قولولنا تجاربكم بالموبايلات الاستثنائية

[Kawaii GiяL]

السلام عليكم و رحمه الله و بركاته







بناات يمكن في منكم ما فهم شنو اهي الموبايلات االاستثنائيه ,, الحين افهمكم

الدارج عندنا بالكويت نوكيا و سوني اريكسون و بلاكبيري و ايفون ... هذيلي تكلمنا فيهم لين قلنا بس

بس ابي الفئه القليلة اللي جربت شركات ثانيه مو منتشره و تذكر تجربتها سواء كانت حلوة او فاشله و تذكر العيوب و المميزات اللي شدت انتباهها

مثل موتورولا ,,, ال جي ,,, سامسونج ,,, اج تي سي ,,, الخ ....

و بس :eh_s(17):​

 

[آلسحرآلحلال]

انا اللي اعرفة انة موتورولا ... مليييييغ بكل شي

وخاصة كتابة المسجات ... كان عند خالتي كلش مو عملي ...

 

[still]

اانا جربت سامسونغ وايد حلوو كان

وونفس كي بورد نوكيا ونفسه من داخل
واحلا شي عجبني فيه
تقدرين تحطين باسورد عللى الصور مثلن
او المسجات او المكالماات
يعني يحفظ الخصوصيه
والاحلى يقفل الصور
يعني اذا انباق تلفونج لاسمح الله

 

[أمواج البحر]

اختي عندها سامسونج و وااااايد تمدحه ومرتاحه عليه

هذا اللي عندها

 

[Kawaii GiяL]

مشكوورين بناات فديتكم .. بس اللي تذكر تجربتها مع موبايل تقول اسمه الموديل يعني او على الاقل تحط صورته ,,,

عشان اللي يشوفون الموضوع يمكن يعجبهم واحد من الموبايلات ,, و تتشجع ,, لان وايد بنات يخافون يجربون موبايل يديد عليهم و يطيح بجبدهم او ما يعرفون يستعملونه و يكون بخاطرهم ,, هذا هدف موضوعي ,,,

لان الصراحه مليت من نوكيا و سوني و ايفون و بلاكبيري كلهم جربتهم ابي اجرب شي يديد ...

شنو اللي خله السوني يرتفع سوقه مو لمن الناس قامت تجربه و انتشر ... و لا تتذكرون قبل ,, من زمان السوني موجوده ,,
بس محد كان يمدح فيها بهالسنين الاخيره بس اليي صار السوني منافس كبير للنوكيا

المهم السحر الحلال ,,, حبيبتي انا مابي اعمم ان موتورولا بكبرها مليغه لان كل شركه لها اجهزة حلوة و لها اجهزة بايخه ما نقدر نعمم على استخدام جهاز واحد بس

عالعموم



خلقولكم تجربتي مع موتورولا razr k1

الصراحه ما استمريت معاه وايد ,,, الجهاز سهل مو صعب مثل ما يقولون ,,,

ما واجهت اي صعووبه ,, بس طريقه عرض الثيمات كانت بايخه و ما عرفت طريقه تحميل الثيمات,,

وتعرفون الشريط اللي يكون تحت اللي ينكتب فيه option و menu على ما اعتقد ,,, هذا مهما تغيرين من الصور ما يروح

يعني مو نفس السوني السوني الثيم يكون بكامل الشاشه

بس الموتو نفس بعض اجهزة نوكيا من ناحيه الثيم انه يكون مو كامل الشاشه ,,,

اتمنى فهمتو علي ,,

يعني المشكله الرئيسيه بالنسبه لي الثيمات ,,, و طريقه تحميل الثيمات ما عرفتها ,, فا بس كنت اغير بالوالبيبر (( الصور ))

بس الميزة اللي شدت انتباهي فيه قوة الارسال ,, يعني لو انتو بسرداب كل الاجهزة تقطع و في موبايلات ما يوصل اصلا

بس الموتورولا عجييييييييييييييييييييييييييييييييييييييب من ناحيه قوة الارسال ,,

زوين ما ينعاب وايد للي ما تهتم بالثيمات

بس كشكل خارجي حلووو و مرتب و راقي احب الموبايلات الصدفيه ^_^