++) قيـــود الصـــمــتـ (++ تاليف انجاااال (شاركونا الاكشن)

[بنوته كيوت]

كمليهاااااااااااا بللللللللليز

 

[انجال]

اســـــــــــــــــــفه ..وربي

كان عندي كوورس صيفي هع هع .. وعندي اختباارات نهائيه .. وربي سووووووري << امها شاايله النت منها عشاان تدرس هع هع

وربي امي الله يهديها شاالت النت عندي هع هع

المهم اسفه ياغلاتي

وربي اسسسسفين على الاطاالعه

ويالله ابغى رايكم ..

راح اطرح كل الاجزااء الباقيه

نتواصل انجال

 

[انجال]

الــــــــــجـــــــــــزء الثـــــــــــــالـثــــــــ عشــــــــــــــر
*****************************************
غرفة ساره وخالد ..
خالد .. ساره ..
ساره .. يا عيون ساره ..
خالد .. انتي زعلانه عشان قرار ابوي ..
ساره منزل راسها .. ادري انه مو قرارك وادري انه اقصبك عليه .
لكن وش تسوي؟ هذا ولد اخوك.
وهذا امر ابوك .. وابوك يبغى الولد عندهم .. ويبغاك تجيب اعيال له .. وادري عمي على باله اني
ما جيب اعيال .. وحب يزوجك عشان يشوف اعيالك ياخالد وهي تدمع عيونها ..
خالد .. ااااااااايا ساره .. انتي موافقه ياساره ؟؟

ساره .. انا ..!! انا ما يهمهم قراري او كلامي .. واذا اسالوني راح اقول موافقه عشانك انت بس.
وعشان مصيرك الاني انكتبت فيه .. وحتى لو ما وفقت وين اروح ؟؟ انا ما حبيت بالدنيا الا شخص
واحد هو خالد هو انت .. والي يصير لك انا مستعده اتحدا العالم معك واقف معك ..
خالد .. وعهـــد ؟؟

ساره .. عهد كانت لي اخت لما كانت زوجة فهد وساعدتني كثير وحبيتها لكن من قالوا
انك راح تاخذها صدقني بديت اكرها .. وبعدها فكرت وقلت البنت مالها ذنب وياما في مواقف كثيره
ساعدتني فيها .. واقل شي اسويه اني ارد لها الدين اللي وقفت معي ..
خالد .. تردين الدين مني ؟؟
ساره .. لا انا احاول ارد لها الدين انها تلقا مكان تعيش فيه وتستغر مع انسان تعيش حياتها معه ..
خالد .. وانا يا ساره ..وش بنسبه لك ..
ساره .. انت يا خالد بالنسبه لي .. كل شي بحياتي وعمري اللي عشته ..
لكن عيش معها حياتك وانا ما ابغى منكم الا سعود اعيش معه .. وترك ساره وعيش
مع عهد ..
خالد .. لكن انا حبيت ساره ؟؟
ساره .. خالد وحتى انا حبيتك والله يشهد .. لكن كلامي اللي راح اقولك لك اتمنى انك تنفذه حرف حرف
اذا فعلا تحبني ..
خالد .. انتي تدرين اني اهوااج مو بس احبك ..
ساره .. حلو واتمنى انك فعلا تحبني وتنفذ اللي اقوله ..
خالد .. اذا قدرت عليه راح انفذه كم ساره عندي ..
ساره .. خالد انت راح تتزوج عهد ..وسعوود خله عندي وانت وعهد عيشوا حياتكم وساره
راح تكون ام اسعوود وانت وعهد جيبوا اعيال وانا اربيهم ايش رايك وهي تضحك ببتسامه صناعيه والحزن
في قلبها ..
خالد .. انتوا وش تقولين ساره انتي تحاولين تضحكين علي بالابتساامه الي راسمتها علة وجهك ..
ساره لا حشى منتي ساره اللي تبيع خالد بالسهوله ذي ..
ساره .. انا ما بعتك ..انا اشتريك لكن وهي تبكي .. وش اسوي بقرار الزمن اللي حكم بس اني
ابتعد عنك يوم بعد يوم ..
خالد يقرب منها ويرفع راسها ويمسح دمعتها ويضمها بصدره وساره تبكي وتتنهد ..
خالد .. انتي حياتي كلها. وعهدا علي محد راح ياخذ غلا خالد الا انتي ياساره ..

*********************
في بيت ابو عبدالله...
ام عبدالله طايحه في سريرها .. وساره والجازي ورهام قايمين فيها ..موت فهد سبب لها صدمه
وما خلها تتحرك يعني صارت عاجزه عن الحركه ..
رهف وريوف<< بنات عبدالله عند جدتهم ..
رهف .. يمه خلده خليني انا اوكلج .
ريوف .. لالا انا اوكلها ..
ام عبدالله في سريرها .. يالله كل وحده توكلني لقمه ..
الجازي .. يابنات اشوي اشوي على جدتكم ..
ام عبدالله .. خليهم يالجازي .. افرح لمى اشوفهم قربي ..
رهام.. ريوووف لا تحطين الشطه على الدقوسمو زين على جدتك ..
رهف ..ريوف هبله ما تعرف ..
ام عبدالله .. الا يا رهام فين ساره؟
رهام .. في غرفتها مع خالد ..
ام عبدالله .. اااه مسكينه هالبنت ..الا وين سعود ولد فهد اليوم ما جانا ..
الجازي .. لا ياعمتي جاء بس لقاج نايمه اخذه خالد ووداء لاهله ..
ام عبدالله .. ومتى راح يتزوج خالد عهد ..
رهام .. يمكن بعد شهر الانه بعد اسبوع راح تخلص العده .. واللي سمعته من خالد ماراح يسوي
عرس عشا عادي ..
الجازي .. ياويلي .. ساره حالتها تعبانه ..
رهام .. لا تلومينها هذا خالد حبها الاول وانا اموت لو احد اخذ عادل مني ..
ام عبدالله .. ااااااه من يتوقع انه خالد راح ياخذ زوجة اخوه ؟؟ دنيا سبحان الله تغير امس راحت ريم
وبعدها فهد .. والله يعلم وش بصير باجر ..؟
الجازي .. انشاءالله خير ي عمتي ..
تدخل عليهم ساره .... السلام عليكم .
الكل .. وعليكم السلام والرحمه ..
رهام .. كيف حالك يا ساره ..
ساره تتنهد .. بخير ..
الجازي .. رهف ريوف .. يالله خلنا نمشي ..
ام عبدالله .. ليه اجلسي يا الجازي ..
الجازي .. يا عمتي جلستكم ما تنمل بس ابغى ابدلهم عشان ملكة اختي غزلان ..
ام عبدالله .. ماشاءالله بندر راح ياخذ غزلان ..
الجازي .. ايوه ياعمتي ما بغت غزلان توافق ..
ساره ... الف مبروك لها تستاهل غزلان واخوي بندر يستاهل بعد ..
الجازي .. الله يبارك فيك يا ساره والف مبروك لاخوك بعد ههه نسيت انه اخوك ..
رهام .. تصدقين ماشاءالله غزلان اسم على مسمى وهي نفس الغزال طالعه تجنن ..
ساره بضحكه .. واكيد غزلان ما اخذها الا الغزال اللي زي بندر اخوي ..
الكل يضحك ..ههههههه
الجازي .. حبيبتي شوفي من دحين اذا اخوك بكى اختي اخذه بالعجره واضربه ..
ساره .. حلال لك اضربيه بس بشويش .. وانا ابصم لك انه اختك ماراح ترضى انك تضربيه ..
الجازي ..ليه .. متاكده!!
ساره .. الانهها اكيد تحبه وما ترضى حد يمسكه او يضربه ..
رهاام .. ساره توافقين انها تضربه بعد ..؟
ساره .. عارفه انه اخوي ما يمد يده ..
ام عبدالله .. ساره كيف قلبه دحين ..
ساره .. الحمدالله بعد العمليه اللي سوها صار الحمدالله احسن من قبل بكثير ..
الجازي .. الحمدالله على كل حال ..يالله يارهف وياريوف ..
ساره .. وانا راحيه اسوي نفسك واروح لبيت اهلي واشوف المعرس قبل لا يملك وابارك له .
ام عبدالله .باركوا لهم عني يا يناتي ..
الجازي وساره .. انشاءالله يا عمتي فمان الله ..
ام عبدالله ورهام .. فمان اللله ..
ام عبدالله تتنهد .. ااااااااااه
رهام .. يمه فيج شي ..
ام عبدالله .. اااه يارهام لو اختك ريم عايشه كان فرحنا بملكتها ..
رهام .. الله يرحمها يا يمه من ماتت لها خمس اشهر ونص ..
ام عبدالله ,..ما ادري عندي احسااس يا رهام انها مو ميته ..

رهام .. يمه هذا اعتقادج الانج ما شفتي جثتها لكن المجرمين اكدوا انهم ادفنوها وهي ميته
ويعني لو ميته يا يمه ..
ام عبدالله .. ااااه يا رهام والله فقد صوتها في البيت .. وفقد دلعها وطولت لسانها ..
ندمت كثير اني ما عطيتها جوالها ..
رهام .. يمه لا تندمين دحين ما يفيد الندم ما يفيد غير تقولين الله يرحمها ..
ام عبدالله .. لكن حتى بحلامي تجيني وتمد لي يدها وتقول يمه تطمني انا بخير واحاول اني
امشي وراها ابغى اعرف وينها وفجاء تختفي ..
رهام .. يمه هذي هذاري الليل .. لا تودي ولا تجيب ... صحيح البيت كله فقدها ..
وحتى انا ..فقد سوالفها وفقد اسرارها اللي تخبيها عندي ..
ام عبدالله .. اااه ياريم الله يرحمج يا بنتي .. وتطيح دمعتها ..
رهام .. يمه لا تبكي انا عندك وخالد وعبدالله كلنا حولك ..
ام عبدالله .. انتوا عندي بس اثنين مو عندي من اعيال فهد وريم .. فهد اللي
راح وولده صغير ما كمل السنتين .. ولا ريم اللي راحت وهي صغيره اللي ما تشافت الدنيا بعدها ..
رهام .. يمه استغفري الموت ما يعرف صغير ولا كبير ..
ام عبدالله.. استغفر الله لكن ريم ماتت مقتوله وفهد في حادث..
رهام . يمه هذا المكتوب لهم ولازم انك تصبرين بحكمت ربك وهذا اختبار لج ..
ام عبدالله .. ونعم بالله يارهام والنعم بالله ..

****************************

 

[انجال]

سندس وبشاير عند غزلان بنت عمهم ...

سندس .. الله يا غزلان جد رووعه تجنني ..
بشاير ..وين الملح عشاان عيون الحسوود ما تصيبك ..
غزلان ..بدلع ... بس عـــاد ..
(( غزلان كانت لابسه بدله بصليه فااتحه عليها كرستال ابيض رووعه وكانت البدله ضيقه عليها شوي
ومطلعه جسمها جووناان ..
ورافعه نص شعرها فوق وحاطه تاج صغير وناعم .. وحاطه حكره قلاس
وكريم اساس بسيط وشدوا بصلي غامج وكحل الاسود حاولين العين طالع عليها جونان كانها عيون الغزال ..))

