++) قيـــود الصـــمــتـ (++ تاليف انجاااال (شاركونا الاكشن)

[انجال]

******************************
الساعه 7.. الصبح
عبدالله جالس على الطاولة الطعام جالس يتفطر .. يتصل عليه تركي
عبدالله .. يشووف جواله .. تركي
الجازي .. وشهو تركي اخوي وش فيه ؟؟
عبدالله .. وش فيج يالجازي ما ادري المتصل تركي ..
الجاازي شووفه وش فيه بسرعه ..
تركي .. السلام عليكم
عبدالله .. الوو تركي وش فيك..
تركي .. هلا والله عبدالله وش فيك مخترع قلنا السلام رده
عبدالله .. وعليكم السلام والرحمه .. بس مو من طبعك تتصل هالحزه هذي ؟؟
تركي .. ها ولا شي بس ابغااك في كلمة راس ممكن يا عبدالله ..
عبدالله .. ليش لا ممكن بس انت وينك ..
تركي .. انا في المجلس تعال انت ولا تقول للجازي وش ابغى فيك اووكيه ..
عبدالله .. اووكيه خمس دقاايق وانا عندك ..ويسكره
الجازي .. وش فيه تركي وش يبغى منك ..
عبدالله .. بسم الله توني مسكره ما يمديني اجاوب على الاسئله ..؟
الجازي .. خلصني مافيني صبر اصبر ..
عبدالله .. ولا شي يبغى يكلمني عن موضوع .. يالله انا مااشي ..
الجازي .. ماعرفت وش الموضوع ؟؟
عبدالله .. لو اعرف ماراح اقلج .. الانه الرجال قايل لي ما اخبرج ..
الجازي .. ليه كذا طيب ..
عبدالله ..ههههههههه لا تخفين اكيد مووضع عادي .. انا ماشي اشوف وش يبغى ..
الجازي .. دربك خضر .
عبدالله .. تسلمين ..
في مجلس ابو تركي ..
تركي .. عمر لا تخااف انا معك ..
عمر .. تركي انا مرعوب كلي .. واخاف اضيع مره ثانيه ..
تركي .. خل ايمانك بالله قوي يا عمر .. وصدقني عبدالله اكبر اخوانها وانسان متفاهم ..
عمر .. انسان متفاهم عليكم .. لكن مو على واحد نزل اخته للاراض .
يدخل عبدالله للمجلس ..
عبدالله .. السلام عليكم ..
عمر وتركي .. وعليكم السلام ..
عبدلله .يسلم على عمر بخشم ..ويجلس
عبدالله.. خير يا تركي وش تبغى مني .. يا ولد عمي ..
تركي .. والله يا نسيب نبغي منك حااجه .. انك تسمعنا للاخر ..
عبدالله سمع كلمت تسمعنا يعني اللي جنب تركي له علاقه ..
عبدالله .. نسمع للاخر .. لكن ما عرفتني بالاخ..؟؟
تركي .. اسمه عمر ..
عمر في الوقت هذا كله يرتجف ..حتى اصاابعه ..
عبدالله .. عاشت الاسامي ياعمر ..
عمر برتبااك .. الله يسلمك .
عبدالله .. ادخل في الموضوع يا تركي وراي شغل ..
تركي .. اصبر يا عبدالله الشغل ماراح يطير ..
عبدالله .. خلاص سمعنا ..
تركي .. عبدالله هذا عمر توني متعرف عليه من جامع اللي ابوي يصلي فيه .. والصراحه
عمر شاب كان يمشي مع شله فاسده والحمدالله له اسبوع دحين قاطعهم .. ويبغى احد يمسكه بطريق
الهدايه .. والصراحه يا عبدالله عمر يعذبه ضميره مره وله اياام ما يعرف ينام .. من جريمه سوها.

عبدالله .. وشهو جريمه..؟ وش لي علاقه به ..

تركي .. اسمعني يا عبدالله للاخر..
عبدالله .. تفضل .. بس لا تقول شغله عندك ..تراك عزيز يا تركي بس اسمحلي
تركي .. عبدالله لو سمحت اسمعني ..هو ما يبغى شغل
عبدالله .. تفضل ..بس ياليت تدخل في صميم الموضوع..
تركي.. عمر تدين والحمدالله هذا اللي ابيه يوصل لك ..واللي ابي اقوله انه عمر جاي اليوم لي
من الساعه 3 الفجر كان مقهور وندماان على كل شي سوى وفتح لي قلبه واللي انصدمت فيه
انه عمر مع الشله اللي خطفوا ريم ..
عبدالله . وشهووووووووو ويقوم يمسك قميص عمر .. وين ريم قلي وين اختي ريم وش عملتوا لها..
تركي وهو يبعد عبدالله عن عمر المذهل والخاايف بنفس الشي ..
تركي . استعن بالله يا عبدالله الولد تااب وجاء وقال لي .. ولازم انك تشكره ما توقف ضده..
الولد غلط واعترف في غلطته لي ..
عبدالله .. استغفر الله ..وهو يشوف عمر بنظرات حقد وكره .. ماشي يا تركي وين ريم دحين ..
عمر واخيرا تكلم .. يا اخ عبدالله انا كنت غلطان والحمدالله دحين عرفت غلطي وهداني ربي على يد تركي..
واختك ريم ذااقة المر بيدنا وعلي اخذها ورماها في الربع الخالي ..
عبدالله .. وشهوووووووو الربع الخالي الموت ..
عمر .. والله لي يومني ادورها ابغى ارجعها لكم لكن صدقني ما لقيتها بحثت عنها شبر شبر
لكن للاسف حتى كفنها ما لقيته ؟؟
عبدالله بصراخ .. ولا مربووطه في كفن ياعياال الحررام ..
تركي .. الولد تااب يا عبدالله .. وهو جاي بنفسه وعترف ..
عبدالله .. انا لازم ابلغ الشرطه . واورح معك للمكان اللي تركتوها فيه ..
عمر .. خلاص سوء اللي يعجبك يا عبدالله وانا بين يدك ..
تركي .. يمسك عمر مع كتفه .. لا تخااف انا معك ..
عمر وهو يشوف تركي ببتسامه حزينه ..
عبدالله .. ودحين قلي يا عمر كل شي ...من اول ما خطفتوها ..
عمر .. اووكيه راح اقولك ..
ويسمع عبدالله عمر للاخر ..
وعبدالله بلغ الشرطه واخذ العنوان العصاابه من عمر ..
عمر .. يعني دحين راح تهجمون عليهم ..
عبدالله .. اي بس لا تخااف ماراح نظرك ياعمر ..
تركي ... قلت لك لا تخااف انت سويت شي محد سواا يا عمر والحمدالله ان ربك هدااك على اخر شي ..
عمر .. الحمدالله على كل شي ..

@ وش بيصير بريم ؟؟
@ هل يتزوج متعب بريم او بعذووب ؟؟
@ وش راح يسوي عبدالله بعمر ؟؟
@ هل يوفي تركي بوعده لعــمر ؟؟
@ وش راح يصير في ام عبدالله لمى تعرف بعمر وبريم ؟؟

اسئله كثييـــــره .. واجـــزااء باقــيه ..
يالله تـنـتــظر منـــــكمـــ المتاابعــــــــه ..

نتوااااااااصل
انجـــــــــال ..

 

[انجال]

الــــــجـــــــــزء الـــتـــــاســـــــع ..
************************
الساعه 12 الظهر اتفقت الشرطه مع عمر على هجوم الشقه اللي فيها علي وابداح وجاسم .
وعمر واافق .. وطبعنا اتصل عمر عليهم وطلب منهم اجتماع ضروري لهم .. بان الامر يخص
قضية ريم .. وصار الي تمنى ووافقوا على الاجتماع يكون الساعه 12 الظهر ..
والشرطه اخذت كل الاحتياطاتها الواجبه وخطط للهجوم ..
عمر واقف عند بااب الشقه ..
عمر يدق البااب ..
ابدااح .. يفتحه .. هلاااااا والله عمر وينك ؟؟وش الدنيا فيك ؟؟ماعاد نسمع عنك شي قلنا مارده لنا ..
يعني وين راح تروح وكا انت رجعت لنا ..
عمر .. ابدااح اعذرني ..
ابدااح . ياولد ليش تعتذر كلنا بنفس الهواء عيشين .. الا ياعمر وشفيك ملتحي مربي لك لحيه ؟؟
عمر ...................
ابدااح بتعجب.. عمر وش فيك ؟؟
عمر يدخل بنص الشقه ويشووف جاسم وعلي قاعدين يشوفون فلم ..
علي يقوم لعمر .. ولكمووووووو ياابو الشبااب فينك يا ولد تصدق لك فقده ..
عمر .............
علي ... وش بلاك يارجاال ..
جاسم .. هههههههه ااكيد ما جاء الا بعد ما اذبحه الجوع ..
عمر .. اعذروني يا شبااب انا ما ابغى اكمل معكم ؟؟
علي .. وشهوووو ؟؟!! ..وش الي اسمعه ..؟؟
عمر .. انا ربي هداني .. والحمدالله ارتحت بعد ما شفاني ربي من العذاب اللي اعاني منه .. ومن الشغله اللي
عملتها معكم ..
ابدااح .. عمر انت وش قااعد تقوول ؟؟
عمر .. ابدااح .. ربك غفور ورحيم ..
علي ياخذ المسدس من الدرج من غير ما يحس به احد ..
جاسم بضحكه مستهتره ... ههههههههههههه عمر يددين يا عم كلنا نفس المستوى وش له تتدين
اخرتها راجع للحرام ..
عمر .. عاهد نفسي ما ارجع له .ولا لكم ..
ابدااح .. يعني ياعمر راح تبلغ علينا ..
عمر ينزل راسه ............ وبعد سكوت طويل .. سامحــوني
وبهذي اللحظه يطلق علي على عمر رصااصه على قلبه
علي .. هذا اللي انا خاايف منه هذا الخااين انه يخوون فينا ..
وبهذي اللحظه يدخلون فيها رجال المباحث والشرطه .. ويمسكون علي وابداح وجاسم ..
وعمر طايح بالارض ركض له تركي اللي كان معه وواقف معه ..
تركي ينادي عمر اللي بين يدينه .. عمر عمر انت بخير ..
عمر .. واخيرا يا تركي ارتحت.. واخيرا ارتحت ... وهو يبكي وفي صدره رصاصه والدم على دشداشته ..
تركي .. انشاءالله راح تقوم بسلامه .. وترتااح اكثر
عمربالم .. .. تكفى يا تركي اذا لقيتوا ريم خلها تسامحني ويتنهد ..
خالد .. تركي اخذ عمر بسيارتي لا يموت ..
عمر .. اااااااااااااااااااااااا ويمسك قلبه ..
تركي .. ويحاول يسنده على كتفه ..عمر يطيح منه ..
تركي يصيح.. خااااااااااااالد عمر ماااااااااااات عمر ماات ياخالد عمر مااااااااااااات ..

والحمدالله تتم العمليه بنجااح وامسحوا علي وابداح وجاسم ..
وعمر اللي سلم نفسه لكن بعد ما سلم نفسه للمباحث وساعد في تكوين الخطه ماات وهو ينفذ الخطه ..
وطبعا ساري التحقيق مع علي وجاسم وابدااح .. لكن ابو علي حاول يدفع الملايين لخروج
علي من السجن او القضيه بشكل عام الانه فضيحه عليه ..وعلى اسمه كاتاجر في السوق ..
وطبعا عادل زوج رهام هو ماسك القضيه مع خالد .. وجاري التحقيق مع المجرمين ..
وخالد رفض اي مبلغ من ابو علي ..ورفض اي واسطه تتدخل في هذا الموضوع ..

**********************************
في بيت ابو عبدالله ..
رهام تدخل على اهلها وهي تلولش ..
رهاام ... كلوووووولولولويش .. يمه ابشرك يمه ابشرك .
ام عبدالله .. خير يا بنتي ..؟
رهام .. يمه اتصل علي عادل وقال لي اقبضوا على الخاطفين اللي اخطفوا ريم
..وانشاءالله راح يلقونها..
ام عبدالله وهي تبكي .. الله يبشرك بالخير .. ترفع يدها الحمدالله يارب الحمدالله يارب
..وثمه تسجد شكر لربها ..
عهد .. الف الف مبرووك ياعمتي وانشاءالله راح نلقاها اخيرا ..
الجازي .. ليش ما اتصل علينا خالد ؟؟
عهد .. اكيد ساره تعبانه ونايمه وتلفونها مغلق .. واكيد تلفون البيت كالعاده صاامت ما ينطق
ام عبدالله .. اهم شي انه لقيناا الخاطفين .. بس ما قالوا لك يكف لقوهم ..

الجازي .. عبدالله من الصبح طالع من البيت مع تركي وكيف عرف بالمجرمين ؟؟

رهام .. يالجازي واحد منهم اللي فهمته من عادل انه صار صديق تركي
بالصدقه في جامع ابوك القديم اللي يصلي فيه وتعرف عليه وكان يعذبه ضميره
وتعرف على تركي وقال للي في قلبه .. وعرف تركي
انه واحد من اللي يدورون عنهم .. لكن يا مسكين ماات وهو ينفذ الخطه معهم وكان تايب من جريمته ..

عهد .. يا مسكين .. بس الحمدالله مات وكفر عن خطااء ..
ام عبدالله .. الله يرحمه .. بس ماقالوا لج يا رهام عن ريم شي او وينهااا ..
رهاام .. سالت عادل وقال مو وقته دحين الانه جالس يحقق معهم ..؟ايش رايج يا يمه تتصلي في خالد ؟؟؟
وتقولين له وش صار ؟؟
ام عبدالله .. خاالد ؟؟ لا يكفيه اللي فيه .. لا تنسين انه تعبان من سالفة ساره ..وانه متحمل الذنب كله ..
بشووف عبدالله اتصل عليه يمكن يقول لي شي ..؟
الجازي .. عمتي لا تتعبين نفسك عبدالله مغلق جواله .. ومسوي خدمة مسوي (يعني عندك
يطلع مغلق وهو يشتغل عنده .. لكن يرسل له مسج برقمج انه متصل ) وما اظن يرد عليك .. الانه مارد
علي ..
عهد .. هههههههههه انتي غير وامه غير ؟؟ يا الجازي ..
رهام .. وطيب يا ست عهد ليش ما تتصلي بزوجك المصون ؟؟؟
عهد .. احم احم خيرا امراء عرف قدره نفسه .. وانا عارفه نفسي ليش اتفشل جدامكم .؟؟ وامدح
فهوود عندكم ؟؟
ساره تنزل عليهم ووجها تعبان مره من العمليه اللي سوتها استاصال الرحم ..
ام عبدالله .. ساره يابنتي ليش نزلتي ؟؟ انتي تعبانه ..
ساره وتعب واضح .. لا يا عمتي انا بخير دحين .. بس اتصل علي خالد وقال خلي اهلي يشلون
التلفوون ..
ام عبدالله .. الله يهديك يا خالد زوجتك مريضه وتنزلها تحت ؟؟ طيب يا بنتي كان ناديتي وحده
من الخدمات تسااعدك او تقول لنا ... ؟
ساره .. ما يحتاج يا عمتي انا بخير ..
عهد .. يالله يا ساره قومي معي لحجرك ترتاحي اشوي ..
ساره .. صديقيني يا عهد انا بخير بجلس معكم اشوي .. تعبت وانا اجلس لحالي ..
الجازي .. ساره خالد ما قال لك حاجه ؟؟
ساره بتعجب .. حاجه مثل وشهو ..؟؟
الجازي .. هو وش قال لك بضبط ..
ساره ..ههه قال كلمتين اسفه لازعاجك وقولي لاهلي يشلون التلفون ابغاهم ضروري .. بس
عهد .. والله خالد مؤدب على كلمة اسف ..
ساره .. اي مؤدب بس انتي ما تشوفين ههههههه ..
ام عبدالله خايفه وفرحانه بنفس الوقت .. فرحانه انهم لقوا الخاطفين وخايفه تسمع خبر شين
في بنتهااا .. الانه لقوا المجرمين وما لقوا ريم معهم ؟؟
وجلست تفكر وتفكر ..

