قوليلي ليش ماتضعفين شنو المشكله اللي عندج

[passion.666]

بسم الله الرحمن الرحيم

شلونكم يا بطات وشخباركم ويارب اتكونون بصحه وعافيه
موضوعي اليوم
قوليلي ليش ما تضعفين وتغيرين من نفسج؟
شنو مشكتج؟
مالج خلق؟
اتحبين تاكلين؟
النوم مسيطر عليج؟
تاكلين قبال التلفزيون؟
ماتتحركين نهائيا في البيت؟
خلينا اناقش المشاكل يمكن عندي الحل يمكن المشاركات عندهم الحل يمكن انت عندج الحل ؟

اختي عزيزتي الحلول عندج ولكن انت تبين اتضلين على اهمالج بصحتج وبشكلج وبسمنتج
يريت كل وحده تطرح مشكلتها وان شاءالله ان شوف الحلول المناسبه
ونعطيها جرعه من الجديه والمثابره والأراده وانا واثقه كل ثقه انج راح تتغيرين
اترك الموضوع لكم ​

 

[جنزبيلا]

رد : قوليلي ليش ماتضعفين شنو المشكله اللي عندج

انا مشكلتي بعد نومة العصر اقوووووم هجووووووووووووووووووووووووم واكل اكل اكل ليما خلاص مايبقى فيني نفس معنه اكون قبل لانام متغديه عدل
واخربط بالكاكاو والمعجبنات تذبحني
ومشكلتي اذا خربطت اخربطت بذمه يعني اقول خلاص اليوم كله اخترب واكل كل شيء وماسوي رياضه يعني اخرب كل شيء


اتمنى تناقشون مشكلتني وتعطوني حل لاني خلاص بديت ارد كل اللي ضعفته قبل

 

[جامعيه]

رد : قوليلي ليش ماتضعفين شنو المشكله اللي عندج

جنزبيلا نفس مشكلتي لو اكل شي واحد غلط اهجم طول اليوم عالاكل واقول خلاص خربطت واكل بضمير ورديت جم كيلو مع اني ضعفتهم قبل كم شهر واستانست عالضعف بس مو قادرة التزم مرة ثانيه ياليت اتناقشون مشكلتي .

 

[ملــحْ !]

وأي جنج حآسه فييني ..

شوفي موووضووعـي بلييييز

 

[Tulips]

رد : قوليلي ليش ماتضعفين شنو المشكله اللي عندج

امبيه موضوعج على الجرح والله

الله يسلمج انا بطاليه فشنو حياتي سهر= اقوم العصر = اكل

انا مو زايده حيل قبل كان وزني لايق على جسمي وطولي

بس اللحين من قعدة البيت و لانه ماكو نظام امشي عليه فزدت تقريبا 10 كيلوات او اكثر شوي

وانا وحده ما اقاوم الاكل حدددي ضعيفه جدامه ما احب احرم نفسي من اي شي و العن من جذي ما احب امشي على رجيم لانه نفس ماقلتلج ما اقاوم الاكل بتاتا البته

برمضان كنت امشي على جهاز الرياضه يعني النتيجه ماعجبتني ابي شي سريع

فشنو اللحين طايحتله اشرب اي شي يضعف .. جربت القهوه الخضرا وصج سدت نفسي بس نفسيتي تعبت وحاشني اكتئاب شلوووون ما اكل !! والله ما ابالغ خلال ربع ساعه 10 مرات اروح وارد على الثلاجه بس ابطلها واصكها ابي اكل وما اقدر اكل عرفتي هالاحساس ؟؟

اللحين انا منزلة موضوع عن جاي ينزل 10 كيلو بالشهر والكل قالي وادري هالاشياء مو زينه بس ان شالله ما يضير علبه علبتين بس طبعا الشي لي زاد عن حده ينقلب ضده فميييته واعرف وين ينباع لانه بالكويت ماكو منه و اللي شجعني اكثر تجارب الناس كانت حيل حيل حلوه