داانه .. يا شين البقره لا تدلعت ..
الكل ضحك ..
غزلان .. دانووووووه برى ما ابغااج عندي ..
دانه .. مو بكيفج هذي غرفتي مثل ماهي غرفتك ..
سندس .. خليها وش حارق اعصابك ؟؟
بشاير .. ما يحتاج تسالين ..؟؟ الانه غزلان احلى من دانووه الدبه ..
داانه .. بشايرووه تراني محترمتج عشان جالسه بغرفتي .. يعني احترمي صااحبتها ..
غزلان .. وشهووو صاحبتها مسرعه ما يمديك كتبتيها باسمك يا دانوه ..
سندس .. انتي خلاااااص راح تكون عندك مملكة بندر وش تبغين في غرفة دانه الدبه ..
دانه .. وشهووو دبه اقوول انتوا اكيد محترات مني الانه امي توكلني عدل ولحمي مستوي مو مثل غيري
اعضااام اللهمه لا شمااته ..
سندس ... وش قصدك يا جرااح افندي ؟؟؟
دانه .. منو جراح ؟؟
بشاير .. لا تتغبين انتي اعرف...؟
غزلان ... عفيه يا بنااات عمي اخذوا ثاري منهااا ..
دانه .. ووووووووواااع جراح ولد عمي سعوود ما ابغاا ..
سندس .. غيرك سمعنااها منه واخذووا اللي قالوا عنه واااع ..
غزلان .. وش قصدك ؟؟يا سوسه ..
سندس .. انا ما قصدت احد اللي فيه ريح ما يستريح ..
غزلان .. داانه شكلنا استحملنا بناات عمي مافيه الكفاايه وانا اختج ..
بشاير .. وش قصدكم ؟؟ تراني ما قلت شي ..
داانه .. واخيرا تكلمتي ؟؟؟ يالله هجوووم ...
سندس .. مع السلامه ابي اطلع قبل لا انطرد ..ههههه وتطلع من الغرفه
غزلان .. تعالي يالدبه ههههههههه
بشاااير .. اقول اشوفك على خير يا بندر افندي ..
غزلان .. يا شينك اجلسي اشوي ....
بشاير .. تعرفين بعد اشوي راح يملكون ولمى يملكون اجي واجلس معك لين تقولين لي اذلفي يالدبه ..
غزلان .. طيب شكلي حلو دحين ؟؟
بشاير .. انتي غزال ماشاءالله .. ما يحتااج تعديل او شي ..
غزلان .. تسلمين ياقلبي .. طيب اذا نزلتي تحت خبري الجازي تصعد لي طيب ..
بشاير .. من عيوني .. ما طلبتي شي يا زوجة اخوي...
غزلان ..تستحي ... بشاير ..
بشاير .. سمي ..
غزلان .. ببتساامه .. العاايده لك انتي وعزوز ..
بشاير تطلع من الغرفه بسرعه وهي مستحيه ..
دانه ... كح ههههههههههههههه ياحليلها استحت ههههههههههههه
غزلان .. انتي هناااا ؟؟
داانه .. اقول السلام عليكم ...
غزلان .. قوومي نادي الجاازي يالله يالبطه ..
دانه .. مالي خلق ..
غزلان .. دااانوووووووا
دانه .. طيب يا عرووس لا ينشق بلعوومج او ينقز لج عرق وتموتين علينا ونبتلش في بندر ..وتطلع
غزلان .. هههههههههههه صحيح مصرقعه وتحرق الكبد لكن مرات تعجبني ..

*******************************
في مجلس الرجااجيل ..

بندر متكشخ اخر كشخه .. وشااق الابتساامه ..
تركي ... الف مبرووووك يا بندر ..
بندر .. الله يبارك فيك يا ابو سالم والعاايده لك ..
تركي .. امين ..
عبد العزيز .. يا ولد وش عليك ودعة العزوبيه ودخلت الزوجيه ..
بندر .. احم احم<< ويعدل نفسه
جراح .. طالع هذا تكبر من دحين علينا يا اخي محد ملك غيرك ...
تركي .. يا جراح خل الولد يفرح اليوم ...
بندر .. اي والله خلوني اتكشخ وتدلع ..
تركي .. يا ولد خطير .. ((يهمس في اذنه)).. خل الدلع عندها ههههههههههههه
بندر .. ههههههههه الله يقطع ابليسك ..
عبد العزيز .. وش فيكم تتهامسوون ؟؟ وتضحكوون ؟؟
تركي .. وش دخلك انت وخشتك انا ونسيبي نضحك ..
عبد العزيز .. نشوووف يا تركي افندي علمتني من دحين نسيبك اووكيه ..
تركي .. والله هالمشكله زعلنا العم عبد العزيز اخااف ما يرضى فيني لمى اتقدم لاخته ...
بندر .. هههههههههههههه .. تركي ياابو وجهين اطلع على حقيقتك ..
تركي .. اشهدني رحت فيها ..
جراح .. هههههههههه بطني ..
بندر .. لا يصير فيك شي اليوم يا جراح وتخرب ملكتي علي ..
جراح .. وشهو على بالي رح تقول اسمله عليك ولا ابعيد عنك الشر ..

عبدالعزيز .. يا جراح خله بندر اليوم فاااصل عن الخدمه مؤقتا ..
الكـــل .. جلس يضحك ..

**************************
(((بعـــــــــد مـــرور .. شهــــرين على ملكة بندر وغزلان .. ومرور 7 اشهر ونص لغياب ريم ..))

اليوم زوااج خـــالد وعهـــد .. وعزاء ساره لرحيل خالد عنها ..

خالد سوء عشاا بسيط بالمناسبه هذي .. وما عزم غير الاهل والاحبااب ..

في الصاله ... والكل موجوود ..

وعهد كانت لابسه دراعه عاديه وكحل قلم وحمره قلاس ..
وكان شكلها رهيب وشعرها طايح لكتفها.. وساره كانت تشوف عهد كيف جالسه وسرحانه ..

وعهد كانت تفكر بساره اللي كل وحده منهم تفكر في وضع الثانيه ..
ذيك اخذت زوجي مني وحبيبي الاول .. وعهد تقول كيف ترضين يا ساره باني اخذ حبيبك خالد ؟؟

الجاازي .. الف مبرووك يا عهد ..
عهد بحزن .. الله يبارك فيك ..
((عهد اضطرد انها توافق بلحاح اهلها لها وبلحاح عمها ابو عبدالله .. ))

ساره .. كانت تشوف عهد ما نزلت عينها منها ..كانت تشوفها متكشخه ومتزينه لحبيبها خالد
بدمووع محبووسه الكل شايف دموعه لكن ما حبوا يتكلمون ..

ام عبد الرحمن .. ام ساره ..)).. تقرب من ساره ..
ام عبد الرحمن .. ساره .. يا بنتي
ساره ترفع عيونها لامها وهي ميته بكى بس كاتمه وحاابسه اهاتها ..
ام عبدالرحمن .. سارونه تعالي معي للبيت ..((ام عبد الرحمن كانت تشوف بنتها تموت جدامها من البكى ..
من قرار لا بيدها ولا بيد خالد ))

ام عبدالله .. ام عبد الرحمن خلي ساره هنا ..
ام عبد الرحمن .. لا يا خلده خالد وعهد راح يسافرون بكره للدبي شهر عسل خلي ساره عندي ..
ساره وعيونها دموع ما تقدر تنطق اي حرف ..

الانه اذا انطقت تخااف تفضحها دموعها جدامهم ..
ساره كانت لابسه بدله سووده بابيض ورافعه شعرها وحاطه كرستال عليه .. وحاطه مكياج بسيط جدا ..

ام عبدالرحمن .. يا الله يا ساره ..
ساره .. طيب يا يمه .. وهي تطلع تشوف خالد جدامها وما حطت عينها بعينه وتابعة طريقها .. وعيونها
مليانه دمووع ..
خالد بالهفه.. ساااره ..
ساره .. تابعة طريقها .. بسكووت وبدموع ..
ام عبدالرحن .. مبروك يا خالد ..
خالد .. عمتي المفروض تعزيني مو تباركين لي ..
ام عبدالرحمن .. اااه يا ولدي وش اقول غير الله يهنيك.. بس خل ساره برووحها يمكن احسن لها ..
ولا تلوومها ترها محروقه على الاخر ..وتتابع طريقها لحجرت ساره عشان تاخذ ساره ملابسها ..

تدخل ام عبد الرحمن غرفة ساره ..
تلقى ساره راميه نفسها على سريرها وتبكي بقووه ..
ام عبد الرحمن بدموع.. ساره ساره خلاااااص يا بنتي ادعيله ان الله يهنيه ..

ساره .. يمه خالد راااح مني ... يمه خلااااااص خالد مو لي من اليوم صارر لعهد وولدها ..يمه
انا ما اقدر اجيب له بزر واحد يمه (بتنهد) انا انا انااحبه يا يمه ليه يسوي فيني كذا ..

ام عبدالرحمن تقرب منها وتمسح دمووعها ..خلاص يا سارونه يا امي ..
ساره .. شفتي عهد ما تقدر تحط عينها بعيني ..الانها مثلي كلبوونا انظلمنا ..
ام عبدالرحمن .. يا بنتي هذا المقدر ومكتووب وهدي اعصاابك ..
ساره .. يمه اليوم خالد راح يناام معها في الفندق وبكره راح يساافر معها .. وانا راح اجلس
بعصاابي وبدمووعي .. يمه ما اقدر استحمل اشووف خالد معه وحده غيري.. تكفين يا يمه خليه يطلقني ..
تكفيييييييين يا يمه خليه يطلقني ..
ام عبدالرحمن .. انتي مجنوونه .. مااظن ابوك راح يرضى على قرارك ..
ساره .. انا ماراح ارجع هنا تااني مره .. وماراح اسمع كلام ابوي هذي حيااتي مالهم شغل فيها ..

ام عبدالرحمن .. ما حبت ترد عليها الانه تعرف انه ساره محروقه اعصااابها على الاخر ..


سااره وهي تحضن صدر امها وتبكي .. تقول ..


الف مبروك ياخالد من قلب صادق بالايمان..
الـــــف مبــروك يا قــلب ســـاره وانـــواره ..
طلبتك لملــم ايامي وذوبهــا مع النسـيـــان ..
طلبتك خلني صوره من بقاياك محــظــوره ..
وتتركها على مثلي حزينه مالها عنـــوان ..
تحضن بالبكــا جفني حكاية عين مسحوره..
احبك قالـها قلبي يعــاني رعشة الاحـــزان ..
احبـــك قلتها وضاعت قصايد حب منثوره ..

(بقلم انجااال )) سلامتكم هع هع

 

[انجال]

***********************
وبعد مـــــــــرور شهر على زواج خالد وعهـــــد ..

في بيت متعب ..

ريم عند حصه في بيتها ...معها ام مجبل ..
ام مجبل .. ها يامهاا ما تحسين انه بلعوومك زين ..
ريم تهز راسها بالايجاب ..
حصه .. كويس حاولي تقولي كلمه او حرف ..
ريم . تحاول وبعدها تهز راسها بالنفي .
ام مجبل .. هذا عسل جبلي ومفيد لبلعوم . بس اسبوع وانشاءالله تكوني تمام ..
ريم وترفع يدها ..امين يارب
حصه ..الا يا ام مجبل وش اخبار ضاحي ولدك ..
ام مجبل .. الحمدالله كويس ..
عذوب تدخل عليهم ..
السلااااااااام عليكم ..
الكل .. وعليكم السلام ..
ام مجبل .. ياحليلك يا عذوب كل ما طرينا ضاحي جاءت ..
عذوب .. وش به ضاحي ..
حصه .. ام مجبل تبغاج لضاحي ..
عذوب .. اجل انا رايحه لبيت اخوي شملان احسن .. من جلستي هنا ..
ريم تاشر لعذوب تعال ..
عذوب . انا راح اجلس بس عشان مهاا ولا انتو الجالسه مع عجايز ما تعجبني ..
الكل ضحك . ههه يعرفون ان عذوب دمعها خفيه ولي تقوله مو من قلبها ..
عذوب .. صج مهاا قبل اشوي جاء متعب عند شملان وانا ماره يسال عنج وقلت له يمكن عند حصه ..
ريم تقووم ..
حصه .. فين رايحه ..
ريم .. تاشر لمتعب ..
حصه .. شوفيه وتعالي لا تجلسين لحالك..
ريم .. ..تهز راسها بالايجاب ..تروح ريم لمتعب ..
في البيت .
متعب .. جالس في المجلس
ريم تدخل عليه
متعب .... هلا مهاوي ..فينك ؟؟
ريم .. تاشر عند حصه..
متعب .. اجلسي ابغى اسوالف معك ..
ريم تجلس وهي مبتسمه ..
متعب .. مها قررت امشي للرياض بعد يومين .. وابغاج تروحي معي .. يعني جهزي العده حق السفر ..
ريم من الفرحه .. شااقه الابتساامه ..
متعب في قلبه .. لهدرجه هي فرحاانه .؟؟ اااه يا متعب وش راح تسوي اذا فعلا لقد اهلها ..؟؟
ريم .. تاشر بيدها لمتعب السرحان ..
متعب .. هلا مهاا ..
ريم .. تاشر وش فيك ؟؟(( ياربي وش في متعب تغير وجهه ؟؟ يعني ما يبغاني اروح للرياض ؟؟))
متعب ..مافيني شي بس حااس نفسي جوعاان ما تعملي لي شي اكله يا مهاوي ..؟
ريم .. تاشر بعيونها ((من عيوني )) وتدخل ريم المطبخ ..

متعب اااه انا حبيتها فعلا وكيف لمى تلقى اهلهااا يا ترى راح تطلب مني اتخلى عنها ؟؟؟..انا حبيتها
وما اقدر اخليها .. لكن مهااا وش جواابها ..؟؟هل هي تفكر مثلي ..او ما تحس بشعوري ..؟

ريم في المطبخ كانت تفكر مثل تفكير متعب ..(( ياربي وش راح يكون مصيري بعد ما القى اهلي ؟؟
هل يرضى متعب يطلقني .. لالا انا حبيته وما اقدر اخليه وانا تعودت عليه؟؟
هو رضى فيني ومن كلامه وتصرفاته احس انه يحبني ؟؟ ادري اني مقصره معه كثير ..
لكن اللي اقدر عليه اني انفذ اوامره واخليه يحس اني مهتمه فيه ..))

