قولوا لي رايكم في هالسالفة

[om MaRyooM]

حبيبتي ماعندكم دليل قاطع على خيانتها ..


وبعدين مو معناته اذا تدعي على زوجها او تسبه انها ماتحبه ؟؟ ترا العلاقة بين الزوجين سر مايعلمها الا اهما .. يمكن صج لزوجها
ليش تحطون بذمتكم

وحتى لو تخون لازم تسترون عليها او تنصحونها فقط لاغير ..

والغلط الاكبر صراحة انكم قلتو لأخوها .. ماكان له داعي تقولوله كلش

تقبلي مروري

 

[رعبوب وعيونها وساع]

الناس تشوف بلاوي بعيونها وتستر على الناس وتسوي نفسها ماتشوف وانتي واختج مو متأكدات ورحتوا كلمتوا اخوها وهي يتيمة!!!
تبونها تنذبح مثلا؟ الله يستر على بنات المسلمين

 

[بقايا همس]

اب اب اب

 

[**بحرينية عسل**]

حبيت اقول شي واحد بس
هذه البنت لها سوابق ومن جذي تكلمت الى اخوها على طول
وشي ثاني بعد
كل وحدة طعنت فيني او في شرفي او دعت علي
والله العلي العظيم ماني مسامحنها لا دنيا ولا اخر وبطالبها بحقي يوم القيامة
لانة الله اعلم بنيتي شنو كانت

 

[الحلوه خوخه]

يا احلى بنات ياكويتيات
اول شي البنت صج اغلطت بس بحسن نيه وانا عن نفسي اقولها لو امكلمه البنت وافهمت منها احس @@
و هي ماخذتها الساكت عن الحق شيطان اخرس وانا معاها اذا شفت شي غلط لازم اتكلم يمكن كلامي يعدل شغلات وايد
بس حبيبات هبيتوا بويها ما تسوى عليها تبي رايكم لو صج تبي تفضح البنت جان برايكم عنت نفسها واكتبت الموضوع \
وردودكم ماتوقعتها ونصدمت حتى لو تبون تنصحون موتقولون لها انتي فضحتيها وانتي شكو وانتي مالج شغل وانتي فيج واعلتج
البنت مسكينه محتره على الي تصيرلها وانتوا كليتوا جنهااهي الخاينه والله يهدي الجميع<<<<<<<<واسمحولي وهذا راي

 

[الحلوه خوخه]

يا احلى بنات ياكويتيات
اول شي البنت صج اغلطت بس بحسن نيه وانا عن نفسي اقولها لو امكلمه البنت وافهمت منها احس @@
و هي ماخذتها الساكت عن الحق شيطان اخرس وانا معاها اذا شفت شي غلط لازم اتكلم يمكن كلامي يعدل شغلات وايد
بس حبيبات هبيتوا بويها ما تسوى عليها تبي رايكم لو صج تبي تفضح البنت جان برايكم عنت نفسها واكتبت الموضوع \
وردودكم ماتوقعتها ونصدمت حتى لو تبون تنصحون موتقولون لها انتي فضحتيها وانتي شكو وانتي مالج شغل وانتي فيج واعلتج
البنت مسكينه محتره على الي تصيرلها وانتوا كليتوا جنهااهي الخاينه والله يهدي الجميع<<<<<<<<واسمحولي وهذا رايي

 

[الحلوه خوخه]

يا احلى بنات ياكويتيات
اول شي البنت صج اغلطت بس بحسن نيه وانا عن نفسي اقولها لو امكلمه البنت وافهمت منها احس @@
و هي ماخذتها الساكت عن الحق شيطان اخرس وانا معاها اذا شفت شي غلط لازم اتكلم يمكن كلامي يعدل شغلات وايد
بس حبيبات هبيتوا بويها ما تسوى عليها تبي رايكم لو صج تبي تفضح البنت جان برايكم عنت نفسها واكتبت الموضوع \
وردودكم ماتوقعتها ونصدمت حتى لو تبون تنصحون موتقولون لها انتي فضحتيها وانتي شكو وانتي مالج شغل وانتي فيج واعلتج
البنت مسكينه محتره على الي تصيرلها وانتوا كليتوا جنهااهي الخاينه والله يهدي الجميع<<<<<<<<واسمحولي وهذا رايي