ويعد مرور يومين قالوا المباحث لابو عبدالله لام عبدالله
انه ريم ماتت الانه مالقوا شي في البر على انها حيه ..
او انه احد شافها .. وعملوا العزا في بيت ابو عبدالله وام عبدالله طول فترة العزا
في المستشفى جاها انهيار عصبي .. وبعدها طلعت من المستشفى وحالتها تعبانه مره ..

 

[انجال]

**************************
مر اسبوعين كاملين على التحقيق ومر شهر كامل وريم عند متعب ..
في بيت متعب توه جاي من الغنم الساعه 8 المغرب ..
عذووب وصوتها العالي ..
عذووب .. حصيص عطيني تكفين حبه وحده بس ..
متعب .. اكيد هذا صوت عذووب المرجوجه ..
متعب يدخل البيت لكن قبل لا يدخل يتنحنح ..
عذووب .. يؤيؤ وين برقعي يا حصه متعب جاء ..
حصه .. خلف الله على امج .. برقعج فوق راسج ..يا عذووب
متعب منزل راسه.. السلام عليكم ..
حصه .. وعليكم السلام والرحمه ..
عذوب .. انا طالعه للبيت يا حصه .. تبغين مني حاجه ؟؟
حصه .. سلامتج يا عذووب ..
عذووب .. سلمي لي على مهاا لمى تصحى .. وتطلع
حصه .. يوصل ..
متعب يجلس .. ليش طلعة عذوب من هنا ؟؟
حصه .. هي تستحي منك ؟؟
متعب .. ههههههه تستحي اقص يدي ...طيب ليه مهاا نايمه للحزه هذي ؟؟
حصه .. ها لا بس تعبانه اشوي وتوها قبل ساعه نامت بعد ما اخذت الدواء وتعشت ..
متعب .. حصه انا فكرت في كلام قبلان وكلامج ..
حصه بستغراب .. اي كلام ؟؟
متعب .. زواجي من مهاا ..
حصه .. وش رايك انت .. ووش اللي فكرت به ..
كتعب .. البنت لها شهر معنا وما سمعنا اخبار عنها .. ولا عن اهلها .. ولا عن ناس تدور عليها ؟؟
والصراحه فكرت في كلامكم ولقيته عين الصواب .. استر على البنت لين نلقاه اهلها.. وادري
يااختي تعبتك معاي وتعبت قبلان معاي .. لكن لقيت هذا الحل الاحسن ..
حصه . يعني ما تبغى عذوب ؟؟
متعب .. ههه عذوب بنت ماءشاءالله عليها كامله ومرجوجه ودمها خفيف ... وعذوب زي اختي
وعمري ما فكرت بها كا زوجه يا حصه .. ولا تنسين اني اتهاوش معها دايما على اتفه الاسباب ..

حصه .. هم لا تنسى انه امي الله يرحمها كانت تتمنى عذوب زوجه لك .. وكانت تقول عذوب ومتعب
مناسبين لبعض الانه كلكم متعبين ومعذبين امهاتكم.. هههههه
متعب .. ههههههههه بس لا تنسين اني اعتبرها زي اختي واني متربي معهااا ..
حصه .. هذي حياتك يااخوي .. وانت وكيفك .. بس وش راح تقول لمهااا ؟؟ او تبغاني اكلمها انا ..
متعب .. يكون احسن لو تكلمينها انتي ..
حصه . حلو لمى تصحى بخبرها بالخبر ذا . وبعدها انت تجي وتجلس عندها .
متعب .. اذا وافقت . راح املك بنفس اليوم ..
حصه .. بسرعه ذي ..
متعب بضحكه .. ذبحنا زوجك بذل كل يوم والثاني ابغى زوجتي . رووحي لزوجك ترا ذبحنا وقام يذلنا..
حصه .. ماعاش يااخوي يذبحك احد او يذلك .. وقبلان لوريك شغله ..
متعب .. اي ترى ذبحني زوجك وروحي له اليوم ..
حصه.. لا يا ولد ابوي الشيطان شاطر وماراح اتركك مع ابليس يلعب براسك .. وانسى اخليك بروحك معها
وقبلان لاحقين عليه ..
متعب .. خلاص راح تصير زوجتي ليه تخافين ..
حصه .. بنت لسه ماصارت زوجتك وتتكلم كذا .وليش حاط امل كبير انها توافق .. يمكن ترفض
متعب .. وانتي ليه تحطمين مجاذيفي دايم ..؟
حصه .. لا ترتفع فووق اخاف عليك تطيح وتتعور ..
متعب .. ماشاءالله خايفه علي ..
حصه .. اخوي الوحيد وتبغاني ما اخاف عليك ؟؟
متعب .. وليش جالسه هنا وليش ما تجلسي عند مهاا يمكن صحت وتبغى منك حاجه تعرفين ما تتكلم ..
حصه .. متعب انت راضي تعيش مع انسانه خرسه وما تمشي ؟؟
متعب .. خرسه موافق عشان ما نتهاوش ويطلع صوتنا مثل بعض الناس .. اما ما تمشي انشاءالله
مع الايام راح تمشي والحمدالله على قولج انها طابت ااكثر من اول وصارت تمشي خطوتين مع بعض ..
يعني في امل انها تمشي ..
حصه .. وش قصتك في بعض النااس ؟؟
متعب .. اللي فوق راسه ريشه يحسس عليها .. انا ما ذكرت اسماء ؟؟
حصه .. يعني الكلام مو لج يا جاره ؟؟
متعب ..ههههههههه اقول قومي سويلي شااهي تراني مشتهي الشاي بيدك الحلوه ..
حصه .. انت تامرني امر ..
بالحظه هذي تروح حصه للمطبخ ..
ويجلس متعب يفكر .. ويلاحظ متعب باب غرفة مهاا انفتح .. ريم وهي واقفه على الباب
ودمعتها على خدها تنزف وتتنهد بقوه .ماسكه الباب بقوه وتطيح .. يركض متعب يحملها وينادي حصه
حصه .. متعب يشيل مهاا اللي شكلها ماتتت من البكى ولا احد سمعهااا ..
متعب وهو يشوف مهاا (ريم ) وكان وجهها مليان من الدموع وكان شعرها
احمر من الحنه مقصوص اطرافه وعيونها اوساع ولونهم عسلي فاتح ورسمت عيونها تجنن ..
وبشرتها احسن من اول صايره بيضه كثير ..
متعب ياخذ مهاا ويحطها على الكنبه مالت الصاله ..
حصه .. وش فيها يا متعب ..
متعب .. ما ادري بس شكلها خاايفه ..
ريم تمسك حصه وتضمها بخووق ..
حصه .. اسم الله عليك يا مهاا انا هنا لا تخافين ..
ريم تاشر للغرفه ..
حصه .. وش فيها الغرفه ..
متعب كان يشوف مهااا اللي انبهر بجمالها رغم الجروح اللي بجسمهااا .
مهاا .. تاشر للغرفه ..
حصه ..ادري وش فيها الغرفه ؟؟
مهاا .. تاشر للسراج ..
حصه افهمت انه السراج انطفى والغرفه صارت ظلمه .. وعرفت انه مهاا تكره الظلمه وتصيح منهاا ..
متعب .. وش بلاها تاشر للسراج .؟؟
حصه .. البنت تخاف من الظلمه والاسراج اللي في الغرفه انطفى ..
متعب .. اها وكذا تصيح ..ووقف يتاملها .. ويتامل جمالها . اللي انبهر منه..
واول مره يشوف بنت غير اخته حصه ..

حصه .. متعب .. وش اللي وقفك هنا ..؟؟
متعب .. ها ها لا ولا حاجه.. انا طالع ..
حصه .. ما تبغى الشاي ..
متعب . لا ما ابغى دحين .. بس لا تنسين تقولين لها ..
حصه . وش اقول لها وهي بهذي الحاله .؟؟
ريم وهي مدفونه بحظن حصه من الرعب .. مالاحظت متعب او اعطته اي اهتمام ..
متعب ..طيب انا في المجلس .. واذا خلص الشاهي جيبيه لي ..
حصه .. طيب انت رووح ولا تخز في بنات خلق الله .. خاف ربك ..
متعب .. انا اخاف من ربي قبل لا اشوفك بس من حق الزوج يشوف زوجته قبل لا ياخذها ..
وانا نظرتي حلال لها ...
حصه .. بدينا في الفلسفه .. اقول رح رح ارقد احسن لك .
متعب .. انا رايح .. بس احب اقولج يا اختي العزيزه تراني ما تعشيت .. ويطلع ..
ريم ترتجف بصدر حصه ..
حصه .. مهاا مهااا ...(وتمسكها مع كتفها اللي يرتجف) ..مهاا انا حصه اصحي ..
مهاا ترفع راسها بشويش ..
حصه .. يالله قومي ارقدي بفراشك ..انا راح ارقد معك ..
مهاا وعيونها دمع .. وتاشر لقلبها ..
حصه .. وشهو هنا يوجعك .. ؟؟
مهاا .. تهز راسها بنفي
حصه .. اجل وشهو ..
مهاا .. تبكي ما تدري وش تقول لها .. وريم في قلبها .. قلبي يعورني احس امي فيها شي ..
ابي ارجع لاهلي .. لكن ما اعرف الطريق لهم .. وهم ما يعرفون انا من فين ؟؟
حصه .. وش بلاك يا مهاا ..
مهاا .. وهي تشوف حصه بدمع وتهز راسها وتحاول تقوم بنفسها ..
حصه .. لا تبكين انا معك .. ويالله يا شاطره حبه حبه امشي ..
وتوصل مهاا لغرفتها وتنسدح بفراشها وهي تفكر ..
حصه .. تولع السراج مره ثانيه .. وتخلي الباب مفتوح وتقول لمهاا . انا رايحه اخذ الشاهي لمتعب
في المجلس واخذ له العشى لا تخافين ؟؟ طيب ..

مهاا .. تهز راسها بالايجاب ..وتروح حصه للمطبخ وتفكر ريم بنفسها وهي منسدحه بالفراش ..

وش حال امي وابوي ؟؟
انا لي شهر هنا ومحد لقاني ..؟؟
منو ذولا ؟؟ وليش انقذوني ؟؟ وليش سموني مهاا ..؟؟ انا اسمي ريم .. انا اسمي ريم الفلا ..
وهي تتذكر نفسها بالبر كيف كانت مرميه ..
وتسال نفسها كيف وجدوني وانا مدفونه بصحراء ؟؟ وتتنهد اااااااا والى متى راح تستمر حالتي كذا ؟؟
وهي تجلس وتحط راسها وسط رجلينها ويدينها براسها . وهي تفكر لا لا انا كنت راجعه من الجامعه .. اقتلوا
الوحوش كريم جدامي وتتذكر كيف اغتصبوها..
وتمسك راسها بقووه وتبكي بصمت وحسره وقهر ..
وتتنهد بقوه من غير صووت .. اااااااا ليش يا ربي ما نسيت ااااااااا كريم مات جدامي مات برصاصتين
بعقله اااااااا وتتذكر كيف جاء علي وضربها بالطووفه..
وكيف ضربها بالارض وكيف يحذفها ..
كالكره برجلينه ..وتتذكر كيف رمى ابدااح ملفعها وكيف شلح ملابسها وهي تصيح..

تدخل حصه ومعهاا كاست مااي .. وتشوف حال مهاا كيف جالسه.. راسها بين رجولها
ويدينها بشعرها وكيف تمسك شعرها بقوه كانه تبغى تخلعه...
.. وكيف مدفنه راسها بين رجولها ..
تقرب حصه منهاا بشويش .وتحط يدها على راس مهاا .. ريم فزت بسرعه بلمسة حصه لها ..
حصه .. اسم الله عليج انا حصه ليش خايفه كذا .؟؟ وليش دموعك صامته ؟؟ ليش ما تتكلمين
وتريحين نفسك من العذاب اللي انتي عايشه فيه .. مهاا.. انتي حكايتك طويله.. ومين اللي عمل فيك كذا ؟؟
وليش انتي في الصحرا مرميه .؟؟ وليش مرميه بكفن ابيض ؟؟ مهاا ادري مو هذا اسمك ..
لكن اشوفك تقتلين نفسك بالبكى والصياح وما ادري ليش تعملي كذا ؟؟
مهاا اهلك رموك هنا ؟؟ ريحي نفسك ادري ما تتكلمين بس حاولي تمسكين نفسك ..باسالتي ؟؟
ريم .. تهز راسها بنفي..
حصه .. اجل مين اللي سوء بك كذا ؟؟
ريم تاشر باصابها اربعه !!
حصه .. اربعه !! ايش يعني ؟؟ اربع رجاجيل ..
ريم ودمعتها تسيل ..تهز راسها بالايجاب ..
حصه .. انتي تعرفينهم ؟؟
ريم .. تهز راسها بنفي ؟؟
حصه .. عندك اهل ؟؟
ريم .. تهز راسها بالايجاب ..
حصه .. طيب تعرفين مكانهم ليش ما قلتي لنا ؟؟
ريم . تاشر انهم بعاد ..
حصه .. طيب بعاد فين .. في الباحه او ابها او الشفااو كيف ..
ريم .. تهز راسها بنفي ..
حصه .. المملكه كبيره فين يعني ..
ريم .. تاشر بيدها وعلى كفها ترسم خريطة المملكه وتحدد مكان الرياض ..
حصه .. انا ما اعرف اقراء او اكتب او اعرف وش تعملين بيدك ؟؟
ريم تياس وترجع تحظن رجولها ..
حصه .. طيب .. ابغى اسالك لكن ادري سؤال فيه تجريح لك .. او راح يضايقك كثير ..
ريم تشوف حصه بمظرات يعني اسالي ..
حصه .. اللي رموك في البر اصحابك صح ورموك بعد ما اغتصبوك صح ..؟
ريم بصراخ ..وتهز راسها بنفي بقوه وتبكي ..
حصه .. طيب خلاص لا تبكي عرفنا انك ما تعرفينهم .. بس هم اغتصبوك صح ..
ريم تهز راسها بالايجاب وتبكي بقووه ..وتاشر باصابعها اربعه ..
حصه .. اربعتهم لمسووك ..
ريم تبكي وتصيح بصمت .. وتعطي حصه ظهرها وتتنهد من البكى اااااااااااااااااا
ااااااااااااااااااا
حصه تمسك كتفها .. خلاص يا مهاا .. انشاءالله ربي راح ياخذ حقك منهم ..
ريم تبكي بقووى وتتذكر كيف اغتصبوها وكيف اخطفوها ..
حصه .. مهــــاا ابغى اكلمك ....لا تبكي عطيني وجهك ..
ريم تتنهد وهي تحاول تعطي وجههاا لحصه ..
حصه .. تمسك كتفها وتحاول تجلسها ثاني مره .
حصه .. مهاا اسمعيني .. انتي لك شهر عندنا صح ..
ريم .. تهز راسها بالايجاب ..
حصه .. مهاا انا متزوجه وعندي اولدي محمد وطول هالمده جلست معك عشانك مريضه . ودحين الحمدالله
صرتي احسن من قبل ..والازم دحين اروح اشوف اولدي محمد وزوجي قبلان..

ريم وهي خايفه تظن انها خلاص راح يرموها مره ثانيه او يبغون فلوس عشان اللي سووا لها ..

