قلوب من زجاج

[كفاني عذاب]

صباحكم...مسائكم ورد قلوب من زجاج روايه سعوديه منقوله بس اتمنى ماتكون مكرره
لجـزء الاول

في احد احياء مدينة الخبر .. ووسط القصور الفخمة و الفلل الكبيرة .. وقفت سيارة بي ام قدام قصر ضخم والاشجار حوله من كل مكان ..

انفتحت بوابة القصر السوداء ودخلت السيارة الحديقه الكبيرة للقصر
طلعوا شغالتين من القصر الكبير يركضون .. فتحوا باب السيارة اللي طلعت منه بنت قمة الجمال والرشاقه

بنت حلوة ومحد يقدر ينكر جمالها .. عيونها خضرا غامقة ورموشها كثيفه وانفها مرسوم رسم وحاد .. وفمها الصغير المليان شوي

دخلت القصر ووراها الشغالات شايلين اغراضها
نزلت بنت من الدرج بغرور لابسة شورت وبلوزة كت

رؤى : اهلين اروى ..
اروى : هلا
رؤى : كيف كان يومك ؟
اروى : عادي .. مثل كل يوم
رؤى : اجهزي بعد المغرب اليوم ببيت جدي عزيمة سعود قبل لا يسافر
اروى : وين اخوانك ؟
رؤى : فهد في المستشفى بعد ما جا .. وفيصل في الشركة .. نجلاء نايمة و نوف في الدوام .. وسارة في المرسم و يزن في بيت جدي وماما عند صديقاتها
اروى : اوكي انا باخذ لي حمام جاكوزي ونازلة لك

اشرت للشغالتين يطلعون وراها .. دخلت غرفتها الفخمة الكبيرة .. فسخت عبايتها ورمتها على السرير واخذت روبها ودخلت في الجاكوزي

على الساعه 8 الليل

دخلت اروى غرفة الملابس الكبيرة .. وقعدت تدور بين الملابس شي جديد وحلو
طلعت افرول اسود جلد كت .. و حطت على خصرها حزام فضي لايق مرة على جسمها .. اخذت صندل فضي واكسسوار ... وقفت عند سريحتها فتحت درج كله اشياء ميك اب

اخذت الاي لاينر والفاونديشن والبلاشر والكحل القلوس وكل المستلزمات اللي تحتاجها

خلصت ووقفت عند مرايا تبين كل جسمها .. طالعت بنفسها باعجاب : ههههههه من بيكون احلى منك يا اراوي وانتي بهالجمال والحلا كله ؟

دخلت عليها اختها نجلاء المرجوجة : هااااي جاهزة ؟
اروى : في شي اسمه دق الباب .. والا ما تعرفين ؟
نجلاء : اووففف .. ما يسوى علينا دقة باب ... " كملت باستهزاء " سوري مادموزيل اروى .. جهزتي ؟
اروى : انتي ايش شايفه ؟؟
نجلاء : اجل البسي عبايتك ويلا انزلي فيصل ينتظرنا تحت
اروى : نونونو مستحيل .. انا مستحيل اركب مع فيصل ... بركب مع فهد
نجلاء : هههااااي فهد رح بيت جدي من المغرب
اروى : لييييش ؟
نجلاء : مدري عنه .. ما منك امل غير فيصل .. بتجين والا شلون
جاهم فيصل ببنطلون لو ويست وبلوزة تي شيرت سوده : خير شفيكم ؟؟
اروى لفت عنه بتافف : على فكرة .. انا مو رايحه روح لم خواتك وروح
فيصل باستهزاء : وليش ان شاء الله مو رايحة ؟
اروى : مزاج .. انا اراوي ما اركب مع واحد مثلك
فيصل : كيفك .. انتي اللي مارح تشوفين سعووووود " شد على كلمة سعود "
اروى انقهرت منه وصرخت في وجهه ونجلاء بينهم مستغربة : انقلع برى .. روح عن وجهي

طلع فيصل من غرفتها يضحك ونجلاء وراه مستغربه
جلست اروى على سريرها الكبير الابيض ومنقهرة من حركات فيصل المستفزة

عند مدخل القصر
رؤى : وين اراوي مو جاية معنا ؟
نجلاء : لا ما تبغى تجي

نزلت سارة من الدرج بنعومتها المعتاده وهدوءها كانت لابسة بنطلون جينز عادي وبلوزة تنربط على الرقبة و من ورى تنربط عن الظهر لونها سماوي ومتداخل فيها كذه لون ..

سارة : اروى مو جايه صح ؟
نوف : نو
سارة هزت راسها بمعنها " اهاا " ولبست عبايتها العاديه .. صحيح انها شبه مخصرة وفيها الوان بس احسن من غيرها
ركبوا الكل في سيارة فيصل الفيغارا .. رؤى قدام ونوف و نجلاء وسارة ورى
رؤى طلعت شريط من شنطتها وشغلته وبدات تغني معه

فيصل دقق في صوت اللي تغني .. صوت عذب ورقيق .. والعزف بعد هادي وناعم

في اول الحكايات حكايتي معاك بقالي زمان واخدني هواك .. وكنت في قلبي ايه ؟ ايام ما بتنسيش
واخر الحكايات حكايتي معاك خلاص حبيت وانا اتحديت وعايشة معاك كاني اول مرة عيش
... الخ الاغنيه

نوف : لا تقولين هذا صوت اراوي ؟
رؤى : ايه سوت لي نسخة و اخذته منها
نجلاء طبت : الخاااايسة قلت لها تعطيني من الشريط اللي فيه اغنيه خيرك لغيري وسفهتني
سارة : اراوي هي اللي قاعده تعزف على البيانو صح ؟
رؤى : ايه ..
سارة : ممم

وصلت السيارة لبيت ضخم وكبير مرة ..
نزلوا البنات وفسخوا عباياتهم ودخلوا المجلس الكبير .. الكل كان في الصاله والظاهر انهم اخر من جا
نوف : جولي كيف شكلي حلو ؟
نجلاء : ايه حلو ..
مشت لين عند جدتها وباست راسها وسلمت عليها
الجده : هلا والله .. ايش هذا اللي حاطته على خصرك ؟ كانك رقاصة
نوف طالعت في اللي رابطته على خصرها كان قماش احمر واجراسة ذهبيه مناسب مع البلوزة الحمراء .. ولمن تمشي يطلع اصوات مزعجة وملفته للانتباه
: يووه جدتي شفيك .. بس علشان هالاجراس قلتي كاني رقاصة ؟
الجده : ايه رقاصة .. الرقاصات هم اللي يسلبون هالاجراس .. ويترقصون لعنه الله عليهم
نوف : ههههههه خلاص معد البسها مرة ثانيه
الجده : لا هذا اللي ناقص تلبسينها مرة ثانيه
نوف : لا خلاص مو لابستها
الجده : بنات اخر زمن
نجلاء جلست جبن بنت عمها : هلا وغلا بشوق .. شخبارك ؟
شوق : تمام والله .. انتي كيفك ؟
نجلاء : ماشي الحال
ندى : اقول نجول .. وين اختكم ؟
نجلاء : اراوي ؟
ندى : يس
نجلاء : في البيت ..
ندى : وليش ما جت ؟
نجلاء : ما تبي تركب مع فيصل ...
ندى : اختك هذي بقوم اذبحها
قامت ندى تدق على اروى ونجلاء ظلت قاعده مع شوق

ووسط حياه زوجيه جديده ....

سعود : جهزتي ؟
طلعت جنا من الغرفة ولابسة تنورة زيتيه لتحت الركبة بشوي ومنزلة شعرها ومو مسوية فيه شي .. ولابسة صندل بلون البلوزة الذهبيه .. ومو حاطة أي ميك اب على وجهها لانه ما تحط ابد

جنا : ايه
سعود : ان شاء الله بتروحي كذه ؟
جنا : ايه .. ليش مو حلو ؟
سعود : وجهك .. ليش مو حاطة فيه ميك اب والا شوي لمسات .. رايحه لي بصفار وجهك
( لسه ثاني ليله وقال صفار وجهك قال )
جنا بلعت ريقها : ما اعرف احط ميك اب
سعود : الحمدلله والشكر

مشى لعندها وسحبها من يدها ودخلها الغرفه وجلسها على الكرسي .. فتح درج التسريحه اللي كان كله ماركات ميك اب ..
مسك كريم الاساس وحط بالفرشه وصار يمرره بوجهها الصافي ..
لمن خلص قالها بنبرة صوت ما اتعودت جنا تسمعها منه
سعود : حلو ؟
قامت جنا وكانت خايفه تطلع بشعه .. طالعت في المرايا
لقت عيونها المرسومة بشكل فظيع .. كان زيتي .. ومسحوب لين طرف عينها ومكمل عليه بالذهبي وتحت عينها حاط الكحل وتحته خط بالزيتي وتحته الذهبي
كانت عينها مرسومة بهذي الطريقه بس ان الالوان مختلفة

والبلاشر البرونز والقلوس ..
جنا اعجبت بشكلها كثير : مرة حلو
سعود : اكيد .. ليش انا طالع رسام على الفاضي
جنا باسغراب : انت رسام ؟
سعود : اكيد
جنا : ما وريتني اياها
سعود قال في نفسه : ايه عشان تطلبي الطلاق ..
سعود : يلا ترانا اتاخرنا
جنا : اوكي .. يلا

مشت جنا ووراها سعود وركبوا السيارة
--------------------------------------------------------------------------------

اما عند اروى في البيت ..

قاعده في الصاله اللي في الدور الثاني وقاعده تكلم
اروى : لااا ريييم بلا سخافة ما ابي الصبح .. مافي احد
ريم : انا ابي الصبح .. ابي البس براحتي ما ابي البس بنطلون طويل وتي شيرت كاني رايحه مزرعه .. ابي البس براحتي وامشي براحتي .. الهيئة ما تجي الصبح .. دايما بالليل
( تفكيرهم كله عشان الهئية ما تشوفهم .. الحمدلله والشكر )
اروى : طيب انتي بلبسين العباية .. مارح يبان وش لابسه ..
ريم : من قال .. اول شي عبايتي شفافه .. و من قال بقفلها .. تعرفيني اكره الكتمة
اروى : طيب ..
ريم : وبكرة ما تجين لابسة عادي .. ابيك كشخه كالعاده
اروى : ريم كل تبن .. انا اروى .. بنت العالي البس أي كلام .. مستحيل ..
ريم : تعجبيني ..

ندى كانت هالوقت تدق على اروى وجوالها مشغول وتلفون البيت مشغول .. شعندها ؟
ما تدري ان اروى رافعه سماعات تلفونات البيت كلها عشان تبينه مشغول ومحد يزعجها

اروى : طيب لا تنسي تنادي من اللي بالي باك عشان ينلحس مخه هههههااي
ريم : ههههههه لا تخافين كلمته وقال انه ما عنده أي ارتباطات وترى بصرفها وبقول انه السواق مع ماما عشان يوصلنا وينلحس مخه صدق
اروى : ههههههه اوكي .. بس مارح تقولي لوئام ؟
ريم : بقولها مع اني متاكده 100 % انها بترفض
اروى : ليه ؟
ريم : مستحيل لو سابع المستحيلات ترضى تروح الصبح ..
اروى : حاولي تقنعيها .. والا اقولك .. تعالوا عندي
ريم : اوكي .. انتي بالبيت ؟
اروى : يس .. ومافي احد تعالي وانا بقول لوئام تجي
ريم : اوكي بلبس واجيك
اروى : باي

سكرت اروى منها و راحت تضبط الميك اب وقعدت تنتظر وئام وريم

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

ريم لبست و اخذت عبايتها الشفافة ونزلت

ام محمد : وين ؟
ريم : اففففف .. بروح عند اروى
قال تعالى : ( ولا تقل لهما افِ ولا تنهرهما وقل لهما قولا كريما )
ام محمد : لا مافي روحة .. ارجعي غرفتك
ريم : لا والله ؟ مو راجعه .. وبروح .. باي
طلعت من البيت و عبايتها المفتوحة تتطاير اطرافها مع الهوى والحجاب على كتفها

ام محمد : لا حول ولا قوة الا بالله ... الله يرحمك يا ابو محمد
جلست على الكنبة ودمعتها على عينها من هالبنت العاصيه
ايش صعب لمن تشوف دمعة امك .. والاصعب لمن تكون سببها


فتح لها البواب مدخل القصر وصار تمشي في ارجاء الحديقه الكبيرة لين ما تدخل القصر
دقت جرس الباب .. فتحت لها الخدامة ودخلت القصر اللي كانت ماليه ارجاءة صوت موسيقى هادية

دخلت صالة الدور الاول لقت اروى قاعده تطالع اشرطة و تحوس فيها
اروى وهي تحوس : هاي ريم .. تعالي شوفي اشغل الشريط هذا والا هذا ؟
تاشر لها بين شريطين كلها موسيقى هادية من تاليفها وعزفها
ريم : مممممم .. هذا الشريط اللي مشغل الحين من تاليفك وعزفك بعد ؟
اروى : يس .. اخليه والا اشغل غيره
ريم : لا هذا حلو خليه واذا خلص شغلي غيره
اروى : اوكيه
ريم : وئام جايه ؟
اروى : ايه قلت لها قالت بتجي

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

دخلوا سعود وجنا قصر الجد

جنا ما قدرت تخفي دهشتها من روعة وفخامة القصر .. سعود طالع فيها باستهزاء واشر لها عند ملحق
سعود : ادخلي من هنا هذا ملحق الحريم .. اول ما تدخلين سلمي على جدتي وامي وعماتي بعدين البنات .. اساسا بتلاقيهم جالسين جنب بعض ... ولمن تجلسين اجلسي مع البنات اللي في سنك .. مو تجلسين مع الحريم العجايز .. و ... " قاطعته جنا "

جنا : اعتقد اني كبيرة وافهم هالاشياء ما يحتاج تقولي
طنشته جنا ومشت لملحق الحريم وهو يتمنى يشوف شكل اروى لا شافت جنا

دخلت جنا ملحق الحريم اللي كان جزء من القصر الكبير ..
كان فيه مرايا رتبت شكلها وعلقت عبايتها و اخذت نفس عميق ودخلت على الحريم

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

وئام : هههههههههههههههههههههه ... من جدكم بتسوونها ؟؟
اروى : ايه شفيك مستغربه .. ؟
وئام : اتحدى اذا ما انقلبت عليكم واتحلس مخكم انتو من شكله
اروى : ليش لهادرجة حليو ؟
وئام : يجنن
ريم : لا مو لهادرجة
وئام : ليش نسيتي يوم مر عليك في البيت شلون انهبلتي ؟
اروى : ويين ؟ متى ؟؟ ليش ما قلتولي ؟؟ انا بعد ابي اشوفه
وئام : لا يوه .. مو انتي تبغي ينلحس مخه ؟؟ خلاص سوي اللي عليك بكرة وشوفي ايش راح يصير
اروى : ايه لا .. انا ابي اشوفه الحين يعني ابي اشوفه
وئام : خلاص خلي ريم تدق عليه ويجي هنا وتشوفيه
اروى : لا يوه ... خليه يرسل الصورة وسائط .. ابيه يشوفنا بكرة جديد عشان ينلحس مخه تمااام
ريم كانت مشغولة بالجوال ومستانسه
روى : ريم دقي على خويك خل يرسل صورته
ريم : ها؟
اروى بصوت اعلى : دقي على خويك خل يرسل صورته
ريم : ليش ؟
اروى : سوي اللي بقولك عليه وبس

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

جنا : كيفك جدتي ؟
الجده : بخير الحمدلله انتي شلونك وشلون سعود معك ؟؟
جنا : الحمد لله تمام
سلمت على الحريم وقعدت مع البنات واخذوها سوالف .. طبعا في رسميات في البداية بس دخلت قلبهم ودخلوا قلبها مرة بسرعه

ام خالد " نادية " : ماشاء الله عليها تجنن
ام فيصل " فاطمة " : بس بنت فقر .. ليش امه مختارة له اياها ما ادري
ام خالد : والله هي حرة .. ارتاحت للبنت وعجبتها واختارتها لولدها .. مافيها شي
ام فيصل : انا لو ولدي مستحيل ازوجه بنت بهالمستوى لو ايش ...
ام خالد سكتت .. ما تبي تشعل النار زياده بينها وبين ام فيصل لانها خلقة مشعله

مرت الساعات ونادى سعود جنا عشان تطلع ويروحون الفندق

جنا : ممكن اروح ازور على اهلي
سعود : روحي لحالك
جنا : شلون اروح لحالي ؟
سعود : انا ما ادخل هالاحياء الفقيرة.. تتوسخ السيارة بالوحل في الشوارع
جنا انقهرت في داخلها ودموعها في عيونها .. قالت بنبرة بكاء و صوت مبحوح : بس هذول اهلي .. وابي اسلم عليهم
سعود : خذي تاكسي من الفندق وروحي .. ما امنعك
جنا بجراه : وما تتفشل لمن يشوفون انه مرتك رايحه حي فقير وموحل مثل ما تقول ؟
سعود انقهر من جراءتها وحرك السيارة على الحي الفقير اللي فيه بيت جنا

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اروى : واااااااااااااااااو يجنــــــــــن
وئام : مو قلت لك ..
اروى : ما هقيته كذا ...
ريم : هههههه
اروى : بليز ارسليلي الصورة
ريم : اوكي
رسلت الصورة بلوتوث وقعدوا يسولفوا
وئام : لا لو خليتوها بالليل احلى
ريم : لا بالليل ما اقدر البس اللي ابي .. الهيئة بتكون وراي وراي .. بس الصبح والظهر مافي احد
وئام : اففففففف
اروى : ولا تنسي الظهران مول ما يدخلون شباب الا بالصبح
وئام : لالا .. ما ابي اجي

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

س1 : ليش تعامل اروى لفيصل اخوها بكره ؟
س2 : وايش سبب جفاء سعود لجنا المسكينه ؟ وكيف بيكون تعامل سعود معها في الايام الجايه ؟
س3 : وكيف بيكون اللقاء في المول ؟

 

[كفاني عذاب]

الجزء الثاني

وصلت السيارة لقدام بيت بويته رايح نصها .. والباب الابيض الحديدي فيه اثار الصدا ..
سعود : انزلي
جنا : مارح تنزل معي
سعود : لا .. سلمي واطلعي انا انتظرك هنا
جنا : طيب سلم على بابا !!
سعود بعصبيه : انزلي
نزلت جنا بقهر من تعاملة الزفت معها
دقت الباب وضربته كم مرة ..

رنا من داخل البيت بعربجه : زيييييين زييييييييين
فتحت الباب ودخلت جنا وحضنتها بقوة
جنا : مرررررررة وحشتيني يا بقرة
رنا : وييـــــعه جنا شهذا ؟؟ ايش لابسه ؟
جنا : مو حلو ؟
رنا : الا يهبــــــــــــــــــل يجنن .. والا ايش المكياج ذا ؟؟ اذبحك ان قلتي انتي مسويته
جنا : هههههه لا مو انا .. الا وين امي وابوي ؟
رنا : امي داخل وابوي في الشغل
جنا : يووووه حسافه كنت ابي اسلم عليه
دخلت جنا البيت وشافت امها تغسل الثياب في الحمام " الله يعزكم "
جنا : ماامااا اشتقت لك
طلعت لها امها بعد ما غسلت يدها من الصابون : وينك من الظهر انتظرك
جنا : ههههه الله يخليك يا يمة وين الظهر تونا قايمين من النوم ورحنا على البيت جدة سعود .. اما يمة ماشاء الله عليهم ياربي .. قصر هذا مو بيت .. شي خيالي .. والا ثياب البنات واشكالهم .. ملكات جماااال .. مو يا حسرة علينا حنا ..
ام جنا : آآآآه لو قلنا آآه لبكرة مارح يفيد الله يجازي اللي كان السبب .. المهم .. انتي شخبارك وشخبار سعود ؟
جنا : الحمدلله تمام
ام جنا : وينه ليه ما دخل .. لا يكون تاركته برة ؟
جنا : هو اللي ما يبي يدخل
ام جنا : يا قلبي عليه اكيد ما يبي يدخل بيت مافيه رجال ..
جنا في خاطرها " ايه هين "
ام جنا : طيب ومتى سفركم ؟
جنا : بعد يومين
رنا : وين بتروحين ؟
جنا : تصدقين مدري ههههه
رنا : اكيد فرنسا والا امريكا
جنا : ههههههههه
قعدوا يسولفون ولا همهم .. شوي يدق باب البيت
رنا وهي قاعده مع الفصفص : اكيد هذا ابوي
ام جنا : قومي قومي افتحي الباب .
قامت رنا فتحت الباب بعفوية وطبت في اللي تحسبه ابوها :هلا والله نور البيت
انتبهت بريحه العطر الغريبه ... بعدت نفسها بسرعه وقلبها زادت قوة نبضاته : آ ... آ ... آسفه
سعود ينفض ملابسه بيده.. انتبه لها بالبنطلون الجينز و التي شيت الوردي
وخرت عند ورى الباب : بغيت شي ؟
سعود : وين جنا
رنا : داخل
سعود بعصبيه : نادي لي اياها اتاخرنا
رنا اتنرفزت من عصبيته : اففف لا تدف زين
سكرت الباب ونادت جنا وطلعت له
سعود ابتسم لجراءتها .. ما درت انها بكلمتها ممكن في لحظة هي واهله في الشارع

سعود في السيارة مع جنا بعصبيه : ما قلت لك 5 دقايق واطلعي
جنا : ........
سعود : مو ممررلك ياها على خير .. اجل انا اوقف برى في الحي القرف ذا
جنا في نفسه " وييه عليك خكــــــــــري "

مشوا للفندق عشان سفرهم بعد يومين ولازم ترتب الشنط

في الفندق ..

سعود : بكرة تجهزين عمي خالد عازمنا على الغدا
جنا : اوكي
سعود : روحي ارقدي يلا
جنا لفت عنه ومشت وتقول في نفسها " افففف منه ... متى بيحسن معاملته معي ... لسة ثاني ليله ويكلمني كذا .. حرام عليه انا شسويت له "
مسحت وجهها بمناديل المكياج وراحت بعدها غسلت وجهها .. بدلت ملابسها وانسدحت على السرير .. خانتها دموعها و نزلت على خدها البارد وشهقاتها طلعت

انتبه لها سعود اللي كان قاعد يدخن في الصاله

يا الله .. ذا اللي كان ناقصني .. تجيني وحده بكايه .. افففف من دلع البنات

طنشها وكمل شفط في سيجارته .. بس مو هو اللي يتزوج غصب عنه !!
دقيقه عن دقيقه تزيد شقهات جنا .. بس للحظة سكتت ... خاف سعود لا يكون صار لها شي ..!!

قام بسرعه وفتح الباب لقاها قاعده على الارض ومسنده ظهرها على السرير وراسها بين يدينها
راح لها : جنا شفيك
جنا : ............
سعود قرب منها ونزل نفسه لمستواها : جنا ... شفيك تصيحين
جنا : اتركني بحالي لو سمحت
سعود : طيب .. تعشيتي ؟
جنا : ايه
سعود : طيب .. " مسك يدها " قومي معاي
جنا وقفت معه وسدحها على السرير و غطاها وجلس جنمها لين ما نامت

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

على الساعه 10 ... طلعت ريم من البيت وراحت عند اروى تاخذها ويروحون الظهران مول
اروى و ريم دخلوا المول عادي وراحوا على الحمامات .. كل وحده عدلت شكلها وغمقت المكياج وطلعوا
العبايات مفتوحة .. الطرحة مرمية على الشعر باهمال .. والنظارات الشمسية على الشعر والكعب يطقطق بخفه على البلاط

ريم : ههههههههه .. شوفي ذاك اللي قاعد في الكافيه
اروى : هذا اللي انلحس مخه جد ... اقول خل نروح نقعد في الكافيه
ريم : يلا

راحوا للكافيه وقعدوا ورجل على رجل واخر دلع
قام لهم وراح جلس على الكرسي
ريم بدلع مايع : خير ؟
مشاري : اموت يالدلع
ريم ابتسمت بخبث وطالعت في اروى المشغولة بالجوال وكملت بدلع : بغيت شي ؟
مشاري : بغيتك يا حلو
اروى لاعت كبدها منه ومن شكله : لا بعد ياريتك حلو .. وجاي تغازل بعد ؟
مشاري انقهر منها بس سكت لان لسانه ذاب لمن شافها .. احلى من ريم بكثير

قامت اروى وسحبت ريم معها وصاروا يمشون والشباب حولهم من كل مكان

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

في نفس الوقت في الفندق عند سعود وجنا

سعود : جنا انا طالع جيان تبين شي ؟
جنا : سلامتك
سعود بابتسامه : لا تسوين فطور .. انا بجيب لك احلى فطور
جنا ابتسمت لابتسامته وحمدت ربها انه اسلوبه تحسن معها : اوكي
سعود : يلا باي ... " باسها على جبينها وطلع "

اتنهدت جنا بعد ما طلع
حست براحة لما ابتسم لها .. لكن في نفس الوقت خايفه ما تدوم لها .. ويرجع لطبعه
تذكرت كيف كان امس حنون معها .. شالها وغطاها وقعد جنبها .. ابتسمت انه بدا يحن معها وينتبه لطريقة تعاملة معها

راحت تجهز صحون الفطور وترتب المكان عشان ترتاح ويرتاح سعود معها

عند سعود في السيارة ..

سعود " يحليلها ماتستاهل ... لازم ابدا صفحة جديده وياها وما علي من الماضي "
حرك السيارة واتجه للظهران مول " بوابة جيان "

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

عند الظهران مول

اروى كانت تمشي وتتمخطر وبالكعب ناحية المطاعم مع ريم والعباية والميك اب كل شي ملفت فيها .. حتى نسمة العطر تشمها من بعد 10 كيلو من قوتها

اروى : وينه هذا خويك ؟ خل يجي
ريم : دقيت عليه قال هو عند البوابة وداخل الحين
اروى : اففففف خل نقعد اجل واذا جا نقوله تعال عند المطاعم
ريم : طيب يلا

راحوا عند المطاعم وقعدوا على طاولة عدله
لحظات ودق خوي ريم و جا لعندهم
عبد العزيز : انتو اللي قاعدين قدام ....
ريم : ايه
عبد العزيز : اجل جايكم

جاهم عبد العزيز واروى كانت منسجمة مع البلوتوثات اللي تجيها
عبد العزيز : هاي
ريم : هايات
اروى رفعت راسها تشوفه والتقت عيونهم في عين بعض ... عبد العزيز انهبل يوم رفعت راسها
اروى في داخلها مبسووطهـ على نظراته المتفحصة .. حبت تجننه اكثر
قامت من من الكرسي بدلع وبانت تنورتها القصيرة و جسمها الخطير
: عن اذنكم
قامت وخلت عبد العزيز مع ريم وهي راحت عند جيان تشوف احدث الجوالات اللي نازلة

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

في البيت ..

كانت ام فيصل تشرب قهوة الضحى في الصالة الكبيرة للقصر ومعاها صديقتها ماخذتهم السوالف
شوي وتنزل سارة لابسه فستان بسيط حق بيت ورابطة شعرها بشريطة بنفس لون الفستان



انحرجت من شكلها العادي قدام صديقه امها
صح انه شكلها انيق ومرتب وناعم .. بس مو حلوة قدام صديقة امها .. ووحده من اهم نساء المجتمع الراقي بعد امها
حمدت ربها انهم ما انتبهوا لها عشان لا تنحرج اكثر .. طلعت بهدوء لفوق ورجعت نزلت من الدرج الثاني اللي على ناحية المطبخ
قالت للشغالة تحت لها زيت في كوب الفخار اللي في يدها الخاص بالرسم .. اخذته وجت تطلع

ام بندر : انا مستغربة انه سارة ما تجي وياك التجمعات الراقيه اللي نسويها .. مع ان مو ناقصها شي جمال واخلاق وموهوبة
ام فيصل : تسلمين والله لكن تدرين .. مشغولة بالسفرات والدعوات اللي تجيها .. ويوم تكون فاضية تجي معي ..
ام بندر بخيبة امل : اهااا

سارة من بعيد .." هذا اللي كان ناقصني تجمعات راقيه سخيفه " .. طنشتهم وطلعت الدرج بخفه وراحت على جناحها ودخلت غرفة المرسم .. صحيح ما كانت مرتبه .. بس كانت معقولة
في مثل الطاولة المربعه محطوطو في زاوية من الغرفه .. حاطة فيها الالوان كلها بانواعها .. طباشير .. شمعي .. الوان مائية .. الوان زيتيه .. بانواعها واشكالها .. جنبها اكواب فخار شكلها مرة حلو هي مسويتها ومزينتها وحاطة فيها ادوات الرسم من سكاكين وفرش .. وجنبها اكواب فيها الوان الفحم والرصاص باحجامها ..
الطاولة كانت باختصار مليانه وكلها ادوات رسم

اما الجدران ... كانت هي اللي مزينتها وصابغتها بنفسها ومشخبطة عليه بشكل انيق ومرتب
وفي دولاب فيه رفوف حاطة فيهم البويات والصبغ اللي تحتاجهم .. ولوحاتها بالاحجام المختلفه واللي ما يكفي تخليهم فوق بعض على الارض

سارة تخصصها هندسة ديكور .. وسافرت دبي اخذت كورس في تصميم مجوهرات
فصارت تتعامل مع شركات قاعات الافراح وتنسق معاهم وتصمم كوش اراح واحيانا تفي نفسها للازياء .. يعني مجالها في كذا شي

راحت عند مرسمها اللي كان جنب الطاولة المستطيله اللي فيها الالون والفرش و حطت الزيت اللي في الكوب جنبها ولبست المريلة وغطت شعرها عشان لا تجيله الوان
وكملت على رسمتها واللي كانت ناوية تعطيها لشخص عزيز عليها مرة

 

[كفاني عذاب]

تابع ....

سعود كان داخل جيان ومبسوط ويدندن بصوت واطي .... اختفت ابتسامته يوم شافها تتمخطر بمشيتها وعبايتها المفتوحة والتنورة القصيرة والا البلوزة الضيقه
ما انصدم من شكلها .. لانه عادي عنده بس انصدم لما شافها بذا المكان .. ابتسم ببرود وراح لها
سعود : اراوي !!
اروى وقفت لمن سمعت الصوت يجي من وراها ... مو غريب عليها .. ضحكت عليه واوهمته بحبها له .. كيف ما تحفظ صوته ؟
لفت وقالت بغرور : اهلين بالمعرس
سعود خنقته العبرة : غصبن عني يا اروى
اروى بغرور ومكر : ومن قالك زعلانه .. ذي الساعه المباركة ؟
سعود : والحب ؟
اروى باستهزاء : أي حب ؟ ... وكان في حب بيننا اصلا ؟
سعود : اروى .. اصحي معاي .. الـ ....
قاطعته : انت ما هميتني تزوجت والا لا
سعود وقت مصدوم ... يعني كانت تلعب عليه ؟ ولد عمها من لحمها ودمها تلعب عليه بهالشكل ؟؟
اروى اشرت بيدها بدلع : تشااااااو
وكملت طريقها لداخل ... سعود واقف معصب ومنصدم في نفس الوقت
طلع من المول ولا اشترى الفطور اللي قال عليه .. طلع للسيارة وساق بعصبية وسرعه
لقى نفسة واقف عند الفندق .. نزل وهو مقهور . مكسور .. ذليل .. لعبت عليه بنت ما تعدت الـ 18 من عمرها
طلع للسويت في الفندق لقى جنا تنتظره في الصاله ..
طالعته جنا بابتسامة لانه خزها من فوق لتحت ودخل غرفته ..
جنا " هذا اللي كنت خايفه منه .. رجع اسلوبة الزفت .. الله يصبرني عليك بس "

سعود : " مو انا اللي ينضحك علي يا اروى ... صدق فيصل يوم قال انك لعآآآبه .. كرهتيه لانه خرب خططك مو عشان حاول يفرق بيننا ... لكن ماشي يا اروى .. وراك وراك الزمن طويل .. وما اكون انا سعود الا اذا نفذت اللي في بالي "

جنا واقفه عند الباب .. متردده تدخل او لا ..
" ايش صار عشان انقلب فجاه .. قبل خمس دقايق بس كان يبتسم ومبسوط .. شاللي قلبه كذه ؟ "

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اروى راجه للمطاعم عند عبد العزيز وريم .. لقتهم قاعدين ويسولفون
جتهم بابتسامة ذوبت قلب عبد العزيز : يلا ريم ما تبين نروح ؟
عبد العزيز : وين بدري ما قعدنا معاك
اروى : مرة ثانيه .. يلا لازم نروح
ريم : ترى السواق مشغول مع ماما
اروى : والله ؟ وليش ما قلتي من اول ..يوووه الحين لازم ننتظر
ريم : عزوز ممكن توصلنا اذا مافي مانع ؟
عبد العزيز : اكييد يلا
ريم ابتسمت بخبث لاروى وبادلتها الابتسامة
ريم : بس بنروح بيت اروى .. اوكي؟
عبد العزيز بابتسامة عريضة : اوكي
ركبوا سيارة عبد العزيز العاديه ..ريم قدام واروى ورى عبد العزيز قاصده
دلته ريم على البيت ... وفتحت اروى القزازة وشافها البواب وفتح الباب
عبد العزيز انهبل ..يعني فو\ق ماهي تجنن .. بنت عز .. ياويلي بس
اروى : باي .. وشكرا على التوصيل
عبد العزيز : العفوو
مد يده .. اروى استغربت في البدايه بس ابتسمت وفهمت الوضع ومدت يدها وخذت الورقه
طلعت هي وريم لغرفتها
اروى: شوفي ابن الذين رقمني هههههههه
ريم : ههههههه ادبيه عدل
اروى بخبث : ايه ولا يهمك ههههه ..
دقت رنه وقفلت بس عشان يعرف الرقم ... قعدت ريم معها شوي بعدين راحت بيتها

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

عند وئام ...

وئام في حديقة القصر فارشة فرشة على العشب الاخضر الجو مغيم وباين رح تمطر .. لابسه شورت قصير وبلوزة كت قصيرة وما اهتمت للجو ومسدوحة على بطنها تشوف اخر موديلات ايلي صعب
شوي تنفتح بوابة القصر الكبير وتدخل سيرة بورش سودا ... ما اتهتمت لها وئام وظلت تتابع الكاتالوج وتشرب من عصير البرتقال

... : السلام عليكم !!
وئام استغربت من صاحب الصوت ... : نعم !!
... : انتي بنت عمي عبد المجيد ؟
وئام وقفت : ايه نعم.. مين انت ؟
... طالعها من فوق لتحت على هيبتها : انا عبد الرحمن
وئام : اهااا .. طيب تشرفنا
عبد الرحمن : عمي موجود ؟
وئام : ايه داخل
عبد الرحمن : مشكورة .. بس ما تعرفنا
وئام رجعت شعرها على ورى بدلع : انا وئام
عبد الرحمن : اهاا .. تشرفنا
وئام : تفضل
عبد الرحمن : زاد فضلك
مشت قدامه بدلع وهو وراها
دخلته القصر الكبير وقالت للشغاله تجهز العصير وهي راحت تنادي ابوها
وئام : دادي .. عبد الرحمن تحت
ابو وليد : ايه طيب جاي

راحت وئام غرفتها اتسبحت وسشورت شعرها ولبست تنورة قصيرة بيربري وبلوزة كوكتيل قصيرة .. حطت ميك اب خفيف و اخذت صندل واطي ونزلت تحت

ابو وليد : ايش تبين الحين ؟ اطلعي غرفتك
وئام اتافافت من طريقة تعامل ابوها .. لدرجة انه حتى عيال عمها ما تعرفهم ؟ قوية الصراحة

طلعت وئام غرفتها وفتحت اللاب توب عز الله طفشها يروح منها
انسدحت على بطنها وفتحت الكام حقة اللاب توب وشغلت الماسنجر

اكبر فخر لناس إني من الناس .. واكبر فخر للأرض ممشاي فيها << وئام

هاي

اكبر فخر لناس إني من الناس .. واكبر فخر للأرض ممشاي فيها << الماس

هايات .. كيفك ؟
وئام : تمام والله انتي كيفك؟
الماس : مو تمام
وئام : لييه عسى ماشر
الماس :  مرة زعلانه على تركي
وئام : لسة ما يعطيك وجه
الماس : ايه .. حرام عليه .. يدري اني احبه واموت فيه .. بس ليه كا يعنيني وجه
وئام : خلااااص طز فيه .. انتي حلوة والف من يتمناك
الماس : ياربي متى يجي يوم السبت .. ابي احكيك عن كل شي
وئام : يلا ترى اليوم خميس يعني بكرة جمعه وبعده سبت .. ما يسوى علينا ويك اند
الماس : ههههههههه

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

جنا : سعود ... سعوود
سعود بصوت كله نوم : هممممممم
جنا : يلا اتاخرنا صارت الساعه 2
سعود : طيب طيب ..
جنا : سعوود مو حلوة نتاخر على الناس يادوب تقوم تتسبح وتلبس
سعود بصراخ : اووووووووف .. طب خلاص قلت لك بـ
قطع كلامة شكلها البريء اللي باينه عليه لمعة الحزن لبسة فستان كوتيل ابيض لين الركبه وشريطة تحت الصدر زرقا .. لابسة عليه جاكيت جينز ازرق متناسق مع الفستان ..
سعود طالع في وجهها بابتسامة : انتي سويتي المكياج هذا ؟
جنا بارتباك : لـ لـيش مو حلو ؟
سعود : لا حلو وناعم ..
جنا ابتسمت بحياء .. قام سعود واخذ المنشفه ملابسة ودخل الحمام
اتجهت جنا للمرايا تشوف شكلها .. بورده خفيفه على وجهها وبلاشر وعلى عيونها أي لاينر اسود وتحته بالازرق وسحبته على نفس طريقه سعود اللي سوالها اياها امس .. صح انها اول مرة تحط ميك اب بس طلع جنان وضابطته مرة
طلع سعود من الحمام وشافها قدام المرايا سرحانه
سعود بنبرة حنونة : يلا جنا البسي عبايتك
جنا : اوكي
اخذت جنا عبايتها الملونة من الدولاب ولبستها ونزلت ورى سعود للسيارة

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

سارة : يوووه نجلاء بسرعه تبغي تقولي والا انقلعي برى
نجلاء : يووووؤ ما يسوى علينا جيت افرحك
رؤى : يووووه منك نجلاء خلاص هي رح تعرف رح تعرف ماله داعي تحرقين السالفه .. تعالي معي يلا وخليها تلبس
سارة : يووو منكم خوفتوني .. قولولي شصاير ؟
فهد طالع من غرفته : شفيكم تصارخون
نجلاء : لا تقولها وش قالت لنا ماما عنها اليوم .. خليها ماما وبابا بنفسهم يقولولها
فهد ابتسم : هههههه طيب .. على العموم ولد عمكم جاي بالطريق ما نبي فشايل
نجلاء تخصرت : وليش ان شاء الله وش قالولك بهايم ؟
فهد : هههه يعجبني اللي فهمها وهي طايرة
نزلوا كلهم ينتظرون جنا وسعود .. نزلت بعدهم اروى بكشختها وغرورها المعتاد

لبست بنطلون جينر برمودا ضيق ومفصل على جسمها وتي شيرت فوشي .. لبست صندل فوشي واطي متناسق مع البلوزة وشريطة فوشية رفعت فيها شعرها
طالعها فيصل باستهزاء من فوق لحت بلبسها .. طالعت فيه والتقت علينها بعينه وكل واحد فيهم غرورة يذبح الثاني

فيصل يكلم اروى بعيونه : جاك الموت يا تارك الصلاه
اروى فهمت قصده وخزته ولفت عنه .. تكرهه .. وتكره سعود .. وتكره جنا .. وتكره كل احد يتمنى السعاده لهم

ثواني ويدق جرس الباب
رجع فيصل طالع في اروى اللي المكر ونظرات الاستهزاء واضحين في عيونها
الكل قاعد في الصاله الكبيرة حقة القصر وينتظر دخول سعود وجنا
راحت الشغالة فتحت الباب لهم
سعود : السلام عليكم
ام فيصل : هلا وغلا بالمعرس .. هلا بسعود
سعود : هلا فيك مرت عمي .. شخبارك ؟
ام فيصل : الحمدلله .. اتفضل البيت بيتك
سعود : زاد فضلك
كانت اول علامة سودا في قلب جنا .. انا ام فيصل سفهتها وما فكرت تسلم عليها وترحب فيها
دخلت مع سعود بثقل واخذت الشغاله عبايتها
اروى طالعت في جنا بغرور ومكر " هههههه لو تدرين بلاوي سعود يابنت الفقر كنتي طلبتي الطلاق من اول ليله .. بس ما اكون انا اروى لو ما رجعتك بيت اهلك "

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

عند ريم ..

محمد ينادي من تحت : رييييييييييييم .... رييييييم
ريم انحنت على درابزين الدرج : اففففففففف خير ؟
محمد : تعالي يلا الغدا
ريم : ما تعرف تنادي باسلوب حضاري اكثر .. وبعدين الخدامات موجودات .. كنت ناديت لي وحده منهم
محمد : اقول يلا بس انزلي وبلا حكي فاضي
ريم : افففف .. ما ابي غدا مستغنيه عن غداكم
محمد : ماشي ياريم .. شغلي معك بعدين
جت ام محمد تشوف شهالصراخ .. : خير .. وراكم تصارخون
ريم : اففففف جات العله ...
راحت وتركت ام محمد ومحمد تحت مصدومين من جراءتها ... وصلت انها تكلم امها بهالوقاحة
طلع لها محمد و نيرانه تطلع من اذانيه
مسكها من شعرها بدفاشة : انتي اخر مرة اسمعك تتكلمي عن امك كذه .. فاهمة ؟
ريم : وخر عني . هذا اللي ناقص تشد شعري عشان وحده ناقصة مثل هذي
محمد رماها بقوة على الكنبه لحد ما داخت : هذي امك يالـ .... " مشفر " اللي تبرعتلك بـ ....
قاطعته ام محمد بيدها على فمه : اسكت .. خلها براحتها .. ان شفتك ضربتها مرة ثانيه يا محمد ما تلوم الا نفسك .. فاهم ؟
محمد واقف وعلى وجهه اكبر علامة استفهام .. كيف امه اللي ريم سبتها قدامها ما ترضى له يادبها
طلع ماجد من غرفته وعلى وجهه اثار النوم .. : يوووووه محد يقدر ينام في هالـ ....
فتح عيونه على اخرهم يوم شاف ريم اخته دلوعته مرمية على الكنبه ومغمى عليها وامه ومحمد قدامها ومو مسويين شي

ماجد راح عندها وهزها من كتوفها : ريم .. رييييم
لكن .. لا مجيب ..
خافت عليها امها .. بنتها الوحيده من بين 4 اخوان لازم تخاف عليها
ام محمد : ريم .. ريم يمة
ريم : ..............
ام محمد زاد خوفها ولفت على محمد اللي يطالع ريم بكل استحقار : شفت . هذي نتيجة ضربك .. تعرف انه مايصير توجه لها أي ضربه على راسها خطر عليها هي بالذات تعرف ايش يعني خطر احادث اللي صار لها مو هين
ماجد راح طيران بدل وجاب مفاتيح سيارته وشالها
ام محمد : وين بتوديها ؟
ماجد : المستشفى
ام محمد : انتظر اجي معك .. لا تروح
ماجد : طيب بسرعه
جابت ام محمد عبايتها ولبستها على السريع وركبت مع ماجد

س1 : كيف بيكون حال ريم في الجزء الجاي وايش تقصد امها بالحادث اللي صار لها ؟
س2 : وسعود وجنا كيف بيكون وضعهم في الجزء الجاي
س3 : وئام .. ايش بيكون دور الماس وعبد الرحمن في حياتها ؟
س4 : وايش الخبر اللي محد راضي يقوله لسارة ؟ وهل بيفرحها صدق ؟

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

 

[كفاني عذاب]

الجزء الثالث
الساعه 4 العصر

وسط اصوات الضحك العالية والسوالف في حديقة القصر
سعود يسولف مع فهد وفيصل وام فيصل و جنا مع نوف وسارة ورؤى ونجلاء
اروى كانت بينهم متملله من سوالفهم اللي كانت عن رحلاتهم لاوربا وجنوب افريقيا ...الخ
طالعت في سعود المندمج في السوالف .. ابتسمت بخبث وطلعت لغرفتها للحظات

فتشت في الادراج عنه وما لقته
دورت في سلة الاشرطة يمكن تلاقيه هناك بس ما لقته
بدات تعصب وتفقد صوابها .. وين بيكون راح !!
راحت تدور في غرفه رؤى .. هي الوحيده اللي تعطيها الاشرطة حقتها
دورت و دورت .. ولكن مافي فايده .. مالقته
طلعت من الغرفه مشت في السيب الطويل
دخلت غرفتها وصفعت الباب وراها

اخذت التلفون ودقت من الخط الداخلي لغرفه الخدامات

اروى : ليزا روحي ناديلي رؤى من الحديقة بسرعه
ليزا : اوكي مادموزيل

انتظرتها اروى في الغرفه لحد ما جتها
اروى : وين الاشرطة اللي عطيتك ياها ؟
رؤى : هو بس شريط واحد وفي سيارة فيصل
اروى بعصبية : ما شاء الله .. وايش وداه هناك
رؤى : خير انتي شعندك جايبتني تعصبين علي .. احترمي نفسك
اروى : رؤىىىى .. وين الشريط ؟
رؤى : يا بقرة قلت لك بسيارة فيصل
اروى : وايش وداه هناك ؟
رؤى : يوم رحنا بيت جدي اخذته وسمعناه في السيارة
اروى : افففف منكم محد يعطيكم شي

نزلت اروى وراحت لعند مواقف السيارات .. دخلت سيارة فيصل وقعدت تدور على الشريط

....... : ايش تدورين ؟

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

ام محمد تركض عند الدكتور : طمني دكتور شفيها ريم ؟
الدكتور : جتها ضربة جامدة على الراس وتعرفون انه هذا خطر عليها
ام محمد بخوف : وايش صار ؟
الدكتور : الحمدلله الضربه صح انها خفيفه بس كانت ممكن تاثر على عينها اليسار والدماغ لانهم مرة حساسين .. وانتي تعرفين ليش .. لازم تنتبه من هالناحيه
ام محمد : اقدر اشوفها
الدكتور : ايه تفضلي
دخلت ام محمد لغرفه ريم اللي كانت نايمة تقريبا .. مسحت على شعرها ودمعتها في عينها
ام محمد : الله يهديك يا بنتي
صحت ريم من اليد اللي كانت تمسح على شعرها بحنان .. طالعت امها بقرف بس خلتها تظل تمسح على شعرها لانه مافي احلى من حنان الام
دخل ماجد الغرفه لقى ريم صاحيه وجنبها امه
ماجد : ريم كيفك الحين ؟
ريم : بخير بس احس بشويه دوخة
ماجد : اجيب لك شي تاكلينه
ريم : لا تعرفني ما احب اكل المستشفى خلاص ابي اطلع من هنا واكل في البيت
ماجد : طيب بروح اكلم لك الدكتور عشان الخروج واجي
طلع ماجد من الغرفه وسوى الدكتور اجراءات خروج ريم وطلعت وراحت البيت مع امها وماجد

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اروى : مو ميته انا عليك عشان اخذ شي يخصك من السيارة
فيصل : يلا اطلعي
طلعت اروى من السيارة ومعها الشريط وباصباعها دفت كتف فيصل حتى حس انه اتعمق فيه : مو انت اللي تطلعني .. فاهم ؟!
دخلت القصر وحطت الشريط وطلعت لهم .. لقت جنا بين يد سعود .. جالسه جنبه وحاط يده وراها ماسك كتفها ويسولف مع البنات .. حست بالقهر .. هو يكرهها .. ليش يلسمها ويقرب منها
جت عندهم بكل غرور وتتمخطر مع الموسيقى اللي مالية الحديقه جلست جنب نوف اختها بدلع
اروى بدلع ومجاغه : شرايك جنا بالموسيقى
جنا : حلوة مرة وصوت اللي تغني اروع
اروى : هذي انا .. انا اللي عازفة وانا اللي اغني
جنا : جد والله ؟ صوتك روعه مرة ماشاء الله
سعود سكت لما شاف اروى .. انتبه لكلمات الاغنيه .. يموت فيها ويموت في ذا الشريط بالذات عنده نسخه منه ومحتفظ فيها

خد بالك عليا دي مش معامله تعملني بيها
وابقي افتكر ليا ايام تعبت عشانك فيها

ياريتك بس تفهمني ومتستهونش
دي الواحده بتبقي مجروحه ومبينش
دي الواحده قد متضحي وتستحمل
اول ما بتفكر تنسا مبتستاذنش
" مهما كانت الاغاني تعبر عن مشاعرك يا اروى .. فانا عارف انها كذابه "

طالعها وخزها وكمل سواليفه مع سارة ونوف ونجلاء ورؤى

نجلاء : اييييييييه ما قلت لك سارة بتصير عروس
مسكت فمها بعد ما خلصت كلامها .. " يوووووه على زلة لساني .. كان لازم اقوله يعني اففف "
سارة لفيت عليها بصدمة ..: ايييش ؟ .. من متى ان شاء الله ؟
رؤى : وجع في شكلك يا حيوانه يا نجلاء .. هبله خربتي السيربرايز
سارة : خوش سيربرايز بصراحة .. انا كم مرة قلت لا تجيبون هالطاري
نوف : سارة خلاص هدي .. نتناقش بعدين

راحت سارة عنهم ودخلت مرسمها .. ملجاها الوحيد في الحياه .. لوحاتها هي اللي تفهمها .. تفهم مشاعرها اللي ترسمها فيها .. تحط مشاعرها في لوحة بيضا .. اثرها باقي في قلب سارة .. لكن من تنشف كانها نشفت في قلبها..جفت وتفتت وجت مكانها مشاعر ثانيه ..

