قوليلنا ادا شفتى او سمعتى اغرب الجنسيات اللى متزوجين انتى او اهلك او جيرانك

[ام زينب الحلوه]

هلاااااا

انا واحد من عيال عمي ماخذ يابانيه ....

كان رايح بعثه اليابان على حساب الدوله وحب هاليابانيه و تزوجها...

و ديانتها بوذيه

وقبل لا يروح كان متزوج بنت عمه

و راح اليابان و تالي طلق بنت عمه عشان خاطر هاليابانيه...

و طبعا صارت مشاااااااكل في العااااايله ...

والقصه قديمه صارت في بدااية الثمانينات..

و جاب من هاليابانيه 3 بنات ..

و خلقتهم نفس امهم يابانيات من قلب..

بس مساكين الحين كبروا ولا احد يفكر يخطبهم..

احس ابوهم خرب عليهم..


ونفس الشي

وحده من عاااايله معروفه عندنا في الحسا

بدايه الثمانينات راحت امريكا بس تمشيه..

وحبت امريكي واسلم عشانها وجابته معاها الاحسا

طبعا ظل في الحسا كم يوم وهج ما طول ...

يقول فطس من الحر ما توقع الجو عندنا كذا...خخخخخخ

مسكينه للحين ما تزوجت مره ثانيه..

و طلقها قبل يسافر...وللحين الناس يذكرون هالسالفه..مع ان صار على هالسالفه سنييييييين...


و بس..

 

[اوركيدا20010]

الله يرفع قدركم

 

[اوركيدا20010]

رفع

 

[a7la-elbanat]

أغرب شي مر علي كويتيه جلحه ملحه كانت تدرس باسبانيا وخذت اسباني اشقر وعيونه خضر
ويابت تووم يجننوون بس شلون اكيد ساحرته لووووووول

 

[سوزي الشرقية]

اغرب حالة زواج مرت علييي
مدرستنا الرياضيات في اول ثانوي حسيتها ماااتتكلم سعودي اصلي مثلنا يعني شوي كلام سعودي وشوي مصري
سألت البنات قالوا الييي ابوهاسعودي وامهامصرية...
بعدكانت في مدرستنا الأحياء نفس الحال نص سعودي نص مصري
طلع زوجها ابوعيالها مصريـــ..
ووواحدمن عائلتنا متزوج من حلب من سورية
والثاني من المغرب..

 

[انثى عاشقة]

سستر اندونيسية بالمستشفى يوم ولدت
بيدها ساعة حلوة قلت لها حلوة ساعتك من وين شاريتها
قالت هذي هدية من زوجي السوري خخخخ
:nocommint:​

 

[انثى عاشقة]

أغرب شي مر علي كويتيه جلحه ملحه كانت تدرس باسبانيا وخذت اسباني اشقر وعيونه خضر
ويابت تووم يجننوون بس شلون اكيد ساحرته لووووووول

هههههههههه حلوة ساحرته
بس يابختها اسباني حتة وحدة
ماشا الله
​

 

[سوزي الشرقية]

خلني اضيف اليكم هذه الاضافه الي تذكرتها الحين((خطيره هع))
وحدة من بنات عائلتنا كانوامسافرين سورية وهناك في سورية التقوابعائلة ايرانية في مكاناما!وعجبتهم البنت..
يوم ثاني طلبوا رقم بيتهم عشان اذا وصلوا السعودية يدقوا عليهم وكذا بحكم التواصل لاغير
وصلوا المملكة دقوا عليهم خطبوا البنت بس ماوافقت بحكم انه ايراني وهي سعودية والسالفة وراها بلاوي لان تالي لوعرست عليه ويابت منه عيال لوحبت تزور اهلها هذه مشكلة بحدذاتها.....
اول العام الماضي في الجمهورية الاسلامية الايرانية في مكانا ماحيث تهوي القلو ب المشتاقه المهم المهم امي شافت وحدة سعودية من بلدنا تصيح صياح مقطعه روحها من الصياح جان تتتلقف امي شنوفيش تصيحي صياح
جان تبط القربة وتقول اليها اني متزوجة ايراني وعايشة وياه هنا في ايران بس حدي مشتاقه لاهلي صارالي سنوات ماشفتهم
ماشوفهم اصلا الا اذا جو زيارة ايرانــ...

