيل الله يفرج همج ان شالله ودايما رددي هالدعائين وبتشوفين حياتج بإذن الله تتغير:
[ اللهم اجرني في مصيبتي واخلف لي خيرا منها]
وهذا الدعااااء حيل مهم ردديه بكل لحظة وكل ثانية
( اللهم اجعل اكبر همي رضاك)

 

[Reelax]

الله يعينج حبيبتي
والله شي جايد مااالومج.. بس رددي اللهم اجرني في مصيبتي واخلف لي خيرا منها

واتبعي برنامج عبد الكريم المشيقيح .. وربي روووووعه وبتغير حياتج وسهله مايبيلها شي غير ثقه بربج وطلب رضااه

ثوااني ادورلج الرابط

 

[Reelax]

هذا الرااااااااااااابط وان في وحده زوجها يزني واعداها بمرض بعد 3 سنين علاج تشاافو من المرض لانهم اتبعو البرنامج بس اسبووووع

لايوسوس لج الشيطاان مثلي
http://www.youtube.com/watch?v=hfcRIfaVWcw

 

[حسن الخاتمة]

الله يعينك ويصبرك ويفرج عليك ويبدل احزانك افراح انا رايي من راي اختي توم جيري وبزيد عليه اختي لازم يكون لك موقف لاززززززززززم تشوفين طريقه شلون تسكتين وبعدين شنو الي بيتغير ولييييييش تسكتين استغفر الله حياتك مو واقفه علي ريال من هل نوع ممكن يجيب لك الامراض الي مالها علاج وعيالك المساكين شبيستفيدون من ابو هايت ضايع يمارس الحلال وعيني عينك يصور ويجاهر بعد مخلي الصور ماحسب لك حساب ممكن تشوفينهم اقولك صارحيه وحطي له حد وان ماتاب دخلي احد من الكبار الي فاهمين بعايلته وخليها تكبر لانها فعلا كبيره السالفه والله يسخره لك ويهديه

 

[حسن الخاتمة]

وبالنسبه للضيقه توكلي علي الله خير اتكال وادعي رب العالمين وانتي موفنه بالاجابه وبتشوفين عجائب قدرته اشكي لرب الخلق سبحانه عليم بصير كريم علي عباده المؤمنين وانتي لا تقصرين بصلاتك وعباداتك والله يرفع عنك وفرج همك وديري بالك علي عيالك اهم شي

 

[الجوهرا]

اعوذبالله يابنت الحلال لايبتيلج بأيدز وعيالج اللي راح يروحون فيها على الاقل يصير فيه هو ولا انتي وويها فكري بعيالج اذا لاسمح الله نقلج مرض على الاقل اعزلي فراشج عن فراشه

 

[أعشقه]

لاحول الله
انتي ابخص واعرف وش تسوين
هذا يعاشر غيرك بكرى ينقل لك مرض لا سمح الله بعدها تندمين اشد الندم
انتبهي لنفسك وابتعدي عنه وانتي بصحه احسن من تبعدين وانتي بمرض
الله يريحك قلبك ويبعد عنك الهموم ويفرج مصيبتك ويصلح حالك

 

[ام فهد العدواني]

حبيبتي اذا انتي كويتيه تطلقي وارتاحي وابتاخذين حقج بالقانون وارتاحين انتي واعيالج واتنتفينه

 

[ابدا يالغالي مانساك]

ان شالله تتعدل احوالكم
بس حتي لو وصلت للطلاق تعطيج الدوله
شقه ومعااااش
وقعدي انتي وعيالج وشتري راااااااحة نفسج ​

 

[ام حمادنه]

الحمدالله اللذي عافانا قطيعه تقطعه عاد فلبينيات

 

[ماتغير شي]

الله يعينج

رددي حسبي الله ونعم الوكيل

 

[مياسه الحساسه]

حبيبتي والله مدري وش اقولك
بس والله شي ما ينسكت عنه
مالي الا ادعيلك