حصه .. لا تخافين ..اللي ابغى اقوله .. انك راح تجلسي هنا لوحدك.. لكن انتي مو حرم لمتعب اخوي
عشان تبقين معه ؟؟وانا فكرت يا مهاا تتزوجي متعب اخوي ايش رايج ...؟

ريم .. مذهوله .. وتقول في قلبها اتزوج متعب؟؟؟
حصه .. انتي راح تتزوجينه بس اسم بس .. وهو ماراح ينام معك او حاجه .. بس الانه
كلام الناس زاد يا مهاا وحنا ما نبغى الفضايح لنا .. وحنا نبغى نستر عليك يا مهاا ..

ريم وهي تنزل راسسها .. تفكر .. كيف اتزوجه ؟؟ كيف يرضى يتزوج وحده ملموسه ؟؟
ااااااا كيف اعيش مع شخص ما اعرف عنه شي سوء لقاني في البر وانقذني ..؟؟

حصه .. مهاا .فكري بالموضوع زين .. وما ابغى منك جواب دحين .. ارقدي دحين
وارتاحي وبكره اسمع منك الجوااب ..
ريم تنسدح بفراشها وهي تفكر .. اوافق .. او لا ..

@ وش حال ام عبدالله بعد ما خبروها بموت ريم ؟؟
@ هل توافق ريم بمتعـــــب .. او ترفضه ؟؟
@ وش راح يكون حال ساره وخالد ؟
@ وش بيصير بعهد وفهد بالاجزاء الجايه ؟؟
@ جراح وشهو دوره بالقصه ؟؟

اسئله كثييـــــره .. واجـــزااء باقــيه ..
يالله تـنـتــظر منـــــكمـــ المتاابعــــــــه ..

نتوااااااااصل
انجـــــــــال ..

 

[انجال]

الـــــــجـــــــزء العاشــــــــــر
******************************
في غرفة ساره وخالد ..
ساره .. خالد استنى ابغى اكلمك ..
خالد كان يبغى يطلع من الغرفه .. نعم ياساره ؟؟
ساره .. ممكن تجلس ؟؟
خالد .. كا جلسنا ..
ساره .. خالد وش فيك ؟؟ الانك عرفت ما اقدر اجيب لك اعيال صرت حتى ما تشوف وجهي ؟؟
خالد قلي وش ذنبي انا قلي ياخالد ..
خالد ..............
ساره بدموع .. ليش سااكت ؟؟ ليش ما تتكلم ليش تقهرني بسكوتك .. ؟؟
خالد .. ساره سؤالك جوابه عندك .. واظن ما عندي جواب اوضح من اللي تعرفينه ..!!
ساره .. خالد ابغاك تطلقي يا خالد ..
خالد يلتفت لها .. انتي مجنونه تبغيني اطلقج ليش .. تبغين اطلقج ياساره بنت عمي ؟؟اللي
حبيتها طول عمري .. ساره مهما المشاكل اللي تدور حولنا عمري ماراح افكر اطلقج ..

ساره .. طيب ليش تعمل معي كذا ؟؟ ليه تقهرني بسكوتك .. ليه ما تحب تشوف وجههي حتى ..؟
خالد ................. الاني احــبــــــك ..
ساره بصراخ .. انت تكذب ياخالد انت تكذب علي وعلى روحك .. انت تحب ساره القديمه ..
انا ساره العاجزه العقيم بنسبه لك .. اذا تبغي تريحني طلقني طلقني ياخالد ..
خالد ...تعوذي من ابليس يا ساره وانتي ساره وحده عندي وما تغيرتي ..

ساره بدموع .. انت ما تبغى خلافات بين اهلي واهلك .. انت ودك تتطلقني لكن خايف
من تشتت العايله كلها بسببنا صح ياخالد ....
خالد ينزل راسه .. لا ياساره .. الاني احبك .. ياليت تقدري هالكلمه ..
ساره .. لا ياخالد .. انت تحبني عشان بنت عمك .. وانا راحيه لاهلي وياليت اشوف ورقتي هناك..
والله يوفقك مع بنت الحلال اللي تجيب لك اعيال .. وصدقني حياتنا كذا ما تنفع
.. كل شخص ما يشوف الثاني الا نادرا ..
وانا راح اشوف حياتي وانت شوف حياتك مع ام العيال .. وتاخذ شنطتها اليد.. وتمشي
وخالد ما بيده شي سوء يشووف بعيونه الحب الاول رااح ..
خالد .. ساره ساره .. (تطلع ساره وتروح بيت اهلها اللي جنب بيت زوجهااا )
خالد ..... ويقول لنفسه ..

ساره سامحيني وعذريني عن خطــاي ..
وامسحي كــــــل جرحـــن خــطيــته بـديه..
اتــركي العــــالم وشــوفـــي وش بـــلاي ..
قــلبي يحبك ولا نـــوى لــــك بــلـــيـــه ...
هــذا الصحـيح يا مـهــجتــي وغـــلاي...
قلبن يحبك لا تخــسريه بوهـام كذبـيـه...

(كلمات انجال )

*******************
في غرفة ام عبدالله .. يدخل جراح عليها ..
جراح .. يمه انتي صاحيه ..
ام عبدالله .. هلا جراح وش تبغى ..
جراح .. ما ابغى شي .. بس حبيت اتطمن عليكي ..
ام عبدالله .. والله وفيك الخير يا جراح ..
جراح .. يمه ايش رايك نروح للمزارع اليوم ؟؟
ام عبدالله .. والله يا جراح مالي خلق اطلع من البيت .
جراح .. طيب اطلعي ووسعي صدرك عن البيت ..
ام عبدالله .. جراح يا ولدي مالي خلق اطلع ..
جراح .. هذاوانا جراح طالبك انك تخاوينه وانتي دحين ترفضين ؟
ام عبدالله .. خلاص يا جراح برووح عشانك ..
جراح بفرح .. اخيرا ما بغيتي تطلعي معي .. يالله راح اقول لسوما تسوي الغدا هناك ..
وراح اقول لفهد وخالد يرحون معنا .. ايش رايج ..
ام عبدالله .. سو اللي ييعجبك يا جراح ..
جراح .. الا يمه وش فيه خالد وساره ؟؟
ام عبدالله ؟؟... ليه وش فيهم ..؟؟
جراح .. ها (والله هذي البلشه اطلعت ما تدري ) ها لا يمه سلامتج يمه الاني شفت ساره طالعه عند
اهلها قلت يمكن زياره ؟؟
ام عبدالله .. وانت وش عليك منهم ..؟؟
جراح .. اكيد مالي شغل فيهم بس يا يمه ساره شكلها معصبه .. والي محيرني ما اخذت شي معهاا ..
ام عبدالله .. انت تعرف اخوك ما يجلس في البيت والسبب شغله اللي ماخذه منا .. وزوجته له حق
وهو مو معطيها حقها .. وانشاءالله على قولتك زياره ..
جراح ..في قلبه ما اظن يا يمه ..
ام عبدالله وش بلاك ساكت ..؟
جراح .. لا يمه جالس افكر اقول لعماني او اخلي الروحه عائليه .؟؟
ام عبدالله .. حلو يا جراح نروح كلنا بلاش اليوم خلها يوم ثاني ..
جراح .. يمااا اليوم الاربعاء وعطله وبعد اسبوع االاختبارات النهائيه وين نطلع ؟؟ خليها اليوم تكفين يايمه ؟؟
ام عبدالله .. طيب .. قول لابوك خليه يقول لعمانك عشان نجلس يومين نغير فيهم جو ..
جراح .. عاااشت ام عبدالله .. الله يخليني لهااا ..
ام عبدالله تتذكر كلمه (الله يخليني لك ) كانت كلمة ريم بنتها .. وتجلس تفكر فيها وتقول اااه ياريم
لو كنتي موجوده معنا كنتي طرتي من الفرحه الانك اكثر وحده تحبين المزارع .. اااه ياريم..
في كل زااويه معناااا ..الله يرحمك يا بنتي ..

 

[انجال]

**********************
في الجاامعه .. هذا اخر اسبووع لاختبارات الجاامعه ..
عذاري جالسه في الكفتريا مع دلال ..
عذاري سرحاانه ..
دلال .. هوووووووووواااا نحن هناااا .. وين سرحاانه يا حلوه .. اللي ماخذ عقلج يتهنابه ..
عذاري .. اااه باقي اسبوع وتبدا الاجازه .؟
دلال .. ها تفكري بالاجازه ؟؟ فين راح تروحي ؟؟
عذاري .. ههههههههه وين اروح يا الدماام او الشرقيه عند خوالي ؟؟
دلال .. خوالك من الشرقيه ؟؟
عذاري .. ايوه امي شرقاويه ..
دلال .. الا صج يا عذاري ما سمعتي اخر الاخبار؟؟
عذاري .. لا ما سمعت عن شنو تتكلم ؟؟
دلال .. يقولون ان ريم اللي كانت معنا في الجامعه لقوها في شقه مع شبااب .. واهلها اذبحوها وادفنوها ..

عذاري بعصبيه ..بناات عمها هنا .. سندس وبشاير وغزلان اساليهم ..
ريم ما تسوي كذا .. وريم اكبر من اللي تعمل كذا .. ريم ثقيله ومو من السوالف ذي..
واصلا سندس قالت لي بعظمت لسانها .. انها مخطوفه واللي خاطفينها ادفنوها بصحراء .. وانتي تعرفين
من خطفت لها شهر يعني يمديها تتحلل في الارض ؟؟ والله يرحمهاا .وادعي لها الرحمه وبلاش كلام
مو زين للميت ..
دلال .. وش فيك عصبتي انا سمعت ..
وضحه تدخل عليهم .. السلاااااااام عليكم ..
دلال عذاري .. وعليكم السلام ..
وضحه ..وش فيكم؟؟ وش كنتوا تتكلمون عنه .. وليه سكتوا ؟؟
دلال .. ول ول تبغين اجاوب عليهم كلهم ..

عذاري .. جاوبي ووضحه راح تقولك مثل كلامي ؟؟
وضحه .. وشهو الموضوع ..

عذاري .. وضحه دلال تقول انه ريم لقوها بشقة شبااب ودفنوها اهلها لمى عرفوا ؟؟

وضحه .. الله يرحمها .. البنت ميته وتتكلمون عنها ..انا جايه عزاهم مع امي وابوي ..
الله يرحم حال امها كانت في المستشفى من كثر الصدمه ..وابوي يقول ..ابوها طايح ما يقدر حتى يقوم يسلم .
وابوي سال واحد منهم وقالوا له انه واحد من المجرمين تاب ولمى تاب علم عليهم ولمى علم عليهم مات
مقتول منهم .. ههههههههههه شر البليه ما يضحك ..

دلال .. طيب ليه يقولوا انها مقتوله من اهلها ..
وضحه .. اهلها ما شافوها .. الي دفنها واحد من المجرمين وكفنها ورمها في البر ميته ..

عذاري .. بس تصدقين يا وضحه .. ما ادري عندي احسااس انها حيه .. وريم ما تستاهل ..ااااااااه
اتذكر يا وضحه قبل شهر ريم كانت جالسه هنا وتبربر علي وحبوبتها تقطع الرزق اتذكر كان عليها
علم نفس وكان جوالها مخرف من الشحن .. وكانت تقول تكفين يا عذاري روحي معي .. وكويس
اني ما رحت معها كنت دحين معها ميته ..

وضحه .. الحمدالله على كل شي .. ودعوا لها برحمه وبلاش نتكلم عن الميت ..
عذاري ودلال .. الله يرحمهااا ..

*********************
الساعه 10 الصبح في القريه ..
ريم عندها عذووب... وحصه عند زوجها قبلان تسوالف معه في الحوش مع متعب ..
عذووب .. صدقيني البسيه راح يطلع عليج جووونااان ..
ريم تهز راسها بنفي ...
عذووب .. صدقيني راح تتعودين عليه .. يالله عشان خاطري بس ..
ريم .. تاخذ البرقع وكانها تقول خلاص راح البسه .. وتلبسه كان شكلها نكته.. لبرقع في النص فيه
خيط والخيط كان ماايل ..وما اعرفت كيف تلبسه ..
عذوب ترفس من الضحك .. هههههههههههههههههههههههههههههههههههههههههههه بطني
ههههههههههههههههههههههههههههه بطني مهااا شكلج جوناان .
ريم من اعرفت انها تضحك رمت البرقع وبرطمت ..
عذوب .. لا لا لا تكفين لا تبرطمين ..اخااف تبكين عليها
ريم تضحك ما تقدر تقاوم عذووب .. الانه عذوب دمها مره خفيف ..
عذووب .. طيب طيب راح اعطيك درس في لبس البرقع وما ابغى منك الا عشرين اريال في الحصه ..
ريم تبحلق عيونها وتاشر بيدها وارجولها 20 ..
عذوب .. ههههههههه نكته وارجولك كمان لهم عشر اصابع هههههههههه
ريم تضحك .. ههههههههه
تدخل حصه عليهم ..
حصه .. ماشاءالله اليوم اشوف الضحكه واصله للباب .. وش فيكم تضحكوا ضحكوني معكم .؟
عذوب .. وشهو جايه اخر العرب وتبغين تعرفين .. لا ياعمي روحي لزوجك واجلسي معه ..
خلينا حنا البنت نسوالف على راحتنا .. صح مهااا ..
ريم . تهز راسها بنفي وتاشر بيدها لحصه انها تجلس ..

حصه .. والله مهاا صارت احسن منك يالعووبه ..
عذوب .. ههههه تصدقين صرت احب كلمة العووبا احسها لها هيبه هههههه
حصه .. طيب يا عذوب ممكن تخليني انا ومهاا بروحنا ابغاها بكلمه ممكن ..
عذوب .. ليه داايم هي معك خليني اسوالف معها اشوي ..؟

ريم وشكلها خاايفه ..
حصه .. عذووووب روحي قبل لا اقول لقبلان ؟؟
عذوب .. لا ياعمي فيها قبلان نرووح وحنا مؤدبين بعد .. تقول لمها لا يحوشك قبلان اذا عصب ..
لانك راح تشوفي النار بعيونه ..
حصه بضحكه .. كويس انك تعرفينه ..
عذووب .. هل يخفى القمر ؟؟

ريم تضحك .. هههههه
عذوب .. انا ماشيه بس لمى تخلصي من الاجتماع الضروري والمفاجاء هذا خبريني .. طيب .
حصه .. لا تخافين راح اقولك . بس خلينا نتكلم ..
عذوب .. فماان الله اجل ..وتسكر البااب وراها ..
حصه .. فماان الله ..
حصه .. مهااا دحين راحت عذوب .. وابغى منك جوااب على سؤالي امس ؟؟
ريم ..تنزل راسها ..
حصه .. انتي عارفه وشهو سؤالي .. وما ابغى منك الا اشاره عشان افهم .. انتي موافقه ..
ريم .. وتقول في نفسها .. اذا رفضت فين اروح ؟؟ وانا ما ادري انا فين ؟؟ واهلي اكيد يخبروني ميته ..
اخااف اوافق والقاء اهلي فين اروح ؟؟ معه او معهم ؟؟ لالا اكيد اذا تزوجني راح ...لا لا .. لكن طيب
وين اروح اذا رفضت .. اااااه من امس وانا ما ذقت طعم النوم ..

حصه .. وش فيك سرحاانه يا مهاا .. انتي رافضه متعب .؟؟
ريم .. تهز راسها بنفي ..

حصه .. حلو يعني انتي موافقه ؟؟
ريم .. سااكته..................
حصه .. وش فيك انتي خاايفه .؟
ريم تحط يدها على وجهاا وتبكي ..
حصه ..تقرب منها انتي خاايفه من ايش ؟؟ لا تخافي متعب بس اسم زوج لين تلقين اهلك ..انتي رافضه يا مهاا ؟؟

ريم ترفع راسها وكلها دموع ..تهز راسها بنفي ..