ريم خلصت العشا واخذته الصنيه لمتعب..
متعب .. الله ريحته تشهي ..
ريم .. ببتسامه ..
متعب .. مهاا عندي موضووع في بالي يحيرني .. ولازوم اسمع ردك .. دحين !!
ريم .. تاشر بيدها وشهو ؟؟

متعب .. لي يومين افكر فيك ..تتذكرين اني وعدك اني اطلقج لمى القى اهلك ..
ريم ............. منزله راسها ..
متعب .. مهاا ابغى منك الجواب دحين .. انتي راضيه تعيشين معي للاخر حتى لو لقيتي اهلك ..؟؟
ريم ...............((الجواب في الجزء القادم ))


@ تتوقعوون رد فعل ريم من سؤال متعـــب.. ؟؟
@ وش بيصير في ساره بعد غياب خالد عنها ؟؟
@ وهل راح تشوووف ريم اهلـــهاااا بعد هالغيااب ؟؟ ..
@ وش تتوقعوون يحصل في الجـــــزء الاخيــــــــر ؟؟
في الجزء الرابع عشـــر ؟؟

اسئله كثييـــــره .. وجـــزء واحد بقــى
يالله تـنـتــظر منـــــكمـــ المتاابعــــــــه ..

نتوااااااااصل
انجـــــــــال ..

 

[انجال]

الجــــــــزء الـــــــرابــــــــــعـ ([( الاخـيـــــــــــر )])
***************************************
وقـفــنـــــــــــا هنــــــــــا في الجـــزء الساابق ...

ريم تدخل عليه
متعب .... هلا مهاوي ..فينك ؟؟
ريم .. تاشر عند حصه..
متعب .. اجلسي ابغى اسوالف معك ..
ريم تجلس وهي مبتسمه ..
متعب .. مها قررت امشي للرياض بعد يومين .. وابغاج تروحي معي .. يعني جهزي العده حق السفر ..
ريم من الفرحه .. شااقه الابتساامه ..
متعب في قلبه .. لهدرجه هي فرحاانه .؟؟ اااه يا متعب وش راح تسوي اذا فعلا لقد اهلها ..؟؟
ريم .. تاشر بيدها لمتعب السرحان ..
متعب .. هلا مهاا ..
ريم .. تاشر وش فيك ؟؟(( ياربي وش في متعب تغير وجهه ؟؟ يعني ما يبغاني اروح للرياض ؟؟))
متعب ..مافيني شي بس حااس نفسي جوعاان ما تعملي لي شي اكله يا مهاوي ..؟
ريم .. تاشر بعيونها ((من عيوني )) وتدخل ريم المطبخ ..

متعب اااه انا حبيتها فعلا وكيف لمى تلقى اهلهااا يا ترى راح تطلب مني اتخلى عنها ؟؟؟..انا حبيتها
وما اقدر اخليها .. لكن مهااا وش جواابها ..؟؟هل هي تفكر مثلي ..او ما تحس بشعوري ..؟

ريم في المطبخ كانت تفكر مثل تفكير متعب ..(( ياربي وش راح يكون مصيري بعد ما القى اهلي ؟؟
هو وعدني اول ما تزوجني انه يطلقني لمى يلقى اهلي ؟؟
هل يرضى متعب يطلقني .. لالا انا حبيته وما اقدر اخليه وانا تعودت عليه؟؟
هو رضى فيني ومن كلامه وتصرفاته احس انه يحبني ؟؟ ادري اني مقصره معه كثير ..
لكن اللي اقدر عليه اني انفذ اوامره واخليه يحس اني مهتمه فيه ..))

ريم خلصت العشا واخذته الصنيه لمتعب..
متعب .. الله ريحته تشهي ..
ريم .. ببتسامه ..
متعب .. مهاا عندي موضووع في بالي يحيرني .. ولازوم اسمع ردك .. دحين !!
ريم .. تاشر بيدها وشهو ؟؟

متعب .. لي يومين افكر فيك ..تتذكرين اني وعدك اني اطلقج لمى القى اهلك ..
ريم ............. منزله راسها ..
متعب .. مهاا ابغى منك الجواب دحين .. انتي راضيه تعيشين معي للاخر حتى لو لقيتي اهلك ..؟؟
ريم ... .....................
متعب .. وش معنى السكووت ؟؟
ريم .. تقرب منه وتاخذ يده .. وتحط عينها بعينه .. ...... والسكوت كان سيد الموقف ..
متعب .. يعني وشهو الجواب يا مهاا ؟؟
ريم .. تاشر بصبعها لمتعب ...
متعب .. راضيه تعشين معي ؟؟
ريم تهز راسها بالايجااب ..
(( راح اعيش العمر كله معك .. انت اللي اقذتني من الموت .. وانت الوحيد اللي
سترتني من هالنااس .. وما اهتميت حتى باسمي او من اكون .؟ حبيتك وحبك دخل في قلبي من غير استاذان
متعب ااه ما ادري كل يوم اتقرب منك اكثر من اللي اليوم الي طاف ؟؟
صحيح راح القى اهلي لكن ما اظن
راح القى قلب وااافي مثلك وشروااك .. ))
متعب .. مهاا وش فيك سااكته .. احس انك ندماانه على قرارك ؟؟

ريم .. تبتسم وتهز راسها بالنفي ..
متعب .. حلو هالابتساامه .. يالله انا راح اروح لقبلان اسوولف معه اشوي واقوله اني راح اسافر
بعد يومين .. وانت عودي لحصه ..
* متعب وهو وااقف حس بدووخه واغمى عليه بسرعه ..
ريم .. تصيح اااااااااا واخيرا تنطق بكلمة( لاااا) .. لاااااااااااااا لاااااااا متعب وتقرب منه لااااااااا متعب اصحى
وش فيك متعب ...!!!!
تشوف متعب ما صحى تقوم تاخذ الموويه وتروشه عليه وتمسح وجهه .. وهي خاايفه ويديها ترتجف ..
وتركض تفتح الخزاانه تاخذ منها عطر علبة كلونيا .. وتاخذ مناديل وتخلي متعب يشمها ..
متعب صحى بعد ما شم الكلونيا .. بس حااس بتعب شوي
ريم ... انت بخيـــــــر ..
متعب بين احضان ريم ...بتعجب ومستغرب مهاا تتكلم ؟؟ ..مهاا انتي تتكلمين ؟؟؟
ريم ما حست بنفسها انها تتكلم من الرعب صارت ما تحس بنفسها ..
متعب بتعب وببتسامه خفيفه .. لو ادري كان طحت من زماان عشان تتكلمي ..
ريم .. الحمدالله على السلامتك.. كيف هالحين ؟؟ ..
متعب.. انا تماام دام انفكت عقتدك.. والحمدالله على سلامتك انتي واخيرا تكلمتي يا مهاا ..
ريم .. بضحكه .. انت متاكد انك بخير..ولا اناادي حصه ..؟
متعب يجلس .. انا بخير لا تخافين يا مهااا .. مو لازم تنادين حصه .. بس دامك تكلمتي حلو نتكلم مع بعض ؟؟
ريم .. تنزل راسهااا ..
متعب .. وش فيك ؟؟
ريم .. وش تبي تتكلم عنه .. خلها بكره انت الحين تعبان ؟؟
متعب .. انا بخير تطمني .. بس عندي فضوول قاتلني من اول ما دخلتي هالبيت ..
ريم .. فضوول ؟؟
متعب .. اي ممكن تكلميني عن نفسك يا مهاا دامك تكلمتي ؟؟
ريم ... تنزل راسها .. وش تبغى تعرف عني يا متعب ؟؟
متعب .. انا لحد الحين ما اعرف اسمك الحقيقي ؟؟ وودي اعرف منو عمل فيك كذا ؟؟
ريم ... انا اسمي ريم ..
متعب .. حلو اسمك يا مهااوي هههههههه
ريم .. تصدق حبيت هالاسم ..
متعب ..منو اللي عمل بك كذا ؟؟ وش صار معك ؟؟
ريم .. اللي صار لي يشيب شعر الراس منه ..
متعب .. هالدرجه شااب شعرك من الرعب ..؟؟
ريم .. مو بس كذا .. عيشني برعب وجنون..
وهو يشوف يدها ترتجف ..
متعب .. ليه ترجفي .. خلاص اللي راح راح يا ريـــم ..
ريم ..منزله راسها وتدمع عيونها بصمت .. لا ماراح يا متعب والي صار بي لا يمكن انسااه بحياتي ..

متعب .. قولي لي السالفه كلها ..؟؟
ريم .. لا تستعجل الانه الحكاايه طويله ..
متعب بفضول.. وانا احب اسمعها ..
ريم .. لا تخاف راح تسمعها كلها .. بس احب اقول لك كلمه ممكن ..
متعب .. امري يا ريوومه ..
ريم .. متعب مشكوور على كل اللي سويته لي .. ادري اني تعبتك وتعبت حصه معاي .. وادري
اني مزعجه اول الاياام بس لا تظلمني والله مو قصدي من الويل اللي شفته معهم..؟...

متعب .. ريم اللي سويته معك لا تشكريني عليه .. هذا واجب علي .. ولو واحد غيري شافك
كذا اكيد راح يعمل نفس اللي سويته معك ..

ريم .. متعب.. ما ادري اشلوون اشكرك ..
متعب .. قلنا لك يا بنت الحلال هذا وااجب ..

ريم .. اتذكر لمى كنت في البر كنت اشوفك تمسح وجهي وترويني من المويه وبعدها ما ادري وش جرى لي ..
متعب .. ريم انتي وعدتيني تقولي القصه كلها ..

ريم .. اااااااااااه يا متعب وش اقوول لك..؟؟ وش اخلي .؟؟ متعب انا بنت جامعيه ..........
(( وتروي القصه له كلها ومرات الساعات طويله على ريم ومتعب مستمع ))
متعب .. عشاان كذا لمى شفتي قبلان يحلل الخروف صارختي ؟؟

ريم بدموع .. اي الانه صعب جداا تتقبل الموقف الحقيقي .. لمى تشوف ينذبح جدامك شخص تعرفه

وكيف مات وهو يرفس وعيونه طالعه ..ذكرني الخرووف بكريم كيف ماات ودمه
وعيونه طايره وكيف يرفس..

متعب .. وعمر هذا ليه يعمل معك كذا يا ريم..؟؟

ريم .. انا مستغربه اكثر منك ؟؟ ليه عطاني الحليب وتوس ؟؟ يقول انه يتعذب مني ..ومرات يقول يمكن
هذا اللي عطيتك ينجيك من الموت منااا .. ويمكن تلقين اهلك وتسامحيني..

متعب ..وبعدين ..
ريم .. اااااااه وبعد ما رموني في البر .. جلست يومين من الرعب اللي ما تتصوره ..
بين احضان الكفن ووالاصوات واشكال غريبه بليل تتخيلها وهذا غير العطش والجووع والذعر والكسور
اللي في جسمك .. وغير الكفن البيض اللي يخوف الانساان الحي قبل الميت ...ريم تبكي ..

متعب .. الصراحه ما الومك .. الكفن نفسه يرعب والحقيقه اول ما شفتك قلت اكيد احد قاتل وراميه هنا ..
والصراحه ما تصورتك انك حيه ..
ريم وهي ترفع راسها فوق ودموعها تسيل ... ااااه يا متعب ما تدري اش قد تعذبت ..
متعب .. عارف اش قد تعذبتي والدليل صياحك بليل .. وما تحبي النور طافي ..

ريم تبكي .. لكن هذا ما ينفي اني مشتااقه لهــم كثير واحب اعرف ليه ما سالوا عني ؟؟
متعب .. اهلـــك ..؟
ريم .. اي اهلــي .. مستغربه ليه ما اسالوا عني ..؟
متعب .. ريم الرياض بعيده حيـــل عن الربع الخالي .. وما اتوقع انهم راح يفكرون يلقوونك هنا الا بعد ما يلقون
الخاطفين ؟؟
ريم .. لكن المفروض يعطون خبر لكل الاقساام في المملكه ؟؟

متعب .. هههه انا ما قصرت سويت اللي علي واكثر ما في منطقه قريبه الا ما بلغت قسمهااا ..
(( متعب كان يشووف ريم وهي تسوولف وتحكي القصه وهو سرحاان فيها وكيف فجاء تكلمت ؟؟ وكيف
دموعها تسبقها في الكلام .. ))
ريم .. متعب ..

.. انا كلــــي الم وجــراح ..
وحــزن سيطر انفاســي ..
.. انا كلــي هموم ورمــاح ..
احاول ارســم احساســي ..
..ارحم همومي يا مـرتـاح..
تــرها وقـفــت راســي ..

