قوه بناااات ،،، أبيه يتغدا تحت وهو راضي

[ديزاينر الكويت]

عادي بنات انا ريلي ينزل يتغدا عند اهله تحت وانا فوق مامن مشاكل واذا يعت رحت حطيتلي وتغديت بروحي

:eh_s(10):
:eh_s(10):
:eh_s(10):

و عادي عندج اهو يتغدي تحت و انتي فوق و برووحج
شالله حادج
طبخي و اكلوا مع بعض و استانسووا بالاكل
:eh_s(10):

 

[فراشه123]

شفيكم ،،، يابنات آنا مو عيزانه أطبخ وسوي بس ودي يييب طباخه يتعود ،،، ما يصير أقوله يييب طباخه دايركت بقولي ليش ما تطبخيييين
وأنا الصراحه ودي بخدامه ثانيه ... علشان جذيه ودي ما أسوي غداء ويتغذا تحت ومع الوقت يمل وطبعا ً أهله موراضييين وبيقولوله أنت وين مرتك ليش ماتطبخ الحين إهنيه الغمندى
أبي عذرا يقنع الزوج ويرضيه علشان ما يخليني أطبخ ،،، لازم أجيبله عذر بعدين أقوله يييب طباخه أحسن فهمتوني!

 

[Patcholli]

^^

بيقول عنج مقصره بحقوقه وبيدور وحده غيرج تعطيه ابسط حقوقه واهي الطباخ
حبيبتي ريلج اذا مادلعتيه وحسسيته باهتمامج وانج مجابلته ومجابله بيته صدقيني لو شنو كان يموت فيج بيحس بالنقص وبيدور غيرج تقدرين تقولينله ابي طباخ يساعدني بالطباخ او حق المناسبات بس مو تغسلين ايدج من واجبج كزوجه وتقولينله ينزل تحت شيقولون عنج الناس ..!!
رفله ؟؟ مو سنعه ؟؟ حتى طباخ ماتطبخ حق زوجها ؟؟
صدقيني اي شي يصير بيقولون قلعتها اهي كانت مقصره
وترى الحين الله يخلي الاشياء المثلجه بس دخليها الفرن وتجهز
تبين لزانيا تبين عيوش تبين بيتزا تبين قبوط كله متوفر .. شالعيز ؟؟
وشحقه تبين طباخ وخدامه ثانيه جم نفر انتو بالبيت ؟؟

 

[جـــواهر]

تتغدي انتي وياه تحت
بجذي تكونين مجابلته
ومريحه نفسج من الطباخ

 

[Perfume]

بالعكس حبيبتي حلاته تتغدون مع بعض
واذا ماتبين تطبخين اخذي غدا من تحت
ووقت اللي تكونين فاظية طبخي

 

[Môre N!Ce]

وليش ما تبين تطبخين ؟

حريم آخر زمن

 

[جذابه بنت ذيابه]

غريبه !!

مفروض تخلينه يجابلج وقت الاكل .. ويتعود عليج وما يفارقج ولا يفارق اعيالج
اريح لج

 

[فراشه123]

عن أستفسار الأخت آنا لي ولدين وبنت أصغار ،،، أبي وحده حق الأطفال وحده حق الطباخ آنا مابيه يتعود علي سوي كل مره غدا وعشا ،،، بعدين الريال ياحبيبتي ما ينفع معاه إلا جذيه وإلا إذا صرتي إدهينه لاتنكتيت إيبي أذيج ،،، حتى الحين ما عطيتوني عذرا ؟؟؟ فكروا معاي

 

[om MaRyooM]

ماشوف فيها مشكلة لو تسويله الاكل كل يوم
نظمي وقتج وخلص ..
واليوم ماتقدرين تسوين او عندج ظرف خبريه قبلها بوقت عشان تتغدون تحت

 

[Zaina-al-zaina]

غلطانه حبوبه

اذا تتعبين من الطباخ ! طلبي غدا من المطعم !

بس مو كل يوم طلب ! اليوم اللي تتعبين فيه وايد طلبي !

وبالتوفيق ...

 

[Zaina-al-zaina]

بالنسبه لليهال يبي خدامه !

واذا تفرغت شوي خل تزهبلج اغراض الغدا والعشا !
وتقطع وانتي سوي الباجي !

وعلى قولة البنات اذا تعبتي قوليله ! واذا ماعذر سويله غداه او طلبيله من المطعم !

 

[عروسة فوشيآ]

واي احبج فوفو ردج روعة


والاخت صاحبة الموضوع بصراحة ماتستحين ... ماتبين تطبخين وفوق هذا عيالج مع الخدامة ... انتي ليش متزوجة


عيل لاتزعلين اذا حمولتج ماحبتج او ريلج اخذ عليج ثانية



تبين حل لموضوعج

الله لايهينج جابلي عيالج وخلي الخدامة للطبخ والتنظيف وبسسس


حلوة تبي ريلها ياكل عند امه ... خووووش خوووش

 

[الغلاااااا]

وحده حق الصغار ووحده للطباخ!!!!!