 

[الحلوه خوخه]

بنات سوري 3 ردور مومني لان كل ما احط اوكي مو راضي <<<<<<< ادري قلت قصه حياتي

 

[ام الوردة]

صراااااااااااااااااااااااااااحه .. انتوا بنتين ماتسحتون

انتوا شكو بالبنت كلمت او ماكلمت انتوا شكوا .. صرتوا مصلحات اجتماعيات على رااااسها توكم الحين

وبعدين ردودج على البنات وايد وقحه سبحان الله مبين عليج ..

وثانيا زين يسوي فيها اخوكم .. مايقصر برد جبدي

تحب زوجها وا ماتحبه انتوااااااااااااااااا شكوووو بعررررررررف شكوووووووو

شهاللقاافه .. عالاقل لو انتوا صج خايفين عليها جان كلمتوها او كلمتوا على الاقل علىىىىىىىىىىى الاقل خواتها

مو تحطونها جدام المشنقه وتقولون حق اخوها

بس كما تدين تدان

مثل مافضحتوا البنت راح ايي يم وتنفضحووون

وهذا انتوا مو متاكدين وسويتوا جذي عيل لو متاكدين شبتسوون ........؟؟ اعتقد بتنشورنها بالجرايد

لاحول ولاقوة الا بالله .. الله يهديكم يارب

وبليز عدلي اسلوووووبج وردي على الاوااااادم بأدب ..

موتقولين حق فلانة وقحه وماوقحه استغفر الله العظييييييييييييييييييييييييييييييم

ربنا لاتؤاخذنا بما فعله السفهاء منا

 

[ام يوسف 2007]

بنات هدوووا شوي لا حول ولاقوة الا بالله
اشفيكم وحده تغلط عالثانيه والله عيب
حبيبتي بحرينيه المفروض تكلمونها اهيا
وتوعوونها واايد احسن من انكم كلمتوا اخوها

 

[^^المهره^^]

انتي لو خايفه عليها صج وتبين مصلحتها وماتبيلها الفضايح جان كلمتيها وواجهتيها انتي واختج
بالذات اختج شكلها صديقتها يعني تنام عندها وتزورها معناته في بينهم ميانه
وكونها شكت بهالشي وراحت تكلم اخوها ولا كلمتها صراحه هالحركه فيها غدر منكم
ولا تحاولون تقنعونا ان قلبكم عليها
والدليل انج متضايقه من ردة فعل اخوها
ماتدرين يمكن الله خلا اخوها يتصرف جذي عشان يرفع عنها الاذى
ماتدرين شنو ظروفها
البنت عايشه مع ريال انتي نفسج ذكرتي عيوبه ومبين انه مايتعاشر
وانا موقاعده ابررلها اللي سوتها بس كونها الجأت حق شخص 2 معناته البنت فعلا بحياتها فراغ عاطفي وعندها حاجه تبي تشبعها حالها حال باجي الناس
وظروف اهلها صعبه مثل ماقلتي

انتي لو قلبج عليها جان حاولتي تحتوينها وتخلينها تفتح قلبها لج وتنصحينها بينج وبينها

مو تصيرون انتي واختج ريا وسكينه وتروحون تشيشون الاخو على اخته

واي منكم مادري شلون قدرتوا تسوون جذي
الله لا يقطنا في ناس جذي ان شاءالله

 

[@ الرسامة @]

تبين رايي بكل صراحة

انتو غلطانين ان كلمتو اخوها

والغلط صار عليكم


الله ساتر عليها
كيفها فوقها الله


انتو ما بايدكم شي

حتى لو نبهتو اخوها
وبعدين يمكن صج اهي مطرشة المسج حق ريلها


في حريم وايد انا اعرفهم جدامنا يلعنون خير رياييلهم بالسب خايفين من العين
واهي مع ريلها بشهر عسل

 

[رواسي الشوق]

