كادر وافدين

[عـــــروب]

الزيادة للمعلمين 90 دينار

وللمعلمات 60 دينار

و10 دنانير كل سنتين موكل سنة......

يعني المعلمة الوافدة راتبها بيكون بعد 60 دينار 430 دينار

عليهم بالعافية لاتنسين انهم معاج بالقسم والمدرسة ويشتغلون نفس الكويتية و 430 بهالأيام

ماتسوي شي مع الغلاء.

والخليجية ماتعتبر وافدة الكادر بينزلهم يعني رواتبهم نفس الكويتية بس الفرق بسيط ......

الله يخلي الكويت اللي معتبرة الخليجين نفس المواطنين وماأدري بالمقابل الكويتي بدول الخليج له نفس الامتيازات؟؟

واللي موماخذين حقهم ابناء الكويتية اللي يعتبرون وافدين مع ان حياتهم الإجتماعية مثل الكويتي كافي امهم كويتية بنت البلد واهل امهم كويتين ومع هذا الخليجي أفضل منهم رواتبهم دبل رواتب عيال الكويتية..... هذي الفئة اللي محتاجة أحد ينصفهم ........​

 

[faith1]

مالت عليهم والله مو ناقص بعد الا يوصلونهم نفس معاشنا والله انهم مستعمرين مدرستنا واحنا صرنا الاقليه وكلمتنا دايما مكسوره وهم الكل بالكل ومحد تجرا يكلمهم وا يعطيهم احتياط ولااااااااا هابين بهب جديده كل ما قالت لهم رئيسة القسم شي قالوا طـــــــــــــز بالتقرير!!!!!!!!!!!!!!!!!

 

[رحيل المرافيء]

مافيها شي هم اللي شايلين المدارس شيل
الكويتي مايشتغل
شهر شهرين قال ما ابي التدريس
روحي قسم الحياة العملية وشوفي
الله يعافيهم بس
ودروس خصوصية بعد من حقه مو حق عيالكم الكسالى يلا درسوا عيالكم
كله من عرق جبينهم
اشتغلوا مثلهم تالي تعالوا تحلطموا

 

[توتا وحب الكويت]

واااااااي شنو هذا اللي قاعده اسمعه انتي من صجج حاسدتهم على 90د.ك وما يندرا راح ياخذونها او لا ،

ترى حرام معاشاتهم ما تسوى المعلمات ياخذون 370 انتي تدرين 370 شنو يسوى التعب اللي اهما فيه ، وعلى الغلاء اللي احنا عايشينه
اختى احنا بيوت حكومية ولا تأمين ولا اقامات ولا شي ومو ملحقين ورواتبنا عدله اشلون وضعهم اهما صراحه الله يعينهم .
وبالنسبة للدروس الخصوصيه حبيبتي ترى مو كلهم يدرسون اللي يدرسون وأغلب اللي المدرسين مايشتغلون بالمدارس واللي يدرسون منهم فئة قليله ،وانس المعلمات مع اليهال والبيت والتدريس وين لها قدره تدرس بعد .
وتدرين المفروض الكادر يكون للكل وما يتخصص للكويتين والخليجيين بس حال الوزارات الثانية ، كل الوزارات تقر الكادر لموظفينها سواء للكويتي والخلجي والمقيم والوافد
ويكون بعلمج هذى مو كادر هذي زياده بدل سكن ةلا للمعلمين بس والحريم 60 وتحت شروط
الحين احنا معاشاتنا على 900 و 800 وقاعدين تطالعينهم على 10 و20 لالالالالالالالالالا مو هذي الكويتية اللي تحسد غيرها على فلس او فلسين ، لازم تعطين الناس صوره سنعه عن الكويتية ، واذا مو عاجبج الحجي ليش تنزلين فيه موضوع الله يهداج بس
احنا ديرتنا ديرت خير ونعمه والله يبارلهم فيها

 

[أبله رورو]

الله يزقهم يارب ترى حرام انا قريت تفصيل راتب حق معلمه معانا راتبها قليل 300 وشي
واهم بشر حالهم من حالنا وعندهم عيال ومسؤوليات ولاتنسون ان كل شي قاعد يصير غالي واهم ناس على قد حالهم وراهم اجار شقه ومصرف وحالتهم حاله ووراهم اهلهم الي بديرتهم وتغربو عن دولتهم عشان يقدرون ايمعون جم فلس ويعيشون حياة كريمه بديرتهم

