كارههـ الدراسهـ ؟؟ وصلتي ليـ مرحلة التشبعـ ؟؟ تعالي فضفضي وياي ..~

[floransa]

امبي

تييني البجيه ساعات ليما تييني هالحاله اللي مالي خلق اسوي شي و انا كليتي ما تررررررحم جارتكم باسكال اكيد عارفه مدى الكراف اللي فيها

امبي احنا البنات مادري شنو اللي ايينه بس اندش الجامعه امبي نبيع الدنيا عادي شكثر انطوف هومووركات و اكوزات و الله كل بنيه اقعد معاها بالكليه حتى لو ما اعرفها تتشكى من هالشي انها تغيرت عن ما كانت عليه بالثنوي

انا اول بالثنوي والله كنت اغصب روحي ع الدراسه عشان افتك من المدرسه و لله الحمد من المتفوقات و العشرة الاوائل ع الدفعه من ييييت الجامعه اوكي ماشي الحال بس مو مثل اول !!! حدي اتغيرت الله يستر من كورس التخرج شنو بيكون وضعي والله احاتي الحمدلله


بنات و باسكال تكفون عطونه نصايح تفيد البنات و تفيدنا احنا بعد بخصوص هالشغله و الضيقه اللي تيي حزة الامتحان .. انا فكرت اخلي دراستي بالكليه يعني بالمكتبه لانه بس ايي البيت ما اعرف ادرس استغفر الله بس اذا حسيت رووووحي خلاص لازم ادرس و صار بالليل اغصب روحي .... مفكرة ادرس بالكيه ان شاء الله يمكن هالحل يساعدني ع الدراسه معنى انا والله احب الدراسه بس الكسسسسل ذابحني ودري اصير مثل اول ادرس اول بأول وااااي جان زين :\ ادعووووولي

واااااااااااااااااااااي شكثر قرقت صج صج فضفضت بعد عمري باسكال فديتج ع هالموضووع انا زميلتج بقسم الموكياجات ع قولة مزيونه الحربي خخخخخخخخ

 

[Pascal ~]

~.. Hi BaNaT

سووووري بنات تأخرت بالرد =(

el-zain -- مبرووووووووك ولو انها متأخره حيل .. الفال حق الفاينل يارب =)

رمز الوفـا -- حياج ياقلبي شدعوة مايحتاج الشكر كافي طلتج فديتج =) ان شاء الله الصيفي سهالات لاتحاتين

القلوب الساهيه -- كاسرة خااااااااااااااطري الحال من بعضو =( على قولتج الوظيفة يبيلها دزة محترمة

L a w y e R -- استغفرالله العين ماترحم =( يالله هانت دزي نفسج فترة الامتحانات وان شاء الله عقب العطلة تتغيرين

Japanese -- هههههههههه يامعودة الدراسة حتى لوحبيتيها ماردج بتكرهينها =)

Samrah_86 -- حلوة الذوبانية لووووووووووووووووووووول عسى الله يكون بالعون

*(فطوم الحلوة)* -- يامعودة ترى العين مذكوووورة بالقرآن =( حصني نفسج بالاذكار الناس ماتعطي خير

ضحاوي الديره -- ماشاء الله عليج =) انا خلاص راحت علي الفال للخريجات بذن الله =)

YD&DY -- ياعمري لا تأيسين جذي =( ولا تفكرين بسالفة انج تأخرتي بتتحطمين زيادة ياما بنات قعدوا بالجامعه وماردهم تخرجوا وتوفقوا بالوظيفة والزواج .. انتي بس شدي على نفسج وحاولي كثر ما تقدرين تبسطين مشاكلج عشان تهدين وتقدرين تكملين طريجج فديتج

قطيووه^_^ -- ههههههه ياحياتي ماعليه يمكن الي حايشج فزة نفس من وحده حاولي تقرين قرآن بكثره وتحصنين نفسج بالاذكار وخلي سورة البقرة شغالة بدارج عشان نفسيتج تهدى وتحببين نفسج بالدراسة

eva beach -- وااااي ياقلبي انتي الموضوع موضوعج ردي وعلقي وسولفي على كيفج فديتج اصلا ماينور الموضوع الا بطلتج عليه يالعسل =)

floransa -- يووووو عاااد انتي بالهندسة =( لايامعوده لاتييج هالحالة لووول انتوا والطب ان يتكم هالحالة راح تصير مصيبة لانه دراستكم تراكمية .. ماعليه ياعمري ضغطي عل نفسج مايخالف كل شي يوصل حده وعقب يهوووون ويليييييين =( ويني ووين النصايح لوووول انا والله كنت ابي الي ينصحني فلورنسا لاتشوفيني اخر كورسين بالعربي اخر سنة مو بدعت الا خرتهااااااا عالاخر وربي لوموعدلي اقل من 3 جان رحت جفي بس الحمد الله لما بديت اخربط كان معدلي زين وفوق الـ3 .. اي والله فكرة تدرسين بالمكتبة ولو تسوين قروب مع بنات وتشرحون حق بعض وجذي راح تركز المعلومة اكثر .. دراسة القروبات بالمكتبة وايد حلوة .. ياحياتي انا اقول جني اشوفج بالموكياجات هههههههه بدعت مزيونة على هالاسم =) ياحياالله اهل الموكياجات نورتي الموضوع كله بهالطلة العسل =)

