قيصريااااات وينكم ؟ بليززز ساعدوني

[حكآية قلب]

شلونكم شخباركم !؟





بنات الكل عارف اني والده قيصريه وبجريه

والحمدالله علي كل حال


ببنات والله انا ابي احد مجرب عشان خايفه موزين


متي البس الكورسيه !؟


وانا ناويه البس كورسيه انور الشورت لما تحت الصدر



متي البسه ؟ وهل يعطي نتايج بسرعه ؟!



مو متقبله البطن وشكله كلش



وشلون يروح سواد البطن ومتي يشد البطن ؟!


انا ودي البسه ب20 يوم


ومتي تنصحوني افكر بالحمل ؟!

عشان ابي اولد طبيعي !؟

 

[آشوآآآق]

اب اب ماعندي فكره ان شاءالله البنات يساعدونج

 

[العملاقه]

الكورسيه ماينصحون فيه حالياً بس سمعت ان فيه كورسيه خااص بالقيصريات بالصيدلية يعني يمكن عادي يستخدم انا عن نفسي قيصريتين الاولي لبست فيهااا المشد الأندونيسي اخر نفاسي والحين لي عشر ايام هم قيصريه لبست المشد خامس يوم وحسيت بالم وشلته وشكلي ماراح استعمله لان العمليه الثانيه فرقت علي بالالم والتعب اما بخصوص الحمل الافضل تقعدين سنتين علشان تكون فرصة الولاده الطبيعيه اكبر اذا ماكان فيه مشاكل بإذن الله

 

[حكآية قلب]

يسلمووووووو







بنات بس انا و العملاقه مسويين قيصريه !!



بليززززز اللي عندها خبره ولا معلومة تفيدنا

 

[جوريه 4]

هلا حبيبتي حكااايه انا اخاف من الكورسيه البسه بعد 25 او اكثر بعد ومن انور وحده خفيف ومريح بس مايوخر البطن بسرعه لانه العمليه جذي والفرصه انج تولدين طبيعي هذي خيره من الله انا قالولي نطري سنتين ونطرت ولدت عمليه وفي ناس اعرفهم احملوا بعد ست شهور وولدوا طبيعي اهم شي الصحه والعالفيه لج وللبيبي وتقبلي بطنج اهم شي ولاتنبهين زووجج علي شكل بطنج ولاتعلقين علي نفسج كلش وهذي نصيييحه ����

 

[كويتيه مذهله 87]

انا دكتوري مانصحني بالكورسيه ابتعدي عنه

اما السواد يبيلج خلطات راح يخف بس ما اتوقع يروح نهائيا
والشد يبيلج نادي بعد 6 شهور والسبااااااااااحه سحرررررررررررررر
اما تشدين عمليات تو الناس ييبي الياهل الثاني والثالث تالي شدي

اما الحمال هذي كتبج ربج ماشالله بنات وايد يحملون ورا الاربعين علي طول ويولدين طبيعي

بس الافضل وكل الدكاتره تنصح بعد 6 شهور الي سنه

ب علي حسب انتي ليش قيصريه يعني اذا حوضج كان صغير صعبه شوي الطبيعي علي حسب شطاره الدكتور
او كان رحمج موراضي يفتح ولاده عن ولاده تفرق او كان راس البيبي فوق الحمله اليايه يمكن ينزل وتولدين طبيعي

يعني علي حسب سبب قيصريتج بهالحمله

 

[نرنورا]

هلا أختي
بالنسبة للكورسيه لازم تسألين دكتورتج أهي تشوف وضعج
والحمل لازم اكثر من سنة يالله تفكرين بالحمل

 

[غنوة ستايل]

الكورسيه مشكله
انا ما لبسته كلش
والبطن صار لوعه . واتوقع الحين بالحمله هذه اني بلبسه
مع اني ادري انه خطر بس بنطر اخلص الاربعين والبسه . لان صج صج محتاجه له

 

[حكآية قلب]

الله لايهينكم

يسلمووووووو


و الله يرزقنا بالطبيعي يارب






ششكراااا


جوريه فديتج الله يعينج و يسهل علينااا

 

[اخت شيوخ]

هلا حبيبتي
انا البس مشد انور اليومي تقريباً من 20 او قبله بشوي
والبس مشد الي نفس الحزام بالصيدليات من 30 لان البطن يلوع الجبد
وسمعت فيه بصيدليه الهادي مشد للقيصريات

اما عن السواد فهو ياخذ وقته ويروح بس اشتغلي عليه خلطات وحمام مغربي انتي سويه مو الصالون تقعد تفقص فيج وتفتح عمليتج اسم الله عليج

اما عن سؤالج شكثر تنطرين عشان تجيبين طبيعي فهذا كتبت ربج
انا قعدت سنتين وتسع شهور وحملت بالبيبي الي بعده وهم قيصريه
ورفيجتي ماشاء الله ست شهور وجابت طبيعي
السهاله من الله والله يقومج بالسلامه وتشوفين بر عيالج وكل الي يقرون ردي

 

[حكآية قلب]

حيااااااتي ام شيوخ


اي والله يقولون


مووو الوقت اللي يحدد الولادة ؟!

الجنين اهو يحدد من بعد الله سبحانه





الله يعينااا يارب