كادر وافدين

[الحلوة هيا]

والله قهر راح يعطون الوافدين 90 دينار:rgewrg::krkrkr:
لا فوق هذا راح يزيدونهم كل سنة10دنانير:eh_s(16)::j013:
المعلمين الكويتيين سنين علي ما يقررون الكادر لهم ​

احنا اشعلينا من الوافدين

 

[معلمة_منكوبة]

أول مره اسمع عن ال90!!!! صج ديرة بطيخ .... انا سمعت عن بدل السكن

اذا كويتيه ويتيمه ماعندها مكان تعيش فيه واللا مطلقه واللا ارمله وماعندها

عيال مايعطونها بدل سكن !!!! بعد شنقول هذي الكويت صلوا على النبي اهيا

ديرتنا وفيها اللي يبوووووووووووووووووووووووووون

 

[PuPa^^SWeeT]

عليهم بالعافية

بالعكس خل يعطونهم علشان مايزعلون


بس بعد احنا نبي

 

[سمسمة كويتية]

لااااااااا لااا ما أصدق أعووووووووذ بالله شنو هذا حاسدين الفقير على موته اليمعه ليش جذي ليش ؟؟ هذا و احنا عندنا خير الحمدالله و القلوب كلها حسد
ليش مو قعد يتعبون حالهم حالنا و أكثر بعد ، ما يدفعون أجار ما عليهم مصاريف الله يعلم فيها ما عندهم ناس ينطرونهم بديرتهم عشان يطرشولهم كم فلس يعيشون منهم حرام عليج و على كل وحده تأيدج
من عذر صرنا مكروهين اذا في ناس جذي لاترحم ولا ترضى رحمه الله تنزل

 

[زمزم @]

عليهم بالعافية

بالعكس خل يعطونهم علشان مايزعلون


بس بعد احنا نبي

ماشاء الله عليج ياPuPa^^SWeeT

تحبين الخير للغير فديتك

أكيد اذا عطوهم بيعطونكم أنتوا أولى صراحة

خلهم يعطونهم عشان تنطفي عنكم عيون الحاسدين
مادام أنه بييقرونه لكم واهما لا الله يعينكم على الحسد :eh_s(14):

 

[زمزم @]

لااااااااا لااا ما أصدق أعووووووووذ بالله شنو هذا حاسدين الفقير على موته اليمعه ليش جذي ليش ؟؟ هذا و احنا عندنا خير الحمدالله و القلوب كلها حسد
ليش مو قعد يتعبون حالهم حالنا و أكثر بعد ، ما يدفعون أجار ما عليهم مصاريف الله يعلم فيها ما عندهم ناس ينطرونهم بديرتهم عشان يطرشولهم كم فلس يعيشون منهم حرام عليج و على كل وحده تأيدج
من عذر صرنا مكروهين اذا في ناس جذي لاترحم ولا ترضى رحمه الله تنزل

صراااحة عجبتوني أنكم تفكرون بغيركم برافو عليكم

الله يبارك لكم فيما عندكم ويزيدكم من فضله

فيه بنات تهبل مثلج ومثل PuPa^^SWeeT تحب الخير للخير ماشاء الله عليكم :rerrerek:

 

[توتــه]

بالعكس زين سوو حرام معاشاتهم حيل قليله بعدين بدل السكن للذكور بس الحريم لهم سكن اذا يبون

 

[قلب حنان]

ماتوقع لان الكادر للكويتييين فقط

 

[أم هنونه]

خافي ربج بالناس عشان يوفقج ترى الحسود اللي عينه حاره ويسيء الظن بالله دائما ربي ما يوفقه .. اوكي حبوبه

 

[ساندريلا]

بنات احنا مو ضد العطيه خل يعطونهم عليهم بالعافيه
بس لمن يعطونهم 90 واحنا 105 شالفرق ؟؟ مرده احنا عيال البلد؟واحنا ماقعد نعطي دروس خصوصيه الساعه على 10 و8 مثلهم؟؟

ولمن نقولهم زيدوا كادرنا يقولون الميزانيه ماتسمح اشوف الميزانيه على ناس وناس
اهم زادوهم بلا حجي وربربه واحنا ذلونا مابقى احد ماعرف فتحوا عيون الكل علينا وبالنهايه ماحصلنا الي نبيه

 

[كرز حالي.]