حصه .. طيب انتي موافقه ...طيب ليه تبكين ؟؟
ريم .. وتعض شفايفها .. وتحاول تاشر لحصه .. حصه افهمت وش تقصد مهاا بحركه وش اللي خايفه منه ..
حصه .. لا تخافين يا مهااا بس اسم وجدام الناس بس .. واليوم اذا انتي موافقه راح يملكون ويكون الدخله ..

ريم بتعجب ..وتعقد حواجبها ..؟؟

حصه .. انا قلت لك بس اسم زوج وجدام الناس لازوم نسوي عرس عشان نخبرهم .. ولا تخافين
الثوب عندي ...وعندي ذهب امي وذهبي راح تلبسينه جدام الناس .. ولا تخافين متعب راح يشتري لك ذهب ..
ومهرك راح يوصلك اليوم .. مع متعب .. انا راايحه ابشر متعب عشان يعزم الرجاجيل والضيوف ..
ويذبح الذباايح ..انا طالعه تبغين شي يا عرووسه ..

ريم .. تهز راسها بنفي ..
حصه .. طيب اشوفك بعد اشوي .. وتطلع وهي تلولش ... تبشر متعب وقبلان ..

ريم منزله راسها .. وتكلم نفسها ( يعني خلاص راح اكون بذمت متعب ..؟. ومنو متعب .؟؟
وليش انقذني بالبر؟؟.. يعني راح اكون بعيده عن اهلي .. وهل صحيح راح يكون اسم زوج ؟؟
وليه مصر اني اكون في بيته وفي غرفته؟؟ .. ليه ما رماني في البر؟؟ اااااه ياراسي ..انا اكره كل
رجاااااااااال اكره جنس رجاااااااااااااال .......

تدخل عليها .. عذووب تقطع افكارها ..
عذووب .. الف الف الف الف مبروووووووووووووك يا عرووسه كلولولويش .. اعذريني ما اعرف
اللولش ..
ريم وتسقط دمعتها ..
عذوب .. وشهو وشهو اشوفك تبكين ... اكيد من الفرحه .. ياعمي اضحكي اليوم عرسك ولازوم
تضحكين ..
ريم .. وهي تمسح دمعتها .. تنزل راسها .. وتقول في نفسها .. اااه كيف اتزوج واهلي ما يدرون ؟؟
كيف اتزوج وانا بعيده عنهم ؟؟ كيف اعيش مع رجال ما اعرف عنه سوء انه انقذني من الموت .؟؟
وكيف اتزوج وانا كلي جروح ؟؟ وكيف هو يتزوج وحده خرسه وقيود الصمت اسرتهااا .. ؟؟

عذوب .. يالله يالله ياحلوه دحين راح تجي ام مجبل وتسوي لك الحنه والسدر على راسك .. وتسوي
لك شغلات العرايس يا عيني .. ااااااااه متى اتزوج من مطلق اااه احبه يا مهاا ..
صحيح هو اسمر وعيونه كانها الجربوع لكن احبه .. وصحيح شعره طويل يجنن لكتفه واصل .
وصحيح مو طوويل يعني قزم بس يا مهاا من الحب ما قتل .هههههههههه ..

ريم تضحك على عذوب .. وعلى وصف مطلق لها ..وهي تحاول تضحك ..

عذوب ... ايوه اضحكي كذا لا تبكي ... لا تصدقين هو يجنن بس ابعد العيون عنه ..
ريم .. تسال بالاشاره وين حصه ؟..
عذوب .. ياخي ما صدقوا انك وافقتي .. متعب راح يذبح الخرفان والبعارين .. وقبلان اخوي يعزم الرجاجيل .
وحصه تسوي البيت وتنادي النسوان يساعدنها .. ويالله ياعروسه .. لا تخافين .ولا تبكين زي البزران ..
طيب .. !!
ريم .. تحاول ترسم ضحكه كذاابه .. وهي تفكر في الموقف اللي حصل لهاااا .. وموت كريم .؟؟
وكيف عاشت هنااا ؟؟

*****************************

 

[انجال]

*****************************
ام عبدالله قالت لعيالها بعد الغدا راح نمشي للمزرعه والكل وافق ..
وام عبدالله اسالت خالد فين ساره قال لها راحت زياره لبيت اهلها .. وصدقته ام عبدالله ..
وجالس خالد في غرفته.. يمسك جواله ويرسل لساره ..

لاتفكر ان غلاك عندي يهون
صعب جدا يجهل الليل القمر
كيف ممكن يفارق الرمش العيون
كيف ممكن يجهل الموج البحر
صعب جدا بعد العشره اخون
لو كان احساسي القاسي حجر
لا تصدق مايقولونه جنون
مايفرق بيننا الا القدر...


ساره ترسل له ...

تلف هالدنيا على الناس وتدور..
والزمن عندك توقف ولا دار..!
أدري مقصر بس لاصرت مجبور..
ودي تسامحني على حكم الاقدار..
كني بدونك..عقد لاصار منثور..
وش يجمع المنثور دام الزمن جار..!!"

خالد يرسل ..

كيف ابستانس وهو مو معاي ؟
كيف ابفرح والهنا غايب معاه ؟
كيف ابمنع دمعة تفضح هواي ؟
كيف اعاند خافقي لا من بغاه ؟
كيف تضحك دنيتي واخفي بكاي ؟
كيف اقول إبعد وهو عارف غلاه ؟
باختصار أنا احبه ومالي بالدنيا سواه !!!!!!!!


ساره .. تضحك ههههههههههه

حاولت في قلبي أقول بنساك
وأعيش دنيا في حياتي جديده
أثر الغلاااااا مايعجبه غير دنياك
والقلب غيرك ماسكن في وريده
أشتقت لعيونك وصوتك ونجواك
أشتقت لظروفك لوهي عنـــــــيــده
حبك شربته كيف ماأقدر أظماك
حبك عرفته كيف ماأقدر أعيده...


خالد .. يرسل رساله ..
(( يالله ارجعي بدوون تغلي يا سارونه.. انا من دونك جد ما اسوى شي ..يالله ابغى اروح معك
لمطعم نتغدى فيه وبعدها نرووح للمزارع نعيد اياام الشقااوه ))

ساره ترسل له ..

(( هع هع ادري انك ما تصبر علي .. وحتى انا ما اصبر.. واااو المزارع ياااي ايامها تعقد..
ثواني وانا عند الباااب .. ))

خالد .. يرسل لها ..
(( ها ها وانا في انتظارج يا قمر * , ^ ))

********************
عهد .. فهد فين راح تمشي ؟؟
فهد .. انا رايح للشرقيه .. تعرفين لازم اجيب ادوات من هناك ..
عهد .. بس اهلك راح يمشوا بعد الغدا للمزارع .. طيب ليه ما تروح معنا ؟؟
فهد .. ياغلاتي عهد .. انا عندي شغل وظروري امشي دحين ؟؟
عهد .. وراح تطول الغيبه ؟؟
فهد .. امم لا ثلاث اياام وراجع ..وانتبهي لسعوودي اووكيه ..
عهد .. توصيني بنظر عيني ..؟
فهد .. ادري انك حريصه عليه اكثر مني .. لكن ازيتك حرص..
عهد .. وانت انتبه على نفسك يا فهودي ..
فهد وهو يسوي اشماغه .. لا توصي حريص يا قلبي انتي ..
عهد .. راح افقدك .. ثلاث اياام مره وحده ..
فهد .. يؤه وش قلنا بلا تحلطم ..وهذا الشغل مو لعب ..
عهد .. طيب ليه ما تعتذر واحد غيرك ياخذ مكانك ؟؟
فهد .. عهد وش قلنا ؟؟ ما اقدر اسلم الشغل هذا بذات لشخص ثاني .. الانه هذي مسؤوليه علي ياقلبي ..
عهد .. طيب تروح وترجع بسلامه .. حقيقه راح فقدك ..
فهد .. وانا اكثر يا عهد .. يا ام سعوودي .. يا ام الغالي ..
عهد .. اي قص علي بالكلام الحلو ..واخذني بقد عقلي ..
فهد .. انتي تعرفين غلاج وما حاجه اقول لك ..وابشري بصووغه لك اجيبها من الشرقيه ..
عهد .. ما ابغى الا سلامتك يالغالي ..
فهد .. تسلمين يالغاليه انتي ..
عهد .
.دخيلك لاتعذبني وتهجر مسكة الجوال
أنا كلي فدا يدك تحن وتضرب أرقامي

فهد ..يضحك .. هههههه ابشري ..ويطلع.. لكن ما يدري هو راح يشوفها ثاني مره او لا ؟؟




@ انتظرووووووووا الاجـــــــــزاء القادمه ...
@ هل يتم زواج متعب وريم ؟؟
@ وش بيصير في المزرعه ..؟؟
@ وش بيصير بفهد ؟؟
@ وهل راح تكون هناك اشخاص جدد في القصه ؟؟


اسئله كثييـــــره .. واجـــزااء باقــيه ..
يالله تـنـتــظر منـــــكمـــ المتاابعــــــــه ..

نتوااااااااصل
انجـــــــــال ..

 

[انجال]

الـــــــجــــــــــزء الـــحـــادي عـــــشـــر ..
******************************
في المزرعه الكل مجتمع ..
عايلة ابو عبدالله .. وابو عبدالرحمن .. وابو تركي .. وابو عبد لعزيز ..

ام عبدالله .. جالسه في الغرفه مع الحريم ..
رهاام .. يالله يا عهد خلنا نروح لمطبخ نعمل شاهي والقهوه والحلا..
الجازي .. اجلسوا انتو وخلوا البزران تسوي الشاهي والقهوه ..
ساره . لا تقولين غزلان وبشاير سندس ودانه يعملونها ووووواع
الجازي .. حريم لازم يتعلموون .؟ الوحده منهم دحين مفروض عروس ..

سندس .. ما اعرف اعمل قهوه عشان اعمل شاهي ..
الجازي .. وي بناات العصر هذا ما يعرفن حتى الشاهي .. يا ويل اخوي تركي منك يا سندس ..
سندس في كبدها وع تركي لا ..
بشاير .. ههههههه الحمدالله انا مو اسيره لحد ..
سندس .. لا تضحكي كثير.. عزوز على البااب ..
بشاير .. عزوز لريم نسيتي يا خاينه ..

رهام تنزل راسها .. وتتذكر اختها ريم .. لمى تقول لها انها تحب عزوز ولد عمها ماتت وهي مخبيه السر
عند اختها الوحيده ..
الجازي .. رهام وش بلاك ؟؟
رهام .. ولا حاجه بس تذكرت ريم ..
الجازي .. الله يرحمها ..
غزلان .. تسوالف بشاير ..

بشاير ..يا حبيبتي غزلان .. بندراخوي عندك ولازوم تاخذينه ..
عهد .. ههههههههههه بشاير ما شاءالله عليك زوجتي العايله كلها ..
بشاير.. يا هني من جمع راسين بالحلال .. عندنا دحين تركي وسندس .. وغزلان وبندر ..
ودانه وجرحوا ...
رهام تضحك .. ماشاءالله خطبتي لخوي جراح داانوه ..يالخطاابه ..
سندس .. انا راح ازوجك هارون سايقنا حرام كسرتي خاطري ما عندك حد ..

عهد .. لا يا سندس يا اختي راح ازوجهااا عبد العزيز .اخوي .
بشاير .. لا ما اخذ عبد العزيز.. لو اموت ما اخذه ..
ساره .. ليه يا اختي بشاير .. عزوز ولد طيب ..
عهد .. اي مشي سوق اخوي يا ساره .
بشاير بصوت واطي .. عبد العزيز لريم .. ريم مااتت وهي تحب عبدالعزيز ..

رهام تسمع كلام بشايرو تبكي وو تطلع من الغرفه ..
الجاازي .. خلااااااااص قفلوا السالفه ذي .. ولا تجبون طاري ريم مره ثانيه .. الله يرحمها ..
وانتي يا بشاير ..ريم ماات ومالك غير عبد العزيز ..
بشاير .. عبد العزيز ما ابغااه .. ياعهد ويا سندس .. رجاء لا تفكرون بي .. وتطلع ..
ساره .. انا راح اعمل الشااهي ..
عهد .. انا راح اسااعدك في الحلا ..
الجاازي .. قوومي يا غزلان سووي القهوه بلا دلع ..
غزلان .. وداانه ليه ما تقولين لهااا ..
الجاازي .. بلا فضايح جدام البنات قوومي اعملي القهوه .
داانه .. غزلان امي تبغااج ..
غزلان .. واخيرا الفرج جااء ..
سندس .. انا راح اساعدك يالحلا يا عهد ..
عهد .. حياج الله يا سنسن
ويطلعوون يسووون الشااهي والقهوه في المطبخ وتجلس بشااير في المزرع وحدهااا ..
وتجلس جنب البركه .. وهي ماعليها ملفع ..
تلعب برجلينها بالماي
وتتذكر كلااااااااام ريم لها .. كيف كانت تحب تشوف عبد العزيز في المزرعه . وكانت
اكثر وحده تنبسط بالمزرعه ..
بشااير .. ااااااااا الله يرحمج ياريم .. كنتي تجلسي هنا لمى يضيق صدرك ولمى تشوفي الحبيب ..
ياترى عبد العزيز فاقدك ياريم .. او مو مهتم ؟؟
عبد العزيز كان طالع من مجلس الرجاجيل في الخيمه ..
وشااف زول يشبه ريم وقرب اكثر..جنب البركه ..
وتوقع انه خيال ريم جالس .. وجلس يشوف بشاير من الخلف وهو معتقد انه طيف ريم ..
عبدالعزيز يقرب اكثر واكثر..
بشاير اسمعت صوت من الخلف بخطوات خفيفه .. تلتفت .. انصدمت
بشاير . لاااااا مستحيل عبد العزيز.. وتركض تسوي جلالها بسرعه ..

