قيادة السياره نعمه أم نقمه

[Japanese]

صارلي ست اسنين اسوق

تبين الصج؟

هو صج تعب وغثى وساعات احس ان كانت غلطه عمري اني رضيت اصلا اتدرب ع السواقه

ساعات اطلع عن طوري بالشارع! اهستر انهار نفسيااا والسبه الناس اللي مادري شلون بالشوارع استغفر الله

ساعات يصير فودي اتمتح ع السيت اليمين ولا ورا وحد يسوق فيني!

بس مع هذا كله حمدالله رب العالمين احس ان سالفه اني اسوق مخليتني شاله نفسي بنفسي

لاني بمحتاجه حد ولا حد بيتمنن علي بمشوار ولا طلعه ولا غرض ابيه من برا :/

صج انه تعب وخصوصا لي لآني عصبيه وحساااسه وايد بس من مرتاح احين؟

اللهم لاآعتراض صج اني حنانه وايد ودوم اقول جان زين حد يسوق فيني بس ارد واقول اني انا بنفسي اسوق ولا احد غريب

يسوق فيني والآهل كل من مشغول بنفسه وحياته مافي مجال كلش يعني ،،

الله يكتب ويقدم اللي فيه الخير​

 

[المرتاحة]

انا أشوف سياقة المرأة نعمه الحمدالله لانج متى ما بغيتي اطلعين تخلصين مشاويرج الخاصة مثل السوق او الخياط او الدوام او زيارة اهلج او صديقاتج السيارة تكون تحت ايدج بس لبسي و طلعي والشوارع بشكل عام أمان

اما اللي يقولون الريال راح يشيل ايده و يخلي كل شغل البيت علي المرأة اقول لهم هالشي يعتمد علي المرأه بالدرجة الاولى وأنها تتهاون و تتنازل عن حقوقها ماله شغل بسواقة المراه ، صح السياقة ممكن تعطي الريال فرصه للهروب بس المرأه و شطارتها تقدر تحط النقط علي الحروف وتخلي الريال يقوم بواجبه بالقوامه في البيت بشكل كامل.


في حريم ما تسوق و مع هذا شايله شغل البيت علي راسها ريلها حاط لها سايق واهي تقضي أغراض البيت و شغل البيت كله مع السايق


انا اعرف وحدة تسوق بس مع هذا اذا مرضوا عيالها تروح مع زوجها الطبيب يودون عيالهم وأغراض البيت أهي مع ريلها يروحون يقضونها وزيارات الأهل تروح أهي معاه بس حزت الدوام تروح بسيارتها او اذا بتطلع مع خواتها للسوق او يتمشون

 

[اشلون يعني &]

نعمه وبنفس الوقت نقمه
نعمه محد يتافف من مشاويرج اذا طلبتي
نقمه تفقدون الراحة يكفي تدوين ساعه على المواقف علشان تصفطين للسياره عكس السائق يقطج جنج ملكه
غير جذي الزوج يزيد إهماله لج

 

[Ahlam Al]

نعمه ، و بالنسبه لي

احسن من اروح مع سايق لا اهو محرم لي ولا اهو من اهلي
و مو امان تروحين معاه و تردين ، لازم احد يروح معاج .
و احسن لي من احد يدق علي ، وين السايق ابيه يمرني !!
و لا سافر السايق ، منو بيوديج ؟

و حتى اذا كلمت اهلي ، بيودوني مره ولا مرتين عقب يسحبون
علي و هذا غير انج تنطرين متى يفضون و لما يودونج يحددون
لج جم ساعه تخلصين فيها شغلج ، و يعني اهلي مو فاضين لي
ولا لمشاويري .

فـ اني اسوق احسن لي و اقدر اروح اخلص شغلي بكل راحه
مو انطر فلان يخلص ولا فلان يوديني ، و مع هذا مو اقول لج
على كيفي اروح و على كيفي ارد ! ، لا في شروط للسواقه عند اهلي

يعني طلعات مو ضروريه بوقت متأخر ممنوع ، يعني الساعه 10 فوق
و اذا كانت مستشفى ، لازم رجال معاج لانه الوقت متأخر ! و اذا مافي
اخذي امج او اختج معاج .