اطالب بزادة علاوتنا السنويه من 10 الى 20
لايجوز مساواتنا بغيرنا واحنا عيال الديره
وحلالها احنا اولى فيه

 

[منال القلب]

أنا الصراحة مع انهم يعطونهم مافيها شي علشان لا يصير كره بين الطرفين ويقولون شمعنى انتوا وشمعنى احنا.. دام انها ابلة وانا ابلة وكلنا نشتغل بقسم واحد وتتعبن نفس تعبي واكثر فوين المشكلة وترا من ضمن الوافدين المعلم الخليجي، يعني في أبلات من السعودية ولا من الأمارات ولا من البحرين يهبلون وذهبة وفي نماين منهم بالمنتدى الصراحة يستاهلون زيادة. لكن التطبيق وين؟ لما يزيدون ابن البلد ويعطونه مكافأة حلوة وحوافز مجزية هني صج بيكون عدل..

 

[جيتك تعال]

يستاااهلوون الواافدين الكااادر والزيادة السنوية

للامانة يستاهلوون ... لانه حراام يبقى موظف سنوات طويلة مافي فلس زاد على راتبه

الف مبرووك لهم وعليهم بالعاافية ...

 

[ساندريلا]

أنا الصراحة مع انهم يعطونهم مافيها شي علشان لا يصير كره بين الطرفين ويقولون شمعنى انتوا وشمعنى احنا.. دام انها ابلة وانا ابلة وكلنا نشتغل بقسم واحد وتتعبن نفس تعبي واكثر فوين المشكلة وترا من ضمن الوافدين المعلم الخليجي، يعني في أبلات من السعودية ولا من الأمارات ولا من البحرين يهبلون وذهبة وفي نماين منهم بالمنتدى الصراحة يستاهلون زيادة. لكن التطبيق وين؟ لما يزيدون ابن البلد ويعطونه مكافأة حلوة وحوافز مجزية هني صج بيكون عدل..

حبيبتي الوافدين غير عن الخليبجيين
الخليجيات نفس كادرنا احنا يتقارنون معانا على مااعتقد يفرق بين معاشنا ومعاشاتهم العلاوه الاجتماعيه بس

 

[منال القلب]

^
^
انا أقصد دام بيزدون الوافدين فهذا معناها راح يحوش المعلمين الخليجيين زيادة ف أكيد راح يستفيدون مثل ما الوافدين راح يستفيدون..

 

[ساندريلا]

^
^
خليجيات راح يحوشهم كادرنا سواء كان كادر المليفي او موضي او الجمعيه مالهم شغل في زياده الوافدين

 

[emohema]

لا يؤمن احدكم حتى يحب لاخية ما يحبة لنفسة ويأمة محمد علية الصلاة والسلام حراااااام مفيش فى الاسلام فرق بين مسلمة ومسلمة غير بالتقوى مش بالجنسية والكويت طول عمرها اهلها اهل خير وانشاءالله الخير يعم على الكل وربنا سبحانة وتعالى يكتبلكم ويكتبلنا الخير انشاءالله

 

[نونا 3000]

بصراحه خل يعطونهم يستاهلون اناماعندي مشكله
للعلم الخليجيه ماتتعامل وافدة بديرة ابو ناصر

 

[gust78778]

المشاركة الأصلية كتبت بواسطة منال القلب
أنا الصراحة مع انهم يعطونهم مافيها شي علشان لا يصير كره بين الطرفين ويقولون شمعنى انتوا وشمعنى احنا.. دام انها ابلة وانا ابلة وكلنا نشتغل بقسم واحد وتتعبن نفس تعبي واكثر فوين المشكلة وترا من ضمن الوافدين المعلم الخليجي، يعني في أبلات من السعودية ولا من الأمارات ولا من البحرين يهبلون وذهبة وفي نماين منهم بالمنتدى الصراحة يستاهلون زيادة. لكن التطبيق وين؟ لما يزيدون ابن البلد ويعطونه مكافأة حلوة وحوافز مجزية هني صج بيكون عدل..

 

[بحر الرمال]

عليهم بالعافيه هذا من عرق جبينهم مو بوق و انا لما كنت طالبه ما انسى فضلهم علي
و حتى الحين لما درست في شكثر كويتيات مقزرينها غيابات و مجلس طبي و الوافده لو بالشهر التاسع تكرف و تاخذ حصص اضافيه
من ناحيه الشغل لازم نكافيء اللي يشتغل بغض النظر عن جنسيته