قولو الي تقولون رشا بنتنا

[أحلى عيون]

بصراحه عور قلبي الي اسمه وليد الي بعد ما قالوا عن ابوه مات ومالك اي حق عندنا وصارت فيه حاله نفسيه وطاح كل شعره ام الي اسمها رشا ماادري احس انه عادي ما عورني قلبي عليها بس بصراحه كلهم يكسرون الخاطر ماادري شلون ابوهم ينام ويحط راسه على المخده وما يدري عياله شلون عايشين ولا الولد الي اسمه فهد كاتب على طوفت بيتهم فهد كويتي والله قهر فعلالالا ويكسرون الخاطر

شكراا لكي شهوده على الموضوع

 

[كل الأسامي مأخوذة ليش؟]

الله يكون بعونهم ويردلهم حقهم شلون في احد يحذف ضناه والله الحيوان ما سواها انت ياالعبد تسويها الله ياخذ حق كل مظلوم
صراحة كلهم اكسروا خاطري خاصة هاياهل نورة مبين عليها كويتية وبدوية بعد يحلاتها الله يفرج همها اهي واخوها هذول كويتين سواء امهم من اي ديره كانت شنو ذنبهم ان ابوهم حقير
بعدين وايد اعيال عوايل تزوجوا مو كويتين وكاهم مو قصرين بعيالهم مو الحل ان نمنع زواج الكويتي بغير الكويتية هذي حرية شخصية بس المفروض يكون في جزاء حق اللي يرفس عياله هالرفسة هذي انا تعجبني بعض قضايا خالد عبد الجليل (بعض) بس طريقة طرحه صراحة فيها مبالغة
لاتلومونهم اذا يابوا طاري الفلوس ترى الفقر شين الحمدالله على النعمة اللي عندنا

 

[أساور]

صاجة رشا مبين عليها كويتية حتى فهد ونورة سمارهم كويتي

 

[softlady]

شوفي شهوده انا ما شفت الحلقه بس دشيت لان لو ماكنت شايفه نكج بعد جم يوم كنت بدق على 777 يدورون عليج !!!!!!!!!!!!!


انتي وينج مختفيه ؟؟؟؟؟؟؟؟؟؟؟؟؟؟

 

[أميرة الورد]

انا معاكم بالتبرعات اهي غير حقهم باللي ياخذونه اسمه صدقه عن أعمارنا وعيالنا وأهلنا بس شلون نبدي الحملة انا مستعدة ترا

القطانية وشهد يزاكم الله خير

 

[ღ•»الًـجٌـوِرٌيّ«•ღ]

تعور القلب والله حلقته

ورشا صح ملامحه كويتيه كلش

 

[أم جــاســم]

اي والله رشا مسكينه تكسر الخاطر وشكلها كويتي 100 %
وحتى فهد واخته الله يعينهم ويصبرهم ​

 

[mnoo33]

الله يعين ...

هذا غير اللي ما نعرفهم ...

بسم الله عليهم رياييل الكويت عيالهم منشرين بدل العالم ...

حسبي الله عليهم ..

 

[جنان الورد]

انا الي عجبني تفاعلكم صج احنا الكويتيين قلوبنا حنونه الله يديم هالشي

انا معاكم لازم يحطون حد لهشي لان مستقبلهم يضيع يعني رشاكويتيه بذمتكم منو بتزوج معقوله كويتي مسحيل لانها عاشت ابيئه وبحياه غير حتى كلامها غير ومستوى التعليم عندها وين وصل ضااااااااااااااااعت البنت مسكينه ممكن تهون عند السالفه الي بذكرها عشان ما تقولون مستحيل...
في واحد ايام السبعينات تزوجله هندية اي هندية وياااابت بنت وخلاهم بالهند ورد الكويت وعااااشت البنت اهناك ولما تعب وحس انه بمووت طلب من زوجته وبنتها انهم ايون طبعا بعد لوية وسالفة بس تخيلو البنت ملكه جمال انا شفتها وحلوه بس للاسف كلامها هندي وما تعرف عربي تخيلوااا يااا بنات والله مأساه قبل فتره انا شفتها طبعا اللبس مااااكو ذوق بس الشعر اسوووود ناااااااااعم يهبل والويه لما قعدت تحاجي يدها الكويتيه كلامها مكسر جنها هندية تعلمت كويتي وانتو تعرفون اشلون يتحجون.. والله تكسر الخاطر قعدت اطالعها واقول شنو مستقبلها منو بياخذها اشلون تعليمها ووظيفتها و غيره ةغيره أأأأأأأأأأأأأأأأأأأأأأأةةةةةةةةةةةةةةة ياقلبي والله عوار قلب لومن اولها يايبها الكويت مو جان طلع جمال هندي وسنع خليجي بس خلووووها لربكم الى ما يضيع حق عبيده

هذاا واقع انا شفته بعيني فلا تقولون مو واقع او مبالغه
فخلووو خالد عيدالجليل ينفضهم نفااااااض يمكن يتسنعووون

 

[أم العيال 76]