ادري قرقت وااايد وقلت قصة حياتي بس ابي اضعف يا نااااااااس

انا ادري السبب الرئيسي ورا مشكلتي انه ماكو نظام بحياتي و لو انظمها جان حصلت اللي ابيه بس شسوي حاولت وما قدرت

 

[كويتية هيبه]

شهيتي مفتوحه واذا يعت اصدع شسوي

 

[عسووولة]

والله اقوم من النوم ودوام وسيدا ريوق طبعا مطعم

ولمن ارد اذا الغدا حلو كليت ونمت واذا قعدت لازم كاكاو

وبعدين اروح الممشي واذا رديت اكل يعنى مايصير صح امشي وارد اكل

 

[رحيل المرافيء]

رد : قوليلي ليش ماتضعفين شنو المشكله اللي عندج

قعدة البيت يارب اشتغل
اضافة الي الغدة الدرقية والتكيس
اما اكل لاوالله ما اكل وايد

 

[شموووخ وغروور]

بعد انفاااس واحب الاكل ..

 

[بنت عطا 24]

مشكلتي مااحب التزم بشي احب اكل على كيفي واعشق الاكل والمطاعم

 

[qa6wa_]

كل ساعه ايوع و ابي اكل ماهمني نوعية الاكل
و اكثر شي اكل خرابيط
و قاعده بالبيت لا شغل ولا مشغله
و حركتي قليله و هم اتعييز اسوي تمارين
حسافه كان جسمي حلو بس من قعدت البيت انترست
وبس

 

[semaasem]

مشكلتي الارادة ضعيفة

 

[_zahra]

يعطيج العاافيه عالموضوع,,
مشكلتي التزم بالرياضه و امل واكلي مو كثير بس اللي بين الوجبات لان التزم بالريوق والغدا فوقت المغربيه و العشا ايووع.

 

[zozeya]

انا مشكلتي بالدوام ما اكل شي بس اشرب قهوه بس من ارد البيت ماكو شي اسويه ف آكل آكل من ضيقه الخلق واذا بسوي رجيم وشاده حيلي يعني يومين بس والثالث اخربه ودي اكمممممللللل بس مادري احس ما ااقدر ابي اكل لاا والي يمتني ازياده اذا الحين كليت يعني وشبعتت!!!! بس ما اوقف اكمل اكل اي ليييش اوف ماني عارفه السبب معنى اتعب وانتفخ بس هم ماكو فايده واااي ببجي

 

[كاشا كرمباشا]

اذا جونا ضيوف او اذا خواتي عندهم اجازه غير كذا الحمدلله

 

[SAMSAMA]

آنا لما نفسيتي تتعب أو انضغط احط حريتي يالاكل والحين حدي مضغوطة دراسة ودوام وباليمعات وناس تاكل او في اكله مفضله عندي اكل بكمية كبيرة
ودي اضعف حدي كاره نفسي ومشكلة الضعف بروحها مسببتلي ازمة نفسية

 

[mmloo7a]

بتمون طول عمركم جذيه
لازم

اراده
تنظيم وقت
بذل جهد = رياضه
نظام غذائي

غير هال4 عوامل انسوا شي اسمه ريجيم ولحد يقول ريجيم وريجيم لان هالكلمه قثيثه تبط الجبد
قولوا نظام غذائي يعني لي متى تاكلون وتبلعون والعمر يمشي ؟ خلاص حبطوا نفسكم لان الاحباط الزايد يولد الارادة

 

[passion.666]

رد: رد : قوليلي ليش ماتضعفين شنو المشكله اللي عندج

انا مشكلتي بعد نومة العصر اقوووووم هجووووووووووووووووووووووووم واكل اكل اكل ليما خلاص مايبقى فيني نفس معنه اكون قبل لانام متغديه عدل
واخربط بالكاكاو والمعجبنات تذبحني
ومشكلتي اذا خربطت اخربطت بذمه يعني اقول خلاص اليوم كله اخترب واكل كل شيء وماسوي رياضه يعني اخرب كل شيء


