قمت ما البس حفاضة بنتى بالليل ماني عارفه كيف اعلمها واعودها ماتبول عالسرير وهي نايمة

[qazlaan]

مرحبا بنات انا عندي بنت الله يخليها لي عمرها سنتين و٩ شهور قاعده اعلمها هالايام ماتبول عالسرير بس ماني عارفه كيف اعلمها صح. وكم مره اوديها الحمام بالليل وبعد يابنات هل تأخرت على تعليمها دخول الحمام بالليل. علما طول اليوم ما البسها الحفاضة واذا بغت الحمام تقولي بس البسها وقت نومة العصر وبالليل . بنات بليز ساعدوني كيف اعلمها اسرع وقت.

 

[عبيرالحب]

انا بنتي عمرها خمس سنوات للحين ماعلمتها تترك الحفاظ بالليل
بحاول بهالصيف

 

[عنووشه]

تعليم الاطفال يبيله طولت بال


اهم شي قبل لا تنام بساعه جذي وقفي عنها السوائل عنها عشان ما تتعبين وياها طول الليل حمام


قوميها كل ساعه لين تتعود


والله يعطيج الصبر علي تعليمها

 

[faty87]

انا اقولك تجربتي ابني الحين حتى اتعلم النظافة بالليل واهو عمره 4 سنوات طولي بالك على بنتك
وانا اللي سويته اني ما شربه سوائل قبل ساعتين او اكثر من نومه واوديه الحمام قبل ما ينام
ولما يفيق اركض بيه عالحمام ويضل طول الليل ما يحب يقوم عالحمام وخلاص اتعود انه يكون نظيف بالليل
واهم شي التشجيع لما تفيق والبامبرز نظيفة الله يعينج يبغالها وقت وطولت بال

 

[ام الحلوااات]

امــنــعــــي عــنــهـــا الــســـوااائــــل قــبـــل نـــومــتــهـــا بــســااعــتـــيــن
وقــبــل الــنـــوم مــبــاشــره وديــهــا الــحــمــام
وبــعــدهـــابــســاعــه ونــص وديـــهـــل وعــيــدي الــكــره كــل ســاعـــه ونــص
لــيــن تــتــعــود انــج كــل شــووي تــصــحــيــهــا للــحـمــام ازززل اسبـوع
وبــعــد اســبـوعــيــن وديــهــا كــل ســاعــتــيــن ونــص
وبــعــد اســبــوعــيــن وديــهــا كـــل 3 ســاعــات
وشــــــــــووووي شـــــــــوووي بــتــلاقــيــهــا تــعــودت
وبـتـــلاقــي نــفــســك تــوديــنــهــا بـــس مــرتــيــن او ثــلاث طــــووول اللــيــل​

 

[ملاك ^ الحب]

انا بنتي عمرها 4 سنوات بالليل اقطع عنها السوائل واوديها الحمام قبل النوم

بس ساعات تبول

مشكلتها ماترضى وهيا نايمه اوديها الحمام تتعسر حاولت جم مره اشيلها اوديها تقعد تبجي وتطقني وماترضى تبول

مادري شسوي

قلت خلاص ماردها بتتعلم

 

[مواصله]

سبحان الله في جهال مايسوون شي وهم نايمين حتى لو عمرهم اشهر وفيه جهال وحتى كبار مايتحكمون بأنفسهم

يعني هالشئ مختلف حسب نوع بنتج من اي صنف

في الحالتين خففي عنها سوايل بالليل

وقبل النوم خليها تدخل حمام ..وكل 3ساعات قوميها تدخل الحمام