أنا مالحين عندي وجهة نظر الحين الله يهداهم كلهم مساكين ومايعرفون حقوقهم واللي يقولج انا مابي اقول اسم الابو ليش ماتقولينه قوليه الحين تبين تضيعيين الفرصة اللي الناس قاعدين يشوفونج بالتلفزيون عشان الابو يحس بغلطه البنت كبرت خلاص والموضوع جايد يمسي معاه مثل علي وعلى غيري هذا حقي اقول منو ابوي عندكم اوراق قدموها اذا الوطن سوت الفرصة عشان ضربة حظ خلاص عقب جم شهر راح ينسون هالموضوع قدموا اللي عندكم من اوراق وقولوا اسم الابو

والله المستعان

 

[داريني]

عورت قلبي واللة

 

[رهوف]

حبيبنا صلى الله عليه وسلم يقول : " إن الله لا ينظر إلى أجسامكم ولا إلى صوركم ولكن ينظر إلى قلوبكم وأعمالكم "


فما ادراكي ان تكون ام الجاموسة خير من كثيرات ممن تعرفين


عن أبي هريرة رضي الله عنه أن رسول الله صلى الله عليه وسلم قال : (( رب أشعث أغبر مدفوع بالأبواب لو أقسم على الله لأبره )) .


​

تسلمين عالكلام الحلو ... وكافي استهزاء بالبشر

ولما قال عبدالجليل انتي المفروض تسوقين بورش ... كات قصده انها بنت عايلة كبيرة بالكويت مو قصده ان كل اهل الكويت جذي

بالنسبة للبنات اللي ما يبون هالمشاكل عالتلفزيون ... اذا ما كانت عالتلفزيون ماراح يصير في تفاعل من الناس وبالتالي ماراح يصير في حل للمشكلة

اما اللي يجذبون عبدالجليل انا اقول ان محامي كبير ومشهور ما يعرض مصداقيته او مصداقية الوطن للتشكيك

وعلى فكرة انا اختي كانت اخصائية في دور الرعاية واكدت كل القصص اللي كان يطرحها

بس سبحان الله الناس اسهل عليها انها تجذب من انها تواجه واقع اليم وتحله

 

[بنت الوفا]

ماشفته حساافه

 

[شهدQ]

جزاكم الله خير بنات ديرتي

واحنا كلنا قلوبنا مع عيالنا

وعسى الله يفك عوكهم

والجهات المختصه تقوم بالواجب

شوفي شهوده انا ما شفت الحلقه بس دشيت لان لو ماكنت شايفه نكج بعد جم يوم كنت بدق على 777 يدورون عليج !!!!!!!!!!!!!


انتي وينج مختفيه ؟؟؟؟؟؟؟؟؟؟؟؟؟؟

لووووووووووووووووول لا وبرد اختفي 10 ايام ليما نخلص الامتحانات الله يعين

حالة طواريء لووووووووووووول انتي شلونج وشخبارج:tek:

 

[Amosha]

السلام عليكم
بنات انا بعد اقول جذي وحبيبتي عيل انتي ما شفتي الصبي الي اسمه فهد امبيه هذااا نظرااته حاااااده وصج صج صج شكله كويتي واحس حرام شكله جي شكل وااااحد حااااااااااااقد امس قطع قلبي لما قال اخلي امي واختي حق منو وحتى خالد عبدالجليل قاله ريااال امبيه حسيته صج كويتي امبيه حده حده قطع قلبي:0bee2e8d89:​

 

[ولا احلا]

احنا نقول انه ملامحها ممكن تكون بنت من بنات الكويت وكويتية .. اصلا في وايد ملامحهم بنات الكويت بس ليش الفضايح الله امر بالستر ... ولو يبي جان حل القضية بالسكته ومن دون فضايح يعني ... ان امكن لانه بهذا الموضوع بيخلي العالم يشن حملة الكره ويظنون ان كل الكويتييين ظالمين ... يعني لازم يكون كنترول على البرنامج ...

 

[معكرونه أسبكتى يم يم]

بنات اتوقعون لو ايبونهم الكويت يعيشون يعنى يقدرون يتاقلمون معانا والا بحسون بغربه .............؟؟؟

رهف وايه .....انا ماستهزئت باحد انا قلت واقع ...........اكو فرق بين بنت العز والفلاحه مثل يوم اكو فرق في مصر بين الاصل التركى والفلاحين وانا اتكلم عن الفروق الاجتماعيه والمستوى المادى ماتكلمت عن الدين ......... ومن حقي استغرب شنو لقو فيهم عشان يتزوجونهم.............؟؟؟

اليوم اسولف حق خالتى قالت هالحين ام فهد ونوره يعنى شينه اللهم لك الحمد ومتزوجه قبل وعندها بنت شلون قصه على الكويتى وتزوجته !!!!

 

[عـشـــ كويت ــقـــي]

بنات ليش ماتبون المحامي يتكلم بالتلفزيون اهو صج فضيحه لنا لكن هم فايده بنفس الوقت .. الحين العالم كله الكل يدري ان الكويت ديره اللي بقلبها على اللسانها وعمرها ماصار عندنا خش ودس .. خل نتكلم بوضوح وشفافيه لي متي نسكت بس خلاص اكتفينا من السكوت ..
وانا ايد كلام اختي سنا الفضه بكل حرف قالته ..