وانتي حق شنو بس سوق وطلعات!؟

علمي خدامتج تطبخ وعيالج عندج يعني الغدا كلها ساعتين شنو عيالج طول اليوم بحضن الخدامه!!!!

 

[فراشه123]

بناااات ،،، الصراااحه معاكم حق وكلامكم صح ،،، بس ترى الوحده ماتكون على نياتها ويطيح فيها آنا إذا طلب غدا أسوي ما قصر بس إذا ما طلب أسكت ولا أتلقيف عليه سااايلنت ،،، بس ترى الطباخ وترتيب البيت مو من واجباات المره ،،، علشان جذيه أنا ناويه على خدامه ثانيه ولا أنتم شرايكم ...

 

[Perfume]

حبيبتي من حقج تييبين خدامة تساعدج بالتنظيف والغسيل وحتى الطبخ بس حرام تخلين اليهال عندها
انا ولدي ما تجيسه الخدامة بس تغسل وتنظف

 

[الغلاااااا]

مادري الاسلوب مو اسلوب وحده!؟؟؟


شكله واحد يستعبط

 

[إلشآمخة]

بنا اخر زمن
ايه والله ليش متزوج عشان ياكل تحت
الاه يهداج
ترا حتى ان رضا بيجي يوم ويزهق وغير النغزات اللي بتنقط من كل صوب / جابلي ريلج ع الاكل وخلج م هالحجي
والله يوفقكم

 

[ابدا يالغالي مانساك]

عاد شدعوه عليج شغالتين وعيالج 3 حبيبتي
شغاله وحده تكفي انتي بنفسج اذا ماتحبي الطباااخ علميهااا وهي تسووي كل شي ​

وعن التنضيف اكيد هي بتقوم بواجبهاااا وانتي جابلي عيالج ولاكنتي تداومين
نضمي وقتج وجذيه
تقدرين تجابلين زوجك علي غداء عشاء ورريووق
وخلي عنج الكسل والرفاااله ​

 

[أم عزيـز]

ما اعتقد في مشكله زوجج يحب يجابلج على الغده
ليش ما تبين تعودينه ؟؟
خليه يتعود دام الاكل ممن ايدج المفروض تفرحين ان ما يحب الا طباخج

واذا ماتبين كل يوم تطبخين نزلي انتي وياه تحت وتغدوا مع اهله يومين بالاسبوع اسمج مرتين بالاسبوع ما طبختي ونزلتوا عند اهله غيرتوا جو

مالج الا هالحل مع اني اشوف ان ماكو مشكله بالاساس

 

[Patcholli]

حبيبتي اذا عيالج ربتهم الخدامه
والتنظيف والطباخ عالخدامه الثانيه
ماتبين اتيبين خدامه ثالثه تنومينها بالفراش يم ريلج بعد ؟؟
ترى حدج غلطانه الريال مايحب الرفله الكسوله
يحب الشقرديه اللي بدون مايتكلم توفرله احتياجاته وراحته
لاتصيرين سخيفه ويقصون عليج البنات الي ماعندهم سالفه وتقولج برستيج ومابرستيج
ترى الريال ماتزوج عشان خدامه تطبخله وخدامه تربي عياله
يحطلج عليج وحده ثانيه زي الورد
وانتي بتقولينله مو من واجباتي
بيحصل الف وحده غيرج تسويله فوق هالاشياء اشياء اضافيه وحتى اكل توكله بيدها وتقوله تؤبرني ابن عمي
عرفتي ليش يحبون الجنسيات الثانيه ؟؟
مو عشان شكل ولا جسم ولا جمال
عشان الدلع والاهتمام بالريال توكله بيده وتلبسه هدومه وتسويلهم كلشي يحبه من احتياجات عاطفيه وماديه ونفسيه
واذا ريلج زين ومو مقصر ماله داعي انتي تقصرين
لو كان ريلج مهمل وكاشت فيج بقولج معاج جق خل يولي ولاتعبين روحج معاه
بس اذا ريلج مو مقصر معاج وقاعد يعطيج كلشي تبينه ترى مو وايد عليه هاللقمه الي تطبخينها وانج تسنعينله البيت
اي محتاجه خدامه تساعدج بس ماتشيل البيت كله عنج
انتي زوجته مو الخدامه
انتي ربة البيت مو الخدامه
شوفي حريم قبل رياييلهم يموتون عليهم
ولاحظي لو مرته ماتت مايطول عقبها اقل من سنه ويموت من كثر حزنه عليها
الحين ليش كثرة الخيانات والطلاق والتعدد
من سبب هالتقصير والاهمال والدلع
..!!