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
الساعه 8 الليل ...
الماس : وئام افهميني .. ما عندي جرأه اجي بوجهه عشان تقوليلي صارحيه فيس تو فيس
وئام : اجل انتي مو وجه حب .. اللي يحب ويبي مشاعر متبادله يروح يعترف بحبه ويصير اللي يصير
الماس : ما اقدر .. ما عندي جرأه
وئام : طيب اذا جا مثلا تركي قدامك طالعيه .. لمحيله
الماس : ومن قالك اني انتظره يدخل عشان اطالع فيه .. اول ما اسمع انه دخل انحاش .. ما اقدر اطالع فيه .. تخونني الجراه والله
وئام بتفكير : مممم .. لقيتها
الماس : بشري
وئام : اكتبي له رساله وحطي حرتك فيها واكتبي كل شــــــي
الماس : مممم فكرة والله .. وشلون اعطيه ياها
وئام : مممممممممم ... قولي لاي احد بزر في العائلة يروح يعطيه اياها
الماس : بزاريننا يفتنون
وئام : وحده من الشغالات !!
الماس : ممممممممممممم طيب بشوف
وئام : ايوة .. ايش بعد ؟
الماس : ولا قبل ..
وئام : .........
الماس : ............
وئام : في ايش تفكري ؟
الماس : وايش دراك اني كنت افكر ؟
وئام : صديقتك من المتوسط 6 سنين معك ما تبيني اعرف متى تفكري ومتى لا ؟
الماس : ههههههه .. كنت افكر في تركي
وئام : ياذا التركي اللي نشبت فيه الماس بنت الماسي
الماس : هههههه اموت فيييييييه ايش اسوي ...
وئام : هههههه الله يثبت عليك العقل يارب
الماس : ههههه امين
وئام : يلا الماس انا اكلمك وقت ثاني .. وقوليلي التطورات اوكي؟
الماس: اوكي
وئام : باي
الماس : بايات

قفلت وئام من الماس ... وقفت عند المرايا تطالع شكلها
شعرها الناعم اللي يوصل لين اكتافها .. وعيونها الرماديه وشفايفها الورديه وخشمها الصغير المتناسق مع ملامح وجهها
غمقت الحكل اللي في عيونها الرماديه
سمعت طق على الباب
وئام : تفضل
دخلت الشغاله : miss we2am madam says u should come to dinner now
وئام : ok
نزلت وئام ودخلت غرفة الاكل .. شافت اكل قاعد وينتظرها .. قعدت مكانها والهدوء ساد المكان

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
اروى باستغراب : انت برى ؟
عبد العزيز : ايه
اروى : أي باب
عبد العزيز : الباب الخلفي بس عشان البواب ما يسويلي سالفه
اروى : اها
عبد العزيز : يلا اطلعي باوديك مكان خيالي
اروى : مو الحين
عبد العزيز : ليش ؟ مشغولة
اروى : تقريبا
عبد العزيز : طيب بس اطلعي ابي اشوفك بس
اروى : طيب ..
عبد العزيز وعرضت ابتسامته : انتظرك
سكرت اروى منه وطلعت من الباب الخلفي
عبد العزيز وهو واقف عند الباب : يا هلا والله
اروى : اهلين
عبد العزيز : الحين انا بخير .. بس لاني شفتك
اروى ضحكت بغرور
قرب عبد العزيز منها وانفاسها اختلطت مع انفاسه
ارتبكت اروى من قربه الزايد حاولت تدفه لكن منعها جسمه الصلب القاسي
رجعت على ورى : يلا باي
عبد العزيز : وين ؟ لسه ما شبعت منك
اروى : بتشبع المرة الجايه .. الحين باي
قفلت الباب ولفت تبغى ترجع للقصر لكن يد من وراها منعتها .. لفت تشوف مين هذا اللي ماسك يدها بالقسوة والجفاف ذا
.......... : لسه في بعد مرة جايه ؟

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

ريم : ماجد قفل الباب وبليز ما ابي احد عندي
ماجد : اوكي
طلع ماجد وقفل الباب وراه ونزل للصاله عند اخوانه
محمد : كيفها الحين
ماجد : لا والله ؟ .. احلف .. تضربها وترميها على الكنبه ولمن تتعب تقول كيفها ؟
محمد : تستاهل اللي جاها .. اجل احد يكلم امه بسفاهه ويقولها عله
ماجد : اضربها في أي مكان ثاني بس مو ترميها كذه وراسها يخبط على الجدران .. تعرف انه مو زين لها
قاطعتهم امهم
ام محمد : يلا تعالوا العشا ..
طلعت تنادي ريم
سمعت ريم تضحك وتسولف ..
ريم : ههههههههههه لالا حصل خير .. لا لا تتعب نفسك ماله داعي
دخلت ام محمد الغرفه : ريم حبيبتي ما تبين عـ ...
قاطعتها ريم : كم مرة اقولك دقي الباب قبل لا تدخلين ... وما ابي اتعشى اطلعي برة
ام محمد : طيب اطلع لك الـ ..
ريم : يوووووه قلت خلاص اطلعي ما ابي منك شي من وين تفهمين انتي نفسي اعرف
طلعت ام محمد من الغرفه بخيبة امل .. قعدت مع اولادها على الطاولة تحاول اكل .. بس نفسها مسدوده
ياسر : يمة شفيك ما تاكلين ؟
ام محمد قامت من على الطاولة : كلوا انتو بالعافيه انا ماابي اكل
طلعت لغرفتها وساد البيت السكون

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

سعود : قلت لك مين هذا ؟
اروى : وانت شكو .. يكون مين ما كان .. انت عليك بزوجتك مو بنت عمك
سعود شد على يدها : اروى لو ما قلتيلي هذا شيبي وليش جاي الحين اكسر لك يدك وما تلومي الا نفسك
اروى : لا تصدق خوفتني .. مو انت يا بابا اللي تقول لاروى هالاكلام .. فاهم .. " وكملت باستهزاء " واذا تبي تكسر يدي .. يلا اكسرها
سعود اشتعلت النار في قلبه .. مغرورة .. واثقه بنفسها مرة .. متكبرة .. وفوق هذا خاينه
ترك يدها ومشي بعيد عنها

سعود : يلا انا استاذنكم
فهد : وين بدري ؟
سعود : لا والله لازم نروح عشان نجهز لسفر بكرة ... يلا جنا البسي عبايتك
جنا : اوكي
راحت جنا لبست عبايتها وراحت مع سعود على الفندق

س1 : كيف بيكون سفر سعود وجنا ؟
س2 : هل بتنفذ الماس خطة وئام ؟ وهل ممكن تنجح ؟
س3 : وكيف بيمشي الوضع مع عبد العزيز واروى في الجزء الجاي
س4 : وكيف بيكون دوام البنات يوم السبت ؟؟ وكيف بيكونون صديقات ريم واروى ووئام ؟؟

 

[كفاني عذاب]

الجزء الرابع ..

يوم الجمعة
الساعه : 8 الليل

في بيت اهل جنا .. سعود كالعاده انتظرها برة وهي سلمت على اهلها وطلعت
جنا دخلت السيارة وعيونها وخشمها محمرين .. باين انها كانت تصيح
سعود يكلم السواق : يلا حرك على المطار
حرك السواق على المطار مثل ماقاله سعود .. والهدوء كان سيد الموقف
سعود يفكر في اروى وغرورها اللي ذابحه و خصوصا بعد الموقف حق امس
وجنا تفكر بحياتها مع سعود كيف بتكون معاه .. وببلد غريب ما فيه احد تعرفه غيره

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما في قصر جديد علينا في القصة

كانت تحط اللمسات الاخيرة من الميك اب وتعدل لبسها وشعرها
كانت لابسة بنطلون جينز عادي ومشقق من عند الركبه والفخذ .. وبلوزة سوده ماسكة على جسمها وبارزه جماله وشبشب اسود متناسق مع اللبس يعني كان شكلها مرة عادي وسبورت

شادن : بوووووووووو
الماس لفت عليها ببرود : اهلييين .. جيتوا ؟
شادن : لا .. بعدنا بالبيت ....... شرايك يعني ؟ عليك سؤال هههههه
الماس : مالت عليك من بنت عم
شادن : امشي يلا ننزل تحت ..
الماس : في احد تحت ؟
شادن : تركي بس
الماس اختبصت من سمعت اسم تركي : ها ؟ أي أي طيب
شادن : يلااااااا امشي ننزل
الماس : طيب
مسكت شادن يد الماس ونزلوا تحت
الماس كانت بكل خطوة تزيد دقات قلبها وارتباكها يزيد
شافت تركي جالس مع ابوها وامها في المجلس دخلت مع شادن المجلس بهدوء
وقف لها تركي عشان يسلم عليها ... مد لها يده
اكيد تبون تعرفون حال الماس .. الماس هنا من جد بغى يغمى عليها .. مدت يدها وتصافحوا
شعر جسمها وقف .. ارتعشت وحست كل شعرة في جسمها وقفت بس من لمسة يده ليدها ..
جلست بهدوء جنب شادن وتسمع سوالفه مع ابوها وامها
تركي : ماشاء الله أي سنه الحين الماس ؟
الماس : ها ؟ انا ؟
تركي ابتسم لانه باين انها كانت سرحانه : اقولك أي سنه
الماس داخت من ابتسامته : ثالث ثانوي
تركي : ماشاء الله .. علمي والا ادبي
الماس : لا علمي
تركي : كويس والله .. يلا يبيلك تشدي حيلك اخر سنه
الماس : ايه .. الله يعين
الماس بكل كلمة ينطقها تركي كان قلبها يرقص من فرحتها ..
اما تركي كان بارد مرررة .. اكيد اعجب بجمال الماس وجسمها الخيالي وعيونها الواسعه العسلية بس بنعرف اكثر كيف بتكون مشاعره تجاهها وقت ثاني 

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما عند سعود وجنا ...

الرجاء من المسافرين على رحله 135 والمتوجهه الى جنيف التوجه الى بوابة رقم 116 وذلك استعدادا للصعود الى الطائرة

سعود : يلا قومي جنا
قامت جنا ببرود ومشت مع سعود لعند البوابة وختموا على الجوازات وكل شي وطلعوا الطياره
جنا كانت تمشي ورى سعود بكل مكان .. لانها اول مرة تركب طيارة وما تعرف من وين تروح وايش تسوي بالضبط

سعود : يلا اقعدي
جنا : هنا ؟
سعود باستهزاء : لا هناك .. ايه يلا اركبي
جنا لفت عنه ببرود وقعدت جنب الشباك وظلت تتامل اللي وراه
مكان فاضي بس فيه السيارات اللي تنقل الشنط للطيارة
لفت جنا على سعود لقته قاعد يحوس في جواله
" جنا "
( حتى ما فكر يكلف على نفسه يشتريلي جوال على الاقل استخدمه هنا عشان اكلم اهلي .. ومن متى هو يهتم !! )

جنا فهمت من الكابتن انهم رايحين جنيف

" يا ترى كيف بتكون ؟ وكيف بتاقلم مع الجو .. واكيد كل يوم بنطلع .. او يسويها ويقعدني بس بالفندق
لالا ما اتوقع .. مهما كان جاف مو معناته انه ما يطلعني .. حنا ليه رايحين شهر عسل اجل "

سعود
"كيف بكون انا وياها لحالنا هناك ؟ ولا في احد .. معقوله بقدر اتاقلم معها او تتاقلم معي ؟"

وقف من مكانه ... التفت جنا له " وين بيروح هذا ويخليني ؟؟ " لكنها ارتاحت لما شافته يطلع شي من الشنطه اللي كان يسحبها وراه

طلع كراسة canson من الشنطة حجمها بحجم ورق الـ A4 العادي وقلم رصاص ورجع قعد في مكانه

جنا
" كان عندي فضول اشوف ايش فيها الكراسه هذي وايش تخبي من رسمات ومشاعر من مشاعر سعود الغامضة "

اعلن الكابتن عن اقلاع الطائرة وجنا ربطت الحزام بعد ماشافت سعود كيف يربطه
بدت الطيارة تتحرك من مطار الدمام متجهه لجنيف
جنا كانت مبسووطة مرة وفي نفس الوقت خايفه من سعود .. مافي مكان تلجأ له او تعرفه هناك .. يعني مجبورة تقعد معاه عجبها او لا

قعدت تتامل الارض وهي تبتعد عنها .. ما تتخيل نفسها طايرة في الجو .. وجهها مع ظلام الليل انعكس على شباك الطيارة وسعود وراها .. طالعت سعود اللي كان منشغل بالرسم وباله مو معه

طنشته واستسلمت للنوم




; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;


اما عند عائلة اروى

سارة في غرفتها جالسة في بلكونتها اللي تطل على نافورة عالية في حديقة القصر
جالسة على كرسيها وتطالع القمر والنجوم المتراميه حوله
والهواء اللي كان شبه بارد يطير خصلات من شعرها الناعم
دخلت عليها نوف
الاخت المقربه لها من بين خواتها كلهم
نوف : سارة ..
سارة بدون ما تلف عليها : نعم !
نوف : حطوا العشا .. ما تبين تتعشين ؟
سارة : لا
نوف : تقدمت لعندها وصارت واقفه جنبها ... رفعت راسها وطالعت القمر
نوف : شوفي القمر ... شفتيه ؟؟ وشوفي النجوم حوله .. كلها نور .. وتنور الدنيا في ظلمة الليل ومهما كانت كثافة الغيوم اللي ممكن تحجب عنا الضوء هذا .. لازال صامد وينتظر الغيمة تمر عشان يرجع لنا النور الحقيقي
فخلي حياتك مثل القمر والنجوم .. تعيش عشان غيرها .. وما تهتم باللي ممكن تحجب عنها نورها
اقصد الماضي يا سارة .. انسيه .. وابدئي صفحه جديده في حياتك .. عمرك صار 25 سنه وانتي لسه ترفضي الخطاب اللي يجونك .. وكل ما نفتح لك سالفه عرس قلبتي الدنيا ..
سارة انا ادري باللي في قلبك .. وادري انه الجرح عميق في قلبك .. بس خلاص .. الدنيا كذه كلها امتحانات واختبارات

سارة بدت دموعها تتجمع في عيونها كل ما تحاول تنسى جي واحد يخطبها ويرجع الجرح ينزف وتستنى يتخثر

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

نرجع لقبل 4 سنين .. لمن كان عمرها 21 سنه .. كانت رابع سنه جامعه اتخرجت وفرحت فرحه التخرج وبدت تفتح لها بزنس وتعامل مع الشركات والمؤسسات ومحلات تجهيز الافراح وغيرها من شركات

جت سارة بفرحتها تبشر حبيبها واللي قعد معاها وشاركها افراحها واحزانها من الثانوية .. واللي وعدها بليلة العمر .. فرحت سارة من قلبها .. بيوم التخرج جات سارة فرحانه لحبيبها وشريك حياتها " بندر "
بندر : هههههههههههههههههههههه انتي صدقتي .. سارة .. انا مستحيل اتزوج وحده فكرت بيوم من الايام تكلم شاب .. ايش يضمن لي انك ما كلمتي قبلي ؟ ها ؟
سارة ودموعها بدت تتجمع في عيونها : بس انا عمري ما خنتك او فكرت اكلم غيرك
بندر : خلااااص .. الزواج انسيه .. انا مستحيل اخذ وحده مستعمله .. كلمت شاب وطلعت معه .. انا رجال واتمنى اني احصل وحده شريفه .. ما تكلم ولا تطلع مع شباب واخلاق عاليه .. مو مثلك يالمستعمله

سارة دموعها نزلت على خدها الحار .. انجرح قلبها من كلامه القاسي .. الحين لانها حبته ونفذت طلباته صار ما عندها اخلاق وصارت مستعمله ؟؟ !!

ومن هذا اليوم وسارة ترفض في الخطاب .. لعل وعسى بندر يرجع في كلامه ويلين قلبه بعد هالسنين ويجي يتقدم لها

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

نوف : سارة فكري زين .. اللي اتقدم لك شخص ما يتعوض وصدقيني اذا .....
قاطعتها سارة : طيب .. بفكر وبرد عليك
نوف : طيب يلا ننزل ناكل .. الكل ينتظرنا تحت
سارة : لا نوف بليز مرة مالي خلق .. انزلي انتي
نوف بخيبه امل لانها عارفه رد اختها اخر شي بتقول لا ما ابي اعرس : طيب .. ولا تنسي .. فكري زين
سارة : ............

طلعت نوف من الغرفه ونزلت لعند غرفة الاكل ... جلست بمكانها وضبطت المنديل على حضنها
ام فيصل : وينها ما جات ؟
نوف : تقول مالها نفس تاكل
رؤى : كله من نجلاء البقرة هذي
نجلاء : وانا ايش سويت ؟
رؤى : مرة باين ما سويتي شي
ام فيصل : فهد متى بيجي من المستشفى ؟
فيصل : على الساعه 10 يخلص الشيفت حقه
دخلوا الخدامات الغرفة ومعهم اصناف الاكل الكثيرة .. مشوا لعندهم وبدوا يحطون لهم في صحونهم
ام فيصل تكلم الشغالة اللي قاعده تشرف على الخدم من عند الباب : ماريان لمن يجي مستر فهد قولي لكنان الطباخ يجهز له الاكل
ماريان بلهجتها اللبنانية : اوكي مادام بتامري شي تاني ؟
ام فيصل : وبكرة العصر بيوصل مستر من الرياض .. ابغا كل شي جاهز ومرتب
ماريان : اوكي
حطوا الخدامات الاكل الباقي على البوفيه وطلعوا
نوف : رؤى رايحة الجامعة بكرة ؟
رؤى : مممممممم .. اتوقع لانه في كذه شغلة لازم اسويها .. ليش انتي مو رايحة بكرة
نوف : اذا رايحه يصير عطيك كتاب تعطينه لـ miss ايلما اوكي ؟
رؤى : ماشي

الكل سكت بعدها وما تكلم .. انتهوا من العشا وفي اللي قعد في الصاله الكبيرة يترفج تلفزيون .. واللي طلع يريح .. واللي راح ينام مرة وحده

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;




تركي : ايش هذا ؟
الشغالة : ما ادري هادا مس الماس اعتي يقول حق انتا
تركي اخذ الظرف اللي كانت ريحة العطر مغرقته وراحت الشغاله على وطول
دخل غرفته وفتح الرسالة
ناظر فيها بصمت بعد ما قرأها ..
" معقولة تكون تحبني من ذاك الوقت وانا ولا ادري .. بس انا عمري ما فكرت في يوم من الايام اني احب وحده اعتبرها مثل اختي "
انسدح تركي على السرير :" والله البنات امرهم غريب "

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

الساعه 5 ونص الصبح
صحت وئام نشيطة على غير العاده .. راحت الحمام اخذت شاور
طلعت وشغلت الاستريو على اغنيه فيروز " اديش كان في ناس "
صوت فيروز الهادئ مالي ارجاء الغرفه ونور الصباح يخترق قزاز الشبابيك وينور الغرفه
سشورت وئام شعرها و حطت كحل وبلاشر خفيف على وجهها ولبست مريولها لبست حلق الماس ناعم واخذت من دولابها الكبير جاكيت رمادي لان مدرستهم بارده .. وطلعت من دولاب الجزم " الله يعزكم " جزمة رماديه من النوع اللي ينلبس بدون شراب

لبستها وكبت على نفسها من قزازة عطر جادور عطرها المفضل ونزلت تفطر
وخلت صوت فيروز يملي الغرفه

الكل قاعد على الطاولة يفطر بهدوء
وئام : صباح الخير
ليان " اخت وئام " : لاا ؟ وئام قايمة من بدري .. غرييييب !!
وئام : من جد غريبة .. انا مستغربه من نفسي
ابو وليد بحدته المعتاده : يعني مافي احترام للنعمة !!
الكل سكت وحط وعينه في صحنه ياكل بهدوء ..
وئام تاكل وسرحانه .. كيف الماس عطت الورقة تركي او لا ؟ وكيف كانت ردة فعله ؟

قامت من على الطاولة وفرشت اسنانها بعد الاكل وحطت قلوس شفاف فيه لمعة فضيه
طلعت من جيبها علكة نعناع واكلتها
وئام : ميرييييييي .. ميييييريييي وصمخ
ميري جت بسرعه عند وئام قبل لا تعصب عليها : yes miss we2am
وئام : اطلعي جيبي الشنطة من فوق والحقيني على السيارة
ميري : ok
طلعت ميري لغرفة وئام وسكرت الاستريو اللي كان يصرخ في الغرفة بصوت فيروز وهي تغني
شالت الشنطة وطلعت معها السيارة

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

فتحت لها الشغالة باب السيارة ودخلت بغرور وثقه السياره الـ بس ام السودا
طلعت نجلاء وراها مستعجله شايلة شنطتها وملفات بيدها والطرحة على كتفها باهمال
فتحت الباب وجلست بقوة على كرسي السيارة

اروى : يالطيييييف .. يعني ما تشوفين انتي ؟ السيارة مارح تطير والله
نجلاء : عندي اختبار الحصة الاولى وانتي يالطيف والسيارة مارح تطير ..." تكلم السواق " روح يلا
مشى السواق ووصل لعند بوابة القصر الكبيرة .. فتحها البواب لهم وطلعوا

وصلت السيارة لمدرسة نجلاء .. نجلاء بتواضعها ما تخلي الشغالة تنزل وتشيل عنها الشنطة .. تشيلها بنفسها .. وشكلها عادي ومتواضع جدا
عكس اروى ورؤى

اما قدام مدرسة اروى ووئام وريم

نزل السواق فتح الباب لها وطلعت اروى ومشت بتمخطر لين داخل المدرسة ووراها الشغالة شايله الشنطة
طلعت لين فصلها بنفس الغرور وشافت شله بنات توهم بيطلعون من الفصل
البنات : هااي اراوي
اروى بدون نفس : هايات

دخلت الفصل مع الشغالة حطت لها اشياءها في مكانها ورتبت لها المكان وعطرته ونزلت ورجعت البيت
اما اروى اخذت القلوس والعطر والحكل وكل ادوات التجميل الخفيفه واشرت للبنات يجون وراها للحمام

حطت اروى من القلوس الاحمر والحكل واتعطرت لين ما خلصت نص قزازة العطر

البنات كانوا يرتبون شعرهم في المرايات الثانيه .. واول ما خلصت اروى طلعت وهم وراها .. جو في طريقهم وئام وريم اللي كانوا واصلين من توهم تعدلوا وطلعوا مع البنات

وئام : اقول ارام ما شفتي الماس ؟
ريم بتدخل تكرهه وئام : وانتي ايش تبين فيها ؟ بنت غبيه وما عندها غير اهلي واهلي
وئام ردون نفس : ريم بليز .. انا كنت اتكلم مع ارام ..
ارام : لا والله للحين ما شفتها .. شكلها بتجي متاخر
وئام : لاااا .. مو اليووم

من بعيد لبعيد .. كان في بنت تطالع اروى بنظرات كلها حقد وكره
مزون : اقول اراوي .. تعرفين هذيك البنت اللي قاعده مع الشله اللي واقفه قبال معمل الاحياء ؟
اروى : قصدك هديل ؟
مزون : ايه
اروى : خليها هذي مو من مستوانا .. بنت عاديه وجايه تجرب الهوشات معاي .
مزون : بس شوفي العصابة اللي جايبتها اليوم .. ولا مافيا
اروى بعصبيه : مزوووون وبعديين .خلاص شسويلها يعني .. تجيب اللي تجيبه
اروى تو تمشي ترد الا تشوف هديل جت عند عندها

اروى طالعت فيها باستهزاء : خير ؟
هديل : ابيك شوي
اروى لفت بغرور : والله اللي يبيني يجيني
ريم باستهزاء : اوووه .. هانم هديل هنا .. يا هلا والله
هديل باستهزاء اكبر : يا هلا فيك .. اروى بغيتك شوي
اروى : قلت لك اللي يبيني يجيني
هديل : وهذا انا جيتك
اروى باستهزاء : هههه تحسبيني طالعه على امثالك غبيه ؟؟ اقصد جيبي المافيا اللي جايبتها اليوم
هديل طالعت في العصابه اللي وراها ..بنات ضخام وكل وحده شكلها اكبر من الثانيه
: اروى تعالي بالطيب احسن
اروى : هههههه ضحكتيني .. حبيبتي هديل .. انا اروى ما ترفعين صوتك علي زين .. والا بتشوفين شي ما يسرك
هديل : لا والله .. يلا وريني شبتسوين
اروى بغرور : تتحديني ما كفاك اليوم اللي كنتي بتدخلين فيه السجون ؟
هديل بتحدي : لا ..و اتحداك ..
اروى انقهرت منها : ماشي يا هديل .. ولو ما نفذت اللي في بالي .. ما اكون انا اروى
تشاااااو

اشرت بيدها بدلع ولفت عنها ومشت وراحت فصلها و جلست مكانها بين ريم ووئام

ريم تهمس عند وئام : شفيها اراوي مو على بعضها ؟
وئام : مدري والله
ريم : شفتها تكلم هديل
وئام بصدمة : هديل ام عصابات هذيك ما غيرها ؟
ريم بابتسامة مكر : هههههه ما غيرها
وئام : من جدها اروى تتمشكل مع ذي .. مارح يتركونها الا اذا مسحوا فيها الارض
ريم : هههههه وئاام من جدك ؟ لا تخافين اراوي تعرف شتسوي مع الاشكال هذي

دخلت بعدها استاذه الكيمياء اللي كانت عليهم اول حصة
استاذة الكيمياء بالنسبه لريم اكره مخلوق تعرفه بحياتها
الاستاذه : السلام عليكم
ريم بتافف : اففف جا الهم " بصوت مسموع "
الاستاذه طالعت في ريم من فوق لتحت : اذا لم تستحي فافعل ما شئت
ريم بادلتها النظرة : واذا خاطبهم الجاهلون قالوا سلاما
الاستاذه سكتت وما عرفت وش ترد : انسه ريم .. شوفي انا من بداية السنه وانا محترمتك وما غلطت عليك بكلمة .. فلا تجبريني الحين على اخر السنه اغلط عليك
ريم : على قولتك .. اذا لم تستحي فافعل ما شئت
الاستاذه : نعم ؟ ..
ريم : مو انتي تقولين ما غلطت عليك .. وانتي بنظري حياءك معدوم .. فافعلي ما شئتي
الاستاذه فقدت اعصابها : ريم .. اطلعي برة
ريم : وايش اطلع اسوي .. اشرحي يالطيبه بس لا تخربين مستقبل البنات
الاستاذه طنشتها وبدت شرح وريم تسوي حركات تنرفزها .. وتسولف وتغني وتتمشى في الفصل

هذا موجز بسيط عن الوضع في المدرسة ولسه في احداث جايه في الطريق

ثواني وتدخل الماس الفصل وجلست جنب وئام
وئام : ما بغيتي تجين
الماس : انا اللي مستغربه انك جايه بدري
وئام : جايه اشوفك وابي اعرف الاخبار مو عشان سواد وجه المدرسه
الماس : اااااااااااااااااه وش اقولك بس .. خليها وقت الفسحه
وئام : لا مافي تقولين الحين
الماس : يووه وئام قلت لك الفسحه اقولك الحين ابي انتبه .. كفايه اني ميح بالكيميا
وئام : اففف
سكتت الماس تسمع الاستاذه الا وجرس نهايه الحصه يرن
مر الوقت وجا وقت الفسحه
اروى : تعالوا نروح الراشد
ريم : ماعندي مانع .. بنات شقلتوا
مزون : اوكي موافقه
مشاعل : لا اخاف ..
اروى : اقول زين .. ماعندك سالفه بنشتري فطور وراجعين
وئام تجي مع الماس : وين وين .. لا تخططون من دوني
اروى : نبي نروح نشري فطور ونرجع من الراشد .. كلها مسافه شارع .. نقطعه ونوصل
وئام : ادري بتفهميني يعني .. الماس تروحين ويانا؟
ريم طالعت في الماس باستهزاء .. تدري انه الماس من عائلة محافظة ومستحيل تطلع من المدرسة بدون مايدون اهلها
الماس حبت انها تكسر خشم ريم وتعند : اوكي

اروى : اقول مزون .. روحي نادي هديل تجي ويانا
مزون تاشر على نفسها : انا ؟؟ انا تبيني اروح انادي ام العصابات ذيك .. لالا يا عمري تبينها ناديها انتي
اروى : يووووه مزون لا تصيرين سخيفه .. مارح تسويلك شي .. بس قوليلها تعالي كلمي اروى وبس
مزون : اففففففففففففف انزيييين
راحت مزون للمكان اللي قاعده يه هديل مع عصابتها المافيا
مزون : هاي هديل
هديل من فوق لتحت تتفحص مزون : هايات
مزون : اروى تبغاك
هديل ابتسمت بخبث : اوكي .. يلا قوموا " تكلم البنات اللي معها "
قاموا البنات ومشوا ورى مزون لين ما راحوا عند اروى
اروى : هاي هديل .. تجين معنا الراشد ؟ رايحين نشتري فطور .. ومرة وحده تقولين اللي تبينه على انفراد مثل ما تبين
هديل ابتسمت بمكر : اوكي
ريم : يلا اطلعوا جيبوا عباياتكم وانزلوا .. ننتظركم عند البوابة
البنات: اوكي
طلعوا البنات وجابوا عباياتهم وطلعوا


--------------------------------------------------------------------------------

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما في غرفة كانت الوانها احمر وابيض
احمر دلالة على حب
وابيض صفحه بيضاء وجديده وطوت ما قبلها من صفحات ملونه بالوان الكون منها البشع ومنها الحسن

لكن في بعض الاحيان يكون الاحمر لون يدل على العذاب
وهذا كان حال جنا مع سعود .. تتعذب بجفافه معها .. من يوم ما وصلوا جنيف ولا حكا معها ولا كلمه
صحت من نومها العميق بتعب .. اتروشت وبدلت ملابسها .. لبست بنطلون باغي لونة فوشي وفيه خط من الجوانب ابيض .. لبست بلوزة بيضا ومكتوب عليها كلام بالفوشي
راحت للمطبخ تشوف أي شي تاكله لكن مالقت شي
سعود طلع من الغرفه وشافها قاعده في المطبخ
سعود : جنا.. قومي اجهزي رح نطلع نفطر برة
طلعت جنا بدون ما تقول أي كلمه لسعود او حتى تساله عن المكان عشان تلبس شي مناسب
سعود طنشها وجلس على الكنبه وصار يقلب في قنوات
جاته جنا بعابيتها وطرحتها وهو بدوره طالها من فوق لتحت باستهزاء
: بتطلعين كذه ؟؟ " وياشر باصبعه عليها من فوق لتحت "
جنا : وكيف تبيني اطلع يعني
سعود : بتفصخين العبايه .. هنا مافي شي اسمه عبايه
جنا : بس انا ما اعرف امشي بدون عبايه
سعود : اقول يلا بلا هالفلسفه وافصخي عبايتك وتعالي
جنا : لا ماني بفاصختها .. ما اعرف امشي بدونها
سعود : قرويه .. طول عمرك بتبقين قروية
جنا سكتت وما قدرت تفتح فمها يسبها ويهينها بس ما تقدر تقوله شي .. هي لحالها معاه في بلد غريب..
سعود : قومي افصخي العبايه بس وانتي ساكته يلا
جنا لفت عنه ومشت للغرفه .. انتظرها وانتظرها .. دقيقه .. 2 .. 5 ولا طلعت
دخل عليها الغرفه لقاها قاعده شبه مسدوحة على السرير جالسه وسانده ظهرها على ظهر السرير وقاعده تقرا روايه
سعود عصب من شكلها البارد : الحين ممكن اعرف ليه ما طلعتي
جنا ساكته وتطالع في الكتاب وكانها تقرا ولكنها تسمع كلامه وكانه كلامه مثل القزاز الحاد للي يجرح ولا يهتم بالجروح
سعود : احسن .. خليك جوعانه
طلع سعود وقفل الباب لحد ما حست جنا انه الجدران بتطيح عليها
ارتعشت وحست بالبرد .. قامت وجابت الجاكيت من الدولاب وطلعت من الغرفه ..
" يمكن ما يكون راح .. يمكن حس على دمه شوي "
لكن مافي خابت ظنونها بعد ما طلعت وما شافت احد بالصاله ..

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما في مجمـع الراشــد

ريم : من وين تبون تفطرون
مزون : انا عن نفسي ابي من جوفريز
اروى : روحوا اشتروا من أي مكان واشترولي معكم انا بروح الحمام اعدل شكلي
ريم : اوكي
اروى تطالع في هديل اللي ماشيه ووراها شلتها : هديل تجين معاي ؟
هديل فهمت قصدها وابتسمت بخبث : اوكي ..
راحت اروى مع هديل الحمامات ومعاهم شله هديل " العصابه "
هديل : يووه دقيقه احتاج الحمام لا تطلعون وتخلوني
اروى : اوكي احنا ننتظرك برى
هديل : اوكي
اروى ابتسمت بخبث بعد ما دخلت هديل الحمام و طلعت مع العصابة لبرى الحمامات
اروى : الحين انتو من جدكم متصادقين مع وحده منافقه مثل هذي ؟
ردت سعاد وحده منهم بصوتها الضخم : شقصدك ؟
اروى : ليش انتو ما تدرون وش ناويه عليكم ؟
سعاد : لاتقعدين تخرطين
اروى : لا من جد اتكلم .. تقول انها متفقه ويا المديرة عليكم .. وما صدقت متى قربت منكم عشان تقدمكم عند المديرة
سعاد : شفتوا بنت الـ ....... " مشفر " قايلتلكم هذي وراها شي لكن ما صدقتوني ... والله ما رح تطلع هنا الا وهي مكسرة والله
دخلت سعاد والبنات وراها معصبين حدهم على نفاقها
هديل شافتهم منعكسين على المرايا ولفت عليهم : وين اروى .. ما قلت لكم لا تطلعوها
سعاد قربت من هديل : انا اللي مارح اخليك تطلعين من هنا الا جثه
عطتها ضربه على وجهها طاحت هديل منها على الارض
العصابه توصوا فيها وطلعوا وتركوها بدمانها تنزف في الحمام

اروى كانت بعيده تنتظرهم يطلعون .. ولمن شافتهم طالعين ونزلوا راحت هي للحمام وشافت هديل مرميه على الارض والدم من حولها .. تنزف من انفها وفمها وجسمها وراسها .. ووجهها مشقق ومراية الحمام مكسورة
طالعتها بقرف وهي ترفع طرف عبايتها ومريولها عشان ما يجيه دم : ههههههههههه شفتي من تحدى اروى ؟ قلبتها عليك يا ......... " طووط "

طلعت اروى من الحمام ونزلت شافت البنات " ريم وئام الماس مزون " ينتظرونها عن الباب
ريم : شصار
اروى : هههههههه اللي يعجبك
ريم : ههههههه
وئام : شالسالفه ؟
ريم اشرت لها انه بعدين تقولها ..

رجعت للمدرسة وكان توه يرن جرس نهاية الفسحة

انتهى الدوام ولحد جاب سيرة لهديل ولحد درى عنها

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

على الساعه 5 ونص العصر

الماس كانت مستااانسه .. تركي عندهم في البيت
دقت على وئام ..
الماس : ما ادري ايش اسوي .. انزل او لا ؟
وئام : يا هبله انزلي .. يمكن يبي ...
قاطعتها الماس : يوووه .. مدري ايش اسوي

الماس تسمعه صدى صوت تركي من تحت يكلم الشغاله : مس الماس هنا ؟
الماس رجعت لوئام : يووه وئام شوفي ينادي علي
وئام : انزلي له وانتي ساكته وارجعي دقي علي اذا راح
الماس : اوكي
سكرت الماس من وئام ونزلت لتركي

الماس : السلام عليكم
تركي وهو يناظر الماس بتفحص والابتسامه شاقه وجهه : وعليكم السلام
الماس ارتاحت لابتسامته وجلست واشرت له بالجلوس : اتفضل
تركي : زاد فضلك ..

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

عبد العزيز : يووه حرام عليكم
اروى : اجل تحالو تعتدي علي ؟
عبد العزيز : لا بعيد الشر عنك
اروى : تخيل لو انا كنت في مكانها الحين .. زين اني قلبت اللي بتسويه معي عليها
عبد العزيز : الحمدلله انها جت فيها مو فيك
اروى تضحك بدلع : ههههه
عبد العزيز : فديت الدلع انا
اروى بدلع ومياعه : عزييييز خلااص
شوي ويدق الباب
اروى : دقيقه
عبد العزيز : اوكي

اروى : مييييييييين ؟
فيصل : انا فيصل
اروى : افففففففف ادخل
فيصل فتح الباب ودخل : مين كنتي تكلمين
اروى : وئام .. خير شتبي ؟
فيصل : وئام تقولين لها " ويقلد صوتها المايع " عزييييز خلاااص
اروى ارتبكت : ايه .. وانت شكو
فيصل : على العموم ماما وبابا يبونا كلنا تحت انزلي
اروى : اففف .. انزين نازله
طلع فيصل من الغرفه وهو يتحمد ربه على نعمة العقل

نزلت اروى بعده بدقايق
اروى باست خد ابوها : الحمدلله على السلامة دادي
ابو فيصل : الله يسلمك حبيبتي تعالي اقعدي جنبي
جلست جنب ابوها اللي مدلعها من صغرها اكثر من اخوانها الباقيين
اروى : دادي تخيل اليوم كان في بنات بيعتدون علي ويضربوني
ابو فيصل بخوف شديد : لا لا ياقلبي مين هذول البنات ..قوليلي بس وانا اتصرف
اروى : هههه لا دادي خلاصانا سويت الواجب
ابو فيصل ضربها خفيف على خدها : تعجبيني .. الا في احد يحاول يلمس اروى
اروى : ههههه لا

ام فيصل : خلاص ابو فيصل بتخرب البنت
فيصل : هي خربانه خلقه
الكل وجه انظاره لفيصل اللي قايل هالكلام بدون ما يحس بقيمته عند ابوه
سارة حبت تغير الجو وخصوصا انه ابوها توه راجع من سفر وماله خلق هوشات
سارة : بابا
ابو فيصل : هلا سارونه
سارة تلعب باطراف اصابيعها بارتباك واضح : انا .. انا قررت
ابو فيصل : قررتي وشو
سارة : على سالفه اللي جاي يخطبني
ام فيصل بفرح : وان شاء الله موافقه ؟
نوف طالعت في سارة اللي وجهها ما يبشر الخير .. اتنهدت بضيق وشالت نظرها عنها

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

نهاية البــارت

س1: كيف بيكون رد سارة على اللي جاي يخطبها ؟
س2 : وفيصل .. هل بيكت على اللي سمعه من اروى ؟
س3 : وهديل ؟ كيف بيكون حالها في الجزء الجاي ؟
س4 : وسعود .. كيف بيكون تعاملة مع جنا في الجزء الجاي ؟ وهل بيتحسن معها ؟

 

[كفاني عذاب]

لجـزء الخـامس ...

ابو فيصل بنبرته الحنونة : شفيك بابا اتكلمي ؟..
سارة بارتباك : ممممم .. انا .. " رفعت راسها وطالعت ابوها .. انا موافقه
ام فيصل قامت بفرح حضنت بنتها : مبرووك حياتي .. مبروووك
سارة ضمت امها وبكت بدون ما تحس وهي تتذكر بندر وكلماته الجرحة

انتي مستعملة ... !!!

هي ما غلطت معاه او مع أي احد !! ليش قالها يا مستعمله !
يمكن لانه لعب عليها واستخدمها لعبه بين يده يقلبها كل يوم الجهه اللي يبيها ...

" حسبي الله عليك يا بندر .. والله يعوضني خير منك يارب ويوفقني في حياتي الجديده "

كلمات قالتها سارة من قلب .. تكره تكون لعبه في يد الناس .. يلعبوا فيها ويكسرونها واخر شي يرمونها لانها ما عادت تنفع مثل اول .. طفش منها وراح يشتري غيرها

قوت قلبها وهي تسمع امها تكلم اهل المعرس وتقولهم على موافقه سارة

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما في صاله كبيرة مافي احد غير شخص قاعد من اول ينتظر ابو وليد في الصاله
اما في غرفة وئام

وئام : هييييي الماااس قطعتي قلبي قوليلي شفيييك ؟؟

طيب انا انتظرك ...

سكرت وئام من الماس وعلى وجهها اكبر علامة استفهام

لبست شي عادي ونزلت تنتظر الماس .. دخلت الصاله وتمشي بخطوات خفيفه ومرحة

لاحظت وجود شخص في الغرفه .. لفت شوف مين هو : اوووه اهلين عبد الرحمن ........ " سكتت للحظة وكملت بشك " عبد الرحمن صح ؟
عبد الرحمن ابتسم لمن شافها : ايه .. شخبارك وئام ؟
وئام : الحمدلله تمام ... تنتظر بابا ؟
عبد الرحمن : ايه طلع يجيب اوراق حقة الشركة وجاي
وئام : اهااا

جلست وئام للحظات في الصالة تنتظر الماس ..
يرن جرس لباب وتروح الخدامة تفتح الباب
الماس لمحت وئام جالسه في الصاله .. راحت لها والدموع في عيونها وتبكي وتشهق
وئام ضمت الماس : الماااس قولي شصااار ؟؟
الماس بقهر : يعتبرني اخته .. انا اخته ؟؟؟ .. حرام عليه انا احبه ليش يسوي كذه
ورجعت تبكي
وئام انتبهت لعبد الرحمن اللي يناظر في الماس نظرات استغراب
وئام حست انه لازم تروح : " اوكي عن اذنك عبد الرحمن
عبد الرحمن : اذنك معك

اخذت وئام الماس وطلعوا لغرفة وئام

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما في قصر العالي

سارة كانت قاعده مع نوف ورؤى ونجلاء في الصاله

نجلاء : ومتى حطيتوا موعد الخطبه
سارة : ما ادري انا عطيت ماما كل الصلاحيات وهي بترتب لي كل شي
نجلاء : هههههه متحمسة متى يجي يوم الشوفه واشوف وجه سارة المستحي ههههه
سارة : مين قال ؟ انا ما ابغا لا اشوفه ولا يشوفني الا بيوم العرس
رؤى : يؤ .. سارة اصحي .. هذي شوفة شرعيه ولازم يشوف العروس اللي اختارها
سارة : امه تشوفني وتقوله عني .. بس انا مارح اشوفه الا بيوم العرس
نوف : اوكي خلاص طيب
رؤى اتنرفزت من نوف وبرودها : وشو طيب !! مو على كيفها لازم يشوفها وتشوفه
نوف تصرخ على رؤى : رؤؤؤىىىى خلاص قالت ما تبي تشوفه خلاص كيفها .. هي اللي بتعرس والا انتي

طنشتهم سارة واخذت الريموت وصارت تقلب بالقنوات بطفش

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

وئام بصدمة : مثــــل اخـــته ؟؟؟؟؟؟؟
الماس وهي لسة تبكي : ايه .. قال وشو .. انا ما اعرف شلون احب وحده اعتبرها مثل اختي
وئام سكتت .. ما تعرف ايش تقول
الماس مسحت دموعها : خلاص لا تتعبين نفسك ولا تفكري .. مثل ما هو يعتبرني مثل اخته انا بعد بعتبرة مثل اخوي
وئام : ............
الماس وقفت : يلا باي .. اشوفك بكرة
وئام : وين بدري امشي اقعدي بس
الماس : لا خلاص لازم اروح .. اشوفك بكرة
وئام ما حبت تضغط عليها : اوكي
نزلت معاها ووصلتها لعند الباب .. شافت عبد الرحمن قاعد مع ابوها في الصاله .. طنشتهم وطلعت لغرفتها

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

هديل بصدمة : أيـــــــــش ؟؟؟؟؟ انا اصير ......
خنقتها العبرة .. ما قدرت تكمل كلامها الا نزلت دموعها

ام هديل : خلاص حبيبتي هدي .. الدكتور قال ....
قاطعتها هديل وهي تمسك وجهها المغطى بشاش .. انصدمت من ملمس وجهها ولفت على امها : ايش هذا ؟؟ ليش وجهي كذه ؟؟
ام هديل تجمعت الدموع في عيونها : هديل ماما لا تخافين كل شي بيرجع مثل اول واحسن .. لا تخافين
هديل تلف على امها والدموع في عيونها : ماما .. قوليلي ايش صار في وجهي .. ليش لافينه ؟؟
ام هديل : ..........

