قولوا لي رايكم في هالسالفة

[**بحرينية عسل**]

الغريب اكثر حضورج اختي

بس الله بيعطيكم على نيتكم انشالله وبتشوفونها عن قريب
وهالجملة معناتها دعوة علي
والله عالم بنيتني بس
انتي قصج انه الله يفضحنا صح؟؟
انتي ضنيتي فيني ظن سوء
واني مو مسامحتنج
لا دنيا ولا اخرة
لانة هالدعوة شي موسهل
والله عالم اني اعرف ربي
يعني لو بفضح انسانة الله بيفضحني في يوم من الايام
لكن الدعوة هذه تنرد عليج
ويوم الي الله ياخذ حقي منج تذكري دعوتي عليج

 

[أسيرة_أحزاني]

قلنا نبي راي بصراحة مو وقاحة
بصراحة انتي وايد وقحة واعتقد انج من هالاشكال
وبعد قليلة ادب ماتعرف تردين بادب
مبين واضح من كلامج

حتى انتي كلامج على البنت راح ينرد عليج !!!

 

[kuwaitya_zoGaa]

حبيبتى انتى دامج ماشفتى شى بعينج @@ مايحق لج انج تفرضين الشى ...
لانه اذا طلعت البنت بريئة راح تنقلب السالفه عليج وانتى اللى بطلعين بالشينه ...
انا من رايي انج تتركين السالفه (( دع الخلق للخالق )) .
ومالج شغل فيها اهيا من بيئة ومن بيت مختلف ... ماتشوف شر .

 

[**بحرينية عسل**]

شوفي يا بنت الناس!!
انا قلت رايي لا اكثر و لا اقل
و انتي بعد ما تعرفيني عدل عشان تقولين عني وقحه و مو متربيه! الحمدلله انا متربيه و اسلوبي راقي انا ما غلطت عليج
انا قلت رايي استنادا على كلامج
و فعلا ماكو فرق بين الصراحه و الوقاحه الا شعره بس الشاطر يفرق!
و انتي ما قريتي كلامي عدل و ما علقتي الا على الفضيحه!! هذا دليل على انج تنقين الكلام و ما تقرين الكلام كله!
كيفج
انتي الظاهر تبين احد يجاملج

فعلا اني مااعرفش بس من كلامش يبين
وطبعا بعلق على الفضيحة لانج تهمتيني انه واختي انه احنا ندور على الفضايح
والحمد الله احنا مو جذي
كل الي قلتي في ردج وماغلطي علي!!!
ماادري شنو الغلط في نضرش
اذا اكبر من جذي
تكون مصيبة

 

[ba6a 7elwa]

قلنا نبي راي بصراحة مو وقاحة
بصراحة انتي وايد وقحة واعتقد انج من هالاشكال
وبعد قليلة ادب ماتعرف تردين بادب
مبين واضح من كلامج
وفي عدنا مثل في البحرين يقول كل من يرا الناس بعين طبعة
والحمد الله رب العالمين
احنا ماندور فضايح حق احد لو نبي نفضحها اكيد بنعرف اشلون
ياريت بنات الي بترد او بقراء تفهم عدل
والي ماتفهم ياريت ماترد

فعلا اني مااعرفش بس من كلامش يبين
وطبعا بعلق على الفضيحة لانج تهمتيني انه واختي انه احنا ندور على الفضايح
والحمد الله احنا مو جذي
كل الي قلتي في ردج وماغلطي علي!!!
ماادري شنو الغلط في نضرش
اذا اكبر من جذي
تكون مصيبة

راجعي كلامي بتشوفين اني ما اهنتج و لا ابي اغلط عليج ولا اهيينج!!
لان انا رااقيه باسلوبي و متربيه و انسانه عااقله و اوزن الكلمه قبل لا اقطها!

اي حبيبتي انا للاسف اعرف كلام اقوى من جذي بس انا محترمه و مؤدبه و الدلييل اهاناتج و انا ما رديت على قلة ادبج كل اللي قلته كان مجرد نقاش بالرااي و انتي مو عاجبج

ما اقوول الا الله يهديج ان شاء الله
الظاهر انتي وايد حساسه و ضغطج مرتفع الحين
هدي و راجعي كلامج​

 

[Bent Ameer]

بصراحه برد حرتي فيج اخوها

وانتي شكو تتدخلين

ترى من ستر على مسلم ستر الله عليه يوم القيامه

ليش علمتيه ؟؟ تبينه يذبحها ؟ يدفنها؟

مو كافي لا اهل ولا عزوة ولا زوج

انتي والزمن عليها ,,,

ترى انتي ماسويتي فيها خير لا والله بغيتي تخربين بيتها وسمعتها وان شاء الله انها تكون مظلومه والله اخذ حقها منج انتي