(( كلمات انجاال ))

متعب ..

والله ما اخليك دام الله مخلـينــي ..
خلي الدمع ياريــم بشوفة خلانــك ..

حتى دموعك تشكي لي ولـهــانـي ..
خوفي جفونك تذبـل يا ورد ياسمينك..
((كلمات انجال ))

 

[انجال]

*************************
في بيت ابوعبدالله ..
الساعه 9 الصبح ..
ام عبدالله جالسه في الصاله .. جالسه مع سعوودي ولد فهد عمره 3 سنين ومع جراح ..
جراح .. سعوود وين الحمامه ..
سعود بوجه مبتسم.. حمامه في المزرعه ..
ام عبدالله .. خل لولد ياكل يا جراح
جراح .. يمه وش فيك خليني اسولف مع الرجال ..
ام عبدالله .. سوالف معه لكن خله ياكل ..
سعود .. ماما جحاح (يعني جراح) حمام بااح ..
جراح ماسك بطنه على بدليات سعوود ..
جراح .. انا جراح موو جحااح .. وما باقي غير تقول جحاء وحماره وانت خروف ..
سعود.. انا سعوودي مو خروف ..
ام عبدالله .. سعود اكل يا ولدي ..
تدخل عليهم عهد ..
عهد .. السلام عليكم ..
الكل .. السلام عليكم ..
ام عبدالله .. هلا عهد ..
جراح يطلع .. يمه انا طالع للمجلس
ام عبدالله .. خلاص رح ..بس لا تتاخر ..
جراح .. طيب مع السلامه ..
ام عبدالله .. مع الف سلامه ..
عهد .. هلا فيج عمتي ..ها عسى جراح ما ازعجك .؟
ام عبدالله .. هذا ولد الغالي اشلوون يزعجني ..؟؟الا يا عهد وين ساره ؟؟
عهد .. ساره راحت مع خالد ..
ام عبدالله .. وليه انتي مارحتي معهم ؟؟
عهد .. عمه رجال وزوجته ليه اروح معهم ؟؟
ام عبدالله.. لكن يا عهد انتي زوجة خالد بعد ؟؟
عهد وهي تلاعب ولدها ... صح لكن خليهم وحدهم ؟؟
ام عبدالله .. لازم خالد ياخذك انتي بعد ..؟
عهد .. عمه لا تنسين انه ساره زوجته اول ..وانا اخذته منهاا ..
ام عبدالله .. لكن الحين غير وقبل غير..و انتي زوجته الحين حق عليه ..

عهد .. انا ما ابغى حقي منه ..؟
ام عبدالله .. وليه؟؟ .. ساره قايله لك حاجه ؟؟
عهد تضحك .. هه عمه وين عايشين ساره بنت الحلال ما تكلمت من تزوجة خالد وهي جالسه بحجرتها
كافيه خيرها شرها .. لكن ماراح تصدقين اللي راح اقوله لك .. انا من قال لخالد ياخذ ساره ..
ام عبدالله بتعجب؟ .. ليه ؟؟
عهد .. عمه ما لاحظتي سكووت ساره ودمووعها حتى العشى ما تتعشى معنا .. ولا جلساتها صارت قليله ..
ام عبدالله .. بكره راح تتعود ..
عهد .. لا هي كانت ترفض خالد يدخل حجرتها حتى .. ولا تنسين انها كانت رافضه ترجع له لو ما قرر عمي
جمعان يمين على امهااا .. واحاول ارد اللي خربته بيدي لها ..

ام عبدالله .. انتي مالك ذنب بالي حصل يا عهد ..
عهد .. ادري يا عمتي.. يالله يا سعوود نرووح حجرتنااا ..
ام عبدالله .. وش بلاك ترووحي خليك ..
عهد .. عمه سعوود ملابسه وسخه من الكاكاو .. خليني اغير ملابسه وارجع ..
ام عبدالله .. على راحتك يا بنتي ..

*************************
خالد وساره جالسين في مطعم ..
ساره تلعب في الكااس الي معها وهي سااكته ..
خالد .. الى متى راح نظل ساكتين يا ساره ؟؟
ساره ...............
خالد .. ساره انا اكلمك ؟؟
ساره .. خالد انت قلت لي امشي نطلع وانا الصراحه مالي خلق امشي ..؟
خالد .. مالك خلق تطلعي معي صح ؟؟
ساره ................
خالد .. ادري ما ودك تتكلمي معي لكن يعلم الله اني احبك ومازلت احبك اقوى من قبل ..
ساره .. شهر اكيـــد يكفي عشان تحبهااا وتنسااني ..
خالد .. تقصدين عهـــد ..؟!!
ساره .. اكيد تغير حبي مادام احد جاء مكانه ..
خالد .. ساره وش احلف لك .. اني اغليك.. وغلاك ثاابت ..
ساره .. خالد خلنا نرجع للبيت ..
خالد .. بس انا ما خلصت كلامي ؟؟
ساره .. وانا ما ابي اسمع اكاذيب ..
خالد .. ومن قال لك اني اكذب عليك يا ساره نسيتي انك حبي الاول نسيتي انك قلب خالد نسيتي ولا اذكرك ..!
ساره .. مرد الاياام تتغير وتتغير قلوووب النااس .. ومرد الاياام تنسيك اعز النـــاس ..
خالد .. افهم من كلامك انك تكرهيني ياساره تكرهي حبيبك خالد.

ساره بدموع تحاول ما تبينها وكتماان واصل للبلعووم من حر مافيها ..

ساره .. خلاص يا خالد خل كل واحد يشوف طريقه يمكن احسن لنا ؟؟
خالد .. انتي وش تقولين ؟؟ مراح افكر لو ثانيه اني اتخلى عنك ؟؟انتي قلبي وعمر الانسان ما
عاش من دون قلب ؟؟
ساره.. انت راح تعيش مع قلبك الثاني .. مع حياتك الثانيه وتنسى ساره بعد ما تشوف اعيالك ..
خالد ... لا تخليك الضنون تفكري كذا ..وانتي قلبي الاول والاخير يا ساره ..
ساره .. لو جد تحبني طلقني ..
خالد .. ساره وش قلنا ؟؟
ساره بدمووع انفجرت .. عن جد لو تحبني طلقني ؟؟ انا ما اتحمل انك تبعد عني بكل ليله .. ما اتحمل اشوفك
جالس مع غيري .. ما اتحمل اني ........ تبكي ..
خالد يقرب منهاا .. لو ما احبك كان ما عطيتك قلبي .. لو ما احبك كان تركتك بسهووله .
ساره تقاطعه ..يـــكفـــي يا خالد بــــس يكفــــي .. خلنا نطلع ..
خالد بعد ما شاف دموعها ما حب يضايقها اكثر .. وطلعوا من المطعم ..
وهي السياره ..الكــــــل ساكت
كان خالد مشغل غنية راش الماجد .. ((عشاان الحب ))..

عشان الحب .. واللي بيني وبينك ..
عشان الحب .. عشاان ايامي وسنينك ..

ابيك تراجع احساسك .. وتنسى جروحك والامك..
حرام انه بهذا البعد تضيع ايامي وايامك..

ادري البعد اثر فيك.. وتدري انه البعد ذابحني ..
حبيبي الله يخليك ..ابيك ترجع وتريحني ..

عشاان الحب... وعشان اللي بيني وبينك ..
انا اترجاك لا تنسى ليالي الحب وسنيني ..

وحاول لجل حبي لك .. انك ما تخليني ..
عشاان الحب... وعشان اللي بيني وبينك ..

ساره كانت تسمع كلمات الغنيه .. وجلست تدمع من غير صوت.. وتقول في نفسها ..
الى متى؟؟ راح اعيش كذا ؟؟ الى متى ؟؟ راح اكون اسيرة خالد ؟؟ انا احبه وما اتحمل اعيش من دونه ؟؟
لكن ..؟ ما اتحمل اشووفه مع غيري ..!!

 

[انجال]

**************************
الساعه.. 5 لبعصر ..
بشاير وغزلان جالسين في البيت ابوعبدالعزيز .(صالح ) في بيت سندس ..

سندس .. مو سالفه ذي يابشاير.. ؟؟
غزلان .. وش فيك عصبتي كذا ..؟؟ البنت حره ..
بشاير .. انا قلت لك من الاول عبدالعزيز لا تفكرين اني اخذه ..
سندس .. وش به اخوي يا بشاير ؟؟
بشاير .. بالعربي انا ما ابغى اتزوج ورجاء يا غزلان لا ترسمين صوره لي لعزوز .

غزلان .. طيب ليه ما تاخذيه ؟؟ عشان كان يحب ريم ؟؟
بشاير .. لا مو كذا .. انا ماابغى اتزوج كذا ..
سندس .. هذا مو عذر يا بشاير؟؟ وعبدالعزيز راح يكلم ابوي اليوم ..
غزلان .. بشاير يا حبيبتي رضيتي او ارضيتي هذا الزواج راح يتم .. تعرفين عماني متفقين من حنا صغار..

بشايرتقاطعها .. متفقين بس مو علي انا ..!! وعبد العزيز نفسه يحب ريم ليه ابني احلامي على شخص يحب
وحده ميته ؟؟ .. كيف اعيش معه على طيف ريم اللي عايش معها ..
سندس .. عبدالعزيز كااان يحبها صح لكن هالحب تلاشه يا بشايرواصبح سراب .. وبكره يمكن راح يملكون
علي مع تركي وانتي مع عبدالعزيز.. وعبدالعزيز نفسه قال ابغى بشاير..

سندس .. شوفيني انا كانت رافضه بس الحمدالله ربك هداني يعني لو ارفض راح يسمعون كلامي ؟؟
هذا الجازي تزوجة عبدالله بعد ماكانووا يتناجرون ويتهاوشون ليل انهار شوفيهم الحين عسل حياتهم و
عندهم اعيالهم وحياتهم ياحلوهااا ..
بشاير .....................
غزلان .. عندك انا كنت رافضه اخوك بندر بس لولاك ما وفقت ..وما انكر كنت احبه وزااد حبي له عقب الملكه ..
بشاير .. ................ انا طالعه ..
سندس .. اجلسي خلاص راح نغير الموجه ادري ما عجبتك سوالفنا..

بشاير .. انا طفشاانه وضايق خلقي راح امشي للبيت يمكن القى رهام اسوالف معها احسن من جلستي معكم ..

سندس بضحكه .. مع السلامه يا مدام عزوز ..
بشاير وهي تخزها ... الله يسلمج وتطلع..
سندس .. شفتي ردها ؟؟
غزلان .. اي وش فيه عادي ..؟
سندس.. دليل انها موافقه ..
غزلان .. لا هذا مو دليل ؟؟
سندس .. صدقيني انها موافقه بس خايفه من رد فعل عزوز ..
غزلان .. ما الومها كلنا نعرف سالفة عزوز وريم ... ونعرف ان حبهم طفوولي وهم اصغار ..
سندس .. لازم ارتب خط عشان عزوز يشووف بشاير ؟؟
غزلان .. انتي هبله تبين بشاير تقتلك !!
سندس .. ما سويت شي .. كل اللي ابغى اسويه ابي اخلي بشاير تحب عزوز ..
غزلان ..كيف ؟؟
سندس ... يمكن بعد يومين راح نروح للمزارع بعد الملكه وكذا راح اخليها تجلس معه ..
غزلان .. تتوقعين هي راح توافق ..
سندس .. يا ماما اصحي انا قلت بعد يومين من الملكه يعني بالعربي هي زوجة عزوز يعني ماراح
يقولون شي عماني اذا كلم عزوز زوجة !!
غزلان .. والله انك خطير والله يعين اخوي تركي فيج ..ههههههه
سندس ترفع حواجبها.. اعجبـــــج ...
غزلان .. وانا ما راح اخليها لكـــ...
سندس .. كيف ؟؟ شكلك ناويتها علي نيه ؟..
غزلان وهي طالعه تغني اغنيه احلام .. ناويلك علي نيه بس انت اصبـــــر شويه ..

سندس .. لا تجننيني قولي لي من الحين عشاان اخذ احتياطاتي من تركي ..
غزلان .. ماراح اعلمك يا الدبه وخليها هديه مني لك .. باااااااااي وتغفل الباب وراها ..
سندس .. تلحقها للبااب .. غزلان يالدبه تعالي قوليلي ..
عبد العزيز واقف على البااب حجرته .. بصوووت عالي ... سندس وش هالصوووت ..
غزلان ماسكه باب سندس.. يؤيؤيؤ عزوز هنا ..
سندس .. هههههههههه عزوز هذي غزلان الدبه صووتها مو بصووتي ..
غزلان .. اوريك احساابك معي في المزارع يا حلوه مو بهنا .. يالله مع السلامه ..
سندس .. مع الف سلامه بس بليز ابي المفاجاء اسبشل (خااصه) اووكيه
غزلان .. ولا طراره بعد خااصه .. ابشري مع السلامه ..وتطلع ..
سندس .. مع الف الف الف سلامه ..

