الجــــــــــزء الـــرابــــــــع ..
*******************
الساعه 12 ونص بليل .. ام عبدالله في الحــلم ..في مكاان مظلم .. تلقى ريم نايمه فيه تعباانه وتصرخ تنادي
امهاااا
ام عبدالله .. ريم ريم قوومي يا بنتي ..
ريم .. يمه انا تعباانه يمه (تتنهد بصعوبه) ااااااا بسرعه راح اموت .اااا. يمه لا تخليني
..ااا يمه قاعدين يعذبوني ..
يمه انا اتعذب حيييل .اااااا.يمه انا راح امووت .ااااا. عذبوووني يا يمه عذبووووني ..
وام عبدالله تشوف ريم تــبتعد عنها في الحلم .
ام عبدالله.. ريم يا بنتي تعالي تعالي .. تعالي امسكي يــدي لاتروحـــي اكثـــــر من كـــذا ..
وتصـــــــحى من الحلـــــــم بصرااخ شديد وتتنهد وهي عرقاانه على الاخـــر وهي تشوف ابو عبدالله معه
كااسة موويه
ابو عبدالله .. تعوذي من ابليس ياام عبدالله ..
ام عبدالله بتنهد وخووف .. ريم ريم يا سعوود تناديني ..
ابو عبدالله يمسك راسها ويقرا عليها .. وريم انشاءالله بخير .. ادعي لها ..
ام عبدالله بصراخ .. اقووولك ريم تبكي وتتعذب وتقولي خير .. ريم طاايحه وما بيدها شي قلبي يقول
انها تتعذب ..وانهم يعذبوونها .. بنتي يا ابو عبدالله تموت جداامي .. ولا بيدي حييله ..
ابو عبدالله بعصب .. قوليلي وش اسووي .. كل شي سويته .. وهي بنتي مثل ماهي بنتك
قلنا للمباحث القريبه والبعيده ..لكن نستنا خبر منهم..
ام عبدالله .. والى متى راح تستنا ؟؟ لين يقولوا لك ريم ماتت .. وهي تبكي .. !!!
ابو عبدالله يمسك كتفها بحنيه .. ام عبدالله ادري بشعورك وياليت تقدريني مثلك ما اقدرك .. ريم بنتنا .
لكن مثل منتي ما بيدك حيله تراني مثلك عاجز بالمواقف هذي .. ويطلع من الحجره يتوضى ويمسك القران
يدعي ان الله يحمي بنتهم ويلاقوها بخير وسلامه ..
********************
في غــرفة عهـــد الســــاعه .12 ..
عهـــد .. صدقني سمعت صوووت عمتي ..
فهــد .. انتي اكيد تحلمين ...
عهــد .. وش احلم اقولك انا صااحيه وما جاني نووم ..
فهــد .. اكيد الوالده تحلم بريم ..؟
عهــد .. فهد ترا قلب الام دليلها ..واكيد ريم تتعذب مثل ما تقول عمتي .. الانه ريم تجيها كل يوم في احلامها
تتعذب وتنادي عمتي..
فهــد يتنهد ويحط يدينه على راسه.. تصدقين يا عهـــد اني فقدها في البيت .. مع اني ما اجلس في البيت
كثير لكن فقد حسها وصووتها ..
عهــد .. انت قلتها انك ما تجلس في البيت وحسيت في فقدانها .. ما الوم عمتي وحنا اجل..؟
..وتتذكر لمى سفرنا وتركنا (سعودي الصغير) عند امي المفروض ما اتضيق الانه بيد امينه ..
بس قلبي ما رضى يخليه ورجعنا بسررعه بسبب (سعوودي ).
فــهد .. عهد .. خلي بالك على امي .. ولا تخلينها يا عهد ..
عهد .. هذي ام غالي .. وما طلبت يا ولد عمي شي .. وامك مثل امي يا فهوود .. لا توصي حريص ..
فهد .. تسلمين ياغاليه ..
عهد .. ساكته وسرحاانه ..
فهد .. وش فيك سرحتي فجاء ..