عبد العزيز .. بشاير .. اسف كانت اعتقد سندس اختي ..
بشاير وهي تقوم... لا عادي .. وتقوم بسرعه وتدخل البيت ..
(البيت واحد في المزرعه وكل عايله لهم حجر )
بشاير .. لا مستحيل عبد العزيز ... يؤ شاافني ..اخاف يقول لحد .. لا لا ما اعتقد .. الا هو وش جابه
للبركه ؟؟
لالا اكيد على باله ريم ؟؟ لا كلنا نعرف ريم ميته ليه يقرب ..؟؟ يمكن هو صادق يمكن يحسبني سندس ؟؟
اااااااااااااووووو راسي يعورني ..
عبد العزيز .... بشايرتشبه ريم .. الله يرحمك يا ريم.. كنتي تجلسي على البركه وتلعبي برجلك بمايها ...
اكيد بشاير فاقدتها وكذا جلست زيها ؟؟

يمكن يضيع الشوق في داخل انسان
ويمكن يضيع انسان من كثرة الشوق

الشوق لوعة وانتظار و حرمـــــــان
وآهات ليل و دمع وإحساس مخنــوق

تلعب به الدنيا على كف الأحـــزان
وكم خافق من حرقة الشــوق ظميان


****************************

 

[انجال]

****************************
السلاعه .. 6 المغرب ..
ريم براسها الحنه والسدر .. وبكفها وبرجولها نقش حنه ..
وحصه عند الطبخات تشوف العشى.. ومتعب عند الرجاجيل مع قبلان .. وعذوب جالسه مع مهاا (ريم)
عذووب .. الله الله وش الزين تهبلين ..
ام مجبل.. يالله يامهاا .. ادخلي الحمام عشان نغسل شعرك ..من الحنه ..
ريم بخوف ..يالله تمشي خطوتين مع بعض ..
عذوب .. ام مجبل ما يصير انا تحطين لي حنه وسدر ..
ام مجبل .. انشاءالله في عرسك يا عذوب
عذوب .. وين امي تدعي لي .. ياارب امين ..
ام مجبل .. ههه الله يرحم امك يا عذوب .. ماتت وهي تولد فيك وسموك عذوب الانك معذبتها في الولاده..
عذوب .. يؤؤؤه يا ام مجبل لازم تفتحين الموضوع هذا في الفرح ..
ام مجبل . لا تخافين راح اخلي ولدي ضاحي ياخذك ..
عذوب .. لاااااااااا ضاحي لااااااااااااا
ام مجبل .. ليه وش بلا ضاحي ما تبغينه ؟؟
عذوب .. ها لا.... ولا شي ..ضااحي جميل وحلو وهو ما يستاهل وحده مثلي عووبه ..
حصه تدخل عليهم ..
وش بلاكم تضحكون ..
ام مجبل .. على حماتك الصغيره عذووب ..
حصه .. خير ..
ام مجبل ..عذووب حق ولدي ضاحي وش قلتي يا حصه ..
حصه.. انا مواافقه ..
عذوب .. لاااااااااااااااااا حصه لاااااااااا تكفين انا ابغى مطلق ما ابغى ضاحي ..
ام مجبل .. وش عجبك في جربوع مطلق ..
حصه .. خلونا من الكلام هذا وين العروس ..
ام مجبل .. عند ام فلاح تغسل شعرها ..
حصه .. خلصت هي ..
ام مجبل .. باذن الله خالصه ما يبغى غير نمشط شعرها ونبخره وتلبس المسرح حقها ..
حصه .. حلو ..ما بقى شي .. الانه عشا الرجاجيل الساعه 9 .. ودحين 6 يعني باقي وقت ..
عذوب .. وشهو مافي وقت .. ياحصه ..
مـــــــــرات السااعة وجاءت السااعه اللي توقف الانفااس .. الساعه تسع ..
كانت ايه من الجمال عليها الثوب المسرح والنقش الحنه اللي بيدها .وارجولها .. الهاامه اللي على راسها ..
والبخور اللي في الغرفه ..
حصه .. قل اعوذوا برب الفلق .. الصراحه اخااف احسد اخووي على الجمال هذا ..
ريم تضحك ..ههه
حصه .. يالله يامهااا ..متعب دحين راح يدخل بعد العشاا يعني بعد دقايق .. لا تخافين زي ما قلت لك ..
ما ابغى صراخ ..
ريم .. تهز راسها بالخووووف شديد ويدها ترتجف ..
حصه .. تمسك يدها .. وش قلنا لا تخافين ..
ريم .. تهز راسها بالايجاب ..
حصه .. يالله اح اتركك .. وبتوفيق يا مهااا ..
تطلع حصه وتجلس ريم ودموعها على خدهاااا .. كيف راح تصير الليله ذي ..
كيف راح تنام مع واحد غريب .. ااااه يا يمه اش كثر مشتاقه لك بالحظه ذي ..

اااااااه وين احلام ريم الصغيره .. كنت احلم بعبد لعزيز.. يجيني متعب ؟؟ سبحان الله ..
كيف تدور الدنيا .. وتبعدني عن اهلي ؟؟ وعن القصر اللي كنت عايشه فيه .. صحيح كانت
العيشه هناك مااحبها .. لكن دحين فقد سرير فقد جهازي المحمول .. فقد لوب توبي فقد
تلفزيوني ..فقد التكيف المركزي .. فقد اهلي واختي رهام .. فقدهم كلهم .. ياترى بشوفهم مره ثانيه ؟؟

فـــيني انا في الربع الخالي ؟؟ طيب ليه ما ياخذني متعب للرياض ..لحظه قالت لي حصه ..
ان متعب ما عمره زار الرياض كيف يعرف شوارعها ..

هالحظه ذي اللي كانت ريم تفكر وسرحاانه يدخل متعب ويغفل الباب وراء ..
متعب يشوف مهاا سرحاانه بتفكيرها يجلس جنبها .. ويتاملها .. يقول سبحان الله البنت طالعه
ملاك ...فرق بين اول مره اشوفها فيها ..
كان شعرها ابيض وجسمها كله دم .. وهذا غير الجروح اللي على وجهها .. اااه انا لسه ذاكر ملامحها ؟؟

ريم اللي مالحظة سوء في شخص جلس جنبها فزت على طوول .
متعب .. اسم الله عليك وش بلاك ..
ريم .تسال نفسها متى دخل وليه ما حسيت به ؟؟
متعب .. ههههههه ارعبتك ؟؟ ادري دخلت وقلت السلام لكنك كنتي سرحاانه ..
ريم وهي تبتعد عنه بشويش ..
متعب .. مهاا ليه خاايفه ..انا زوجك دحين ..
ريم .. تهز راسها بالنفي ..
متعب .. لا تخافين خذي هذا الصندوق فيه مهرك .. وانا طالع اخذ دش سريع ..
من الصبح وانا واقف على رجلي وانتي اخذي راحتك ..

ويدخل متعب الحمام ياخذ دش .. وريم لسه على مكانها متعجبه ومستغربه ومندهشه ..
كيف دخل من دون ما حسيت به ؟؟ لا يكون جني .؟؟

وهي تفكر تشيل الهامه والذهب اللي عليها وتحطه مع الذهب اللي جابه لها متعب .. وتجلس في
الزااويه ..وتدفن راسها بين رجولها وشعرها كان طويل طايح على جسمها يغطيها..
متعب خرج من الحمام.. واستغرب لمى شاف مهاا (ريم)
جالسه بزاويه وكيف حاطه راسها بين
رجولها وكيف كان شكلها وشعرها الطويل يغطيها ..
كان منظر يكسر الخاطر لكن جمالها كان روعه .
متعب شاافها كذا اخذ فراشه وبعده عن فراش مهاا اللي كانت دافنه نفسها بالزاويه ..
واحب ما يحرجها وويوفي بكلمته .. اخذ فراشه وناام بعيد عنها ..
لكن قبل لا يناام . قال
متعب .. مهاا لا تنامي كذا .. اخاف تمرضي .. نامي بفراشك ..وانا اخذت فراشي بعيد عنك ؟؟

ريم ارفعت راسها بشويش وتشوف متعب بعد فراشه عن فراشها .. ارتاحت اشوي ..
متعب وهو يلتفت لها ..
متعب .. مهاا انا وش اقوول ترااني والله تعبان من الفجر وانا صااحي وواقف على ارجولي ..
ريم تشووفها وهو يتثاوب وشكله جد تعبان ..ودها تنام هي الثاانيه لكن في شي يمنعها ..
هي تخااف منه وجالسه تبكي بصمت وما تحركت من الزاويه ..
متعب . قام من افراشه وراح لمهاا في الزاويه
ريم ..شافت متعب قرب قامت تبكي بصوووت واضح ..
متعب .. يا بنت الحلال انتي وش بلاك صدقيني ماراح اسوي لك حااجه بس ارحمي نفسك ونامي
انتي كذا تعذبين نفسك ..
ريم .. ................ تصيح وهي حاطه يدها على فمها ما تبغى صوتها يطلع ..
متعب .. ليه كااتمه صياحك ؟؟ ليه تبكي من غير صووت ؟؟ ليه حاطه يدك على فمك ؟؟ يا بنت الحلال
انا مو وحش عشان اكلك .. انتي دحين نامي وارتاحي انتي اكيد مثلي من الصبح صااحيه وتعبانه ..
بس لا تجلسي كذا على الزاويه ترا الزاويه مكان الشياطين مو زين تجلسي عليها ..

ريم تهز راسها بالايجااب ..

متعب .. خلاص انا راح انام ...ويروح لفراشه ويعطي ظهره ريم ..
وخمس دقاايق الا هو يشخر من كثر التعب..

ريم .. هذا متعب اللي شالني من الموت !!! وتجلس تفكر بكلمة متعب الوحوش .. وتجلس تفكر
بابداح وجاسم وعلي وعمر .. وتجلس تبكي من غير صوت في الزاويه .. ااااااه ليه اتركوني حيه ..
ليه ما اقتلوني ليه انا دحين هنا ؟؟ وفجااء وهي تفكر ينطفي السراج الي في الغرفه ..
ريم باعلى صوت عندها تصيح . ااااااااااااااااااااااااااااااااااااااااااااا وتتنهد .. اااااااااااااااااااا
متعب صحى من نوومه مرعوب بصوت ريم ولقى الدنيا ظلمه ..
متعب . مهاااااااا لا تخافين يامهااا ..
ريم .. ااااااااااااااااااا وتهز راسها وتحط يدها على شعرها وكانه تقطعه وهي جالسه في الزاويه تصيح
ااااااااااااااااااااااااااااااا
متعب.. مهااااااااااااا مهااااااااااا تعوذي من ابليس..
ريم .. تسمع صوت رجال وتصيح اكثر ووتتذكر الوحوش وكيف كان يضربوها وكيف يتغتصبوها وهي تصيح
وبظلمه يتركوها تمووت خوف ..
متعب لقاه السراج وولعه ثاني مره .. ولقى منظر مهاا طاايحه في الزاويه كانها الربيانه وهي ماسكه
شعرها بيدينها وتصيح بقوى وداافنها راسها بين رجولها ..
متعب يقرب منهاا . ويحط يده على شعرها ..
متعب .. مهااا مهااا ولعة السراج لا تخافين ..
ريم شاافة وجهه صاحت .. وهي تهز راسها بالنفي .. اااااااااااااااااااااااااا
متعب .. مهااا لاتخافين ماراح اقرب منك .. وهو يبعد عنهااا ..
ريم .. تتنهد بقوه .. وضربات قلبها تسرع ..
متعب .. البنت هذي مرعووبه بقوه .. الله يعين حالها ..
وتجلس ريم زي ماهي على الزاويه ..
ويرجع متعب يكمل نومته بفراشه ..

***********************************

 

[انجال]

***********************************
في المزرعه .. الكل موجود ..
عهد جالسه مع النسوان وماسكه جوالها .. وترسل لفهد مسج ..


غيابك ضيق الخاطر وولع في حشاي النار
وديرة ما بها زولك عسى الله ما يعمرها
رحلت وما تركت لصاحبك موعد ولا تذكار
رحلت ومن رحلت وهالدموع العين تنثرها
حرام تروح وتخلي تدور في راسي الافكار
حرام تروح دنيايا ما احد غيرك ينورها

عهد كانت تنتضر رد من فهد لكن مافي رد .. وفكرت انه مشغوول او جواله بعيد عنه ..
وتضايقة الانه له يوم من راح ما اتصل عليها ؟؟ واستغربة ..
الجازي .. يؤيؤ الحبيبه تنتظر الحبيب يتصل ؟؟

عهد .. والله متضايقه يالجازي مو من عوايده ما يتصل او يرسل مسج ..؟
رهام .. اكيد اخوي تلقينه متزوج عليج شرقاويه وجالس معها دحين على البحر ومتجاهل اتصلاتك ..
عهد .. لا لافهد ما يسويها ..

ساره .. ليه ما يعملها هو كل شهر في الشرقيه ؟
الجازي . ولا ازيدك من الخوف حبه ههههه وما ياخذ معه بطانيه يعني البيت مظمون .
رهام .. يمكن متزوج مسيار ؟؟
عهد .. لاااااااااا تعذبوني اكثر
يجلسون يضحكون ..

في هالحظه ..
جاء اتصل من الشرقيه لابو عبدالله ..
ابو عبدالله .. وشهوووووووو ومتى ؟؟
المتصل .. اليوم الصبح .. .
ابو عبدالله ..وكيف حالة فهد ..؟
المتصل .. والله حالته حرجه ..

ابو عبدالله .. اي مستشفى قلي .. وياخذ ابو عبدالله العنوان من المتصل ..
والكل سمع بالخبر.. بانه فهد مسوي حادث في الشرقيه ..
عهد عند الحريم تصيح ..
عهد .. قلبي يقول لي .. كنت عارفه انه ماتصل فيه شي ..
وام عبدالله تصيح من جهه ثانيه .. ياويلي على اولدي ..ياويلي على فهد ..
رهاام .. ياناس تعوذوا من ابليس .. وانشاءالله حالته راح تكون احسن ..

خالد .. يمه يالله تعالي معاااي نرد للبيت .. عبدالله وابوي راحوا للشرقيه.. والمزرعه
محد راح يجلس فيها ..
عهد كانت حالتها تكسر الخاطر من الصياح .
. وام عبدالله من جهه تضرب نفسها .. ياويلي يافهد
امس اختك ريم واليوم فهد .. قلبي ماعاد يتحمل .. ياويلي اعيال كل يوم يروح منهم واحد ..

جراح .. يمه انشاءالله راح يكون بخير ..

وياخذ خالد امه للبيت وما بقى احد في المزرعه الانه الكل راح لبيته لمى سماع خبر حادث فهد ..

ابو عبدالله .. مع ولده عبدالله ..سافروا للشرقيه يشفون حالة فهد .. للكن للاسف ..

لمى وصلووا بلغووهم انه

.. مات فـــــهـــــــــد .. مااات ابو سعود .. بحادث سيااره ..

ابو عبدالله اتصل في خالد وقال له ..ومن قال له وحالة خالد النفسيه تعباانه ..
ولمى قال لامه الخبر . جاءت لها جلطه في القلب .. واخذوها للمستشفى ..
وحالتها صعبه جدا ..

وعهد من بلغووها وهي عند اهلهااااااا تبكي وتصيح وتضم ولدها سعوود ..
وصااار العزاء ثلاث اياام وام عبدالله في المستشفى ..
وعهد ما تااكل كله مغمي عليها وطايحه في الفراش مصدوومه ...

*****************************
بعد مرور اسبوووووووووعين من زواج متعب ومهاااا ( ريم)

متعب من تزوج مها افراشه يمين وافراش مهاا يسار ابعاد عن بعض ومازالت ريم تصيح بلليل
من الخوووف والظلمه ما تحبها ..
تصحى ريم الصبح .. تشوف متعب يصلي
تدخل المطبخ وتقول وش اسوي ما اعرف اطبخ ؟؟ والله فشله هو دايم يدخل المطبخ
وانا ناايمه هالمره راح اعمل الفطور ..وتسال نفسها ليه انا اعمل كذا .. يعني ارتحت له ..
لالا ..انا راح ارد خدمااته لي..
وتدخل عشت(حضيرت) الدجااج عشان تجيب بيض ومن شافت الدجااج حولها يطير اجلست تصيح ااااااااا
ركض متعب لها لمى سمع صوتها تصيح ..
قال اللهم اجعله خير وش فيها على هالصبح تصيح ؟؟
وتطلع بسرعه ومن غير ما تشوف اصدمت متعب ..
ومتعب ضمها لصدره . الانه جاء بسرعه
لصووتها ولمى شافها تطلع من غير ما تشوف ضمها .. ريم ارفعت راسها وشافت نفسها بين يدين متعب .
وقريبه منه حيييل ومن عيونه ..جلس متعب يشوف عيونها لاول مره قدر يقرب منها كذا ..وكانت عيونها جوناان
لكن فيها حزن بااين عليها وخووف شديد ..متعب ..البنت جوناان ..
ريم اللي سرحت بعيون متعب وتطالع..
فيه وهي بعد ما قصرت شاافته ومن شاافته اتركت يدينا وقامت تركض للمطبخ ..
متعب .. هههههههههههههه كنتي تصحين عشاان الدجااج ياالخواافه ههههههه
ريم ..تمسح دمعتها وهي رايحه للمطبخ ..
متعب يرفع صوته .. هههههه اثريني متزوج وحده خواافه هههههههه..
ويروح يدخل العشه ويدور عن بيض ..
ويسال نفسه يعني هي دحين غامرت بنفسها عشان تجيب لي بيض ؟؟ وتعمل لي فطور ..
لا يكون البنت حبتك يامتعب .. هههه اطرد الفكره من راسك يا متعب البنت اماانه عندي ولازوم اردها لاهلها ..
ولا تفكر يا متعب انك تلمسها قبل لا اردها لاهلها سالمه واعرف علتها وشهي ..