 

[شقاويه 11]

خخخخخخ انا امي سوريه بس مااعرفها
وعمي ماخذله اردنيه

 

[سلمى المزيونة]

اب اب اب اب اب اب اب اب اب اب اب اب اب اب اب اب اب اب اب اب اب اب اب اب

 

[عين السيح]

دكتورتي يوم كنت حامل هنديه
وتتكلم سوري استغربت سالتها ليش لهجتك
سوري قالتلي متزوجه دكتور سوري

ياحليلهم سوري وهنديه

 

[اوركيدا20010]

اب اب اب اب اب اب اب اب اب اب اب اب اب اب اب اب اب اب اب اب اب اب اب اب

:eh_s(9)::eh_s(9)::eh_s(9):

 

[احساسي غريب]

اختي بمدرستها بنيه كويتيه امها جزائريه ووحده ثانيه امها ايرلنديه
ورفيجتي سعوديه تقول فيه وحد سعوديه ماخذه سوري ووحده ثانيه تعرفها هم سعوديه متزوجه مغربي
وانا اعرف وحد كويتيه بنت قبيله ماخذه فلسطيني اصله يرد لقبيله وشوفو شلون عايشه والله يابنات ملكة زمانها مايدري وين يودها شايلها على كفوف الراحه
سبحان الله كل شي نصيب

 

[.Nihal.]

عمي متزوج اوكرانية وعمي الثاني متزوج سووورية

ورفيجتي كويتية بس امها يايبانية محد يصدق انها كويتية من شكلها \:

 

[اوركيدا20010]

رفع

 

[reem alflla]

(انا خلقناكم شعوبا وقبائل لتعارفوا)
صدق الله العظيم
ماسمعت والله واحس جدا عادي المهم اهما مرتاحين مع بعض
ومشكووره على مجهودج خيتوو ​

 

[Om_Ksha]

ana shft m9ry ma5th flebenya

halflbenyat ma 5lo a7d y5r3oon

 

[اوركيدا20010]

رفع

 

[Kensington]

من فتره كنت بمستشي بلندن وانا بالانتضار الا اشوف كويتي وزوجته فلبينيه انا مرره استغربت قلو الحريم
بالبدايه قلت يمكن شغاله لانها شاليه جاكيته وجريده ومويه كذا وهو معه واحد ثاني يمكن اخوه
مسكين هو شكله تعبان لانه مررره نحيف وكذا قعد عالكرسي وبان عليه انه تعبان
بعدين راح ورجع انا مانتبهت انه رجع قعدت احش فيه زوجي قاعد جنبي بس منتبه ان الرجال موجود
قلت قلو الحريم اما فلبينيه وش يبي فيها وش عاجبه فيها معقول
وزوجي يقولي عادي شفيها بس مافهمت عليه يبيني اسكت بس قعدت اكمل بعدها لفيت لقيته جنبي هو وياها وصار يميل جسمه عالكنبه كنه بيقول انا مريض او شي زي كذا
تمنيت الارض تنشق وتبلعني حسيت بفشله واحراج مسكين هزئته ومانتبهت انه جنبي والله ماتخيلون وش كثر حسيت بتانيب ضمير ياربي لاتواخذني عالموقف


بعد اعرف بنت ايام المدرسه ودريت بالصدفه انه امها هنديه ابوها تزوجها كانت شغاله عندهم مسكينه بعد ماجابت عيال
طلقوها منه خوانه ورجعوها ديرتها بعدها بفتره طلعت سالفه عن البنيه الله يستر عليها تعرفت علي واحد حق مكتب خدم عشان يرجع امها للديره

 

[يكفيني حنانك..]

وحده سعوديه من عائله معروفه ماخذه ترررركي