واختج

واذا هي فعلا عندها شي الله قادر يهديها ويستر عليها وتتوب وربها بيحاسبها

ماقول الا الله يكملج بعقلج انتي واختج اللي تعبانه نفسيتها عشان ماسوى للبنيه شي

 

[Bent Ameer]

[وعلمتوني شي
هو اني اعرفة من قبل
بس الحين تاكدت منه
الواحد الي يشوف اي شي غلط المفروض يسكت احسن
ولا يقول بسوي
خير لانة مافي احد في هالدنيا يستاهل انه يصير فية خير[/quote]


ياليتج ساكته والله يقلبي جان سويتي خير بهاليتيمه
انا ماقهرني كثر ماتقولين مسويه خير
وين الخير علميني ؟
انج تفضحين البنت عند اخوها
لاتقولين رجال متفهم ومتفتح
الاخو وغيرة الاخو نار ماتعرف التفتح ياحبيبتي
واذا هذا الخير بنظرج ياليت تحتفظين فيه ولا تعطينه الناس

 

[فديت عيالي]

:aha:

 

[فديت عيالي]

حبيبتي رأيي بكل صراحه

انتي غلطتي لمن قلتي لاخوها

ليش مانصحتيها هي

انا ماقول اللي سوته صح

بس انتي بنفسج قلتي زوجها يتزوج ويطلق

زوجها يعذب الوحده لين هي تطلب الطلاق

كفايه اللي فيها بعد تزيدينها

انتي قلتي لو تطلقت ماعندها حد تروح له

انتي والزمن عليها

هي انثى لها شعورها الانثوي

لقت بهذا الشي منفذ لها تعبر عن فيه عن شعورها

تبغي حد يهتم فيها

وخصوصا ان عندها زوج لكن للأسف مب معطها فرصه تعبر عن شعورها كأنثى

هي مب راهبه ولا قسيسه

اعرف ان اللي سوووووووووووووووته غللللط واكبر غلط

لكن عقلها صغير ومب كل الناس عقولهم كبيره ولا كل الناس يتصرفون بهذي الحاله بالتصرف الصحيح





ليش مافكرتي تنصحينها شوي شوي

فبي البدايه بتنكر وبتنكر

لكن مردها بتقولج لوحست انج بالفعل تبغين تنصحينها

البنت بكبرها مشكله ليش مافكرتي انج تاخذين اجر فيها وتدلينها على الطريق الصحيح

الانسان ترى يقدر يحل مشاكل الناس بس لمن يجي الامر عند احد يخصه مايقدر يسوي شي

انا اقصد بكلامي اخوها

شفتي لمن قلتي له ماعرف شنو يسوي

ترى ممكن الواحد ممكن ينادي بشعارات

لكن لمن تكون المشكله تمسه ممكن ينسى كل شي

وممكن يتصرف معها بتصرف عكس اللي يقوله للناس

هذا كل اللي اقدر اقوله الحين

 

[om_7amny 85]

انتى ما عرفتى تتصرفين تصرفج كان قصدج فى انج بتساعدينها
بس للاسف انج فضحتيها بدال لا تساعدينها
و أحرجتو اخوها جدامكم يمكن حتى لو ان فى غيره و محتر ما تطلع من الاحراج و قلب السالفه عليكم
بعدين أسلوبج وايد دفاشه مع البنات
ترى موضوعج شوي ينرفز و البنات كانو صريحين معاج فما ادري ليش ردودج فيها اهانه و غلط على البنات
و ياريت موضوعج يتصكر لان أصلن ماله داعي
ولان اسلوبج بايخ مع البنات

 

[nhr-36shan]

مع احترامي لج انتي جنج تدورين الشاره عليها
يعني انتي الحين عبالج مسويه فيها معروف والا حاله المشكله انتي بتحلين الغلط بغلط؟؟؟
الله امر بالستر
اقتداء بالرسول صلى الله عليه وسلم الذي يقول: (المسلم أخو المسلم لا يظلمه ولا يسلمه ومن كان في حاجة أخيه كان الله في حاجته ومن فرّج عن مسلم كربة فرج الله عنه كربة من كربات يوم القيامة ومن ستر مسلما ستره الله يوم القيامة)

 

[سارونات]

بسم الله الرحمن الرحيم
الحمد الله رب العالمين
اللهم صل على محمد وآل محمد

شخباركم كويتيات
اليوم صارت لي سالفة
وحبيت اخذ رايكم فيها

في وحدة من اهلي متزوجة صار لها فترة
بس علاقتها بزوجها كلش ماتحبة
لانة هو يتزوج ويطلق واجد
والي يتزوجها يحول يطلع عيونها علشان هي تطلب الطلاق
بس قريبتي ماعندها مكان تروح له لانها يتيمة وماااتوقع اخوانها بيقبلون انها تعيش معاهم
وهي ساكتة ومتحملة وهو مايقعد عندها واجد لناة متزوج وحدة ثانية