ريم في المطبخ .. يدخل متعب عليها ومعه البيض ..
متعب .. رووحي انتي ارتاحي وانا اعمل الفطور ..
ريم واللي شكلها مسويه عفيسه في المطبخ ما تعرف وش تسوي تقص الطماط وكانها تتهاوش معه ..
طمااطه تطير يسار وخياره تطير يمين من قصها ..
متعب .. جيبي اعلمك .. الطماط مو كذا يقصوونه ولا حتى الخيار ..
ريم حمر وجهها ما تدري وش تسوي ..
متعب .. شكلك يامهاا ما تعرفين بالمطبخ شي ..
ريم .. تهز راسها وهي تشوف متعب كيف يقص الطمااط ..
متعب .. انتي لازم تاخذين دوره كيف تدخلين المطبخ وكيف تتطبخين ..
ريم تضحك ..
بدق البااب
متعب.. كملي القص مثل ما علمتك .. وانا رايح افتح الباب .
يروح متعب للباب يقتحه ..
وريم في المطبخ تتابع خطوات متعب كيف يقطع الطماط وتحاول تعمل زيه ..
في الصاله ..
متعب .. هلاااا والله ام محمد وينج ماعاد اشوفج ..
حصه .. والله انتوا معاريس ومو حلوه كل شويه جايه لكم ..
متعب .. ياعمي اي معاريس اي بطيخ ..اجلسي بس ربك عالم بالحال ..
حصه .. ها يا متعب اشلونها معك ..؟؟
متعب .. كويسه اليوم اول مره تدخل المطبخ وكانها داخله حرب ..وقالبه المطبخ فوق تحت عشان قص طماط
حصه .. ههههه اعذرها توها عروس وتستحي ..
متعب يوطي صوته .. ههههههههه ولا هذا غير الاحلام الرعب اللي ترعبها بليل .. بس تبقين الحقيقه البنت
رووعه وحلوه ..
حصه ... متعب لا يكون لعب ابليس في راسك .؟
متعب .. اولا لو لعب مهي زوجتي وحلال .. وثانيا لا تخافين انا وعد نفسي اني ما المسها الا اذا عرفت
قصتها وسلمتها اهلها ..
حصه .. وينها هي ؟
متعب .. اقولج في المطبخ تتهاوش مع الفطور
حصه .. ههههههه الساعه 8 وتوك تتفطر ؟؟
متعب يضحك .. هههههههههه معاريس.. لا انا جالس من الصلاة الفجر صليت لكن صارت معركه ثانيه
بين مهاا والدجااج .. هههههه ياليتك يا حصه تشوفيها كيف اركضت خووف منهم لمى جاءت تاخذ
البيض ..
حصه .. الحمدالله يعني حالتها صارت احسن من اول ..
متعب .. حالتها الجسميه تماام مافيها اي تكسر لكن النفسيه ياحصه تتعبها كثير والله ياحصه
مرات اجلس اشوفها وهي نايمه كانها بزر .. كيف تاخذ البطانيه وتضمها .. وحتى حركاتها لاحظت فيها .
بس تدري ودي انها تتكلم . كان جلست معها واسوالف وعرف وش تبغى او وش اللي صار معها ..

تصدقي ياحصه .. مرات يجيني فضول ودي اعرف وش اللي سوء بها كذا .. ومنو اللي رماها في البر.؟؟

حصه .. البنت غامضه لكن اللي مصبرنا عليها ومحببنا انها شكلها بنت حلال .. ومن دخلت البيت هذا
وهي مغيره جوه صحيح تبكي مرات لمى تشوف الظلمه ولما تجلس وحدها ولمى تسمع اصوات غريبه ..
لكن احاول اربط بين الاشياء هذي لكن ما قدرت ؟؟وش اللي جرئ لها ..

متعب .. حصه البنت مو ملموسه بس.. البنت مجنينها قبل لا يرمونها .. عشان يظمنونها .. الا ياحصه
ماقلتي لي ام مجبل ما عندها دوء حق البلعوم لها .. عشان تتكلم ونعرف منو عمل فيها كذا ؟؟

حصه .. عندها اعشااب تقول وراح تجيبهم من الشفاء .. الانها بعد اسبوع راح تروح للعمره ..

ريم تدخل مع صنية الفطور ..

حصه . هلااااااا والله بمهااوي .. اشلوونج يا عرووس ..
ريم . تهز راسها بالايجاب وتبتسم .. وتحط صنية الفطور وتبعد اشوي عن متعب ..
متعب ببتسامه .. ها منو فااز انتي ولا الطمااط ..
ريم تضحك .. وتاشر بنفسها يعني انا فزت عليه..

حصه .. وش فيج بعيده عن زوجك اقربي له ؟؟
ريم .. تقرب بشويش ..
حصه .. ايش رايك يا متعب اليوم نروح ونتغدى في الغنم ؟؟
متعب . والله فكره حلو . ونذبح الخرووف ونتغدى ..
حصه .. حلو .. انتوا تفطروا وانا راح اقول لقبلان ياخذنا هناك ..
متعب .. قبلان هنا ؟؟
حصه .. اي هنا يقول راح يروح للغنم بعد اشوي وقلت خلنا نروح كلنا .. قال اذا راح متعب نروح كلنا ؟
متعب .. حلو اجل انا رايح لقبلان وانتي ياحصه واجلس مع مهاا وعلميها وش تسوي..
حصه .. من عيووني ياخوي .
متعب .. تسلم عيونك .. ومتعب عيونه على ريم اللي لابسه دراعه زرقه وعليها ورود ذهبيه
حلوه وكان شعرها طايح لكتفها ولونه احمر رهيب ..
من الحنه .. وهي بيضا وعيونها عسلي فاتح سرح فيها متعب ..وريم لاحظت انه متعب عيونه عليها .
وهي تنزل عيونها ..
حصه . احم احم نحن هنا .. رووح لقبلان قبل لا يهون ..
متعب .. يضحك ههههههه خلاص انا رايح ..ويطلع
حصه .. يؤيؤ وش سويتي في اخوي يامهاا ..
ريم .. تشيل الفطور وهي ما تبغى تسمع الكلام ذا .. الانها حست ماحبت متعب لكن هذي المشاعر الي
فيها بس رد دين له على اللي سوء فيها ..
حصه .. وش فيج ..
ريم تهز راسها . يعني ولا شي ..
حصه .. عطيني اساعد في المواعين ..
ريم .. لالا
حصه .. ما ادري احس فيج حااجه ماهي طبيعيه تكلمي يامهاا وريحي عمرك ..
ريم تتنهد .. اااااااااااا
حصه .. وش سر اااا ذي ..؟
ريم .. ولاشي ..
حصه .. مها اليوم انتي طالع جونان بس باقي تحطين كحل القلم تطلعين ملاك ..<< تضيع السالفه..
لمى اعرفت انها ما تبغى تتكلم

ريم تضحك ..هههههه

**************************
في الغرفه جالسه .. ودموعها تنتثر منهااا
وهي وتردده اسمه طول اليوم .. مستحيل يافهد تموت وهي ماسكه صورته وتحضنها وتبكي ..
عهد .. فهد .. وينك انا مشتااقه لك .. حرام عليك تخليني كذا ..
حرام عليك تخليني مع سعود بروحي باالدنيا هذي بدونك .. ..

قـــمـــت اتلـــفــــت وانـــــــادي لا تخلــيــنـي
مــاغــيــره الصـــوت هـــذا صوته الــدافــي

ولمــحــت زولـــه من اقــصى الدرب لافيـني
مـــدري وش اقــول لـــكن حــي هالـــلافــي

تعااااااااااال..شف غيبتك كيف اثرت فـيـنـي
تعااااال..شفني وانا اغرق عقب مـجــدافـي

تعاااااااااال..خذني ورحبي مــن عـنـاويـنـي.
تــعـبــت أعـــدي على جمرك وانــا حـافــي

تعااااااااال..واقطف بصوتك زهرة سنيني
كل الـمــواعــيــد عـــقبك شمعــها طــافــي

تعاااااااال..اوزع خــصل شعــرك بكفـيني
بضمــها ليــــن احــس بلـيــلك الــظـافــي



@ تااااااابعووووناااا
@ شاااركوووناااااااا
@ لو برد بسيـــــــط

اسئله كثييـــــره .. واجـــزااء باقــيه ..
يالله تـنـتــظر منـــــكمـــ المتاابعــــــــه ..

نتوااااااااصل
انجـــــــــال ..

 

[انجال]

الـجـــــــــزء الــثـــــــاني عـشـــــــر 12
******************************
سندس .. سعوودي يالله قول حق ماما اكلي ..
سعود .. ماما هم هم ..
سندس .. اكلي عشاان خاطر سعوودي .
عهد .. صدقيني ياسندس مالي خلق اكل ..
سندس .. ارحمي حالك انتي ما تاكلي ياعهد .. المفروض تدعين له برحمه بدل بكااك له ..
عهد ودموعها تنتثر .. الله يرحمه .. لكن فقده حيل يا سندس ..
سندس .. الله يعوظك باحسن منه ..
عهد .. انتي وين وانا وين ..
سندس .. المسكينه ام عبدالله .. طاايحه مريضه ما تتكلم .ولمى تصحه تقول فهد وريم ماتوا وتصيح
من الصدمه عليها اعيالها 2 في اقل من شهرين ماتوا .. والله صدمه عليها .. والمسكين عمي سعود ..ابو
عبدالله صاير ضعيف وحتى السلام يالله يوقف يسلم ..
عهد .. الله يعينهم .. والله يعين حالي ..
سندس .. انتي دحين في العده .. في اول شهر لج ..
عهد تقاطعها.. في اول اسبوعين مو شهر يا سندس ..والاسبوعين كانهم سنتين عندي بغياابه ..
سندس .. تحبينه كثير ..
عهد تتنهد .. ااااااااه يا سندس حبيته وندمت اني حبيته كثير. الاني فقده كثيير ..
سندس .. اووكيه عشان خاطر فهد المرحووم اكلي لج لقمه بس ..
سعود .. ماما فين بابا ؟؟
سندس .. سعود باابا راح فوق ..
عهد .. سمعت ولدها يقول فين باابا اجلست تصيح وتبكي ..
سندس .. يؤه ما صدقنا تهدا وتجي انت ياسعود وتقلب المواجع .. يؤؤؤؤؤؤؤؤه
خلااااااااص ياعهد ادعيله برحمه مو زين تبكين كذا تعذبينه في قبره ..
عهد .. الله يرحمه شفتي ياسندس حتى سعوود فااقده
سندس .. الله يرحمه ويغفر له ..

******************************
في الغنم ..
الساعه:10 صباحا
متعب وقبلان يتقهووون ..
حصه .. شوفي هذا حلالنا وهذا حلالك انتي وزوجك متعب ..
ريم تضحك .. وتاشر بيدها الخرفان الكثيره لمتعب والقليله لقبلان ..
حصه .. لالا ياقلبي الحلال الكثير لزوجي وزوجك ماعنده الا ذولا ..تعالي تعاالي
نروح ونشوفهم وش يسوون ..
ريم .. تهز براسها لالا يعني قبلان هناك وتستحي منه ..
حصه .. هههههه لا عادي قبلان مو يخز مثل بعض الناس وعادي قبلان زوجي ومتعب اخوي
فليها يابنت ..وتسحبها بيدها ..وهي قاطه البرقع
متعب وقبلان معهم خرووف صغير ناوين يذبحوونه ..
حصه .. وااااااو اجل هذا الللي راح نتغداه اليوم ..
قبلان .. ايوه ذا ..
حصه .. قبلان وين غنمنا عن غنم متعب ؟؟
قبلان .. هههههه غنمنا وغنم متعب وااحد ياحصه وش بلاج .؟
حصه .. اجل غنم من ذولا وتاشر بيدها ..
قبلان .. هذا غنم بو صلحي ..جااي ياكل معنا ..
حصه .. اجل طلع غنمنا شويه ماالت ..
متعب كان باله مع مها .. يااهلا مهاوي شفتي الخروف ذا ابغااج تطبخينه ..
حصه .. تضحك اي هين مهاا تطبخ الذبيحه
ريم تضحك وهي عليها الجلال .. ههههه
قبلان .. يالله يا متعب ابطح الخرووف عشان نحلله ..
متعب .. الله وش بيطلع طعمه حلو الانه صغير ..
حصه .. تراني من دحين قلت لكم ابي الكتف ..ومهاا تغسل الكراعين .
ريم .. وااااااااع
حصه .. وش بلاج واااع .يجنن طعمه ..
متعب يطرح الخروف بالارض مع قبلان ..
قبلان .. بسم الله ويحط السكينه على رقبة الخرووف وتطلع دم .. بالحظه هذي
ريم وهي تشوف كيف سمى وكيف شق رقبته .. وحللها وكيف الدم يطلع من الخروف وهو يرفس ..
ريم .. ااااااااااااااااااااااااااااااا وتهز راسها وتشلح الملفعها وتصييح بقوى وتمسك شعرها
قبلان لف راسه
حصه تمسكها .. مهااااااااا مهااااااااا
ريم .. تذكر كيف مااااااااات كريم جدامها كيف كان يرفس زي الخرووف جدامها ..
وكيف طالعه عيونه مثل الخرووف
يوم يودع الدنيا وهي تشوف الخرووف يرفس هي تصيح وتنقز ...ومره تشوف الخروف وشكله
ومره تشوف كريم كيف كان جدامها يرفس قبل لا يموت ..

