كآآآآآآبه ^ وبجي ^ وضيقة خلق ^ كل هذا من الحماااال ؟؟؟

[الفنانه79]

وردة النرجس بععد قلبي وان شاء الله راح اكثر من الاستغفار

بيست ليدي مشكووووره يالغاليه وان شاء الله فترره واتزووووووول

 

[مبدعة]

حاشتني هالحالة اول اشهر الحمل كنت ابجي على اسخف الاشياء طبعا غير الكوابيس اللي مالها اول و لا تالي

و اخذيها مني نصيحة و لا تتهاونين فيها و بتشوفين الخير من وراها

داومي على اذكار الصباح و المساء

داومي على الرقية الشرعية كل مغربية

داومي على الاستغفار

سبحان الله صج حياتج بتتغير 180 درجة

و قبل لا تنامين اقري اذكار النوم .. عقبها و الله ما شفت و لا كابوس و ما اشوف الا الخير

ربي يكتب لنا ولج الخير و يتمم حملج و حمل كل وحده و يسر نظرتها بجنينها

 

[بدويه ستايل]

اول شي شلونك ؟؟؟


لي فتره ما واجهتك بالتجمع ولا تطمنت على اخبارك


ثاني شي اعراضك كوبي من اللي فيني وتذكرين لما قلت لك


اعراض نساتك نفسي بالضبط الظاهر بنجيب نفس الجنس>>>>>>> لووووووووووووول



انا ياقلبي معروفه هذا ثالث حمل لي وتجيني مع النساة هالاعراض


تخيلي صار لي اسبوعين موطالعه من البيت بالمره


بس عيالي اخلي ابوهم يوديهم لاهلي يلعبون مع عيال اخواني وخواتي


او يوديهم بيت حمولتي يلعبون هناك مع خدامتهم


وانا قاعده بالشقه حتى رجلي ارتبط فيني


يقول ما اقدر اخليك اخاف يصير شي والا تتعبين فاكثر الاحيان يقعد معاي


والا يروح بيت اهله نص ساعه يسلم على امه ويرد


خربطت نظامه طبعا عيالي بالي ضيق معاهم وودي من العصبيه اللي فيني


اطقهم طق وكله ضايق خلقي ولا اروح اي مكان



الحل للاسف مافي حل طول فترة النساة اكون بهالحاله


وماتروح لين تروح النساة ع الرابع تبدين تتحسنين


وتصير عكسيه مالك خلق تقعدين بالبيت كله طالعه وتتاقلمين مع وضعك انشالله لاتحاتين


كل اللي عليك تقرين القران والاذكار

والله يهون هالفتره عليك وتصبري هذي ضريبة الحمال​

 

[اماسي]

ترى كل اللي كتبتيه مرررررررررررررررررررررررررريت فيه واقوى احس جاني الموت كرهت نفسي وزجي وحتى اهلي ومااحب اكل كله بس ابكي وبس ادور المشاكل بس كلها كم شهر وتعدي انا لمل دخلت الخامس بدت الحاله تخف معي بس الاكل ماحبه ولما ولدت جبت بنتي 2كيلو انصدمت يوم شفتها مرررررررررررررررررررررررررررره صغيره وقالوا لي هذا من قل الاكل والنفسيه اثر على الطفل والحين الحمد لله

 

[أم منصـ 85 ـور]

الفنانة حتى انا ببداية حمالي كان جذي حتى فكرت أموت تدرين اكلم نفسي اقول انا شحقه عايشه لا تسأليني ليش هالتفكير ..!! الحمدلله فترة وعدت .. والله يتمم عليج

 

[pink-rose]

صاجه كويتيه مذهله--->انتي ابلتنا وانتي الي تزفينا لي بجينا وانتي مصدر قوتنا يصير فيج جذي!!!
افا عليج بس

حبيبتي كل الي فيج شئ عادي بسبب تغير الهرمونات والنساة انا بنساتي كنت نفسج بالضبط وحبست نفسي
بالشقه شهر كامل لا اطلع ولا اتمشي حتي اهلي وحمولتي مالي خلقهم واحس استغفر الله بقمته مو طبيعيه
وان ماكو شئ يسوا ان استانس او افرح نفسي عشانه بس الحمدلله شوي شوي بدت الحاله تخف بشكل
تدريجي لين وصلت لأخر الثالث او اول الرابع رديت طبيعيه الحمدلله