المهم هذه قريبتي شكيت فيها من فترة انه تعرف واحد غير زوجهااا
لكن ماحبيت احط في ذمتي
الين مافي يوم من الايام طرشت لي مسج بالغلط
مو غزل كلام عادي بس كاتبة لة(( حبيبي اني في بيت فلانة وقاعدة اطالع التلفزيون))
اني على طول شكتين لانه العلاقة بينها وبين زوجها مستحيل تطرش لة مسج مكتوب فية حبيبي
لانة لدرجة انها اذا تجي البيت دائما تتكلم عنه وتدعلي عليه بعد
عاد اني رديت طرشت لها المسج علشان تعرف اني عرفت
ولما مرة فترة وشفتها وسالنها قالت اي بغيت اطرشة لزوجي وبالغطل تطرش حق الي عندي في التلفون كلهم
المهم ماحطيت في بالي وقلت مااقدر اسوي شي اخاف تصير مشاكل واني ماعندي دليل عليها حتى ماتجرات اني اكلمها خف تصير مشاكل
على هالسالفة مرة تقريبا سنة وشي
وهذه قريبتي كانت البارحة نايمة في بيت اهلي مع اختي
واختي شكت فيها بعد عن سالفة مسجات
تقول الى اختي اشلون اطرش مسج حلوو حق صديقتي اقول لها اني مو في البيت
اختي تقول لها بطريقة حلوة يعني غزل!!
لو بطرش لزوجي بقول له حبيبتي بعد عمري اني مو في البيت
الهم اختي شكت
واني الله يعلم ماقلت لها عن السالفة القبلية خليتها بيني وبين ربي ماحبيت افضحهااا
واليوم اختي تقول لي شكلها فلانة تعرف واحد
قلت لها ادري
عاد قعدنا نتناقش واتفقنا انه نقول الى اخوهااا
وترى لحد يستغرب هذلين قرايبنا واجد بس مو حابة اذكر مين
اتصلت فيه اختي وقالت لة اني واختي نبيك في موضوع مهم تعال البيت بروحك محد وياك قال اوكي

وبعد ماجة تكلمنه معاه وياريت ماتكلمنه معاه
في ذمتكم لو اي شخص فيه غيرة على عرضة وشرفة لانها تكون اخته وعرضها عرضة وشرفها شرفة
اي واحد في مكان المفروض يخاف على اخته ويقول اني بشوف السالفة ولازم نلحق عليها
توقوعوا ويش قال؟؟
يقول هذا مو دليل يمكن تكون صج صديقتهاا
وساعات يقول ويش تبوني اسوي
وساعات يقول هي كبيرة وهذا الشي بينها وبين ربها
وبعدين قلت له طيب اخذ تلفونها وشوف اكيد لو هي فعلا تعرف بيكون فيه دليل
قال اوكي
الحين قومي انروح بيت عمك((اخو ابوي)) يصيرون جيرانة
وصار لي فترة مااروح هناك لانة صايرة مشاكل بينا
المهم قلت له اني ماروح هناك
يقول لي
اي شوفي روحج تعيبني على فلانة انتي بعد فيج عيوب
غير السالفة وانقلب علي
يقول لي عدلي روحج اول بعدين تكلمي على الناس
اني ظليت ساكتة ولا رديت علية
وقللت له مسامحة اني تكلمت على اخت
وقلت الي بيصير فيها خلة يصير
اني برات ذمتي قدام ربي لو صار شي لها لاقدر الله
يكون هو عنده علم لا بكرة يجي يقول ماقلنا له
وقلت الى اختي في هالزمن مافي احد يستاهل يسوون فيه خير
ويش رايكم خواتي في هالسالفة
اختي تعبانة نفسيا لانة ماكانت متوقعة ردت فعله بتكون جذي
اني حسيت انه مايبي يدخل في السالفة:eh_s(2):

بذمتج هذا تصرف مره عاقل !!! الحين المره دزلتج بالغلط مسج مكتوب فيه (( حبيبي)) قومتي عليهاا القيامه وطعنتي بشرفهاا !! انزين ليش تفكيرج مايكون ايجابي ليش مافكرتي وقلتي حق نفسج انه المراه متصالحه مع ريلهاا وتبي رتراضيه مثلا ولا عشاان حبيتي تسووين شوويه اكشن وتزييدن بهاررات من عندج خليتي البنت انسانه منحله :eh_s لا والحين(10): يعني بترقعينهاا تروحين وتكلمين اخوهاا يحلليج والله بس تدرين زين سوه فيج لما بهدلج وقلب السالفه علييج صج انه رياااااااااااااااااال : )