عهد .. افكر في عزوز اخووي ..
فهد .. عبد العزيز ..!! ليه تفكرين فيه .. فيه شي ؟
عهد .. لا اسم الله عليه.. لكن يا فهد راح اقولك حاجه وادري انه مو وقته ..
فهد .. قولي يا عهد ..
عهد .. لكن لا تفضحني جداام عزوز .. اخااف يقول لي ما ينقال لك سر .
فهد .. عهد قولي تراك خوفتيني ..
عهد .. عبد العزيز اخووي قبل لا تنخطف ريم بيوم قال لي حااجه اقولها لريم عشان اخذ رايها ,..
فهد .. ما فهمت يا عهد شي .؟
عهد . بالعربي عزوز قال لي كلمي ريم وشوفيها اذا تبغاني او لا. الانه عزوز يبي ريم زوجه له بس حب
يشوف رايها قبل كل شي .. وكان اليوم اللي ابي اكلم فيه ريم انخطفت فيه .. وامس جيت اهلي ... لقيت
عزوز جالس بغرفته .. دخلت عليه .. لقيته متضايق من سالفة خطف ريم .. واثاري الولد ميت عليها
ومحد سمى عليه ..
فهد بتنهد . ااا يا عهد وش اقول ..؟ خليها لربك يحلها ..
عهد .. ونعم بالله ..
*******************
الساعه 12 ونص بليل ..
عمر كان يدخل على ريم بين فترى وفترى ويشوفها لاول مره تنام .. في الساعه 12 ونص ..
علي يقوم من النوم مع ابدااح .. وجاسم توه جااي من برى ..
علي .. توك تجي وش فيك تاخرت ..؟؟
جاسم .. هههه كنت العب جنجفه وخذاني الوقت ..
ابدااح .. يالله ترا تاخرنا على الموعد .. وطريقنا بعيد ماهو قريب..
عمر .. انا في السياره .. تجي معي يا ابدااح ..
ابدااح .. يالله مشينا يا عمر .. ويصرخ على علي لللي كان في غرفة ريم .. علـــي ترانا انا عمر تحت في السياره.
عمر .. كان يربط ريم وهي نايمه .. ويصرخ على ابداح خلااااااص انا جااي .. في هذي اللحظه
تصحى ريم مفزوعه.. تلقى قطعة قماش على فمها .. وهي تحاول تنزعها ,,
علي .. لا يا حلوه خلينا نطلع من هنا ووعدك اربط عيونك بعد ..
ريم وهي تعض القمااشه .. امممممممم وتهز راسها بنفي ..
علي .. يالله واخيرا راح نخلص منك..
ريم .. وهي تبكي عيونها وتقول في نفسها .. لااااااااا ما ابي اموت من غير ما اشووف امي وابوي ..
لااااااا وتتنهد بصعوبه وتتنفس بسرعه ودقات قلبها سريعه .. لاااا ما ابي اموت كذا ..
علي . ياخذ العجره ( اكبر من العصى) ويضربها في جسمها بقووه عشان يظمن ما تتحرك او تمشي ..
يعني تموت بسررعه .. وبعد ما ظربها بكل انحاء جسمها الضعيف .. ريم صار كل جسمها دم وكسور زياده,,
وكسور نفيه اكثــــر
وياخذ (علي) كفن ابيض ويلفه على ريم .. ويحملها للسيارته ..
عمر .. وش فيك تاخر ؟..ووش فيك تتنهد.. ؟؟
علي .. لا بس ظربتها عشان اظمن ما تتحرك من مكانها ..
عمر .. يكفي انها متكسره كلها .. حررام عليك ارحمها لو مره باخر عمرها ..
ابدااح .. وشهو ارحمها .. عمر اشوفك تتعاطف معها ..
عمر .. لا ما اتعاطف معها ولا شي بس هي مكسوره مكسوره ليه تزيد عليها ؟؟ وهي ميته ظربتها او ما ظربتها
,, ولا تنسى انه المكان الربع الخاالي يعني يوم او ساعه راح تموت بسرعه وهي بذي الحاله ..