صج احنا لمن نشوف هالاشياء يكون عندنا اسائله ليش ترك بنات الديره وتزوج هذيل ؟؟ ليش عقب ماييب عياله مايطلع لهم اثبات وليش وليش وليش ؟؟

لكن بالنهايه هذيل العيال كويتين واخوانا وخواتنا .. وحرام يكنون بالحاله هاذي والله حرام .. يعني خلوا الريال يتكلم عنهم ..

يعني بعضهم والله ملامحهم كويتيين .. يعني هذا فهد ونوره امبين حدهم دمهم كويتي .. يعني من سمارهم من شكلهم تحسين كويتيين ..
انا هذيل الصراحه اكسروا خاطري يعني امبي شفتي الوالد يوم يكتب على الطاوفه كويتي امبي حسوا بشعوره يوم عيزا يقوول لناس انا كويتي مو مصري كتب على الطاوفه كويتي .. من درجه حبه للكويت تعلم شوي عن كلامن شفتوا لمن قال طحت .. يعني حتى الكلام يحاول يتكلم كلاهم ديرته .. ويطلع مبارة للكويت وكل شي وحتي اخته صج صج يكسرون الخاطر ..
وكلش ولا لمن يقول الوالد شلون اخلى امي واختي واروح للكويت امبيه شفتوا غاريته على اهله .. يليته بس ابوك تعلم منك شوي ..
لكن حسبي الله على ابووهم .. وحدا امهم تقول ابووهم غني من اغنياء للكويت عنده محل ذهب .. ويعني ولد عز ولله الحمد ليش يسوي بعياله جذي ؟؟


وثاني شي البنت رشا كويتيه كويتيه من شكلها من دمها اصلا حتي من طريقت كلامها ..
كلهم مبيين عيال ديرتنا اخوانا واخوتنا .. لكن مانقوول غير الحمد الله على الحال اللي احنا عايشين عليه ..

ويزاك الله خير يا المحامي على كل هذا .. والكويت اساس تفتخر فيك .. يعطيك الف الف عافيه وبميزان حسناتك باذن الله ..

 

[زيـטּ عَبْس]

انا بجيت بجي على هالكويتين ليييييييييين تعبت

والله العظيم حالهم مايسر لا عدو ولا حبيب


صج يعورون القلب



هناء شكلها كويتي ورشاااااااااا تهبل مزيوونه صج بطه لكن ملامح وجهها تهبل كويتيه كويتيه

وفهد شكله كويتي سماره وعيونه وملامحه


==========

ولازم هالقضيه تطلع بالتلفزيون
انتوا ماسمعتوا خالد عبدالجليل لمن قال

اذا في محاميين يبون يترفعون عن هالقضايا .. يدقون علينا


لأن سالفتهم كبيرة وفيها مطباااااااات ويبيلهم محامي ومراجعين بالكويت ومصر

اهما من وين لهم كل هذا


هذولي اللقمه مو محصلينها


والله يكسرون الخاطر




لهم خير ومو محصلينه


ابو فهد ونورة ... موريهم صور الفلل اللي عنده والبقالات ومحلات الذهب

وقايلهم عندي خييييييييييييييييير


يعني اهما عندهم خييييييييير ولهم نصيب في

عشان جذي يبووووووون.. لأن محتاجينه هذا حقهم



وفهد صج كسر خاطري لمن سأله عبد الجليل


لمن قاله القصر العيني يعالجون فيه الغلابه .... رد فهد قال واحنا غلابه احنا ماعندناش فلووس

صج صج عور قلبي
=======

ووليد لمن أمه صارت تدعي على من ظلمهاااااااا

وقالت انه ماسووت فيهم شي شين أبد

======



فـــــ الظلم شين

حرام نظلمهم


وهذولي سالفتهم طويله ويبيلها فزعه مو بس فلوووس


لا لا يبيلهم اجراءات وأوراق واثباتات


كاهي رشااا ماعرفت تتزوج لان ماعندها موافقه واثباتات من ابوهاااااااااااااااااااا

وهالشي يبيله أحد يراجلعهم في يعني بين الكويت ومصر


==========


انا دقيت عليهم وطلبت عناوينهم

لان بنزل مصر

وقالوا لي بندزه لج

وان شاء الله يدزووووووووونه

 

[Geisha]

انا ضد التبرعات لانه باجر كل من هب ودب وقال ايوه اانا كويتي ؟ وماكو شي يثبت ويكسر خاطرنا وهات يافلوس

بسنا طيبه محد ضيعنا الا طيبتنا الاقربون اولى بالمعروف وهذيل لهم اهل والقانون بينصفهم اذا لهم حق عند الكويت

كل اللي قابلهم ماكسروا خاطري الا هالبنت لانه امها مايابت طاري الفلوس لا تبي اوراق وتبي تزوجها والبنت ملامحها كويتيه الباجي بل بل من اول كلمه فلوس!!!!!؟

ترى اغلبهم يعرفون اهلهم بالكويت لكن اللي هني رافضين التعامل معاهم