قولولي شلون تغسلون قمصان النوم الشيفون و التور+ البانتيات :|

[نطوووعه]

قمصاني النوم اغسلهم باليد مو فراك قوي لا عالخفيف مع كومفورت بس ودي احطهم بالغساله عالدوران الخفيف تهقون مايختربون؟؟

و بالنسبه للبانتيات اللي اهما الملابس الداخليه تكرمون اغسلهم بغساله صغيره مالت يهال مالي خلق افرك بيدي ايدي راحت :| بس مو مريحه لانها عاديه و انا ابي اوتوماتك اللي تعرف وين يبيعون اوتوماتك صغيره تفيدني بليييز



و يالله شاركوني بطرقكم خنفيد و نستفيد

 

[نطوووعه]

؟؟؟؟؟؟؟؟؟؟؟؟

 

[sara3]

نطوعة
معروف ان الملابس الرقيقة ما تنحط بالغسالة جذى ,فى اكياس خاصة تنحط فيها وبالغسالة على برنامج الملابس الرقيقة,والغسالات الاوتوماتيك اعتقد اصغر شى ام 5 كيلو .

 

[نطوووعه]

تسلمين حبيبتي مادري شلون فكره الجياس كانت رايحه عن بالي !!! القاهم بدايسو صح؟ جني مره شايفتهم ينباعون هنااااك

 

[الفاتنة]

انا اغسل ملابسي الداخلية كير فري الي من جونسون

 

[نطوووعه]

الغسول مال كير فري اهو اللي تغسلين فيه ملابسج باليد؟؟

 

[sara3]

صح با نطوعة فى دايسو حبيب الشعب وعندك اللى حق الملابس الداخلية القطعة اللى فوق خخ خخ خخ عجيب انا غسيل ايد الحين بالكيس وعلى الغسالة ولا مال الدلاغات من يوم ما استخدمتة والدلاغات بير بير ولا قبل طبجة اكو وطبجة ماكو ما ادرى وين يروحون

 

[*هبوبه*]

منكم نستفيد

 

[Killer^Girl]

الغساله التوماتيك فيها نظام بطيئ او عنايه او شي جذي
انا استخدمها للملابس الداخليه

 

[Killer^Girl]

الجياس موجودين بلاسنزا

 

[sara3]

عن جد وايد مربحين الاكياس موجودين عند دايسو ومثل ما قالkiller girl

عند لاسنزا ومحلات اللانجري اذا حطيتى الصدرية تحتقظ ابشكلها وما تخترب الحمالات ولا التسكيرة مالتها


وفى اكبار حق الملابس والتى شيرت علشان لا يتمغطون وما يطلعون قطن يحببون اتشوفين القطعة بدون ما اتحطينها بالكيس جنك كادتها كد وهى اول مرة اتدش الغسيل


وهذى صورة حق كيس الصدرية بس اللى عند دايسو حق صدريتن اكبر [url=http://www.l6l6.net] [/URL]

 

[نطوووعه]

تسلموووون حباايبي و شكر خاااااص على ساااره عالصووووور

 

[نطوووعه]

بنات يالله ابي مشاركاتكم شلون تغسلون قمصان النوم الشيفون و التور يعني اللي خامهم خفييييف بالغساله والا يختربون؟؟؟

 

[الدانة الحلوة]

قمصان النوم ماتنغسل بالغسالة تخترب لازم غسل ايد

 

[ام الفوارس]

مو محتاجة القمصان الخفيفة غسيل ودعك

طشت غسيل او حتى حوض الغسيل عبيه بماي دافي وصابون ملابس سائل وحطيهم فيه يا دوب بس ياخذون ريحة الصابون وتشطفيهم

وكله برقة كانج تغسيلين ايدج

والبانتيات اذا قطن ارميهم في الغسالة واذا لا حركات ودلع اما في الاكياس او مثل القمصان يا دوب ريحة الغسيل

 

[نطوووعه]

مشكووره ام الفوااارس



اذا البانتيات قطن احطهم على اي سرعه و دوران؟ انا غسالتي اوتوماتك

 

[barbya_q8]

في بدايسو بعد انا ماخذه منهم

 

[زيـنـه]

صح با نطوعة فى دايسو حبيب الشعب وعندك اللى حق الملابس الداخلية القطعة اللى فوق خخ خخ خخ عجيب انا غسيل ايد الحين بالكيس وعلى الغسالة ولا مال الدلاغات من يوم ما استخدمتة والدلاغات بير بير ولا قبل طبجة اكو وطبجة ماكو ما ادرى وين يروحون

صاجه الدلاقات ما ادري وين تروح الطبجه الثانيه !
مع انه من الغساله لي النشافه يمها

تهقين الغساله تبلعهم .. جان انسدت البالوعه مالت التصريف

هقيت بروحي عندي هالمشكله

فكره الجيس زينه

و نرجع لمحور حديثنا .. غسليهم على البرنامج الرقيق بالغساله دليكيت افضل لهم .

و اذا شي خايفه عليه او تشكين بيخرب بايدج غسليه .

 

[ام ناصروحنين]

الجياس موجودين بالجميع بعد

 

[om deaj]

معنه عندي غسالة اتوماتيك بس والله عادي اقطهم مع الهدوم العادية ولا غسيل جنتل ولا بطيخ كارفتهم خخخخ