Bay Bay ..~​

 

[غيدآء]

وااااااااااي موضوعج ذكرني بايام الكدح والشقااء والبؤس لووووووووووووووووول

اخييييه صج صج بدا بطني يعورني وانا اتذكر هالايام شنو لمن كنت اقوم الصبح تخيلي لايعه جبدي خصوصا انه رفيجاتي الانتيم صاروا بكليات ثانيه فا انا اول كورس كنت ضايعه بالطوووشه مادري وين الله حاطني لي درجه مره حضرت محاضره كامله وبالاخير اكتشفت انه مو كلاسي @@,,,كانت ايام ,,,

اما الايام الاخيره تحسيييييييييييييييين بطييييييييئه ومليييييقه وجنها تقولج ماكو طلعه ولا تخرج من الكليه وتحسين الاساتذه جنهم يتفلسفون ما يدرسونج وودج تكفخينهم تكفخ لي درجه جتني فتره اروح الكليه سهرانه هههههههههههه والله صج مادري ليش صرت خفاش ,,,


بس الحمدلله عدت المرحله ولمن اتذكرها ساعات اقول كان ممكن اسوي الافضل بس شعور الملل والروتين كان السبب


والحمدلله على كل حال

 

[أسيرة_أحزاني]

بنات خل اقولكم مأساتي :"(

انا بذاك الوقت اخ يارييييته ماصار هالشي

تركت دراستي ايام الامتحانات وكرهت المدرسه لين دمرت مستقبلي

وحالي مايسر كلش عايشه ومو عايشه اصلا مو حاسه بطعم هالحياه

مهما اسوي ماحس بوناسه والسبه هاللي سويته آآآآآآخ تكفون ادعولي من قلبكم انه الله يعوضني

 

[غيدآء]

كاريزما ياقلبي الله يوفقج ان شالله,,,


ردي للدراسه ترى عمر العلم ماكان له عمر معين العمر يخلص والعلم ما يخلص


لا تيئسين كملي حبيبتي وموفقه يارب

 

[غلا دنيتي جابر]

بنااااااااااااات بقوووووووووووولكم شي

انا اول سنه جامعه بس تدرووون










خرعتوني
<<والله جد خافت هههههه

 

[*(فطوم الحلوة)*]

بنات شرايكم نحاول نشجع بعض خصوصا ان امتحانات الفاينل قربت خلاص
انا بصراحه كان عندي امتحان ذاك اليوم وقلت يالله بحاول اشد حيلي و يعني غيرت الوضع شوي لخصت الفصل و الوان فسفورية شوي
وجذي و بصراحه استانست من الموضوع حاولوا تسون جذي و اهم الشي ندعي بصلاتنا و بكل وقت ان الله يوفقنا ويعينا على الدراسه يا رب

 

[el-zain]

قوووووه بنااااااااااااات :d:d
شلوووووونكم .. واااي بنااات بااركوووولي حدددي مستااانسه خلصت الفاينل صح ان التقدييم الله بالخيير بس يالله موو مشكله المهم اني خلصصصت :d:d ههههههههه
واي يا زين العطله بس يا حلات الواحد وهو فااظي يا حلات البال لي صار مرتاااح وااااي يا بختي والله وناااسه الفاااال لكم ياربي :d
بنات بقولكم شي انا ترا ما خلصت خلصت باقيلي امتحان واحد بس انا مونسه روحي من الحين لان الماده سخيفه و ما تندرس ف يحسس نفسي اني معطللله هههههههههههههههههه
ياربي عقباااااال التخررررج و التقاااااااعد قوولوووو آميييييييييين ههههههههههههههههههه

 

[Bent lq8]

السلام عليكم

موضوعج حلو وعجبني

شوفي انا ما عندي مانع اداوم وادرس والتزم .. بس لما اتسووين كل هذا واتشدين حيلج واتروحين للامتحاان وتنصدمين من االاسئله اهني تكرهين الكليه بكبرها ... يعني دكاترتنا الله يهديهم شرحهم غير وامتحاناتهم غير وغير هذا تصليحهم حيييل دقيق يعني ما يخلي ولا حرف ولا يساعد اتكلم عن كليتي الحقوق يا رب اتخرج منها وانا بقواااي العقليه بعض المرات افكر اسحب اوراقي واقعد بالبيت

