قمت بالسلامة

[بطوووطة$بيضة]

اكيد بتسبح بس خايفه من الكورسيه اشلون افصخه

بس ليش تضحكين اكيد صارلج موقف او شي

انا قلت باجر بروح صالون يغسلون شعري لان زنودي وايدي مشدودين حدهم

 

[$نرجس$]

الله يسهل امورج هااااا بطووطه
...هههههههههه فررفررر اكيييييد صار لهاا شي

 

[الفردان]

االحمدلله عالسلامه حبي
بغيت اسألج
نزين حقن المؤخره اشلون النتيجه
ويعور ولالا

وبجم بس المؤخره

لووووووول احنا مو عاجبنا شي

 

[بطوووطة$بيضة]

الفردان حبيبتي مافي عوار وايد بس المنطقه وارمة ومشدودة كلش مو امبين عندي

بس انتي علشان تحقنين دهونج لازم يشفطلج

انا عقب ماطلعت من المستشفى عطاني دهوني الزايدة قالي حق الرتوش

لان يقولون الدهون اتروح

 

[بطوووطة$بيضة]

بنات اطالع اردافي وايد الدكتور حاقني ووايد امعرضني اتهقون يخف؟!

 

[معصبه وايد]

مبروك والله يهنيج بالنتيجه بس ليش سويتي شفط ليش ماشديتي عقب الشفط عشان ماتمتنين مره ثانيه ؟؟ مو احسن والنتيجه تعجبج اكثر لان هذا الي بسوي انا يوم الاثنين بروح عند اشرف عبد القادر عنده مؤتمر والاثنين بيرد ادعولي بروح احدد العمليه واشوف متى موعدي والله يسهل بسوي شفط وشد للبطن والزنود وشفط للظهر مابي زوائد كلش ههههههههه وابي احقن الدهون بفخوذي واردافي واخيرا بسوي سيلكون للخلفيه

 

[بطوووطة$بيضة]

قالي الدكتور جسمج راح يشد تلقائي

 

[مرمر]

حبيبتي زنودج مترهله ولا بس سمينة وتشد ولا لا

الخلفية شلون بس قزهم بالدهون يعني مو جراحة

مشكورة حبيبتي

 

[بطوووطة$بيضة]

هلا حبيبتي بلى فيني ترهل بس قالي بحاول اعالج ترهلج النسبه راح اتكون ٤٠ بالميه

وبالنسبه حق الحقن اهوا حقني وانا بالعمليه وعطاني دهوني الباجي حق بعدين اذا بغيت

ورحت حق موعدي وطبعا قبل ما اروح تسبحت وغسلت الكورسيه ولبسته ورحت

دخلوني الغرفه ونزلو الكورسيه عن ظهري وزنودي شاف زنودي قالي زينين وشاف ظهري

وقالي ماراح يشيل الغرز الحين يوم السبت يشيلهم

وزنودي قالي ان لازم من باجر اتسوين مساج حقهم عندنا علشان يساوي الجلد

وباجر حطولي موعد علشان ابلش الجلسات

 

[غزلان-2]

مبروك مبروك مبروك

ودي اسويها ميته ابي اكبرها ماعندي ميييييييييييح

بس خايفه وانا من النوع ما اتحمل العوار
-------------------
بطوطه تكفين تكفين قوليلنا بالتفصيل اول مادشيت العمليه لمن خلصتي وصفي العوار
وشلون تحملتيه
قوليلنا اول باول

 

[غزلان-2]

نرجس
يصير احقن دهون بصدري؟
وشنو اضرار حقن دهون الجسم بالصدر ؟

 

[بطوووطة$بيضة]

هلا حبيبتي غزلان الله يسلمج

رحت المستشفى الساعه ٨ الصبح ابروحي دخلوني الغرفه وفصخوني ولبست لبس العمليات

وركبولي مال الدرب بعدين دش عندي الدكتور خطط علئ جسمي خطط زندي وبطني وظهري والحجية

بعدين قالي عمليتج راح اطول ٣ ساعات وفوق

وبعدين صارت الساعه ٩ يت الممرضه ويابت فراش العمليات قالتلي انسدحي

انسدحت جان اطلع ابره وقزتها بالادرب

قتلها مال شنو هذا جان اتقولي علشان اتصيرين ريلاكس

بس قزتني جان اسكت انجعمت وطلعوني من الغرفه حسيت ان عيوني اتغمض واتفتح

ليما وصلت العمليات كنت مغمضه فتحت عيني ولا يمي دكتور التخدير واقف على راسي جان يقولي عاوزة تنامي بس خزيته جان افخ ههههه



