قولولي رايكم ( انا انام بغرفه اليهال وهو ينام بغرفتنا)

[noonaa-thn]

السلام عليكم حبيباتي
اليوم بقولكم سالفتي وخايفه بالاخير اطلع غلطانه واندم

انا عندي بنت عمرها 8 شهور ومشكلتها تقعد بنص الليل تبجي ساعات وساعات تتفزز وايام تصحصح ما تبي تنام
وزوجي بالبدايه كان متحمل اقعد وطبعا يقعد وتصير لويه لحد ما ترجع تنام

طبعا عندها فراش بغرفتي

زوجي تعب من هالسالفه لان عنده دوام الصبح
فقمت انام معاها بغرفت اليهال

شتقولون لي ؟!؟!

 

[ام فواازي]

أحس غلط شلون تنامون بغرف منفصله نصيحه ردي لرجلج دفي فراشه

 

[سكوتي بذوقي]

نامي مع زوجك

حطي جهاز بغرفتكم اول ماتصيح بنتك تطفينه وتروحين لها

 

[جلكسيه اس 3]

غلط
انتي اتنامين برا معاها
عشان ماتاذين ابوها ؟؟
عادي اذا قعدت اخذيها و طلعو بره
بس لاتعودينه من الحين على جذي

 

[مجنونة هع]

اممممم شوفي هاي مشكلة اليهال اول سنة متخربط نومنهم شوفي انتي قعدي مع ريلج لين ينام يعني على الاقل انسدحي يمه ولما حسيتيه خلاص نام روحي انتي وبنتج غرفة ثانية عشان ما تزوجعجونه وعقب ما تنام البنت ردي فراشج الفجر قبل لا يقعد

 

[**(فـيـلا دانـتـيـل)**]

تنغيص النوم مغضبه


حبيبتي عادي مافيها شي كلناا مرينا بهالحاله
بس انا اقول حطي البيبي بغرفه بروحه لما ينام
وحطيله الجهاز عشان تسمعينه
واذا بجي روحيله غرفته..

انا عيالي كلهم اسوي جذي
واذا الياهل مافيه نوم
عادي قعدي بغرفه البيبي او قعدي بالصاله

اهم شي الريال يرتاح بغرفته
لان اذا مانام وارتاح
راح يدور مكان ثاني ينام فيه

اعرف حريم كانو مثلج
وآخرتها رياييلهم صارو ينامون بالدوانيه

الله يعينج
وانشالله فتره وتعدي

 

[بلبله سعوديه]

عادي حبيبتي دام انه راضي زوجج خلاص نامي وانتي مرتاحه حبيبتي وين المشكله فيه انا حالتي نفس حالتج بناتي عمرهم 7 سنوات وينامون بغرفتي وهو ينام بغرفتهم لان بصراحه يشاخر وانا علشان ما اضايه كل شوي افززه مسيكين من النوم وخيته ينام بروحه وهومرتاح ويشاخر براحته وحبيبتي كم وحده زوجها مخدته يم مخدة زوجته بس قلبه لغيرها ترى الوضع عادي يعني وش راح يصير لا يكون السالفه بعد يقولون فيها خيانه لا اهم شي بنتج وعلشان لا تضايقين زوجك احسن حل سويتي وعلى قولة المثل اذا ابوها راضي وانا راضي مالك انت ومالنا ياقاضي

 

[shak!shoka]

لا تطلعين ولا شي عوديه ترا ما ينعطون ويه هالرياييل
الحياه مشاركه
جهزي حليبتها و ماي حار و هالسوالف حق الليل اذا فزت
اما اذا مصحصحه امرج لله قعدي معاها جم ساعه و ردوا ناموا يم ابوكم
اذا انتي مو موظفه

بس لا تخلين غرفتج ترا يتعود ع الراحه و باجر يطردكن و ما يتحمل
البنت راح تكبر و تتعدل نومتها و صراحه وراج مشوار طويل الحين تسيطرين عليها باجر تكبر تبي تلعب مع ابوها و تسولف و تغثكم بفراشكم
عوديه علشان لا يكسر فيج و فيها

 

[ryoonah]

ما اهد غرفتي لو شنو يصير أهوه بعد لازم يتحمل

 

[أم ميميتو]

حبيبتي لا تعودين ريلج ينام بعيد عنج

 

[اخر صمتي انين]

فترة وتعدي ان شالله

 