********************************
(25-1-2007 ) في عطلة الربيع ..الساعه 8 الصبح

في بيت ابو عبدالله .. الكل مستعد يرووح للمزارع .. بعد ملكة بشاير وعبد العزيز وسندس
وتركي .. عشان يغيروا جو والانه الاجاازة الربيع اسبوعين.. يقضوا فيها جو عائلي ..

ام عبدالله .. سعوود حبيبي يالله قول حق بابا خالد ما في احد تعال ..
سعود .. بابا خالد سوسو ..
ام عبدالله .. عند ساره !! غريبه ؟؟
تدخل الجاازي .. السلام عليكم ياعمتي ..
ام عبدالله .. وعليكم السلام والرحمه ..
الجاازي ..كيف حالك اليوم يا عمتي ..
ام عبدالله .. انا بخير الحمدالله .. اشلونج انتي ..
الجازي .. انا بخير والحمدالله ... ها خلصتوا ..
ام عبدالله .. انشاءالله خالصين بس باقي ساره ..
الجازي .. هي لسه بحالتها ..
ام عبدالله .. اي لسه والمسكينه تعباانه نفسيا يقول خالد ..
الجازي .. عمتي ام عبدالرحمن ما جاءت تشوفها .. ؟؟
ام عبدالله .. الا شاافتها وقالت راح تجلس عندها .. بس الحين يحاول فيها خالد تروح معنا تغير جو ..

الجازي .. المشكله لمى اعرفت انه عهد حامل من خالد هذا اللي زاد مرضها ..
ام عبدالله .. المسكينه وش تسوي ما تقدر غير انها تكتم بقلبها حبه وما تطلع من حجرتها ابد ..
ومثل ما تقولين حمل عهد سبب لها صدمه ..
الجازي .. يا عمتي لا تلومينها هي ودها تفرح خالد بولدها الاول لكن وش نقول قدر الله ما شاء فعل ..
ام عبدالله .. ما اللوم اللي يلوومها يا الجاازي ..

يدخل جرااح عليهم لكن قبل لا يدخل يتنحنح ...
الجاازي تلبس الجلال .. ادخل يا جراح ..
جراح .. السلام عليكم ..
االجازي وام عبدالله .. وعليكم السلام والرحمه .. ..
جراح .. يا يا يمه خصتوا ..
ام عبدالله .. اي هذي اشناطي وشناط عهد وخالد ..
جراح ...؟؟ وليه ساره ماراح تروح معنا ؟؟
ام عبدالله .. الله يعلم هي تروح او تجلس هنا مع امهااا ..
جراح .. الله يشفيها انشاءالله ..

***************************
في حجرت ساره وخالد ..
ساره جالسه على السرير وخالد يكلمها وهو واقف..
ساره .. خالد صدقني تعبانه وما اقدر ارووح هناك.. روح انت وعهد وسعوودي ..
خالد .. انا ماراح اتحرك من هنا لين تمشي معااي ..
ساره .. انت رووح وامي راح تجلس معي صدقني اني تعباانه ما اقدر ارووح ..
خالد .. وتحرمين امك من المزارع يا ساره عشانك ..
ساره .. خالد انا قلت لك الف مره .. اعتبرني صفر على اليساار او اسم زوجه لك ولا تعطيني حقوقي ..
وروح انت وعهد..
خالد .. سااره لا تجننيني .. ادري فيك لحد الحين شاايله بقلبك حمل عهد صح .
ساره .. .................
خالد .. عهد زوجتي الحين مثل ما انتي زوجتي ولها حق يحااسبني عليه ربك اللي فووق مو انتي ..
ساره .. انا ماقلت لك شي ..!! بس تمنيت اني اكون ام اعيالك وانت بنفسك يا خالد حطمت كل مجاذيفي ..
خالد .. ساره لا تخلين اللوم علي .. وانت بعد غلطي ..

ساره .. انا غلطي واتحمل خطااي .. لكن انت ما تحملت خطااك .. وعهد رووح انت معها وابد حياتك وخل
بقايا ساره هنا ..
خالد .. انا طالع وشكل الكلام ما ينفع معك واجلسي هنا متى ما تبين وصدقيني اقولها لك لاخر مره
لا ترجين اني اجي اتوسلك مره ثانيه .. ويطلع وهو معصب ..

ترمي نفسها على السرير وهي تبكي ..

مـافـعـلـتـه كـــرامــة نــفـــس مــاهــو تــخــلــي
غــلـطـة الـعـمـر مـاخـلـت بــوجهي خيـــار
ريــحــة الــجـرح فـــاحت وانت متسلي
يـــاعــديــم الــوفـــا فــرقــاك رد اعـــتــــبــــــــــار

ساااره .. بدمووع والم ... اكرهكـ يا خالد اكرهــكـ اكرهكـ.. خلاص كل اللي في قلبي نطق
وقااااااااال اكــــــــــرهــــــــك .. وهي تبكي ... وتاخذ ساره اغراضها عشان تجلس في بيت اهلها
الانه الكل راح يمشي للمزارع غير هي وامها واخوها عبدالرحمن ..

 

[انجال]

********************************************
الساعه 9الصبح ..
في القريه النائيه .. متعب ناوي يسافر للرياض الحين .. وياخذ اغراضه واغراض ريم .ويحطهم في
الوانية ..
متعب .. يالله يا ريم تاخرنا ..
حصه .. وربي راح توحشينا يا ريم ... في اخر ثلاث اياام تكلمتي وتعلقنا بك اكثر ..
ريم .. طيب يا متعب ..وانا اكثر وربي يا حصه وانشااءالله راح ارد هنا لا تخافين واجلس في بلعووم عذووب ..
الا عذووب فينها ..؟؟
حصه .. ههههه المسكينه من الصبح تصيح ما تبغى تشوفك وانتي رايحه (ماشيه) ..
ريم .. اماانه تسلمين عليها وتقولين لها ريم تسالم عليج ..
حصه .. ابشري وانشااءالله تلقين اهلك وتبشرينا ..
ريم .. امين يارب لي الحين 9 اشهر بضبط من غبت عنهم وربي مشتااقه لهم مووت ..
يجيهم متعب .... حشا سنه وانتوا تسلمون على بعض .. ؟؟
حصه بضحكه .. حريم هههههههه يالله وتبووس ريم يالله مع السلامه .. وتبوس متعب اخوها وتقول
يالله ودعتك الرحمن اللي ما تغيب عينه .. والله يسمح دربك يا اخووي ..

متعب .. اللهم امين يا اختي وتسلمين ..يالله ياريم انا في الوانية ..
ريم .. يالله الحين جاايه ..
وتركب ريم السياااره متواجهين للرياض لبيت ريم ..
ريم في السياره .. تتوقع راح ينصدموون بشووفتي .؟
متعب وهو يشوفها كيف متحمسه.. اكيد يا ريم .. تسع اشهر ما شوفك والحين اكيد راح يفرحوا بشوفتك ..
ريم .. اووو ومتى نووصل لهم ؟؟؟
متعب .. الله والعالم يعني بكره ؟؟
ريم .. بكره كثيير ..!!
متعب .. ليه هالدرجه مشتااقه لهم ؟؟
ريم .. وش رايك ؟؟
متعب وهو يشوفها بنص عين .. ريم ..
ريم .. لبيه ..
متعب .. لبي قلبك .. ريم..توك راكبه السياره كيف توصلي لهم بسرعه ذي ؟؟
ريم .. يووه يا متعب .. وربي ودي اطير من الفرحه ..
متعب .. مالوم اللي يلومك يا ريم ..
ريم .. ااااااااااااه ..
متعب .. وشهو ااااااااااه ليه يوجعك شي ؟؟
ريم وهي تلتفت له .. لا بس هذي نار الاشتياق ؟؟
متعب .. وربي ما فهمت ولا كلمه .
ريم .. هع هع هذي الاشتياق يعني الشوق ..
متعب .. اقول ترك دوختي راسي .. عطيني فنجال قهوى ..
ريم وهي تحك راسها .. ها وش تبغى ؟
متعب .. قلت لك ابغى فنجال قهوى ؟؟ ليه لا يكون ما سويتي قهوى ؟؟
ريم وهي تنزل راسها .. قصدك نسيت القهوى ..
متعب وهو يخزها بطرف عين .. ...............
ريم تقرب منه .. لا تلوومني يا متعب .. وانت قلت بعظمة لساانك ما الوم اللي يلومك ..
متعب .. صح بس مو لدرجه تنسين اهم شي في الطريق لي القهوى ؟؟
ريم .. ابشر الحين اسويها لك بس بشرط ..
متعب .. وشهو بشرط بعد ؟؟
ريم .. انت اول وافق على الشرط ..
متعب... لا ماراح اوافق ..
ريم .. ليه ؟؟
متعب ..الاني اعرفك راح تكسرين ظهري فيه ..
ريم وهي تلف وجهها عنه .. خلاص ماراح اسوي قهوى ..
متعب .. وخلاص انا بعد راح ارجع للبيت وماراح اوديك لهلك ؟؟
ريم .. لا لا العن ابو المنه الي جاءت منك ..عشاان قهوى راح تحرمني شوفة اهلي ..
متعب .. ههههههه ما تعرفين لسه وش قيمة القهوى عندي ؟؟
ريم .. اعرف قيمة الشااهي ..
متعب .. يالله صار لنا من مشينا ساعتين ..
ريم .. حلو الانه كنا نسووف والوقت راح ..
متعب .. يالله بلا تغلي قومي سوي لنا قهوى ..
ريم .. ما ينفع شاهي ..؟؟
متعب .. ليه في شاهي ؟؟
ريم .. اي فيه .؟؟ تبغى ؟؟
متعب .. يالله حيل الله اقوى ..
ريم ... ههههههههههههههههههه وتعطيه الشااي ..

*********************
في المزاارع الكل موجوود .. الا ساره وامها ... وعبدالرحمن سااعه في المزرعه وباقي اليوم عند اهله ..
الانه عنده دواام .. مو لله جالس ..وامه جالسه عنده عشاان تصحيه .. وساره اخذتها فرصه عشان تجلس وتبعد
عن خالد وعهد .. ومحد يدري انه ريم راح ترجع للبيت .. وياهل ويا ترى راح تلقى احد؟؟

في المزرعه ...
الكل موجود مع اعياله ووناسه ماليه المزرعه بكبرها ..

لكن في طرف بالزااويه جالس حزين .. يتذكر ماساته ..
ويتالم على ماضيه .. والذكرى الحلوه اللي رسمها .. والشوق والوله الي كانوا رفيقه .. والدمعه اللي رسمها
الخد الشااكي .. تشوف ولدها يكبر .. وتتذكر كل لحظه معه وكل زااويه تذكرها فيه ..تتذكر
شقااوتها معه .. تتذكر ضحكته واهااته .. تتذكر ملامحه كل ما شافة ولدها..
غااب عن كل البشر لكن ما غاب عن قلبها..وفكرها .. كان بكل لحظه يزورها طيفه ..كان بكل زاويه موجود ..
له شي يذكرها فيه ..وتغني مع نفسها ..

الاماكن كلها مشتاقه لك ..
والعيون الي انرسم فيها خيالك .. والحنين اللي سرى بروحي وجالك ..
ماهو بس انا حبيبي ..
كل شي حولي يذكرني بشـــــئ ..
حتى صوتـــكـ وضحكتي لكـ فيها شيـــئ
لو تغيب الدنيا ... عمرك ما تغيب
شوف حااالي .. ااااااه من تطري علي..
المشاعر في غيابك .. ذاب فيها كل صووت ..
والليالي من عذابك ... عذبت فيني الســـكـــوت ..
وصرت خايف لا تجيني لحظه يذبل فيها قلبي ..
وكل اوراقي تمووووووووت ..واه اه اه اه ..
لو تدري حبيبي كيف ايـــــامي بدوونك .. تسرق العمر وتفووت ..
ليه كل ما جيت اسال هالـــــمــــكان اسمـــــــــع الماضـــي يقووووول
مـــــــــاهو بس انـــا حبيبي ,,,,

الامااكن ... الامااكن ... الاماااكن ..
كلهـــــــــــــا مشتــــــــــاقه لكـــــــ .....

