كارهه خطيبي وصلت حدي مو قادره اتحمل

[أعشقني]

السلام عليكم ورحمة الله وبركاته

بنات تذكرون موضوعي الي قلت لكم ماحب خطيبي

الكل قالي بتعودين عليه وتحبينه مع العشر ه . مرت شهووور وللحين كل يوم اكرهه زياده والمشكله مع واقف معاي كلهم يقولون مافيه عيب
:eh_s(2):

المهم بنات بسألكم لو اطلب منه يتركني ادفع له المهر كامل او نص ؟ وهو كان مسوي لي حفل كبير كلفه وايد هم ادفع له ؟ :eh_s(2):
بنات انا مو موظفه واهلي مو راضيين يساعدوني هم يبونه وميتين عليه
انا ماحبيته مارتحت له ماحبيت شخصيته ولاحبيت تصرفاته معاي
هو لزقه ومايحس ابد لو ازعل او اتضايق منه هو يتصرف تصرفات هبله وايد ودايم يضحك مادري شقول لكم :eh_s(2):
انا سهرانه وصاكه فيني الدنيا وحبيت افضفض لكممم
بنات بليز ادعو لي ان ربي يفكني منه ابي تدعون ربي يخلصني منه تكفووووووووون :eh_s(2):

 

[* بنت المطر *]

خلاص حبيبتي لايكلف الله نفسا الا وسعها دامج ع البر كلمي اهلج وقوليلهم انج ماتبينه يخيه القبول من الله شتسوين بعد رديله

مهره بس محد يلزمج بشي ثاني

 

[أعشقني]

تسلمين فديتج بردتي قلبي والله محد فاهمني
كلا يقولون مانبي تسودين وجهنا جدام الناس
دعواتج حبيبتي ان ربي يخلصني منه عاجل غير اجل يارب

 

[ريمممااا]

قولي لاهلج مابيه شلون بكون اسره معه وانا كارهته ... بنات انا توني مسجله ماعرف شي شلون اكتب موضوعوشلون احط لي صوره

 

[[ نور عيني ]]

.





آلله يهديج ..
لآ تسوين شيَ ممكن تندمين عليه بيوم من آلآيآم ..
في شيء آسمه صلآلآه آستخآره و في شيء آسمه سوره آلبقره تقرينهآ كل يوم بنيه آن آلله يحببج فيه ..
و هم أنتي مو كآرهته مني وآلطريج آكيد في سبب .. فَ دوري آلسبب بينج وبين نفسج ..
لآ تقولين أهو لزقه أو .. مأ أدري شنو .. هاذي كلهآ آسبآب وهميه تتسترين ورآهآ .. أنتي آبحثي عن آلسبب آلحقيقي وعآلجي آلمششكله ..


و آلله آلهههـإإإديَ ...


=)



















..

 

[blue ocean]

القبول والمحبه من الله ودام صارلج شهور ماتقبلتيه صعب تتقبلينه باقي العمر

حاولي تقنعين اهلج ان نفسج عايفته , الزواج مو شرط يبدي بحب لكن على الاقل يكون في تقبل من الطرفين

والله يوفقج يارب​

 

[بنتـ المملكه]

خيتو اذا ماتبين خطيبج عطني ايه انا ابي بالحلال

 

[تحب الفرفشة]

خيتو اذا ماتبين خطيبج عطني ايه انا ابي بالحلال

هااااااااااااه شنو مااشوف عدل :bbbiu:
بسم الله عليج شنو هذا استحي انتخي اشكره :eh_s(10):
ترا الزواج خاااااااااااااااااااايس تعرفين شنو خاااااااااااايس
عبالج حلوووو
شكوك خيانات وضيجي ولبسي وسوي جذي وسوي جذاك وصالونات ويليت يعجبه الثووور :rgewrg:
لاحقة على عمرج يامال الشفيفه

 

[أعشقني]

بنات كشكورين والله اذا قريت ردودكم احس براحه
على الاقل شي يواسيني مو مثل اهلي كلهم ضدي

خيتو اذا ماتبين خطيبج عطني ايه انا ابي بالحلال

ياليت تاخذينه وتفكيني منه :eh_s(4):

 

[ޢޢޢإيمانޢޢޢะۣۨ>]

حبيبتي استخيري آخر مره واذا ما ارتحتي قعدي معاه وفهميه إن ما يعيبه شي بس انتي مو مرتاحه
اتفقي معاه على كل شي وصدقيني الأهل بيقتنعون بالأخير ​