في هذي اللحظة دخل الدكتور ومعه ملف هديل : الحمدلله على السلامة انسه هديل
هديل بعصبيه : أي سلامه اللي تتكلم عنها ... ليش انا هنا .. ليش وجهي ملفوف .. ايش صار تكلموا

الدكتور : لا تخافين .. خدوش بسيطة في الوجه ولازم تتغطى .. اما عن .....
قاطعته هديل : افتح لي اياه .. ابي اشوف
الدكتور ما يبي يوريها وجهها حتى لا تسوء نفسيتها : الخدوش لو جاها هو.........
هديل بصراخ : افـــتحه .. ابـــي اشـــوفه
الدكتور اتنهد واستجاب لطلبها .. اتقدمت الممرضه عند هديل وبدات تفتح الشاش اللي على وجهها

هديل مسكت مرايا عطاها اياها الدكتور ...و اول جرح كان على جبينها .. وعلى عيونها .. جروح وملايين الغرز على خدودها

هديل ما قاومت شكلها .. دفت يد الممرضة وغطت وجهها بيدها وصارت تصارخ وتبكي

هديل البنت الجميله اللي محد يقدر ينكر جمالها .. تتشوه ؟؟؟؟؟؟؟

هديل بصراخ : والله اوريها بنت ال.......
حاولت تدف نفسها من فوق السرير لكن مافي فايده .. رجولها انشلت ولا تقدر تتحرك !!!
رمت نفسها على السرير بالم وتعب وتضرب المخده بيدها وتبكي وتشهق

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اروى في غرفتها تعزف وتغني بصوتها الناعم العذب

لو ماتيجى على نوم عينيا وبأيدك تهز الغفا توعي الحنين اللى فيا
اللى كان على البعد انطفى لو مابتيجى

صالحتنى مع الدنيا رجعتنى للولدني
طفل صغير مشيطنى على الارض عم تركد حفا

قلبك قلبى كان شجرة بلى عصافير جانى بالالوان فراشه ما فيها تطير
غيرت الزمان بدلت البرد بدفا

لو ما الهو يمرؤ على بابى يمحى بنسماته الضجر
كنت رضيانى بعذابى لهم حبه لقمر لو ما الهوا

علمت قلبى على الحكى نسيتنى كيف البكى
وامسح الدمعه ملبكى على رمشو تعبانه السهر

سكرت المسجل اللي كانت تسجل فيه صوتها وهي تغني واتنهدت بضيق
لكنها ابتسمت بعدها ابتسامه بمكر وهي ودها تشوف شكل هديل الحين
ضحكت باستهزاء وطلعت من الغرفه
اروى : هآآآي فهآدي
فهد : هايات
اروى : كيفك اليوم
فهد : تمام انتي كيفك ؟
اروى : مووووت طفشانه
فهد : ممممم
اروى : فهآآآدي افهمني
فهد يلتفت لها ببرود : وش تبين ؟
اروى لفت عنه وهي ماده بوزها : خلاص ولا شي
فهد : لا خلاص قولي
اروى : ابي اطلع
فهد طالع في ساعته : لالا ما ينفع اليوم .. عندي الحين شيفت بعد نص ساعه
اروى : اففففف ودي افهم انت شمحتاج للشغلة ذي اللي ما نشوفك فيها الا باليوم نص مرة
فهد : هههههه " قرب منها وضرب انفها باصباعه بخفه " خلاص وعد بكرة العشا نروح نتعشى برى شرايك ؟
اروى ضمت اخوها : فدييييتك

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما وقت العصر بتوقيت جنيف ....

سعود وهو يلبس القميص : جنا يلا اجهزي بنطلع .. البسي ثقيل لان بيكون برد
جنا : طيب ...

قامت جنا ولبست شي مستر وواسع .. ما تبي تنكد الطلعه

طلعوا وركبوا السيارة وراحوا على محطة باصات

جنا : وين بنروح ؟
سعود : بنروح لمكان مرتفعات
جنا بخوف : ايش ؟ لالا انا اخاف من المرتفعات
سعود ابتسم على جبنها : لا تخافين رح تستمتعين صدقيني

وصلوا للمكان المطلوب و حجزوا مكانهم في التلفريك ووقفوا في الطابور
جنا ماسكة في قميص سعود .. تخاف تضيع وسعود طول الوقت مبتسم لبراءتها : الحين رح تركب هذا ؟
سعود : أيه
جنا : فرضا طاح فينا
سعود : يؤ قولي لا سمح الله الحين مارح يطيح الا فينا يعني
جنا : انا اقول لو ... تخيل شي زي كذه نركب فيه وتحتنا جبال بالكوم .. لو طاح تفتتنا
سعود : لا لاتخافين مارح يطيح
جنا بمزح : لو مت مو محللتك
سعود : هههههههه لا بعيد الشر
جنا ابتسمت على روقانه وركبت في التلفريك

جنا طالعت من تحتهم المنظر كان خيالي .... الجبال على قممها ثلوج والهواء بارد
طلعت الكاميرا من شنطتها وصورت المكان ..
سعود : هاتي الكاميرا اصورك
جنا اعطته الكاميرا وصار يصورها واتصوروا مع بعض
اللي اعطاهم الحرية في التصوير انه التلفريك كان صغير وما يشيل اكثر من 3 .. وما كان في غيرهم
سعود : في مطعم على جبل الحين بنروح نتغدى فيه ... تبينه والا تبين نتغدى بمكان ثاني
جنا : مممم ما ادري بكيفك
سعود : خلاص هذا

نزلوا من التلفريك وراحوا على المطعم اللي كان مزحوم بالناس

سعود : يوووووه شقد زحمة
جنا : مافي غيره هنا
سعود : في .. بس ما يمدحونة
جنا : اهاا .. طيب نمشي حالنا بغيرة
سعود مسك يد جنا بعزم : لا بندخل هذا .. لازم اذوقك منه .. اكله خيالي
جنا ابتسمت : اوكي براحتك

دخلوا سعود وجنا بعد معاناه برى المطعم .. وحطوهم في طاولات الـ Vip لان سعود دفع لهم مبلغ كبير بس عشان يدخلوه

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما وسط ظلمة الليل ... المكان ساده الهدوء .. ومافيه زائرين .. و قسم الحوادث في راحه
الكل نايم وهادي ويحلم احلامه .. كوابيس تمر راس صغير متشوه وماليتة الغرز والجروح

" اتركوووووني ... آآآآآآآه ... الله ينتقم منك يا بنت العالي .. آآآآآآآآآآآآآآآه وخروا عنـــــــي وخروا يا خـــــــــونة "

كل هذا كان في بال هديل .. كان حب الانتقام اللي كل ماله يكبر مع كل الم يزيد في جسمها من الضرب

اما برى الغرفه

كانت الممرضة تو بتدخل الغرفه تعطي هديل جرعة دم جديده
لكن وقفها صوت صراخها ...
تخرعت من صريخها .. لسة توها متدربة واول مرة تشرف على حالات مثل هاذي
راحت ركضت لدكاترة 2 قاعدين في كراسي الانتظار يسولفون
جت عندهم وهي قلبها يدق بقوة من سرعة ركضها وتتنفس بسرعه وقالت بلهجتها المصريه : الحقوا عليا مريضه في غرفه 114 مجنونة .. دي قاعده كدة عم تصرخ زي المجانين كده هو

فهد : ووين دكتور الطوارئ ؟
الممرضه : دا خرج من نص ساعه تقريبا والدكتور التاني دا لسه ماجاش .. تيجي معايا تشوفها ؟
فهد : انا مو دكتورها .. وما يخصني
الممرضه : ياخويا .. اومال فيها ايه يعني لو جيت .. تعالا بش شوفها وخلصني
فهد : لو جاني تهزيء بقول منى دخلتني
الممرضه : اوكي

دخل فهد الغرفه البارده واللي كان ماليها صوت انين هديل

اتقدم لعندها وشاف الشاش على وجهها ويدها ملفوفة والجروح على اصابعها
" ايش هالحادث الشنيع اللي كل قزازة دخلت في جسمها ؟"
اخذ السماعات وشاف نبضها السريع .. اعطاها ابرة مسكن تسكن الالم ولف يبغى يطلع

لكن يدها البارده منعته

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

الماس كانت في غرفتها تحل واجباتها وتذاكر لاختبارات الوزارة اللي مابقى لها الا شهرين
كانت تحاول قد ما تقدر تنسى اللي صار وتنتبه مذاكرتها ومستقبلها
ولكن ؟!!
" ليه يا الماس تخلين الدموع تسبقك .. ارفعي راسك وحاولي ترجعين الدموع مكانها "
الماس تحاول تكابر دموعها ولكنها كانت تعند وتنزل وتبلل اوراقها
" اااه منك يا تركي بس "

سمعت دق الباب .. : ميين ؟
ام الماس : افتحي الباب حبيبتي
الماس مسحت دموعها بسرعه وقامت فتحت الباب
ام الماس : شفيك حبيبتي ما نزلتي للعشا ؟؟
الماس بصوت مكتوم : قاعده اذاكر
ام الماس : شفيك حبيبتي تعبانه ؟؟
الماس : لا بس كنت قاعده اذاكر
ام الماس باهتمام : في شي صعب عليك ؟؟ تبين اجيب لك مدرس خصوصي ؟؟
الماس : لا مافي داعي سهل
ام الماس : اكيد ؟
الماس : اكيد
ام : الماس : طيب حبيبتي اذا احتجتي شي الخدامات تحت
الماس : اوكي

طلعت ام الماس من الغرفه ورجعت الماس قفلت الباب ورمت نفسها على السرير .. غمضت عيونها
واستسلمت للنوم

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

فهد : أيش ؟
هديل : لو سمحت .. عطيني المراية وافتح لي الشاش اللي على وجهي
فهد : بس انا مو دكتورك .. الحين بيجي الدكتور وقوليله
هديل : لا افتح لي اياه الحين .. الدكتور فتح لي اياه اول وما صار شي
فهد اتقدم لها بتردد وفتح لها الشاش اللي على وجهها بهدوء
فهد بعد ما خلص طالع في وجهها .. جميلة .. جميلة بمعنى الكلمة .. كله كوم وعيونها كوم ثاني
فهد عجز عن وصفها .. جمالها غريب ونادر .. ملامحها متناسقه .. لكن الجروح كانت مغطيه اجزاء كبيرة

اقشعر جسم فهد من شكل وجهها المجرح
هديل بعصبيه : وش تنتظر ؟؟ اعطيني المرايا
فهد كان يبرد عليها ويكسر غرورها بس انتبه ليدها اللي كانت ملفوفة ومجبسه .. راح لعند الطاولة وعطاها المرايا ووقف بفضول يطالع وش تسوي
حطت المرايا مقابل وجهها المجرح .. لمست الجروح وتفحصتهم
هديل : متى يطيبون ؟
فهد : ما ادري .. انا مو دكتورك
هديل : واكيد بتسوون لي عملية تجميل .. مستحيل اقعد مشوهه كذه
فهد ابتسم .. تشبه اروى في غرورها .. بس اكيد هذي غير
فهد: ممكن سؤال لقافه ؟
هديل : اتفضل
فهد : من ايش هذا كله ؟
هديل سكتت لحظات وتفكر وش تجاوب .... : ....
فهد : اسف اذا كان السؤال محرج
هديل : لا عادي ... كان حادث
فهد : اهااااااا .. اوكي بالسلامة ان شاء
هديل : الله يسلمك
طلع فهد من الغرفه بعد ما شاف الممرضه واقفه عند الباب
الممرضه : اييييييييه دنتا اخدتها حكاوي يا اخ فهد والا ايه ؟
فهد : الحين دقيقتين صارت سوالف ؟
الممرضة : اومال ايه .. انت فاكرني قاعده هنا ليه ؟ دنا سامعاك من الاول
فهد : بس سالتها سؤال
الممرضة : ايوووااا قولتي .. يلا روح على شغلك
فهد ضحك عليها ومشي ولهى في شغله

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

ريم كانت قاعده تحوس بدولابها وتطلع اشياء جديده مناسبه .. واللي ما يناسب ترميه على الارض .. وحالة الغرفه كانت حاله

ام محمد دخلت وشهقت من المنظر اللي شايفته : ايش هذا ؟؟
ريم طالعت فيها : انتي شتشوفين ؟؟؟؟
ام محمد : ليش هالحوسة كلها ؟ ما ينفع تدورين اللي تبين بهدوء ؟
ريم : ممكن تكرميني بسكاتك
ام محمد بلععت ريقها وسكتت وهي تراقب ريم بحركاتها وهي ترمي الثياب بلامبالاه
ام محمد : ريم .. المدرسة طالبتني بكرة
ريم تركت الملابس ولفت عليها .. : لاتجين
ام محمد : ليه ؟؟ وش مسوية
ريم : مو مسوية شي .. بس ماابيك تجين .. مو ناقصه فشايل
ام محمد : الحين انا فشايل ؟
ريم : ايه .. اجل بتروحين هناك بشكلك ذا .. شبيقولون الناس عني .. امها بعين وحده ؟؟
ام محمد كانت تطالع في ريم ببرود .. اتعودت على هالحجود من ريم .. مظهرها يدل على برودها الشديد .. لكنها من داخل قلب مطعون

ريم لفت على امها لقتها لسه واقفه وتطالعها ببرود .. اتنرفزت ريم من برودها الزايد : شتسوين هنا ؟؟ اطلعي برة
ام محمد طلعت عادي .. تعرف بنتها ريم بنت مغرورة وما يرضيها أي شي .. تبي تكون محط انظار الجميع وبس ..

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

في الفندق

الساعه 12 بتوقيت جنيف

جنا ماصدقت او ما شافت السرير نامت .. سعود من العصر وهو يمشيها وما خلالها شي الا واشترته
دخل سعود بعدها شافها نايمة .. ما حب يزعجها .. خلاها نايمة وهو قعد بالصاله يتفرج تلفزيون

لحظات ويرن جوال سعود .. شافه بتوتر .. مو وقته الحين ابـــــــــــد

اخذه : .........
..... : الوو
سعود : ......
...... : الوو .. الوو سعوود
سعود : شتبين ؟
..... : اشتقت لك
سعود : بس كذه ؟
..... : سعود اسمعني
سعود : اعتقد اني سمعتك بما فيه الكفايه
..... : لا ما سمعتني .. انا كنت معصبة ذاك اليوم .. وما كنت اعرف ايش اقول
سعود : هههه ايه صح .. عشان كذه ضحكتك حتى اللي كان برى المول سمعها
..... : سعود لا تستهزئ فيني .. والله انا احبك
سعود: وانا عفتك

سكر سعود السماعه وقلبه اتسكر معاه ... مستحيل يدخل احد ثاني في قلبه .. قلبه حب مرة وحده مارح يحب بعدها ... كل هالكلام كان من ورى ظهره .. مستجيل يعفي انسان حبه لحد الجنون
مهما كان هذا الانسان غدار وخبيث

قام واخذ ملابسه واتروش وانسدح جنب جنا
طالعها ببرود .. ما يدري ليه ما يحس تجاهها أي مشاعر مميزة ..؟؟
غمض عيونه واستسلم للنوم

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

والتكملة بتنزل بعد شوي

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

يوم الاحد
في غرفة بارده ونور الصباح متداخل في الغرفه ... دخلت ماريان كبيرة الخدم الغرفه وقعدت تصحي اروى
اروى :يوووووووه .. شهالنكد على الصبح
ماريان : معليش مادموزيل اروى بس المدام بتقول اتاخرتي على المدرسة كتير
اروى : ليش الساعه كم الحين
ماريان تطالع في الساعه اللي على كومودينة اروى : الساعه 9 الا ربع
اروى : اهاا .. خلاص مافي داعي اروح .. بس بنزل وقولي لكنان يجهز لي فطور
ماريان : الكل عم يستناكي عالفطور تحت
اروى : ماما وفهد موجودين ؟
ماريان : ايه .. ومادموزيل سارة كمان
اروى : اها.. خلاص الحين نازلة
طلعت ماريان من الغرفه نزلت بعدها اروى بعد ما اخذت دش على السريه ونشفت شعرها بالسشوار وخلته مجعد وحطت في جل عشان يمسك
اروى : صباح الخير
الكل : صباح النور
ام فيصل : شفيك اراوي ما رحتي المدرسة اليوم ؟؟ تعبانه ؟
اروى : لا باسم الله علي بس نمت متاخر امس وما قمت بدري
ام فيصل : اها
اروى : وينه دادي ؟
ام فيصل : راح يشوف احوال الشركة ويا فيصل
اروى : اها .. اقول فهآدي
فهد : هلا
اروى : لا تنسى اليوم
فهد : ايش في اليوم
اروى : يوووه فهآآدي نسيت اليوم بنتشى برة
فهد : ها ؟ ايييه تذكرت .. خلاص اشوف موعد شفتاتي اليوم وارد لك خبر
اروى : اوكي
سارة كانت هاديه طول الوقت ولا تتكلم
ام فيصل : سارة
سارة : سمي
ام فيصل :يوم الخميس بيجي خطيبك يشوفك كوني جاهزة
سارة بتردد : بس انا ....
ام فيصل : ايش ؟؟
سارة : انا ما ابيه يشوفني الا بيوم العرس
ام فيصل : نعم ؟؟؟ وليش ان شاء الله
سارة بلعت ريقها: بس كذه انا ابي كذه
ام فيصل : مافي .. بيجي عشان يشوفك غصبن عنك .. رضيتي او لا
قامت ام فيصل من الطاوله بعصبيه من تصرفات بنتها وشروطها اللي ما تخلص
سارة كانت حابسة دموعها في عينها ..
فهد كان ساكت وياكل بهدوء ولاهو معبر احد .. واروى نفس الشي
سارة قامت من مكانها وراحت لغرفة امها
ام فيصل : اتفضل
دخلت سارة الغرفه الكبيرة .. لقت امها قاعده على كرسيها الهزاز وتقرأ رواية لشيكسبير
سارة : ممكن اكلمك في موضوع
ام فيصل : اذا كان على سالفه الشوفه فهذا مو ممكن اطلاقا
سارة : ليه طيب !! انا اللي بعرس وانا ما ابيه يشوفني الا بيوم العرس
ام فيصل : اقول بس لا يكثر .. زين انه رضا في شروطك اللي ما تدخل الراس
سارة : هذي شروط كل بنت رح تتزوج .. وانا ما طلبت شي مستحيل
ام فيصل : بتسودين وجهي قدام المرة اذا قلت لها ما تبي تشوفه
سارة : .........
ام فيصل : كفاية شروط ورح تشوفينه ويشوفك يوم الخميس .. وبنعجل بالملكة عشان ما تحطينها في راسك وتفصخين الخطوبة بعد
سارة وهي متنرفزة من اسلوب امها معها وكانها تغصبها الى انها سكتت
ام فيصل : تقدرين تتفضلين
سارة طلعت من الغرفه وهي فاقده الامل في امها .. راحت لغرفتها واخذت لها حمام جاكوزي تريح فيه اعصابها

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما في المدرسة عند البنات

ام ريم كانت في الادارة تسمع شكاوي الاستاذات على ريم ووقاحتها معهم
طلعت ريم مع امها وراوا على البيت
ريم : الحين انتي شتبين جيتي المدرسة .. خلاص هذا اللي كنتي تبين تسمعينه ؟؟
ام ريم : ........
ريم بعصبيه : احرجتيني مع صديقاتي .. كلهم صاروا يتكلمون عني .. اف متى تموتين وتريحيني يا لطيف منك
ام ريم دمعت عيونها من تحت الغطا على كلام ريم الجارح لكن ما بينت لها
وصلوا للبيت .. دخلت ريم غرفتها ونامت ولا كانها مسوية شي

اما في المدرسة ..
وئام : طيب انتي اهم شي الحين تنتبهي لدراستك ولا تفكري فيه كثير
الماس : اوكي وئام طلبتك .. لا تجيبي طاري تركي خلاص
وئام : براحتك
اخذت الماس شنطتها وطلعت من المدرسة وفي عيونها الف كلمة والف معنى للحزن في قلب الماس

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما عند سعود وجنا

جنا : سعود ما تبي تطلب فطور
سعود وهو مندمج في الرسم : لا
جنا اتنرفزت .. " طيب هو مو جوعان انا جوعانه اففف "
سعود ماكان تفكيره معاه .. كان مع وحدة ثانيه
وحده لعبت عليه .. اوهتمه بحبها له
اكيد مافي غير اروى ...
سعود " معقوله تكون تحبني صدق ؟؟ وتكون قالت ذاك الكلام بمجرد صدمه انها عرفت اني تزوجت غيرها "

" افا عليك يا سعود بس .. وين هيبتك وشخصيتك اللي تهز جبال قبل اروى ... اروى تغيرك 180 درجه عن اول ؟؟؟؟؟؟؟؟؟ "

س1 :ايش اخر تطورات جنا واروى وسعود ؟؟
س2 : وكيف بيكون يوم الخميس على سارة ؟؟
س3 : والماس وتركي ؟؟ كيف بيكون حالهم ؟؟ وهل بتقدر تسوي وئام شي لالماس ؟؟
س4 : وريم ؟؟ كيف بيكون الوضع معها في الاجزاء الجايه ؟؟

اجوبة كل هالاسئلة بتكون في الجزء السادس

 

[كفاني عذاب]

الجزء السادس

يوم الاثنين – الساعه 5 العصر

الدكتور : لا هديل اليوم احسن بكثير
هديل كانت تستمع لكلام الدكتور ببرود .. ولا يهمها .. فقدت جمالها ورجولها .. كيف بتقدر تطلع في المجتمع الراقي وهي بهذا الشكل

ام هديل : الحمدلله .. متى بتقدر تطلع من المشتشفى ؟؟
الدكتور : لا لسة مو الحين لسه كمان اسبوع
ام هديل : بس مو كثير يا دكتور ؟؟
الدكتور : لا طبعا .. على بال ما ترتاح الكدمات شوي .. وتلتئم الجروح
ام هديل : اهاا
الدكتور : والا انتي شرايك انسه هديل ؟
هديل عطته نظرة بارده جدا .. ورجعت طالعت في رجولها اللي فاقده الامل فيهم
الدكتور : لا تخافين انسه هديل .. رجولك بتتعالج و .....
هديل وعلى وجهها ابتسامة استهزاء : تتعالج بعد مدري كم عملية صح ؟
الدكتور : اوكي بعد كم عملية بس سهله .. وتستمري على العلاج وكل شي يرجع مثل ماهو
هديل طالعت في الدكتور باستهزاء وانسدحت على السرير وعطتهم ظهرها
ام هديل : وانت طول الاسبوع رح تشرف عليها ؟
الدكتور : لا .. الحين ماشاء الله استقرت حالة هديل .. فبيستلمها الدكتور فهد العالي . دكتور خبير وان شاء الله بترتاح انسه هديل معه
هديل كانت تبكي بهدوء وبصمت من تحت البطانيه ولا اهتمت لكلام الدكتور ابد
ام هديل : اها .. طيب مشكور دكتور
الدكتور : العفو

طلع الدكتور من غرفه هديل وصادفه فهد في طريقه
د.حمد : فهد .. زين لقيتك .. كنت ابيك توقع على استلامك ملف المريضه هديل عبد الحميد الكافي
فهد : اهاا .. طيب مو مشكله
راح فهد مع الدكتور حمد " دكتور هديل " ووقع على استلامه الملف
جلس حمد مع فهد يتناقشون على علاج رجولها ومتى بتكون الجراحات التجميليه اذا وافقت عليها بالتاكيد

د.حمد : هذي الاشعه حقة يدها .. مثل ما انت شايف الاوتار متقطعه .. ربطنالها اياها وبعد شهر بنفكها
والعمود الفقري .. اتاثر كثير مرة وصار فيه اعوجاج .. وهذا كان سبب في شلل رجولها
العمليات اللي بتسويها اذا وافقت عليها بتكون 7 عمليات ... كل وجه بوقت مختلف
والجراحات التجميليه نفس الشي .. اكيد بتكون في الرجل و اليد والوجه
فهد اللي كان متنح من كلام الدكتور : ومتى بتشيلون والشاش اللي على وجهها
د.حمد : ان شاء الله بكرة
فهد : اها
د.حمد : تجي معاي تفحصها ؟
فهد : اوكي
راح فهد مع دكتور حمد ودخل غرفه هديل وبدا يفحصها
فهد : هديل من بكرة ان شاء الله بتسوين تمارين الظهر
هديل : وليش ؟
فهد باستهزاء : تبين تظلين منسدحة طول عمرك ؟؟؟؟
هديل طالعت فيه وكانها تستحقرة ولفت عنه الجهه الثانيه

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما في جنيف

الساعه 8 الليل

سعود ساند راسه على الجدار ويطالع جنا المتمللة من قعدتها في الفندق ولا عندهااحد يسليها
مرت في باله لحظات عمره ما نساها .. لحظة يوم ما قالت له امه عن جنا !!
ما اصعبها من لحظات مر فيها سعود ..
امه ما فكرت فيه وزوجته بنت ولا حتى فكر انه ياخذ مثلها وكل هذا غصبن عنه .. بس مو سعود اللي ينغصب !!
رجع وجه نظرة للباب المفتوح يشوف جنا على حالها .. متملله وتقلب في قنوات التلفزيون بملل... وتروح تتامل من الشباك .. وتتمشى في الصاله .. وتمسك الاوراق اللي محطوطة جنب التلفون وترسم
ابتسم على شكلها المتملل وقام لعندها
سعود : احم احم
جنا طالعت فيه ببرود ورجعت طالعت في الورق تكمل رسم
ما استغرب من حركتها لانه شي طبيعي اذا كنت رح تعامل شخص باسلوب غبي .. رح يعاملك باسلوب اغبى
سعود : وراك متملله ؟؟
جنا اتاففت من داخلها على سؤاله السخيــف
سعود : اتكلم انا
جنا : ......
سعود مسك ذقنها وخلا وجهها مقابل وجهه
سعود : اذا قلت كلمة والا سالت سؤال ردي .. فاهمة ؟
جنا تطالع فيه ببرود وساكته
سعود بعصبيه شد على ذقنها : فاهمة ؟؟؟؟
جنا بخوف .. تخاف يكسر ذقنها .. انسان مجنون .. متقلب المزاج .. يسوي أي شي : فـ ... فاهمة
سعود : زين
تمدد سعود على الكنبه الطويلة اللي جالسة عليها جنا وحط رجوله عليها بكل وقاحه
جنا اشمأزت منه وقامت من مكانها وراحت للغرفه
سعود بصوت عالي متعمد تسمعه جنا : امحق بنت فقر .. انتي تبوسين رجولي وتحمدين ربك اني معيشك احسن عيشه يا بنت الفقر
جنا حست بالذل وهي قاعده معه .. ما تدري لوين بتوصل اخرتها معه ..
انتبهت للكراسه الصغيرة المحطوطة على الطاولة جاها فضول تشوف الكراسه .. ورسمات سعود
طالعت في الباب .. تخاف يدخل ويشوفها ماسكة اشياءه ويهاوشها
زاد الفضول عندها .. فتحت اول صفحه تلاقي صورة بنت .. ما استغربت .. فتحت الصفحت اللي بعدها
كانت كلها صور البنت نفسها .. هنا استغربت .. مين هذي البنت ؟؟ وليش سعود راسمها في كراسته ؟؟
سمعت صوت خطواته .. رجعت الكراسة لمكانها بسرعه وجلست على السرير
دخل سعود الغرفه ومعاه سيجارته .. شافها قاعده على السرير وتلعب باصابعها بتوتر
اتقدم لعندها بوثوق وجلس جنبها ... نفخ على وجهها من دخان السجاير
جنا حست انه الدخان اتخلل واتعمق لمخها .. وريحته المؤذيه خلت جنا تكح بقوة
سعود : اعصابك
جنا دمعت عيونها من الكح .. مسح لها سعود دموعها وطالع فيها بتصفح
دفها باصبعه على كتفها خلاها تطيح على ورى

طووووووووووووووووووووووووووووووووووط " مشفر "

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;


اما عند اروى .. الساعه 6 المغرب
كانت قاعده في السيارة مع عبد العزيز والاغاني ترج السيارة
اروى كانت جالسه قدام جنب عبد العزيز وشوي وتجلس بحضنه وماخذتهم السوالف والضحك ولاعليهم من احد
عبد العزيز : ها حياتي وين تبين تروحين بعد ؟؟
اروى بدلع : والله ما ادري حبيبي .. كان بودي نقعد مع بعض اكثر من كذه بس انا اتاخرت على البيت
" زين فكرت بالبيت بس "
عبد العزيز : لا وين بدري مرة .. واهلك مارح يجون من بيت جدك الحين
اروى : لامعليش حبيبي مرة ثانيه ..
عبد العزيز : وعد ؟
اروى : وعد

مشى عبد العزيز وراح يوصل اروى
عبد العزيز : الصراحه كله كوم .. والبادي قارد اللي على البوابه كوم ثاني
اروى : هههههه اصلا هذول ما يتحركون من مكانهم الا وقت النوم .. تعرف بابا مهم !
عبد العزيز : ايه اعرف
اروى : يلا تشاااو بيبي
عبد العزيز ياشر على خده
اروى : قربت لعنده وعطته بوسه على خده وطلعت من السيارة
دخلت القصر وماليه وجهها اكبر ابتسامه مكر
طلعت لغرفتها وماسكه باقة الورد اللي جاب لها اياها باهمال .. شايلة الباقه بالمقلوب
رمتها على الكمدينه باهمال لحد ماتناثرت الورود داخلها
دخلت ميري الغرفه بلبسها الوردي القصير حق الشغالات وعلى شعرها منديل ابيض ومعاها فازة تحط فيها الورد
اروى تراقبها وهي ترتب الورد في الفازة الحمرة المتناسقه مع الغرفه والورد الاحمر
خلصت من ترتيب الورد والتفتت لاروى : وين احطه مادموزيل؟
اروى : اي مكان .. مارح يفرق
حطت ميري الفازة في مكان حلو وطلعت
مسكت اروى الورده اللي حطها لها عبد العزيز في شعرها
ورمتها ودعستها : ههه غبي عاد ما بقى الا هو
اما في الطرف الثاني
طلع عبد العزيز من القصر والفرحه مو سايعته .. ركب السيارة وعلا على صوت الاغاني وصوت راشد الفارس باغنية عزاه يصرخ في السيارة
طلعت اروى بعد ما سمعت الازعاج للبلكونة وشافت عبد العزيز طالع من القصر
ابتسمت ببرود ابتسامة استهزاء وسمعت صوت جوالها . واللي كان سبب في انه يرجعها الغرفه
اروى بملل : هاي ريم
ريم : هايات .. كيفك ؟
اروى بدون نفس : بخير
ريم : اروى فاتك شصار
اروى : اذا عن امك ذيك فعرفت بالسالفه
ريم : يوووه .. شجاب طاري ذي العله الحين .. اقصد الحفله اللي بيسووها الشباب الويك اند الجاي
اروى : ريم تعرفيني اكره روحة الاستراحات هاذي
ريم : انتي ماجربتي .. تعالي يوم وجربي
اروى : لا شكرا .. تبغي تروحي روحي انتي ووئام انا ماودي
ريم : يوووه اروى بلا سخافة تعاالي
اروى : لابعد يارت شبابكم حلوين ..
ريم : عن الطقع بس .. عبد العزيز ما جبته لا مناك
اروى : ولو .. مو رايحه
ريم : افففف منك
اروى بملل : في شي ثاني ؟
ريم : انا بخليك تفكرين ليوم الخميس .. وعطيني ردك .. وترى عبد العزيز بيجي على فكرة
اروى : وايش اللي يخليك واثقه هالقد ؟
ريم : اعرفه .. ما يفوت الفرصه دام انه في بنات
اروى وكانها حقدت عليه : اها
ريم : يلا انا اتركك الحين .. باي
اروى : باي

سكرت اروى من ريم وانحنت لدرج الكمدينه
فتحته وطلعت دفتر احمر وكانه حق مذكرات
خلصت من اللي تبي تكتبه ورجعته في الدرج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

ما في السيارة عند عبد العزيز ..
عبد العزيز : سوي اللي قلت لك عليه وما عليك من كلام الشيبه ذاك
السكرتير منصور : بس ياطويل العمر الامر مارح يكون في مصلحتنا
عبد العزيز : بلا هالكلام الفاضي .. قلت لك سوي اللي قلت لك عليه وبس ..والا مابيصير لك شي طيب فاهم؟
منصور : امرك طال عمرك

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما عند وئام ..
كانت مسدوحة على السرير تفكر بوضع الماس وتركي
جاها فضول اكثر عن تركي .. تبي تعرف ليه ما يحبها .. معقولة تكون في باله وحده ثانيه ؟؟
تبغى تعرف عنه اكثر . كلام الماس عنه خلا عندها حب الفضول في انها تعرفه وتشوفه اكثر
قطع حبل افكارها صوت ابوها من تحت يصارخ
طلعت من الغرفه وانحنت على درابزين الدرج اللي يطل على الساحة الفاضيه فيها طاولة في لنص عليها فازة كبيرة.. وعبد الرحمن ولد عمها مع ابوها هناك
ابو وليد : التزوير والتلفيق اللي صار في قسم المحاسبه الاسبوع اللي فات ما يمشي على ابو الوليد .. فاهم والا لا ؟؟
عبد الرحمن : بس ياعمـ ...
ابو الوليد قاطعه بصراخه : ابوك لاعاد اشوف رقعة وجهه بالشركه .. والشراكة اللي كنت رح ارجعها قريب مارح ترجع.. موانا اللي يترسل لي جواسيس يا كلب انت وابوك .. فاهم والا لا ؟؟ .. انقلع من وجهي يلا ولاعاد اشوف رقعه وجهك هنا .. فاهم

طلع عبد الرحمن من القصر بعد ما طرده عمة بقسوة
حرك سيارة لبيته اللي كان قريب من بيت ابو الوليد وما ياخذ 5 دقايق
نزل من السيارة ودخل للبيت اللي كان فيلا من 3 ادوار كانت عادية بالنسبه لقصر ابو الوليد
دخل الفيلا وشاف ابوه وامه واخواته الاثنين التوأم رندا و ريناد جالسين بالصاله يتقهوون

رندا وريناد شخصيتين جديده بالقصه .. طلعت في وقتها .. اعرفكم عليهم
19 سنه .. اول جامعه شبههم كبير بالمرة ويحبون يسوون كل شي مثل بعض لبسهم وشعرهم وشكلهم .. كل شي مثل بعض الا الطبايع وجمالهم رايح على جمال اللبنانيين لانه امهم لبنانيه .. ببياضهم وصفاء بشرتهم .. وملامح السعوديين البدو الحاده بالرموش الكثيفه والعيون السوده والشعر الاسود الناعم
ريناد من طبعها اجتماعيه وحبوبة وفرفوشة واخلاقها عاليه والكل يمدح فيها
اما رندا الهاديه الرومانسيه وصديقاتها قليل لكنهم حبوبات

عبد الرحمن : السلام عليكم
الكل : وعليكم السلام
ريناد : هلا بدحوم
عبد الرحمن واخلاقة واصله حدها اعطى ريناده نظرة خلتها تنزل عينها : ما اظن اني اصغر عيالك .. قال دحوم قال
ام عبد الرحمن : شبك داخل وفاش خلئتك باختك ؟ شو حكت شي غلط ؟؟
" ايش فيك داخل ومطلع حرتك في اختك ؟ ليش قالت شي غلط ؟؟ "
عبد الرحمن : يمة واللي يعافيك مو ناقص
ام عبد الرحمن : ليش شو صار ببيت عمك

عبد الرحمن : حسبي الله ونعم الوكيل فيه .. يتهمني انا وابوي باننا نرسله جواسيس للشركه .. ليش ميتين على شركته حنا
ابو عبد الرحمن كان يسمع لولده بصمت .. ولكن على كلمة اتهام .. مشى ابو عبد الرحمن واخذه لغرفه المكتب

ومن وسط الكلام ..
عبد الرحمن : بس يبه هو كان يبي يرجع الشراكة .. يعني كانت القلوب رح تتصافى مرة ثانيه
ابو عبد الرحمن : اخوي الصغير واعرفه .. عصبي ويقول كلام مهوب قده .. وكلمته هي الماشيه دايم على الكبير والصغير .. والشراكة انفصلت من قبل سنتين تبيها ترجع بيومين ؟
عبد الرحمن كان ساكت وعيونه بالارض

اما برى عند باب غرفة المكتب
ريناد كانت حاطة اذنها على الباب تحاول تلقط شي من كام ابوها واخوها
ريناد تتحلطم : يووووه شفيهم مالحقوا يتكلموا الا بصوت واطي افف
رندا : وانتي شفيك قاعده على حلقهم .. اللي يسمع يقول قاعدين يتكلموا عن خطبتك
ريناد : اسكتي اسكتي .. ابي اعرف شيقولون عن عمي
رندا دق قلبها من سمعت انه الكلام يدور حول وضعهم وحول ابو الوليد
ريناد : شفك وجهك انقلب لونه ؟
رندا : ها ؟ لالا ولاشي

نزت رندا للصاله وشافت امها قاعده قدام التلفزيون ولا همها
ام عبد الرحمن : شوفيكي رندا ؟ بتشكي من شي ؟
رندا : لا مامي بس راسي يعورني شوي
ام عبد الرحمن : يوه تؤبريني روحي خديلك دوا
رندا : لا لاعادي الحين شوي ويروح
ام عبد الرحمن : بس بيزيد عليكي حبيبتي
رندا : اذا حسيت انه رح يزيد رح اخذ
ام عبد الرحمن : براحتك
رندا جلست على الكنبه وسرحت ورجعت لذكرياتها الحلوة مع ولد عمها وليد واللي كان في يوم من الايام رح يكون خطيبها لكن بعد المشاكل العائلية اللي صارت اجبر ابو الوليد ولده انه ينسى رندا بعد الحب اللي كان في كلا من القلبين من الطفوله
كانت تتذكر وليد لمن كان يزورهم .. عمها وبنات عمها ما يعرفوهم كثير .. زين انهم يعرفون اسماءهم .. ليان ووئام

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;


اما وقت العشا عند ابو الوليد

ابو الوليد بحدته المعتاده : وليد .. من بكرة تروح عند ادارة الشركة .. تبلغهم اني اجلت رجوع الشراكة لاشعار اخر .. فهمت ؟؟
وليد وكانه الدم نشف في جسمه : حاضر

كالعاده الهدوء كان على الطاولة سيد الموقف
في لحظة صمت .. قام وليد من الطاولة وكانه مخنوق
ام الوليد : وين ؟
وليد : الحمدلله شبعت

طلع لغرفته وفتح درج المكتب اللي كان فيه البوم تجمعه بين حبيبة الطفولة رندا
قد ايش فرح لمن عرف انه ابوه رح يرجع الشراكة .. وحاول يخفي كل التزويرات اللي صارت عشان لا يعرف ابوه ويحط كل الاتهامات على عمه
لكن الجواسيس كانوا سبب في انتشار الخبر في الشركة

ومن بيكون له المصلحة في كل هذا ؟؟

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

نرجع عند جنا وسعود

الساعه 9 الليل

جنا كانت نايمة باحضان سعود لاول مرة
لكنها صحت على صوت جوال سعود المزعج
جنا : سعوود .. سعووود
سعود : هممممممممممممم
جنا : قوم شوف جوالك يرن
سعود : ماعليك منه خليه
جنا : يمكن مكالمه مهمة
سعود : منو بيكون يعني ؟؟ نامي نامي ماعليك منه
جنا رجعت نامت بعد ما سكت الجوال .. لكنه رجع يرن مرة ثانيه

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اروى : يوووووووه ورى مايرد ذا الغبي ... هين انا اوريه

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

جنا انزعجت من صوت الجوال المزعج اللي مايلحق بقفل الا يرجع يرن مرة ثانيه
فكرت تاخذ الجوال وتقفله لكن سبقها سعود اللي اخذ الجوال وارتبك لمن شاف اسمه
جنا باستغراب : مهمة ؟؟
سعود طالع فيها وهز راسه بمعنى " ايه " وقام
اخذ بلوزته اللي كانت محطوطة على الكرسي وطلع على الصاله
سعود : شتبين ؟
اروى : شفيك تقولها بدون نفس ؟؟
سعود : بغيني شي ؟
اروى بدلعها اللي سعود مايقدر يقاومه : وحشتني .. اشتقت لك .. في مانع
سعود ذآب على دلعها .. بلع ريقه وقال بارتباك : وأنا أكثر
اروى ابتسمت بخبث : كيف جنيف ؟
سعود : ياليتني معك مو معها
اروى : الدنيا مو لاحد

مرت لحظة صمت بين الاثنين

اروى : اوكي بيبي اخليك الحين .. لاتحس اللي عندك
سعود : اوكي .. برجع ادق عليك
اروى : انتظرك
سعود : باي حبي
اروى لاعت كبدها : باي

سكر سعود من اروى ورجع للغرفه لقى جنا على وضعيتها ونايمة [/color]

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

--------------------------------------

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

""قالوا السكوت علامة الرضا .. وانا ما سكت الا قهر""

بعد كم يوم ...
الساعه 12 الليل
سارة وهي تبكي : حرام عليها .. ما ابي اشوفه ليش يجبروني .. لو رافضته من اول كان احسن
نوف وهي تهدي عليها : خلاص هذي سارة .. لمتى انتي بتنتظرين البلا ذاك .. خلاص قالك مارح يتزوجك يعني خلاص انسيه وابدئي حياتك من جديد
سارة : لا مارح انساه .. يمكن يتذكر انه في يوم من الايام وعدني بالزواج
نوف : طيب خلاص الحين انتي مخطوبة لواحد .. لازم تنسي بندر
سارة رمت نفسها في حضن نوف تبكي .. ما استوعبت للآن انه بندر راح عنها .. ولسه تنتظره يجي ويطق بابهم
نوف : خلاص هدي .. والله يوفقك بحياتك الجديده .. ماتدرين يمكن يكون اللي جاي يخطبك احسن من بندر واشكاله .. ويمكن اذا جا بندر ما يكون فيه خير لك لاسمح الله
سارة تبكي وما ترد على نوف ..
دخلت عليهم ام فيصل وتطالع في سارة المرميه في حضن نوف بطرف عينها
نوف : هلا مامي .. بغيتي شي
ام فيصل : نوف اطلعي بكلم اختك شوي
نوف : حاضر

طلعت نوف من الغرفه وسكرت الباب وخلت سارة وامها يتكلمون براحتهم
ام فيصل تناظر سارة اللي مقطعة نفسها من البكا
ام فيصل حن قلبها على بنتها .. اخذتها بين احضانها وحضنتها
ساره ضمت امها وبكت في حضنها .. غير كذه ارتاحت وهي بين يدين امها .. حست انه هذا الحنان اللي تبيه من زمان
ام فيصل تكلمت بعد ما هدت سارة : سارة خلاص انتي كبرتي وانتي ادرى بعدد الخطاب اللي جو عشانك وانتي ادرى بمكانتهم الاجتماعيه ومستواهم المادي
سارة : .........
ام فيصل : اهل المعرس كلموني العصر ويقولون يبون يعجلون الملكة .. فانتي ايش رأيك ؟؟
سارة طالعت في امها ساكته .. هي اصلا ما تبيه وبعد بتتعجل الملكة
ام فيصل : افهم من سكوتك انك موافقه ؟؟
سارة تكلم نفسها : "يقولون السكوت علامة الرضا .. وانا ما سكت الا قهر"
ام فيصل : اجل الف مبروك عليك من الحين .. الملكة بعد اسبوعين .. ابيك تطلعين قمر 14 في ليله 1 وحفلة الخطوبة يوم السبت
ساره لفت وجهها عن امها .. ما تبي تسمع أي شي

طلعت ام فيصل من الغرفه

سارة جلست تستوعب !! حفلة الخطوبة يوم السبت !!!!!!!!!
ليش اليوم ايش ؟؟؟؟؟؟؟؟؟
فتحت جوالها على الـ calendar " التقويم
اليوم الاربعاء !!!!!!!!!!
بكرة بيجي خطيبها يخطبها رسمي ويشوفها الشوفه الشرعيه
بدون ما تحس طارت لغرفة ملابسها تدور شي مناسب
لمحت فستان ناعم لونة موف اخذته وجهزتة وجهزت الله يعزكم الصندل وكل شي
ودخلت اخذت شاور روقت فيه اعصابها

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما عند ريم
كانت تكلم كالعاده واحد من الشباب
مشاري : ها بتجين بكرة اكيد ؟
ريم : اكييد واراوي بتجي بعد ووئام
مشاري : حلو .. يعني اخيرا رضت
ريم : اكيد وهي تقدر ترفض
مشاري : اجل انتظركم بكرة في نفس الاستراحه الاولانيهم
ريم : ماشي
مشاري : وعندي لك شي من اللي تحب عينك تشوفه
ريم : جد ؟؟ ومين بتكون هالمرة ؟
فجأه دخل اخوها محمد الغرفه بدون لا احم ولا دستور
ريم بارتباك خايفه تكون سمعها وخصوصا انه دخل فجاه : طـ يـب اروى اكلمك بعدين
سكرت الخط بسرعه
ريم : خير ؟ ووراك داخل الغرفه كذا بدون لا احم ولا دستور ؟
محمد : مين كنتي تكلمين ؟
ريم : ما سمعتني اقول اروى ؟
محمد : امي تبينا تحت امشي انزلي
ريم : اففففف وش تبي عجوز غابرين الحين
محمد بعصبيه : ريم بتنزلين والا شلون ؟
ريم : لا .. ومالي خق اشوف ذيك المقرفه

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;



رندا : اقول ريناد
ريناد وهي قاعده على الماسنجر تكلم صديقاتها : همممممم
رندا : ما اشتقلتي لوليد ؟
ريناد : لا .. بس اشتقت لهداياه هههه
رندا : والله انك ما تفكرين الا في نفسك
ريناد : كله من عمك .. خلاص وليد نساك انسيه
رندا : ما اتوقع نساني .. مستحيل ينساني
ريناد : وليش لهالدرجة واثقه ؟؟
رندا : لاني اعرف انه يحبني ومستحيل يتركني لمجرد كلمة ابوه
ريناد : اللهم يارب ثبت عقل توأمي
في هاللحظة دخل عبد الرحمن الغرفه مبسوط : ليش وايش فيها رنودي ماشاء الله عليها ماعيلها كلام
رندا : احم احم
ريناد : ايه وقول امين بعد.. اجل في احد يرمي نفسه على احد ما يبيه
رندا : هو ما قال ما يبيني
عبد الرحمن : ومين هذا ؟
ريناد : وليد زمانه
عبد الرحمن بدت تظهر ملامح العصبيه العصبيه على وجهه
ريناد كنت رح تتكلم الا انفجر عبد لرحمن في وجهها : النجس هذا ما يتنطق اسمه هنا .. فاهمة ؟؟
ريناد خافت من عصبيه عبد الرحمن وهزت براسها بمعنى ايه

راح عبد الرحمن للمكان اللي السه فيه رندا ومسكها من يدها : وانتي ! انسي ذا النجس .. انسييييه فاهمتني ؟؟
رندا آلمتها يدها وهزت راسها نفس الشي
ترك عبد الرحمن يد رندا وطلعت برى الغرفه ودمه واصل لمخه
رندا ما قدرت تحبس دموعها انها تنزل بعد ما صارخ عليها عبد الرحمن وغير كذه قال كلام ما حبته ابد من عبد الرحمن على وليد
وليد وعبد الرحمن كانوا مرة اصحاب !! وعشان طمع عمها وضعف شخصية ابوها تفرقوا ؟؟ كله عشان الفلوس والشركات والاملاك السخيفه اللي ما تسوى شي قدام حب طفولي كبر مع الايام وصداقه حميمة

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

الماس كانت ذا الوقت عند وئام بماانه ويك اند .. فحبت وئام انها جيب الماس تجي عندهم عشا تغير جو بعد اللي صار لها مع تركي
كانوا قاعدين في الصاله وليان اخت وئام معهم وكانهم ناويين يشغلوا فلم
ليان : ايش تبون رومانسي والا مرعب ؟؟
الماس : مممممممممم يفضل رومانسي .. ابي انام الليله
ليان : هههههههه بس المرعب خطيييير مرررة
الماس : نتفرجه الظهر والا شرايك وئام ؟
وئام اللي كانت شارده : ها ؟؟ ايه ايه .. اللي تشوفونه
الماس حست انه وئام فيها شي بس ما فضلت انها تتكلم الحين
ليان : ممممممممممم في فلم moulin rouge فلم خطير بمعنى الكلمة حق Ewan McGregor و Nicole Kidman
وفي فلم the note book ماقيد شفته .. وفي فلم .......
قاطعتها الماس : خلاص اذا بتقولين لنا وش الافلام مارح نخلص
وئام : ههههههه من جد
الماس : شغلي moulin rouge
ليان : اوكي
شغلت ليان الفلم ودقت على الشغالة تجيب لهم بوب كورن وبيبسي وشوكالاتات .. الخ
وئام ماكانت متابعة الفلم معهم .. كان بالها مع احد ثاني

قامت وطلعت لغرفتها بدون ما احد يحس عليها لانهم مرة مندمجين مع الفلم
اخذت جوال الماس اللي كان على الكمدينه وصارت تحوس في الارقام ...