يقااطعها صووت رجولي خشن ..
الصووت .. الله الله وش هالصووت الحلو ..
عهد .. وهي تلتفت .. منَ
الصوت .. لا تلتفتي ..
عهد بس عاندة ولتفتة.. هههههههه انت ..
خالد .. فيه غيره ؟؟.. كنت ادورك .. وكنت فعلا عند ظنوني اني راح القااج هنا ..
عهد .. وليه كنت متاكد انك راح تالقااني هنا ؟؟
خالد وهو يجلس قربها.. الانه هالمكان الوحيد اللي يحبه اخوي فهد في المزرعه ..
عهد وهي تنزل راسها ..الله يرحمه ..
خالد .. كنتي تغنين الاماكن .؟؟
عهد .. ..............
خالد .. ماراح اضايقج اذا سؤالي يزعجك ....
عهد .. لا عادي يا فهد ..
خالد .. هههههه لسه فهد ماراح من لساانك ..
عهد .. اسفه يا خالد .. بس انت تعرف ..
خالد .. وانا مساامحك هع .. المهم لا تتعبي حالك ..
عهد .. خالد ممكن اسئلك ؟؟
خالد .. تفضلي يا عمر خالد << كان يجااملها بكلام الحلو ويحاول يتقبلها كا زوجه ..
عهد .. ليه ساره ما بغت تجي معنا ..
خالد وهو ينزل راسها .. والله ودي انها تجي .. بــس .. هي معانده ..
عهد وهي تقرب منه .. ماعليه يا خالد سامحها .. صدقني انها تموت فيك .. وتحبك كثير ولا تلومها ..
او تقسى عليها .. ساره قلبها طيب .. لكن لو انا بمكاانه اكيد مراح ارضى اشوف اللي احبه مع وحده تقرب لي..
وساره تضايقة اكثر لمى اسمعت خبر حملي .. زادها غيره وكره وعناد اكثر ..
خالد .. لا ياعهد .لا تتصورين اني قسيت عليها .. وانتي تعرفين اني كل يوم احاول اني احسن العلاقه معها
واردها مثل اول بس هي اللي مو راضيه ..
عهد .. تحمل واصبر مكه والارض ما بنت بيوم وليله يا خالد .. !!
خالد ينام على العشب وحاط يديمه وساده له .. اااااااه يا عهد اذا انتي تغنين الاماكن للي في قلبك ..
فانا اغني من حر ما فيني ..
عهد وهي ترفع راسها عالي .. وش نقوول على حكم القد علينا .. وهذا المكتوب ..
خالد .. ونعم بالله يا عهد ونعم بالله ..
سعوود يركض لامه ..
سعوود .. ماما صاصا هناك ..
خالد ؟؟ وشهو صاصا ..
عهد .. ههههه يعني ضفدع ..
خالد .. العن ابو الاسم وش ضفدع الى صاصا ..
عهد .. ههههههه اتذكر فهد كان يحب يصيدهم ... كانت هواايته المفضله في المزرعه
والحين ولده اخذ الهوايه ذي ..

خالد.. ادري فيه غريب من يوومه وهويااته نفسه ..
عهد .. اتذكر لمى يصيد ويحذف على ريم هههههههه وريم تصيح كانت تكره فهد وصفادعه ..
خالد .. اااه الله يرحمها .. تصدقين يوم اقصد الاماكن .. كنت اقصد لريم وفهد عن جد ..فقدهم ..
عهد بتهشه ..جـــد .؟؟ يعني مو لساره ..
خالد .. ساره لها غلا والحمدالله موجوده لكن ريم اللي فقد شقاوتها وحسها في البيت .. وفهد فقده لانه اخوي
الوحيد اللي افضفض له ... يمكن عبدالله غير الانه مثل الابو الي شايل المسؤوليه كلها .. لكن فهد ..
كان لي الاخ والصديق وكل شي ..
تدرين يا عهد .. انه هو من قرر اني ادخل الضبااط مع اني كنت اكره دواامها ..
عهد .. حلو ..

وجلس خالد يسوالف مع عهد ..ويلعب مع ولد اخووه سعوود ..

لكن في طرف ثاني في المزرعه كان ملياان شقااوه وحلاوه .. بين البناات ..
وكل وحده تدبر فخ لثاانيه مع خطيبها .. هههههه

غزلان تكلم تركي على بالموبايل ... الوو تركي تعال امي تبيك دااخل ..
سندس تهمس لها .. امك ما طلبت تركي يا غزلان ؟؟
تركي .. انتي متاكده انه امي ولا من لعبتك الباايخه يا غزلان ؟؟
غزلان .. صدقني راح تشكرني اذا جيت وشفت امي ..
تركي .. يالله جاي مسافة الطريق وغفل الخط .. << كان في خيمة الرجاجيل اللي في المزرعه ..
غزلان ... يااااي اخيرا راح تنجح خطتي ..
سندس ترفع حواجبها .. وشهي خطتك يا ملعوونه ..؟
غزلان .. ابغى تركي يكلم امي عشاان موضوع الدباابه (البانشي)
سندس .. واااااو واخيرا راح نركب الدباابه .. يااي يارب ابوي يوافق واركبه ..
تدخل بشاير معصبه.. وينها وينها الملعوونه سندس ..
سندس .. يؤيؤيؤ وتركض تنحااش ..
بشاير تلحقها .. اوريك قايله لي امك تبغااج واخير شي يطلع عزوز عند الباااب ..
سندس تضحك ههههههههههههههههههه ها وش رايك فيه ..؟
بشاير .. اوريك يالدبه ...وتحذف الجزمه عليها ..
غزلان .. وااااااااو ونااسه ..
بشاير .. جايه تعبانه من الركض .. وشهو ونااسه انتي الثاانيه .. والله لجيب اخوي بندر لك ..
غزلان .. وينه ؟؟ خليه يجي تكفييييييين ..
بشاير .. اعنااد فيك ماراح اقووله ..وماراح اخليك تشوفينه ..
سندس وهي بعيده شوي .. غزلان حااره ماراح تشووفين بندر . ..
غزلان .. بس كذا .. اووكيه وتمسك التلفوون وتقوول رقمه عندي هع هع
سندس ... الخاااينه عندك رقمه ..؟.
بشااااير .. كيف اخذتيه ؟؟
غزلان .. يؤيؤ زوجي واكيد راح يكون رقمه عندي ..
بشاير .. يؤيؤ يا خطيره ..
غزلان .. احبه لا تلمووني ..
بشاير .. عطيني جوالك ..
غزلان .. ليه ؟؟
بشاير .. ابي اتاكد من الرقم ..
غزلان برتبااك .. يعني وش اح تسوين ..؟
بشاير .. احس في عيونك كذبه وااضحه ..
سندس .. عطيها جوالك خليها تتاكد ..
غزلان وهي تركض .. اكذب عليكم ما عندي رقمه هههههههه ..
بشاير وتركض.. عطيني الجواااال يالكذاابه ..
غزلان ... لا ماااااااابغى اعطيك ..
الا هو بندر ماااااااار ,,, وش فيكم طاالع صووتكم ..
غزلان احمر وجهااا وقاامت تركض لدااخل البيت .
بشاير .. ولا شي اخبال بناات بس ..

***************************

 

[انجال]

***************************
السااعه وحده الظهر ..
ريم .. يؤؤؤؤؤؤه مليت يا متعب متى نوصل ؟؟
متعب .. الحين السااعه وحده وهذي الاستراحه جدامنا.. نتغدى ونغيل الظهر وبعدها نمشي ..
ريم .. ونمشي مره ثاانيه ؟؟
متعب .. اي باقي بس ساعتين وبعدها نكون في الريااض ..
ريم .. يعني حوالي كم ؟؟ نوصل لهم ؟؟
متعب .. نتغدى الحين وننام اشوي يعني نصحى الساعه 3 ونمشي يعني الساعه 5 او 6 عندهم ..
ريم .. يعني لازم ننام ؟؟
متعب يخزها بعين .. انا تعباان من الطريق وابغاء اريح شوي .. ولا ما همك راحتي يا ريم ..
ريم تنزل راسها .. لا اكيد تهمني راحتك بس لا تلومني يا متعب ..
متعب .. اكيد ماراح الومك بس انتي الحين صبرتي 9 اشهر ما صبرتي ساعتين ؟؟
ريم .. لا تلومني يا متعب ..
متعب .. يالله اجلسي هنا راح اشووف الاستراحه عندهم غرفه شاغله او لا ..
ريم .. اوكيه ..

**************
الساعه 1.. الظهر
ام عبدالله توها طالعه من المستوصف اللي عند المزرعه ( كانت تقيس ضغطها ..)
جراح .. يالله يا يمه تاخرنا على الشبااب ..
ام عبدالله .. اصبر الشباااب ماراح يضعون كلهم في المزرعه ..
جراح .. يمه لا تنسين حنا وين ..؟
ام عبدالله .. ادري انه حنا في المزرعه بس مر البيت ابغى من حااجه قبل لا نعود للمزرعه ..
جراح .. ليه البيت ؟؟
ام عبدالله .. ابغى اخذ شغله وبعدها بسلم على ساره بشوف حالها اشلوونها ..
جراح ..يمه البيت بعيد ويعني لازم تسلمين عليها ..
ام عبدالله .. وش بلاك يا جراح ابغى حاجه ضروريه ..واي لازوم نسلم عليها وعلى امها ..
جراح .. يؤؤؤؤه يا يمه الحين الماتش راح يخلص ,...
ام عبدالله .. راح اسويها لك مره ثاانيه ..
جراح بتعجب .. وشهو اللي راح تسوينه لي مره ثانيه ؟؟
ام عبدالله .. الماتش اللي تقوله عشان ما يروح عليك ..
جراح بضحكه قويه .. ههههههههههههههههه الله يقطع ابليسج يا يمه .. الماتش مبااره يعني ..مو اكله ..
ام عبدالله .. وشهو اجل ماهي اكله .. الاني اعرفك ما تحب الا بطنك ..وقلت اكيد اكله ..
جراح .. ههههههههههه فتحتي الموضوع بيدك ..وولدك جوعاان حده ..
ام عبدالله .. وليه ما اكلت الغدا ..
جراح .. الله يهديكم في احد يتغدا الساعه 12 ونص ياخي الناس تقوم هالوقت وانتوا تتغدون ..
ام عبدالله .. وشهو من ولدت وهذا موعد غدانا يعني الحين جااي تغيره ؟؟
جراح .. امري الله ما ابغى ارفع ضغطك زيااده ياام عبدالله ويالله نروح البيت ..
ام عبدالله .. وربي ضغطي مرتفع منك انت وابوك ..
جراح يهمس في قلبه .. اي كل يوم تحط السبه علينا هع هع ..

******************
في الاسترااحه .. تحديدا في الغرفه

متعب ناايم من تعب الطريق.. وريم جالسه وعيونها للساعه الحائط والنوم عيا لا يجيها من الشوق ..
وتفكر كيف راح تلقا اهلها .. وياهل راح ينصدمون .؟؟. وكل دقيقه تفكر هل تصحي متعب الحين ؟؟
ريم .. يؤؤؤه الحين مرت ساعه اقوومه او لا .. لالا اخااف يعصب علي ؟؟ الحين الساعه 2 ..
والوقت عيا لا يمشي بسررعه ..هو قال صحيني 3 على الاذاان .. يووه ما اقدر اصبر اكثر ..

متعب .. وش فيك تتحلطمين ..
ريم .. ها انت صاحي ..
متعب وهو يبتسم .. اي صااحي ..
ريم .. ما نمت ؟؟
متعب .. نمت بس صوتك العالي صحاني ..
ريم .. اسفه .. بس كنت اتكم بهمس ؟ كيف سمعت ؟؟
متعب وهو يقلب صوبها .. شكلك ما نمتي ..
ريم .. قل ما غفت عيني ..
متعب .. ليه .. ؟؟
ريم .. مت وانا اشوف الساعه عيت تتحرك ..
متعب .. تصدقيين النصف ساعه ذي غفيت فيها كاني نايم يوم كامل ..
ريم .. حلو يالله نتحرك الحين ..
متعب بضحكه .. لا بكمل اناام ..
ريم .. توك تقول شبعت نوم ..
متعب .ههههه كنت اضحك عليك هه
ريم وهي تقوم .. يالله راح اعمل الشاهي والقهوى .. لين تصحى ..
متعب .. يالله رايح اتوضى عشاان الاذاان ..
ريم .. بس لسه ما اذن ..
متعب .. هع هع شوفي الساعه جاءت ثلاث .. وبعد ربع ساعه راح ياذن يعني على ما تعملي القهوى ياذن ..
ريم .. العن ابو الوقت يوم اشوفه ما يمشي والحين مشا بسرعه ..
متعب .. لا تشوفينه وانتي بخير ...
ريم وهي تركض .. يالله راح اسوي لك احلى قهوى ..
متعب .. اشوي اشوي لا تطحين كلج ..ويدخل متعب الحماام الله يكرمكم عشان يتوضى ..
ريم وهي تركب الشااي حست في لووعه .. وجلست ترجع بالحنفيه ..
متعب وهو طالع من الحمام سمع صوتها وجاء للمطبخ ..
متعب قبل لا يدخل المطبخ .. ريم وش فيك ..
ريم .. وهي ترجع (تزوع ) ..
متعب .. يركض لها .. ريم وش فيج ويمد لها كاسة الماي..
ريم ... يمكن المندي (الكبسه) الي جبته فيه شي ..
متعب .. بس انتي ما اكلتي الا شويه ؟؟ وليه ما اثر فيني ؟؟
ريم .. ما ادري .وهي تمسك متعب .. متعب احس بدووخه ..
متعب .. يالله البسي عباتك باخذك للدختور..
ريم .. لالا مو لازم خلني شوي يمكن الاني ما نمت .. وجالسه من الصبح ..
متعب .. يا بنت الحلال من شوقج لهم شوفي وش صار لج استريحي اشوي واذا حسيتي نفسك تعبانه
قولي لي اوديك للدختور ..
ريم .. لا تطمن انا بخير ..ولا تخااف..
متعب .. اماانه يا ريم اذا تحسين بشي قولي لي ..
ريم .. صدقني يا متعب اني بخير بس شوي دووخه ..
متعب .. انا حذرتك وقلت لك اذا تحسين بشي قولي لي ..
ريم وهي تبتسم ..يعني انا غاليه لهدرجه عندك ..
متعب .. انت اغلى من رووحي .. يا ريم ..
ريم وهي تنزل راسها من الخجل .. تصدق حتى انا احس اني ملكة الكون بقربك ..
متعب .. الله الله ..
رريم .. بــــــــس عاد ..
متعب .. قلنا شي حنا ؟؟
ريم .. يالله خلص وربي ولهاانه لهم ..
متعب .. يالله الشاي خلص والقهوى ورانا طريق ساعتين تصبرين ..
ريم .. يالله امري لله نصبر هالساعتين بصبر ايووب ..

