قولوا الله يشافيني انا حدي مريضه

[غزلان كويت]

بنات الم موطبيعي
راسي راح ينفجر
وريولي حراره خياليه
وصدري متورم وعندي الاحلمه يابسه واااااااايد
وما ادري شلي صاير صارلي على هل حال تقريبا شهر وانا اوسوس واقول لا ما فيني شي بس الحين بزياده صدري شي يفوق الوصف
وحتى ريلي لاحظ علي هل شي و بعض المرات تييني حكه اللي ودي انتف صدري ...............
رحة المستوصف اوصفت لي كريم مرطب للصدر وعطتني بندول وآدول (( ماعندهم غيره
ولا عرفت شنو فيني ودايم ابجي من عوار راسي ولا اتحمل احد يقولي دني وراج
شنو تشورون علي اسوي \ منو صار لها مثلي
والله يا خواتي من كثر عوار راسي دايم رابطته وانا قاعده والا نايمه وجدتي قالت لي حطي دهن او حنه علشان تمص الهوى اللي في راسج والدهن يلين فروة الراس ولا اكوا فايده
الحمد لله والشكر
ادعولي ربي يرزقني بالذريه الصالحه

 

[bnt_kwt]

الله يشافيج
وللاسف ما اقدر افيدج بشي
بس روحي سوي اشعه مقطعيه عالراس
وتحليل شامل
عشان تتطمنين على روحج

 

[TeAcHeR_BeZaRiN]

حبيبتي لله يعينج ويشافيج

حبيبتي روحي سوي تحليل حمل !!

 

[Cacawa]

الله يشافيج انشالله
روحي سوي تحاليل شاملة وشوفي اشفيج

 

[النبع الصافي]

جاتني هالحاله بس انا معاي الغدة الدرقيه خاملة !!

والله يشافيج وماتشوفين شر

 

[الفنانه79]

الله يشفيج

بس رووووووووووحي حللي انا صار معاي عواااااااااار صدري وراسي بينفجر شي خياااااااااااالي

ورحت حللت ولا انا حامل (بس ماالله كتب انه يكمل )

 

[Suki_Candy]

عسى اللله يبشرج بالخير
ويقومج بسلامه ياربي

تحياتي

 

[كندوش]

ماتشوفين شر

 

[.. مـــلاكـ ..]

الله يشافيج

ويرزقج بالذرية الصالحة وكل محروم امين ..

 

[جنتي^و^ناري]

إن شاء الله ماكو إلا الخير

والله يشافيج وطمنينا روحي راجعي مكان ثاني

 

[$غــ(ز)ــل$]

الله يشفيج يارب
مثل مااقالوا البنات سوي تحاليل

 

[كويتية84]

الله شافيج ولازم تسوين تحليل هرمون الحليب واشعة أم راي للراس ...
انا نفسج بضبط تمر بهالحالة ...
والله يعينج الالم ما يتحمل ....
اسأل الله العظيم ان يشافينة انا وياج.....

 

[Dloool_q8]

الله يشافيج

 

[Swan]

اختي جيكي على هرمون الحليب
يمكن حيل مرتفع .. بس ان شاء الله مافيج الا العافية
والله يشافيج يارب

 

[بقايا الليل]

ان شاء الله ما فيج الا العافيه حللي تحليل دم لان عوار الراس والدوخه اكثر اسبابها فقر الدم

 

[Hello_kitty]

الله يشافيج ويعافيج

لا باس عليـــــــــــج ان شاالله

حللي وطمنينا يارب تكوونين حامل

 

[فوفه]

ما تشوفين شر

 

[أمونة الحلوة]

ماتشوفين شر ان شاء الله
ربي يشفيج ان شاء الله

 

[زنوبة الحلوة]

الله يشفيج انشالله

ولازم تروحين تحللين انشالله تكونين حامل يارب

او يمكن هرمونات

كل شي يبين بالتحاليل

والله يوفقج انشالله

ويرزقج بالذرية الصالحة اللهم امين

 

[um-naser]

انشاءالله تبشرينا انج حامل يارب
ويشافيج ويخفف عنج آمين