" تركي " .. هذا كان اسم تركي في جوال الماس .. نقلت الرقم لجوالها ورجعت جوال الماس للكمدينه مكان ما كان

حست بالفضول يقتلها .. ما قدرت تصبر لحد ما تروح الماس بيتهم
دقت بارتباك تنتظر الرد لحد ما فقدت الامل بالرد
شالت الجوال من ادنها بخيبه امل
لكنها اتحولت لابتسامة بعد ما سمعت رده
تركي : الوو !!
وئام خقت على صوتة الرجولي وردت بارتباك : اهلـين

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

ايش تتوقعون يصير بين وئام وتركي ؟ وهل بيعطيها وجه ؟؟

بكرة الخميس !! كيف بيكون لقاء سارة وخطيبها المنتظر !!

ووئام وريم واروى .. كيف بيمضي يومهم في الاستراحه ؟؟؟؟؟؟؟؟

انتظروني في الجزء السابع !!!

 

[كفاني عذاب]

<<<< الفصل السابع >>>>


تركي : ممكن اعرف مين معاي ؟
وئام كانت ساكته .. ماتدري ايش تقول وعن ايش تتكلم
تركي : الوووووو !!
تركي طفش من سكوت المتصل وسكر

وئام عصبت منه .. مو تركي اللي يقفل في وجه بنت ابو الوليد
حاولت تدق اكثر من مرة الا انه كان يعطيها مشغول

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما في جنيف ..
الساعه 10الصباح
جنا كانت قاعده تقرا في الصاله رواية بوليسية من روايات اغاثا كريستي
طلع لها سعود ببنطلونة الجينز لو ويست وبلوزة سوده بارزة عضلاته
جنا ما طالعت فيه ولا اهتمت
اما سعود شافها قاعده تقرى .. جذبه عنوان القصه جريمة في قطار الشرق
راح رمى نفسه جنبها وميل راسها عليها يقرى المكتوب
جنا طالعت فيه باستغراب
سعود بابتسامة : يضايقك ؟
جنا بجفاء : ايوة
قامت جنا من الكنبه ورمت الكتاب على الكنبه اللي كانت قاعده فيها
سعود احتقرها ومسك الكتاب وقعد يقراه من اوله

اما جنا في الغرفه قاعده على الكرسي وسانده يدها على رجولها وماسكه راسها
ماتبي أي شي يربطها فيه .. واحد متقلب المزاج .. يوم يدللها يوم يجافيها .. يوم يحبها يوم يكرهها .. يوم يطبطب عليها يوم يضربها

كرهت حياتها وهي ما كملت الاسبوعين معه .. تمنت موتها قبل لا يجي شي يربطها فيه للابد

قامت من الكرسي واتجهت للتلفون الموجود في الغرفه .. طالعت فيه تتامله .. من زمان ما كلمت اهلها ولادرت عنهم

مدت يدها تبي تضغط ارقام بيتهم .. لكنها تذكرت انها بجنيف !! ومالها غير سعود
شافت جواله المرمي على السرير .. ترددت تستخدمه او لا

تخاف يدخل ويعصب عليها .. ياذا الخوف اللي يصاحبها كل ما حست انها بتسوي شي
تحسب حساب عقواقبها منه اذا تحركت حركة

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما الساعه 12 الظهر عند سارة
نوف : يووه سارة يلا قومي البسي عبايتك بنتاخر
سارة : يا الله ترى الصالون صالونا ما بيطير .. وبعدين وراك مستعجله لسه باقي وقت .. خليك ريلاكس
نوف واللي انحرقت اعصابها : يا الللله .. هذا وهو يوم خطبتك وانا اللي محروق دمي .. يلا بسرعه البسي خلصيني
سارة قامت تتأفف .. متعيجزة تطلع من البيت وتسوي أي شي

حركت السيارة ونزلوا
سارة كانت واقفه جنب نوف مثل الاطرش بالزفه ونوف هي اللي جهزت لها كل شي
نوف : يلا ادخلي
سارة : وين ؟
نوف وشوي وتشق ملابسها من برود سارة : ادخلي سوي تنظيف لوجهك الجميل .. والا ناوية تقابلين تعيسك بذالوجه
سارة : هيه انتي .. ما اسمحلك انا كل شهرين اجي اسوي حمام مغربي عن التفلسف انزين
نوف : روحي بس روحي فكيني
سارة : وانتي شبتسوين ؟
نوف : بروح اسوي بديكير ومناكير على بال ما تخلصي حضرتك
سارة : طيب
دخلت سارة غرفه التنظيف وبدأوا شغلهم

نادين : تؤبريني على هيك وش
سارة : تسلمين
نادين : الا ايمتا عرسك ؟؟
سارة من يوم ما جابت نادين سيرة العرس كشرت وجهها ..
نادين : اهاا فهمت .. شو ما حددتوا ؟
سارة تسكتها : لا ما حددنا
نادين : وشو اسمو جوزك ؟
سارة تو حست انها مو دارية عن شي .. طرطورة .. تمشي ورى الناس .. حتى اسم خطيب الغفله ما تدري عنه .. وهو اقل شي ممكن تعرفه
اتجمعت الدموع بعيون سارة وهي تحس نفسها انخطبت غير الكل .. كل البنات يستحون يوم يجي يوم الشوفة الشرعيه .. الا هي .. قضت اليوم وسط دموعها مو بدلعها ودلالها مثل بقية البنات اللي بعمرها

نادين : يؤ تؤبريني لشو الدموع ؟؟ لسه بكير عالدموع حياتي
سارة مسحت طرف عينها : خلاص نادين كملي شغلك
نادين : أي على عيني

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

نروح عند اروى .. اللي كانت محوسة غرفة ملابسها

تبي شي مميز وحلو لسهرة اليوم تاخذ الفستان وترميه وتطلع غيره .. وتاخد وترمي وتطلع غيره
اخر شي لقت فستان قصير لنص الفخذ وردي من عند الصدر كسرات .. ومن تحته في مثل الشي يطوق الفستان الى بداية عظمة الحوض
كان تقريبا يشبه هذا الفستان من اللون والشي الذهبي اللي من تحت الصدر بس انه على اقصر واحلى
دخلت عليها نجلاء المهبولة كالعاده بدون ما تدق الباب
نجلاء : هااااي اراوي
اروى : هايات
نجلاء : بغي شريطك حق خيرك لغيري
اروى : لا
نجلاء : ليييييه
اروى : ذاك اليوم عطيتكم شريط ولقيته في سيارة فصيل
نجلاء : خلاص انا مارح اعطيه أي احد
اروى : روحي خذيه .. والله لو دريت انه طلع من غرفتك يا ويلك .. كله الا اشرطتي
نجلاء : ولا يهمك .. الا هذا اللي بتلبسيه اليوم ؟
اروى : شدراك اني بطلع ؟
نجلاء : وين بتطلعين ؟ اليوم بيجوا خطاب سارة
اروى : نعم ؟؟ خطاب سارة ؟؟
نجلاء : يب .. يعني مافي طلعه
اروى : ليش انا اللي بعرس والا سارة
نجلاء : بس مو حلوة تطلعين بذا اليوم
اروى : انا ما يهمني بطلع .. ضروري اروح
نجلاء : اوكي كيفك .. انتي اللي بيزعل دادي منك
اروى : بكلمة .. يلا سرينا
نجلاء طعت من الغرفه وفي يدها الشريط
اما اروى دخلت غرفتها وتفكر ..كيف بتطلع اذا اليوم بيجوا خطاب اختها ؟ بيجوا اكيد بعد الساعه 8 .. يا الله بكلم ريم اسألها احسن

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

--------------------------------------------------------------------------------

ريم : اهلين اراوي
اروى : يوه ريم لحقي علي
ريم : خير شصاير ؟
اروى : مو اليوم المفروض نروح الاستراحه ؟
ريم : ايه
اروى : اليوم بيجون خطاب سارة
ريم : نعم ؟؟؟؟؟؟
اروى : ياربي ايش اسوي
ريم : اعصابك .. اصلا احنا مو رايحين الا الساعه 10 ارتاحي .. اكيد خطاب اختك بيروحون بدري .. مارح يبلطون عندكم
اروى : طيب اذا طولوا ؟
ريم : يوووه اروى لا تصيرين وسواسه .. اذا طولوا خلي خبر عند رؤى انك بتطلعين وياي انا ووئام
اروى : افففف خلاص طيب باي
سكرت اروى من ريم بدون ماتسمع ردها ورجعت تطالع في الفسان .. تحسه صح عاري مرة .. لكن كل شي يهون اذا كان يرضي غرورها

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

رجعت سارة البيت ووجهها محمر من التنظيف ..
قابلتها نجلاء وهي طالعة من غرفتها
نجلاء : حشى .. من متى نزرع طماطم في البيت
سارة : يا ثقل دمك .. الحين بيروح
نجلاء : لا يجي عريس الغفله يتخرع ويهون
سارة تكلم نفسها : ياريت
نجلاء ما سمعت: وش قلتي ؟
سارة : اقول هو يتمنى غير من بنت العالي
نجلاء : طيري بس طيري الساعه صارت 4 وش سويتي انتي هناك ما ادري
سارة وتحاول تخفي حزنها عن الكل .. دارت حول نفسها بدلع : تدرين انا عروسه .. ولازم اتكخشخ .. تنظيف و بديكير ومنكير وعدلت حواجبي وشلت شعر وجهي و ....
قاطعتها نجلاء : لا يكون عرسك اليوم وانا مدري .. تراها خطوبة .. ولو ما عجبه ترى كل اللي سويتيه بيروح فطيس
سارة كشرت وجهها وتطالع نجلاء بنظرات تعالي : وليش ان شاء الله ما اعجبه .. مشكلته اذا ذوقه معدوم.. اصلا ما بيلاقي احسن واحلى من بنت العالي

نجلاء كانت تطالع سارة وهي تتكلم .. غريبه من زمان ما شفتها تتكلم بهالطريقه .. اخيرا تحس انها رجعت سارة الاولانيه .. الي تشارك نجلاء هبالها وضحكها
سارة : وراك تطالعيني كذه ؟ كانك اول مرة تشوفيني ؟
نجلاء تجمعت دموعها في عيونها ودخلت الغرفه بسرعه .. تكره احد يشوف دموعها
سارة اتنهدت بضيق .. خلص دورها مع نجلاء .. طالعت اصباعها البنصر .. تتخيل شكله وفيه الخاتم
ما حبت تنزل دموعها .. خلاص بكت كثير .. واليوم لازم تكون مالية وجهها احلى ابتسامة
دخلت الغرفه بهدوء ورمت عبايتها على الكرسي اللي قدام التسريحه ورمت نفسها على السرير بتعب
.. ماحست بنفسها الا وهي نايمة

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

في هذا الوقت وفي بيت ابو الوليد
وئام جالسه وماسكة الجوال بتوتر تنتظر اتصاله بعد مارسل رسالته
" اكلمك بعد 5 دقايق اشوف وش نهايتها معك "
ليان : وئام شفيك من امس ؟ حتى الماس ما شفتيها لمن راحت ولا قعدتي معها كثير !
وئام : لا ولاشي
قامت وئام بسرعه لغرفتها قبل لا يتصل تركي وترتبك بزياده
حست انها خانت صديقتها .. اللي عمرها عطته كله لتركي .. وش بيكون وجهها قدامها لو درت
رن جوالها .. دق قلبها بقوة .. خايفه ترد .. وش بتقول .. بتقول انها صديقة بنت عمه

ردت بتردد : اهلين
تركي : نعم
وئام : كيفك تركي ؟
تركي استغرب .. كيف تعرفه : مين انتي ؟
وئام : تركي انا بقولك اللي صار كله
تركي : قولي
وئام قالت له كل شي من يوم ما عرفت تركي عن طريق الماس الى الآن
تركي : وانتي ما تستحين تخونين ثقه الماس فيك
وئام واللي جرحها كلام تركي الجاف : فكرت فيها قبل لا افكر ان اكلمك
تركي واللي حس عنده فضول يعرف هالبنت واللي واثقه من نفسها بزياده : اوكي رح ارجع اتصل فيك بعدين .. باي
وئام : بايات

سكر تركي من الماس وعلى وجهه احلى ابتسامة
دخلت شادن عليه الغرفه ولقته يبتسم .. شكله كانه واحد مجنون
شادن : الحمدلله على نعمة العقل
تركي انتبه لها : خير ؟
شادن : وراك تبتسم لحالك زي المجانين
تركي : حرام ؟ وبعدين جاني اتصال ابسطني انتي ايش دخلك ؟
شادن طفشت منه : حشى قلنا كلمة رديت عشر .. انزل بس يلا نتقهوى مع بابا

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

الساعه 7 العشا

دخلت نوف غرفه سارة لقتها نايمة وغارقه في احلامها
شهقت نوف باعلى ماعندها .. اخر ما توقعته انها تكون نايمة : سويييير يا غبيه قومي
سارة قامت متخرعه : خير .. خير شصاير
نوف : هبله .. اللي صاير انك ما قمتي تلبي وتجهزي والناي في الطريق يا هبله
سارة فزت من السرير وطيران على الحمام
اخذت شاور على السريع وطلعت سشورت شعرها اللي كانت قصته الفراولة وحطت ميك اب خفيف بارز ملامحها الطفولية
طلعت فستانها الموف من الدولاب وعطرته .. لبسته وشافت نفسها بالمراية الكبيرة اللي تبين كل جسمها
طالعه قمر .. وشكلها الطفولي بالفستان الناعم اللي كان كذه شكله
كان الفستان مرة بسيط .. بس من طبعها سارة تحب البساطة
قابلتها في طريقها اروى اللي كانت بكامل اناقتها بالفستان الوردي والصندل الذهبي والالماسات اللي لابستها
طالعتها اروى بابتسامة : مبروك يا عروس
سارة وقلبها مقبوض : الله يبارك فيك
اروى : خليك بالغرفة .. مو حلوة تنزلين اول ما يجون
سارة : ههه ايه صح
نزلت اروى تستبقل الناس مع امها وهي تتمنى الوقت يمر بسرعه وما يطولوا

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

في المستشفى
هديل كانت توا مخلصة تمارين الظهر مع فهد .. دخلت الغرفه مع الممرضة طبعا بالكرسي
دخل المستشفى شاب في العشرين من عمره .. وسيم لابعد حد
دخل غرفة هديل واللي كانت الممرضه تشيلها من الكرسي للسرير
........ : حطيها وخلينا لحالنا
الممرضة : حاضر حضرتك
طلعت الممرضة " سميحه " وتنافخ على الشاب هذا
سميحه : ياربي . ايه الاخلاق ديه .. " تقلده " خلينا لحالنا .. في ستين داهيه
مر الدكتور حمد وسمعها تتحلطم .. ضحك في نفسه على هبالها ومشى

داخل الغرفه
هديل : تكفى عزيز .. ابي اطلع من هنا

عبد العزيز : هدول حبيبتي .. كلها اسبوع وتطلعي .. اصبري
هديل بترجي ودمعتها في عيونها : تكفى عزيز .. تكفى .. تعبت من الابر .. تعبت من العلاج .. ابي اروح البيت .. تكفى

عبد العزيز حن قلبه على اخته المسكينه لكن ما يقدر يقول للدكتور يطلعها .. لازم تكمل علاجها : هدوله حبيبتي ما اقدر اطلعك .. شالفايده اطلعك وانتي تعبانه وما ترتاحي .. كملي علاج وارتاحي وبعدها بتطلعين ان شاء الله مرتاحه

هديل تبكي بقهر : كله منها .. كله منها حسبي الله عليها .. الله لا يوفقها يارب .. الله لايوفقها
دفنت راسها بالمخده وظلت تبكي بقهر وشهقاتها تطلع من قلب

عبد العزيز طالع فيها ونظرة الحنان في عينه .. ابوه مو داري عنها ولا عن اراضيها .. فرحان بس يتعامل مع الشركات و لاهو داري وين الله قاطه
: هدول حبيبتي انا بطلع الحين مع الشباب الاستراحه .. زين اني اطمنت عليك
هديل ما ردت عليه
راح عبد العزيز لعندها وباس يدها وطلع من المستشفى

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

تركي : اها .. يعني مع بعض من الابتدائية ؟
وئام الي الفرحة مو سايعتها انها تتكلم مع تركي وانا ماخذ عليها : ايه .. تقدر تقول كذه
تركي : ممممممم .. وكيف علاقاتك مع صاحباتك ؟
وئام : حلوة .. انا صديقاتي اللي مرة معاي 3 .. الماس واثنين غيرها .. الا انت وين تشتغل
تركي : ببنك
وئام : اهاا
تركي : وايش تفكرين تخصص في الجامعه
وئام : انا مستحيل ادرس هنا بذي الجامعات
تركي : بتسافرين ؟
وئام : يب
تركي : ووين حابه ؟
وئام : كبداية بروح ادرس سنه في cbc ارامكو وهم بيبتعثوني لاي مكان اختارة .. ادرس هناك كومبيوتر وانجليزي
تركي : حلو .. وبعدن وين تتوظفي
وئام : بتكون عندي شهاده قوية واكيد باي مكان اقدم عليه بانقبل
تركي : قولي ان شاء الله
وئام : ان شاء الله
تركي : واهلك موافقين ؟
وئام : اكيد .. هذي دراستي وانا ادرى بمصلحتي فيها
تركي وعجبه تفكير وسوالف وئام : حلو

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

نرجع عند سارة ..

سارة نزلت عند الحريم وشافت بنت كبيرة جالسه جنب امها ومعها حرمتين كبار وبنت بعمر نوف تقريبا جالسه تسولف مع نوف ونجلاء وبنات عمها الكبير

الحريم اكلوا سارة بعيونهم .. سارة استحت من نظراتهم المتفحصة ونزلت عينها مستحيه

سارة جلست جنب امها والدقايق تمر عندها ساعات
كان قلبها مع كل دقيقه تزيد نبضاته .. تحس انها بعد ما تمر كل دقيقه تبعد .. تبعد من بندر واعتقادها انه رح يجي يطلب يدها في يوم من الايام ..

ام بندر تهمس : ماشاء الله حولها .. تجنن .. تتوقعي بتعجب بندر
ام عبد الله : ولوو .. لازم تعجبه .. اجل بنت بهالجمال ما تعجبه .. نسيتي انه هو مختارها

سارة كانت تسمع كلامهم و خدودها تحمر .. سمعت اسم غلط في لسانهم
سرة في نفسها : بندر !! اعجب بندر !! مين هذا ؟؟ .. لالا اكيد انا من كثر ما افكر فيه توهمت اسمه على لسانهم

جلست البنت الكبيرة تسولف مع سارة اللي كانت تجاوب عليها باجوبة مختصرة
جات اللحظة .. جا ابو فيصل ينادي بنته عشان تدخل الصاله الثانيه مع خطيبها

قلب سارة يدق بقوة ودموعها تجمعت في عيونها .. تفكر تهون على اخر فرصه

دخلت سارة الصاله وراسها منزلته ودموعها في عينها .. خلاص تبي تصرخ في وجيههم وتقول ما ابيه .. بطلت ما تبي تتزوج !!

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اروى تهز زجولها وتطالع في الساعه

اروى " في نفسها " : يووه لسه الساعه 9 .. افففف متى بيطسون ذول .. هذا شي ثاني اذا بعد بيتعشوا
رؤى : يووه اروى خايلتيني .. وقفي وجولك .. ثبتيهم بمكان واحد
اروى : اففف رؤى مو رايقة لك
رؤى : ليش ؟؟ شعندها الاخت اراوي ؟
اروى : بطلع مع ريم ووئام ولحد الحين ما راحوا الهوانم
رؤى : ووين بتتطلعين الساعه 9 ؟؟
اروى : اففف رؤى لا تسوين لي تحقيق .. اللي فيني مكفيني
سكتت رؤى احترام لرغبه اروى

هز جوال اروى في يدها لانها حاطته سايلنت بس هزاز
قامت بغرورها المعتاد وقال بدلع : عن اذنكم

طلعت برى للحديقه وردت هناك
اروى : ها ريم وينك ؟
ريم : انا توني خلصت لبس .. ها انتي شصار عندك ؟
اروى : للحين ماراحوا .. ياخي طز عسى عمرهم ماراحوا بطلع يعني بطلع
ريم عجبها عناد اروى واصرارها على الطلعه : خلاص اوكي .. انا بدق على وئام اشوف اذا خلصت امر عليها و اجيك
اروى : اوكي انتظرك

سكرت ريم من اروى ودقت على وئام لقته انتظار ..و انتظرتها لين ما ترد
وئام : ها ريم .
ريم : ها وئام جهزتي ؟
وئام : يوووووه نسييييت .. زين ذكرتيني يلا باي
شكرت وئام بسرعه من ريم ورجعت لتركي
وئام : اوكي تركي اخليك الحين
تركي : اوكي باي
وئام : بايات

سكرت وئام بسرعه وقامت اخذت شاور و جعدت شعرها ولبست فستان احمر مفصل جسمها وطالع جنآن عليها و دقت على ريم عشان تمرها بسرعه
ريناد ورندا وعبد الرحمن وام عبد الرحمن في الصاله يلعبون مونوبولي

ريناد : يا غشاش يا عبد الرحمن بل عليك وش هالفلوس اللي مكدسها
عبد الرحمن : يعني اذا الواحد صار غني لازم يكون غشاش ؟
ريناد : ايوة .. لانك بتشتري اراضي وما بتدفع حقها يا حرامي .. بسرعه روح السجن
عبد الرحمن : لا يكون انتي اللي مألفة اللعبه وانا مدري
ام عبد الرحمن : شوو خلاص خلصنا .. عبد الرحمن شو اتفقنا على الغش
عبد الرحمن : والله يا امي ما غشيت شفيكم علي يوه
رندا : يوووه منكم .. الواحد يكره يلعب معكم

قامت رندا من اللعبه متنرفزة ومتضايقه من امس بعد كلام عبد الرحمن على حبيبها وليد
دخلت غرفتها وانسدحت على السرير وضمت مخدتها " القلب " .. دموعها كانت ثقيله
ما تبي تنزل بش ثقلها كان دور في نزولها

دفنت وجهها فيها تحاول تكتم بكيها

اما عند اللعب

ريناد : احسن كان بودي تروح .. مسكت الفلوس والاراضي وحطتهم مع حقونها
عبد الرحمن فتح عيونه على الاخير : يا حراميه .. اساسا هذي الاشياء كلها تروح البنك
ريناد : اسكت بس اسكت .. على كم ارض وكم جنيه جاي تحاسبني .. شوف نفسك انت ياللي تاخذ بدون ما تدفع
ام عبد الرحمن : يوووه انتو الاتنين .. عن جد الواحد شو بيكره حالو ازا لعب معكن

قامت ام عبد الرحمن من اللعبه هي الثانيه
ريناد : شفت كيف .. هذي نهاية غشك
عبد الرحمن هز راسه يتحمد ربه على نعمة العقل

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اروى تكلم ريم : اوكي طالعه
سكرت منها واتلفتت لرؤى : خلي عند ماما خبر اني طلعت

طلعت اروى بدون ما تسمع رد رؤى لانها عارفه بتعطيها دفتر نصايح

ركبت السيارة مع وئام وريم وطيران على الاستراحه

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

سارة كانت طول الوقت منزلة راسها .. ما تبي ترفعه وتشوفه .. ما عرفت عنه ولا شي .. اقلها اسمه ما عرفته .. ماله داعي تعرف شكله بعد

بلعت ريقها بصعوبه وعينها على الارض

انرفع راسها بيد جافه ولكن بعدها عينها تحت

.... : ايش فيك ما تبين تطالعيني والا كيف ؟؟ والا تبين تحرميني من نظرة عيونك .. يا عصفورة حياتي

سارة زادت دقات قلبها مع ذا الصوت .. مستحيل تنساه مافي غيره يقولها عصفورة حياتي !! .. ايش اللي خلاه يرجع بعد هالسنين .. كيف تذكرها ؟؟ كيف جات في باله ؟؟؟؟؟
رفعت عينها تلقائيا تشوفه .. وقف قلبها .. وانربط لسانها .. معقوله هو ؟ والا بعدني اتوهم !![/color]

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

 

[كفاني عذاب]

<<<< الفصل الثامن >>>>


بندر : انا بندر سارة .. ما عرفتيني
صدت سارة عنه تحبس دموعها .. تحاول تنطق ما تقدر .. انربط لسانها عن الكلام
حاولت تتكلم بكلمات متقطعه : أيـ ـش ذكـ ر ك فـ ينـ ي بـ ـع ـد 4 سنـ ـيـ ن ؟
بندر نزل عينه وهو يتذكر وعده لسارة بالزواج السعيد : عرفت انه سبب تعاستي في الدنيا وسوء حظي هو وعد اخلفته .." رفع راسه ونظراته كلها ترجي " سارة انا اسف
سارة على نفس وضعيتها : مو انت اللي قلت ما تبي وحده مستعمله ؟؟ تبي وحده شريفه وما تطلع مع شباب .. انا كنت اطلع مع شباب .. استعملتني وطلعت معاي .. روح دور لك الشريفه اللي تبغاها

بندر كان ساكت يسمع لكلام سارة .. واضح انها حتى من بعد 4 سنين لسه تذكر كلامة يوم جات تذكره بالوعد

وشلون ما تذكرة وهو كان من اقسى لحظات حياتها !؟

بندر : سارة انا جاي انفذ وعدي !
سارة : وشفتني شوفتك الشرعيه ؟ مع السلامة

طلعت سارة من الصاله تمسح دموعها .. صادفها في طريقها فيصل
فيصل : يا لله .. لهالدرجة مستحيه ؟
سارة طالعت فيه : فيصل مالي خلقك

طلعت لغرفتها بسرعه قبل لا احد ينتبه لها من الحريم

اما فيصل رجع لبندر
فيصل : ها يالنسيب شرايك ؟
بندر كان جالس سرحان وباله مو معاه
فيصل : لاا النسيب طار عقله .. لهالدرجة سارة لهالدرجة حلوة

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

في السيارة ..
اروى : ووين الاستراحه ذي ؟
ريم : في الدمام
اروى : اهاا ..
وئام : اشوفك متحمسه
اروى تكابر : لا عادي

بعد مرور خمس دقايق .. وقف السواق قدام الاستراحه الكبيرة واللي الانوار والاغاني مالية الجو
اروى كانت اول مرة تجي هالمكان .. اتمسكت في وئام لحد ما دخلوا .. تخاف يطلع لها سكران من هنا والا من هناك
الاستراحه كانت كبيرة .. فيها 3 مسابح على 3 مستويات .. الاول حق بزارين .. الثاني اعلى منه .. الثالث اعمق شي يوصل 6 امتار
دخلوا الفيلا ريم تتمخطر وتسلم على هذا وهذي .. وئام دخلت مع ريم ونفس الشي تسلم على كل الناس
اما اروى كانت ماسكة في وئام مثل البزرة
مشاري خوي ريم يميل راسه على اروى : مين الحلوة الجديده هذي
اروى اتنرفزت منه .. يعاملها كانها وحده بزرة رفعت راسها وقالت بغرور: انا اروى
مشاري انبهر بآية الجمال اللي قدامه من رفعت راسها
اروى رفعت حاجبها بغرور ومشت مع وئام لاحد الغرف يفسخوا عباياتهم
لحقتهم ريم بعد 5 دقايق لانها كانت تكلم صاحباتها واصحابها اللي ما يتسمون


في الجهه الثانيه .. دخل عبد العزيز الاستراحه مهموم .. شايل هم اخته اللي مرمية بالمستفشفى ما عندها احد الا ربها

مشاري : هلا وغلا اسفرت وانورت ابو العز

اروى داخل الغرفه سمعت صوت عبد العزيز .. تعطرت من قلب وركضت لبرى الغرفه
تبغى تلحق عليه من أي بنت يشوفها
عبد العزيز بعد ما تكلم مشاري : مشاري والله مالي خـ ..
قاطعته شوفة اروى بفستانها الوردي القصير .. ورشاقة جسمها وجمال ملامحها الحاده بعيونها الخضر وشفايفها المورده بلون القلوس الفوشي بلمعة ذهبيه
عبد العزيز بانبهار واستغراب : اروى ؟
مشاري كان جنب عبد العزيز يشوف الملاك اللي قدامه وفاتح فمه .. اروى كتمت ضحكتها على تعابير وجهه وطالعت في عبد العزيز

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما عند سارة

بعد ما راح الكل .. طلعوا نجلاء ونوف لغرفة سارة طيران
دخلوا الغرفه لقوا سارة جالسه على السرير تلعب باضافيرها
طبت نجلاء لعندها : ها كيف ؟ مزيون ؟ وش قالك ؟ وايش سوى لمن شافك ؟ بسرعه عطينا الموجز
سارة طالعت فيها ورجعت طالعت في نوف ونزلت عينها تلعب باضافيرها

انا طبعي كذا وبحب كذا
وبحب اعيش وما عنديش الا كذا
ذي حياتي انا
ذي ملكني انا
وانا مهما يكون برضوا حكون زي ما انا
عايشه سني وبغني وبحب الحياه
قلبي عايش سنين وحياتي فهواه
بعمل اللي بحبوا وبحسوا اكيد
ثانيه ثانيه يا دنيا حعيشك انا
عايزة افرح وارقص واضحك ياناس
هيا دنيا وبنعيشها مرة وخلاص
ياما قالوا وعادوا ولاموا كتير
بس بنسى وبكبر دماغي وخلاص

اغنيه نيكول سابا تتردد في بال سارة
هذي حياتها ولازم تعيش كل ثانيه فيها .. تعوض سنوات الصبر اللي صبرتها على حساب بندر
تبدأ تعيش حياتها دام انه جاي يخطبها برجليه مع اهله
نجلاء : ياهوووووووووووو سويييير
سارة صحت من افكارها وطالعت في نجلاء : همم
نجلاء : يا الله لهالدرجة بندر حلو
سارة كانها تذكرت شي : الا تعالوا .. ليش ما قلتولي انه اسمه بندر ؟
نجلاء تغمز لها : اذا بالشكل وهذاك خاقه شلون الاسم ههههه
سارة رمتها بالمخده اللي جنبها : اطلعي برى بتكلم مع نوف
نجلاء : مو علينا سارونة .. – تغمز - عصفورة حياتي هاااا
سارة فتحت عيونها على الاخير : مالت عليك قعدتي تتسمعي علينا
نجلاء : اول كلمتين بس وجات الدعله نوف وشلحتني
نوف قرصتها في زندها
نجلاء : آآآآآآآآآآآآآآآآآي يا بقرة
نوف : قالت لك انقلعي برة .. من وين تفهمي ؟
نجلاء : آآف منكم .. متى اموت وتعرفون قيمتي بس
نوف : هههه طيري بس طيري

طلعت نجلاء وسكرت الباب وراها ..
نوف : وش بغيني
سارة قامت ومشت لعند التسريحه تلعب بخصل شعرها
نوف : قعدتيني عشان اشوف تعبي بخصل شعرك ؟
سارة : نوف .. بعده يتذكرني .. ما نساني .. ما نسى أني عصفورة حياته
نوف مشت لعند ساره ووقفت وراها بحيث سارة تشوفها من المرايا ونوف تشوف سارة
نوف : سارة انتي لازم تعيشي حياتك الجديده بكل مافيها .. مهما قابلتك ظروف صعبه وظروف مرة على قلبك .. اتحملي .. لانها كذه الحياه اذا ما تحملناها ما تتحملنا .. خلي قلبك قوي .. اللي حبيتيه 4 سنين من عمرك جا وخطبك ووافقتي .. لا تتذكري الماضي .. وخلي عينك على المستقبل .. ولا تروح عينك لورى
عينك لو راحت لورى ما بصرتي .. فخلي هذا اقرب مثل لك في حياتك عن الماضي والمستقبل

لفت سارة على نوف وحضنتها باقوى ماعندها لين ما دمعت عيونها : بفتقدك نوفة
نوف تحبس دموعها : ههههه وخري عاد .. لسه قاعده على قلوبنا ..
سارة ودمعتها على خدها ابتسمت بفرح : هه ومين قالك ؟ الملكة بعد اسبوعين .. واكيد العرس لاحقة بعد كم شهر
نوف طالعتها بصدمه : اسبوعــين ؟؟ وليه عجلتوها ؟؟
سارة بفرحه : اهم شي بملك على نودي
نوف : هههههه وصار نودي بعد !

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

في جنيف

مرت الايام ثقيلة على جنا .. طفشت منه وتبغى ترجع ديارها .. السعوديه ..
لحد الحين ما طلعت معه الا مره وحده

اشتاقت لاهلها .. اشتاقت لاراضي ابو متعب .. اشتاقت لصديقاتها .. اشتاقت لكل شي في السعوديه
قامت وطلعت من الغرفه للصاله الصغيرة
جنا " وين راح هذا الحين ؟ اففففف منه ما يحس . يطلع ويستانس وانا هنا كاني شغالته مو زوجته "
رجعت دخلت الغرفه وقفلت الباب بقوة وراها
جلست على السرير لقت ورقة على التلفون .. اخذتها تقراها

كلام مكتوب بالانجليزي .. ثقافتها مو مرة تمام في الانجليزي .. بس على الاقل تقدر تطلب وتقول ابغا اكلم السعوديه

حولها على فتح خط السعوديه ودقت رقم بيتهم وتنتظر الجواب

رنا بصوت كله نوم : الو
جنا بلهفه : رنوو .. راني .. كيفك ؟
رنا : كم مرة اقولك لا تقوليلي راني كأني شغاله
جنا : ههه مالت عليك الحين اقولك كيفك وانتي تهزئي
رنا : تمام .. قومتيني من عز نومي
جنا : يا حيوانه انا جنا ما اشتقتيلي ؟
رنا فزت : جنوووو يا بقرة كيفك؟ وليش ما تتصلي ؟ ووينك الحين ؟ وكيف سعود معاك ؟ و..
جنا قاطعته : اصبري اصبري .. انا تمام .. ما اتصل ليش ؟ انا لي عذري واذا رجعت بقولك وانا الحين في جنيف
رنا : وآآو جنيف ! كيف عندكم ثلج ؟
جنا : ههههه مو كثير .. صح الشتا على ابواب بس ما نزل ثلج بعده
رنا : اهااا .. كيفك ؟ وايش مسوية .؟ وين طلعتي ووين رحتي ؟ شريتي لي هدايا .. اعرف انا اختك حبيبتك لازم تشتري لي هههه
جنا ارتبكت .. بعد يومين مسافرين وهي ولا اشترت لهم ولا شي : ها ! ايه ايه اكيد شريت لك
رنا بفرحه : واللله ؟ وايش شريتيلي ؟ الماس والا ذهب
جنا : مالت عليك من قروية .. هديه ما رح تشوفيها الا اذا جيت
رنا : ومتى جاية وتغثينا انتي ووجهك ؟
جنا بفرحه : بعد يومين
رنا : يعني يوم السبت ؟؟؟؟
جنا : يب .. الفجر
رنا : بغيب .. لازم اقعد معك من زمان عنك يا دبه
جنا : معلوووم لازم تغيبي .. ولا تهون عليك جنوو
رنا : ههههه .. يلا بسرعه عطيني الموجز وين رحتي وين جيتي ؟
جنا : اسكتي مو قايلة شي الا لمن اشوفك
رنا : يوووه .. الله يعيننا على وجهك ذاك اللي شبه التيسه
جنا : انقلعي .. الا وين ماما
رنا : ههه ضحكتيني .. داقة لساعه 12 الليل والعالم نايمة
جنا : أيــه صح .. حساافه كنت ابغا اكلمها
رنا : ارجعي دقي الظهر بكرة
جنا : بشوف .. يلا رنوو سلمي عليهم كلهم
رنا : اوكي يوصل .. يلا تلايطي روحي شوفي زوجك وروحوا السينما واعملوا رومانسيات واحسبولي البوب كورن وياكم
جنا : هههههه ابشري باي
رنا : باي

سكرت جنا من رنا واللي كانت مشتاقه لها ولعربجتها
دخل سعود الغرفة لقاها قاعده على السرير تناظر التلفون وسرحانه
عرف انها مشتاقه لاهلها وما تقدر تكلمهم
راح لعندها ومسك اكتافها : تبين تدقين على اهلك
جنا ناظرته بعيون مغرقه من شوقها لهم : لا تخاف ما انتظرتك .. كلمتهم
سعود : وما شفتك شريتيلهم شي
جنا " وانت طلعتني عشان اشتري لهم " : ..........
سعود : بكرة نطلع الصبح نفطر ونروح نشتري هدايا لاهلك وصاحباتك
جنا طالعت في عيونه .. مالقت فيهم أي حب او حنان .. نظرات عاديه جدا واقل من عاديه
و رجعت نزلت عينها ..
ترك سعود كتفها و طلع برى الغرفه

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

الساعه 2 الفجر

اروى قاعده مع عبد العزيز جهة المسابح والاغاني في كل مكان
عبد العزيز جالس على الكراسي اللي تنحط عند المسبح واروى قدامه
عبد العزيز : ما ادري مرة تعبانه .. لو تشوفي شكلها تقولي هذي حتى عمليات التجميل ما رح تنفع وياها
اروى : يا الله .. الله يشفيها ان شاء الله .. الا من ايش هذا كله
عبد العزيز : حادث
اروى : آه .. الله يساعدها ويشفيها ان شاء الله لا تشغل بالك

جو وئام وريم يتمخطرون
ريم : اشم ريحه حب هنا والا ؟
وئام : ههههه وانتي الصادقه
اروى : مالت عليكم بس
ريم : اقول اراوي .. ما تبين تروحين البيت والا عاجبتك الجلسه الرومانسيه ؟
اروى : مو كان بدري .. تونا جايين
وئام غمزت لريم : شكلها عجبتها جد هههههه
ريم : هههه واضح .. اراوي .. الساعه 2 الفجر الحين

قامت اروى معهم اخذوا عباياتهم وطلعوا

اروى دخلت البيت تغني ومستانسه

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

وئام دخلت البيت وشوي شوي دخلت غرفتها بدون ما احد يحس فيها .. حست انه الوليد بعده صاحي بدلت ملابسها بسرعه ومسحت المكياج وراحت تبي تشوف الوليد
دخلت الغرفه لقته قاعد يكلم تلفون
اشر لها تطلع وتسكر الباب وراها
سوت اللي يبغاه ودخلت غرفتها تكلم تركي

تركي فز لها كانه كان ينتظرها تدق

تركي : هلا
وئام : اهلين
تركي : كيفك ؟
وئام : تمام .. انت كيفك ؟؟
تركي : تمام .. كيف كانت الحفلة في بيت صاحبتك اليوم ؟
وئام : تجنن

سولفوا لحد الفجر لما نعس تركي وقفل
وئام راحت تشوف وليد اذا نام او لا .. لقته قاعد يتعطر وكانه رايح لعرس
وئام : الله الله وليد وين رايح ؟
الوليد : مالك دخل .. لو صحيت ماما وسالت عني فانتي ما شفتيني ولا دريتي عني .. فاههمة ؟
وئام : ماشي .. لا تتاخر
الوليد : لا مارح اتاخر .. باي

طلع الوليد من البيت هدوء عشان محد يحس فيه وركب السيارة وطيران لبيت عمه !

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

ام محمد كانت في الصاله تنتظر ريم على اعصابها وكل شوي تناظر في ساعة يدها
دخلت ريم البيت تدندن ومبسووطة
ركضت امها لها : ريم وش فيك اتاخرتي كثير !
ريم دفتها : يوووه ترى والله مالي خلقك .. حدي جايه مستانسه
دخلت ريم الغرفه وطنشت امها .. قفلت الباب مرتين وبدلت ملابسها
قفلت اللمبات وفتحت الابجورة ونامت .. ماهمها امها اللي كانت تنتظرها تحت

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

طلع الصبح في جنيف

فتحت جنا عيونها متكاسله ..عاجبها الفراش الدافي عكس الجو البارد في الفندق
سعود : جنا .. جنا
جنا غمضت عيونها كانها نايمة تبغى تشوف ايش يسوي
سعود : جناا
ولا مجيب
سحب سعود منديل من العلبه اللي جنبه وبرم جهه منه بحيث صارت كانها دبوس .. قرب منها
جنا ارتبكت .. فكرت تفتح عيونها بس سبقها سعود لمن دخل المنديل في اذنها يدغدغها
جنا قشعر جسمها محطت يدها على اذنها تمنعه يدغدغها
سعود طفش منها وراح بلل يده ورش الماي عليها
جنا فزت من بروده الماي اللي جات على وجهها وقامت معصبه
سعود : ههههههه ماعندي تفاهم صح
جنا : وين مقومني على الصبح
سعود بغرور : ما تبين هدايا لاهلك ؟
جنا : الا
سعود : اجل البسي يلا

طلع سعود من الغرفه يتركها تبدل براحتها بعدين هو يدخل يبدل
طلعت جنا ببنطلون جينز عادي وبلوزة بيضا طويله مرسوم فيها فيل وعليه الوان " فوشي اخضر سماوي اصفر " كلها فاقعه

دخل بعدها سعود يتروش ويبدل بدون أي تعليق
طلعوا بعدها لمطعم يفطروا بعدين يتسوقوا براحتهم
جلسوا جنا وسعود على طاولة صغيرة وطلبوا فطورهم
رن جوال سعود في جيبه .. طلعه بارتباك .. عارف هالنغمة لمين

جنا عنده فضول ليش ارتبك : ليش ما ترد
سعود : ها ... ايه ايه الحين ارد
طلعه بارتباك واضح : الو
اروى بدلع : اهلين حبيبي كيفك ؟
سعود : ناصر انا مع المدام الحين اذا رجعت اكلمك
اروى بنفس الدلع : اوكي بيبي انتظرك .. لا تطول علي
سعود سكر السماعه وناظر جنا اللي ملهيه في المنديل وتسوي فيه اشكال غريبه
جنا طالعت فيه بنظرات كلها شك
سعود بلع ريقه من نظراتها : هذا عبد العزيز سكرتيري .. خفت يقول شي مو زين عن المناقصه اللي ...
جنا قاطعته : خلاص مصدقتك ..
لفت وجهها عنه باشمئزاز لحد ما جا الويتر معاه الفطور

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما في السعوديه

لسه الفجر ما طلع .. وبعدها الساعه 2 ونص

دخل الوليد حديقة الفيلا ومشى بهدوء لحد ما وصل للباب الخلفي و دق على رندا
رندا : ايوة .. وصلت ؟
الوليد : ايه .. انتظرك تحت
رندا : اوكي

سكرت رندا وراحت رتبت شكلها على السريع قدام المرايا وتعطرت ونزلت
مشت بهدوء لحد ما وصلت للباب الخلفي
فتحته بهدوء وهي تلتفت حولها عشان محد يشوفها
رندا : هلا
الوليد : اهلين كيفك ؟
رندا : تمام .. انت كيفك ؟
الوليد : وحشتيني
رندا احمرت خدودها ونزلت راسها
الوليد : اموت على المستحيين انا
رندا بدلع : وليييد خلاص .. ترى ادخل
الوليد : لالا انا ما صدقت اشوفك
رندا بنفس الدلع : اجل لا تحرجني
الوليد : اوكي .. شرايك نروح البحر ..؟؟ من زمان مارحنا من بعض البحر
رندا : لالالا اخاف .. اذا الحين وانا لسه في البيت وخايفه شلون اذا طلعت وياك ؟
الوليد : لاتخافي مارح نطول
رندا : لالا بليز وليد مالي خلق مشاكل
الوليد بزعل : خلاص براحتك
رندا حست بزعله : يووه ولييد لاتزعل .. بس يهون عليك شكلي وانا اتهزء من عبد الرحمن ؟

جا صوت من وراها مستغرب ....

..... : رنـــــــــــــداااااا ؟؟؟؟؟؟؟؟؟؟

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

 

[كفاني عذاب]

<<<< الفصل التاسع >>>>

ريناد وتفرك عيونها من النوم : رندااا ؟؟ شتسوين هنا ؟
رندا بارتباك وخوف : ها ؟
ريناد : شفيك واقفه هناك ؟
رندا : لالا ولا شي
ريناد مفهية ما حست بشي نزلت تشرب موية
رندا اشرت لوليد يروح بيدها قبل لا تنتبه ريناد وما تسكت لها طول الصبح بس مو فاهم شي
ريناد : وراك تأشرين مثل المجنونة .. ؟
قدمت لعندها وهي لسه تاشر لوليد يروح
ريناد نطت جنب رندا تشوف وش عندها لقت الوليد متخبي على جنب
نقزت عليه : وليدووه وحشتني يا دب .. وين هداياي بسرعه .. وبعدين ليش قاعد هنا كانك حرامي .. تعالي للمجلس
وليد : لالا خلاص مافي داعي .. يلا باي رندا .. باي ريناد
رندا وهي تدعي على ريناد من قلبها : باي
ريناد : بااااي والمره الجايه لا تنسى الهدايا ههههههه
وليد : ههههه مارح انسى

راح الوليد وطلعوا ريناد ورندا غرفهم

راحت رندا عند ريناد
ريناد : ايش تبين ؟ روحي ابي انام
رندا : الحين من جدك كنتي تبين تدخلين وليد المجلس ومش عارفه ايش ؟
ريناد : وايش فيها ؟
رندا : يا غبيه عمي مو اتهاوش مع بابا .. وعبد الرحمن بعد اللي صار كره وليد ؟
ريناد : آآآآه صح .؟؟ اجل ايش مجيبه ؟
رندا : جاي عشاني
ريناد : اهااا .. يوووه رندا لا تفكري تسويها مرة ثانيه .. وربي لو شافك عبد الرحمن لا يوريك نجوم الليل بالظهر
رندا : ياخي هو ماله دخل .. يخله يطق راسه باربع حيطان
ريناد دخلت تحت البطانيه : ايه نشوف الاربع الحيطان هذي .. يلا ضفي ابغا انام
رندا : بس والله يا ريناد لو نطقتي باي حرف عن اللي صار ما تلومي الا نفسك
ريناد : طاااااااااااايب بس اخلصي وسكري اللمبة والباب

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

رجعت جنا الفندق بعد ما شرت اللي تبغاه وزياده
ورتبت شنطتها وشنطة سعود ودخلت كملت نوم وما همها سعود وحكيه

اما سعود استغل فرصة نوم جنا وجلس في الصاله

رنة .. رنتين .. ثلاث رنات .. جا صوت اروى اللي كان كله نوم
اروى بعصبيه لانه صوت الجوال قومها من احلى احلامها : نعم
سعود : اووه حبيبي آسف قومتك من النوم
اروى ولسه نايمة : شرايك يعني .. مقومني من عز نومي .. عبد العزيز احيانا تتصرف بغباء
سعود باستغراب : مين عبد العزيز ؟؟
اروى : عزييييز قسم بالله مو رايقه لاستهبالك .. نسيت اني قعدت معاك الليل كله بالاستراحه .. خليني انام احسن لك
سعود : شكلك كنتي تحلمي .. اوكي اكلمك وقت ثاني
سكر السماعة وما اعطى للكلام أي اهميه

اما اروى رمت الجوال بدرج الكمدينه وكملت نومها


بدأت خطبة الجمعة والكل راح للمسجد ..