اتمنى تناقشون مشكلتني وتعطوني حل لاني خلاص بديت ارد كل اللي ضعفته قبل

عزيزتي ممكن ازفج!
وبعدين معاج شالحياة كلها نوم واكل وبعدين شنو الحل؟ اذا ماساعدتي نفسج ماحد راح يساعدج تدرين ليش
لازم اتكونين مقتنعه من داخل انج راح تتغيرين لازم اتحطين حد للموضوع ليش مومنظمه حياتج انت الحين ماتحسين في الوضع لأنج تنامين وتفعدين وتخربطين وحاطه حرتج بالأكل بس باجر لما تكبرين ويصيبج (بعد الشر) ضغط وسكر وسمنه مفرطه حتى يمكن ماتقدرين تمشين الركبج اتعورج
انت ادرى بنفسج انت كبيره وقدها تقدرين تاخذين قرارج بأنج تلتزمين وتاخذين عهد على عمرج
ولا تبين تطلعلج زغاديد من كل مكان عاد شوفي شكلج وانت لابسه البدي وع الصراحه موحلو

اقول صلي على النبي
راح اعطيج نظام غذائي صحي موووووووووووووووووووو رجيم صحي فاهمه:rgewrg:
اولا:
حلفي بالله واقسمي بأنج راح تخففين من اكلج وتبلشين من باجر
ثانيا:
عدلي نومتج ما لاداعي نومة العصر لأن النهار قصير والحين الجو شتوي بديع
ثالثا:
ادعي ربج كل يوم وكل ساعه ودقيقه وبكل صلاة وانت نايمه وانت طالعه ان الله يعطيج الصحه والأراده وتطلبين الله يضعفج على صحه وعافيه
رابعا :
الصبح اول ماتقعدين من النوم شرب كوبين ماي مفلتر

خامسا :
الريوق الصحي توست اسمر ,بيض, جبن,شابوره, حليب, كورن فلكس

الغدا قبل ساعتين شربي ماي وعقب
شربي شوربه

وبعدين سلطه

واخيرا الوجبه الرئيسيه
مجبوس دجاج او لحم او همبرجر وانا متأكده انج ماراح اتكملين الطبق حدج جفشين او 3

قبل العشا امشي نص ساعه

والعشا
دايما خليه فاكهه كثر ماتقدرين اكلي

واذا ما اخذتي بنصيحتي راح اتكونين جذي

​

 

[passion.666]

رد: رد : قوليلي ليش ماتضعفين شنو المشكله اللي عندج

جنزبيلا نفس مشكلتي لو اكل شي واحد غلط اهجم طول اليوم عالاكل واقول خلاص خربطت واكل بضمير ورديت جم كيلو مع اني ضعفتهم قبل كم شهر واستانست عالضعف بس مو قادرة التزم مرة ثانيه ياليت اتناقشون مشكلتي .

حبيبتي انت مسويه مشكله حق روحج
كل التعب ومنزله جم كيلو وعقبها ترجعينهم والله ما عندج سالفه
مانتي خايفه على عمرج
لي متى اكل مطاعم
لي متى الكاكاو والخرابيط والبطاط والجبس
تأكدي مئه بالمئه السمنه السمنه نتيجتها الخرابيط اللي تاكلينه
عيل باجر شنو اتسوين لما يسير عندج بيت وعيال وريل
واااااااااااااااااااااي تاكلين اكل عيالج وريلج

امشي على نظام اللي عطيته حق اختج جنزبيلا واللحين احنا بأول الشهر ان شاء الله على السنه الجديد منزله الجم كيلو
والله انتو مو عارفين مصلحتكم انتو صغار يعني الوزن بسرعه ينزل استغلو الفرصه
وانت عندج اراده لأنج مشيتي على رجيم وضعفتي
طلبي ربج انج تضعفين على صحه وعافيه
انت ما عندج مشكله انت عندج فراغ واتحطين حرتج بالأكل​

 

[passion.666]

وأي جنج حآسه فييني ..

شوفي موووضووعـي بلييييز

ردين عليج بالخاص​