قمه بالتناقض (( شهاده بنتي ))

[om al ghaleen]

السلام عليكمٌ


بنات انا اخر مره رحت لأجتماع الامهات وسألت عنها الابلات كلهم يقولون لي البنت مؤدبه وهاديه

وبالاخص مس الانجليزي قلت لها شلوون بنتي ولاتقولي لا عاد هذي غير شاطره وحبوبه وخطها مثالي ! بس ميزتها هاديه وايد ماتتفاعل مع البنات

قلت عادي لانها خجووله ولااسألها ابله يعني درجاتها زينه ولاتقولي ايه وخلتني اشوف اورقاها والحمدالله كل شي تمام "

ولمن اليوم يابت الشهاده ولاحاطه لها مقبول والمشكله في امتحاناتها كلهم يايبه 29 \ 35<< ميخالف جيد




شهادتها مااشاء الله




امبيييييه احس انه الابله مالها كلمه وطاحت من عيوني يمي تمدحها ومن واري تحط لها مقبوول " جان قالت لي مستواها مو زين او شدي عليها :eh_s(1):

على الاقل تحط لها جيد كل يوم معطيتها 8 اوراق واجب تحل واعليا ينهد حيلها تقدر واجبتها :0bee2e8d89:

هذا غير اللوحات التعلميه اللي اودي لها

شي يحز بالخاطر !!


انتوا شرايكمٌ نتيجتها مقبووله ولا في شي غلط ؟ وعادي تاخذ مقبول بأولى ابتدائي اهئئ << حدي مندقره تحملوني

 

[انا كويتية]

روحي المدرسة وناقشيهم البنات هني شنو بيسوون لج .... ولا تحترين الحق معاج ولازم تكونين قوية .... الصراحة حرام اللي سوته المدرسة

 

[om al ghaleen]

مادري يمكن نتيجه الامتحان اثرت عليها

انا ماعندي خبره بدرجات

ومشكوووره على تواجدج

 

[السنعة2]

راجعيها مره ثانيه يمكن غلطانه

 

[om al ghaleen]

يوم الاحد فيه اجتماع امهات " بس تتوقعون بتغير النتيجه مافيه امل اصلا للمناقشه
بتسكتني بجم كلمه وبتقولي اعوضها الشهر الياي
ومشكووره السنعه منوره

 

[ساندي-بيل]

حبيبتي انت روحي وتاكدي احسن لج واخذي الشهاده وياج خليها تشوفها وناقشيها عن مستوى بنتج لانها اسم الله عليها درجاتها حلوه

 

[q879]

بنتج اي صف

 

[om al ghaleen]

ساندي هذا اللي قاهرني انه درجاتها كلها حلوه ماعدا الانجليزي اللي كل يوم معااناه معاها على ماتكتب الواجب

ومشكووره حبيبتي منوره

\

 

[om al ghaleen]

كويت " بأولى ابتدائي

 

[أم عبووووود]

حبيبتي الله يعينج انا ناطرة شهادة بنتي على نار والله يستر من تقدير الابلات وانا اول سنة عيالي بالحكومة بس اتوقع درجتها اللي 29 من 35 زينة يمكن جيدجدا بعد مو جيد يمكن تكون غلطانة راجعيها ولا تستعيلين وان شاء الله خير وقولي لنا شيصير معاج

الله يبرد قلبج ان شاء الله

 

[أم عبووووود]

حبيبتي الله يعينج انا ناطرة شهادة بنتي على نار والله يستر من تقدير الابلات وانا اول سنة عيالي بالحكومة بس اتوقع درجتها اللي 29 من 35 زينة يمكن جيدجدا بعد مو جيد يمكن تكون غلطانة راجعيها ولا تستعيلين وان شاء الله خير وقولي لنا شيصير معاج

الله يبرد قلبج ان شاء الله

 

[om al ghaleen]

ان شاء الله حببيتي نتايج عيالج امتياز مع مرتبه الشرف

ومنتظره يوم الاحد الله يصبرني

 

[رفرف]

راجعيها يمكن غلط بالجمع او رصد الدرجات ..