متعب .. يقرب منها ويدينه دم .. وهي تصيح اكثر وتبتعد ..
متعب بصراخ .. حصــــــــــه غطي عيونها لاتخلينها تشوف الدم وتشووف الخروف ..
ريم مستمره بصراخ .. ااااااااااااااا
متعب يسرع يغسل يدينه ..
وحصه تضم ريم وتغطي عيونها.. وتجلسها على الارض وهي تنهد وتشهق
حصه .. اسم الله عليك مهااا ..
ريم تشهق بقوه وضربات قلبها تسرع ..
حصه تاخذها للخيمه وتجلسها هناك ..
حصه ..مهااا مهااااااااا..( ريم اغمى عليها .. )
حصه تطلع من الخيمه تركض .. متعب متعـــــــــب البنت ما دري وش بلاهاااااااااا ..
يركض متعب للخيمه ويشوف ريم ودمعتها الحايره وهي مغمي عليها وضربات قلبها سريعه ..
ويقرب منها ويقراء بصووت عالي القران .. ويجلس قريب منه .. ويحط يده على جبهتها..
ويرش عليها المويه ..
متعب .. حصه عندك كلوونيا ..؟
حصه .. اي معي ..
متعب .. عطنيها ..
حصه.. خذ ..
متعب . حصه البنت فيها شي غاامض ولازوم نعرفه .. الخروف له قصه معهااا ..
يعني هي ما تحب يموت جدامها احد لو كان كذا ما جلست وشافته ؟؟
او انها شافت موقف زي كذا .؟؟ اظن انه الموقف اكبر من اللي يخليها تصيح و تنهد ؟؟

حصه .. الله يعلم وش حصل لها .. وش شاافت في دنياها هذي وعذبتها ..
انا طالعه لقبلان . وانت اجلس معها يامتعب ..
متعب .. انا يمكن اروح للبيت ..
حصه .. على راحتك يااخوي ..
متعب وهو يشيل مهااا بين يدينه وشكلها يكسر الخاطر ودمعتها الحايره تزيد غموض فيها ..
وصل للبيت وحطها بفراشها .. وجلس جنبهااا يقرا القران بصوت عالي وهو يحط يده على جبهتها ..
ريم تقوم وتشوف متعب جنبها وتقوم تبكي ..
متعب .. انتي بخير ..
ريم .. تهز راسها بالنفي ..وتبكي وتتنهد
متعب ..وهو يشوفها كيف تبكي... وكيف كان شكلها يكسر الخاطر ..
ريم وهي تقرب منه وتمسك طرف ثووبه بيدينها وتبكي .. كانت تبغه حناان وشي يعيد الامل فيها ..
متعب يقرب منها ويشيل راسها ويحطه على رجوله .. وكانه وسااده لها ..
ريم .. وهي مستمر تبكي وتنهد ..
متعب .. وش فيك لدرجه هذي تخافين من موت الخرفان جدامك ؟؟
ريم تصيح .. ااااااااااااااااااااااا وتهز راسها بالنفي..
متعب .. طيب طيب لا تصيحي ..
ريم وهي تقرب منه اكثر واكثر من دوون ما تحس بعمرها تبغى احد تامن عليه ..
تبغى الامااان .. تبغى الحناان اللي يحميها .. تبغى تعيش دنيا ريم القديمه
ملت وهي تصيح من الذكرى ..وهي تتنهد بصدر متعب وتبكي تتذكر كيف مر موت كريم جدامها وكيف اذبحوا
الخروف كان موقفين يشبهون بعض .. كلهم ماتوا مقتولين .. كلهم فيهم دم .. كلهم يبغون يعشون بالدنيا هذي..

متعب قرب راس ريم لصدره وهي تنهد من دون ما تشعر بنفسها..
كانت تعباانه مره كانت مكسوره جداام الذكرى وجدام الواقع..
متعب في قلبه.. امس كانت احسن من اليوم بالف مره ..
رجعت مها لحالتها الاولى .. ليه طيب .هي مو خايفه من موت الخروف اجل من ايش هي خاايفه ؟؟
وهو يشوف مهاا ماسكه طرف ثووبه
كانها الطفل الخايف المرعوب من شي يخوفهها بالدنيا ذي .. وراسها على صدره وتسمع ضربات قلبه ..
وهي تتنهد وهو يمسك خصل شعرها ويمسح يده براسها ويقرا القران .. وبعد مرور ساعتين من البكى
والصياح ومتعب معها ما تركها ويقرا القران لها ناامت بصدر متعب كانها الطفل اللي حس اخيرا بالامان ..
وهي مستمره في ماسكت طرف ثوبه ..

متعب .. وهو يشوف شكلها كان جوناان وهي نايمه.. لكن كان شكلها يكسر الخاطر كيف
بكت باعلى صوتها وكيف كانت شبه مجنونه لمى شافت الخروف جدامها يرفس ..
وكيف رمت ملفعها وصارت تنقز من الخووف .. وكيف دحين ناايمه وهي خاايفه ..

متعب .. كل يوم اكتشف فيك شي غريب ؟؟ يا مهااا .. وهو ياخذ راسها بحنيه ويشيل يدها
من ثوبه وينومها بفراشها اللي كان قريب منهاا ويغطيها عدل بالبطانيه .. ويخلي الباب مفتوح والسراج
مولع ..
وجلس متعب في الصاله وهو يفكر ..
تدخل عليه حصه ..
حصه .. السلام عليكم . ها يامتعب بشرني كيفها دحين ؟؟
متعب .. وعليكم السلام والرحمه .. ااااااه يا حصه البنت صارت شبه المجنونه..
لكن دحين احسن ونايمه..

حصه .. والله مدري وش بلاها .. لكن هي ظلت تضحك لمى تقول اطبخيه ..
لكن انا اقول ان السالفه اكبر من كذا يا متعب ..
متعب .. والله محتار يااحصه .. السالفة البنت هذي معقدتني ؟؟والمشكله انها ما تتكلم وبالاشاره ما نفهم ..
حصه .. طيب انت ما رجعت الاقساام ؟؟
متعب ..راجعت قبل لا اتزوج ورجعت قبل امس والكل يقول ما جانا بلاغ عن فقدان بنت ؟؟
حصه .. يعني البنت مو من المملكه ؟؟
متعب .. بلا من بنات المملكه لكن يمكن مو من جنوبها انا اقول يمكن من شمالها ..
حصه .. الله يكون في عونك يااخوي ..ويكتب لك الاجر في البنت اليتيمه ..
متعب ..ويمكن ياحصه تكون يتيمه وما عندها احد يسال عنها ..
حصه .. هي نايمه او تبكي ؟؟
متعب .. انتي وش فيك اقول لك من الصبح هي نايمه ..
حصه ..وهي تشووفها .. الله يعين حالها شكلها يكسر الخاطر وهي نايمه ..
متعب .. ربك الرحيم يغفر حالها ..


***********************

 

[انجال]

***********************
في مجلس الرجاجيل
تركي .. بندر انت لازم تشوف الطبيب ..
بندر .. انا بخير يا تركي ..
عبدالعزيز .. انت ما تشرب دخان ليه صدرك كذا ؟؟
عادل .. الانه فيه فتحه في القلب واللي فيه فتحه ما عنده مناعه كافيه ..
بندر .. كح كح لا يا عادل انا قلبي ضعيف اشوي ما يسحمل الجو اللي فيه دخان ..
تركي .. ليه ما تعالج ؟
بندر .. عندي دواء لكن يقول الدكتور لازم عمليه وبيني وبينكم ما علمت احد ومالي خلق اسوي عمليه
عبدالعزيز .. وشهو مالك خلق . هذي حياتك يابندر ..وانت لازم تهتم فيها..
عادل .. وليه ما علمتنا بانه الدكتور يقول لازم عمليه ..
بندر .. تكفى يا عادل ما ابغى ابوي يدري او امي .. وانا الحمدالله احسن مع الدواء ..
عادل .. باجر خلنا نروح نشوف دكتورك هذا واخذ معه موعد عشانك ..
بندر.. لا ياعادل صدقني انا ماراح اوفق بالعمليه ..
عادل .. وليه ما تبغى العمليه وتقص علينا تقول فتحه واخرتها قلبك ضعيف ؟؟
بندر .. ياولد الحلال خلاص بكره اروح معك بس انت سكر الموضوع دحين كح كح
تركي .. خل الرجال مات وهو يكح ..

جراح يدخل عليهم ..

جراح .. السلاااااااام عليكم ..
الكل .. وعليكم السلام والرحمه ..
عبدالعزيز .. ها جرحوا اشلونك .؟؟

جراح .. عزوز بو كحفيه بطل عن سوالفك ..
عادل .. الا ياجراح فين خالد اليوم ما شفته وما جاء للشغل ..؟
جراح .. خالد عند الوالده تعرف كل يوم في المستشفى .. وبيني وبينك متمسكه فيه ما تبغى يروح عنها ..
تركي .. طيب ليه ؟؟

جراح .. لا تسالني امي صارت تبغى الكل يكون قربها .. ما تبغى احد يروح عنها .. ودحين هي
نايمه وتوها جايه من المستشفى وما طلعت الا لمى شفتها نايمه ..

عبدالعزيز .. ما الومها يا جراح بالاول ريم راحت واكبر صدمه صارت لها وطبعا موت ريم
مو طبيعي ماتت وهي مقتوله .. ودحين فهد في حادث ..يعني لاتلومها ..
تركي .. محد يلومها ياعزوز ..

بندر ... المشكله اثنين ماتوا عندها باقل من شهرين .. !!
عادل .. الله يرحمهم ..
عبدالعزيز .. المشكله اللي عندنا في البيت .. في الليل ما ننام من اصياحها ...
جراح .. تقصد عهد !!
عزوز . اي عهد اختي .. المسكينه ما تنام وحتى الاكل يالله تاكله ..
تركي .. قول لها يا عزووز انه الصياح يعذب الميت قل لها تتدعي له برحمه احسن له ..
بندر .. يا مسكينه ياعهد تجلس اربع اشهر وعشر ايام في الغرفه . استغفر الله لو انا ما جلت ..
تلقوني افكر فيه ..ولا من غير جوال او تلفزيون ..
تركي .. الله ماخلا كذا الا له حكمه من عدة الزوجه يابندر ...
بندر .. ونعم بالله ..ياتركي . ماقلنا شي ..
عبدالرحمن يدخل ..
عبدالرحمن .. السلااااااااام عليكم .. لاحد يقوم حالف عليكم ..
الكل . وعليكم السلام والرحمه ..
تركي وعبدالعزيز ..كيفك ياابو جمعان ..
عادل بضحكه .. انا بخير والحمدالله وش فيكم كم مره تسالوني عن حالي ..(عادل وعبدالرحمن اخوان وكلهم
ابو جمعان )
عبدالرحمن .. ههههههه لا ترد ياملقووف هو يقصدني ..
تركي .. قلت عندكم الاساامي كل واحد ابو جمعان ماعاد نميز اساميكم حتى في الكلام ماغير نقول
عبدالرحمن وعادل ..
عادل .. احسن عشان اذا حشيتوا يطلع واحد منا ..
جراح .. انا طالع تامروني بش ..
بندر .. وين طالع .تو الناس ياجراح ..
جراح .. تصدقون ودي اطلع لكن فين ما ادري ..
تركي ..اخذني معك .. مليت من ذي الوجووه ..
الكل يضحك .. تركي دمه خفيف ..
عزوز .. تركي ترى سندس اخر سنه لها متى انشااءالله تنوي ترى الخواطيب اذبحونا على الباب ..
تركي بضحكه .. والله لو ودي بكره بس خلها تخلص عدة عهد وتبشر المدام خير ..
الكل يضحك ..
عبدالرحمن .. اجل يا تركي خل غزلان توقف على الباب حق بندر ..
تركي ... يستاهل ابو الشااب بندر كم بندر عندنا .. وغزلان من دحين اقول لك الف مبروك
واخيرا راح افتك من ام لساان ..
عادل .. وانت يا عزوز ..منو على البااب يستناك ؟؟
بندر .. يمكن بشااير ..
عزوز .. ينزل راسه اللي ابغاها ........ سكت ..
تركي .. وش بلاك سااكت قل ما عندك الا هي ولا مستحي ياولد من اخوانها ..
عزوز .. هههههه اللي ابغاها نصيبها ما جاء بعد ..
جراح.. ساكت وهو يشوف عزوز لمى نزل راسه وسكت كان يقول في قلبه لا يكون اختي ريم كان يحبها .؟
لا ريم ماتت ما اظن انه راح ينطق اسمها .. لاالا مافي الا بشاير واكيد انه مستحي من اخوانها هنا ..
لالا لكن تركي وبندر تكلموا عادي ما استحوا ..ليه يا عزوز سكت لمى تبغى تقول اسمها ؟؟ولا تكون فعلا
بشاير !!

عبد العزيز ..
اشهـد إنـــي فتحــته و انتحـــبت وبكــيت ..
وقــمت أمــسح دمـــوعي من يــسار ويميــــن ..
لا طـــرتــلي ريم بصـوت واطـي حكــــيت ..
إنـــاللــه و إنا لـلولــــي راجــــــــــــــعين ..

********************
في بيت ابو عبدالله ..
خالد وعبدالله عند ابوهم جالسين ..
ابو عبدالله .. خالد .. عبدالله اليوم ابغاكم في سالفه .. والصراحه ما ادري وشلون ابتدي فيها ..

عبدالله .. سم يايبه ..

ابو عبدالله .. سم الله عدوك ياولدي عبدالله .. طبعا انت وخالد اخوك تعرفون اخوكم فهد مات الله يرحمه ..
وترك زوجته وولده سعود..
عبدالله وخالد .. الله يرحمه ويسكنه الجنه ..

ابو عبدالله .. وكذا انا جمعتكم اليوم من غير جراح الانه جراح بعيد عن المسؤوليه ..
خالد .. امرنا يا يبه ..

ابو عبدالله ما يامر عليك ظالم يا خالد ..يا اعيالي مثل ما قلت لكم عهد دحين في العده وسعود ولدنا
منا وفينا والولد لازوم يعيش مع اهله والبنت توها في اول عمرها ..ولازوم انها تعيش عمرها مثل باقي البنات
لكن الولد اسعود ما يبعد عنا .. والصراحه فكرت اني ازوج عهد لواحد منكم وش رايكم ..

عبدالله وخالد .. انصدموا من الخبر ..

عبدالله .. وشهوووووو يا يبه تقصد ان واحد منا يتزوج عهد !!
ابو عبدالله . اي عشان البنت توها وولدنا ما يضيع منا ..وانا الصراحه قلت خالد لعهد ..
خالد .. انصدم .. لكن يا يبه
يقاطعه ابوه ..
ابو عبدالله .. خالد انت زوجتك ما تجيب اعيال يعني.. لو تربي ولد اخووك مو عيب ووتزج زوجته ..وتجيب
ولد منها واخوان لسعوود ..
خالد .. لكن يا يبه انا احب ساره ولا افكر اتزوج عليها حتى لو هي ما تجيب يكفي اني احبها ..
ابو عبدالله بصراخ .. يعني وشهو يا خالد .؟؟
خالد .. يبه كلامك على عيني وراسي لكن انت تطلب شي بنسبه لي مستحيل ..
عبدالله ساكت ما قدريتكلم ..
ابو عبدالله .. البنت كبرك وماهي اكبر منك .. وزوجةاخووك وين راح تلاقي زيها ام لعيالك ..

خالد .. يبه انا وعد نفسي اني ما اتزوج على ساره .. واللي صار لساره كله مني وش ذنب ساره
فيني .. وليه اتزوج زوجة اخوي يبه صعب حيل اني اتقبلها الانه زوجة الغالي فهد وحبيبته كيف
يا يبه كيف .
ابو عبدالله .. مع الايام راح تتعود عليها .. لكن تبغي سعوود يضيع من اهله ..
خالد .. يبه سعود ماراح يضيع داامه عندنا وجنبنا ..
ابوعبدالله .. وانت يعني راح تظل كذا لاخر عمرك ماعندك اعيال ..؟؟
خالد .. يبه انا افكر في الاجازه اسافر انا وساره للامريكيا نعالج هناك ..ونشاءالله راح يكتب الله لنا اعيال

ابو عبدالله يوقف .. ويوجه الكلام لخالد .. اذا ما تزوجة عهد تراني غاضب عليك ليوم الدين..

خالد .. يبه لا تذبحني في قرارك .. يبه ماابيك تغضب مني .. يبه صعب حيل الكلام اللي تقوله ..
كيف اقنع نفسي بزوجة فهد اخوي ..
ابو عبدالله .. انا قلت اللي عندي .. واذا تبغاني اغضب عليك امش بطريق الي يعجبك .. واذا تبغى رضاي
امش بطريقي ..
خالد .. ...................
ابو عبدالله .. لك مهله لين تخلص عدة عهد .. وبعدها اسمع رايك ..؟ويمشي

خالد من شاف ابوه طالع من المجلس حط يده اليسره على راسه وواليمنه يضرب فيها الارض ..
عبدالله .. يااخوي الله يصبرك على بلواك .. واستحمل ياخالد ..
خالد ..ليه ما تكلمت انت ..