تركب ريم السياره مع متعب ..ريحين للرياض تحديدا بيت ريم ..
وفي نص الطريق تدوخ ريم مره ثاانيه بعد ما كانوا قريبين مرره من بيت ريم ..
متعب .. ريم فيك شي ..
ريم .. كمل طريقك صدقني مافيني شي ..
متعب .. كيف ما فيك شي ومن طلعنا من الاستراحه وانتي مااسكه بطنك وتدوخي ...
ريم .. صدقني يمكن جاني برد .؟؟
متعب .. يالله انا راايح الطبيب قبل لا نروح لبيتكم ..
ريم.. كمل طريقك يا متعب تكفى قربنا مره من البيت .
متعب .. اولا خليني اتطمن عليك وارتاح وبعدها اسلمك لاهلك وانتي بخير ..
ريم .. شووف الي يريحك ..
متعب .. يالله كاهو الطبيب اللي تسمونه اقبالي ..
ريم .. وهي تشووفه والم كاان فضيع بس كااتمه الم ها في صدرها .. ومن الخووف اللقااء كيف راح يكون ..
وكانت تتمنى انه ما يكون احد مفقوود ..
متعب .. وهو يدخل معها للدكتور ..
متعب .. يا دختوره ذي ريم زوجتي ..
ريم من شافة اسلووبه في الكلام اقامة تضحك من برئته ..بس الالك كان فضيع ..والدوخه افضع ..

الدكتوره .. كانت مصريه .شافة الورقه مكتوبه عليها ريم ..
الدكتوره... اهلا يا ريم ازيك ..
ريم .. الحمدالله ..
الدكتوره .. ممكن يا اخ تنتظرنا برى << كانت تقصد متعب ..
متعب .. بس ريم حرمتي عادي ..
الدكتوره وهي معصبه .. مش راح اكلها دا انا راح افحصها ..
متعب .. طيب طيب ..ويلتفت لريم .. ريم انا برى لا تخافين ..
ريم وهي تضحك .. وتهز راسها يعني مفهوم ..
الدكتوره .. فيك ايه يا حلوه ..
ريم .. دكتوره احس بدووخه وترجيع والم فضيع في البطن ..
الدكتوره .. ومن متى يوجعك ؟؟
ريم .. امس بس اليوم بكثير .. يمكن الاني صرت قليل اكل ..
الدكتور .. دانا بعمل لك تحاليل هالووات وبنشووف ..
ريم .. تحاليل ليه ؟ يعني مو برد ؟؟
الدكتوره .. على حسب علمي انك متجوزه يعني تحليل حمل وماراح ياخذ من وقتك كتير كلوه خمس دقيق..
ريم .. تحليل حمل وفي تسرح يعني معقوله انا حاامل ..؟؟
وتطله من غرفة الدكتوره وهي مصدوومه وتفكر كان هذا اخر شي تفكر فيه .. يعني في شي راح
يربطني بيني وبين متعب .. اااااه اقول لمتعب او اسكت .. لاا ماراح اقوله اخاف اقوله انه تحليل ويفرحه
وبالاخير ما يصير شي .!!
متعب .. ها بشري يا ريم وش قالت لك هالمعفنه ..؟؟
ريم .. قالت لي اخذي تحاليل وماراح تطول ..
متعب .. تحاليل ؟؟ يعني وشهو ..؟
ريم .. لا تخاف تحاليل عاديه وبعد ربع سااعه تطلع التحليل .. يعني يفحصون دمي ..
متعب .. اها ..

**********************
ام عبدالله في البيت بعد ما اخذت حااجتها مرت ساررره ..
ام عبدالله تدخل غرفة ساره في بيت اهلها ..
ام عبدالله .. السلام عليكم ..
ساره .. وعليكم السلام يا عمه ..
ام عبدالله .. اشلوونج اليوم يا ساره ..
ساره .. انا بخير ياعمه نسال عنج ..
ام عبدالله .. انا بخير داامك بخير ..
ام عبدالرحمن .. هلا والله بام عبدالله وش الي جاابك هنا ؟؟
ام عبدالله .. والله جيت اخذ حااجه من البيت بس ما حبيت اطلع وما اسلم على بنتي ساره ..
ساره .. والله وفيج الخير يا عمه ..
ام عبدالرحمن .. ها اشلوون المزارع هالسنه ؟؟ حلوه ولا مثل كل سنه ..
ام عبدالله .. تبين الصج يا وخيتي .. ؟؟
ام عبد الرحمن .. عارفه راح تقولي مثل كل سنه ..
ام عبدالله .. لا والله يا وخيتي صااير مر ماله حلا من غيرج ومن غير جلسااتج معنا ..
ام عبدالرحمن .. تسلمين والله ..
ساره .. عمه وشلوون اسعوود..
ام عبدالله .. اسعوود ولا خـــــــالد ..
ام عبدالرحمن .. يا بنت الحلال خليها على سعوود ..
ساره .. عمه انا قلت اسعوود مو خالد اظن انك سمعتي عدل ..
ام عبدالله ... وش فيك يا بنت خالد زوجك بعد وليه ما تسالين عنه ؟؟
ساره .. خالد انتهى .. صفحه وحرقتها ..
ام عبدالرحمن .. ساره بس احترمي عمتك ..
ساره .. عمتي على عيني ورااسي .. لكن خالد خلاص .. خليه يطلقني ..
ام عبدالله .. الله يهديج يا بنتي ..
ساره .. عمه اذا فعلا تعزيني خلي خالد يطلقني صدقيني نفس وطاابة وخلي خالد معه عهد ...
ام عبدالرحمن .. خليك منها يا ام عبدالله ..
ساره .. يمه انا ماني مجنونه وخلي عهد وخالد وبزرهم الجديد لهم حيااتهم الخاصه ..
ام عبدالله .. وانتي يا ساره ؟؟
ساره .. انا لي ربي وصدقيني يا عمتي .. اني عفته ..
ساره وهي سرحاانه ..
حن الخفوق وهزني الشوق واشتقت ..
ونادتني الذكرى لصوتك وجيتك ..
الله حسيب الطيف ومعاند الوقت..
من وين مالقيت وجهي لقيتك..
لو اقدر النسيان ما انطرك فارقت ..
ولو اقدر الفرقا صملت وجنيتك ..
بين السمـــا والقااع كني تعلقت ..
ولا قاوي ارقالك ولا انزل قويتك..
اللي يحز ابخاطري وسبته ضقت ..
لا شفت مظلم عقب الفرقاك بيتك ..
لا مرني طيفك على طول دنقت ..
اخاف يدري طيفك اني بكيتك ..
تبعد عن اعيوني وانا عنك ما طقت ..
كافي تعذبني حبيبي فديتك ..
هذي جزاتي يوم في حبك اشرقت ..
ولبيت كل اللي تبيه وعطيتك..
قطعتلك كلي وفاء وانت ما سقت ..
ربع الوفاء من يوم جيت وهويتك..
كنت احسبني في غرامك توفقت
اثري ضياعي بالغرام وشريتك .
مالي بغيرك عاد صدقت صدقت ..
وان عاد ما صدقت يا طيب صيتك ..
يمكن ليا منك على حبي اشفقت ..
تلقاني عايشت الحياة ونسيتك ..
لا دارت الدنيا ومن ضيمها ذقت ..
صدقني تبتشكي مثل ما شكيتك ..
الحظ وهقني معاك وتوهقت ..
غلطة حياتي في حياتي خــذيتك ..

************************************

 

[انجال]

في المستشفى بعد ما طلعت التحاليل ..
الدكتوره .. الف الف الف مبرووك يا ست ريم .. دنتي طلعتي حاامل
متعب .. وشهو تقولين ..؟؟ حاامل ..
ريم .وهي تشووف متعب وهي تبتسم ..
متعب .. الف الف مبرووك يا ريم وربي احلى خبر سمعته ..
ريم .. الف مبروك لك يا ابو براك ..وهي تقوم
متعب .. اشوي اشوي يا ريم ..
ريم .. خايف عليه اكثر مني ..
متعب .. لالا اكيد عليك هههههههه
ريم .. يالله باقي بس شارع ونووصل لاهلي يااي اش قد انا فرحاانه اليوم ..
متعب في السياره .. انا اكثر منك ههههه تصدقي من تزوجنا الحين 8 اشهر والحين حامل ماني مصدق ..
ريم .. اشوي اشوي ترا اللفه ذي لفة بيتنا ..
متعب .. وبعدها ..
ريم .. كا ......وتسكت ..
متعب .. وش فيج يا ريم سكتي ..
ريم وهي تدمع .. ما اصدق عيوني اني رجعت للبيت مره ثانيه ..
متعب . احمدي ربك واشكريه ..
ريم .. الحمدالله على كل حال .. وانا ما انسى فضلك انت بعد يا متعب ..
متعب .. ماشاءالله كل ذا بيتكم ..؟؟
ريم وهي تضحك .. ههههههه لا معنا عماني واخوي عبدالله ..
متعب .. اها ..
ريم .. وقف عند البيت الوسطي قبل الاخير ..
متعب .. هذا ..
ريم .. ايوه .. ذا .. وهي تنزل مع متعب.. وتدق البااب ما تلقى احد ..وهي تلتفت تشووف سيارة عبدالرحمن
ولد عمها ؟؟ استغربة وين الكل ؟؟ مافيه الا سيارة عبدالرحمن ؟؟
متعب .. وش بلاك وليه ما يردون ؟؟
ريم وهي خايفه .. والله ما ادري علمي علمك بس غريبه مافي سياره وحده من بيتنا ؟؟
وهي تستمر تطق البااب ..
الا تطلع مراء عجووز مع ولدها من بيت عمها جمعان (ابو عبدالرحمن ) .. كان جنب بيتهم
الولد .. يقرب منهم .. منو معااي ..
ريم وهي تلتفت انصدمت انه الولد اخوها جرااح ..وبذيك السااعه انخرس لسانها ..
ام عبدالله ... وش بلاك يا بنتي منو انتوا ..
متعب.. وهو يشووف ريم بتعجب ويقول لها .. رد عليهم ..
ريم .. وهي تصيح .. ما اقدر ...
متعب .. يقول لام عبدالله انتي منو جارتهم ..
ريم .. لا هذي امــــــــــــي ..
ام عبدالله بتعجب .. امــــــــــك ..!!
جراح .. كيف امــــك ؟؟
ريم وهي ترفع بوشيتها عن وجهها ..انا بنتك يا يمه انا ريـــــــم بنتك ريوومه ..
جراح .. انتي تكذبين علينا ..؟؟ ريم ماتت لها 9 اشهر والحين جايه تكذبين وتقولين انك ريم ؟؟

ريم .. انا ريم انا ريم بنتكم كيف مـــــــت ؟؟ ..
متعب .. حاول يهديها .. ريم يكفي يا ريم عشان خاطري هدي اعصاابك .وريم كانت ما تقدر تقول اي شي
سوا انها تبكي .. وتقرب من امها ..
ام عبدالله ..وقلبها يوجعها .. انتي جــد ريــم ..
ريم وهي تقرب منها .. اي يا يمه انا ريم سعود .. ريم بنتك يا خالده
اللي اخطفوها الوحوش ورموها بالبر بالكفن الابيض ..
جراح وهو يفتح بااب البيت لهم .. يالله ادخلوا داخل نفهم كل السالفه ..
ولمى ادخلوا ..
جراح .. ريم اختي غير عن ملامحك .؟؟ جراح كان مشكك في الامر ..
ام عبدالله .. جراح هذي اختك ما تغيرت ..!! وهي تضم ريم لصدرها
جراح .. الا تغيرت كثير واشك انك تمثلين ؟؟
ريم وهي تبكي .. ليه اكذب ؟؟ انا ريم يا جراح انا ريم اللي اخذت جوالها الجديد وعطيتها جوالك ..
انا ريم اللي تتهاوش معها .. لكن الوحووش ماخلوا فيني شي صاحي من الماضي .. كل وجهي شوهوه ..
ويكفي عذبووني كلـــي ..