حرام يبنات لاتحسدونهم كلها 90 دينار راتبه هم شويه صراحه اهم يتعبون نفسنا ليش نحاسبهم على الزياده

الطمع مو زين

والله يوفق الكل ويرزق الكل

ويرزقكم من حيث لاتعلمون

 

[gogona]

يستاهلون عليهم بالعااافيه حتى اهم يكرفون الله يعينهم ويرزقهم

 

[فرحه]

والله لو بيدهم كان عطوهم معاشات 100
هم مايبون يعطون الخدامه اللى تكرف 50 او 60 وحاسدينها على 50 و60 ويقولون ماتسوى شي الله المستعان

الحين تعيبون عليهم وعلى حسددهم ترا شوى ماشفت شي ترى كل المعارضين على الكادر وغيره حسد بس

ايه حسودين حتى الماي مايبونهم يشربونه لو الكيف كيفهم

استغفر الله يارب رحمتك

والحمدالله انه في ناس بالبلد هذا تخافك وصالحين

 

[(كويتيه عسل)]

وين المصدر ؟؟ مادام مافي مصدر موضوعج اشاعه

حبيبتي الكويتيه بنت الديره ما تتساوى مع الوافده اللي يايه تدور الفلوس وماردها بترد ديرتها عقب ماتيمعلها همجه تستغنى فيها وترز نفسها في ديرتها

شكوووو يعطونهم هذا اللي ناقص

موكفو مايستاهلون يدرسون على الماشي واي كلام حق الدروس الخصوصيه والمصالح ولسانهم طويل وزفر وقلوبهم تارسه علينا حقد وحسد

رسالة الى الوافدات اللي يتحجون كويتي ومسوين روحهم كويتيات وكاتبين رد فوق شينهم قوات عينهم حبيبتي يا الوافده اذا الكويت موعاجبتج ذلفي ديرتج

بالنسبه للكويتيات اللي ردوا :الوافدات بالدروس الخصوصيه يبون ناطحات سحاب بديرتهم لا تحسبونهم فقارى محد الفقارى غير الكويتين تقولون مساكين محد المسكين غيركم بسكم سذاجه قاصين عليكم بالحجي المنمق والنفاق اللي فيهم

 

[أبله رورو]

بنات لاتصير عيونكم ضيجه عيب


والي كاتبه ان يبنون عمارات ويعطون دروس خصوصيه

هذا شي راجع لهم


واهم ماباقو الفلوس عشان يبنون العمارات لا بكدهم وبتعبهم ويدرسون عيالينا لاتقولين مايدرسون عدل وتحطين بذمتج حرام عليج ترى انتي محاسبه يوم القيامه الا الظلم يا اختي


احنا الكويتين اهل كرم وجود وماتعودنا نصير بخلا وخاصه اذا كان من حقهم يعني ال90 دينار حقهم والله

راتبهم حيل قليل لاتحسدين الناس خلي روحج ورديه وتمني الخير حق غيرج عشان الله يرزقج

 

[Turquoiseya]

ضد زيادتهم
والدليل شوفوا شلون يخربطون ويلعبون ويكودون بالشغل في قسم الانجليزي
اعرف رئيسة قسم 00 لما كانت مدرسة اتكفخ البنات وتسبهم باقبح الالفاظ 00 ورقوها ربعها اللي في التوجيه الى رئيسة قسم
غالبية الوافدين مايشتغلون 00 محد مكروف وجه بالقاع غيرنا احنا الكويتيين
اذا في زيادة بنات البلد اولى فيها

مصر مو دولة فقيرة عشان نصرف على مدرسينها
واللي موعاجبة 400 دينار يذلف لديرته 00 ويحتج ويطالب بالزيادة


مــــــــــــــــــحــــــــــــــــــد طفرني وطلعني من مهنة التدريس الا المصارية اللي معاي في القسم و التوجيه

 

[Turquoiseya]

اللي تبي اتعرف حقيقة الوافدين 00 اتصير ابلة انجليزي
عشان تطلع عينها وروحها

وع قطيعة تقطعهم ان شالله

مـــــــــــــــــــــــــــــــــــــــــالت على تــــــــــــــــــــــــــــــــــوجيه الانجليزي بتوع الدروس الخصوصية سابقا