وفي المستشفى عند هديل

كانت ام هديل توها ملبسه بنتها ومروشتها .. وبمساعده الممرضة جلسوها على السرير وبدأت شوي شوي تصلي

خلصت صلاة وقعدت تنتظر دكتور فهد يسوي معها التمارين المملة
دخل فهد الغرفه ونفسه في خشمه .. يكره المريضه البارده هذي

وهديل نفس الشي .. تكرهه لغرورة الزايد .. ماتدري على وشو شايف نفسه

فهد : السلام
هديل اتافف بداخلها وردت امها السلام : وعليكم السلام ورحمة الله وبركاته .. ها بشر دكتور شلون حالة هديل الحين ؟
فهد طالع في هديل اللي كانت تقرأ الكهف ومطنشتهم ورد ببشاشة مصطنعه : لا حالة هديل عال العال .. وتقدر تطلع يوم الاحد ان شاء اله اكتب لها خروج
ام هديل بفرحه : جد ؟ الحمدلله يارب الحمدلله

اما هديل ما عرفت تعبر عن فرحتها بوجود فهد .. فطنشت الوضع وخلته يبدأ شغله
بدأ فهد شغله بمساعده الممرضة ويحاولون يقومون هديل من يدها .. ويخلونها تجرب تقوم بلحالها

هديل كانت معنوياتها مش ولابد .. فرحانه انها رح تطلع ومتحطمة لشكلها

دخلت دكتورة العلاج الطبيعي بعد فهد وبدأت علاجها بالظهر كامل

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;



ريم كانت شبه نايمة ومقفله على نفسها تمنع الازعاج
صحت من نومها راسها مصـــدع لدرجة فظيعه جلست على السرير ومدت يدها لدرج الكمدينه تفتحه تدور بندول او أي شي تاخذه .. مالقت اللي تبيه .. وقفت بتعب وراحت لعند الباب وراسها يدور ما قدرت تفر المفتاح المعلق على الباب عشان تفتحة .. طاحت على الارض من الدوخة .. سندت نفسها على الباب وغمضت عيونها .. حاولت تستجمع كل طاقتها الباقيه وتمسك على يد الباب وتوقف .. فتحت الباب بصعوبة وانهد حيلها عند الباب وطاحت مرة ثانيه

كل الكلمات اللي قدرت تنطقها كانت : مامااااااا

تستنجد في امها .. مافي احد تلجأ له ويضمها لصدره بحنان غير امها !

اما ام ريم كانت في المطبخ مع الخدامات يساعدونها في الغدا كالعاده .. سمعت صوت ريم اللي يستنجد فيها .. شهقت وحطت يدها على صدرها : بنــــتي !!

ركضت بسرعه لفوق تشوف ريم .. لقتها مرمية عند باب غرفتها ووجهها اصفر .. خافت يكون صار فيها شي خطير
راحت لعندها بسرعه وبدون وعي شالتها وحطتها في غرفتها وجابت لها بندول واكل تاكله .. واول ما يرجعون اخوانها يودونها المستشفى

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

نلف شوي ونروح عند بيت اهل الماس

كالعاده بعد صلاة الجمعه الساعه 2 تتجمع العائلة عندهم ويتغدون وقعدة الى الليل وبعدها الكل يروح بيته

الماس قاعده مع بنات عمها من بينهم شادن اخت تركي
كانت خايفة يكون تركي قالها او شي
وشادن المستغربة من تصرفاتها وشرودها الملحوظ

الكل كان يسولف ومستانس والماس منزلة راسها تتهرب من نظرات شادن المستغربه

الماس كانها قرت افكار شادن انها تبغا تاخذها مكان وتكلمها .. فداركت الوضع وقامت نزلت المطبخ

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما وئام .. قامت من بدري .. صلت الجمعة وقرت الكهف ونزلت تقعد مع امها واختها على مايجي الوليد وابوها ...

اما بالنسبة لعلاقة وئام وتركي اللي كانو طول الليل امس يتكلموا مع بعض
تركي كل ماله اعجابه بشخصية وئام تزيد
ووئام كل مالها تتعلق في تركي اكثر

رن جوال وئام في يد امها اللي كانت تلعب واكيد تركي المتصل

ام الوليد : مين almasoo 2 ?
وئام انخضت وارتبكت اخذت الجوال من امها :أي الماس داقة من رقمها الثاني
ام الوليد : اهاا
ردت وئام وطلعت لغرفتها

تركي : هلا
وئام : اهلين
تركي : كيفك ؟
وئام : تمام .. انت كيفك ؟؟
تركي : تمام
وئام : أي وكيف الشغل
تركي : الحين لا تضيعين السالفه .. انتي دارية ليش انا داق
وئام : طيب انت قلت ما تبي مكان عام .. وانا ماعندي الا ذا المكان
تركي : امر عليك المدرسه ؟
وئام : واذا شافتك الماس ؟
تركي : اييه صح .. شذا الورطة
سكتوا الاثنين للحظات .......
وئام : جبتها ...
تركي : بشري
وئام : بكرة ملكة سارة اخت اروى .. في قصر الـ ...... بخليك تدخل من الباب الخلفي
تركي : والماس مارح تحضر ؟؟

.
.
.

في هاللحظة حطت الماس رجلها على اول بلاطة من المطبخ مكان ما كان تركي يكلم وئام
رجعت بهدوء تسمع وش يقول عنها !! ولمين !!

تركي : حرام عليكم والله انها حبوبة وتجنن ....... خلاص اجل لقاءنا بكرة ..

الماس وقف قلبها !! ليش يقول عنها كذه ؟؟على طول فكرت انه خفى حبه عنها .. ليه ؟؟ هو مو محتاج حب متبادل ؟؟

رجعت طلعت لغرفتها وقفلت لى نفسها بدون مايحس عليها احد من بنات عمها او من شادن

جلست على سريرها متنحه .
. ليه يقولي كذه ؟؟ معقولة صار يحبني ؟؟
لا وش هالتفكير الغبي .. قال لي اني مثل اخته وانا اعتبرته من بعدها انه اخوي
بس ..؟؟ !!!

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

 

[كفاني عذاب]

تابــــــــــــــــــــــع


; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

[اما ريم توها داخلة البيت ووجهها اصفر .. حطولها مغذي واخذوا تحاليل ورجعوها

دخلها اخوها الغرفه وجلس مع امه في الصاله

ام محمد : يا الله انا قلت لك المستوصفات ماعندها سالفه توديها مستوصف ليه .. معقولة كل هذا عشان فقر دم ؟

محمد : يمة .. نسيتي راسها ؟ اكيد خبطت في شي وهي نايمة وسوى لها كل ذا .. واللي زاده فقر دم . ليش مكرة السالفه هالقد
ام محمد : لالا انا مو مرتاحه
محمد : ماله داعي تكبرين السالفه وهي صغيرة .. الحين تقوم لك مثل الحصان
ام محمد : الله يسمع منك يارب

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

في جنيف .. الساعه 2 الفجر من يوم السبت

جنا كانت تتفقد الادراج والاماكن كلها حتى ما ينسوا شي
فتحت درج كان تحت المكتبه اللي حاطين فيها التلفزيون لقت بكت سجاير وولاعات اغلبها مخلص .. شافت علب السجير لقت اغلبهم مخلصين .. ايش هالشراهه في التدخين .. شالتهم ورمتهم في الزباله .. ما تصدق متى يمر هاليوم وتروح لديارها .. ديار بو متعب الغاليه

دخل سعود الشقه وشافها ترمي بكت السجاير والولاعات وتطالعهم باشمئزاز
طنشها ودخل الغرفه اخذ شاور ولبس دام انه جنا لابسه وخالصة

راحوا على المطار وكل واحد سكوته خير للثاني .. جلست جنا عند الشباك كالعاده
والشمس كانت على الاشراق .. والسما صارت ازرق على برتقالي واحمر .. منظر تحب تشوفه جنا بهالوقت .. يروق اعصابها بعد كل اللي صار من هوشات وزعل في جنيف
خلااااااص بعدها بتروح بيت اهلها ولا تبي تشوف رقعه وجه سعود لاشعار اخر

نامت جنا وسط افكارها وما صحت الا على صوت الكابتن وهو يعلن عن هبوط الطيرة في مطار الملك فهد الدولي ..

قامت بسرعه وكانها ماصدقت انها على اراضي السعوديه
نزل من الطيارة ووراها سعود اللي ما اهتمت له .. اخذت نفس عميق وكانها ترجع هوا السعوديه لدمها
دخلت المطار الا تلاقي سعود تقدمها وعطا رجال لابس بدلة عاديه الورده حقة العفش " مدري شيسمونها خخخ "
استغربت انه سعود ما سلم عليه الا باليد واتعامل معاه برسمية زياده عن اللزوم
انتظروا جنا وسعود في قاعة الانتظار لحد ماجاهم الرجال معاه العفش وطلعوا وياه على المواقف
طالع في السيارة البورش حقة سعود داخلها سواق .. جلس الرجال جنبه وسعود وجنا ورى
ولسة على وجهها استفهامات كبيرة

سعود : ها حمد شخبار الشركة ؟
حمد : والله تبشر بالخير والمناقصات الاخيرة كلها لنا .. بس في اوامر من طويل العمر تـ ...
قاطعه سعود بحده : حمد .. انت السكرتير هنا .. يعني وش شغلتك .. ما تنفذ اوامر الا اوامري انا .. فهمت ؟!!
حمد : حاضر طال عمرك

جنا رجعت ذاكرتها لليوم اللي طلعت معاه على السوق عشان تشتري هدايا لأهلها .. قال في البداية ناصر .. قفل وقال عبد العزيز ..!!!!!!!!!!!!!!!!!!
رفعت حاجبها اليسار مستغربة منه .. ليش كم سكرتير عنده هو ؟؟!!

نطقت اخيرا : على فكرة ابغا اروح عند اهلي
سعود طالع فيها من فوق لتحت : الحين !!
جنا : ايه .. ينتظروني على الفطور
سعود : وليش تقوليلي ..؟؟ تبغي تروحي روحي لحالك
جنا : اجل يلا ودني عندهم
سعود : وامي تنتظرنا على الفطور الحين

جنا حست انها مو حلوة في حق ام سعود .. مهما كان هي اتعاملت معها بالطيب وما قصرت معها : اج عطيني الجوال بكمل ماما

سعود رما لها الجوال وهي دقت على بيتهم

ام جنا بتعب : الوو
جنا : السلام عليكم
ام جنا : وعليكم السلام .. مين ؟ جنو ؟
جنا : ايه ماما كيفك ؟
ام جنا : هلا .. هلا وغلا بحبيتي .. انا اسأل عنك . كيفك حبيبتي وصلتوا ؟
جنا : أي بالطريق الحين
ام جنا : والله ؟ اجل انا انتظركم
جنا : لا ماما ما اقدر الحين ..ام سعود تنتظرني على الفطور .. تعرفي مو حلوة بحقها ..اجيكم على الغدا ان شاء الله .. كلمي اميرة و سهى وقوليلهم يجون عالغدا
ام جنا : حاضر حبيبتي انا انتظرك
جنا : الله يخليك لي يارب
ام جنا : الله يرضى عليك يا بنتي
جنا : سلمي على بابا
ام جنا : يوصل ان شاء الله
جنا : يلا مع السلامة
ام جنا : فمان الله

سكرة جنا من امها وهي تطالع الحي الفخم اللي دخلوه .. اول مرة تدخل بيت سعود !
وقفت السيارة عند بيت ابيض كبير وحديقته واسعه

نزل السواق فتحلها الباب ونزلت بهدوء تنتظر سعود ..
رفعت عينها لقتها سبقها ومشى لقدم بدون ما ينتظرها .. اتنرفزت .. ليه يكرهها ؟؟ ليه يعاملها كذه ؟؟ وش سوت له عشان تستحق هالمعاملة منه .. حتى قدام اهله كذه ؟؟

مشت لوراه بسرعه تحبس دموعها المتجمعه لكنها غطت على عيونها وماصارت تشوف شي

رفعت يدها تمسح دموعها بطرف كم العباية لكنها صدمت في شي صلب .. خلاها تفقد توازنها !!
ظلمت الدنيا حولها .. وحست ان الارض تدور فيها بسرعه كبيرة

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

رنا قاعده تفطر مع امها وابوها : يوووووووه ماما قلت لك مارح اروح .. ما ابغا جنوو جايه وابغا اعوض كل ساعه ما كنت معها فيها
ابو جنا : خلاص يا مره خليها على راحتها
ام جنا : لاحول ولا قوة الا بالله .. الله يهديك بس .. مدري متى بتعرفين قيمة الدراسة

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
يزيد عقد حوابه يحاول يركز مين هذي اللي بين يدينه طايحه وماسكة راسها
جنا بعد ما رجع لها الوعي و رجعت الالوان في عيونها
طالعت في يزيد بصمة تحاول تفك نفسها منه بسرعه
تركها يزيد : مين انتي
جنا رفعت عيونها لانها اطول منها وتكلم نفسها : شيبغى هذا هنا
طنشته ودخلت .. حست نفسها انها تايهه

ابتسم يزيد لشكلها .. على طول درى انها جنا زوجة سعود
راح لعندها واشر لها : من هنا
جنا مشت معاه بدون أي كلمه ودخلت للصالة الوآآآسعة والفخمة مكان ما جالس سعود
طالعته من فوق لتحت وجلست جنبه بهدوء ..
اما سعود وقف اول ما شاف يزيد وسلم عليه من دون نفس

استغربت جنا من تعال سعود معاه .. بس تركته .. مغرور في كل شي ! كيف بتكون معاملته للناس .. اكيد زفت

نزلت ام سعود بجلابية فخمة وزادت من هيبتها وحدة ملامحها

ابتسمت لجنا وسلمت عليها بحرارة وبعدها سلمت على سعود ويزيد

ام سعود طالعت في يزيد بحنان : ها حبيبي مارح تروح الشركة ؟؟
يزيد : بخليها للظهر
ام سعود : على راحتك

بعدها طالعت في سعود بنفس النظرة وسولفت معه ومع جنا ويزيد يطالع في جنا .. باين عليها انها حزينة .. بس من وشو ؟؟

ام سعود : على فكرة اليوم حفلة خطوبة سارة بنت عمك .. لازم تحضر " طالعت في جنا وابتسمت " و انتي جنوو اكيد بتحضرين

جنا ابتسمت : ان شاء الله يمة

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

الساعه 2 الظهر

اروى ماراحت المدرسة واستغلتها نوومة
اما نجلاء توها داخلة البيت وراجعه من المدرسه لانه كان عندها كويز

سارة كانت في قمة توترها وعصبيتها .. تعصب عل أي شي وما تبي تشوف احد عشان لا تنكد عليه يومه

نوف كانت تهدي على سارة وتحاول تنسيها التوتر وهو كله يوم ويعدي .. وانها قد ايش انتظرت اللحظة هذي

.
.
.

اما وئام فكانت خايفة ياريتها شاورت اروى والا ريم عشان ينصحونها .. بس خلاص اعطته كلمه ومو حلوة ترده في اخر لحظة

.
.
.

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

جنا بعد الفطور طلعت لجناحها مع سعود

سعود : استغربتي من وجود يزيد صح وهو مو اخوي
جنا : مو اخوك ؟؟؟؟؟؟؟
سعود : اخوي بالرضاعه و من ابوي بس
جنا : غريبة .. يشبه لك مرة كثير .. بس وين امه ؟
سعود : ماتت بعد ولادته على طول .. ما قدروا يسعفونها
جنا : اهاا .. الله يرحمها
سعود : وامي رحبت فيه وربته وكبرته كانه ولدها .. اساسا امي ماكات تكره خالة سعاد
جنا : اها وكم عمره
سعود : اصغر مني بسنه
جنا : اها ... المهم .. مارح توديني عند اهلي
سعود : لا تعبان .. روحي شوفي لسواق تحت .. روحي وياه
جنا رحبت بالفكرة .. اساسا ما تبي وجوده في بيت اهلها
لبست ونزلت قالت لام سعود وطلعت
.
.
لحقها يزيد كانه كان طالع بالصدفه وشافها تركب السيارة بعد ما فتح لها السواق الباب
دق عليها الشباك وفتحته
يزيد : بتروحين لحالك ؟
جنا : ايه .. فيها شي
يزيد : لا مافيها .. بس بجي وياك
جنا ارتاحت لوجوده .. خصوصا انها ما تحب تركب مع السواويق لحالها
ركب يزيد معها ورى السواق وماكان يفصل بينهم الا مسافة بسيطة

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;



--------------------------------------------------------------------------------

رنا : يوووه اميرة روحي شوفي الباب اكيد هذي جنا
اميرة راحت تركض للباب وفتحته بقوة وصرخت : جنووووووووووو
يزيد رجع لورى وقدمت جنا وضمتها بقوة

يزيد : يلا جنا انا برجع
جنا: لا وين .. اقعد ابوي موجود
يزيد : اوكي
يزيد طالع في البنت اللي جنبها من فوق لتحت .. نحيفه وطويله .. ملامحها تصرخ انوثه وجمال .. ابتسم لشكلها وهي نزلت راسها متنرفزة من نظراته

دخل يزيد مجلس الرجال مع ابو جنا

اميرة : وش هذا زوجك لسه توه راجع من شهر العسل ويقزقز في بنات العالم مع انه مزيون الصراحه
جنا : هههههههههههههههههههه الله يرجك يا هبله هذا مو سعود
اميرة :اجل مين ؟
جنا : هذا يزيد اخوه من ابوه
اميرة : اهااااا .. وليش سعود مو هو اللي وصلك
جنا : تعبان
اميرة : اهاا
جنا : الا وين سهى ؟
اميرة : مو جايه
جنا : لييييش ؟
اميرة : تعرفي مشاكل امها وابوها
جنا : اهاا .. الله يعينها

رنا طلعت من الغرفه تركض وتضم جنا بأقوى ما عندها
رنا : وحشتيني يا دبه
جنا : انتي الاكثر .. وين ماما ؟
رنا : بالمطبخ تجهز الغدا
راحت جنا للمطبخ الصغير مكان ما امها هناك وسلمت عليهم وجلسوا يتحكوا ويسولفوا

راح يزيد البيت وجنا حبت تقعد معهم وقالت للسواق يجي على المغرب عشان تروح الكوافير

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

عدا الوقت
وصار المغرب .. اتوضت سارة وصلت ودخلت عليها الكوافير

ساندرا : الف الف مبروك حياتي
سارة بابتسامة حيا : الله يبارك فيك
ساندرا : ورجيني فستانك
سارة اشرت لها للفستن المحطوط على المنكان والورد على الطاولة وعليه مثل الغطا بلاستيك


ساندرا : واااو بيعقد .. كتير حلو
سارة : تسلمي عيونك الاحلى
ساندرا راحت عند الورد : وهيدي المسكة ؟
سارة : ايه

ساندرا : كتير حلوين .. وانا بسويلك ميك اب احلى منهم كلياتهم
سارة : مشكورة ما تقصرين

جلست سارة وساندرا بدأت شغلها بميك اب ناعم ويصرخ بالانوثة وشخصية سارة الهاديه الرومانسيه

اما في غرفة رؤى .. كانوا اروى ونوف ونجلا هناك كل وحده ماسكتها وحده تجهزلها شعرها ومكياجها

رؤى : اقول اراوي
اروى : همم
رؤى : دقيتي على وئام وريم يجوا ؟
اروى : وئام اكيد جايه .. بس ريم ما اعتقد لانها ما ردت علي

خلصوا الكل من بعد صلاه العشا .. صلوا وطلعوا على القاعه وكانوا اهل بندر ينتظرونهم هناك الا سارة ما خلصت وقعدت في البيت على اساس انه فهد او فيصل يجوا ياخذوها وقت ما تخلص
.
.
.
في القاعه ..

الاهل كانوا كلهم موجودين .. الحفلة كانت بس للاقارب والاحباب هذا اللي شرطته ام بندر .. مع انه ام سارة ما عجبها وحابه تتفشخر وتوري الكل اللي سوته عشان بنتها .. مع انها بس حفلة خطوبة

--------------------------------------------------------------------------------

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

بدأوا المعازيم يجون ووصل سعود جنا للقاعه
جنا لبست فستان سماوي كوكتيل تحت الركبة بشوي وعلى الخصر شريطة ذهبية وصندل ذهبي .. شكلها كان مرة نعوم

بدأت الزفة وطلعت سارة قدام المعازيم وكانت كانها ملكة جمال .. بفستانها وذيلة اللي كانوا يعدلونلها اياه الفلبينياه حقون القاعه .. مشت بهدوء على انغام زفة راشد الماجد – بدر .. لحد ما وصلت الكوشة .. الزفة قديمة لكنها من جد كانت بدر على الارض
بعدها دخل بندر مع ابو سارة ولبسها طقمها

كانت حفله عاديه جدا ورسمية .. وما سووا فيها شي مميز حتى يخلوا شي للملكة والعرس
وهذا اللي قهر ام فيصل وما ارضاها
.
.
.

في جهه ثانيه .. اروى لابسه العباية بس مفتوحة يعني وجودها زي عدمها وجالسه مع وئام تسولف
اروى : شوفي مرة الاهبل هنا
وئام : مين ؟؟ جنا ؟
اروى : ايه .. بروح عندها تجين ؟
وئام طالعت في الساعه : اوه .. لالا روحي انتي انا بطلع الحين
اروى هزت كتفها بلا مبالاخ : اوكي على راحتك

راحت اروى عند جنا وسلمت عليها من طرف خشمها

جنا كانت مشبهه عليها مرة .. مرة احلووت بزياااده بالمكياج وبرزت ملامحها

جنا : انتي اروى صح ؟
اروى : ايه
جنا : اها
لفت جنا عنها تتصنع الغرور ..
اروى انقهرت منها .. ليه تلف عنها ؟؟ معقوله تكون سمعت سعود مرة وهو يكلمني ؟

راحت عنها وهي نافخه ريشها كالعاده
.
.
.
اما وئام ..........
دقت على تركي تاكد وجوده في المكان الصح
تركي : يلا انا عند الباب
فتحت وئام الباب وهي وراه .. قلبها يدق بقووووووة .. خايفه يشوفها احد
دخل تركي بهدوء : سلام
وئام وشفايفها ترجف وبعدها ورى الباب . خايفه تطلع : وعـ ـعلـ يـكم الـ سـ لام
تركي يضحك : هههه شفيك متخبيه .. اطلعي
وئام فقلت الباب بهوء وتركي كل مالها ابتسامته تتسع

اتسكر الباب ووئام منزلة عينها .. خايفه تطالع فيه

وتركي تركي رفع راسها بيده واتلاقت عيونهم ببعض ..
تركي : .........

نهاية البارت ^_^
ايش حكاية يزيد ؟؟ وايش بيكون له دور في حياه جنا ؟؟
بكرة بتطلع هديـــــل ... ايش الجديد ؟؟ !!!
وايش سبب دوخة ريم المفاجأه ؟؟
وبندر وسارة ؟؟ كيف بيكون تأثير الحفله عليهم ؟؟
وسعود وجنا ؟؟؟؟؟؟؟؟؟؟؟؟؟؟
ووئام وتركي ؟؟؟؟؟
والــــــــ!!ـــــــماس ؟؟؟

 

[كفاني عذاب]

<<<<< الفصل العاشـــــــــر >>>>>


بندر : مبروك عصفورتي
سارة حمر وجهها وهي جالسه جنب بندر كذ وقدام الخلق والعالم وقالت وسط خجلها : الله يبارك فيك
بندر مسك يدها وحط فيها ورقة صغيرة وقفل عليها بيده وكانه يترجاها : طلبتك عصفورة دقي علي اليوم
سارة انحرجت قدام الناس من حركته وسحبت يدها بسرعه واخذت الورقه : اوكي

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

وئام اتبخرت من نظرات تركي المتفحصة
تركي : ما اتوقعتك تهبلين لهالدرجة .. هبلتيني ظالمة
وئام نزلت راسها
تركي : اول مرة قلبي يدق لهالدرجة تدرين ؟
وئام : .............
تركي خاف يتهور : يلا بيبي اذا رجعتي بكلمك .. سي يو
وئام : .......
طلع تركي من الباب اللي دخل منه بسرعه ووئام على طول رجعت للقاعه .. ووقتها كانوا المعازيم يتعشون
على طول بعينها دورت اروى لقتها قاعده مع رؤى ونوف وسارة ونجلاء يرقصون
\
مهما تكون اروى مغرورة وشايفه نفسها وما همها احد .. الا انه خواتها تحبهم ومستحيل تاذيهم

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

بعد الهيصة هذي كلها

الكل راح اتجمع في بيت الجد الكبير " محمد العالي "

سعود : جنا تبين تروحين عند جدي والا ارجعك البيت ؟
جنا : ما ادري
سعود : اجل ارجعي البيت

جنا استغربت .. مع انه مو حلوة قدام اهله فجأه ترجع ولا كانها صارت منهم وفيهم
بس استسلمت للامر الواقع وخاصة انها تعبت مع الكعب العالي وتحس بشرتها بتتشقق من المكياج الاوفر اللي حاطينه لها

نزلت جنا للبيت ولا كان احد في البيت غير الخدم
دخلت الصاله لقت الانوار فيها خافته والمكيفات شغالة وزايده من بروده لجو .. دخلت الاصنصير وطلعت لجناحهم بدلت ملابسها ومسحت المكياج واستسلمت للنوم

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;


في بيت الجد

اروى طالعت في سعود بنظرات زعل مصطنعه : الحمدلله على السلامة
سعود : الله يسلمك .. بس حبيبي ابي منك طلب
اروى بدون نفس : قول
سعود : اول شي لا كلميني كذه تعرفين انا ما اقوى على زعلك بس تدرين بنت الفقر اللي معي .. ثاني شي ابيك تقللين من مكالماتك لي عشان لا تحس جنا انه في شي
اروى بانفعال : الحين انت تحبني والا تحبها .. لو كنت تحبني صدق كنت ما اهتميت لها وخليتها تطق راسها باربع حيطان ...

نزلت دموع التماسيح الكذابه وكملت : بس انا الغبيه اللي احبك .. وبعدين الحين تقول قللي بكرة تقول لا تدقي مرة وحده
سعود بسرعه : لالا حبيبي تدرين اني مو مهتم لها ولا معطيها أي اهتمام .. خلاص تبين تكلميني واكلمك أي وقت .. كلمي وما همني لا جنا ولا غيرها

اروى ابتسمت بمكر على غباء سعود وشخصيته الضعيفه قدامها وراحت من عنده

تعشق استغلال الناس وتملكهم

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;


الساعه 9 الصبح من يوم الاحد
عند هديل ..

ام هديل كانت قاعده ترتب اشياء هديل في hand bag عادي .. وهديل تراقبها بصمت

دخل عبد العزيز الغرفه ومعاه هديه لهديل
قال بابتسامة حلوة وببشاشه : الحمدلله على السلامة هدوولي
هديل ابتسمت ببرود : الله يسلمك
طالعته بترجي : متى بيجي بابا ؟
عبد العزيز : ان شاء الله بروح اجيبه الساعه 8 .. اول ما درى على طول حجز اقرب طيارة
هديل هزت راسها وغمضت عيونها
عبد العزيز طالع الجروح الخفيفه تحت عيونها .. كانت مثل الخدوش بس احسن من اللي في الخد .. عميقة وما يبيلها الا عملية تجميليه فنانه
عبد العزيز لف على امه : ها يمة خلصتي
ام عبد العزيز : ايه خلاص خلصنا
عبد العزيز : خلاص اجل انا بروح اكلم الدكتور يكتب لها الخروج
توه بيطلع عبد العزيز الا فهد يدق الباب

فهد : السلام عليكم
عبد العزيز وامه : وعليكم السلام
فهد : ها كيف الاحوال آنسه هديل ؟
هديل بدون نفس : بخير
فهد رفع حاجبه حب يستنذل فيها : لازم نكشف عشان لو في أي شي تقعدين لبكرة او بعده
هديل طالعت فيه بنظرات حاده وكلها تحدي : لا ما فيني شي .. كتب لي خروج بسرعه .. واي عذر غياب اسكت في المدرسه

طالع عبد العزيز اخته بدهشه .. غريبة بتروح وهي كذه مشوهه وما تقدر توقف
فهد : براحتك .. بس كله على صحتك
هديل بعصبيه وحده : وانت قلتها .. صحتي .. اكتب وانت ساكت
فهد طلعت شياطينه .. بس ما حب يرد خصوصا انه عبد العزيز موجود .. واحترم شواربه

كتب لها اياه بعصبيه ولبست هديل عبايتها بمساعده امها واخذت ادويتها والشاشات اللي تحتاجهم عشان وجهها والجروح اللي في جسمها

.
.
.

شالها عبد العزيز وركبها السيارة بشويش وحرك على البيت

دخلت هديل البيت
ام هديل : كلولولولولولولوش .. الف الف الحمدلله على سلامتك حبيبتي
هديل ابتسمت لفرحة امها : الله يسلمك يارب
ام هديل : تينااا تيناااا
تينا : يس مدام
ام هديل : شوفي هذي مس هديل تعبان ما يقدر يتحرك .. انتي بس شغاله حق هديل .. أي شي هديل يقول انتي سوي

راحت الشغاله عند هديل ومدت لها يدها
هديل ابتسمت لها وسلمت عليها
دفت تينا الكرسي وودته لغرفه في لدور الارضي جهزت لها اياها امها على بال ما تتعالج من كل شي وترجع بعدها غرفتها

هديل : ساعديني بس ابغا انام
تينا : هادا مدام يقول كلي فطور
هديل : جيبيلي اياه هنا ما ابغا اطلع
تينا : اوكي

حطتها تينا على السرير وطلعت تجيب لها الفطور

اما هديل حطت راسها على المخده وغاص راسها فيها

دمعت عيونها لحد ما تجمعت في طرف عيونها ونزلت كلها دفعه وحده .. فقدت جمالها .. وشعبيتها الحلوة .. وضحكتها .. ولا وحده من صديقاتها جو سألوا عنها وهي بالمستشفى ..!! ليه !! المدرسه ما درت عن اللي صار ؟ مادرت انها مظلومة ؟؟

كيف رح تقدر تعوض كل اللي فاتها من مواد وعلامات .. اكيد رح ترسب .. خصوصا انه ترم ثاني والاسئلة حقة الثانوية العامة من الوزارة

حسبي الله ونعم الوكيل .. الله يحرق قلب امك فيك مثل ما حرقتي قلب امي يا اروى .. جعلك تفقدين اعز ما عندك وينحرق قلبك مثل ما حرقتي قلبي

هديل كانت تدعي من قلبها .. ياما سوت اروى فيها المصايب والعمايل بسبب غيرتها منها .. تغار منها لانها حلوة وحبوبة والكل يحبها ويحترمها .. شوهت سمعتها في المدرسة .. وكل يوم عن يوم تتشوه اكثر واكثر

كيف برجع وبقابل وجيههم مرة ثانيه .. كيف بأقابل سعاد وشلتها ؟؟ .. كيف بيطالعوني الناس وهي بهذا الشكل ؟؟

اسئلة محتارة في اجوبتها هديل .. البنت البريئة النظيفة الحبوبة .. اللي صارت الحين بنت مشوهه واللي يناظرها تشوف الشفقه في عيونه .. تكرهها من نظرات .. احقرها من نظرات تتوجه لشخص مريض ضعيف وعاجز مثلها

لازم اكون اقوى من كذه واكسر كل نظره شفقة تتوجه لي


في هاللحظة .. دخلت تينا معاها الاكل وبدأت هديل تاكل بهدوء

دخلت ام هديل الغرفه وشافت هديل تاكل وتينا تطلع الملابس من الـ hand bag وتحطهم في سلة الغسيل عشان تعطيهم الشغالات الثانيات يغسلونها

ام هديل : حبيبي هديل
هديل لفت على امها
ام هديل : متى تبين تبدأين دوام ؟
هديل : من بكرة
ام هديل بتعجب : بكرة !!
هديل : ايه بكرة
ام هديل : بس انا اقول لو تجلسي في البيت ترتاحي لك هالاسبوع وروحي الاسبوع الجاي احسن
هديل : لاخلاص بكرة بقوم الصبح خلي الشغالات تجهزوا المريول
ام هديل طلعت من الغرفه متنرفزة من بنتها العنيده

اما هديل فحماسها على الروحة بكرة بكل دقيقه يزيد

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

على وقت الغدا

جنا كانت في جناحها طفشانه كالعاده .. سعود يطلع من لصبح وما يرجع الا اخر الليل

دقت من تلفون الغرفه على بيت اميرة صديقتها
اميرة : الوو
جنا : هلا امور كيفك ؟
اميرة : هلااا جنوو .. انا تمام انتي كيفك ؟
جنا اتنهدت : ماشي الحال ..
اميرة : شفيك مو على بعضك ؟؟
جنا : باسم الله كيف عرفتي ؟
اميرة : باين من صوتك
جنا : طفشانه وقرفانه عيشتي
اميرة : اف اف .. ليه قوليلي حبه حبه
جنا : ما ينفع الحين تعالي عندي
اميرة : خير وزوجك ؟
جنا : لا تخافين يطلع الصبح وما يرجع الا اخر الليل
اميرة : اهاااااا .. اجل هذا اللي مضايقك
جنا : مو بس كذه
اميرة : اجل ايش .. قولي !


; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

يزيد كان توه راجع من الشركة ومعاه اوراق وملفات وحوسة .. جلس على الكنبه ورفع سماعة التلفون يبغى يكلم الا يسمع صوت جنا

جنا : بجنيف .. ماطلعت معه ولا مكان الا مكان واحد بس .. هدايا لاهلي مثل الناس والعالم ما شريت .. غير كذه ما يعالمني كويس .. كاني شغالته مو زوجته .. ما ابيه يحبني .. ولا ابيه يعشقني .. بس احترام .. اميرة تعرفي كيف يعني احترام .. يحط رجوله علي ويناديني بنت فقر وما تبيني اتضايق .. وهو يطلع ويستانس وياكل ويملي كرشته وانا بالفندق قاعده .. مايهمه عطشانه او جوعانه او شبعانه او طفشانه .. كل اللي يهمه نفسه .. تذكرين ايام ما كنت اشتري جهازي قلتيلي انه اكيد بيعطيني جوال بشهر العسل اكلم ماما ورنا وبابا ؟ .. ما كلف على نفسه حتى .. طول يومه برى وانا باليالله عرفت استخدم تلفون الفندق .. ما يهمه انحرق المكان صار فيني شي .. ابد ابد ما يهمه

ولمن رجعنا .. دخل البيت وتركني امشي بلحالي برى ادور من وين ادخل .. بعدين جا اخوه يزيد دخلني
والحين يطلع من الصبح ويرجع وقت النوم .. لا يسال ولا يشوف ايش ابغا وايش ما ابغا . ولا اي حق عاطيني .. لو وحده غيري كان ما استحملت تقعد معه حتى .. كل يوم اقول بكرة بيتعدل بكرة بيتعدل .. ولا ادري متى يجي هذا البكرة

اميرة كانت تسمع لجنا وما تعرف ايش تقول .. لاحظت على جنا من يوم ما رجعت من السفر انها متغيرة وكان في شي مزعلها .. يمكن متهاوشين في شي بسيط .. بس ما توصل لهالدرجه من الوقاحه وسوء المعامله .. من جد لو وحده غيرها كان هجت منه !

اميرة : طيب وانتي ما قلتيله ؟؟ ما تحاولي تفهمي منه ليش يسوي كذه
جنا : وانا رح انتظر اسمع منه .. واضح .. كل شي واضح .. ما يشرفه انه يتزوج بنت فقر مثلي على قولته
اميرة : .............. طيب انتي لا تعاملينه مثل ماهو يعاملك
جنا : ...........
اميرة : يعني مثلا لمن يجي اخر الليل .. اقعدي انتظريه .. قوليله اتعشيت ما اتعشيت .. تبغى شي تاكله ؟ . ولمن يقوم الصبح قومي قبله .. جهزي له فطوره بنفسك واعطيه ملابسه بنفسك .. مو لمن يجي ويروح يلاقيك نايمة
جنا : اميرة صدقيني هذا ابليس .. ما ينفع معه ولاشي .. والله خلاص انا بطق منه
اميرة : طيب انتي جربي .. مارح تخسرين شي لو ما جربتي
جناا : بحاول ..
اميرة : يلا حبيبتي انا اخليك الحين
جنا : اوكي
اميرة : مع السلامة
جنا : مع السلامة

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

يزيد كان حط السماعة على اذنه مصدوم ...
كل هذا يطلع من سعود ؟؟ قلنا اخذها غصب ومع الايام بيحبها .. بس لهالدرجه !
مسكينه يا جنا .. ما تستاهلين

جنا عدلت شكلها ونزلت تحت .. اكيد ندى وشوق جو
حبت سوق وندى من ايام الملكة .. مرة حبوبات ويدخلون القلب مرة بسرعه
لمحت احد قاعد على الكنبه وشايل السماعه ومسرح في عالم ثاني
جنا بشك : يزيــد ؟!

يزيد انتبه لجنا اللي على الدرج تطالعه مستغربه .. رجع السماعه بسرعه لمكانها ووقف
جنا قلبها زادت دقاته و سرعتها :" يا الله لا يكون سمعني ..؟ افف ياشين اللقافه الزايده "
اما يزيد صرف السالفه : هلا جنا كيفك ؟
جنا : تمام .. سعود مو جاي على الغدا
يزيد : لا .. بيتغدى مع اصحابه
جنا : اها
يزيد : ما شفتي امي ؟
جنا : لا والله
يزيد : وندى وشوق
جنا : شكلهم على وصول

ثواني وينفتح الباب وتدخل فيه شوق بعربجه .. العبايه مفتوحة ولابسه فوق المريول بلوزة اصفر فاقع وشايلة كرة السله في يدها وشعرها مرفوع ذيل حصان .. ووراها الشغاله شايله شنطتها الخضرا الفاقعه

شوق : السلااام
يزيد وجنا ابتسموا على شكلها العربجي بزياده عكس ندى : وعليكم السلام
شوق : وراكم تبتسمون ؟
يزيد : على شكلك العربجي .. والله اذا شافتك ندى تنجلط
شوق رمت على وجهه الكورة : مالت عليك .. كنت اتدرب في النادي
يزيد رفع حاجبه : اووه ما كنتي بالمدرسه
شوق رفعت له يدها وحقطته قدام وجهه : ما تشوف انها الساعه 2 ونص .. احد يقعد بالمدرسه لـ 2 ونص
يزيد : طيب خلاص كليتينا بقشورنا
جنا تطالع فيهم وتضحك .. الله عوضها باهل زوج حبوبين ويعاملونها كويس وكانها وحده منهم
شوق اخذت الكورة من يد يزيد وطلعت لغرفتها

جنا لفت على يزيد : اتمنى الكلام اللي سمعته ما يطلع ..
يزيد بلع ريقه : ابشري
طلعت جنا لغرفتها لان هالوقت محد يكون بالبيت .. ام سعود بالنوادي او مع صديقاتها .. وندى وشوق على وصول من المدارس .. ويزيد وسعود وابو سعود بالشركه ..

جت ام سعود بعد ما عدت على ندى بالجامعه وجا ابو سعود من الشركه واتجمع الكل مع جنا على طاولة الاكل

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما عند اروى ...
الساعه 8 الليل

اروى : هههههههه فديتك
سعود : حبيبتي شرايك نطلع تغير جو برى ؟
اروى : ممممممم .. اوكي ما عندي مانع
سعود : يلا اجل مسافة الطريق وانا عندك
اروى : لا انت روح اول وانا لاحقتك .. بس وين ؟
سعود : مممممممم .. شرايك بمطعم ......
اروى : ممم اوكي .. باي
سعود : باي

سكرت اروى من سعود ونقزت عند غرفة الملابس حقتها تدور شي تلبسه .. طلعت تنورة قصيرة لنص الفخذ وبلزة حمرا ضيقه فيها جليتر ذهبي ومرة صارخة وتنربط حول الرقبه والظهر كله طالع طبعا

راحت عند التسريحة وطلعت عدة الميك اب حقتها وحطت فل ميك اب ولا كانها رايحة عرس .. واهم شي رسمة العيون .. كحل اسود وتحته حاطة خط رفيع بالون الاحمر والقلوس الاحمر الصارخ

طلعت صندل احمر ولبست خلخال في رجولها مناسب مع الصندل واللبس اللي لابسته واجراسة كثيرة ومزعجه .. كل شي ملفت للنظر اروى تحبه وتموت عليه

طلعت عبايتها الحرير البحريني الخفيف وكل شي يبين من تحتها وحطت الطرحة على كتفها وطلعت من الغرفه

فيصل كان قاعد في الصاله مع نوف ونجلاء ويوم شافها نازلة في هالوقت وبهذا الشكل قال : على وين ان شاء الله

اروى طالعت فيه باشمئزاز من فوق لتحت وما ردت ومشت
مسكتها فيصل من زندها ولفها بقوة عليه : سالتك سؤال جاوبي عليه .. فاهمة ؟؟

اروى حركت يدها بقوة وخلت فيصل يترك يده عنها واشرت عليه من فوق لتحت : مو انت يا فصيل اللي تسالني وين رايحه ومن وين جايه ؟ فهمت

فيصل انقهر منها ومسك شعرها وشده بقووة : انا مو اصغر عيالك تناديني فصيل .. فاهمة ؟ ويلا انقلعي على غرفتك
اروى غمضت عيونها بقوة من قوة شده على شعرها وصرخت في وجهه : اترك شعري يا حقير .. لا تخليني اطلع فضايحك الستين الحين .. اتركنــــــــــي
فيصل رماها بقوة على الكنبه ... نوف ونجلا شهقوا من ردة فعل فيصل وراحوا عند اروى بسرعه يشيلوها

نوف : انت اتجننت ترميها كذه ؟
فيصل : تستاهل بنت الكلب
اروى قامت من الكنبه و دفت فيصل وراحت عند مراية المدخل الواسع تعدل شعرها وتقدمت عند فيصل وتفلت في وجهه : اكرهـــــــــك .. اكــرهك يا غبي اكرهـــك

طلعت اروى من القصر بسرعه قبل لا يلحقها فيصل وركبت السيارة وراحت على المطعم مكان ما تواعدت هي وسعود

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما سعود ..
طلع من الشقة اللي استأجرها عشان يرتاح شوي من جنا وما يشوف خلقتها الا لمن يرجع ينام عشان لا اهله يسوون له تحقيق ...
شغل السيارة وراح على المطعم .. جلس على احد الطاولات ينتظر اروى تجي

دخلت اروى المطعم بثقة واضحه وشكل ملفت للنظر .. العبايه شفافة مفتوحة .. سيقانها كلها طالعه وما همها احد .. والطرحة على كتفها وتمشي والخلخال يطلع اصواته المزعجة بالاضافه للكعب اللي يطقطق على البلاط بخفه

سعود لف يشوف مصدر هالازعاج المفاجئ في مكان هادئ مثل كذا .. لقى اروى تمشي بوثوق لعنده

ابتسم لها وابتسمت له من ورى قلبها وهي قرفانه عيشتها من طلعتها معه

سعود : يا الله وش هالحلا كله
اروى بغرور : ادري ما قلت شي جديد
سعود ابتسم لثقتها الزايده : وش تشربين ؟
اروى : فراولة
سعود رفع يده ينادي الويتر
اما اروى رفعت جوالها وضبطت الساعه بعد خمس دقايق بالضبط وغيرت النغمة لاغنيه عاديه

جاب الويتر الطلب واخذوا القعده سوالف واروى اللي تهز رجلها تحت الطاولة متملله منه هو وغباءه

اخيــــرا .. رنت الساعه ورفعت اروى الجوال كانها تكلم احد

اروى : هاي داد .... ايش ؟؟ اوكي .. اوكي جايه الحين .. باي

سكرت الجوال بسرعه قبل لا احد يدق وتتفشل وقامت من الطاولة
سعود : على وين ؟
اروى : سوري بس لازم اروح البيت بابا يبغاني
سعود بخيبه امل : اجل نخليها مرة ثانيه
اروى : وع مالت عليك من رجال
سعود ما سمعها : ايش ؟
اروى : اقول ايه طيب
سعود : باي بيبي
اروى : بايات

طلعت اروى من المطعم بسرعه وركبت السيارة وانفجرت ضحك
استغرب السواق منها فجاه شفيها تضحك مثل المجنونة

السواق : في سي مادموزيل ؟
اروى سكتت فجاه من سمعت صوته : خلك في نفسك

السواق خاف منها .. فجاه تضحك وفجاه تسكت .. من جد هذي فيها شي !

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما ريم

كانتت قاعده في المطبخ على البار تاكل فواكه عشان تاخذ الفيتامين

دخل ماجد : هلا ريومة .. كيفك ؟
ريم : هلا ماجد .. تمام .. انت كيفك ؟
ماجد : والله ماشي .. كيفك الحين احسن ؟ بتاخذين الادويه
ريم : ايه
ماجد : لا تروحين بكرة بعد المدرسه ارتاحي في البيت
ريم : لالا ابغا اروح ..
ماجد ضحك : هههه من متى الدفرة ؟
ريم : هههه لا ولاشي بس احس اشياء كثير ومغامرات بتصير بكرة .. وانا طبعا مو ناوية افوت كل شي ههه
ماجد : ههههههه وانا اقول وراها مستدفره
ريم : هههه

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما سارة .. هذي لوحدها سالفة عشق

قاعده على البلكونة تكلم بندر حبيب قلبها

سارة : طيب حبيبي اسبوعين ابد ما تكفي اجهز حق الملكة .. على الاقل خليها شهر
بندر : لالالالا وانا لسه رح استنى ؟ اسبوعين يكفي وانا ما ابيك تتجهزين ابيك مثل ما انتي احلى
سارة : هههه عيونك الاحلى .. بس ولو لازم اتجهز و ....
بندر : لالالالا خلاص اسبوعين اسبوعين
سارة بوزت : اوكي
بندر : عصفورة حبيبتي لا تزعلين بس والله ما اقدر انتظر اسبوعين عشان انتظر شهر .. ابي اطلع معك واوري العالم كلها اني اخذت اللي اختارها قلبي
سارة : وبعد 4 سنين صح
بندر تضايق : سارونة حبيبتي ماله داعي نقلب المواجع
سارة حست انه تضايق وزعل : اوكي حبيبي انا اتركك الحين ابي اناام
بندر : ويين توها الساعه 10
سارة : طيب والله نعست .. وعندي شغل بكرة حق المعرض لازم اخلصه من بدري
بندر : اوكي حبي تصبحين على خير
سارة : وانت من اهله

سكرت سارة من بندر واتنهدت براحه .. اخيرا بيملك عليها اللي انتظرته سنين .. قلبها ما خانها وقالها انتظري على الفاضي ..