عبدالله .. شعورك اتجاه ساره مثل شعوري اتجاه الجازي ام اعيال وبناتي ..
خالد .. وليه انا .. قلي ليه انا . الانه ساره ما تجيب اعيال والسبه انا .. ااااااااااه ليه يا دنيا

 

[انجال]

*******************
عهـــــــد في حجرتها ما كانت تدري عن اي شي ..
معها كتاب وتكتب فيه كلام لفهد ..الي عايش جواها .. وتتكلم مع طيفه ..


ما بقى في حبنا غير الصور
والصور زادت لهيبي والحنان
وانذبح شوقي مع ليل السهر
اسأل النجمات عن لحظة امان
أرسل الصرخات الى حد القمر
علني القاك يا سيد الحسان

عهد .. فهد وينك فقدك .. موووووووووووت
الحياة بدونك ولا شي ..

***************************
(( بعــــــد مـــــــــرور اربـــــــــع اشـــــــهــــــــر ))


ريم .. تطورت حالتها وصارت تميل يوم بعد يوم لمتعب .. وصارت ترتاح اكثر له ..
لكن دايما تسال نفسها هل هي فعلا تحبه او اني ارد الجميل له ؟؟
يدخل متعب البيت ..
متعب .. مهاااااااااا مهاااااااااا
مهاا تطلع من المطبخ ..وتاشر بيدها وش تبغى ؟؟
متعب .. هلا مهااوي .. ما عليج امر ابغى سكانة شااهي تعدل الراس من يدك الحلوه ..
انا في المجلس..

ريم .. تضحك وتهز راسها بالايجاب (يعني طيب).. ريم وهي تدخل المطبخ تسوالف على نفسها .
هل فعلا حبيته هالانسان.. ما ادري ليه قلبي يقول لاتحبين متعب الانه هو بس ستر
عليك لين تلقين اهلك.. اوووه
انا وش افكر .. اهلي ما سئلوا علي .. وينهم يعني ؟؟
بس متعب قال لهم اني من الرياض ..
والقسم يقول ما جانا بلاغ عن بنت مفقوده بالرياض ؟؟
يعني يضنون اني ميته من غير جثه لي ؟؟
ااااه يا ريم متى راح اشوفهم والله مشتاقه لهم والمشكله انه متعب ما يدل طريق
الرياض ولا يعرف شوارعها .. وانا مثله ولا احد في القريه هذي راح للرياض ؟؟
يوووه وش فيني اروح وارجع لمتعب لدرجه هذي حبيته .؟
الصراحه متعب ما قصر
يكفي وقف معي والصراحه صرت ماعاد اعرف انام الا لين اقرب
من صدره احس فيه حناان كبير
مع انه وعد نفسه ووعدني اني ما يلمسني وفعلا لسه من خمس شهور وانا عندهم وعمره ما لمسني
مع اني زوجته ؟ ادري ان التقصير مني لكن هو عارف ضروفي واصلا
هو ما سترني الا عشان كلام الناس
ولا هو ما يبغاني .. يوووه انا وش افكر .. يووه خلص الشااهي بسرعه ذي .. وتاخذ الشااهي وتوديه لمتعب .

متعب .. في المجلس.
متعب .. هلا مهاوي تدرين اليوم عذوب اسالتني عنك قلت انك عند ام مجبل تاخذين العسل ..
ريم .. ببتسامه
متعب .. ها اخذتيه
ريم .. تهز راسها بالايجاب .. (لدرجه هذي حريص علي يامتعب؟؟ يا ترى حبيتني يا متعب او تداري شعوري )
متعب .. وش في الحلو سرحان ؟؟
ريم تضحك .. وتهز راسها بالنفي ( ولا شي ااااااه لو اقدر اتكلم كان عرفت اعبر عن شعوري اسهل )
متعب .. اااه ماراح نشرب الشاهي اليوم ؟؟
ريم وهي تشوف نفسها سرحانه ونست تصب الشاهي لمتعب ..
متعب . مهاا فيك شي ..؟؟
ريم .. لا
متعب .. طيب وش فيك سرحانه اليوم ؟؟
ريم .. تهز راسها النفي (( ااااه لو اتكلم واقول له اني مشتااقه لاهلي اااه يا ريم لك خمس شهور ما شفتيهم
وش حالهم ..مشتااقه لامي مشتاقه لابوي مشتاقه لاختي رهاام هاااا مشتاقه حق ولدها جمعان ..
وللد فهدسعوودي .. وومشتاقه حق بنات اخوي عبدالله رهف وريوف .. )
متعب .. مهاااااااا مهااااااااا
ريم .. تعقد حواجبها وهي تشوفه متعب وتبتسم ..
متعب .. مها انتي فيك شي .. تكلمي ريحي نفسك عن السكووت الي من عرفتك وانت بالعته ..
ريم .. تنزل راسها ..
متعب يقرب منها ويرفع رسها بيدينه .. يلقى ريم تدمع عينها ..
متعب .. كنت عارف انك فيك حاجه لكن ممكن اعرف وش هي ؟؟
ريم .. تشوفه وعيونها غرقانه دموع ..
متعب .. لين متى راح تظلين سااكته ..
ريم .. ....................
متعب .. مهاا انا زوجك صح .. وصحيح الدنيا اجمعتنا بصدفه لكن وربي احلى صدفه ..
مهاا انا ارتحت لك وياليت تبادليني الشعور ..
ريم .. ( انت ما تدري اني ابادلك وارتاح لك لكن كيف اقول لك ؟؟)
متعب .. مهاا انتي صرتي احسن من اول بكثير من حيث تصرفاتك وحتى ماعاد تصحين بليل ما لاحظتي ذا ..
لكن باقي سكوتك اللي محيرني اللي حاولت اكثر من مره اعلاجه لكني فشلت ..!
يمكن نجحت في
تغير شخصيتك لي .. لكني فشلت في انك تعبرين عن شعورك ..واني فشلت انا اعرف وش اللي جرالك
وش اللي خلاك كذا ..
مهاا انا ما غصبتك انك تعلميني الاني ماابغى تردين لحالتك الاوليه ..

ريم .. تاشر بيدها وتحاول تعبر له انها مشتاقه لاهلها ..
متعب .. انتي مشتاقه لاهلك !
ريم .. تهز راسها بالايجاب .. وتدمع عيونها ..
متعب بضحكه .. تبغين اهلك وتنسين مــتعـــب !!
ريم .. وهي تحاول تضحك
متعب .. ايوه اضحكي وانشاءالله يا مهاا راح نروح للرياض بس مو دحين ..
ريم . تاشر بيدها متى ؟؟
متعب . هههههههه لدرجه هذي مليتي مني..؟؟
ريم .. تهز راسها لا ..
متعب .. هههههه لا قولي الحقيقه ادري اهلك ولك خمس اشهر ما شفتيهم ..
ريم .. تنزل راسها ..
متعب .. لا تنزلين راسك لاحد وحتى لو هي الدمعه .. ما تستاهل هالدمعه انك تنزل راسك يا مهاا ..
متعب يقرب من ريم اكثر ويمسح دمعتها بيده ..
ريم من لمسة يد متعب لخدها وهو يمسح دمعتها جلست انفجرت من الصياح وجلست تبكي متعب حضنها
لصدره وريم تنهد بالبكا ..

متعب .. مهااوي لا تبكين انا معك وانا اهلك اذا ما سالوا عليك لا تتضايقين .. انشاءالله بعد اسبوع
راح اجهز نفسي للرياض وراح اطق باب باب واسال عن اهلك ..لكن لا تبكين يا قلب متعب

ريم وهي تبعد اشوي عن صدر متعب وهي تمسح دمعتها وهي تحاول ترسم الفرحه لمتعب ..
والصراحه كلام متعب عاد لها الابتساامه اللي كانت تحبسها ..وهي تدقق في كلمة قلب متعب ..
لهدرجه يا متعب حبيتني وما تبغاني اروح لاهلي ..

متعب . يالله عاد امسحي دمووعك..
قبلان عند البااب يتنحنح ..
قبلان .. متعب انت هناا ..
متعب .. لحظه لحظه الاهل عندي ..مهاا رووحي داخل .. ريم تدخل دااخل ..
قبلان .. هلا والله يا ابو براك ..
متعب .. هلا والله فيك ..
قبلان .. شيختك ادخلت دااخل ..(يقصد زوجتك )
متعب .. ايوه داخل .. اصب لك شاهي .. توه جديد ..
قبلان .. شكلي قطعة عليكم السوالف ..
متعب .. لا يااخوي اخذ راحتك ..
قبلان .. دحين يا متعب من تزوجة ولك خمس اشهو وما شفنا براك الصغير ؟؟
متعب .. ينزل راسه .. ويحاول يغير السالفه .. هااااااا كيف حال محمد اولدك .. اشوفه ذيك المره
حارقه التنور .( التنور معمل الخبز )
قبلان .. لا تغير السالفه ..
ريم كانت جالسه في المطبخ والمطبخ قريب من المجلس يعني اللي في المجلس نسمع صوته في المطبخ.,.
.. ريم لما سمعت قبلان يسال هالسؤال خافت ..وتقول ليه ما رد متعب .. هو كيف يجيب براك واهو زواج
اسم بس؟؟
متعب .. يا ولد ما قدر الله وش نسوي ..
قبلان .. يمكن البنت عقيم ولا مريضه ..
متعب .. ياولد غير السالفه .. وشلوون غنم ضااحي ..
قبلان حس انه متعب ما عجبه الموضع فغير معه ..
قبلان .. والله ضاحي بائع 20 راس لابو مطلق ..

ريم في المطبخ وهي سرحاانه تفكر في متعب وجواابه .. ليه قال ما قدر الله وهو ما لمسني وليه ما يقول
لقبلان .. الانه قبلان اكثر من اخوه ؟يعني هو متوقع ان متعب يجيب مني ؟؟
تدخل عليها عذووب بشويش وهي تشوفها سرحاانه .
عذووب .. مهااااااااااااااا
ريم تفز .. وتعقد حواجبها لعذووب .. وتاشر وش تبغين ؟؟
عذوب .. الله الله منو ماخذ عقلج متعب ؟؟
ريم .. سااكته ..
عذوب .. ليه في غيره ..
ريم .. تهز راسها بالايجاب ..
عذوب .. يا بنت وش اقوول في عقلج غير متعب ..
ريم .. تاشر بيدها ( انتي هي وش تفكرين انا افكر في اهلي )
عذوب .. اهاااااا على بالي واحد ثاني .. المهم .. حصه تبغااج في بيت ام مجبل ..
ريم .. ..تاشر( ماابي اروح )
عذوب .. ليه .. الحريم كلهم هناك ؟؟
ريم .. اووووووووف
عذوب .. وش فيك اليوم انتي مو طبيعيه ؟؟
ريم .. تمشي للصاله ..
عذوب .. وش فيك عطيتني ظهرك ..
ريم .. تاشر لراسها انه يوجهاا ..
عذوب .. اها قولي من الاول كذا انك مصدعه ..خلاص انا رايحه اقول لهم انك مصدعه وما تقدرين تجين..
ريم .. تهز براسها ايوه يعني ..
عذوب تطلع وتجلس ريم في غرفتها بعد ما راحت عذوب ..
يدخل عليها متعب بعد ماراح منه قبلان. ..
يلاقاها مسدحه على فراشها ..
متعب يقرب منها ..مهااا فيك حاجه ..
ريم وهي تشوفه ساكته ..............
متعب .. ليه نايمه دحين الساعه 4 العصر ..؟؟
ريم وهي تجلس وتشوف عيون متعب ..
متعب .. ليه تشوفيني كذا ؟؟
ريم . .............
متعب .. مهاا فيك شي تكلمي لا تسكتين وتقتليني كذا ..
ريم تنزل راسها ومو عارفه وش تقول او تبين له وش راح تقول ..

(( ااه يا متعب ادري اني قاسيه معك .. وادري انك تبتعد عني عشان وعدك لي ..))
متعب يقرب منها ويرفع راسها .. وهو يشوف عيونها ..
متعب .. احس في عيونك كلام ودك تقولينه ..لكن احس انك صعب تقولينه ..
ريم .. تهز راسها بالايجاب ..
متعب .. هو عن اهلك ؟؟
ريم.. تهز راسها بالنفي ..
متعب .. عن ايش ؟؟
ريم .. تاشر له انت ..
متعب .. انا .. يا حظي لدرجه هذي تفكرين فيني .. اكيد تفكرين اذا لقيتي اهلك كيف راح تتركيني صح ..
ريم .. لا ..
متعب .. فيني ولا ..؟ طيب شنو ..
ريم .. وهي تحالو تبين له ..لكن قلبها يضرب بسرعه .. تتذكر كيف تالمت لشي هذا كيف كان وكيف كان
ذكره اليمه لها .. وتدمع عيونها في قلبها(( انا ادري اني قاسيه معك وادري انه ودك تمارس حقكك كازوج
لكن يمنعك وعدك لي وما تحب تخلفه ))

متعب .. انا فهمت وش تقصدين لكن هذا الكلام من قلبك يا مهاا .. وانتي اكثر وحده كنتي تحالفيني اني
ما اقرب منك ..
ريم .. تنزل راسها وبعده ترفعه وتاشر لاذنها ووتبين له انها اسمعت قبلان وهو يقول ليه ما احملت زوجتك ))
متعب .. انتي سمعتي قبلان ؟؟

ريم .. تهز راسها بالايجاب.. وتاشر له وتقول انا كنت في المطبخ وصوت كان طويل ....ريم تقرب منه
وتمسك يده وعيونها سحاابه .. وتجيب يده لقلبها ..
متعب خجلان ..دقات قلبك سريعه ؟؟

ريم .. وهي تشوف عيوونه وقلبها خاايف .
متعب يبادلها النطره ويسال نفسه وش اللي غيرها ؟؟

*******************

 

[انجال]

*******************
باقي على عدة عهد اسبوعين بس .. وساره علموها بالخبر ومن علموها وهي متضايقه ..
ما تدري وش راح يكون رد قرار خالد .. هل يوافق .. او يرفض ..
لكن هي تشوف ردت فعل خالد للموضوع

سلبيه يعني مو موافق وهذا اللي مريحها ..
لكن عهد اللي من خبرووها وهي تصيح ما تبغى خالد ..
والكل عارف .. لكن ابو عبدالله مصر وابو عبد العزيز بعد الانه ابو عهد
.. والكل يبي مصلحة الثاني ..

@لكن هل تعتقدون انهم راح يتزووجون ..؟؟
@واذا تزوجوا وش بيصير مع ساره ؟؟
@ ريم ارتاحت مع متعب هل تتغير نظرتها له مع الايام ؟؟
@ ام عبدالله وحالتها اللي تتدهور كل يوم وش بصير لها ؟؟

اسئله كثييـــــره .. واجـــزااء باقــيه ..
يالله تـنـتــظر منـــــكمـــ المتاابعــــــــه ..

نتوااااااااصل
انجـــــــــال ..

 

[انجال]

باااااااااااااااااااقي جزئين بس اووكيه وبار اكمل


ابي قررااااءه وردود

مع السلامه

 

[روزانيتا]

أنا من اشد المعجبين بقصصج ياأنجال تكفين لاتطولين علينا

 

[نااناا]

<<------ متـــــــــابـعـــه


لا طــولــين علينــــــا أنجــال .. ولا تعـلقيـنـا

أحلى شـي تكـون الأجـزاء تـحت بعـض .. عشــان انـدمـاجنـا بالقصـه ..​

 

[نااناا]

حـــبـيـتـي أنجـــال صــار لج يــومـين ولا نـزلـتي ولا جـــزء


​

 

[روزانيتا]

أنجال وينج تعبنا واحنا ننطر0000000000000000000000!!!!!!!

 

[نااناا]

انجـــــــال عـلـقـتيـنـــــــا اللـه يهــــــــداج ​

 

[نااناا]

​