 

[برشلونيه]

انا سنه ثالثه جامعه وهالكورس يايتني هالحاله وعبالي بس انا بروحي وكنت احس اني انا الوحيده اللي جذي يائسه الحيااااة لوووول

بس عقب موضوعج اشوه فيه نفسي يعني

والله احس خلاص ماقدر ادرررس لاشفت الكتاب تقلب جبدي احطه جدامي احاول ادرس مادرس اصكه واقوم
والمحاضراات غياب بالهبل

الله يعين ياااااااارب عندي امتحانين تاريخ 20 ولا درست ولا واحد فيهم

مشكوره ع الفضفضه

 

[el-zain]

برشلونيه ونا بعد عندي امتحان عشرين الشهر و حدي مستانسه و عايشه جو العطله شيقعدني عاد الحين حق الدراسه كلللشششش مالي خلق الله يعيينا

 

[أم وصايف]

قوووه بنات شخبار الدراسه وياكم

انا تو مابدت امتحاناتي الله يستر

 

[el-zain]

بنااااااااااات عوده مجدده مع امتحانات الفابنل و عوار القلب الله يستر و يوفقني و يوفقكم قولوو آمييييييييين

 

[صدى الوحدانية]

أنتم خريجات وهيك .. أما أنا أول سنة وخلآص ماعاد فيني حيل تعبت أنهد حيلي

وربي عقب باجر عندي أمتحانين والحين الساعه 2 مادرست شششي باجر مادري بدرس وااحد وبخلي الثاني على اللهـ





ياربي ياربي ياربي أهئ

 

[~اح ــساس~]

لاعت جبدى من الدراسه وانا بثاني كوورس ..~

 

[fri2010]

بنات انا بعد اعيش هالحاله

مع اني احب الدراسه ونفس حالتج اشتري ملفات يديده اقلام يديده بدايه كل كورس

واكثر من جذي انا باقي لي كورس واحد واتخرج يعني كورس اول

الحين انا في سنه رابعه الكورس الاول كانت درجات زينه وعاليه وقريداتي كانت حلوه بس الحين الكورس الثاني درجات الميدتيرم مو سيئه بس مو مستواي كلش !!!يعني في مواد اوكيه درجات حلوه وفي درجات حلوه بس مستواي!!!والله بجيب بجي وانقهرت قهر

والمشكله ان للحين فيني طاقه اني داومت يوميا وما غبت ولا مره من بدايه الكورس !

بس ما ادري شنو السبب هل عطوني عين خاصه وان الكورس الاول كانت درجات عاليه حيل ام اني انا ما ادرس بدقه مع اني احضر كل يوم!

والله ضايق خلقي

 

[el-zain]

بناااات انا باجر امتحانيييين حدددي متكسفه من الصبح و انا ادرس و ما انجزت الا جم سؤال و الماده الثانيه ليلحين ما بطلتها والله خايفه اسقط مابي اعييد الماده

 

[ثلوج دافئة؟؟]

الزين الله يوووفقج =)

الموضوع بالصميم ههههههههههه >.<
والله انا احس اكثر وحده كرهت الدراسسسسسسه !!
لدرجه اول امس قلت بدرس واتعوذ من ابليس والله اول ما بطلت الكتاب توني الا انسدحت ع سريري وقمت اتحلطمت عندي امي وخوااتي =(
والله احسس تعب جد .. انا سسنه 3 واحس خلاااس مافيني =(
الله يسسهل علينااا ويعدي الفاينلز ع خيرر

والله مرررات احس ماراح ادرس للفاينل مدري ليش هههههههههههههههه
واللي يقهر ماخذه 6 مواد واول مره اسسجل 6 وكلهم يبيلهم ششغل وكراف ! =(
امبيه لووعت ججبد وويع وصيفي بعد اااااااااااااه > تفضفض من قلب =(

الله يووفقكم ان شششششاء الله وان ششاء الله نبيضها بالقرديداات (=))

 

[الثمينه]

كفااااااااااااااااااااااااااااااااااااااااااااااااايه
ياا قااامعه الكوييييييييييييت


عوووووووووووووووووووووووووووووووع

 

[ثلوج دافئة؟؟]

^





هههههههههههههههههههههههههههههههههههههههههههههههههههههههههههههههه


> فاطسسسسسسسسسه من ردهاا هههههههههههههه


مو عوووع وبس الا عوعيييييييييين بعد > 3