طلعت من البلكونه وقفلت الباب وراحت رمت نفسها على السرير واستسلمت للنوم

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما الماس عايشة في احلامها الورديه واللي كلها سراب في سراب

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اروى : مين هذي باسم الله ؟؟ شكلك غلطانه ..انتي هييه " تاشر عليها " هذي مو مدرسة معاقين ههههههههههه
ريم : هههههههههههههه وانتي الصادقه .. شتبغى هذي جايه هنا

هديل اتجمعت الدموع في عيونها وحركت كرسيها لعند اروى وضربتها كف طيحها في الارض

الكل انصدم من رده فعل البنت هذي اللي وجهها مغطى بالجروح وملامحها مشوهه

قامت اروى من الارض وعيونها تطلع شرار.. قامت عند هديل وضربتها كف : مو انا بنت العالي اللي انضرب منك يا مشوهه يا معاقه ...
هديل نزلت دموعها ولفت عن اروى ما تبغاها تشوف دموعها
اما اروى حبت ترد لها الصاع صاعين وقدام الكل مثل ما ضربتها قدام الكل

ابتسمت بخبث ومسكت يد الكرسي ومشت فيه بسرعه ودفتها ورجعت الفصل قبل لا يلاحظها احد

اما هديل ما قدرت تتحكم في سرعه الكرسي وطاحت هي وياه من على الدرج

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

انتظروني في الفصل الحادي عشر ^_^ ]



وهذا البارت لعيونكم .. يمكن يكون سخيف بس يمكن لانه بداية احداث جديده ^_^

 

[كفاني عذاب]

<<<< الفصل الحادي عشـــــــر >>>>

.
.
.

فتحت عيونها بقوة .. حست انها تطيح من مكان عالي
طالعت حوليها لقت نفسها بغرفتها .. طالعت بالساعه المحطوطة على الكمدينه
الساعه 3 الفجر .. زادت دقات قلبها مع ازدياد الثواني
اتنهدت بارتياح : الله لا يعوده من حلم ان شاء الله اففف ... اعوذ بالله من الشيطان الرجيم
غمضت عيونها وقرت المعوذات وحاولت تنام ... ما قدرت عيونها تمنع الدموع
تجمعت على طرفها لحد ما اتبللت رموشها

مو متخيلة ردة فعل البنات ... وردة فعل اروى بالذات
مسحت دموعها بسرعه قبل لا تنزل على خدها وتحرق جروحها ملوحة الدموع

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما جنا .. قعدت في صالة جناحها تنتظر سعود يشرف

انفتح الباب ودخل سعود يدندن .. شافته جنا وقامت تروحله بس طنشها ودخل الغرفه وسكر الباب

جنا قعدت ورى الباب مصدومة على حركته الجريئة ..
" الحين هذا جزاتي انتظرته .. لكن هين يا سعود "
مشت من مكانها وراحت لغرفه ثانيه في الجناح ونامت هناك

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

طلع الصباح .. واشرقت الشمس تعلن بدايه يوم جديد

يوم جديد في كل من حكاية ابطالنا

ومنهم هديل ...

على الفطور ..
طلعت هديل تاكل مع عبد العزيز وابوها وامها على الطاولة
ابو عبد العزيز : هدوله حبيبتي .. لا تروحين من الحين .. روحي الساعه 10 لانه الدكتور يقول الساعه 8 عندك موعد
هديل هزت راسها بمعنى " اوكي "

خلصت فطورها ورجعت غرفتها

حركت الكرسي لعند المرايا الطويله اللي تبين كل جسمها وطالعت في نفسها

لابسه تنورة طويلة على غير العاده .. وبلوزة كم طويل وهاي نك عشان ما تبين الجروح اللي في يدها والخدوش اللي في رقبتها

لبست مريولها بمساعده تينا وجزمتها ... ومشطت شعرها وربطته ذيل حصان

ولبست عبايتها وحركت تينا الكرسي وشالت الشنطة
ركبت هديل مع ابوها وتينا وامها السيارة وراحوا على المستشفى

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

الساعه 8 الصبح
رن المنبه في ساعة الغرفه
جنا قامت من السرير تطالع حولها ..
" ايش هذا المكان الغريب ؟ "
تذكرت ليلة امس لمن قفل سعود على وجهها الباب
طنشت الموضوع وراحت الحمام اخذت لها شاور ولبست تنورة ميدي " لحد الركبه " بيضا وشكلها حلو .. وبلوزة هاي نك كت ورديه
حطت قلوس وردي وكحل ونزلت تفطر معهم

نزلت شافت ام سعود مع ابو سعود وندى و سعود ويزيد قاعدين في الصاله ينتظرون الفطور ينحط على الطاولة

جنا : السلام عليكم ..
الكل ماعدا سعود : وعليكم السلام
ام سعود : هلا جنو حبيبتي تعالي اقعدي
مشت جنا لعند ام سعود وجلست جنبها مكان ما اشرت لها
طالعت في سعود اللي قاعد يقرا الاوراق اللي عطاه اياها يزيد ومو مهتم ابد .. حتى قدام اهلها ما يحترمها ويعبرها على الاقل

يزيد لاحظ نظرات جنا الغريبة لسعود .. وسعود اللي مو معطيها أي اهتمام
نزل عينه على الاوراق اللي في يده وطنش الموضوع .. ما يبي يتدخل اكثر من كذه ..

اما جنا نزلت عينها تلعب باظافيرها

ثواني وتجي الشغاله تناديهم على الفطور .. جلس الكل لى الطاولة وجا الاكل والهدوء ساد المكان

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

في المستشفى ...

فهد مع الممرضة يسوون كشف عام على حالة هديل ويكتبوا لها عذر الغياب اللي كان لمدة اسبوعين

فهد : الاسم الرباعي
ابو عبد العزيز : هديل عبد الحميد محمد الكافي
فهد : اسم المدرسه ..
ابو عبد العزيز : الـ ........ الخاصه
فهد عقد حواجبه وكمل ما يبي اي احتكاك مع المرضه البارده هذي حتى لو كانت تعرف اخته

كتب حالة هديل باختصار وسبب الغياب وختم على الورقه وعطاهم ياها وطلعوا

في السيارة ..
ام هديل : تينا .. الحين انتي تطلعي فوق وتقعدي مع مس هديل .. الساعه 1 سواق يجي
تينا : اوكي مدام دونت ووري

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

في المدرسه ..

ريم كانت كالعاده بعد الفسحة عند الادارة متهاوشة مع المدرسات ومطوله لسانها

طلعت من الدرج تتالف لكنها سمعت المراقبه تكلم تلفون مع احد امهات البنات
قدمت تسمع ايش تقول ...

المراقبه : ابشري .. ولايهمك .. ان شاء الله .. لا بتكون في عيونا كلنا ان شاء الله .. آه خدامتها معها ؟ اوكي خلاص .. فمان الله

ريم جتها لقافه تبي تعرف مين تكلم ومين هذي اللي بتكون في عيونهم !! ؟
طلعت المراقبه من الغرفه تركض ونزلت عند الاستقبال على طول

اما ريم دخلت الفصل وكانت حصة كيمياء مع اكره معملة عند ريم
سفطتها ودخلت بقوة تكلم البنات : بنااااااات بتجي بنت هنا الحين .. سمعت المراقبه تكلم امها .. شكلها مهمة مرة

الاستاذه : ريم اقعدي في مكانك وانتي ساكته
اروى : والله جد .. تعالي نشوفها
الاستاذه خزت اروى لكن اروى ما اهتمت لها

ريم : لا لاتخافين الحين تطلع هذي " تاشر على الاستاذه " وننزل نشوفها
الاستاذه عصبت من ريم : الدرس مشروح ..
طلعت من الفصل معصبه ودمها واصل لمخها
ريم : هههههه مو قلت لكم بتطلع !
اروى قامت ومسكت يد ريم وجو بيطلعوا الا انفتح باب الفصل ودخلت المراقبه معها شغاله

ريم واروى طالعوا في بعض وانفرطوا ضحك
اروى : الحين هذي الشخصية المهمة ؟

المراقبه تصرخ : ريم واروى .. ارجعوا كل وحده مكانها يلا
ريم واروى رجعوا يتاففوا

رجعت تينا على ورى مسكت يد الكرسي ودفت هديل لداخل الفصل

في هاللحظة بالذات رح اترك هديل تعبر عن شعورها من دخلت الفصل الى ما تطلع منه على نهايه الدوام

دخلت الفصل اللي كان الهدوء يعمه .. الكل ينتظر وجهي يبين عشان يعرفوني .. دخلت وكنت احرك عيوني لمكان اروى واشوف رده فعلها .. لانها اخر من شافني مشوهه ولازم تعرفني

اروى كانت كل مالها تعقد حواجبها وتضيق عيونها تركز في ملامحي المتغطية بالجروح

حولت عيني للبنات اللي قدامي واشوف في عيونهم نظرات الشفقه والرحمة
بغيت اقوم اصرخ فيهم واقولهم انا مو ناقصة نظرات .. لا تطالعوني بنظرات شفقه .. ما ابي احد يشفق علي .. ماابــــــــي

اتجمعت دموعي في عيوني ومسحتها بسرعه لا تحرقني ملوحتها

مشت فيني تينا لحد ما وصت مكاني لاخر الفصل وحطيت يدي الملفوفة الثقيله على الطاوله واللي مارح تنفك الا بعد 4 اسابيع عشان الاوتار المقطعه

الكل لف علي وانا صديت عنهم

اخيرا نطقت المراقبه : هذي زميلتكم هديل

شهق الفصل شهقة وحده وبعدها الكل رجع يطالع فيني بشفقه واللي قام يجيني واللي يتساسر مع اللي جنبه

حسيت بالاحراج منهم وحسيت بالنقص من نظراتهم اللي كلها شفقه

طالعت في اروى اللي كانت تكلم ريم بخوف .. اول مرة اشوف الخوف في عيون اروى المغرورة .. حسيت الحين اني اقدر احطمها وارجع كرامتي اللي انداست
ارجع كرامتي اللي كانت على لسان كل انسان .. كل معلمة وكل طالبه وكل عاملة وكل ادارية في المدرسه كرامتي تنهان على لسانهم .. وعلى كل لسان تزيد كلمة .. تجمع الكلام وصار الكل ضدي .. لكن الايام بيننا يا اروى

مزون ومشاعل ووئام والماس : الحمدلله على السلامة هدولة
طالعت فيهم وابتسمت لهم .. يحليلهم من صديقات .. صح انهم مع اروى وريم دايما الا انهم كذبوا كل الاشعات اللي طلعت علي

نطقت لهم اخيرا : الله يسلمكم .. كيفكم ؟
مزون : نسال عنك هدول .. انتي كيفك ؟؟ سلامتك ما تشوفين شر ان شاء الله
: الله يسلمك
الماس والدموع في عيونها : حادث ؟
رفعت لها عيوني اناظر الدموع في عيونها .. الماس حساسه وما تحب تشوف وحده من صديقاتها بهذا الموقف

قلت لها بابتسامة : تقدري تقولي كذه

الماس بصوت مبحوح باست خدي ولامست دموعها جروحي : سلامتك حبيبتي
في هاللحظة حسيت انه الدنيا بعدها بخير لسه في ناس تعرف معنى الصداقة والاخلاص .. يعرفوا معنى الصديق

ما اخبي عليكم ان قلت اني بعد ما انتشرت الاشاعات علي كرهت الدنيا وكرهت كل شي فيها وتمنيت الموت .. كرامة الانسان تحت التراب احسن من عيشته فوق الارض ..

قلت لها : الله يسلمك

طالعت في اروى اللي كانت لسه في حالة صدمة اخر ما توقعته اني ارجع للمدرسه وابين للكل اني بريئة .. حسيت انها حست اني في اي لحظة ابرئ نفسي واسلط عليها الضوء

طالعت فيني بنظرات ما فهمت معناها .. لكني ابتسمت لها .. وما اجمل مثل الحين وقته " اذا ابتسم المهزوم .. فقد المنتصر لذه الفوز!!!!!! "

--------------------------------------------------------------------------------

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

نروح عند بيت اهل جنا

رنا كانت في المطبخ تسوي كيك مع اميرة اللي كانت تعلمها شلون تسويه

رنا : يا غبيه نحط البيض اول
اميرة : يا لله .. لا تتفلسفي لا ارجع بيتنا الحين
رنا : هههههه لالا خلاص يلا
اميرة : تحطي 3 بيضات لحالها .. كل السوائل الحليب ووالبيض والزيت وذي الاشياء لحاله .. والسكر والدقيق والبكنق بودر وذي الاشياء لحالها .. اخر شي بعد ما تخلطيهم تحطين السوائل وتخلطين ...
قاطعتها رنا : اقولك اسكتي ما فهمت ولاشي .. ما ابي حتى اجرب كيف اسوي

اميرة : مالت عليك وعلى اللي يبي يخليك تصيرين بنت سنعه

دخلت ام جنا عليهم في المطبخ

ام جنا : انتو لسه ما خلصتوا
اميرة : خالة بنتك رح تجيب لي الجلطة
رنا : ايش اسويلك اذا انتي كلامك مرة مو مفهوم .. حطي ذا هنا وبعدين رجعيه وبعدين اخلطيه .. ايش هالكيكه هذي ..
اميرة : والله انا جايه عشان جنو مو عشان اجي اعلمك انتي ووجهك
ام جنا : خلاص هدوا .. جنا الحين بالطريق وزوجها وياها .. رنا لا اشوفك تستغبين قدامه فاهمة ؟
رنا فتحت عيونها شبرين : الحين انا الي استغبى والا هو اللي من أي قرن جاي شايف لي حاله
اميرة : من جد ياخي اخوه احسن منه
رنا :ومن متى شفتي اخوه حضرتك ؟
اميرة : جا ذاك اليوم عن التفلسف

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

في السيارة

سعود : وحنا ما نخلص من عزايم اهلك .. لا وياريتها سنعه بعد
جنا كانت تهز رجولها بعصبيه : طيب ما انجبرت انك تجي .. مو انت اعذارك شكثرها .. كنت عطيتهم واحد منها
سعود طالع فيها باحتقار : مع الاسف اهلك حتى ما يستاهلون اعتذاري

جنا ما قدرت تحبس قهرها .. انسان حقيــــر بمعنى الكلمة .. يتكلم عن اهلها في وجهها وبوقاحه .. لكن هين يا سعود .. هيـــن

ضغطت على اسنانها ويدها لحد ما اتعمقت اظافرها في راحة يدها من قهرها وقهر عيشتها مع انسان وقح مثل هذا ..

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما اروى ..

ريم : يووه منك اروى .. بتخافين من وحده معاقة مثل هذي
اروى : مالت عليك مو خايفه بس مو مرتاحه لجيتها في هالوقت للمدرسه
ريم : سيبيك منها ما رح تقدر تسوي لك شي ..
اروى : لالا انا ابد مو مرتاحه.. بنقل من المدرسه
ريم : اروى يا غباءك . خلاص كم شهر ويخلص الترم
اروى : افففففف

طلعت اروى مع ريم من باب المدرسه لسياراتهم

فتح السواق الباب لها لكن لفت نظرها شكل هديل وتينا تشيلها من الكرسي تدخلها السيارة بشويش
طالعت فيها بنظرات استهزاء لكن هديل بادلتها اياها بابتسامة
ومرة ثانيه يلتقي بهم المثل " اذا ابتسم المهزوم .. فقد المنتصر لذه الفوز!!!!!! "
انقهرت اروى من ابتسامتها وحست بالتفاهه ..
"لكن بيني وبينك الايام يا هديل"

دخلت السيارة بغرور واضح واتقفل الباب وعلي صوت الاغاني واروى تتمايل مع انغامها

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

نطير شوي مع عصافير الحب

سارة : بس على فكرة اذا انت حاب انه العرس يكون بعد شهرين من الملكة فانا يادوب اقعد شهر بعد العرس في السعوديه وبعدها عندي معارض في دبي اقد في دبي اسبوعين بعدها قطر وبعدها الكويت ... وبعدهم باسبوعين لايطاليا وفرنسا ولندن و....
بندر قاطعها : يووووه سارة ايش هذي المشاوير كلها اذا كذه عمرنا ما قعدنا مع بعض
سارة : ما اقدر والله هذا شغلي
بندر : طيب على الاقل اكون معك هناك
سارة :يوه .. وشغلك ؟
بندر : آخذ اجازة وبعدين الشركة شركة ابوي ويقدر أي احد من اخواني يمسك الشغل بدالي على ما ارجع
سارة : لا يوه بندر ما ينفع كلها كم اسبوع وراجعه اقعد عندك اسبوعين وارجع اسافر
بندر : .................
سارة : ها شقلت ؟
بندر :افكر
بس خلاص الملكة بعد اسبوعين والعرس بعدهم بشهرين مو تأجل ..
بندر : اوكي اللي يريحك
سارة : بندر شفيك لا تزعل
بندر : ما زعلت
سارة : لا والله وصوتك هذا ايش
بندر : تبيني ارضى عليك
سارة : اكيييد وانا لي غيرك
بندر : امرك نطلع مطعم
سارة : لا يوه .. يمكن بابا ما يرضى
بندر : لا بيرضى .. شو خطيبتي بعد
سارة ابتسمت : اوكي خلاص بقوله
بندر شق الابتسامة : اوكي انتظر ردك
سارة : اوكي

سكرت سارة من بندر ونقزت على غرفة الملابس .. لبست بنطلون جينز عادي وبلوزة من النوع اللي تنربط على الرقبه واظهر عاري

لبست عبايتها ونزلت

نجلاء : على وين سارونة خذيني معك
سارة : لا طالعه من بندر .. تبين شي
نجلاء غمزت لها : بديينااا
سارة تخصرت: وانتي ايش دخلك .. خليك في نفسك
نجلاء : انتبهوا لا ترحون هنا والا هنا هههه
سارة رمت عليها المخده : الله يخسك انتي وافكارك البطاله .. وين بابا ؟
نجلاء : بالمكتب
طلت سارة لفوق ودقت الباب
ابو فيصل : اتفضل
دخلت سارة وباست راس ابوها
ابو فيصل : هلا سارونتي كيفك اليوم
سارة : اسال عنك بابا
ابو فيصل : سالت عنك العافيه حبيبتي
سارة : بابا عادي اطلب منك طلب
ابو فيصل : امري
سارة : ما يامر عليك عدو ...
سكتت سارة واحمر وجهها : عادي اطلع مع بندر
ابو فيصل : ههه وانا اقول وراه وجهك مستوي احمر
سارة وجهها راح ورى الشمس من الفشله
ابو فيصل : روحي بابا واستانسي بعد .. بس لا تتاخرين
سارة : ابشر
باست خده وطلعت على برى على طول وقفلت الباب
ابو فيصل : الله يوفقك يا بنتي

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

دخلت اروى البيت متضايقه ومو طايقه احد

راحت لغرتها بسرعه ودخلت تحت الدش تبرد حرارة جسمها من اللي شافتة اليوم
رن جوالها بنغمة مميزه ..
طلعت بدون ما تفكر حتى تلبس روبها .. طلعت بملابسها المبلله اللي عليها وردت بسرعه

ما تدري ليه تبغى تكلمة .. تحس انها اذا ما كلمته يمر اليوم وهي تنتظر مكالمة منه

اروى بلهفه : الو
عبد العزيز : هلا باقاطعه
اروى : عزيز لا تقول عني كذه .. تعرف انا ما احب ادق على احد الناس يدقون علي
عبد العزيز : وانا أي احد ؟
اروى ابتسمت : لا يوه .. بس ما احب ادق وتقولي اكلمك بعدين انا مشغول .. اكره انه الناس اذا دقيت عليهم قالولي اكلمك بعدين

عبد العزيز ابتسم على تفكريها وكاتم ضحكته عشان لا يحرجها : اوكي وين اقابلك
فرحت اروى من قلب لانها بتطلع ولا تدري وش سر هالفرحة الغريبه : أي مكان
عبد العزيز : يلا اجل بمرك
اروى: اوكي ثواني واكون جاهزة
عبد العزيز : يلا باي
اروى : بايات

نشفت اروى نفسها وسشورت شعرها وجهزت وحطت على وجهها لمسات خفيفه
اخذت عبايتها ونزلت
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

نروح لعند عزيمة اهل جنا

اميرة بهمس : رنا ..رناااا
رنا بنفس الهمس : نعـــم اف تراك طفشتيني
اميرة : تعالي معاي بسرعه
رنا : وين ؟
اميرة : ابي اشوف سعود
رنا : اففف ما لقيتي غير ذا تشوفيه .. تراه شين ونفسه شينه ومغرور وشايف حاله .. تخيلي مرة دق علنا الباب حسبته ابوي رحت ضميته .. ولمن بعدت قام ينفض نفسه وش جات عليه كلبه
اميرة تسوي نفسها ما تدري عن وقاحة سعود : والله ؟؟ .. حمستيني ابي روح اشوفه
رنا : امشي معاي بس لا تحس عليك جنوو
اميرة طالعت في جنا اللي قاعده تسولف مع امها ومتحمسه : مارح تحس امشي بس

طلعوا من المجلس بشويت وراحوا ناحيه مجلس الرجال مكان ما قاعد سعود وابو جنا

فتحت رنا الباب شوي بحيث يقدروا يشوفوا وما يبين شي منهم

اميرة : وااي عليه يجنن
رنا : مالت عليه وعليك وش الحلو فيه .. شوفي كيف يطالع متقرف هو ووجهه
اميرة : اسكتي بس اسكتي ابيه يتكلم بسمع صوته
رنا : تبين اقولك كيف ؟ .. احم احم " خشنت صوتها تتطنز عليه " .. وين جنا ناديها تاخرنا " عدلت صوتها " مالت عليه وعلى خشته

جاهم صوت من وراهم
... : شتسوون هنا ؟؟؟؟؟؟؟؟

اميرة ورنا من الخرعه لفوا وانفتح الباب اللي كانو ساندين نفسهم عليه وطررااااااخ طاحوا منبطحين على الارض

جنا ما قدرت تكتم ضحكتها على اشكاهم وهم طايحين فوق بعض داخل المجلس
اما سعود طالعهم باحتقار واحتقر جنا على ضحكها
جنا خافت من نظراته سكتت ولفت وراحت لامها

ام جنا : جنوو شفيه وجه مصفر اليوم ؟
جنا : والله ؟ ما ادري .. حتى احس اني دايخة شوي
ام جنا : من قله الاكل .. الحين نحط الغدا يا ويلك ان ما اكتلتي زين
جنا ابتسمت لامها : ان شاء الله

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

على العشا .. رجعوا سعود وجنا للبيت

وكانت ام سعود تنتظرهم في الصاله ...

سلمت جنا عليها وطلعت لجناحها .. ام سعود مسكته امه وقعدته

مدت يدها وصفعته ذاك الكف اللي خلا راسه يروح 180 درجة على ورى
طالع فيها مستغرب : يمة انا مو بزر تضربيني كذه

ام سعود : الا بزر ونص .. طول عمرك بتبقى بزر انت وحركاتك هذي .. تحسبني ما ادري عن حركاتك مع زوجتك .. متى انت بتتعدل ها ؟؟ متى ؟
سعود :...........
ام سعود : تحسبني ما دريت عن سالفة الشقه ؟
سعود : ..........
ام سعود : خلاص هذي زوجتك متى بتتعدل انت ؟ متى بتتعدل ؟ مالها ذنب تسوي معها كل هذا .. غلطت في حقك؟ .. ما عطتك حقوقك اللي تبغاها كاملة ؟ .. وانت تبادلها بالاسائة .. لكن الشرهه مو عليك .. الشرهه على اللي ماعرف يربيك .. لكن والله والله .. اذا ما تعدلت يا سعود لا انا امك ولاانت ولدي

سعود ساكت ومنزل عينه يسمع كلام امه .. صح كلامها .. مو ذنبها ينقص من احترامه لها .. لا يحبها بس يحترمها ويحترم وجودها معه كزوجة ..

قام سعود من مكانه وطلع برى البيت

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما في بيت الماس

وئام كانت عند الماس يذاكرون مع بعض
دق الباب وفتحته الشغاله معها اكواب نسكافيه طلبتهم الماس
الشغاله : مس الماس مستر توركي تحت بابا يقول انجولي " انزلي "
الماس من الربكة انكب عليها النسكافيه وشهقت من حرارته
وئام : يوه باسم الله عليك
قامت الماس بسرعه للحمام ماسكة قلبها تهدي نبضاته السريعه

الشغاله : مس وئام انجولي بابا لا يسوي جنجال
وئام: طيب نازلة

دقت وئام على الماس الحمام .. : الماس انا بنزل لا ابوك يهاوش طيب

الماس ما ارتاحت لنزلة وئام لحالها بس ما قدرت تمنعها بس عشان لا ابوها يعصب : طيب اوكي

عدلت وئام شكلها في المرايه ونزلت
تركي انتبه لخيال وحده تنزل على الدرج بخفه والابتسامة شاقه وجهها

رمش اكثر مرة يستوعب الموضوع .. خاف لا تكون الماس ويغلط ويزل

اتقدمت وئام لعنده ومدت يدها وسلمت عليه

ابو الماس : هذي وئام اعتبرها بنتي الثانيه وتوام الماس
تركي ابتسم لها اتاكد الحين انها وئام مو الماس ردت له وئام الاتسامة ونزلت راسها

يوم اقبل حبيبي قلت ياشمس غيبي انورت دنيتي

نزلت الماس ترتجف .. خايفه تشوفه

سلمت عليه باليد وطالعت في عيونه
اتوهمت نظرات الحب في عيونه .. ابتسمت وقعدت جنب وئام وقعدا يسولفوا
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما عبد العزيز واروى .......

للحين برى البيت ويلفون ويدورون في كورنيش الخبر

نزلت اروى من لسيارة ونزل وراها عبد العزيز وجلسوا على احد الكراسي الموجوده

حطت اروى راسها على كتف عبد العزيز ... تحس بالحنان اول ما تحط راسها عليه

تحس انه الدنيا نور حولينها بس لمن تكون معاه ..

عبد العزيز : اراوي فيك شي ؟

اروى والدموع في عيونها .. : خايفه
عبد العزيز : من ايش وانا معك ؟
اروى : ما ادري احس اني متضايقه مرة
عبد العزيز : تبين تقولين شي
اروى : ......
عبد العزيز : اوكي على راحتك
اروى دفنت راسها في كتف عبد العزيز تحس بانه يميل لها . تبغى تزرع هالحب فيهم .. اول مرة تحس بهذا الشي وهذا الشعور .. تبغى تهتم في هذا الحب وتعطيه أي شي عشان ينمو ويكبر
وفعلا عبد العزيز كان يميل لاروى .. تعجبه ويعجبه غرورها وكبرياءها وشكلها وشخصيتها القياديه ..

هل ممكن انه هذا الحب ينمو ويكبر مثل ما اروى تبغى ؟؟

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

سعود راح لمطعم واشترى اكل له ولجنا .. كلام امه صحاه خلاه يوعى ويستوعب ايش قاعد يسوي في بنت الناس

دخل البيت معاه اكياس وطلع لجناحه وفتح انوار غرفه الطعام وخلاها هاديه حط الاكياس على الطاولة ودخل الغرفه شافها نايمة ..

سعود : جنا .. جنا ..
جنا : همممم
سعود : الساعه 8 بعدها ما تبين تتعشين ؟
جنا : حطوا العشا ؟
سعود : انا جبت لي ولك ما تبين ؟
جنا تحس انها ودها تنام بس ما تبي تكسر خاطرة
قامت شوي شوي وتحس بدوخة فظيعه .. رجعت جلست على السرير وتحس بغثيان

جمعت كل قوتها ومشت معه لغرفه الاكل

شافت ايش في فالاكياس وما قدرت تستحمل ريحة الاكل

مسكت فمها ورجعت في الكيس

سعود طالعها فاتح عيونه شبرين ..
راح لعندها بسرعه وهي سبقته على الحمام

سعود طالع في الكيس بحقد ...
" جوعااان مالت عليك مو وجه احد يجيب لك عشا .. كان نمتي جوعانه احسن "

طلع من الجناح معصب ونزل ياكله شي من المطبخ

اما جنا طلعت من الحمام وانسدحت على السرير والدوخة ذابحتها

ام سعود : وينها جنا ؟
سعود : فوق ..
ام سعود : وليه قاعد هنا .. روح اتعشى وياها فوق
سعود : مدري شفيها رجعت
ام سعود ضربت صدرها وشهقت ركضت طلعت لجناح جنا ودخلت عليها الغرفه لقتها مسدوحة على السرير وجنبها كاسة موية وحبوب بندول

قدمت لعندها ولاحظت وجهها مصفر كثير : جنا .. شفيك شتحسين
جنا لفت عليها : ما ادري احس بلوعة ودوخة مو طبيعيه
ام سعود ابتسمت : ومن متى هالكلام ؟
جنا : من اليوم بس
ام سعود : اوك تجين معاي نروح المستشفى ؟
جنا: ماله داعي يمة الحين بيخف
ام سعود ابتسمت لها : لا تعالي عشان اتطمن عليك
جنا استسلمت وقامت لبست عبايتها وطلعت

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

راح تركي وقعدت الماس مع وئام في الغرفه لحالهم

وئام : الماس انا بقولك شي
الماس : قولي
وئام : بس لا تفهميني غلط بليز طيب ؟
الماس : شدعوة وئام انتي تقولين لي كذه ..
وئام : لا من جد اتكلم اخاف تزعلين او تعتبريني وحده خاينه وزي كذه
الماس خافت : ايش قولي
وئام : تذكرين لما قلتي انه تركي قالك انك مثل اخته
الماس : ايه .. بس ما ادري ليه مو مصدقته
وئام : ليه ؟
الماس : ما ادري .. مرة سمعته يتكلم عني ويمدحني .. ما ادري حسيت بشعور غريب .. واليوم لما جا حسيته يسلم علي بحرارة وكيف يناظر فيني .. حسيته يحبني مدري ليه
وئام انقهرت : وليه قالك انتي مثل اخته اجل
الماس حست بقهر وئام : وئام فيك شي ؟؟
وئام نزلت دموعها : لا تقولين كذه انا احب تركي .. الماس انا احبه هو ما يحبك هو قال لي
الماس طالعت فيها مصدومة .. انربط لسانها من الصدمة .. حست بخيانه صديقة عمرها .. لا شعوريا نزلت دموعها وقالت : .....

نهاية الفصل الحادي عشر

ايش بتقول الماس لوئام ؟ وكيف بتكون رده فعلها الجايه ؟؟

وايش حال جنا ؟ وهل بيغير من واقعها شي ؟؟

هل ممكن انه حب عبد العزيز واروى ينمو ويكبر مثل ما تبغى اروى ؟؟

وكيف بتكون الايام الجايه مع هديل ؟؟

وايش بيستجد في حياة كل من ابطالنا ؟؟

اسفه صار لي فترة ما كتبت عن رندا والوليد بس اوعدكم بجديدهم في البارتات الجايه ^_^

 

[كفاني عذاب]

>>> الفصل الثاني عشــر >>>>


الماس طالعت فيها مصدومة .. انربط لسانها من الصدمة .. حست بخيانه صديقة عمرها .. لا شعوريا نزلت دموعها وقالت : وئام اطلعي برة

وئام انصدمت من ردة فعلها بس ما علقت .. اخذت عبايتها وكتبها وطلعت
اخر ما توقعته ردة فعل الماس هذي

دقت على السواق وجاها على طول وراحت على البيت

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

وصل عبد العزيز اروى للبيت اللي كانت في حاله لا يرثى لها
نايمة في السيارة والضيقه كاتمة على قلبها

عبد العزيز : اروى .. اراوي حبيبتي
اروى قامت بسرعه من سمعت هالصوت اللي ما تعودت يقومها عليه .. لكنها بس شافت عبد العزيز اتنهدت بارتياح : مشكور
عبد العزيز : العفو .. واذا طلعتي كلميني
اروى : اوكي

طلعت اروى من السيارة ودخلت وعلى طول على غرفتها

رمت نفسها على السرير بتعب الا ويرن الجوال ..

طالعت في الشاشة ... اسم ريم ينور ويطفي
ردت بملل : الو
ريم : هلا اراوي كيفك
اروى : وايش بيكون حالي دام انه هديل التبن هذي بالمدرسه
ريم : هههه لا اراوي حبيبتي لا تخافين .. سعاد والشله مارح يقصروا
اروى باستغراب: كيف ؟
ريم : ههه لا حبيبتي لا تستعجلين .. كل شي بوقته حلو .. لا جا وقتها بتعرفي
اروى : ريم تعرفيني اكره هالحركات .. بتقولين والا كيف ؟
ريم بخبث : نو
اروى بملل : اجل انقلعي باي
ريم : باياات

سكرت اروى من ريم ودفنت راسها في المخده واستسلمت للنوم

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

جنا بصدمة : حامـــل ؟!

الدكتورة : ايه .. الف مبروك وفي الشهر الاول بعدك .. بس شكله جسمك لسه صغير عشان كذه طلعت الاعراض بسرعه .. – ابتسمت - او يمكن احتمال ثاني .. ما ااكد لك الحين
جنا لسه متنحه في الدكتورة .. ابتسمت .. تحس انه ممكن سعود تتغير معاملته معها بهالروتين الجديد .. ممكن يتغير ويحس انه بيصير ابو !
لكنها خايفه .. تخاف يبقى على معاملتة او ممكن تسوء !

.. شكرت الدكتورة بلطف واخذت منها موعد الشهر الجاي عشان المراجعه

طلعت جنا مع ام سعود للسيارة

ام سعود : مبروك حبيبتي
جنا كانت لسه متنحه و متجمعه في عيونها الدموع .. قالت بصوت مبحوح : الله يبارك فيك يمة
ام سعود حست عليها.. ضمتها لصدرها بحنان وقالت بمرح : جنوو بتصيرين ام .. كل هذا خوف ؟ خلاص حبيبتي الحين تروحين البيت بشري سعود .. اكيد ينتظرك على نار

ام سعود مسحت على شعرها بحنيه تهديها وعارفه كل اللي في قلبها بس ما حبت تبين لها

جنا كان قلبها يدق بقوة .. تتمنى تروح وتخبره بنفسها ويحملها ويدلعها ويجيب لها اللي تتمناه ويهتم فيها

لكن .. تخاف ينقلب اللي تتمناه كله

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما عند هديل ...

هديل كانت تذاكر وتحل واجباتها عشان الكويز بكرة ودخل عليها عبد العزيز يغني

هديل : الله الله ايش هالطرب
عبد العزيز : ولاشي .. بس مبسوط
هديل بابتسامة حلوة : ان شاء الله دوم
عبد العزيز قرب من عندها ولمس وجهها بيده يتحسس الجروح
عبد العزيز : حلو انها بدت تختفي
هديل حركت الكرسي لعند المرايا وشافت وجهها : أي تختفي ؟ مو شايف الدم المتخثر عليها
عبد العزيز : طيب وهذا الدم اذا جف بيطيح ويرجع وجهك مثل اول
هديل نزلت راسها باحباط : لا مو مثل اول .. الدكتور قال مارح يمشي الحال الا بعملية تجميل
عبد العزيز : ماعليك منه .. اهم شي انتي لا تقشرينهم عشان يطيبون بسرعه
هديل طالعت فيه بنص عين : تراني مو بزر تكلمني بهالطريقه
عبد العزيز : ههههه حاضر عمتي هديل تبين شي ثاني ؟
هديل : نو
عبد العزيز : سي يو
هديل : سكر النور معم خلاص ابغا انام
عبد العزيز سوى مثل قالت له واشر لها بيده وطلع من غرفتها وراح غرفته

مسك جواله يدق عليها او لا ؟؟
" يمكن نامت عشان كذه ما دقت
يوووه خلاص انا ايس دخلني نامت او لا .. مثلها مثل أي بنت ثانيه اكلمها
بس ليش احس انها غير ؟ ليش احس اني كثير ابغا اكلمها ؟ ليش احس انها توحشني كثير ؟!! "

هز راسه يطرد هالافكار من راسه وبدل ملابسه اللي ماسكه فيها ريحة عطر اروى القوية لمن بكت عليه

اتمدد على سريرة بتعب يتلقب امثر من مرة يحاول ينام لكن ما فيه نوم

مسك جواله ودق عليها
اروى وسط الظلام ينور جوالها باسم " عزوزي " بنغمة خاصه

انا ياللي بحبك وحدي انا ياللي بعمري ببقى انا
انا ياللي بريدك لي انا
انا ياللي بعمري ببقى انا
على وعدي يا وعدي لوحدي انا
على وعدي يا وعدي
وحدي انا
انا ياللي بعمري ببقى انا
انا ياللي بريدك لي انا
انا ياللي بحبك وحدي انا

قامت بضيقه .. : وقته الحين احد يدق
بعصبيه : الو
عبد العزيز : هلا حياتي
اروى دق قلبها بسرعه من سمعت صوته : اهلين
عبد العزيز : سوري صحيتك من النوم
اروى بطبع غير عن العاده : لا عادي
عبد العزيز استغرب من رده فعلها العاديه .. بالعاده تصرخ وتعصب وتقفل في وجهه ..
اروى : وينك ؟
عبد العزيز : هلا معك
اروى : سوري ما دقيت عليك بس نعست ونمت
عبد العزيز : اها ..
اروى طفشت من سكوته : اوكي اكلمك بكرة
عبد العزيز : اوكي باي
اروى : بايات

سكرت اروى منه ودخلت الجوال في درج الكمدينه عشان لا يرن بصوته المزعج ويصحيها

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما عند ريم ..

ريم : ياخي اتركيني في حالي انا اطلع مكان ما ابغا مو انتي اللي تقولين لي اطلع والا لا
ام محمد : وانتي ما تقعدين لحظة وحده في البيت ؟
ريم : وش اقعد اسوي اقابل 4 جدران والا وجهك اللي يجيب الغثيان انتي وعينك المقلوعه هذي
ام محمد جا كلام ريم مثل الملح على الجرح وظلت ساكته وحابسة دموعها في عينها
ريم ما صدقت انه ام محمد سكتت وطلعت وطنشتها

ركبت السيارة الواقفه قدام باب البيت : هاي مشمش
مشاري : هايات حياتي
ريم : يلا امشي قبل لا تلحقني عجوز غابرين
مشاري يكره ريم في كلامها عن امها وتصرفاتها معها بس يسكت لانه ماله حق يتدخل فيها


قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

وئام قاعده في زاوية من غرفتها وسط الظلام وضامة رجولها لصدرها وراسها بين يدينها
والجوال قدامها ينور ويطفي باسم تركي
لكنها ما كانت ترد

الحين وبسبب هذا الانسان فقدت الماس .. الماس طردتها وما تبي تشوفها .. خسرت اعز صديقه بالنسبه لها بسبب تركي اللي خانت الماس فيه

" وين بيكون صديق وفي بهالزمان ينوجد بكل سهوله "

كانت تبكي في هالزاوية ندمانه على خيانتها لاعز صديقاتها

لكن بعد ايش ؟؟ !!

وقف رنين الجوال المزعج بدون اي اهتمام من وئام

قامت من الارض وداست على الجوال لحد ما تكسر وما اهتمت له .. اتمددت على السرير ودفنت راسها في المخده لحد ما تبللت بدموعها

ولكن بعد فوات الاوان

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما عند الماس اللي كانت مو احسن من حالة وئام

مقهورة منها لانها خانتها في حبيبها الاولي اللي تحبه من يوم كان عمرها 14 سنه
وثاني شي مقهورة من تركي اللي باعها وحب صديقتها

حطت راسها على مكتبها وعلي صوتها من البكى وزادت شهقاتها

دخلت امها عشان تناديها للعشا ولكن شافت الباب مقفل وباين انه ظلام .. لكن حست انه فيها شي

قربت من الباب اكثر سمعت الماس تصيح وتشاهق بصوت عالي وبقهر واضح

دقت الباب بخوف كبير ولكن الماس ما جاوبت

ام الماس : الماس .. الماس .. المااس حبيبتي افتحي الباب
الماس قامت بسرعه مسحت دموعها وولعت الابجورة وفتح الباب لامها
ام الماس شافت عيون الماس المنفخة من البكي وخشمها الاحمر واثار الدموع على خدها
شهقت من شكلها : شفيك حبيبتي تعبانه
الماس :لا ماما بس متضايقه شوي
ام الماس دخلت معها للغرفه وجلسوا على السرير : شفيك حبيبتي احكيلي انا امك
الماس انفجرت في حضن امها وبكت بكا يقطع القلب
امها مسحت على شعرها وصارت تقرى عليها تهديها لحد ما امت في حضنها

سدحتها زين وغطتها وشغلت لها المكيف وطلعت

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

نروح عند جنا

الساعه 12 الليل

جنا كانت في الغرفه مسدوحة حتى لسه ما بدلت ملابسها.. ماسكة بطنها ومبتسمة .. تحس انها ممكن تكون بداية نقطة سعاده بالنسبه لها
دخل سعود الغرفه متضايق من المفاجعة اللي فاجعته بها عن جنا

" معقوله حامل ؟ لالا يمكن التحاليل طلعت غلط .. "

طالع فيها باحتقار ودخل غرفه الملابس غير ملابسه وطلع رقد يدون أي كلمه

جنا لفت تطالعه .. معطيها ظهره وابد مو معطيها وجه ولا حتى قال لها كلمة مبروك

" ليش كذه متضايق ؟ ليش ما قالي مبروك .. بيكون اب قريب .. يمكن انصدم .. الله يغير حاله يارب
يارب يحس فيني وبطفله او طفلته اللي بالطريق .. يارب تكون بدايه حياه سعيده وهاديه "

قامت من السرير و وطلعت برى الغرفه ونزلت تاكلها شي

دخلت المطبخ لقت الشغالات ينظفونة قبل ما يروحوا يناموا
جنا : سوزي طلعي لي توست ومرتديلا وبرتقال اسوي عصير
سوزي : اوكي مدام

جلست جنا على البار وحطت دينها على راسها تنتظر

في هاللحظات دخل يزيد البيت وشاف جنا في المطبخ
دخل وهو يلفلف حلقة المفتاح على اصبعه
لفت جنا عليه
يزيد بابتسامة : مبروك ..
جنا طالعت فيه وابتسمت له : الله يبارك فيك
يزيد : ايش تاكلين
جنا : قلت لسوزي تجز لي الاشياء عشان اسوي ساندويتشات .. تاكل معاي
يزيد : ممممم ساندويتش ايش؟
جنا : مرتديلا
يزيد : اوكي ليش لا
جنا ابتسمت له .. " ياحظ زوجتك فيك والله "

جابت سوزي الاشياء اللي طلبتها جنا وحطتها على البار مكان ماهي قاعده وقبالها يزيد
قعد يسوي وياها مثل ما تسوي حط المرتديلا وجهزة حطه في صحن وقعد يعصر وياها البرتقال

خلصوا وقعدوا ياكلوا ويسولفوا في سوالف عاديه

يزيد : اها .. اكيد بتروحين بكرة عند اهلك تبشرينهم
جنا : اكيد
يزيد : اها
يزيد : الساعه كم رح تروحي؟
جنا : على العصر او المغرب
يزيد : اها
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

نروح عند رندا وريناد شوي ...

ريناد : رندا .. ترى مو كل مرة تسلم الجرة .. صار له اكثر من يومين ورى بعض يجيك .. فرضا عبد الرحمن شافه ؟ والله من جد لا يوريك نجوم الليل بالظهر
رندا متمدده على سرير رندا تنتظر مكالمة الوليد : ريناد طيب احبه .. والله احبه .. ايش اسوي ؟ غصبن عني اقوله يجي عشان يشوفني واشوفه .. ريناد انتي ما جربتي وان شاء الله ما تجربي انه احد بالغصب يزرع فيك الفراق ..
ريناد طنشتها ولفت للجهه الثانيه : سوي اللي تبغي .. واي شي يجيلك انا مالي شغل فيك .. بس على فكرة رندا .. انتي حلوة والف واحد يتمناك
رندا طلعت من غرفة ريناد وراحت لغرفتها
وفي طريقها شافت عبد الرحمن في الصاله يتفرج فلم وسط الظلام
رندا بارتباك : اووه عبد الرحمن بعدك صاحي ؟
عبد الرحمن : ماجاني نوم .. تعالي شوفي هذا فلم خطير
رندا : اوكي دقايق وجايه
عبد الرحمن : الفلم لسه ببدايته لا يفوتك
رندا : اوكي
بسرعه راحت لغرفتها ودقت على وليد
الوليد: هلا رندا
رندا : وليد لا تجي عبد الرحمن صاحي
الوليد : اف .. مو قلتيلي انه نايم
رندا : ما ادري شفيه طلعت من اغرفه لقيته يطالع فلم
الوليد بخيبه امل : اها ..اجل خلاص مرة ثانيه
رندا : اوكي ان شاء الله
الوليد : باي
رندا : باي

انسدحت رندا على السرير ونامت لان بكرة وراها يوم طويل ينتظرها

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اذن الفجر وطلعت الشمس والكل متجه لدوامه

الماس قامت من النوم على صوت المنبه لصلاه الفجر ..اتوضت وصلت واتروشت على السريع وسشورت شعرها .. طالعت في نفسها بالمرايا حطت حكل وقلوس شفاف واخذت عبايتها وشنطتها ونزلت

ام الماس : هلا حبيبتي صباح الخير
الماس : صباح النور
ام الماس : ما تبين تفطرين حبيبتي ؟
الماس : لا ماما بفطر في المدرسه .. باي
ام الماس : اوكي الله معك

طلعت الماس من البيت وركبت السيارة وراحت للمدرسه

دخلت الفصل لقته فاضي تقريبا .. رتبت الاغراض في مكانها وحطت راسها على الطاولة

الكل جا وهديل منهم اكيد وبدأت الحصة الاولى والكل مندمج مع الشرح

قطعت عليهم وئام بدخلتها على الفصل وهي تعطي الاستاذه ورقه تسمح لها بدخول الفصل

طالعت في مكانها لقت الماس ترسم على ورقه ومطنشتها .. تجمعت الدموع في عيونها و اتوجهت لمكانها جنب الماس وجلست بدون أي كلمه .. لسه مجهزة كلام كثير تقوله لها

لفوا الاثنين على بعض بسرعه وفي وقت واحد و...............