فتطمني ان شاء الله ماكو الا العافيه وكلا ذكري الله ولا تنسين اذكار الصباح والمساء والله ان فيهم راحه عجيبه
وعسي الله يهون عليج حبيبتي

 

[داريني]

واااي جنج انا
بحمالي اصير عووومه ومالي خلق شي
بس كنت اقرا سورة يس==احبها وايد
شويه وارتاح
وكان ريلي يطلعني بروحي ونتمشى علشان اغيير جو
بس ستل اظل عووبه خخخخخخ
عادي هذي لخبطه بالهرموناات

 

[pink-rose]

حبيبتي لقيت لج هالادعيه :

===علاج الضيق===

اذا شعرت بالضيق فقل:
1-بسم الله اعوذ بالله منك (3مرات )
2-العنك بلعنه الله التامه (3مرات) وامسح علي صدرك بكثرة الدعاء (اللهم رب الناس
اذهب الباس اشفي انت الشافي لا شفاء الا شفاؤك شفاء لا يغادر سقما )
3- ضع يدك علي مكان الوجع وقل (اعوذ بعزة الله وقدرته من شر ما اجد واحاذر -7مرات )

 

[chocolate cake]

حبيبتي والله ان شاءالله ما تشوفين شر

و ان شاءالله فترة و تعدي

بس بقولج شي

اقري قرآن و بالذات سورة البقرة و كثري من الاستغفار و الدعاء

و قبل لا تنامين صليلج ركعتين و اقري اذكار النوم و المعوذات عشان ما اييج ياثووم

و شيلي كل شي يضايقج من بالج

و حطي ببالج ان ما فيج شي لان انتي ان شاءالله ما فيج الا العافية

و ترى التفكير يلعب دور

انا لما اصير مريضة

اذا تلحفت و نمت بفراشي و ما قمت و لا تحركت امرض اكثر

فاسوي روحي جنه ما فيني شي بالعكس اخذ دوى و اطلع عادي و ان ما طلعت اقعد بالصاله و لا جنه فيني شي و شوي شوي اطيب بسرعه
و انتي بعد اذا حطيتي ببالج هالشي راح تتعبين زياده

انسي و تذكري كل شي تحبينه

و نصيحه اذا عندج اجازه او شي اجريلج شاليه و الا غرفه بفندق لو بس تغيير

و ان شاءالله ما عليج الا العافية

و الحين قاعد يطق مطر عندنا و قاعده ادعليج

عسى ربي يفرج همومج و يريح قلبج و يسعدج دنيا و اخره

 

[keeka]

عادي حبيبتي لا تحاتيين وصج هذا كلا من الحمال انا كان يصير فيني نفسج صج كلا ضايق خلقي ولا لي خلق احد وبس ابجي وامي كلا تزفني تقولي الناس احملوون يستانسوون وانتي كلا ضايق خلقج وابجي اقولها مو بيدي سبحان الله هرمونات الجسم اهي اللي تسوي جذي تعوذي من ابليس وذكري ربج وماعليج الا العافيه

 

[الفنانه79]

بعد قلبي والله ان ارتحت حيييييييييييييييييل لما قريت ردودكم واشلوووون تدعولي

ان شاء الله كل اللي قلتولي عنه راح اسويه وراح اقرى قرآن وسور البقره ويس وادعية الصباح والمساء

 

[نفحة عطر]

ياعمري والله حاسه فسج انا مريت بهالمرحله وكله بجي وصراخ واتنرفز على اقل شي بس اكثر شي يزيد لمن اقعد بالبيت حاولي تطلعين مع خواتج او امج ترى يخف عليج وحاولي تنسين و كل ماتحسين انج بتبجين توضي وصليلج ركعتين واقري قران انا عن نفسي كنت اقرى سوره يس وااااااااااااااايد ارتاح لمن اقراها والله يهون عليج يارب حبيبتي والله حاسه فيج ..

