كابتشينو الجمال

[دآآآنــه]

مرحبـــــــــــــــــآآ

بأدخل في السالفه دووغري .. بنآت من كم اسبوع جونآآ ناس من جماعتنآ من المدينه وجلسو عندنا كم يووم .. وكانو الحريم جالسين ويتحكوون عن البوتاكس والميزيو ثيربي وهالابر اللي الحريم طابين فيهآآ
والا وحده من الحريم الكبااار تصير عمة ابوبي ماشاء الله كبيره جدا في السن ربي يحفظها .. تقول والله احنا زمان لا نعرف لا ابر ولا شي ماكنت اشرب بناتي الا مشروب التمر والحلبه وماشاء الله وجيهم من صغرهم مليانه والبيااض والخدود مورد من غير شي
عاد انا حطيت الاسم في بالي

بعدها بكم ايووم اروح احووس عند الحرمه اقولها خاله وش هووو مشروب الحلبه والتمر اللي قلتي عنه
الا قالت لي عالطريقه .. لي اسبوعين مجربتهااا .. والله العظيم يابنات وجهي ولله الحمد صفي مرررره وخدودي وردت وربي شاهد علياا والصفار اللي في وجهي راااح .. بشرتي فاتحه ماشاء الله تبارك الرحمن بس كان وجهي مصفر كانوو مو نايمه ولا اسهر طول اليووم غير الحبوب اللي كل ماتروح وحده تطلع الثانيه ولونه مرره مرقع

والطريقه هي :
تغلين الحليب على النار وتضيفين 5 حبات هيل .. مع ملعقة اكل حلبه وتخليه يغلي الين يصير لون الحليب مايل للبيج بعدين تصفيه وتحطيه في الخلاط وتضيفي عليه التمر اي نووع ماتفرق بس انا للامانه حطيت معاه عجووه وتخليه في الخلاط الين تتطلع الرغوووه ويصير مثل الكابتشينوو
طعمه لذيذ مرره والحلبه ابد مو باينه ولا طلع لي ريحه ولا شي ممكن عشان الهيل ضيع ريحة الحلبه

كنت اشربه مره في اليووم عالمغرب ..

وكل صباح اشرب هالمشروووب
اللي هوو مويه تخلطيها مع ملعقة موية ورد وملعقة عسل وعالريق ونصحتني بعد اسف زعتر عالريق كل يووووم
والله العظيم طلع لي خدووود في اسبوعين بس ووجهي صفي وبياااض ماشاء الله
كنت اشتكي من صفرة الوجه .. والهالات السوودآآآ
للأمآآنه خلال هالاسبووعين زدت 2 كيلوو هذا اللي لاحظته .. انا ماتفرق معاي لاني كنت ابي اسمن
واستخدمت لوجهي صابونة الكركم
اللي باوصله لكم حبايبي انه اهم شي العنايه من الداخل .. وربي وجهي كان مرقع الوآآآن ماخليت شي ماحطيته .. مع ان جسمي لوونه حلو الحمدلله ماخليت تقشير .. كريمات تفتيخ خلطآآآت للوجه
اللحين اتأكدت ان العلاج علاج داخلي .. عشان خلايا الجلد تتجدد والدم يمشي في الوجه ويورد بعدين نستعين للكريمآآآت
حبيت اقوولكم تجربتي لأني والله ماكتبت لكم الموضوع الا بعد ماشفت النتيجه على نفسي
واي سؤال انا حاضره

اللي فووق منقوول من منتدى ثاني
الله يجزاها خير صاحبة الموضوع
و الله يجزاء ( عندما كنت ) كل خير
و ربي يوفقها و يسعدها دنيا و اخره
عرفته منها
و انا نقلت الموضوع لان دايم الصبايا
يسألون عن طريقته و بغيت الكل يستفيد

دعواتكم لي بالتوفيق و السعاده

 

[!! Ba6a 7lwa !!]

مشكوره ويعطيج الف عافيه

وصح اهم شي العنايه الداخليه قبل الخارجيه

 

[دآآآنــه]

مشكوره ويعطيج الف عافيه

وصح اهم شي العنايه الداخليه قبل الخارجيه

الله يعافيك حبيبتي و نورتي الموضوع :eh_s(7):

 

[love moody]

جزاك الله خير

 

[sverige]

كيلوين باسبوعين هاي شلون تنحل
اني وزني 50 ومااريد ازيد هيجي تمام
بصراحه اعرف صديقه ماما تستخدم الحلبه
هي بيضا كلش بس سمييينه بس مابيها ريحه ابد
اتصور السمن من الحلبه

 

[sverige]

اريد اجربها واريد تشجيع خايفه من الريحه والسمن !!!!

 

[ReeM ^ Style]

مشكووووووره خوش موضوع

 

[اميرة احساسي]

.



كلي انوثه الله يسعد قلبك حبيبتي

راح اجربها ان شاء الله

 

[تبيني آرضى عليك]

مشكورررررررررررره حبيبتي

 

[..~Goolz]

مشكوره

 

[shabh]

ياروحي انتي زي سويتي نزلتيه موضوع لان كثرة الاسئله عليك..

ربي يجزاك كل خير..

 

[Sara !]

بالضبط ، اهم شي العنايه الداخليه قبل الخارجيه

والله ناويه اضبط نفسي هاليومين

يعطيج العافيه حبيبتي :**

 

[سويت فانيلا]

ييييسلموا

 

[سـمـو الآمـجـاد]

حلو سويته بالاجازة

طعمه يميييييي

بس شغلانة مالي خلق اسويه ايام الدوام

 

[دآآآنــه]

جزاك الله خير

وياك حبيبتي و نورتي الموضوع :eh_s(7):

 

[دآآآنــه]

كيلوين باسبوعين هاي شلون تنحل
اني وزني 50 ومااريد ازيد هيجي تمام
بصراحه اعرف صديقه ماما تستخدم الحلبه
هي بيضا كلش بس سمييينه بس مابيها ريحه ابد
اتصور السمن من الحلبه

حبيبتي صاحبة الموضوع تبي تسمن
بس انتي اذا ما تبين تسمنين خففي اكل
او استغني عن العشاء بسلطه
و الريحه اذا تتسبحين كل يوم و تستخدمين مزيل ما تطلع ريحه ابد

 

[دآآآنــه]

اريد اجربها واريد تشجيع خايفه من الريحه والسمن !!!!

جربيها و ان شاء الله ما تسمنين و لا تطلع لك ريحه
و نورتي الموضوع :eh_s(7):

 

[عبقرية]

اشكرك​

 

[فديت هالطلة]

يسلمو حبيبتي بإذن الله راح اسويها بس سؤال الحلبة تكون مطحونه لما اغليها مع الحليب او لا وتسلمين ��

 

[دآآآنــه]

لا حبيبتي الحلبه لازم تكون حب