مالكم حق في الي سويتووه .. وييين الدليل؟؟؟

ومو من حقكم تفضحونها عند اخوها .. والي يبي ينصح المفروض يبدي بالشخص نفسه مو يحفرله من ورا ظهره وهو مايدري

يا اختي لو ماسكين البنت ومكلمينها وسامعين منها افضل .. موو تظنون في البنت لمجرد شكوك من تأليفكم

 

[aljori]

الحين انتي تقولين اللي ماتفهم لا ترد ...وانتي اصلا منزله الموضوع تبين ردود ...
شالسالفه ...
ترى فعلااااا ..من ستر عورة اخية ستر الله عورته بالدنيا والاخره ...
وانتي رايحه تعلمين اخوها ...شكو تعلمينه حتى لو انه متفتح ...ماكو شغل ...لهدرجة فاضيه ...
اختي لو شفتيها راكبه مع واحد جدامج او مواعدته مالج خص فيها ...
بصراحه الله يكفينا شرج ..
انتي راعية فضايح الله يفكها منج ...
اعوذ بالله ماكنت اظن في ناس تمشي باعراض الناس بهالطريقه ...
ان شاء الله لو جت وقالت لج بصريح العبارة انا مرافجه واحد المفروض تسترين عليها ...

 

[بنـQ6riaـوته]

بل أخوها مره وحده ؟



انزين بقول رايي بكل هدوء وكل صراحه عجبج اوكي ماعجبج ولا كانج قريتيه


أولا : اللي اعرفه ان الريال يوم يدلع مرته احيان يقول لها حبيبي >>>> عادي يعني تنقال
ثانيا : اللي اعرفه ان المره مهما اكرهت ريلها الا في شعره موده بينهم لان هاي عشره >>> وجهة نظر
ثالثا : انتي و اختج ماعندكم الا هي الناس الحين كلن يداري على روحه وقد مانقدر نبتعد عن العالم ومشاكلهم >>>> البعد غنيمه
رابعا : هي يتميه وريلها مايعاملها عدل مو معناته تخونه بس فديتج كلن في قبره وكلن يتحاسب عن نفسه >>> بالعربي مالكم شغل محد بيربيها على كبر
خامسا : لو تبين تصلحينها جان كلمتيها وخذتها بالعقل لانها قريبه منكم واضعف الايمان انا اذا ابي الصلح بقول حق خواتها مب حق اخوها >>> فرضا اخوها طلع متخلف وطشر مخها اشبتسون حزتها اقول لج اشبتسون بتقولون مالنا شغل هو واخته ينيازون
سادسا : رايي الشخصي واعرف ردج علي اشبيكون بس انتي طرحتي موضوع والمفروض تتقبلين كل الاراء اذا عجبج الرد قولي جزاج الله خير واذا ماعجبج طااااااف






والله يستر عليها ويهديها ويهدي ريلها ويستر علي وعلى بنات امة محمد لا يطيحون في حلج ناس مثلج

 

[اهواك بلا امل]

جان واجتوها دامها رفيجتكم شكو تقولون حق اخوها الصراحة انتو الى يبتو الحجى لنفسكم

 

[MSS.AJQ8]

الصراحه حبيبتي حتى لو صج اهيا تكلم هذا مو دليل قوي

وحرام الي انتي واختج سويتوه لو محاولين معاها احسن من اخوها

لو انا مكانها راح اكرهكم ولا اكلمكم طول عمري لان اذا انتو خايفين عليها صج وقلبكم عليها تنصحونها بطريقة غير مباشره
مو تفضحونها عند اخوها

حدكم حدكم غلطانين

عشان تبرون ذمتكم روحو قولولها الي صار يمكن تسامحكم
وتسمع منكم انكم تكلمتو عنها ولا تسمع من غيركم
واذا اهيا بتسوي شي غلط عليكم بالنصح وليس الفضح

استغفري ربج انتي واختج ولا تحطون بذمتكم او اذا صج نيتكم كان زينه بس تصرفتو غلط لازم تصارحونها

 

[σм 3ℓαωɣ ™]