بس اذا كنت طالعه من المغرب ، مافي مشاكل اني ارد الساعه 10 بليل
و قبل لا اطلع لازم اعطي اهلي خبر اني بروح لهالمكان الفلاني ،

و مناطق و اماكن بعيده ممنوع ، مثل الشاليهات و البر و المزارع و جذي
ما تروحين الا رجال معاج او بالاصح اهلج ، و عادي تروحين بسيارتج
بس تمشين ورا اهلج لما توصلون للمكان ،

و بالنسبه للمتزوجه ، اهي شلون تعود زوجها عليه ، عند اللي اعرفهم
بس تروح للدوام بسيارتها و للاماكن الضروريه مثل مستشفى ، صيدليه
و يكون زوجها مو موجود بعد ! ، بس مشاوير مدارس او جمعيه او اسواق
او حتى زوارة لنا ، لا زوجها اهو اللي يوديها و يجيبها .

و الشوارع ، الحمدلله امان بس الحوادث هذا ربي كاتبه قبل كل شي
و لازم الوحده تتدرب على السواقه عدل ، اقل شي لا لف عليها احد
بالغلط ، شلون تتحكم بالسياره عشان لا تسوي حادث .

و اذا صار حادث ، الشرطه ما ياخذون الحريم للمخافر لانهم عارفين
عاداتنا و تقاليدنا ، فـ يقولون دقي على احد من اهلج « رجال خل يجي
او يقولون خلي ابوج او اخوج يجينا للمخفر الفلاني .

و هم التفتيش و جذي ، يمشون الحريم و بعضهم يوقفج عشان يدقق
على انتهاء الرخصه و الدفتر ، مو اكثر من هذا .

و تصليح السياره ، احد من اهلج يسويها و يصلحها
يعني ما تروحين لوكالات و هالامور هذي .

و الحمدلله على كل حال : )
​

 

[عادت ذكرياتي]

آنا رايي :::


مثل ما قال دكتورنا من دكاترة جامعة الكويت ::: إن المرأة جنت على نفسها بسياقة السيارة


لأن غالبية الرياييل اللي أشوفه إنهم يتكلون على المراة اللي تسوق بكل شي ماجلة البيت وتودي وتييب المدارس وهو نايم او بالديوانية وباله ما يكون مشغول ويفكر بالشر ويدوره دواره


غير لما المرأة تشغله بأموره كرجل يودي وييب ...إلخ


بس في حالة وحدة مع سياقة المراة::: لما تكون في حاجة شديدة ،، اما دلع البنات هالجم يوم وحوادث ومسببن زحمة عالفاضي آنا ضددددددد هالشي



(((( للحااااااااااجة وبس )))


هذا رايي ^_^


واللي مو محتاجة شعليها تريح وتقعد وبلا عوار راس ترتاح بدال اللوية والزحمة والهرنات،،، وطلباتها يلبونها لها ^_^

 

[بنت النوخذا]

قيادة السعوديات السياره

الخبر الي سمعنا انه الملك عبدالله ربي يحفظه
موافق و ابدي استعداده
وكل شئ بوقته بيكون
والكل متوقع انه بدايه سنه 2013 بتكون في تغيرات
والله اعلم

خاصه انه نسبه كبيره من السعوديات عندهم رخص
قياده من خارج المملكه
والشئ بيساعد

قيادة السعوديات السياره
شكل الاخبار قامت تتســـــــــــــــــــارع
و الاخبار تقول
انه القرار بيكون اختـــــــــــــــــــــياري
يعني اللي يبي بناته تسوق يسوقون
و الي امانعين ما يسوقون
(( القـــــــــــــــرار بيكون باختيار أولي الامــــــر و بعد موافقة ))


نقدر نقول مبروك لخـــواتنا الكرام الســعوديات

:eh_s(9)::eh_s(9)::eh_s(15)::eh_s(15):




.