وجراح عينه على متعب ..
جراح بغموض.. وينـــــك من زمااان ليه ما جيتي ؟؟ ومنو هذا ؟؟
ريم .. الاني كنت مريضه وحالتي صعبه ما قدرت اجي.. ومتعب اللي تقول هذا منو؟؟
هذا اللي انقذني من الموت وانا بوسط صحراء.. وهو الحين زوجي وابو براك..

ام عبدالله ..وشهو عندك ولد يا ريم ؟؟
ريم وهي تبتسم .. لا يا يمه انا حاامل ..
متعب .. اليوم فرحة ريم فرحتين .. فرحت حملها وفرحت شوفتكم ..
جراح .. ريم ممكن تقولين لي السالفه كلها ؟؟
ريم .. راح اقول لك كل شي بس وين الكـــل ؟؟
جراح .. كلنا في المزرعه ..
ام عبدالله تقاطعه .. والحمدالله على سلامتج يا يمه وهي تضمها ..
جراح .. رجعنا عشان امي تسلم على ساره مرت خالد ؟؟
ريم .. ليه عسى ماشر فيها شي ؟؟
ام عبدالله .. هذي سالفتها سالفه خليك الحين منها وقوليلي وش اخبارك وش القصه ..
وتجلس ريم ومتعب مستمع وعيونه مذهوله من البيت ؟؟ الانه اول مره يدخل بيت كذا كبير وصبغ واثااث
يبهر العين ولا السيارت الجديده والبيوت ذات طوابق .. وريم وهي تتكلم وعيونها تدمع ومتعب مرات يكون معهم
بالخط ومرات يفصل ويقول مع نفسه وش هالبيت الكبيرمعقووله في بيت كذا ؟؟

ريم .. وهذي الســـــالفه كلهــــــا قلتها لكم..
جراح يقرب منهـــــــا .. ويضم اخته .. الحمدالله على السلامه يالعــــــــوبه .. والله لك فقده ...
متعب بصووت عالي .. هههههههههه يعني من منسااع كنت مشكك في قصتهاااا ..
جراح .. لا تلومني يا نسيب والله وفيك الخير وما قصرت .. لكن لا تلومني يعني نشوف انها ميته
وبعدها تطلع ؟؟ يعني القصه غريبه جد ..!! لكن عقب ما سمعتها منكم .. جد معقووله ..
ريم .. وين اهلي كلهم وربي مشتااااااااقه للكـــــــل ..
ام عبدالله .. يا قلبي قلبك يا ريوومه ..وهي تزل لساانه .. وياليت اسمع انه فهد بعده ما مات ؟؟
ريم بصوت مندهش ؟؟ منو فهـــــد اخوي ماات ؟؟
جراح وهو ينزل راسه .. اي مات عقبج بشهر واسبوع ؟؟ كان رايح لشرقيه يجيب ادوات لشغله اصطمته
سياره ..
ريم مرعووبه .. وشهو فهد مااات .. وهي تبكي .. كنت حااسه اني راح ارجع و افقد شخص غالي ..
جراح وهوويقرب منها .. ادعي له الرحمه يا ريم ..
متعب يمسك كتفها.. ريم هدي اعصاابك والموت حق علينا وادعي له الرحمه مثل ما يقول جراح ..
ريم وهي تمسح دمووعها .. الله يرحمه ..
ام عبدالله .. نذرن علي يا ريم لسوي عشاء تشهد له الريااض كله بقدوومك بسلامه ..
ريم وهي تقرب من امها وتبوسها .. ربي لا يحرمني منك يا احلى واغلى ام في الدنيا ..
وربي اني اشتقت لجلسااتك وكلامك الحلو ..
متعب .. احم احم كح كح ..
جراح . وش فيك..؟؟ تبي موويه ...؟؟ ..
متعب ببتساامه شاقة الحلق.. لا نبي وجه من هالكلام الحلو ..
الكل قاام وضحك ..


ام عبدالله سوت عشااء كبير لقدووم ريم بســــــــلامه.. والرياض كلها كانت معزومه.. والكــل حضر هالعشاء ..
والكل مبسووط من سلامة ريم ...
لكــــــــن بعد مرور اسبووع لرجوع ريم ..
.. قضوا اسبوع كاامل بالريااض من عشياات لين غدياات والبيت اللي ما يفضى
من التبركاات .. جاء موعد الرحيل بنسبه لريم ومتعب .. الانه ريم وحدها اللي قررت انها تجلس مع القلب
اللي ضمها من غدر الزمن .. وظلم القلوب .والقلب اللي حبته من غير ما تدري ..

متعب .. يالله ياابو عبدالله ما قصرت ولازوم حنا نعود لبيتنا ..
ابو عبدالله .. والله ياولدي ما ادري وش اقول راح تاخذ جوهرتنا الغاليه اللي ما صدقنا انها حيه ..
متعب .. جوهرتك هي جوهرتي يا ابو عبدالله وغلا عيني ..
ريم وهي خجلانه .. بس عاد ..
ام عبدالله .. الله الله ما اوصيك عليها واحرص عليها ..
متعب ... الله يهديك يا ام عبدالله توصيني باام براك الغالي ؟؟ وغلا عيني ..
جراح ..هههههه وش فيها الهبله احمر وجهها ..
ريم . مافيني شي ..
جراح وهو يقرب منها وهو يحاول يطفرها ..طالعوها تبكي هبله ههههههههههههه
ريم .. بس ياجراح اصلا ما ابكي ..
جراح .. اجل وش اللي بين دموعك ؟؟
ريـــــم .. بين دمـــــــووعي++ .. قيــــــــود الصــــــمــــــت ..++



قبــــــــــل النــــــهـــــــــــايـــــــــه ..

الساعه 2 بليل
متعب .. ريم برااك يبكي قوومي له ..
ريم .. يؤؤه يا متعب ابغى اناام .. تكفى ..
متعب .. قوومي براك يبغى حليب ..
ريم .. وليه انت ما تعطيه حليب .. مو ولدك ..
متعب .. وانا اخوا حصه .. على اخر عمري ارضع ..
ريم .. وش فيها مو ولدك زي ولدي ..
متعب .. يالله عطيني حليب ..
ريم بتعجب .. ها !!! نسيت اني ارضعه طبيعي ..هههههههههه
متعب .. جد غبيه ..ههههههههههههههههههه



++ الـــــــنـــــــــــهــــــــــايــــــــه ++


ريم عاشت حيااتها مع متعب بسعااده تاامه ..
وساره لسه محتااره بقراراتها بين حبها وبين كرهها لخالــــــد ..
عهد جابت بنت لخالد وسومها ريـــم الصغيره ..
وكــــــــل شخص في القصه عااااااش الحلوه والمره ..

وكنتــــــــم مـــعـ .... قصه من وااقع خيـــــــــالي .. اسمها
++ قــــــيـــــــود الـــــصمــــــــت ++
للكـــــــــاتبه (( انجـــــــال )) << الاسم الحقيقي (( انجود))

 

[انجال]

.... هوامش ......

بسم الله الرحمن الرحيم ..

..++ قيود الصمت ++..

قصه كتبتها بخيالي قبل ان اكتبها على الوب توب .. الصراحه في شخصيات
كثيره ما كنت احسب لها احسااب .. فمثلا عندكم .. الرباعي المتوحش << سميتهم .>> عمر وعلي
وجاسم وابداح..
يعني دوور المجرمين ماكانت حاابه ابرز لهم شخصيه فقط خاطفين من غير اسماء لكن لقيت نفسي
اكتب اسماء وقلت بنفسي ابرز شخصياتهم .. ولقيتها حلوه الفكره .. وبعدها فكرت لقيت البنت عذوب .
كانت مع كل سطر احس اني اقدر اضيف شخصيه .. جديده لكن وقتي كان محدوود بشخصيات الثانيه ..
وتبون الجد وصلت للجزء الحادي عشر وما كنت ضاايفه هالبناات بالقصه ابد (( بشاير وسندس وغزلان ودانه ))
بس رديت من اول القصه ولقيتها حلو لو تكون هناك لمسه بنوتيه وتلاحم وااضح بين العائله كلها ..

سالفة ساره مع خالد .. كانت راح اخليها رمانسيه كثييييير .. لكن في ليله وانا قاعده اجلس اشوف التلفزيون
فكرت وغيرت رايي اني اخليها حب مجنوون وتضحيه واخلي حب وكرامه بنفس الوقت وتحدي ..
يعني حاولت اني اجمع كل شي بينهم .. وادخل عهد بينهم .. واخليهم يعشوون القرار الصعب لكل شخص
فيهم ..

في بعض البدليااات والاخطااء الاملائيه .. الاني كانت اكتب بسرعه وما الاحظ بسرعه .. فمثلا كلمة
اليحن << كان قصدي الحين .. ومثل كلمة شمكور << يعني مشكور يعني الكلمه صح
بس من الاستعجال خربط مكان الاحرف ,, وشددة اني اعرف لادوار واعرف الشخصيات فمثلا
اني تورط لمى كنت راح ازوج غزلان بتركي وبالاخير طلع تركي اخوها وبعدها اخذت ورقه وقلم
وسجلت اخوان غزلان وش راح ازوج من في من يعني عشان ارتب افكااري لا اكثر ..

يمكن لاحظتوا قصاايد بقلمي .. صحيح ما تكون قد الوزن لكن اقدر اقول انها تعبر عن الاحسااس والموقف ..

ويمكن تكون هذي اخر قصه قد انشرها لكــــــم بالنت .. لكن مو معنى اني راح اوقف سيل قلمي بالقصص اللي
تراودني كل يوم .. لكن احااول اني ما بخلت عليكم بنزف هذا القلم .. واعذروني على الطرح المتاخر ..
واتمنى ان كـــــــل قصه مني توصل للقلب .. واحب اذكر انه كل قصه من القصص اللي اكتبها
تعبر عن شخصيتي نوعا ماا .. ولا انكر اني كتبت قصص تشرح حياة كل واحد منا ..
وبنهاايه .. لا يسعني غير ان اقول .. شكــرا لمن شجعني على الكتاابه .. واشكر كل من تابعني وحثني
على الاستمرار .. وشكرا كل من رد وقراء رواياتي .. وبالاخير .. اتمنى ان اكون قد حققت شي
ينفع هالمنتــــدا الغــــــــالــــي ..

مع تحياتي الكاااتبه الكويتيه ..
انجـــــــود العنزي ..


نتواااااااااصل
انجااااااال ..

 

[نااناا]

:eh_s(9):


واخـــــيراً قـــريــت النهـــــــــايـة :eh_s(9):

يعـطــيج ألــــف عــــــــافيــه حـــبيبـتي :eh_s(22):

بـس شنـو أخـر قصـة تنـزلينــهاااا

لا لا نـبي بعــد قــصص من أســـلووبج الحـــلوو .. لا تحــرمينــا مـن قـصـصج :eh_s(22):​

 

[روزانيتا]

يعطيج العافيه وتسلم الانامل المبدعه وياريت ماتكون اخر قصه صراحه القصه حلوه ونهايتها احلى

 

[انجال]

غلاتي .. نا نا مشكوووووووووووره ياعسل وربي ودي اكمل القصص اللي عندي بس وربي ظرووفي ضدي الاني مازلت ادرس وامي تبغاني اكمل دراسه وبعدها نفضى للعب ..

نورتي ياغلاتي

نتواصل انجال

 

[انجال]

روزانتا ... منووووووووره ياقلبوووووو وما قصرتي

نتواصل
انجال

 

[آسيااا]

تسلم ايدياتج إللي تكتب ويسلم راسج إللي يبدع
الله يوفقج في حياتج

 

[انجال]

مشكوووووووووووووره ياقلبي اسياء على المشااركه .. ادعي لنا بالنجااح والتخرج عغ هع

نتواصل انجال