 

[بحرينية محرقية]

حبيبتي غلط اللي سويتيه انج قلتي لاخوها
ممكن تكلمينها شخصيا بشكل ودي وتتقربين منها اكثر واطمنينها بطريقتج عشان ترتاحلج وتقولج
اذا فعلا تعرف شخص او لا وتنصحينها بدورج وانج خايفة عليها وعلى سمعتها
مهما كان فعلا اخوها لكن ما بيرضى يسمع شي عن اخته دايما الريال يكون غيييير مع خواته
وخصوصا انها متزوجة ,,لو لا سمح الله هالسالفة صارت لج احد شاف عليج شي او شك بتصرفاتج وراح قال لاخوج بدون ما يواجهج
بالموضوع اكيد راح تحقدين على البنت انها ليش ما يات قالت لج قبل لا تقول لاخوج او حتى اختج
ما تدرين يمكن بتصرفكم ذي بيخلي البنت تاخذ حذرها اكثر وبدل ما تصلحون حالها يندمر زيادة
دايما هالامور تكون بالمواجهة وبالنقاش والاخذ والعطا لكن على طول اخوها مو حلوة لكم ولا لاخوها..
لكم.. ان البنت بتاخذ منكم موقف وانكم فشيتو سرها جدامه
ولاخوها.. انه تفشل منكم وانحرج ان انتو اللي قلتوله يمكن اهون عليه ان هو يكشف امرها ولا ان احد يقوله..

وهدو الموضوع يا بنات ولا تنسين حبوبة انج قلتي تبين راينا لازم تتقبلين الاراء بصدر رحب حتى لو ما عجبج..

 

[يالبا قلبي]

من صجج قلتوا حق اخوها @@

تصرفكم غلللللللللللللللللللللللللط .. اصلا ما عندكم دليل بس مجرد افتراض

اختي اعتبرها سذاجه بصراحه

 

[هيبة ملك]

حرام عليج

أولا هالأمر مايخصج ولو تبين النصح كان نصحتيها بينج وبينها

لكن تدخلين فيها رجال حرام عليج والله

أنت غلطتي بحسن نية أو غير حسن نية

غلطانه

غلطانه

غلطانه

وبعدين شدراج عشان مسج؟

يمكن بالغلط كتبت لزوجها حبيبي حرام يعني

شوفي

لإقامة الحد مطلوب شاهدين ويشوفون الجريمة بعيونهم واقعه

مو شك وظن

ومسجات

الله يهديج بس

ويستر عليها

لاخرب بيتها راح تندمين طول عمرج

ولها حوبة ترى

 

[هيبة ملك]

أختي

يقولون

من شق ستار الناس شقوا ستارة

خلي هالعبارة جدام عيونج

 

[هيبة ملك]

من صجج قلتوا حق اخوها @@

تصرفكم غلللللللللللللللللللللللللط .. اصلا ما عندكم دليل بس مجرد افتراض

اختي اعتبرها سذاجه بصراحه

أختي

حتى لو عندها دليل مالها شغل

وجان نصحتها بينها وبينها

مو تروح للرجال

 

[هيبة ملك]

:d بذمتج هذا تصرف مره عاقل !!! الحين المره دزلتج بالغلط مسج مكتوب فيه (( حبيبي)) قومتي عليهاا القيامه وطعنتي بشرفهاا !! انزين ليش تفكيرج مايكون ايجابي ليش مافكرتي وقلتي حق نفسج انه المراه متصالحه مع ريلهاا وتبي رتراضيه مثلا ولا عشاان حبيتي تسووين شوويه اكشن وتزييدن بهاررات من عندج خليتي البنت انسانه منحله :eh_s لا والحين(10): يعني بترقعينهاا تروحين وتكلمين اخوهاا يحلليج والله بس تدرين زين سوه فيج لما بهدلج وقلب السالفه علييج صج انه رياااااااااااااااااال : ):d

اي والله صاجة

لا وباقي عقاب ربي

 

[يالبا قلبي]

أختي

حتى لو عندها دليل مالها شغل

وجان نصحتها بينها وبينها

مو تروح للرجال

اي حبوبه انا قتلها تصرفها غلط شكو تقول لاخوها
اصلا حتى دليل ماعندها يعني ماكو شي يشفع لها او يرقع موقفها بالمره عرفتي

 

[ba6a 7elwa]

انا اشوف وايد بنات رايهم من راايي!!
بحرينيه عسل
انا لما قلت رايي ما كان قصدي لا اتهمج و لا اتهم اختج
بس عشان تتاكدين أن كلامي عدل و ما فيه شي غلط شوفي ردوود البنات

بس بصراحه
اسلووبج وايد ضاايقني
الله يسامحج و يهديج ان شاء الله