 

[بنت النوخذا]

مبروك لقياده المرأة بالسعوديه

(( القـــــــــــــــرار بيكون باختيار أولي الامــــــر و بعد موافقة ))


نقدر نقول مبروك لخـــواتنا الكرام الســعوديات

:eh_s(9)::eh_s(9)::eh_s(15)::eh_s(15):


ونقل موقع "سيدتي" الإلكتروني عن مصدر مطلع،
رفض الكشف عن اسمه قوله:
"إن مدرسة قيادة مشهورة في العاصمة الرياض انتهت من الإعداد لمدرسة نسائية خاصة بتعليم القيادة،
مشيراً إلى أنّ الإعلان عن المدرسة مؤجل إلى حين صدور قرار رسمي يسمح للمرأة القيادة في السعودية

:ggdw::ggdw:



http://www.moheet.com/2012/10/13/%D8%AA%D8%AD%D8%AF%D9%8A%D8%A7%D9%8B-%D9%84%D9%84%D9%82%D9%88%D8%A7%D9%86%D9%8A%D9%86-%D9%85%D8%AF%D8%B1%D8%B3%D8%A9-%D9%84%D8%AA%D8%B9%D9%84%D9%8A%D9%85-%D8%A7%D9%84%D8%B3%D8%B9%D9%88%D8%AF%D9%8A/

 

[الزورق222]

رد: مبروك لقياده المرأة بالسعوديه

(( القـــــــــــــــرار بيكون باختيار أولي الامــــــر و بعد موافقة ))


نقدر نقول مبروك لخـــواتنا الكرام الســعوديات

:eh_s(9)::eh_s(9)::eh_s(15)::eh_s(15):


ونقل موقع "سيدتي" الإلكتروني عن مصدر مطلع،
رفض الكشف عن اسمه قوله:
"إن مدرسة قيادة مشهورة في العاصمة الرياض انتهت من الإعداد لمدرسة نسائية خاصة بتعليم القيادة،
مشيراً إلى أنّ الإعلان عن المدرسة مؤجل إلى حين صدور قرار رسمي يسمح للمرأة القيادة في السعودية

:ggdw::ggdw:



http://www.moheet.com/2012/10/13/%d8%aa%d8%ad%d8%af%d9%8a%d8%a7%d9%8b-%d9%84%d9%84%d9%82%d9%88%d8%a7%d9%86%d9%8a%d9%86-%d9%85%d8%af%d8%b1%d8%b3%d8%a9-%d9%84%d8%aa%d8%b9%d9%84%d9%8a%d9%85-%d8%a7%d9%84%d8%b3%d8%b9%d9%88%d8%af%d9%8a/

مااتوقع الخبر صحيح السعودية زحمه ومستحيل يطبقون القرار اكيد المنع مو عشان سواد اعيون المعارضين المعارضه فقط مرورية ومشكله الزحمه ..لكن ياليتهم يفتحونها للقرى والمدن غير المدن الكبرى شوارعنا فاضيه وماراح نزاحم احد ..

 

[الزورق222]

رد: قيادة السعوديات السياره

قيادة السعوديات السياره
شكل الاخبار قامت تتســـــــــــــــــــارع
و الاخبار تقول
انه القرار بيكون اختـــــــــــــــــــــياري
يعني اللي يبي بناته تسوق يسوقون
و الي امانعين ما يسوقون
(( القـــــــــــــــرار بيكون باختيار أولي الامــــــر و بعد موافقة ))


نقدر نقول مبروك لخـــواتنا الكرام الســعوديات

:eh_s(9)::eh_s(9)::eh_s(15)::eh_s(15):




.

متأكده من الخبر بنت النوخذا من وين المصدر ؟
ياليت بس شكلى ماراح اسوق .. يارب يوافق اخوى اما ابوى ضامنته يوافق بس الاخوان الله يهديهم طلعوا من نجد وابتلشنا ..مع ان اخوى تربية نوخذه بس ماادرى اشصار فيه يوم تعرف بااهل نجد لايحوشج هههههههههههه

 

[ام لعيال]

انشالله يسمحون لهم ماشوف في سبب للمنع اللهم بتزيد الزحمه وبيرتفع ضغط الرجاجيل عندكم ايهههه انا بالنسبه لي نعمه لان اودي اعيالي واجيبهم من المدارس واقضي حاجات البيت واسوق من 13 سنه تعبت بس لما جبت سايق كان يحط ف السياره اشرطه خليعه عشان ياخذونها اليهال وسجاير وغيره وغيره فاسفرته لا ومتصل فيني يبي شهاده حسن سيره وسلوك عشان يرجع يشتغل ف نفس البلاد !!!!!!!