جااسم .. يالله تاخرنا ياالربع ..
علي ,, يالله انا امشي اول وانتوا راقبوا ..
ويمشوووون للربع الخالي اللي يبعد عن مكانهم 6 ساعات .. يعني الساعه 7 الصبح في المكان المطلوب ..
**********************
في غرفة جرااح .. الساعه 5 الفجـــر .
جرااح صحى من نوومه عرقاان .. تعوذ من ابليس وهو يسمع صوت الاذان يكبر للصلاة .. ويقوم يتوضى
ويصلي .. وبعد ما خلص من الصلاة .. قام مسك القران ..
وهو يدعي من ربه انه يلقون على اخته ريم ..
ويقول بينه وبين ربه ..
ياربي سامحني الاني عطيت ريم جوالي الخربان ..
ليتني ما اخذت جوالها .. ليتني سمعت كلام امي واخذت ريم من الجاامعه بدل كريم ..
كان ما حصل كل هذا.. وهو يتنهد ااا ياريم وش حالك الحين ..
ادري اني عذبتك كثير في البيت .. لكن انا اكثر واحد فـــقــدك يالغاليه.. ويطلع من حجرته .. ويمسك جواله..
الي كان جوال ريم .. ااااه احس اني السبب في فقدانها .. وهو طالع ما يدري وين يرووح .. يالقى في وجهه
خالد اللي توه راجع من الدواامه ( خالد ضابط )
خالد .. جرااح وش الي صحاك في هالوقت ..
جراح . هلا خالد توك جااي ..
خالد .. اي توني جااي بس ما رديت على جوابي .. وش اللي صحااك ..
جرااح .. ما جاني نوم قلت ارووح للمجلس اجلس فيه لين ما تطلع الشمس ..
خالد يقرب منه .. كذاااب عيونك تقوول غير كلامك ..
جرراح وهو جالس عند عتبت البااب.. خالد احس اني السبب في فقدان ريم .. لو سمعت كلام امي وجبتها كان ما
حصل اللي حصل .. لوما اخذت جوالها منها كان ما حصل اللي حصل ..وتدمع عينه..
خالد يمسك كتف جراح ويمسح دمعته .. جرااح لا تبكي انت رجاال .والرجال ما تنزل دمعته .. وهذا المقدر ومكتوب
ياخووي .. ولا تحااسب نفسك وتقسى عليها .. ومثل ما قلت لك هذا المكتوب واذا مكتوب نلقاها راح نلقاها ,,
بس انت لا تحط اللوم عليك .. كلنا متهمين يا جراح مو بس انت.. ..
جرااح .. بس يا خالد .. ريم راحت وهي عتباانه علي ,,
خالد .. لا يا جرااح .. ريم ما تعرف تعااتب او تزعل من احد .. صدقني ريم اختي واكثر واحد يعرفها انا ..
جراح .. خالد .. اليوم انا حلمت بريم طاايحه في حفره عميق بالبرملفوفه بكفن ابيض وتنادي لكن ما قدرت انزل
الانه الحفره كانت بعيده مرره ..
خالد .. سااكت ويفكر بالكفن الابيض وفي البر.. اللي كان خاايف يصير الحلم حقيقه .. واذا كان حقيقه
صعب يلاقونها .. الانه المملكه كلها بـــر وين راح يدورها في اي شبر او متر او كيلوا .. اذا كانت جد مدفونه ..
جرااح .. خااااااالد خاااااااااالد ..
خالد .. هلا جرااح..!!
جراح .. وش فيك سرحت قااعد اكلمك ..
خالد .. اعذرني تعرف من امس ما نمت والحين الساعه 5 ونص الفجر .. وش تبغى يا جراح ..؟
جراح .. ااهاا معذور يا اخوي ...وما قصرت ادري انك تتعب كثير .. رووح ارقد وبعد ما تصحى نكمل ..
خالد .. خلاص اشوفك العصر .. ويطلع يناام ..
ويطلع جرااح للمجلس ويقعد فيه .. ويفكر .. وش نهايتها ..؟؟
**********************