 

[أعشقني]

ايمان حبيبتي انا اخر مره استخرت امس وحسيت اني مرتاحه للقراري بالانفصال

لاني وايد تعبانه من ملجت وانا دايم متضايجه وعصبيه

ادعي لي ان ربي يخلصني منه ويسخر لي اهلي

 

[قطوووة]

خيتو اذا ماتبين خطيبج عطني ايه انا ابي بالحلال

:krkrkr: مؤ صج

 

[عشق الكتابه]

الله يهديتس وووينتس فترره الخطوووبه ....وصلاه الاسستخاااره

ادعي ربتس يحححببتس فيه ويسعدتس معاااه

والله يسعدتس

 

[بنتـ المملكه]

هااااااااااااه شنو مااشوف عدل :bbbiu:
بسم الله عليج شنو هذا استحي انتخي اشكره :eh_s(10):
ترا الزواج خاااااااااااااااااااايس تعرفين شنو خاااااااااااايس
عبالج حلوووو
شكوك خيانات وضيجي ولبسي وسوي جذي وسوي جذاك وصالونات ويليت يعجبه الثووور :rgewrg:
لاحقة على عمرج يامال الشفيفه

ياختي تراني كبيره ماباقي شي ودخل 30

الحمد الله موناقصني شي جميله وبشهدات الكل بس النصيب ومايسوي والحمد الله على كل حال

ورح الكثير وماباقي غير القليل راحت اجمل مرحله من عمري وبديت اخاف من العنوسه

النعم بين ايدينها وهي ترفسها برجولها

 

[أعشقني]

الزواج مو كل شي
الزواج نص الدين مو كله
بامكانك تعيشين حياتج وتستانسين درسي توظفي طلعي تعالي لين ربي يفرجها عليج وتتزوجين
لاحقه على الهم حبيبتي انتي مو من كبرج وكل تاخيره فيها خيره
يعني عند ابوج يمكن ابرك لج من ريال يطلع عيونج وماترتاحين له

 

[بنتـ المملكه]

الحمد الله ربي العلمين

 

[ميس المشاعر]

((عسى ان تحبوا شيئاا وهو شر لكم وعسى ان تكرهوا شيئاا وهو خيرا لكم ))
انتي يوم وافقتي من البداية ما يالج هالشعور يووم الخطبة والملجة ؟؟؟
هالسبب لأن بالخطبة ماصار بينكم مصارحة يعني ماعرفتي شنو شخصيته ...وتوج تعرفين بعد ما طاح الفاس بالراس
شوفي الريال لاتييبين له كليش انج ما تبينه إلا اذااا خذيتي قرار جازم ولااا ترى اذا قلتيله وبعدين تراجعتي عن قرارج رااح يعلقهااا عليج طول عمرج فكري عدل واستخيري مرة ومرتين وثلاث وشنو الاشياء اللي ما حبيتيهاا فيه حاولي تصلحينهااا الريال على ما تعودينه اي شي مو عاجبج فيه تقددرين انتي تغيرينه ومااافي ريال كامل بهالزمن فكري عدل بكلامي وبعددين كلمة مطلقة موو سهلة ....هذي حياتج بيدج لاتخربين بيتج على امور صغيرة ...يعني اهوااما في عيب خلقي ولاا جسدي عشان تستصعبين العيشة معاه احس مافي شي جايد ومع الوقت بتحبينه ويحبج وأخيراا القرار لج .....
واذاا الرفض ياا منج يعتبر خلع يعني تتنازلين عن حقوقج ... وبعدين ع المهر على حسب اذا كان قبل او بعد الدخول
تقبلي ودي

 

[دريم]

عليج بصلاة الليل واشكي همج لله وايقني ان الله يجيب المظطر اذا دعاه

 

[ترنيمة سكون]

يابنت الحلال تزوجي وجيبي أطفال يملون عليج حياتج والزوج مو مهم تحبينه

صدقيني أحسن ماتطالعي بعدين حولج ماتشوفين احد كلهم تزوجو ولاهين بحياتهم على الاقل بتكوني كسبتي الامومه والاطفال


نصيحه لاتضيعين هاالفرصه منج



.
.

 

[لمى الهاجري]

اممممم انتي قعدي معاه وفهميه هالتصرف مو لايق لك يمكن والله اعلم ياتج عين تسبحي بسدر وملح