قولولي رايكم ( انا انام بغرفه اليهال وهو ينام بغرفتنا)

[شادن33]

كل لبنات صح لا تعودينه وسبحي بنتج باليل ودهنيها وعطيها شويه ينسون وما تقوم لج الا مره وحده انت تكونين شبعت كم ساعه نوم ورضعيها*

 

[ماحب اتدلع]

انا عكسج اهو يعصب من ازعاج اليهال ويروح الصالة يبي ينام هناك طبعا عندي ثنتين وحدة سنة ونص والثانية شهرين
تدرين شسوي اروحلة وانا ابجي اقولة اذا ماتروح الغرفة مارح انام يقوم معاي واذا صحوا بناتي والا وحدة منهم يتحلطم بس مايقوم يكون انكسر خاطرة علي

صراحة يعورني قلبي اذا مانام يمي

 

[miss swan]

حبيبتي انا كنت اعاني نفسج
بس بالتدريج حليت المشكله
اهي تنام اساعه 9 وساعات 7
بس انا موقتتها على ال12 اعطيها رضعتها واهي نايمه او اذا شبعانه اعطيها ميلوبا
ومن تجربتي اكتشفت انه القرآن يريحهم
واقرى عليهم بصوتي واقول استودعكم الله الذي لاتضيع ودائعه
واعوذ بكلمات الله التامه
واشغل القرآن وينامون لي الصبح
وحطي لها اباجوره وجهاز نوعيه زينه
واذكر بعمر بنتج اخليها تنام الساعه 11


​

 

[toofaa79]

حبيبتي عادي كلنا مرينا بهالفترة بس نصيحة لا تطلعين عن دارج خليه يعرف انج تعبانة معاها ويقدر التعب وحاولي تعدلين نومة بنتج وقللي رضاعتها باليل عشان ماتقعد عليج

 

[simone]

ما اهد غرفتي لو شنو يصير أهوه بعد لازم يتحمل

انا معاها
شو يعني مايتحمل صياجها لين متى يعني
ولا بس يحملونا ومايبون يتحملون مسؤولية تربيتهم ويانا
انا مول ما أيد هالشي والحمدلله ريلي عودته يوم ينشون اليهال ينش
ويشلهم و ينومهم معاي...

 

[فاطمة البحرينية]

لاتبعدين عنه بدافع الاطفال ترى بصير حاجز

بينكم وعادي ناس وايد مثلج عيل مساكين

الى ساكنين بغرفه وحده صج الله يكون بعونهم

ولين صاحت طلعي الصاله انا اسوي جذي وخلاص

تعودنا من تنام ارجع انام و زوجي شغله شفتات عناد

يوم هو بالشغل تنام هههههههههههههه

 

[" ام حمود "]

غلطانه اول شيء .. وبعدين اخذي فراشها وحطيهاا بغرفتج اذا قعدت وتبجي
شيليهاا وديها الغرفه غيري حفاظتهاا وشربيها الحليب ونوميهاا وبعدين رجعي
انتي وياهااا الغرفه النوووم ..
موفقه حياتيء ..

 

[مياسه الحساسه]

عادي حبيبتي انتي منتي غلطانه
زوجك عنده دوام واكيد يبي يرتااح
عادي نامي مع بنتك في غرفتها
او حطيها بسريرها وخل الجهاز عندك عشان تسمعين صوتها لو صحيت من النوم
بس ايام الاجازه نامي في سريرك مع ريلك
لا تعودينه على البعد
ترى سبحان الله القرب في الفراش يولد الدفى والحب
والله يسعدك ويكبربنوتتك ويخليها لك

 

[مياسه الحساسه]

لاتبعدين عنه بدافع الاطفال ترى بصير حاجز

بينكم وعادي ناس وايد مثلج عيل مساكين

الى ساكنين بغرفه وحده صج الله يكون بعونهم

ولين صاحت طلعي الصاله انا اسوي جذي وخلاص

تعودنا من تنام ارجع انام و زوجي شغله شفتات عناد

يوم هو بالشغل تنام هههههههههههههه

ههههههههههههههههههههههههههههه
ربي يخليها لك ياارب

 

[noonaa-thn]

تسلموووون لي ياحبيباتي اليوم نمت جنيه وهي بالغرفه اليهال وخليت بابنا مفتوح عشان اسمع صوتها
لقيت زوجي شجع الموضوع مع انه ما يحب ينام وباب غرفتنا مفتوح ولا قالي لا ولا شي بالعكس حسيته مستانس اني بنام بالغرفه
يعني كانت حازه بخاطره بس ما يقول

نمنا وهي بغرفتها وحدنا مستانسين والساعه اربع قعدت رحت لها طبعا هو يشاخر ما حس فيني ولم قمت رحت عطيتها حليب ونامت ورجعت كملت نومتي
ويوم قعدنا
افتح عيوني ولا زوجي قاعد يطالعني وحده مستانس جنه اول يوم من تزوجنا
شوي ولا تقعد العصفور وتنقطع اللحظه الرومنسيه