ايش تتوقعون الاحداث الجديده بين الماس ووئام ؟
وجنا وسعود مع البيبي الجديد المنتظر
والوليد ورندا ؟؟ بتسلم عليهم المرات الجايه والا بيصير شي يغير لكل واحد منهم مسيرة حياته ؟
واروى وعبد العزيز ؟ ايش جديدهم ؟؟

القاكم في البارت الـ 13 قريب ان شاء الله

>>>> الفصل الثـــــالث عشــر <<<<


قطعت عليهم وئام بدخلتها على الفصل وهي تعطي الاستاذه ورقه تسمح لها بدخول الفصل

طالعت في مكانها لقت الماس ترسم على ورقه ومطنشتها .. تجمعت الدموع في عيونها و اتوجهت لمكانها جنب الماس وجلست بدون أي كلمه .. لسه مجهزة كلام كثير تقوله لها

لفوا الاثنين على بعض بسرعه وفي وقت واحد

وئام ما قدرت تحبس دموع الندم من انها تنزل
اما الماس اللي ما تدري من وين جابت قسوة هالقلب اللي ابد من من طبايعها .. لفت عنها وصدت ولا همها لا دموع وئام ولا غيرها

عيون هديل تراقب الموقف .. شي غريب انه الماس ووئام يتزاعلون .. محد كان متوقع هالصداقة اللي دامت اكثر من 5 سنين تكون نهايتهم كذه

قاطع تفكيرها صوت الاستاذه تناديها : هديل انتبهي معنا

هنا اروى طالعتها باستهزاء .. وردت لها هديل النظره وتابعت مع الاستاذه

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما ام ريم ...

قاعده قدام المرايا تناظر شكلها .. لهالدرجة شكلها مقرف بعين وحده !! لهالدرجة ريم قرفانه من شكلها

مسكت عينها بيدها المتجعده مع كبر السن وكل الاحداث تمر في بالها في هالساعه ............
.
.
.
الدكتور نزل راسه بتاسف : مع الاسف ما قدرنا نسعف عينها .. فقدت الرؤية في العين اليسار
ام محمد لفت على ابو محمد والدموع تنزل من عيونها ارباع ارباع
ام محمد : راشد .. بنتك لسه ما كملت الـ 8 شهور وراحت عينها ..
لفت بتهور على الدكتور وقالت له : انا اتبرع لها بعيوني .. مستحيل اخليها تكبر بعين وحده
ابو محمد : يا مره اهدي وصلي على النبي و.....
ام محمد : لا ياراشد .. بنتي مستحيل اخليها تكبر بعين وحده .. نسيت انها بنتك الوحيده .. كيف تخليها تكبر ناقصه
نزلت عند يده وباسها ومسكتها بترجي : ابوس يدك خليني اتبرع لها
ابو محمد : لا حول ولا قوة الا بالله

الدكتور بعد ما خلص التحاليل لام محمد وريم .. سوى لهم العملية بدون أي تردد

وكبرت ريم ومعها عين امها شايلتها بين عظامها

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

ريم طلعت من المدرسه على نهاية الدوام وركبت سيارة اعتادت تركبها .. لكن مو مع سواق او اخوانها

مشاري : هلا والله
ريم : اهلين
مشاري : مشينا ؟
ريم : مشينا

برى السيارة كانوا وئام ومزون ماشيين كل وحده بتروح سيارتها

مزون : وئام شفيها الماس اليوم مو على بعضها .. حتى بالفسحه ما جت معنا
وئام ارتبكت وقالت بسرعه : ها ؟ ما ادري ما سألتها
مزون بشك : وئام صار شي بينك وبين الماس ؟؟
وئام حاولت قد ما تقدر تخفي بحة صوتها : لا ما صار شي .. يلا باي
مزون : باي

راحت وئام للسيارة والدموع في عيونها وبس دخلت السيارة انفجرت بكا

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما عند ريم ومشاري في احد الشقق المفروشه القريبه

مشاري : ايش تشربين
ريم بخبث عارفه حركات مشاري : لا مشكور شبعانه
مشاري : براحتك
ريم : بتشغل الشريط والا شلون
مشاري : اوكي دقيقه جيبها
ريم : لا تتاخر
مشاري : اوكي

دخل مشاري الغرفه وفتح الدولاب وفتح الخزنة اللي فيها وطلع 3 اشرطة ورجع عند ريم

ريم : الله الله كل ذول ؟
مشاري : ايه ولو .. عندك هذا " ويقلب الشريط " حق شمس
وهذا حق منال
وهذا حق دانيه

ريم : حلو .. يلا شغل

ابستم لها مشاري وشغل الاشرطة وكل واحد شاقته الابتسامة من الحقارة والنذاله اللي يشوفونها
خلصوا وختموا الحفله بكم كاسة من السم الهاري
على الساعه 2 ونص طلعت ريم من الشقه بعد ما كحلت عيونها باللي يسويه مشاري مع البنات الضايعات في الاستراحه

دخلت البيت تدندن مبسووطة لاخر حد وتتمايل مع انغام الاغنيه اللي تغنيها

ام ريم طلعت من غرفتها وشافت ريم على الدرج تتمايل على الدرج وتغني وتضحك وتشهق من السم اللي شاربته

راحت لعندها ام ريم تشوفها : ريم باسم الله عليك فيك شي ؟
ريم : يوووه شتبين انتي جايه تخربين لي مزاجي
ضحكت في وجهها وعينها نص مفتحة من الدوخة : انا اليوم مرة مرة مرة مبسووووووووطة

دارت حول نفسها على الدرج اكثر من مرة بغباء ومو مهتمة هي على ايش اصلا
مسكتها ام ريم من كتوفها تخاف تطيح .. لكن ريم دفتها وطيحتها من الدرج وصرخت في وجهها : لا تلمسيني يا مقرفة .. وعععع

رمشت اكثر من مرة تشوف ايش فيها امها اللي كانت طايحة على الارض واغمي عليها وخشمها ينزف

شهقوا الشغالات اول ما شافوا منظر ام محمد قدامهم وتحركت وحده منهم بسرعه دقت على محمد

حطت ريم يدها على فمها بعد ما استوعبت اللي صار وركضت لغرفتها وسكرت على نفسها بسرعه

نقزت على السرير وحطت اصابعها في فمها تاكل اظافيرها مثل المجانين بخوف

دخلت تحت البطانيه .. غمضت عيونها ودخلت في ساابع نومة ..

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اروى كانت في الصاله قاعده مع رؤى ونوف وسارة ونجلاء وفهد

اروى : استغفر الله مدري كيف معوقة وتجي مدرسة ... تقعد في البيت احسن لها
سارة : طيب يمكن فترة وتتعالج .. ليش تقعد في البيت
فهد يطالعها بشك : الا قلتيلي ايش اسمها ؟
اروى غيرت نبرة صوتها لاستهزاء : هديـل
فهد حرك راسها : اهااا
اروى : ليش تسال
فهد طالع في اروى لو قالها كان يعالجها مارح تفكة من الاسئلة : لا بس فضول
اروى ما اقتنعت : اها
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

نروح عند جنا وسعود

الساعه 4 ونص العصر

جنا كانت مبسوطة وكانها بداية صفحة جديده تحاول قد ما تقدر تسعد نفسها وتسعد سعود و تنتظر الشهور تعدي حتى تعيش بسعاده مع كائنها الصغير الجديد

ندى : وايش تتوقعي بنت او ولد ؟؟
جنا : مممممممممم ما ادري .. اللي يجي من الله انا احمد ربي عليه .. اهم شي يكون بصحة وعافيه
شوق تاكل التفاحه بعربجه وتتكلم : انتي بعد لازم تهتمي فيه و ...
ندى غطت وجهها بيدها وصرخت : يععععع الله يقرفك شووووق ابلعي اللي في فمك اوول
شوق طالعت فيها كانها تقول وش ذا الغباء .. وطنشتها وكملت اكل
جنا : ههههههههه الله يهديك ندى كل هذا الصراخ عشان في فمها اللقمة
ندى : يعععع ما شفتي شكلها استغفر الله حسيت ودي ارجع الغدا كله
جنا : ههههههه اجل زين اني ماشفت
ندى : الا صح جنا بتروحين عند اهلك اليوم اكيد صح ؟
جنا : صح
ندى : خذيني معك ابي اروح اشوف اختك
جنا : يؤ ما شفتيها للحين
ندى : بس مرتين في الملكة وفي العرس وبعدها ولا عرفت خبرها
جنا : اوكي الساعه 5 تكوني جاهزة
ندى : ماشي
جنا : وانتي شوق مارح تجين ويانا ؟
شوق تاكل : لالالا الساعه 5 بكون بنادي الباسكت
ندى تقلد صوتها : نادي الباسكت .. " عدلته " قال نادي الباسكت قال .. امشي بس ويانا لاحقة على النادي
شوق : على تبن انزين ..
ندى لفت عنها : افففف منك مدري متى بتتعدلين وتصيرين آنسه
شوق تقلد صوتها : متى بتصيرين آنسه .. " عدلته " مالت عليك بس
جنا : هههههههه تخيلوا شكل شوق بفستان ههههههههههه ابد ما اتخيل
شوق : ههههههه الحمدلله انك ما تتخيلين
جنا : هههه .. الا وين ماما ؟
ندى : تلاقيها فوق في غرفة الجيم
جنا : اهاا اوكي
ندى : الا تعالي جنوو .. في النادي حق شوق في قسم حق حوامل .. يعني تمارين للحوامل ليش ما تشتركين؟
جنا : مممم والله مدري .. " كملت بابتسامة " اشاور سعود
ندى : ما عليك منه بيوافق
جنا : اوكي بيوافق بس ولو بشاورة واقولك
ندى : اوكي براحتك
قاطعت عليهم شوق : يلا سلام بتسبح واطلع تبوون شي لا سمح الله ؟
جنا : هههههههه سلامتك
شوق : سلام

طلعت فوق الدرج تنطط ودخلت غرفتها تسبحت ولبست واخذت الشنطة الفاقعه حقتها وحطت فيها اغراضها ونزلت

في هاللحظة دخلوا يزيد وسعود البيت
سعود ويزيد : سلام
ندى وجنا : وعليكم السلام

طلع سعود على غرفته بدون اي كلمة وطلعت وراه جنا

قدمت لعنده ووقفت على اصابعها تحاول تشيل الغترة والعقال من راس سعود لكن اختل توازنها .. مسكت في عمود السرير بسرعه ولكن سبقتها يد سعود اللي كانت ترجف
عدلت جنا نفسها بسرعه واخذت الغترة والعقال منه وحطتهم على الكرسي و راحت على الدولاب طلعت بيجاما واعطته اياها .. اخذها ودخل لغرفة الملابس بدل وطلع وانسدح وغمض عيونه

طالعت فيه جنا وابتسمت .. قدمت لعنده وباست خده ببراءة : بروح عند اهلي ابشرهم .. تجي وياي
قالتها بامل كبير انه ممكن يجي وياها بس بخوف انه ممكن يردها
قال بنبره حنيه كانه عرف آمالها : اوكي صحيني لاجيتي تروحي
جنا طآآرت من الفرح وقالت بسرعه : اوكي

قفلت النور وطلعت من الغرفه عشان يريح بعد تعب الدوام

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

طلعت جنا من الغرفه ونزلت للصاله وقعدت مع يزيد وندى

يزيد : ها جنوو حابه اوصلك عند اهلك ؟
جنا بابتسامة شاقه وجهها وفخر: لا سعود بياخذنا انا وندى ان شاء الله
يزيد باستغراب : اها

لحظات صمت غريبه .. استوعب فيها يزيد انه سعود رح يوصل جنا لبيت اهلها عشان تبشرهم بحملها .. ابتسم ابتسامة شقت وجهه وفرح لجنا من قلبه

استغربوا لابتسامته ندى وجنا .. اللي بان لهم مثل المجنون

ابتسموا لابتسامته و بعدها قاموا يجهزوا

ندى كانت فير غرفتها محتارة ايش تلبس .. طلعت تنورة ميدي اورانج غجريه وبلوزة بيضا كوكتيل وفيها مثل الزم البسيط مرة وفيه فصوص اورانج

وطلعت فستان للركبه بعد بس صاير كانه قطعتين .. منفوش من تحت كانه تنورة ولونه بيج ومن فوق ضيق وصاير موديل بلايز وينربط على الرقبه ولونه ابيض

قعدت قدامهم تختار ايش الانسب لحد ما جتها جنا لابسه وخالصه
جنا : لسه ما خلصتي ؟
ندى : الله جابك تعالي قوليلي اي واحد البس ؟؟
جنا : ههههههه يوووه ندى عادي لو لبستي بنطلون وبلوزة عادي
ندى : هههه ادري بس انا من طبيعتي احب البس كذه
جنا : مممممممممم البسي الفستان احلى وارتب
ندى : اوكي ثااانكس

اخذته ودخلت غرفه التبديل وبدلت ولبست الصندل والاكسسوار ونزلت

جنا دخلت الغرفه بسرعه تصحي سعود عشان يلبس .. وقام بسرعه واتروش وبدل ونزلهم

جنا بس شمت ريحه عطرة رجع لها الغثيان وصارت بس ماسكة صدرها تخاف ترجع
ندى : جنا فيك شي
جنا همست لها : لا بس ريحة العطر
ندى : ههههههه بدينااا هههه
جنا : ههههه

وصلوا بيت اهل جنا ودقوا الباب وفتح لهم ابو جنا .. دخلوا ندى وجنا ودخل سعود مع ابو جنا لمجلس الرجال

رنا : هلاا جنوو .. اهلين ندى كيفكم ؟
جنا وندى : الحمدلله تمام
ندى : كيفك انتي رنا ؟؟
رنا : والله الحمدلله تمام
طلعت ام جنا من الغرفه وسلمت عليهم وقعدوا مع بعض

ام جنا : صــــدق ؟ .. كلولولولولولولولولولولولولوولولولوش
جنا احمر وجهها من امها ودخلت فجاه رنا الغرفه : خير فجأه شصاير ؟
ام جنا : اختك حامل .. الحمدلله يارب .. الله يقومك بالسلامة يا بنتي
رنا طارت من الفرحه وراحت ضمت جنا : مبرووووك يا ام رنا
جنا : ههههههه مالت عليك هذا اللي ناقص اسمي بنتي على اسمك
رنا بفخر : احم احم .. لك الشرف اصلا يا ماما
ندى كانت تطالعهم وتضحك ..
" قد ماهي عائلة بسيطة وماعندهم من الخير الا اللي يكفيهم الا انهم مبسوطين وعايشين حياتهم يمكن بعد احسن مننا "


; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

محمد يضرب باب غرفه ريم باقوى ما عنده : ريـــم .. ريــم وصمخ
ريم قامت متنرفزة وفتحت الباب وما تلاقي الا ذاك الكف من محمد على وجهها
حطت يدها على خدها وهي تطالعه بحقد . يصارخ في وجهها ما تدري وش يبي

محمد : يا حيوانه يا بنت الـ .....
ريم دفته لبرى : خير خير انت وش عندك مقومني من نومي تصارخ شعندك ؟؟
محمد : شعندي ؟؟ شعندي يا بنت الـ .... امك في المستشفى يا حيوانه يا .....
ريم : اففففففففف بس كذه ؟؟ خلاص بعد شوي بتطلع .. على وشو مسوي القلق ذا كله

محمد دفها ومسك راسها وضربه في الجدار لحد ما حست انه الدنيا تدور حولينا وبزياده تاثير عينها على الضربه

طاحت على الارض وفقدت توازنها في ذيك اللحظة
محمد : الحين وريني متى بتقومين يا حقيرة هذي امك اللي اتـ ...........

قاطعه صوت ماجد اللي جا يستفسر وش سبب هالهواش والصراخ

ماجد : خير وش صاير ؟؟
فتح عيونة على اخر شي يوم شاف ريم مرميه على الارض وماسكة راسها تخفف الدوخة
جا بينزلها الا محمد وقفه : لا تنزلها ذي المنحطة .. اللي ما تعرف قيمة الام .. روح المستشفى اسال على امك وشوف ريم وش سوت .. " تفل عليها " تفو عليك انتي مو وجه تربيه

مسك ماجد وطلعه من الغرفه وسكر الباب وراه

اما ريم ما كانت حاسة في نفسها ابد وقاعده مرمية على الارض وراسها يدور فيها

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

في الصاله عند محمد وماجد ..

ماجد : وليه ما دقيت علي وانا في الشغل ؟
محمد : خلاص انت رح تقعد تعايرني ؟ صار اللي صار
ماجد قام من الكنبه
محمد : على وين ؟
ماجد : بروح اشوف امك
محمد : لا تتعب نفسك ما رح يدخلونك
ماجد : وليه ؟
محمد : يقول الدكتور عندها نزيف وقدروا يوقفوه .. بس لو ما قامت خلال 24 ساعه يمكن ......
ماجد تخرع على امه : يمكن ايش ؟
محمد : يمكن تدخل في غيبوبه الله عالم كم مدتها
ماجد رمى نفسه على الكنبه ومسك راسه : وانت كيف دريت ؟
محمد : دقت علي وحده من الشغالات تقول انه ريم دفتها من على الدرج
ماجد وصل دمه لراسه وقام من على الكنبه يروح لريم لكن محمد وقفه : لا تروح الحين .. خليها هي تأدب نفسه بنفسها .. واذا ما اتأدبت لنا تصرف ثاني .. تعال الحين نروح نشوف امك
ماجد تحرك مع محمد مثل ما قاله لانه لو انه ما كان وقفه كان ارتكب جريمة في ريم

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

 

[كفاني عذاب]

<<<< الفصل الرابـــــــع عشــــر >>>>

[اما عند رندا وريناد
الساعه 8 الليل
قاعدين في الصاله الاثنين جنب بعض ومسويين شكلهم كل واحد مثل الثاني .. لابسين بنطلون برمودا وتي شيرت اورانج ورافعين شعورهم وفي حضنهم البوب كورن مندمجين مع الفلم .. وام عبد الرحمن وياهم على كنبتها الهزازة في الصاله بس قاعده تقرى روايه .. وابو عبد الرحمن وعبد الرحمن في شركتهم الصغيرة يشوفون أيش الجديد

ثواني ويدخل عبد الرحمن مبسووط على الاخر

عبد الرحمن : السلاام
الكل : وعليكم السلام
عبد الرحمن : هاي رندا .. هاي ريناد شخباركم
ريناد : الله الله شهالرضا المفاجئ
عبد الرحمن : عندي لكم خبر بمليون
رندا وريناد : اللي هو
عبد الرحمن : اخر مناقصاتنا مع شركة عبد الحميد الكافي راسية علينا بنسبه 80 %
ريناد ورندا : يااي والله ؟
عبد الرحمن : يلا وبهالمناسبه حاجزلكم طاوله في السنبوك الجديد تبون والا .......
ريناد ورندا نقزوا : اكييييييييد
عبد الرحمن : يلا اجل اجهزوا وانا انتظركم هنا .. وانتي يمة مو رايحه
ام عبد الرحمن حطت الفاصل داخل الكتاب وسكرته : أي منيح انك تزكرت امك ..
عبد الرحمن : لا والله شدعوة يمة مو انتي اللي تقولين هالكلام
ام عبد الرحمن : أي يلا خود اخواتك وروحوا انا مو جاي عبالي روح
عبد الرحمن : لا يوه يمة مو حلوة الطلعه بدونك
ام عبد الرحمن : لا دخيلك مافيني راسي عم يوجعي كتير .. خود اخواتك وروحوا الله معكن
عبد الرحمن باس راسها : على امرك

جلس عبد الرحمن ينتظرهم لحد ما نزلوا وركبوا معاه وراحوا على المطعم

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما عند جنا وسعود

قاعدين على الطاولة الكبيرة مع العائلة يتعشون والهدوء يسود المكان

قاطع هالسكوت صوت جوال سعود يرن في جيبه
ام سعود : يوووه سعود كم مرة نقولك لا تجيب جوالك هنا .. وقت الاكل خليه يا في الصاله او في غرفتك
سعود بهدوء : معليش كنت انتظر مكالمه
رفع الجوال يشوف منو المتصل وزاد ارتباكه

ام سعود : ها ؟؟ دقوا عليك
سعود لاااا مو وقته تدق ذي عاد : ها ؟؟ لالا رقم غريب
شوق : ياحبي للارقام الغريبه .. عطني اهزءه لك ياه
سعود : هاها ما تضحكين .. شو انا مو مالي عينك
شوق : انزين رد .. اكلتني بقشوري
سعود قفل جواله وحطه على الطاولة : ها وهذاني قفلته .. حرة فيك بس
شوق : يالطيييف على النذاله .. مدري من وين جايب عرق النذاله .. ماهقيت في احد بالعائلة نذل
سعود وهو يلعب بالشوكة في الصحن : منك
شوق : والله مدري مو اكبر

ندى : يوووووه منكم خلاص اسكتوا الواحد بعد ما يعرف ياكل
جنا كانت تراقب الموقف وتبتسم
يزيد عاجبه وضع جنا وانها متهمة في البيبي اللي في بطنها كثير وتاكل اكل حق شخصين كل يوم .. كأنها تحس انه لازم ياكل كثر ما تاكل هي

خلصوا العشا وجو الخدامات شالوا الاكل والكل قعد في الصاله كعادة العائلة

ام سعود : ها جنا حبيبتي رحتي عند اهلك ؟
جنا : ايه ويسلموا عليك
ام سعود : الله يسلمك ويسلمهم ان شاء الله .. يصير اذا رحتي لهم مرة ثانيه خذيني معك
جنا : ان شاء الله

سعود : يلا تصبحون على خير
شوق : وين ؟؟ بدري يالدجاجه
سعود : وراي دوام بكرة يالفقمه مو مثلك
شوق : ليه وش قالولك اميه؟ كلنا عندنا دوامات وقاعدين
سعود : بكيفكم .. انا بروح انام تصبحون على خير
الكل : وانت من اهله

طلع سعود ولحقته جنا

دخل سعود الحمام و طلعت له جنا البيجاما والثوب اللي بيلبسه بكرة والغترة والعقال والجزمة – الله يعزكم –
طلع لقى جنا تعلق الثوب وتحط الشماغ على الكنبه عشان لا يتعفط وتجهز كبك الثوب

ما قدر يخفي ابتسامته على اللي تسويه .. لو اروى مكانها كان سفطته ونامت .. موهي اللي تشتغل له خدامه
اخذ سعود منها البيجاما ودخل بدلها في غرفة التبديل وطلع نام

سكرت جنا النور وفتحت لمبات الابجورة وطلعت قعدت في صاله جناحها تكمل الرواية اللي كانت تقراها في جنيف

اما في الغرفه ...

سعود فتح جواله وشاف رساله من اروى
ادري كانت بجنبك .. بس مو معناته تسكر في وجهي !
سعود رجع دق عليها يراضيها واروى ما ردت في البدايه ينقال تتغلى
رجع دق مرة ثانيه وثالثة لحد ما ردت

اروى : نعم ؟
سعود : وراه الحلو زعلان ؟
اروى بدلع ومكر تتصنع العصبيه : يعني ما تدري ؟
سعود : لا ما ادري
اروى : اجل باي
سعود : لالالالا انا ما صدقت رديتي
اروى : ......
سعود : انا اسف
اروى ابتسمت بخبث : .........
سعود : احبك
اروى : ............
سعود : اراوووييي
اروى : نعم
سعود : نعامة ترفزك وتجيبك لعندي
اروى : لا والله ؟؟
سعود : أي والله
اروى : طيب يلا سكر ابي نام
سعود : بدري


جنا كانت واقفه عند الباب متردده تدخل تنام او لا .. سمعته يكلم احد .. ما حبت تدخل الحين .. رجعت للصاله وبترجع تدخل بعد شوي

اروى : الساعه 9 ..
سعود : طيب ؟
اروى : يعني انا وحده ابي انام .. بكرة عندي مدرسه
سعود : اروى من زمان ما طلعت وياك
اروى : وذاك اليوم وش كان ؟؟
سعود : هذيك تسمينها طلعه اللي بس 5 دقايق
اروى تذكرت يوم حطت الجوال على المنبه : ههههههههه
سعود : شفيك تضحكين .. قلت شي يضحك
اروى : انا كيفي اضحك وقت ما ابي
سعود : اوكي .. تصبحين على خير
اروى : باي

سكرت اروى منه تتاففف .. تكرهه بس ما تبغاه يتهنى

دقت نجلاء باب غرفتها
اروى : ادخل
دخلت نجلاء : هاي اراوي
اروى : هايات
نجلاء : تلعبين معنا ؟
اروى : ايش
نجلاء : انا ورؤى ونوف وسارة نلعب مونوبولي .. تلعبين ؟
اروى : اوكي ليش لا .. انزلي انا لاحقتك
نجلاء : اوكي

نزلت نجلاء تحت وقعدت على الارض وياهم
سارة : ها نازلة ؟
نجلاء : ايه لاحقتني
سارة : اوكي

نزلت اروى واخذت مكانها في اللعبه
سارة : أي صح اسمعوا .. الملكة حقتي اتفقنا انا وبندر تكون بعد شهر شرايكم ؟
اروى : مو كأنه بدري
سارة : الا بس انا وراي مشاوير بعد بروح الامارات بعد اسبوع وبقعد اسبوعين وارجع .. وشكلي بشتري فستاني من هناك بعد .. وبعد الملكة بشهرين العرس .. وبعدها كوومة مشاوير ..حتى يمكن شهر عسل مانروح

نوف : يؤ ليه كذه .. ما تقدرين تاجلين مشاويرك شوي ؟
سارة : مع الاسف لا
نجلاء : يوووه يلا بتلعبون والا شلون
نوف : لالا خلاص بنلعب .. اكلتنا بقشورنا وجع
سارة : من جد ههههههه
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما عند وئام

قاعده تتعشى في غرفتها
مالها خلق تنزل .. رن جوالها باسم almasoo 2
اخذت الجوال بعصبيه وردت : نعم
تركي : وئام شفيك صار لك كم يوم ما تردين علي
وئام : ايش اسويلك اذا انت فرقتني عن اعز صديقاتي
قفلت السماعه في وجهه ونزلت دموعها غصبن عنها

حست فجأه انه تركي ماله دخل
هي اللي اتسببت هذا لنفسها .. وهي اللي جنت على نفسها ذا كله

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

في السنبوك ..

جلسوا رندا وريناد وعبد الرحمن في الطاولة اللي حجزوها وجاهم الويتر بالمينيو

اما في طاولة ثانيه ..

الوليد : اقول راشد .. هذا مو كانه عبد الرحمن ؟
راشد : ايه والله هو .. قوم نسلم عليه
الوليد : تبي تروح انت روح .. انا مو رايح
راشد : افاا ليه ؟
الوليد : مشكله بسيطة
راشد : افا عليك بس .. امشي بس سلم
الوليد : اوكي امرنا لله

مشوا الوليد وراشد لطاولة عبد الرحمن : السلام عليكم
ررفع عبد الرحمن عينه وشاف راشد ومعاه الوليد : وعليكم السلام .. هلا راشد شخبارك
الوليد ابتسم .. كان متوقع اكثر من كذه
راشد : الحمدلله تمام .. انت شخبارك .. ومبروك عليكم
عبد الرحمن : الله يبارك فيك
راشد : وشخبار الوالد عساه بخير
عبد الرحمن : والله الحمدلله
راشد : الحمدلله .. يلا مع السلامة نستأذنك
عبد الرحمن : اذنك معك

رجعوا الوليد وراشد لطاولتهم والوليد عينه على رندا

لاحظة عبد الرحمن ونادا على الويتر يجيبلهم بارتشن " مثل الحاجز يحطونه في المطاعم "

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اليوم الثاني
الساعه 7 الصبح ...

ريم قامت من النوم وطالعت حولينها .. مسكت راسها .. للحين يعورها بس خف الالم عن امس كثير
قامت على حيلها وراحت الحمام .. طلعت ولبست ملابسها وجت تفتح الباب بس كان مسكر

اتنرفزت وقالت " اكيد هذا الغبي محمد وجع "

راحت عند التلفون ودقت على غرفة الشغالات

سنتيا : يس
ريم : سنتيا تعالي افتحي باب الغرفه حقي بسرعه ابغا اروح المدرسه
سنتيا : بس بابا محمد يقول لا افتحي
ريم بصراخ : الله يلعنك انتي وياه .. اقولك امشي افتحي بسرعه
خافت سنتيا وراحت فتحتلها الباب وجهزت لها الفطور وراحت وياها للمدرسه تشيل عنها اغراضها

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

دخلت ريم المدرسه رافعه راسها وتمشي بثقه وغرور ودخلت الفصل

الحصة كانت باديه ودخلت وقعدت وطنشت الاستاذه اللي واقفه تشرح

الاستاذه : ريم ليش متاخرة
ريم : الواحد قايم الصبح ليش يتاخر ؟؟ كنت نايمة
الاستاذه : ورحتي عند استاذه اماني ؟
ريم : افففف لا
الاستاذه : انزين روحيلها الحين .. ومو داخله الا اذا رحتيلها
ريم : اففف مو رايحه .. ارتحتي ؟
الاستاذه : ريم روحي ويالله صباح خير
ريم : اقول كملي بس كملي بتخلص الحصه
الاستاذه طنشتها وكملت شرح وريم حطت العبايه على الطاولة وحطت راسها عليها تسولف مع اروى

اروى : غريبه شفيك متاخرة ؟
ريم : امس التبن محمد ضرب راسي على الجدار وطحت على الارض وتركني .. لا وقفل علي بعد
اروى : اف .. ليش ؟؟
ريم ماحبت تقول لاروى انها دفت امها وطاحت ودخلت العنايه المركزه .. الخ : اهبل .. ماما راحت المستشفى وقلت له الحين بتطلع لا تخاف قام سوى كذه
اروى ما اقتنعت .. وحست انه ريم مسوية شي كبير : اها

الاستاذه : اروى وريم .. ما تبون تسمعون اطلعوا برة
اروى بغرور : لو سمحتي مو انتي اللي تطرديني
الاستاذه تبغى تتكلم بس مو قادره .. تعرف اروى وعمايلها .. طنشتها وكملت شرح
ريم انفجرت ضحك على شكلها وهي تحاول تتكلم ومو قادره
مسكت الطبشورة وضغطت عليها بيدها بس ضحك ريم زاد عصبيتها .. ورمت عليها الطبشورة بتهور
الطبشورة جت في عين ريم وغبارها تناثر في عيونها
ريم : آآآه
فركت عينها اكثر من مرة تخفف من حرقانها وقامت بسرعه وطلعت للحمام .. غسلتها بموية بارده ونزلت عند الدكتورة

بعد فترة جا نداء لغرفة المعلمات ينادون استاذه رهام " اللي كانت عليهم "

في غرفة المديرة : ايش هذا اللي سويتيه يا استاذه رهام .. ما عهدناك تسوين في بناتنا كذه
أ . رهام : استاذه عبير انتي ما شفتي ايش يسوون بالحصه .. متاخرة .. وتسولف .. وقلة ادب .. ايش هذا .. كل هذا وما تبيني اعصب

المديرة فهمت انه الاستاذه ما مسكت اعصابها على قلة ادب ريم ووقاحتها وقالت : اوكي اطلعي انتي الحين يا ريم وانا بتفاهم مع استاذه رهام

ريم : اوكي
حركت حواجبهاا وطلعت من الغرفه وهي تطالع أ. رهام بنظرات انتصار


في الفصل

اروى : ها شصار ؟
ريم : لاتخافين باخذ حقي منها
اروى : تعجبيني
ريم : ولوو وما اكون انا ريم اذا ما طلعت من المدرسه اليوم قبل بكرة

في الشركة عند محمد

السكرتير بلهجته المصريه : استاز محمد حضرتك المستشفى دقت عليك .. احولها والا ازاي ؟
محمد ترك اللي في يده بسرعه : ايه اكيه وبسرعه
حوله السكرتير الخط ورد عليه محمد

محمد : ايوا السلام عليكم
الدكتور : وعليكم السلام .. اخوي محمد ؟؟
محمد : ايه نعم
الدكتور : انا الدكتور عصام من مستشفى الـ .....
محمد : خير دكتور الوالده فيها شي
الدكتور : .................[/color]

نهاية البارت الرابع عشر

--------------------------------------------------------------------------------

 

[كفاني عذاب]

<<<< الفصل الخـــامس عشـر >>>>


الدكتور : ممكن تتفضل عندنا المستشفى اذا تبغى .. لا تخاف امك بصحة وعافيه الحمدلله
محمد بارتباك مو داري ايش يسوي : اوكي اوكي .. فمان الله

قفل محمد من الدكتور وقام من المكتب واخذ اغراضه وطلع

ركب سيارته ومشى باسرع ماعنده على المستشفى

دخل بسرعه وراح عند مكتب الدكتور

الدكتور : اهلين استاذ محمد .. اتفضل اقعد
محمد : بشر دكتور كيف الوالده ؟
الدكتور نزل راسه بأسف : والله مدري ايش اقولك يا اخ محمد بس امك ما قامت للحين
محمد بصدمة : نعم ؟؟ ما سمعت ؟ وشو ما قامت .. ؟
نزل راسه وقال بصدمة اكبر ؟ : يعني .....
سكت .. ما يبغا يقولها .. بس كمل عنه الدكتور
الدكتور : ايه نعم .. امك دخلت في غيبوبة والغالب في مثل هالحالات تكون شهور لا اكثر
محمد طالع في الدكتور بحقد .. بعد ييقولها بكل بساطة .. قال شهور قال
محمد وخانقته العبرة : اقدر اشوفها ؟
الدكتور : اكيد .. اتفضل معاي

مشى محمد مع الدكتور وهو يجر رجوله جر
مرت قدامه لحظات مع امه

تأكله وتشربة وتلعبه وتلبسه وتروشه .. كيف ما تسوي كل هذا وهو بكرها وقبل ما يكون بكرها هو ولدها .. من لحمها ودمها

دخل الغرفه اللي كان نورها بسيط بالمرة وحول امه الاجهزة

تقدم لعندها وباس راسها ومسك يدها البارده .. دمعت عيونه وهو يشوف امه بهذا المنظر
مرت قدامه لحظات وفاة ابوه .. وكانها صارت اليوم مو قبل 3 سنين

للحظات حس بالكره والحقط على ريم .. هي اللي وصلتها لهذي الغرفة وهي اللي سببت لها كل هذا
قام بسرعه من مكانه وطلع برى الغرفه متوجه لبوابة الخروج

ركب السيارة و اتوجه للبيت بسرعه

محمد : سنتياااااااا .. سنتياااا وصمخ
سنتيا ركضت عند محمد بخوف : يس مستر
محمد : عطيني مفتاح غرفة ريم
سنتيا بخوف ودقات قلبها تتسارع : بس مس ريم روهي مدرسه وهو ياخد مبتاه " مفتاح "
محمد فتح عيونه على اخر شي واتقدم لعندها ومسكها من بلوزتها : يا حيوانه انا مو قايل لك ما تطلع
سنتيا خلاص بغا يغمى عليها .. رماها محمد على الارض بدفاشه وطالع في ساعته .. لسه الساعه 12 الظهر .. ركب سيارته بسرعه وراح للمدرسه يطلعها استئذان .. مو فاضيلها ينتظرها ساعة ونص


ريم في المدرسه استغربت من هالاستئذان المفاجئ واخذت اغراضها وطلعت
بس اول ما شافت انه اللي في السيارة محمد جت تدخل المدرسه بس محمد سبقها ونزل من السيارة وركبها بالغصب
محمد : ادخلي يا مال الوجع والنكد .. الله لا يوفقك لا دنيا ولا اخرة يا بنت الـ .....
ريم تطالع فيه مستغربه ومبسوطة انه معصب .. وقعدت تطالعه بنظرات برود تزيد من عصبيته
محمد : تدرين انك دخلتي امك في غيبوبة يا حيوانه يا ملـ ..............
ريم ببرود كبييير : عادي .. نرتاح منها ومن شكلها المقرف كم سنه .. وياريت تموت بعد مرة وحده يكون احسن

محمد طالعها بنظرات صدمة وحرك السيارة بسرعه ووده يرميها منها ويرتاح منها ومن مشاكلها اللي ما تجيب الا عوار الراس

محمد : وبعدين من بكرة ما اشوف رقعه وجهك ..
ريم : لا والله ؟ عادي بعد يكون احسن اني ما اشوف وجهك

محمد كمل طريقه بصمت قبل لا يتهور ويرميها صدق

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما في المدرسه عند البنات ..

وقت فسحة الصلاه هديل معاها تينا توضيها وتلبسها العبايه وتساعدها عشان تصلي

البنات من الفصول الثانيه متوسط وثانوي وقت ما كانت تينا تساعد هديل كلهم متجمعين عند الباب يشوفونها .. خبر هديل انتشر بالمدرسه انه وحده في فصل ثالث ثانوي ما تمشي !!

هديل تطالع فيهم وفي عيونها الف دمعه .. ودها تروح وتطردهم وتقولهم انها تقدر تتعافى وانه هذي بس فترة وتعدي لكن ما بيدها تسوي شي .. صارت شي شاذ بالمدرسه .. لو انها نقلت لمدرسه معاقين كان احسن لها ولكرامتها
على الاقل هناك محد يطالعها بهالنظرات لانهم كلهم مثلها

صلت ودعت ربها يشفيها ويساعدها في ظروفها القاسيه هذي
راحت تينا للحمام تجيب المنشه حقت هديل اللي نستها هناك و اروى توها داخله الفصل مع شلتها وضحكهم العالي

طالعت في البنات بخبث واتقدمت عند هديل اللي كانت ساجده على الطاولة وشكلها مطولة

مسكت الطاولة وسحبتها بقوة خلت راس هديل يطيح بقوة لانها كانت سانده راسها على الطاولة ومعتمده عليها في السجود

غمضت عيونها ونزلت دموعها على حضنها لكنها كملت صلاه وما اهتمت لاروى

اما البنات اللي كانوا عند الباب يراقبوا الماس وهي تصلي شهقوا من حركة اروى الجريئة لبنت ضعيفه مثل هديل ..

في هالوقت سلمت هديل وختمت صلاتها وفسخت اكمام العبايه وقربت كرسيها لعند الطاولة بهدوء وبدون اي تعليق

اروى رفعت حاجبها وعلى وجهها ابتسامة الخبث والمكر ورجعت لمكانها
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

الساعه 2 ونص الظهر

رجعت شوق من المدرسه وندى من الجامعه وسعود ويزيد وابو سعود من شغلهم والكل متجمع على الطاولة للغدا

ندى كانت في جناح جنا وسعود ويسولفون في الصاله الصغيرة

في هالايام القليله اللي عاشتها جنا في بيت اهل سعود انسجمت مع ندى وحستها انها نفس طبايعها في الرقه والشفافيه والدلع لكن ندى على ارقى .. جنا تهتم في نفسها ولكن مو كريمات وميك اب .. جنا انسانه راقيه ومؤدبة لكن مو عشان البريستيج

وندى عكس شوق العربجيه اللي ما تعرف لا بريستيج ولا دلع .. اللي دايما نص يومها بالنادي او في غرفتها اللي كلها صور ممثلين وممثلات واغاني راب اعلى صوت

ندى : ترى اليوم بعد المغرب في بيت جدي كالعاده
جنا : اووه .. ما اتذكر اني رحت بيت جدك الا مرة وحده قبل لا اسافر
ندى : الا صح ما حكيتيني وين رحتي في جنيف .. اكيد اخوي ما قصر وطلعك ووراك جنيف كلها ههه
جنا رجعت فيها ذكرياتها لاتعس شهر عسل في العالم بس ما بينت شي لندى وضحكت لها وصرفت الموضوع بسرعه
جنا : مممم ايش بتلبسين اليوم في بيت جدك ؟
ندى : ممم عندي فستان فوشي كوكتيل للركبه ومن ورى في مثل الفيونكة كبيرة نوعا ما
جنا : اهاا ..
ندى : وانتي ايش رح تلبسي ؟
جنا : ممم ما ادري تعالي معاي نشوف بما انه سعود ما دخل ينام
ندى : اوكي

دخلوا الغرفه وفتحت لها جنا الدولاب وتركت ندى تتفرج وتختار لها

مسكت فستان طويل ذهبي كوكتيل ووراه ذيل طويل تقريبا : هذا حلو
جنا : ندى من جدك ؟؟ هذا حق سهرة
ندى : عادي لازم تتعودي .. وترى مارح نكون لحالنا .. في معارف جدي وجدتي اكيد بيجون .. والسهرى لآخر الليل والكل بيكون لابس كذه
جنا : يوووه تصدقين مالي خلق
ندى : ههههه نفس حالي .. تخيلي هذا العذاب كل اسبوع
جنا : بعد ؟؟ اجل الله يعيننا
ندى : من جد
جنا : وايش احط ميك اب ؟
ندى : حطي احمر او زيتي
جنا : مممم لا بحط احمر .. شافوني بالذهبي والزيتي
ندى : حلو

فجأه فتحت شوق الباب بأقوى ماعندها وصرخت : بوووووووو
جنا وندى لفوا عليها بسرعه وكل وحده قلبها صار عند رجولها
ندى : وجع ان شاء الله الله ياخذك كذه احد يدخل
شوق : ايش اسويلكم اذا انتو مرة هاديين .. تعالوا عازمكم على غرفتي
جنا : والله ؟ يلا فرصه اشوف غرفتك
ندى : لالا ما انصحك بتتخرعين
شوق : ندى اكرمينا بسكاتك والا بخليك تقعدين برى زي الشحاته
ندى : يا اللله مرة انا ميته على عزيمتك .. اقص رقبتي اذا ما شغلتيلنا فيفتي سنت او آشر
شوق : اسكتي بس اسكتي ..يلا جنا تجين ؟
جنا : اوكي يلا .. يلا ندى
ندى اتنهدت : يلا

اتوجهوا لغرفه شوق وقبل لا يفتحوا الباب صوت الاغاني يدرج الجدران ..
فتح لهم الباب وقالت : تررررااااا
دخلوا جنا وندى الغرفه سادين اذانيهم من الصوت العالي وجنا تطالع الجدران اللي كلها صور شوق مركبتهم مع الفنانين .. تبوسهم وتحضنهم وجنبهم وشالينها وكلها تركيــب

جنا : هههه شوق عليك غرفه .. كيف تنامين في غرفه كذه
شوق : هههههه بالعكس ونآسه
جنا في هاللحظة عرفت انه شوق مراهقه من الدرجة الاولى من الرجه والهبال

ناظرت في الرفوف لقت عليها كؤوس من النوادي وشهادات واوسمة .. والرف الثاني صورها مع صديقاته ومدربينها في النادي .. لاحظت صورة حصان وعليه شوق
جنا : اووه شوق راكبه حصان مين ؟
شوق ناظرت في الصورة .. : اووه هذا وودي حصاني في مزرعة جدوو
جنا : وبعد تحبين الخيل ؟
شوق : اموت فيهم .. وخصوصا حبيبي وودي
جنا : غريب لونه اسود
شوق حركت حوجبها فوق وتحت بابتسامة واثقه : احلى
جنا ابتسمت لتفكير شوق الغريب وطالعتها وهي تحوس داخل ثلاجه صغيرة حاطتها في الزاوية ..
طلعت منها كيس شوكالاتات وفتحته ورمت على ندى وجنا الحلويات .. وطلعت العصير وحطته فوق الثلاجه يلا نحتفل
ندى : بمناسبه ؟
شوق : بمناسبه انه دوري الباسكت قرب
ندى : يالطيف على الفضاوة
شوق : ندى يا حمارة ما تبين انقلعي برة
ندى : افف وجع طيب ما قلنا شي
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اروى : ممممممم يعني خلاص اكيد بكرة ؟
عبد العزيز : يس
اروى : وفي نفس الاستراحه ؟
عبد العزيز : يس
اروى : اوكي بشوف وئام و ريم اذا بيجوا او لا
عبد العزيز : ولازم يعني ؟ ما ينفع نكون لحالنا شوي ؟
اروى : ماهو بنقعد لحالنا بس يجون معي على الاقل
عبد العزيز: مارح نكون قاعدين براحتنا
اروى : ليش ؟ والمرة اللي فاتت اخذنا راحتنا وعادي
عبدالعززيز : لا تحسبيها مرة .. كانت اخلاقي واصله حدها وماقعدت معك زين

اندق الباب
عبد العزيز : دقيقه اراوي
اروى : اوكي
حط يده على سماعة الجوال : ميين ؟
هديل من ورى الباب : ممكن ادخل
عبد العزيز : اوكي دقيقه بس

همس اروى : اوكي بيبي بكلمك بعد شوي اختي تبيني
اروى : اوكي .. انتبه على نفسك
عبد العزيز : اوكي وانتي بعد .. باي حياتي
اروى اتنهدت : باي

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

سكرت اروى منه واتنهدت بضيق .. ليش يتهرب منها ؟ معقوله اخته تبغاه والا يصرف بس ؟
قامت من الكنبه الهزازة واتوجهت للدولاب تطلع فستان تلبسه لحفلة بكرة
دخلت عليها نجلاء بسرعه وجت من وراها شوي شوي خرعتها

اروى شهقت : يا حمارة يا نجلاء كم مرة اقولك دقي الباب
نجلاء متسدحة ضحك على شكل اورى وعيونها اللي شوي وتطلع من مكانها من الخرعه
اروى زهقت من ضحك نجلاء : افففف بغيتي شي ؟
نجلاء : سلامتك بس اليوم بنروح عند جدوووو " حركت حواجبها تقرها "
اروى : يووه صح اليوم اربعاء .. اففف .. ايش رح تلبسين ؟
نجلاء : مممم افكر البس مثل الكاو بويز
اروى : ممم حلو والبسي الكاب المعووج حقة ذاك بعد وافتحي شعرك وتعالي اسوي لك الميك اب
نجلاء : اكييد .. وانتي ايش رح تلبسي ؟
اروى : ممم ماادري .. شوفي ايش تختاري لي ؟
نجلاء تطالع في الملابس : مممممممم المشكلة كل ملابسك قصيرة ههه
اروى : لا في هناك ملابس عاديه
نجلاء راحت مكان ما قالت لها اروى ولفت نظرها تنورة طويله موديها نفس موديلات تنانير الرقص المصري .. وفيها اجراس وغجريه بشكل مو صاحي
نجلاء : هذي تجنن .. وحرة بعد واجراس ذهبيه .. خياال
اروى : لا والله تبين حريم عماني المعقدين ياكلوني شوفي كيف مفتحة من كل مكان
نجلاء : هههههههه ايه والله وانتي الصادقه .. خصوصا مرت عمي حمد
اروى : اف يا كرهي لها .. يلا دوري شي ثاني
نجلاء : ممممممممم .. البسي الافرول الاسود الجلد اللي كنتي بتلبسيه من اول بس ما رحتي معنا
اروى : ايه صح ذاك جديد وما شافوني فيه
نجلاء : تمام .. " طالعت في ساعتها " .. صارت الساعه 6 ونص .. بروح البس واجيك عشان تحطي لي الميك اب
اروى : اوكي ويلا انا بعد بلبس .. وقولي لفهد بطريقك لا يروح ينتظرني عشان اجي معه
نجلاء : اوكي

طلعت نجلاء من غرفه اروى

وراحت لبست في غرفتها

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما عند ريم ..

