قمصان للسفر

[meme_alq8]

احلى شي لسفر الخامات الي ماتعفس بسرعه تكون اقطان وخفيف
مانغو
وزارا
وترينق من مورغن حلو شغله بعد

 

[سموي ملكي]

تصدقون انا محتاره لان اول صيف اسافر مع زوجي

مع اهلي قبل كنت البس اللي بخاطري بس زوجي الحين عنده ضوابط ولي حدود انا بالكويت البس عبايه بس بالسفر ودي اكشخ

واللبس اللي يعجبني مايعجب زوجي وااله محتاره

 

[حلوى كويتيه]

بنات زارا اليوم مسوين تنزيلات لا يطوفكم

 

[إستبرق]

والله انا افر افر واخرتي من ريفا ولا جويز لان شغلاتهم حلوه وناعمه

 

[د.شريفة]

روحي مجمع النقرة الجنوبي والله عندهم شغلات حلوه

 

[white**angel]

بالسفر احلى شي الجينزات والتونزات الطوال ملوت زارا بس
ذاك اليوم كنت رايحه العدساني جنزاتهم اتيننن وعندهم نفس تونزات زارا واحلى بعد والوانهم حدها تشوق
وارخص من زارا وبريشكا

 

[MissChoco]

السلام عليكم



شوفي حياااتي انا قمصان السفر اخذ قمصاني ملوت الدوام الي وايد اكرفهم وعمليين واشتري جم قميص فوقهم

مثلا كاردقان بارد وعملي واقدر اخليه ذرب, احط كروشيه عليه .. ولا احط شارب

وبعد القمصان الاقطان ملوت ريفا واكسجين وشريتلي جم واحد منهم بعد لانهم راقين وعمليين بعد ..


وبعد رحت خييطتلي جم واحد احب الخيااط ,,وبــــس

 

[MissChoco]

ونسيت بعد كارديقان ملوت ديربي حيل حلوين .. وملوت زارا بعد


وعندج بناطيل ماركس اند اسبنسر خفاف الجينز, خذيت اثنين

وشريتلي ليقنز اسود لانه عندي كذا قميص طويل وااايد ,, وبنطلون جينز اسود





والجواتي وانتي بكرامه خذيت فلات وصنادل لاني رايحه لبنان وكله بالقهاوي بنقعد



اما لمن رحت اوروبا خذيتلي جوتيين رياضي لاسمح الله واحد ينقطع عندي الثاني وخذيت فلاتين لانه رحنا زلمسي ومثل طريقة لبنان نقعد قهاوي وجذي وصج فادوني

 

[أم عزيـز]

اكسجين في منه فرع بالنفرة الجنوبي والشمالي والمهلب والعربيد وسوق شرق

تسلمين بعد عمري ما تقصرين عاد انا بروح الجنوبي باجر العصر
في محل هناك اسمه الخميس عنده فقمصان على 5 بارده وقصتها وايد حلوه باخذ لي ابيض وجم توينز ملون فوقه الوان الصيف
مثل الفستقي والوردي والاحمر وهم بشوف اوكسجين

لأني رحت زارا اللي بالأفنيوز ومالقيت توينزات صيفيه !!! كلها شتويه
بس يمكن القا في اللي بالمارينا

 

[Uccello]

بالسفر احسن شي اخذي قمصان عمليه و بدون خبه
و جنزات
ولا تسويين كل يوم بلبس قميص ولا ترا الجنطة ما راح اتشيل شي بالردة

 

[العهووود]

انا والله رحت اخذت من برمود ...قمصان طوال يهبلون والوانهم روعه الوان صيفيه فاتحه ...وزارا وبرشكا ....ورحت كويت ماجيك ولقيت بديات طوال حلوووووووووووه...على خمسه

 

[بنت الكويت90]

لله يعينكم

انا مريحه نفسي عباة كتف والله اريح واوفر

مع ان ودي البس نفسكم بس حكم القوي(زوجي) ههههههههههه

 

[حلوى كويتيه]

لله يعينكم

انا مريحه نفسي عباة كتف والله اريح واوفر

مع ان ودي البس نفسكم بس حكم القوي(زوجي) ههههههههههه

ليش ما تخيطين مانتوهات الوان ناعمه وتكون واسعه وذربه بنفس الوقة وتحتها ليقنز نفس اللون علشان الالعاب

 

[HERMITAGE]

بنات اي صوب محل ديربي ؟؟؟

 

[MissChoco]

حبيبتي ديربي موجود بسوق شرق فوق

 

[أم عزيـز]

توني راده من مجمع النقره الجنوبي ومن العدساني
بنات الجنوبي في محل اسمه الخميس اول ما تدخلين المجمع ثاني محل على طول
عنده قمصان طوال خامتهم بارده ونااااااااااعمه حيل على 5
صراحه خذيت لي 3 مريحين وباردين

وبعدين رحت العدساني هم قيت عنده توينزات قصار وطوال وخامتم بارده والوانهم وايد حلوه
خذيتي 3 توينزات لون فوشي وتركوازي وجويتي في شي على 6 وشي على 5
وهم عندهم جينزات حلوه بس انا شاريه من نيكست جينزات عشان جذي ما شريت

 

[HERMITAGE]

مشكووورهmiss choco

 

[الزرعونية]

هلا حبيباتي

أنا خذت كل شي من محل واحد وفكيت عمري

خذت 4 قمصان طوال وخذت عليهم جاكيتات لينن لأنهم كت وخذت بناطلين لينن نفس الوان الجاكيتات

بس والله روعة وخذت كل شي ب 2000 درهم

ترا انا من الشارجة :68_asmilies-com: (( رزة )) :s141:

والمحل هووو برومود

 

[الزرعونية]

انزين الحين بحط لكم صور الثياب

نبدأ

هذا هو القميص الاول، ومعاه بنطلون اسود وجاكيت اسود او ابيض (انا اشتريت الاثنين خخخخ)

القميص الثاني الوانه روعة وخذت معاه جاكيت رمادي وبنطلون بني

القميص الثالث واقدر البس عليه ابيض او رمادي

القميص الرابع ماحصلت صورته بس شبيه لهذا ولونه بنفسجي

والصور التالية هي الجاكيتات والبناطلين اللي بلبسهم على القمصان
وبالنسبه للجاكيتات ترى هي لينن وخفاف وايد ومب غلاظ
وانا اخليهن مفتوحات عشان اوسع واستر

عاد انا ما صدقت وخذت كل الالوان خخخخخخ

]

وحلاة الكولكشن اني اقدر ابدل في الالوان والبس هذا على هذا وتطلع كل يوم بدلة يديدة


وعقب هالخقة كلها كنسلنا السفر إلى لندن بسبب الانفلونزا الله يكفيكم شره !!!!
ويايين عندكم إن شاء الله الكويت

وإن شاء الله عجبتكم المشاركة


​

 

[remoo_007]

وااااي تهبل القمصان عجيبييييييييب وجياج الله تشرفينا حبيبتي