مشكورين والله لا يحرمني منكم صج تريحون القلب

 

[طيبة83]

اخ يبتيها عل جرح

اللي يقولون خلي جهاز ولا صحا البيبي روحي له..................... انا بنتي تقعد في اليلل مليون مره لو كل ساعه بروح وبرد بتطير نومتي ونومتها

وريلي هج من شقتنا يروح ينام تحت عند اهله

يالله يارب تهدا بنتي وتخليها تنام طول الليل

 

[لباسةالعقد]

لاتخلين بنتج تنام واجد بالنهار وقبل نومتها بثلاث اربع ساعات خليها تلعب عشان لما تنام تنام نومة مريحة واذا قامت بالليل اخذيها بره انا ضد نومة الزوجين بعيد عن بعض

 

[Om_Ksha]

واي احترت انا .. مقتنعه بكلامكم بس نفس طيبه بنتي طول الليل اتفززز وغير هذا واهيا نايمه ترجع فاخاف تشرق او شي !!

مادري والله :/

 

[غلأأأأ مغليهأأأ]

الله يعين


(((((استغفر الله اللذي لااله الا هو الحي القيوم واتوب اليه من كل ذنب عظيم)))))

 

[منووله مشعل]

لا تطلعين ولا شي عوديه ترا ما ينعطون ويه هالرياييل
الحياه مشاركه
جهزي حليبتها و ماي حار و هالسوالف حق الليل اذا فزت
اما اذا مصحصحه امرج لله قعدي معاها جم ساعه و ردوا ناموا يم ابوكم
اذا انتي مو موظفه

بس لا تخلين غرفتج ترا يتعود ع الراحه و باجر يطردكن و ما يتحمل
البنت راح تكبر و تتعدل نومتها و صراحه وراج مشوار طويل الحين تسيطرين عليها باجر تكبر تبي تلعب مع ابوها و تسولف و تغثكم بفراشكم
عوديه علشان لا يكسر فيج و فيها

انا معااااااااااااااهاااااااااااااااا:eh_s(15): ...

وبعدين الرجال يبي الاهتمااااااااااااام اذا فقده بيدوووره براااااا ...

فانتي احرصي انج توفرين له الاهتمااام والحب ولا تخلينه ينقص عليه شي عشان ما يضطر يدوره برا بيته ...

وانتي الي بتاكلينها ...

ونصييييييييييييييحه انتي عوووديه على المشاركه بكل شي ...

والله يوفقكم ويسعدكم وتترسين عليه الغرفه صبيااان وبناااااااااااااااات ...

 

[sweet lady]

حبيبتي عادي فترة وتعدي ولدي صغير بو اربعين يوم والله مادخلته غرفتنا ماا ابيه يتعود
من البداية حطيته بغرفه يم غرفتنا انومه واروح عند ريلي نقعد ونسولف ليما ينام وأنام
واذا قعد الياهل اروحله شوي على ماينام ارد غرفتي قبل لإ يقعد ريلي
وبعدين اهو بروحه راح يقدر مسالة وقت لان الريال مايبي ازعاج اهم شي لما ينام تكونين يمه عقب عند بنتج

 

[راعية الطويلة]

إذا كان مافي مشكلة إنج تنامين بغرفتكم الزوجية
و معاج البنت
ما فيها شي!!

بصراحة ما طلعت عيالي و هم صغار برا غرفتي ..
و مع الوقت الزوج يتعود ينام و الطفل يكون قاعد
ما فيها مشكلة
خاصة أن الرجل خلقته نومه ثقيل
مو مثل الأم نومها حييييل خفيف
و هذي فطرة فطرنا الله عليها


ردي دارج
و مع الوقت بيتعود
أهم شي الإضاءة ما تكون قوية على عينه
خلي عندج أباجورة خافته



و يارب تنامون و بنوتتكم بينكم نوم العوافي

آمين

 

[فوفو22]

اللي تسوينه غلط

لازم الزوجه ما تفارق المخده اللي جنب ريلها حتى يتعوج على وجودها

وما يستغنى عن فراقها

وموضوع الاطفال الرضع

ترى هالبنت اثنينكم مشاركين بالتعب عليها وفيها

مثل ما انتي تسمعين البجي وتسهرين وتغيرين البامبرز وترضعين

لازم هو يشارك بهالمعاناة حتى يحس فيكم .......ويرحم حالج و...ويقدر مجهودج وتعبج

غلط نفكر بس براحته على حساب راحة كل البيت!!!!

فوفو

 

[<<لمار>>]

لا ظلي معاه واذا قعدت اخذيها وطلعي

 

[المسكـ]

لووووول ذكرتيني بنفسي قبل 4 سنين لما كان البيبي يبجي كان اهو يقومله لاني حالي حاله اهو دوام وانا جامعه من الصبح وكنت مقسمه الحلال يوم لك ويوم عليك وكل شي بالطيب والتفاهم
ورضى طبعا لووول
غلط كبيييييييييير تنامين بغرفه بدونه راح يتعود فراقج