 

[foozia_87]

حبيبتي ربي يهون عليج وما عليج شر بس خلي اليمعات عندج طلبي من الكل يزورج خواتج وحمواتج رفيجاتج عزمي الكل واستانسي كسري اللي فيج ودايم استغفري ولا تنسين انها بعد جم سنه راح تسولفين حق اللي ابطنج وتقولين له كنت وانا حامل فيك ما اطيق احد ومقموته وضايقه وكله اعصب وتصير ذكرى حلوه وتقولين مرة السنين ابسرعه
والحمد لله على كل حال وادعولي ربي يرزقني بالذريه الصاالحه السليمه آمين

 

[مشمشه_كويتيه]

حبيبتي الفنانه ماتشوفين شر ان شاء الله :0bee2e8d89:انا بحمالي اللي قبل صار فيني نفس الشي كارهة كل شي زوجي بيتي عيالي سبحان الله بس عدي الشهر الرابع وخفت النساة صرت وحده ثانيه تصبري وتعوذي من ابليس واقري سورة البقرة علي ماي صحه كبير نصه شربيه والنص الثاني تسبحي فيه ويكون شوي بارد وشوفي الراحه اللي بتحسين فيها سبحان الله سوي هالاشياء لمده 3 ايام وابتدي من اليوم سوي هالشي وتري برد للموضوع اجيك عليج _03BA: وهونيها وتهون:tek:

 

[nazek_q8]

بدون تعليق :nocommint:

 

[++The DuchesS++]

الله يكون بعونا كلنا
انا بعد يصير فيني جذي بين فتره وفتره
بس مثل ما قالوا البنات احسن شي
تداومين على الاستغفار والبقره والاذكار
لاني من انقطع عنها نصير فيني هالحالات
والله يهون علينا ان شاء الله

 

[زوجي توأم روحي]

فنانة حبيبتى عادى
انا بحمالى اللى طاف ببنتى صرت نفس حالتج واردى بعد
لا وبعد الولادة ( بالاربعين العن والعن )
بس صدقينى مجرد ما طلعت من الاربعين بدت الحالة تخف شوى شوى لين راحت
لا تحاتين
بعدين انا مو مع اللى يقولج كونى قوية
احنا بشر
ولما اتحسين انج تبين تبجين او تشتكين او حتى اتصرخين لا تمنعين نفسج
طلعى اللى بقلبج :tek:

وادعيلى ربى يرزقنى توم صبيان

 

[Tangled]

واااااااااااااااااااااي الله يعينا ويعينكم امبيه ما نخلص اكتئاب بالحمل واكتئاب بعد الولادة

 

[تانغو]

مبرووك الفنانه على الحمل وربي يحفظج
انا نفسج واردى بعد تغيرت 360 درجه من عقب التكشخ والعطور والمكياج صرت وحده ثانيه مالي خلق شي لا البس ولا احط مكياج وكرهت الكلونيات والبخور وضيقة ضيقة اتخرع وبس ابجي واحسن شي اتسويينه ابجاي لانه انا من ابجي ارتاح انا ساعات اكون قاعده مع اهلي تلاقيني فجأه ابجي بروحي احس متضايقة وخايفة وكل شي ماتدرين شنو فيج ...

كنت احس اني هلكانه لو امشي شوي جني راكض وراي جلب من كثر ماالهث .... يعني سوالف وايد صارت لي واللي اكتعبني اكثر سفر امي وانا بأول حمل لي وعلاقتي بامي قويه اهيا كل شي بحياتي احس بشي كبير ناقصني ... وباقي 14 يوم وترجع وناطرتها بأحر من الجمر ودي اشوفها واسولف لها عن حمالي الاول عقب انتظار ... والله يتني البجوة سامحيني طولت عليييج ... وصدقيني كله اجر من الله

 

[الاسطورية]

حبيبتي انتي تذكري شي واحد وان شاءالله تخففين عن روحج الزعل والكابه تاثر سلبااااااا على ولدج عاد انتي سولفي معاه في بطنج كل ماضاق خلقج وقوليله بونس عمري عشانك وحاولي تونسين روحج مجلات تلفزيون سوالف ميخالف لازم عشان مايتاثر