طبعا عقب ما اسمع اللي فلبيني يحوس فوق راسي يقعدني وانا فتحت عيني وخزيته مالي خلق بنام ويقولي مدام بطووطة ويك اب خلص عمليه

ودوني غرفتي كنت ميته ميته من البرد قتلهم لحفوني وطبعا عوار زنودي شي فضيع ظهري عوار خفيف بطني خفيف بس زنودي شي مو طبيعي


حطولي درب مسكن الم لما خلص نصه نمت وطبعا افتح واغمض نمت شوي قعدت المغرب ماكنت احس ابعوار بس كنت تعبانه متكسره

بعدين ياتني امي قالتلي انام عندج قتلها لا بنام بس الليله

بعدين يوني الممرضات قالتلي قومي امشي قوموني حسيت ابدوخه ورحت الحمام ورديت قالتلي لازم تاكلين


شربت شوربه حسيت ابلوعه كنت برجع جان يسدحوني ارتحت ماقدرت انام ليما الساعه ١ونص بليل نمت ونومي مقطع

بعدين الصبح يت امي وشريت ادويتي

رحت البيت متكسرة امشي شوي شوي ونومتي بس على ظهري ويوم عن يوم تحسنت شوي


بس اليوم رحت حق مساج سوتلي مساج وحدة طبعا عوار فضيع بس قالتلي احسن علشان الماي يطلع منج وقالتلي بنسويلج خمس جلسات

واللي يبي يسال خل يسال بنات

 

[غزلان-2]

الحمدالله على سلامتج بطوطه
انتي بطله رايحه بروحج
ان شاء الله ناويه اسويها شجعتيني حيل
بس بيني وبينج شنو التغيير بالخلفيه؟
لان انا جد ماكو طوفه اتمنى اتمنى تنتفخ لو شوي جسمي كله يمتن الى صدري واللي ورا
--بس دام فيه عمليات راح اسويها نفس كيم بس اخاف من المواد او السيلكون
--
من بعد تجربتج ودهون جسمج الحمدالله تطمنت الله يوفقج يابطوطه
--بطوطه
انتي شفطتي من خصرج.؟ اذا اي شنو النتيجه؟طلع لج خصر؟
شلون اللي ورا طبيعي شكلها ولا مبين تافخه؟؟؟؟

 

[جذابه بنت ذيابه]

الحمدالله على سلامتج

 

[بطوووطة$بيضة]

الله يسلمج حبيبتي غزلان

اي واهوا يشفط من ظهري قتله ابي تنحت خصري

والمؤخرة اول شي وارمة اتفشل ههههههه حتى انا اخترعت صرت جني مصريه لان حاطة ارداف وقازني بعد ورا من فوق

بس اشوي اشوي قاعده اتخف وقالولي مع الوقت راح اتخف من جذي عطاني دهون اخليهم عندي علشان احقن بعد مرة

بس انا كلمته قتله انته ليش حاقني ابهطريقه كنت ابي بوسط الموخرة

قالي ترى اذا حقنت ابوسط المؤخرة راح يطيح الدهن تحت

انتي صبري شوي وشوفي النتيجة

 

[بطوووطة$بيضة]

وبالنسبة حق خصري اي طالعلي خصر الحمدالله

والمؤخرة طبيعيه لانها مو البرازيليه امسويها مؤخرة مصريه ههههههه

 

[روشا الفرفوشة]

الف حمد الله علي سلامتك حبيبتي ومبروك

 

[غزلان-2]

ههههههه بطوطه
تسلمين على ردج على اسالتي
الله يجزاج خير ماتدري شكثر غيرتي رايي وشجعتيني
لان بصراحه نادر اللي يقولون الصراحه وينفعون غيرهم
روحي الله يوفقج دنيا واخره
بس حبي وين صاير بالزهير؟

 

[بطوووطة$بيضة]

الزهير بالسالمية
اشوي مدعوس دقي عليهم يدلونج انا سويت عند احمد مسلم

 

[كويتيه فرنسيه]

مشاء الله عليج

هم انا ناويه اشفط بطني وانفخ الخلفيه بالدهون

بس خايفه من الاثر الي يبقى على البطن شلون يروح ؟؟؟