أولاً : ردي على البنات المشاركات في الموضوع
شلون تقولون إنهـا غلطـانة كلمت أخو البنت عشان ينصح أخته ؟؟
بغض النظر عن كون علاقة البنت بشاب ثاني غير زوجها صحيحة ولا غلط ....
أتكلم عن المبدأ وهو إذا جفتي أحد يسوي شي غلط فلازم تنصحينه ...
إنتوا نسيتوا إن بحرينية عسل كتبت بالموضوع إن البنت وأخوها قراب منهم وايد !!!
يعني عارفة هي وأختها ظرف البنت وطبيعة الحال مع زوجها ... وعارفين رد فعل الأخ إنه ما بيتهور
وليش هي فضيحة عند الأخو ؟؟؟
تنفضح البنت عند أخوهـا ولا تنفضح جدام زوجها وأهله وتصير علج بحلوج الناس ...
ذي أخوهـا ستر وغطا عليها ...
كنتو تقدرون تبينون غلط البنت في إنها تسرعت في الحكم على المتزوجة كونها على علاقة بشاب ثاني ...
بس ما لازم تقولون لها إنتي مو صاحية إنتي تدورين الإشارة وإنتي وإنتي ....
أنـا اللي شفته إن الردود الأولى وايد أثرت في الردود الباقية ...
وصاروا الكل ماشيين على المنوال التهجمي على نية وغرض البنت ....

ثانياً : ردي على بحرينية عسل :ما راح آتشكك بنواياج لما كلمتي أخو البنت ...
بس كان لازم تتأكدين وتجوفين بعيونج وتسمعين بأذونج ...
صحيح إن المسج غريب شويه ... وإن البنت تسأل عن طريقة حلوة تكتب فيها مسج
بس كان لازم تتأكدين إنتي وأختج
باجر لو تلكم الأخو مع أخته وما في دليل تنقلب عليكم السالفة
وما شاء الله ردود البنات وضحت لج قصدي
محد يتقبل النصيحة بسرعة
وحتى النصيحة لها اسلوب
كان الأفضل تكلمين البنت
ولو إنها ما انتهت عن هالعلاقة المحرمة
بعدين تلجأين للأخ لأن سلطته تنوب عن سلطة الأب ... خصوصاً كونها يتيمة
وإنتي كتبتي موضوع وكنتي طالبه راي البنات
فكان مفروض تتوقعين كل الآراء راح تمر عليج وإنج راح تسمعين كلام يسرج وكلام يضرج
فلازم يكون عندج سعة صدر وتقبل للرأي الاخر وإن خالفج في التفكير

وهذا رايي تقبلوا مروري

 

[سحرالغرام]

السلام عليكم

خواتي ...يمكن انا ما اشارك وايد هني بس حبيت اقول لكم رايي بالمشكلة هذي

الشرع يقول واعيد واقول لكم الشرع يقول اذا شاف احد شي على اي شخص لازم يكون بشهود بالنسبه للحريم تكون بشهادة اربع حريم مجتمعات او رجلين من الناس الثقه

واسمحي لي انتي واختج تكلمتوا من غير اي دليل او شي تستندون عليه مجرد مسج بس

خواتي انا اعرف بنات تسب وتدعي على زوجها عند الحريم وانه في بلاوي الدنيا ... بس على الرغم من هذا تموت في زوجها وتحبه

وازيدكم يخزنون اسم الزوج يا قلبي يا حبيبي

يمكن هي من النوع هذا لا تظلمون البنت ..دام ما شفتوا شي بعينكم لا تتكلمون ..ولا تصيرون انتوا والزمن واذا ربج ستر عليها وما فضحها تروحون انتوا تكلمون اخوها

الله يستر عليها وعليكم وعلى بنات المسلمين جمعيا اللهم امين

 

[عيون ظبيانية]

ونا بعد رايي لو كنتوا كلمتوها ونصحتوها دايركت بدون لا يتدخل أخوها
جان البنية راجعت نفسها حتى لو أنكرت جدامكم

وانتوا بتكونون سويتوا اللي عليكم "النصيحة بالحسنى"