[روح مووود]

عاااااااااااااااااااااااااااااااااااااااااااااادى فتره وتعدى

 

[Om_Ksha]

انا ابنتي الاولى ماطلعت من غرفتي وحس بالمعاناه معاي لدرجه انا وياه انعزلنا عن العالم نواصل الليل وننام بالنهار

بس ابنتي هاذي ترا توني بالاربعين .. باجر اخلص او عقبه المهمممممممم ابنتي هاذي شكلي امطوله ماراح ارد داري الا بعد شهر .. وبنفس الوقت محتاره ارد داري ولالا !! مابي اعوده باجر اكلها بروحي !! خاصه انه ظهري يعورني ماقدر عليها بروحي,, فمادري المشكله معدل نومته وماقام يتحمل ماله خلق لويه وحووسه واهوا نايم .. وصار اهو ان شاف ازعاج يروح لدار ثانيه . فقلت اقضب ارضي ولي مر شهر تكبر شوي و يمكن تتعدل نومتها اروحله ..

 

[لاحزن مع القرآن]

عادي أنا رفيجتي زوجها نومه خفيف حيل كانت أول كم شهر بعد الولادة تنام بغرفة ثانية
لأن زوجها مايحب الازعاج واهو قايلها والحمدالله وضعها عادي وعلاقتها الزوجيه نفس ماهي
ماتغير شي

 

[ام فرح وبراء]

اعملي متل مابقلك وراح يتظبط نومها وراح اتنام طول اليل كمان قبل لا تنيمها حيها وحطي بالمي زيت الافندر ولاعلى مخدتها وخلف اذنيها زيت الياسمين ولازم تشرب حليب دافي بعد الحمام وحطيها بسرير واخفضي النور وحطي جنبى قرءان بصوت خافت
لمحمد البراك او بصوت اطفال بس صوت هادي اوممكن انتي تقريلها من المصحف 10 دقايق وراح اتكون نامت وانشالله ماراح اتفيق غير الصبح وراح تفيق هادية ومركزة لانك بريحة لافندر والياسمين والسمع بصوت القراءان والحليب طعم التزوق وفي مادة محفزة لنوم نشطي اعصاب لمخ خلال النوم راح تقى الزاكرة وراح تبقى زكية

 

[حلااي]

اممممم شوفي هاي مشكلة اليهال اول سنة متخربط نومنهم شوفي انتي قعدي مع ريلج لين ينام يعني على الاقل انسدحي يمه ولما حسيتيه خلاص نام روحي انتي وبنتج غرفة ثانية عشان ما تزوجعجونه وعقب ما تنام البنت ردي فراشج الفجر قبل لا يقعد

معااااااااااها:rerrerek:

 

[دلوعة صلوح]

خليها بغرفتها مع اليهال وحطى جهاز عشان تسمعينها اذا بجت وفراشج لا تهدينة لو شنوو..

الله يخليج البيبى وابوها يارب العالمين.

 

[مستحيل اخونك]

لا لا لا لا

لاتعودينه ترا بعدين يتعون ارجعي في فراشك

هي فتره وتعدي

اصبري​

 

[*ريما*]

فترة وتعدي
وبعدين معاه حق ينزعج هو وراه دوام من الصباح
اذا كل شوي الطفل صحى اكيد ماراح ينام
تحملي شوي
هههههه
كاني سهرانة مع ولدي بالصالة

 

[شوبارد قطر]

شوفي اول شي لازم تنظمين حياتج
قبل لا ينام زوجج نيمي بنتج حتى تتفرغين لزوجج
هني بتكونين مرتاحه وبنتج نايمه بتقعديم مع زوجج وبتسولفين شوي و بتنيمينه ونامي معاه اول ماتسمعين بنتج قامت روحي لها وكملي نومج معاها بس اهم شي مايتعود الزوج على النوم بروحه

انا شخصيا هذا اسلوبي بحياتي الشخصيه و كل أمرأه لها طريقتها واسلوبها والمحيط اللي حوليها و الظروف تحكم المرأه على الطريقه اللي تتخذها

وعن لسان ريلي قالها لي بالحرف الواحد
احسن شي سويتيه ان علمتي العيال على غرفه بروحهم وماينامون معانا
لدرجه عيالي كبروا ويجوني يوقفون مايركبون على السرير يقول ماما تعالي نامي معاي
على فكره انا انيمهم وبعدين انيم ريلي