او يمكن غايبة عن مهارة كاملة او مو مقيمتها عليها الابلة .. مع اني اشوف شهادتها ماشالله مافيها غياب ..
انتي روحي وتأكدي احسن

 

[أمانيQ8]

ههههههههههههههههههههههههههههههه ضحكتيني احن لي الحين مايابوا الشهادات ... الاحد انشالله بس لعلمج هالسالفه صارت العام ومت من القهر رحت حق الابله قلت لها بنت الحلال البنت يايبه درجات كامله بالامتحانات شفتهم بعيني قالت لا مو بس الامتحانات بنتج بالشفوي ضعيفه كله قاعده ساكته قلت لها حتى لو ... يا اختي جيكي مسحيل مقبول!!
المهم رحت البيت وقتها الخميس كان الاحد داقين علي راجعي الاداره ولا اهي الابله تعتذر وتقول غلطه مطبعيه بس بالدفتر عندي حاطه لها المشاركه جيد جدا !!عااادي يت على هذي
المهم مبروك عالنجاح

 

[أمانيQ8]

ونسيت اقولج ..
عشان اتعرفين انهم اي شي حتى بالشهادات .. العام بعد بنتي تلبس لبس العاب تخيس من الحر ومايلعبونهم ليش؟؟ والا الله يسلمج صالة الألعاب قاعدين يرممونها المهم والله اني ماجذبت عليج طول فترة الدراسه ما العبوا ولا مره حلو؟؟؟
واخرتها قامت تقول الابله لا تلبسون اللبس لايضايقكم لان ماكو لعب
الزبده يابت الشهاده البنت
وقعدت اقرا الملف الانجازي وشفت التربيه البدنيه قلت بعرف شلون بيحطون درجات!!؟؟؟
تدرين شنو حاطه
ممتاز /التفاصيل /التلميذه ضعيفه بالدحرجه الأماميه لوووووووووووووووووووووووول وجيده بالمادري شنو والله ضحكت قلت اذا ما العبو ولا مره اشلون ومتى سووا دحرجه اماميه وظلت هالعباره مكرره لين عطلنا لوووول اشرايج

 

[ضحـاوي]

اذا امتحاناتها زينه معناه الابله غلطانه بالرصد

يوم الاحد راح تعرفين كل شي ان شالله من دفتر المتابعه الخاص في الابله

 

[om al ghaleen]

رفرف بنتي مسكينه مااغيبها حتى لو تكون تعبانه اقولها علشان لاتطوفج دروووس
وماتصدقين لما اقعد ادرسها تجاوب صح يعني مو معقوله لما الابله تسألها تقولها مااعرف ؟
حدي مومصدقه كل شوي اطل بشهادته وان شاء الله فيه شي غلط
مشكووره حبيبتي ع التواجد

 

[om al ghaleen]

أماني " والله انا مو حابه مدرستهم ابد لانها نموذجيه وللشطار بس وحاطين بنتي بصف 1\ 5
حق البنات اللي شووي استيعابهم ضعيف ولما قلت حق الاخصائيه ليش حاطين بنتهم معاهم ولاتقولي بس الصفوف كلها ملياانه
ومانقدر نغير ويمها بنت واايد شيطانه بس ترفس فيها ومارحت تكلمت لانها يااهل
وبالنسبه للألعاب لاتعليق بنتي يضيق خلقها لاصار عليهم تقولي ماما مااعرف اسكر الحزام " والابله بس تصرخ علينا
استغفر الله يعاملونهم جنهم بالجامعه :0bee2e8d89:
ومشكووره حبيبتي منوره بتوواجدج

 

[om al ghaleen]

ضحااوي ان شاء الله ياارب يكون فيه غلط ومشكووره حببيتي ع التواجد

 

[هوى الدار]

تبين نصيحتى روحي كلمي الابله اذا ما اقنعج ردها روحي للوكيله خل تنادي المشرفه وتفاهمي معاها

شنو على طول تقولج زينه وشاطره وبالاخير مقبول ؟؟ انا لو منج والله ما اطوف الموضوع غير ان درجات بنتج زينه ما توصل للمقبول ؟؟؟؟؟؟؟؟؟؟