 

[أحلى قصة]

نعمه اكيد

 

[بنت النوخذا]

تاكيد للخبر

http://www.moheet.com/2012/10/13/%d8%aa%d8%ad%d8%af%d9%8a%d8%a7%d9%8b-%d9%84%d9%84%d9%82%d9%88%d8%a7%d9%86%d9%8a%d9%86-%d9%85%d8%af%d8%b1%d8%b3%d8%a9-%d9%84%d8%aa%d8%b9%d9%84%d9%8a%d9%85-%d8%a7%d9%84%d8%b3%d8%b9%d9%88%d8%af%d9%8a




.

 

[بنت العقربيه]

يبعدون الاجانب الي في بلدنا هم الي مسوين زحمة على الفاضي والله بعضهم ماعندة حتى رخصه او اقامة دخل تهريب
وحتى ياليت يقللون من الاجانب العمالات الغير مسلمة والي ماتتكلم عربي يكفون العرب المصريين والشاميين على الاقل يتكلمون لغتنا ونقدر نتفاهم معاهم بس غير عماله ياليت يرجعونهم بلادهم

لازم يفعلون هالقرار بسرعه عشان نبعد كل السواقين الي مالهم داعي وعددهم اكثر من مليون سائق هندي في السعودية فقط ؟

السوبر ماركتات مالة داعي يكون فيها عشر هنود كل يوم اروح سوبر ماركت الاقي زايدين هندي والحين الهند صارت من اكثر دول العالم نموا يعني مالة داعي تجيبون هنود عدد الهنود بالسعودية 5مليون هندي وهندية والهند قاعدة تتقدم وتتطور وتخترع سيارات وجوالات واحنا محلك سر حتى ان بريطانيا راح توقف مساعداتها لها لانها راح تصير دولة غنية بعد 5سنوات بس مين يسمع

 

[om_kholood_5]

السلام عليكم يا بنات الويت

السواقة ما انكر انها نعمه لانها تغنج من منة الريل اذا صار ماله خلج وعطاج ظهره وتعالى ساحليه علشان يرضى يوديج .
ونقمه اذا قال لج ريلج حبيبتى انت بعيده والا قريبه من البيت مرى الجمعيه على طريجج ومرة على مرة لما تصيرين مطراش حقه وباقى اهل البيت بعد

وسلامتكم حبايبى موصح كلامى

 

[نوف الصقعبي]

نعمه


ماخليج تحتاجين أحد ماله خلق يخلص لج شغلج أو يوديج الأماكن الضروريه اللى تحتاجينها

ونقمه

إن كانت القياده بتهور وتتسبب بحوادث إعاقه بشريه للشخص نفسه أو للآخرين أو تفضي للموت المباشر​

 

[M!SS.LOBY]

نعمه

 

[sho-sho_93]

اهو نعمه ونقمه نفس الوقت
يعني مو كل وقت الواحد يحصله احد يوصل والاخوان دايم مشغولين
فلازم الاعتماد عالنفس
ومن ناحية نقمه في وايد متهورين بالشاع غير السوالق الي تصير

 

[مهندسه مستقبل]

اكيد نعمه

 

[وايليه 1]

نعمة

بس حالياً صعبه شوي تلاقيني مسافط بالجامعة ، قمت استخدم السائق

بالنسبه لسعوديه ياليت يسمحون ، لأنه في ناس الله أعلم بحالها

على الأقل يلقون حل يرضي الطرفين

المملكة حجمها كبير وأتوقع السواقة خطره على الرجال هناك

فـ شلون لو كانت إمراءه ، أحبذ ان تكون رخصة داخليه

يعني بحدود مدينتهم للي هم فيها ، أما خارج المنطقة اللي فيها صعبه شوي

لأن تعرفون البنزين وغير طريق السعودية معروف إحنا نخاف على رجالنا

شلون لو حريمنا

شكرًا

 

[البحر صدري]

نقمه