مافي احد في البيت الا ريم والخدامات وكل اخوانها راحوا المستشفى عند امها

ريم في غرفتها معليه على صوت الاغاني وترقص بغباء ومبسوطة .. شوي ويرن جوالها
كشرت وجهها ووطت على الاغاني بعصبيه وردت
ريم : نعم ؟
اروى : خير ؟ شكلك ما شفتي اسمي على الشاشه
ريم : اففف اروى خير تبين شي ؟
اروى : هيه انتي .. تراني مو اصغار عيالك .. كلميني زين فاهمة
ريم : اوكي عمتي .. بغيتي شي ؟؟
اروى : ايه بغيت .. جايه بكرة الاستراحه او لا ؟
ريم بخبث : وشو اشوف عاجبتك الشغله ؟
اروى : كل شي عشان خاطر عزوزي يهون
ريم : اف لا يكون طبيتي ؟
اروى اتنهدت : ما ادري يا ريم .. احس لو يمر يوم وما اكلمه يكن في شي ناقص
ريم : لالا اشم ريحة حب هنا
اروى : آآآآه بس من الحب اذا كان كذه تعذيب
ريم : ههههه بس بقولك ترى ما رح اجي
اروى : ليييه مارح اروح لحالي .. وبعدين هو سواقك اللي يدل الاستراحه
ريم : ليه بعد سواق وئام يدل
اروى : يووه صح وئام نسيتها .. ليه ماصارت معنا مثل اول البنت ذي ؟
ريم : مدري عنها .. خلي الماس الخايسه تنفعها
اروى : اهاا اذا كذه اجل تخسي ههه
ريم : وانتي الصادقه .. شوفي كلميها يمكن تروح
اروى : اوكي باي
ريم : باي

سكرت اروى من ريم ودقت على وئام

وئام بصوت تعب : هاي اراوي
اروى : اف وئام شفيك تعبانه ؟
وئام : بس صداع .. بغيتي شي ؟
اروى : اها .. ايه بس بقولك اذا تبين تجين معي الاستراحه بكره
وئام : طيب يمكن انسى من همي شوي هناك
اروى : تمام .. يلا اجل تمريني بكرة الساعه 9 عشان نروح
وئام : اوكي
اروى : يلا باي
وئام : باي

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

نروح عند جنا وسعود ..

سعود كان يبدل ملابسه .. لابس بنطلون جينز عادي وتي شيرت اسود . وحاط جل على شعره ولابس جزمة رياضه سودا
جنا لبست الفستان اللي قالت لها عليه ندى وحطت ميك اب احمر ولبست صندل احمر بعد وسشورت شعرها و سوت حركة فيه حلوة

طلعت من غرفه التبديل وسعود يربط جزمته
رفع راسه وطالع فيها ببرود كعس اللي داخله .. من داخله مبهور من شكلها الانثوي بالفستان الناعم عليها

حزت هالنظرة في خاطر جنا كثير كان ودها يطالعها بانبهار ويقولها كلمات لا تنوصف باعجابه فيها
طالعت في نفسها بالمرايا يمكن يكون شكلها غلط والا الميك اب مو حلو او الفستان مو حلو عليها .. بالعكس طالعه تجنن والفستان لايق عليها كثير .. وحتى الميك اب حاطته بطريقه حلوة ومطلعها جنآن .. بس ليه يطالعها كذه ؟؟

طلعت شنطة مناسبه وحطت فيها الاغراض اللي تحتاجها واخذت عبايتها ولبستها ونزلت ولا اهتمت له
شافت يزيد وندى قاعدين في الصاله .. يزيد لابس وخالص و ندى قاعده بعبايتها تنتظر مع يزيد

لفت ندى تشوفها وصفرت باعجاب : وااو جنا غطيتي علي هههه
جنا : هههه لا تبالغي
ندى : لا ولله جد شكلك طالع جنآن
جنا ابتسمت لها : تسلمين انتي اللي تجنني
يزيد كان قاعد يدخن وسرحان وبالمرة مو معهم

نزلوا البقيه و ركبوا السيارات
جنا وسعود في سيارة
وندى ويزيد وشوق مع بعض في سيارة
وابو سعود وام سعود في سيارة

الكل وصل بيت الجد
والرجال ملحق والحريم بملحق

اروى كانت تطالع جنا من فوق لتحت بنت الكلب طالعه حلوة .. شافتها تسولف مع اخواتها وندى بعد معهم الا هي قاعده مع بنات عمها حمد المعقدين واللي شوي وياكلونها بعيونهم على اللي لابسته
قامت من مكانها بسرعه وجلست جنب نجلاء

شوي ويطلع صوت الجده تنادي على جنا : مبروك حبيبتي الف مبروك
اروى باستهزاء تكلم ندى : هههه وشو الجده مضيعه توها تدري انه سعود تزوج ذي
ندى : هههههه لا يا هبله تبارك لها على حملها
اروى لفت على ندى بصدمة : نعم ؟ متى امداها تحمل ؟
ندى : ههههه شفيك كذه صلي على النبي
اروى رجعت وجهت نظرها لجنا المستحيه وتجلس جنب الجده
طالعت في بطنها اللي حتى ما برز
لفت على ندى وقالت بحقد : وفي أي شهر الهانم ؟
ندى مستغربه من طريقه كلام اروى : لسه في الاول .. واظن انها داخله الثاني بعد اسبوع
اروى رفعت حاجبها : اها

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

في الجهه الثانيه فيصل يبارك لسعود من قلبه .. اخيرا رح يلهى عن اروى ويتفرغ لولده او بنته اللي جايين بالطريق
وفهد يبارك من دون نفس
فهد اخلاقه مثل اخلاق اروى .. ما يطيق احد ونفسه في خشمه عشان كذه بعد يكره هديل




; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما عند وئام ..

كانت على سريرها تبكي .. خلاص تعبت من صد الماس .. تعبت من فراقها .. تعبت من فراق صديقة عمرها
وتدعي ربها يصير اللي تبيه وماسكة الجوال بنفاذ صبر تنتظر الرد

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

نروح عند الماس شويتين ونمر بعدها على عيال عم وئام

الماس في غرفتها توها طالعه من الحمام متروشه وقاعده تمشط شعرها
دقت الخدامة الباب وفتحته بعدما اذنت لها الماس
الخدامه : مس الماس .. مستر تركي تحت يبغا انت
الماس تنحت في وجه الشغاله دقيقتين وحطت بعدها الفرشه على التسريحه ونشفت شعرها ونزلت له

تركي مد يده لها وصافته واشرت له يقعد

تركي : كيفك الماس ؟
الماس : بخير الحمدلله انت شخبارك ؟
تركي : تمام

لحظة صمت بين الاثنين .. وقطع هالصمت دخول الاخدامة معها العصير

الماس بغباء : بغيت الوالد ؟
تركي ابتسم : لا ابيك انتي
الماس : اتفضل قول وش بغيت ؟
تركي : هو سؤال واحد فقط لاغير .. ايش صار بينك وبين وئام ؟؟
الماس : ههههه ولحقت تشتكي لك ؟
تركي : ارجوك جاوبي على السؤال
الماس : ارجوك تركي لا تتدخل
تركي : شلون وهي قايلتلي اني انا السبب في اني فرقتكم
الماس قامت من الكنبه وقالت باستهزاء : هههه لا وتعلق اغلاطها عليك .. مستخدمتك شماعه الاخت .. مع الاسف خانت عشرة سنين .. طلعت على حقيقتها .. مسكينه تعبت من القناع اللي لابسته هالخاينه

تركي رفع حاجبة وطالع فيها باستغراب

اتقدم لعندها : موانتي يا الماس اللي تقولين كذه .. .. كنتي دايما تدافعين عنها ؟ الي كنتي تنكرين كل كلمة شينه تنقال عنها ؟ مو انتو كنتوا تتسمون بالتوأم .. ليه تكون النهايه كذه ؟
الماس نزلت دموعها
قالت بصوتها المبحوح : بس ليه سوت كذه ؟؟ ليه كلمتك ؟
تركي : ليش تفكرينها خيانه ؟؟
الماس سكتت ولا عرفت ترد
تركي : الماس انا احب وئام

الماس طالعت فيه ببرود والصدمة تاكلها من داخلها
تركي كمل .. : تعرفي انها طلبت مني اجيك هنا .. تعبت من صدك يا الماس .. ترضينها لصديقة عمرك ؟
الماس ما قدرت تسمع كلام تركي الباقي .. طلعت فوق بسرعه ورمت نفسها على سريرها تبكي بقهر

تركي تحت ماسك جواله .. ما يدري وش يرد على وئام ..
" تلاقيها الحين تنتظر على نار "

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما عند بيت ابو عبد الرحمن

الكل قاعد في الصاله اللي قاعد يتفرج تلفزيون واللي على اللاب توب واللي يقرى .. الخ من وضعيات
عبد الرحمن متمدد على الكنبه وماخذ مكان ريناد اللي قاعده تحته وعلى حضنها اللاب توب

حاط يده على راسه وقال لريناد : اقول ريناد .. ما تعرفين انتي وئام وليان بنات عمي ؟
ريناد : وئام ما اذكرها كثير بس اعرف ليان لانها معنا بالجامعه .. واكيد وئام بتلحقها على نفس الجامعه السنه الجايه لانها اصغر مننا بسنه
عبد الرحمن : وكيفهم طيبين
ريناد : مممم ليان ايه حبوبة وفرفوشة اشوفها كثير بالجامعه وبس بيننا سلام من بعيد
عبد الرحمن : اها ..
ريناد لفت عليه : وليش تسأل
عبد الرحمن : بنات عمي وانا حر
ريناد : اوكي وانا بسالك ..
عبد الرحمن : خير ؟
ريناد : ليش بعد ما طردك عمي من بيته ذاك اليوم ما تطي سيره الوليد على لسناننا مع انك كنت مرة صديقه الروح بالروح حتى بعد ما انفكت الشراكة
عبد الرحمن حرك عينه على رندا ولقاها تاركة اللي في يدها عشان تعرف ليش الوليد على لسانهم .. رجع طالع في ريناد وضربها على راسها .. : مالك دخل ..
ريناد تقلد صوته و تتطنز : ولد عمي وانا حرة
عبد الرحمن ضرب راسها بالخفيف : اكرمينا بسكاتك بس

لفت ريناد عنه ورجعت للي في يدها

ما عبد الرحمن حط يده على راسه يسترجع الاسباب اللي خلته يبعد عن ولد عمه ونصفه الثاني الوليد
ويحاول يعرف صحة اتهامات عمه الكذابه اللي رماها عليهم بدون أي تحقيق سواه عشان تاكد اقواله

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

نرجع لبيت الجد شوي ..

في وقت العشا جنا وندى قاموا حطولهم وجلسوا على الطاولة وجو معهم البنات .. اروى طلعت من الملحق وقعدت في الحديقه ووقفت قدام البركه عاضة باسنانها على اضفر اصبعها السبابه تفكر وتهز رجولها بعصبيه ..

" بعد حملت جنا يا سعود ؟؟ اكيد الحين بينساني ويتفرغ لولده ومرته المصون .. لكن ما عاش من ينسى اراوي .. اكـرهك واكره زوجتك وولدك يا ...... "
قطع حبل افكارها يد جافه جت على عينها .. حطت يدها على يده ونزلتها بعصبيه ولفت عليه
سعود : يؤ يؤ ليش كل هالعصبيه ؟
اروى وحوجبها واحد فوق واحد تحت : وبعد تسأل مو داري عن مرتك شكلك
سعود ارتبك اول ما حس انها درت عن حمل جنا
اروى نزلت دموع التماسيح بمهارة ومثلت البكا وقالت بصوت مصطنع مبحوح : انا قايله الحين بتنساني و ..
سعود حط يده على فمها يسكتها وقلبه تقطع على شكل اروى وهي تبكي او بالاحرى تتصنع البكا : الا بنت الفقر ما تشغلني عن حبيبتي وقلبي وحياتي اراوي
اروى : اكيد ؟
سعود : اكيدين
ابتسمت اروى بانتصار وقطع هالابتسامة صوت نانسي تغني نغمة مميزة حاطتها اروى لشخص حست انها بدأت تذوب في هواه

ارتبكت وطلعت الجوال تبين لسعود انه مكالمه عاديه .. ردت بصوت يرتجف ونظرات سعود المستغربه زادت من حالها
عبد العزيز : لها حبي كيفك ؟
اروى : هلا
عبد العزيز : كيفك ؟
اروى : تمام
سكتت اروى .. ما تبي تكلم بد العزيز صفة المؤنث وتخليه يسكر .. ولا تبي تمشي من المكان ويشك في امها سعودد وتخرب كل مخططاتها
عبد العزيز : وانا ما تسالين عني ؟
اروى اخيرا لقت لكلمة لمناسبه وقالت : الا شدعوة اخبارك ؟؟
عبد العزيز : بخير ...

سكتت اروى وسكت عبد العزيز

رفعت عينها مالقت سعود قدامها .. التفتت تدوره لكنها مالقته
اتنهدت بعدها بارتياح وجلست على الكراسي الموجوده جنب البركه
اروى : سوري بس ما كنت لحالي
عبد العزيز : اهااا .. وانا اقول شفيك خرعتيني
اروى بدلع : ليش تخاف علي ؟
عبد العزيز ابتسم : اذا ما اخاف عليك اخاف على مين ؟
اروى : ياعمري انت
عبد العزيز ما استوعب : ايش ؟
اروى بغباء : ايش ؟؟
عبد العزيز : ايش قلتي من شوي ؟
اروى : ما قلت شي
عبد العزيز : ههههه قولي انك مستحيه تقولين
اروى ماعت : عزييييز
عبد العزيز : عيونه
اروى : احبك
عبد العزيز اتنهد : ياويلي منك بس
اروى : .....

بعد فترة من السوالف سكرت اروى من عبد العزيز ورجعت دخلت داخل .. شافت جنا قدام المرايا وبعد ما خلصت مشت تدخل الصاله

مشت اروى بغرور ودعست على طرف فستان جنا وكانت شوي وتطيح بس مسكت في الجدار ووازنت نفسها
طالعت وراها تشوف مين اللي سوى كذه بس مالقت احد .. رفعت الطرف ومشت بهدوء وجلست جنب البنات

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

صارت الساعه 2 الفجر والكل طالع وراجع بيته

في سيارة سعود

جنا كانت ساكته تراقب سعود وهو ورى قاعد عند شنطة السيارة ما تدري وش يحوس فيه
دقايق ورجع دخل سعود السيارة واشتغلت اغنيه من اغاني عباس ابراهيم
بس بصوت احد ثاني جنا مشبهه عليه وسمعته قبل كذه

ارمي بروحي في بحر كالزلالِ
تنسفني امواجه على يابس الجان
اسأل فراشي كيف اقضي الليالي
بالليل لي حال ومعكم لي احوال

سعود كان يسوق وسااكت يسمع الاغنيه وباله مو معه ابد

وجنا قاعده تلعب باظافيرها متنرفزة من تقلبات مزاجه

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

عبد العزيز في غرفته يرسل مسجات لاروى وهو ترد له بالاحلى

طلع عبد العزيز من الغرفه وترك الباب مفتوح على اساس انه راجع الحين

هديل بس شافت عبد العزيز طلع من الغرفه حركت كرسيها ولحقته ..

بس وقفها صوت جواله يرن بنغمة مسج .. اتقدمت لغرفته ومسكت جواله وفتحت الرساله

..................................................

نهاية البارت الخامس عشر

 

[كفاني عذاب]

<<<< الفـصل الســادس عشــــر >>>>


[" لو طالت الايام ماني بناسيك لو طالت المده وطول دهرها
ابيع كل الناس ياشيخ واشريك والناس لاجلك مستعد اخسرها
يفز قلبي كل ما مر طاريك ومشاعري تعن لدارك سفرها
ياكثر ما احبك ياكثر ما اغليك تراك ياغالي عيوني ونظرها "

المرسل " ******** "

راحت للرسائل المرسله بدافع الفضول وقرت اخر رساله

" وش تقول بشخص مثلي مات فيك حبك لحد الجنون وما اكتفى
لونسى عمره وروحه ما نسيك دام حبك نبع صافي للوفا
لو تكون بآخر العالم بييك دام شوفك فيه للروح الشفا
كم تتمنى في عيونه يحتويك لجل يسري في حناياه الدفا "

المستلم " ******* "

استغربت من الاسم اللي حاطة عبد العزيز " ******* " بس نجوم !!

ابتسمت .. شكله اخوها عايش قصه غراميه مهبله فيه
دخلت عبد العزيز وشاف هديل في الغرفه وماسكة جواله وتبتسم
عبد العزيز : هلا وغلا هدولة شفيك صاحيه للحين ؟
هديل بابتسامة : ابد .. ماجاني نوم .. وانت ؟ ما وراك دوام بكرة
عبد العزيز : الا .. بس ماجاني نوم
هديل بخبث : ما جاك نوم والا تراسل معشوقتك
عبد العزيز : ههههه ماجاني نوم وقعدت ارسلها عندك مانع هانم هديل ؟
هديل : لا ابد .. انت حر .. بس ليش مو مسميها ؟
عبد العزيز : مممممم ما في اسم يليق لها
هديل : يا الله .. اخيرا صار اخوي العاشق الولهان
عبد العزيز : آآآآه بتذبحني والله
هديل : هههههه الله يشفيك
عبد العزيز : آمين
هديل : يلا انا بروح احاول انام بكرة وراي دوام .. وانت بعد نام .. وعلى فكرة .. وانت برى الغرفه جتك رساله
لفت هديل وطلعت وعبد العزيز مسك جواله واشتغل رسايل ويا اروى

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما في المستشفى عند ام محمد

محمد طول وقته عند امه وخصوصا لما نقلوها غرفه لحالها وصارت بس عايشة على المغذيات
وريم في اليت نايمة في العسل ومحمد مقفل عليها وما يدخلها شي غير الاكل اذا طلبته

الساعه 6 ونص الصبح

صحى محمد من النوم وراح على البيت اتروش وبدل وراح على دوامه .. وعدا قبلها على غرفة ريم سمعها قاعده في الغرفه تغني وطربآنه عالصبح

طنشها و طلع من البيت

ريم في الغرفه قاعده قدام التسريحه على وجهها ماسك وقاعده تحط مناكير وتبرد اظافيرها وتغني
ورايقه على الآخر

شالت الماسك من وجهها وحطت كحل وقلوس ولبست ودقت على سنتيا تفتح لها الباب

ريم: سنتيا يا حيوانه قلت لك امشي افتحي الباب والا مارح يصير لك خير
سنتيا : .......
ريم تصرخ في السماعه : سنتــــــيآآآآآ يا تبن
سنتيا خايفه تسويلها ريم شي صدق بس سكرت السماعه وطنشتها

ريم في الغرفه مقهورة .. : يعني اليوم روحة استراحه وطز ما ابي اروح .. حتى مدرسه ووناسة لا اففففففف

بدلت ملابسها وفتحت اللاب توب وعلى الشات على طول تسلي وقتها مع الغباء اللي هناك

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

هديل قاعده قدام التسريحة تغني وتحط الكريمات والمراهم على وجهها

الدنيا حلوة واحلى سنين
بنعيشها واحنا ياناس عاشقين
ننسى اللي فاتنا ونعيش حياتنا
عالحب متواعدين

خلصت ونزلت معها تينا وساعدتها وركبتها السيارة وراحوا على المدرسه

من دخلت هديل بوابة المدرسة شله بنات يأشرون ويتكلمون

ضاق صدر هديل عالصبح من كلامهم وواضح 100 % انهم يتكلمون عنها ..
طنشتهم ودخلت الفصل وكانت الاستاذه بادية الشرح .. طلعت لها تينا كتبها وجلست في اخر الصف عشان لو تبغى هديل شي


في هالوقت اروى داخله الفصل معها كوب موكا وتشرب ولا همها .. فصخت عبايتها وجلست مكانها
طالعت في مكان الماس لقته فاضي
قالت بصوت عالي : وينها الدفرة ما جت اليوم
وئام انتبهت انه المقعد اللي جنبها فاضي .. واشرت لاروى انها ما تدري

الاستاذه عصبت من اروى اللي مو معطيه اهمية للحصه : اروى وبعدين ؟؟ متى بتسكتين ؟؟ وشيلي اللي قاعده تشربينه .. ما اتوقع انها فسحه
اروى : اووه استاذه مشتهيه واحد مثله ؟؟ لا تخافين اقدر ادق على السواق يجيب لك بس لا تحطين عينك على حقي مابي يجيني مغص
الاستاذه عصبت ودمها طلع لمخها ومو عارفه ايش ترد على وقاحة مثل كذه
اروى ضحكت بصوت عالي على شكلها وكملت : ايه صح .. ترى المديرة تبغى مادموزيل هدييل ..
رفعت هديل راسها بسرعه لاروى وطالعت اروى فيها وضحكت باستهزاء
اروى : هههه اخيرا طلع قرار انها تنقل لمدرسة معاقين ههههههههههههه
هديل فقدت اعصابها .. ماقدرت تسكت اكثر من كذه
وقالت بصوت كله قهر ودموعها تنزل على خدها : الله يحرق قلبك يا اروى على اغلى شي عندك مثل ما حرقتي قلبي
الكل على وجهه اكبر علامة استفهام وتعجب من رد هديل للي ماله معنى بالنسبة لهم !!
اروى ارتبكت وابتسمت تخفي ارتباكها وردت بكبرياء : ههههه انا اروى يا انسه هديل .. واقدر أي شي ارجعة بحركة اصبع .. مو مثلك يا ....
قاطعتها الاستاذه : بس اروى ... اتفضلي هديل عند المديرة
حركت تينا كرسي هديل وطلعت من الفصل على مكتب المديرة

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

نروح عند جنا اللي كانت قاعده في جناحها طفشانه ومافي احد في البيت الا هي والشغالات
ندى وشوق ف دواماتهم .. وام سعود طالعه كالعاده

تتمشى في الجناح بدون أي هدف
شافت التلفون محطوط على طاولة في الصاله الصغيرة .. اتحركت لعنده وجلست على الكنبه ورفعت السماعه وضغطت على ارقام معينه تنتظر الرد

ردت بصوت مرح : هلا
جنا : اهلين .. اخبارك يا دبه
اميرة : تماام انتي كيفك وايش اخبارك ؟
جنا : الحمدلله بخير
اميرة : اعرفك مصلحجية ما دقين على صديقة عمرك اميرة الا اذا تبين شي
جنا : ههههه شف السخيفه ... هالمره ايه .. طفشانه وبطق من الطفش
اميرة : تعالي عندي المدرسه
جنا : أي صح اجي عندك انتظرك في غرفة المدرسات والا احضر حصصك المملة
اميرة : انطمي بس ... كم الساعه عندك ؟
جنا : 9 ونص
اميره تطالع في جدولها : مممممم فاضية الرابعه والخامسة .. والسادسة عند اول ثاوي والسابعه عند ثاني ثانوي .. الثامنه عند ثاني متوسط ..
جنا : قوليلهم انك تعبانه وامشي نروج نتمشى
اميرة : ممممم .. اوكي ليش لا .. يلا سي يو وبرجع ادق عليك .. اجهزي وتعالي مريني
جنا : اوكي تم

سكرت جنا من اميرة وراحت لغرفتها بدلت واخذت عبايتها
نزلت وشافت الخدامات يرتبون المجلس وينظفونة
جنا : مونيكا .. اذا جات مدام قوليلها انا طلعت مع صديق اوكي ؟
مونيكا : اوكي
جنا : روحي قولي للسواق يجهز السيارة
مونيكا : اوكي

جهزت السيارة وطلعت جنا وراحت لمدرسة اميرة
اميرة وهي تركب السيارة : هاااي
جنا : هايات
اميره : وين تبين تروحين ؟
جنا : اول شي ناوية اشتري جوال لانه شكله مستر سعود مو ناوي يشتريلي شي
اميرة : هو لسه على حاله
جنا : كل ما احس انه بدأ يتغير ما يمر يوم الا وهو رجع مثل اول واحيانا اسوء
اميرة : اف
جنا : خلينا في المهم .. وين نروح ؟
اميرة : مممم نروح الظهران
جنا : اوكي يلا

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

هديل قاعده في الفصل .. جابت لها تينا اكلها وخلته على الطاولة
حاطة راسها على الطاولة وتشهق بدموعها سمعت وشوشات في الفصل

سكتت تركز في الصوت سمعت بنتين من اول ثانوي يطالعونها
1 : مسكينه شوفي كيف تبكي
2 : ايه مرة تحزن .. الله يشفيها

هديل بس سمعت كلامهم زادت شهقاتها ..

1 شهقت : سمعتنا
2 : طيب واذا ما قلنا شي غلط
1 : يلا نروح تحت عند البنات بس كنت ابي اوريك ياها

هديل بس سمعت كلمتها زادت بكا بقهر .. اروى السبب .. هي اللي خلتها شي شاذ وغريب وسط البنات بهالمدرسة .. اروى اللي شوهت سمعتها .. اروى اللي خلتها فرجة للناس . الرايح والجاي حتى لو ماكان ناوي يطالعها بيطالعها

رفعت راسها ومسحت دموعها بطرف كمها وبدأت تاكل شوي شوي وهي تتذكر كلام المديرة لها في الغرفه

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

المديرة : اهلين آنسه هديل اتفضلي
دخلتها تينا الغرفه وطلعت وسكرت الباب
المديرة : كيفك الحين ان شاء الله مرتاحه ؟
هديل بصوت مبحوح : ايه الحمدلله
المديرة : ومافي احد بيضايقك كذه او كذه ؟
هديل اشرت لها براسها بمعنى " لا "
المديرة : الحمدلله ..
قامت المديرة من كرسيها ومشت لعند هديل : حبيبتي هديل بما انك الحين صرتي احسن الحمدلله وحالتك استقرت تماما .. بس ابي اعرف منك ايش صر بالضبط يوم الحادث
هديل سكتت .. ما تبغى تقول لاحد أي شي
المديرة : سمعنا انك انتي وكم بنت هربتوا للراشد وقت الفسحة مكان ما لقوك هناك في حمامات الدور الرابع عند المطاعم
هديل : ..........
المديرة : مارح ادخل في العميق اكثر من اللازم .. اللي علي اسويه هو اني اعرف مين سبب كل هذا ؟ وليش ؟
هديل : انامارح اقول شي الحين
المديرة هزت راسها : اوكي تقدرين تتفضلين .. ووقت ما تكوني حابه نسمعك احنا حاضرين
هديل هزت راسها بمعنى اوكي وادت على تينا وجت اخذتها ورجعوا الفصل

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

خلصت الفسحة وطلعوا البنات لفصولهم يستعدون للحصة الرابعه
الماس : ايش علينا ؟
مزون : ممممم توحيد
الماس : مم
جلست الماس مكانها وطلعت كتاب التوحيد تفتحة عشان تراجع الدرس الماضي

لقت كلام مكتوب بخطها وخط وئام

" مجروح قلبي وخاطري مجروح كيف القس ينسى حنان الروح "
" احبها احبها مدري وش اللي بقلبها احبها احبها مدري وش اللي بقلبها ان خانت عهود الهوى الله الله الله الله الله ربي وربها "
" ياخي والله هالاغنيه عذااب "
" من جد .. ما تلاحظين اننا في حص؟ توحيد ؟ "
" ههههه من جد .. لاحظت واحنا قاعدين نغني "
" بس والله شرحها ممل "
" وانتي الصادقه "
" اقول وئاموه .. تعالي عندي اليوم "
" وليش مو انتي تجين كل مرة انا اجيكم "
" اوكي .. الساعه 6 انا عندكم "
" حياك الله "

اتجمعت الدموع في عيونها لحد ما ثقلت وطحت على الحبر وساح في الورقه
انبهت عليها وئام اللي كانت حاطة راسها على الطاولة وكانها حست بثقل دمعه الماس
طالعت فيها لقتها فاتحة على بدايه الكتاب ومكتوب كلام هم كاتبينه .. تذكرت هاللحظة طفشانين وقاعدين يسولفون ..
" يالله وش اشتقت لهالسوالف "
رجعت طالعت فيها لقتها تقلب في صفحات الكتاب تدور على الدرس للي راح وتراجعه قبل لا تجي الاستاذه

اخذوا ثنتيناتهم مزيل وكتبت على الطاولة ..

ماقصرت نست وعدها تاخرت ما قصرت ماجت ولاهي تعذرت خلت لي الليل وسرت ماقصرت ماقصرت ماقصرت
اخ يالقهر لو بيدي كان الجفا حق الجفا لكن قدر اني احب اللي نسا عهد الوفا
مثل الزمان تغيرت لا جت ولاهي تعذرت
مثل الزمان تغيرت ما جت ولاهي تعذرت
خلت لي الليل وسرت ما قصرت ما قصرت ماقصرت
مجروح قلبي وخاطري مجروح ااه كيف القسا ينسى حنان الروح
احبها احبها مدري وش اللي بقلبها
احبها احبها
مدري وش اللي بقلبها
ان خانت عهود الهوى
الله الله الله الله الله ربي ربها
الــله ربي وربها

ابتسموا لما خلصوها . قد ايش كانوا يحبون هالاغنيه .. ويحبون احاسيس عباس ابراهيم الحزينة وهو يغنيها

سكروا المزيل وقربوا وجههم لاشعوريا على الطاولة يشمون ريحة المزيل .. رائحتهم لمفضله ههههه

لاحظت الماس انه وئام سوي نفس حركاتها .. طالعت في الطالوة لقتها كاتبه نفس اللي تكبته .. ولكم خلصت شمت المزيل . حركة دايما يسوونها يشمون ريحة المزيل بعد ما يخلصون منه

طالعت وئام فيها ترددت تبتسم او لا .. لكن ابتسمت بعد ما شافت ابتسامة الماس .. ما توصف راحتها لمن شافت ابتسامة الماس .. ونفس الشي الماس .. ارتاحت لما بادلتها وئام الابتسامة

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

نروح في الظهران مول عند اميرة وجنا

دخلوا محل جوالات لجنا تبغى تشتري جوال

اميرة : شوفي هذا حلو وناعم حتى لونة حلو
جنا : ايه هذا روعة .. مو مثل ذاك استغفر الله كانه ألة حاسبه شكبره

العميل في المحل سعودي وماسك ضحكته من اول على تعاليقهم الهبله على الجوالات
جنا اخذت الجوال وعطته الرجال : ايش مميزاته
الرجال قعد يشرح لها مميزات الجوال نصها ما فهمتها واميره قعدت تشرح لها اياها

جنا : خلاص يعني اخذه ؟
اميرة : لا رجعيه .. ياربي عليك غباء مو صاحي جنا فقعتي مرارتي خذيه لا تقعدين تـ ....
قاطعتها جنا : طيب طيب اف .. " لفت على الرجال " خلاص عطيني اياه
الرجال : اوكي

جاب لها اياه ودفعت حقه وطلعت وفرحتها مو شايلتها
جنا : تعالي نجلس عند المطاعم اشغله


اخيرا اشترت جنا الجوال وشغلته وبعدها راحوا تسوقوا ورجعوا البيت

جنا : تجين عندي ؟
اميرة : لا وشو فرضا زوجك المصون جا
جنا : ما يجي الحين يجي الساعه 2
اميرة : لاا وشو بعد اجي عندك بملابس المدرسة .. تخيلي بس
جنا : امحق يالبريستيج
اميرة : طيب انتي تعالي عندي
جنا : اوكي يلا .. اخاف يروح علينا الوقت وماارجع بدري
اميرة : صار عندك جوال حطي منبه الساعه 1 ونص تنقلعي بيتكم
جنا : شف الحمارة .. طيب علميني شلون ما عرف
اميرة : خل نطس البيت اول بعدين يصير خير
جنا : امشي يلا

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

في بيت اميرة ..

اميرة فتحت الثلاجة طلعت بيبسي وشوكالاتات

جنا : لالالا مافي عصيير او فواكه
اميرة طالعتها بنص عين : ياشينك يوم تمزحين
جنا : لا من جد .. مو زين لي الحين البيبسي
اميرة : وايش معنى الحين ؟
جنا : هو .. ما دريتي اني حامل

اميرة فتحت عيونها على اخر شي : نعــم ؟ من متى وفي أي شهر ؟
جنا : لسه في نهاية الاول
اميرة دخلت الاشياء للثلاجة مرة ثانيه وفتحت الدرج اللي في الثلاجة وطلعت فواكه وسوت لها عصير برتقال
جنا : ههههههه ليه كل هذا اصلا الحين بروح البيت اتغدى
اميرة : ولوو لازم تاكلي يا ام اميرة عشان يطلع البيبي زي البطيخة دب
جنا غصت : ام اميرة ؟؟ وبطيخة ؟ ليييش من قلة الاسامي
اميرة : شف التبن .. اصلا لك الشرف تسمين على اسمي .. هو في احلى من اسمي
جنا : ايه في
اميرة : يلا مثل شنو هانم جنا
جنا : اذا بنت بسميها جوري واذا ولد بسميه محمد على اسم بابا
اميرة : مالقيتي غير هالاسم .. اسمي احلا
جنا : مالت عليك من زين اسمك الحين .. " تتطنز " اميرة .. ياريته بعد اسم على مسمى
رن المنبه على الساعه 1 ونص
اميرة : يلا بسرعه انقلعي بيتكم انتي وبنتك
جنا ضمتها : ههههههههه حبيبتي انتي يلا اشوفك على خير
اميرة ضمتها هي بعد : ان شاء الله والمرة الجايه بجي عندك اوكي خخخ
جنا : هههه حياك الله بس ترى ما يمدحون رزة الفيس
اميرة جت ترفع رجولها تشوتها بس اتذكرت البيبي ونزلتها بسرعه
جنا : تدرين لو كنتي سويتيها كنت مو بس ذبحتك ..
اميرة : ههههه نسيت عاد وين هالبطن اللي ممكن تخلي الواحد يستوعب انك حامل
جنا : هههههه يلا باي اشوفك على خير
اميرة : اوكي يلا باي

مشت وراها اميرة وقفلت الباب وراحت لغرفتها تنام شوي

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج

جنا في السيارة ماسكة جوالها تفتش فيه وتلعب وقفت السيارة قدام البيت ونزلت جنا ودخلته بس مالقت الا شوق قاعده في المجلس لابسه بطلون رياضة وتي شيرت ورابطة الجاكيت على خصرها وحاطة رجلها على الطاولة ومتكتفه ومغمضة عينها

جنا : اهلين شوق اشوفك رجعتي بدري اليوم
شوق : عندي 8 حصص اليوم والنادي الساعه 4 وماعندي مشاوير قلت ارجع اريح احسن
جنا : الا متى قلتيلي دوري السله حقك ؟
شوق : مممممم بعد اسبوع
جنا : وكيف استعداداتك ؟
شوق : ماشي الحال .. اقول تراكم كلكم بتحضرون الدوري مو تقولين مدري ويمكن
جنا : ههه ان شاء الله
شوق : يلا انا بطلع انام شوي لاجا وقت الغدا صحوني
جنا : اوكي

طلعت شوق لغرفتها وراحت جنا لحناحها بدلت ملابسها ونزلت

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اروى في غرفتها الساعه 2 ونص تدور ايش تلبس لاستراحة اليوم

طفشت من التنانير والفساتين تبغى شي مميز يخطف انظار الكل
طالعت في فستان فوشي كوكتيل و طويل ينلف حول الجسم كله ويترك قطعه على جنب وماسكها بروش صغير

عضت اصباعها السبابة محتارة تلبسه او لا

طلعته ورمته على السرير ورمت جنبه كم فستان تختار احلى واحد منهم بس حطت الفوشي في بالها وبتلبسه يعني بتلبسه

نادت الشغاله عشان تكويه لها بالبخار ونزلت تتغدى

اروى : مامي بروح عند صديقاتي اليوم مسويين حفله في استراحة
ام فيصل : طيب حبيبتي روحي استانسي تبين احد من اخوانك يوصلونك
اروى : لا مامي وئام بتمر علي عشان سواقها يعرف الاستراحه
ام فيصل : اوك على راحتك

دخل فيصل مع ابوه غرفه الطعام وسمع اخر كلمة ام ام فيصل
فيصل : شصاير ؟
اروى تتافف من تدخله : انا بطلع انادي البنات

نادت اروى خواتها وجت تدخل غرفه نجلاء لقتها قاعده ترقص وتغني وماسكة الفرشه ويعننه مايكرفون
اروى : ههههههههه نجلاء يلا انزلي الغدا
نجلاء : ياااارب انك خربتي جوي
اروى : يارب انك متخلفه .. يلا امشي .. وين سارة ؟
نجلاء : طالعه مع بندر
اروى : اها .. يلا طيب امشي انزلي والا ما تبين
نجلاء : افا عليك .. اروى تطلع لي تناديني وانا ما انزل .. مع انها اول مرة في الكون ولازم نحطها في تاريخ العائلة الكريمة
اروى : طيب يلا انزلي
نجلاء : يلا طيب نازلة

نزلول اروى ونجلاء ويسمعوا فيصل يخانق
اروى : افففف شيبغى ذا
نجلاء : شعنده يخانق من اليوم ؟
اروى : مدري عنه .. امشي بس ندخل امشي

دخلوا اروى ونجلاء على طلعة فيصل من الغرفه معصب ويطالع اروى من فوق لتحت
اروى دخلت : شيبغى ذا ؟
ام فيصل : ماعليك منه .. وين نوف ورؤى ؟
نجلاء : الحين نازين

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

الساعة 8 الليل

نروح عند هديل في البيت كانت في غرفتها قاعده وسط الظلام
مسكرة الستاير واللمابات وقاعده قدام مرايا تبين كل جسمها تطالع في يدها وترجع تطالع في رجولها
كانها ناوية على شي

بس حركت كرسيها لجهه السرير وحاولت تقوم تطلع له لكن بدن فايده اياديها ضعيفه وما تتحمل تشيل رجول بهالثقل اللي تحسه هديل

تضغط على الكرسي بيدها وتعتمد عليه في الوقوف لكن بدون فايده

دقت الجرس اللي موجود على كمدينة السرير وجتها تينا بسرعه
تينا : يس مس
هديل : حطيني في السرير
اتقدمت تينا لعندها وشالتها وحطتها على السرير و غطتها

غمضت هديل عينها واستسلمت للنوم

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

عبد العزيز في غرفته يدندن ويكب على نفسه من قزازة العطر ويلبس الجزمة

طلع من الغرفه ونزل يبغى يطلع بس شاف تينا تطلع من غرفه هديل
عبدالعزيز يكلم تينا : نامت مس هديل ؟؟
تينا : يس
حرك عبد العزيز راسه وطلع من البيت وركب السيارة ومشى باقوى سرعه والاغاني تصرخ في السيارة بصوت اليسا باغنيه ايامي بيك

يبي يسمع كل الناس انه يحب وحده وعشقها لحد الجنون بغرورها وكبرياءها وثقتها الزايده بنفسها وجمالها اللي يجذب كل انسان يشوفها

غلط نيوتن يوم قال انه سر الجاذبيه هي الارض ... وسر الجاذبيه في نظر عبد العزيز هي اروى

وصل عبد العزيز الاستراحة اللي كانت الاغاني ترج جدرانها واللي يشوفها يقول عرس اللي قاعد صير داخلها

دخل الاستراحه شاف كم بنت لى كنبه حمرا وقاعد وسطهم مشاري معاه كاس
بس شاف عبد العزيز قام وراح عنده : هلا والله ابو العز
عبد العزيز حط يده على انفه : الله يقرفك على ذي الريحة .. روح من وجهي
مشاري : هههههه افا علي ابو العز ما تبي تجرب لك كم كاس والله يروووووق
عبد العزيز : الحمدلله رايق خلقه ..
طلع جواله ودق على اروى اللي كانت في السيارة مع وئام

اروى : هلا عزوزي
عبد العزي : اهلين حياتي وينك ؟
اروى : خلاص قربنا شايفين الاستراحه
عب العزيز : تمام ..
اروى : يلا اشوفك
عبد العزيز : اوكي

سكر عبد العزيز وراح يجلس ينتظر وصولها

اما اروى وصلت الاستراحه مع وئام .. فسخوا عباياتهم في الحوش حق الاستراحة وعدلوا اشكالهم ودخلوا
اخذت خدامات الاستراحه عباياتهم وحطتها في مكان العبايات وعطتهم ارقامهم
عبد العزيز لمح اروى تدخل وبسرعه راح لعندها
عبد العزيز : هلا اراوي
لفت اروى عليه بسرعه وابتسمت : اهلين
عبد العزيز يطالع ارووى بتفحص فستانها الفوشي الملفوف على جسمها و الورده الفوشيه اللي حاطتها على جنب في شعرها وملفلفته طالع شكلها مرة كيوت
اروى نزلت راسها تحس نظراته تاكلها .. رفع عبد العزيز راسها
عبد العزيز : ارفعي راسك .. مو اروى اللي تنزله صح ؟
اروى : ههه صح
مسك عبد العزيز يدها وطلع لبرى

اما وئام واقفه قدام المرايا تعدل شكلها وتعدل الميك اب
جا من وراها مشاري ومعاه كاسين : هلا وئام
وئام تطالعه من المرايا بدون من تلف : اهلين
مشاري : تدخلين وياي
لفت وئام وطالعته بغرور واخذت منه الكاس وحطه على الطاولة قدام المرايا : اكيد
دخلوا القاعه اللي كانت كأنها ديسكو مو قاعه احتفالات مشاري مالك الاستراحه مسوي بار على جنب وستيج حق رقص وكراسي وطاولات
جلست وئام على احد الطاولات كانوا قاعدين فيها بنات تعرفهم تسلي وقتها معهم

واروى مع عبد العزيز عند المسبح كالعاده جالسة اروى جنب عبد العزيز على احد الكراسي والمكان لهم
مافي أي احد الكل داخل القاعه المزعجه

عبد العزيز ماسك يد اروى يلعب باصابيعها : امس اختي قرت الرسايل
اروى :اختك أي وحده
عبد العزيز : ههه ماعندي الا اخت وحده
اروى : اووه صح المريضه ؟
عبد العزيز اتنهد : ايه
اروى : وايش قالت ؟
عبد العزيز :استغربت ليش مسميك نجوم
اروى : شلون يعني نجوم ؟
عبد العزيز : رمز نجمه
اروى : لا والله وليش مو مسميني ؟
عبد العزيز : مالقيت اسم يناسبك
اروى ابتسمت : اهاا

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

--------------------------------------------------------------------------------

اما عند جنا وسعود ..
الساعه 2 الفجر
سعود راجع من الدوام ومعصب من غباء الموظفين

دخل وطلع جناحه
طلعت وراه جنا اللي كانت تسولف مع ندى تشوف ايش فيه
طلعت له بجامته كالعاده وسحبها منها بقوه وراح بدلها وطلع
جنا بتردد: سعود ما تبي تتعشى ؟
سعود بعصبيه : لا .. وانقلعي برة ما ابي اشوف احد
جنا فتحت عيونها كانه احد ضاربها كف على وجهها .. طلعت بدون أي تعليق وسكرت النور والباب وقعدت في الصاله

اتمددت على الكنبه الطويله وحزت بشي يهز في جيبها .. طلعت جوالها تشوف مين يدق
" اكيد اميره ما غيرها "
لكنها عقدت حواجبها لمن شافت رقم غريب يتصل .. بدأت لعبه الارقام المزعجه ضغطت على الزر الاخضر وسكتت تشوف مين

المتصل : الوو
جنا ارتبكت من سمعت صوت رجال ..
جنا : نعم
المتصل : ياويل حالي على هالصوت
جنا : ..........
المتصل : لا تسكتين .. ليش تحرمينا نسمع الصوت الحلو

انفتح باب الغرفه وطلع منه سعود يمشي للمطبخ .. بس وقفه شكل جنا المرتبك وهي ماسكة الجوال
اتقدم لعندها وسحب الجوال منها وحط عند اذنه يشوف سبب ارتباكها
المتصل : الوو وينك يا صاحبه الصوت الناعم .. وينك يا من خذيتي قلبي واحتويتيه
سعود عصب : مين معاي ؟
المتصل خاف من صوت سعود وقفل بسرعه
سعود طالع في الشاشه وشاف الرقم ورمى الجوال على جنا بعد ما اعطاها خزة خلاها تتجمد بمكانها

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

عبد العزيز باس اروى على خدها : باي حبيبي واول ما توصلي كلميني
اروى : اوكي حياتي باي
عبد العزيز : باي

ركبت اروى السيارة مع وئام وراحوا على البيت ولحقهم عبد العزيز على بيته

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما عند ريم ...

ريم عند الباب صار لها وقت تضرب الباب باقوى ماعندها تنادي على الشغالات يفتحون لها الباب .. اختنقت من القعده في مكان واحد

ريم بصراخ : يا كلاااااااب افتحوووا لييييييييي

سمعت صوت المفتاح .. وقفت صراخ ووخرت عن الباب عشان ينفتح
دخل منه محمد والشر يطلع من عيونه .. ضربها كف خلاها تطيح على الارض
شاتها برجولها على جسمها : لاعد اسمعك تصارخين فاهمة ؟؟ اذا طلعت امي من غيبوبتها ذيك الساعه تطلعين
ريم قامت من الارض وصرخت في وجهه : اذا كذا اقعد في الغرفه مليون سنه ولا تقوم ذيك الخايسه
مسك محمد شعرها وشده ورماها على السرير اتقدم لعندها ومسك رقبتها .. خلاااص ناوي عليها اليوم
ريم صارت تكح من ضغطه على رقبتها
الشغالات واقفين عند الباب يراقبون وكل وحده عيونها مفتوحة شبرين .. راحت وحده منهم نادت على ماجد وياسر في غرفهم وجو مسكوا محمد وطلعوه بره الغرفه

ريم استرخت على السرير ومسكت رقبتها وتحاول تشتنشق هوا
قامت من السرير واخذت المفتاح من على الباب بسرعه قبل لا يلاحظونها وقفلت على نفسها من داخل

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

قامت من النوم متضايقه وتحس البكا واقف عند حلقها والدموع جفت من عيونها من كثر البكا

تحس انه صدرها مكتوم وعينها تحرقها جلست وحاولت تنزل رجولها من السرير
مافي فايده تحس رجوها ثابتين على السرير .. مسكت رجولها بيدها وشالتها ونزلتها ونفس الشي الرجول الثانيه
ابتسمت لما حست انه رجولها لمست الارض
تكت على السرير بيدها تحاول تقوم .. من زمان ما وقفت على رجولها حاولت اكثر من مرة ولكن بدون فايده .. تحس انه صعب عليها .. استجمعت كل قواها ومسكت في عامود السرير ووقفت .. حست انه عمودها الفقري انشد مرة ثانيه

فرحت لما حست انها وقفت على رجولها
تركت العامود تتمنى تمشي مثل اول لكن خابت امالها لما طاحت على الارض بقوة
صرخت تستنجد بأي احد صاحي في البيت .. لكن بدون فايده
زحفت على الارض ورفعت يدها دقت الجرس
ثواني ودخلت تينا الغرفه وفتحت النور شافت هديل مرميه على الارض وتبكي
شهقت وركضت لعندها وشالتها وجت تبي تحطها على السرير بس اشرت لها هديل على الكرسي
فهمتها تينا وحطتها على الكرسي مثل ماتبي ورتبت لها السرير وطلعت

هديل حركت نفسها بالكرسي ووقت قدام المرايا كالعاده

طالعت في وجهها واللي الجروح بدات تلتئم رفعت راسها شافت الجروح على رقبتها
طالعت في المرايا بحقد واخذت قزازة العطر ورمتها باقوى ما عندها عليها لحد ما اتكسرت المرايا وتناثر القزاز على التسريحه

غطت وجهها بيدها وبكت .. بكت على شبابها اللي راح وسط هالجروح وعلى هالكرسي .. وممكن ما يرجع كل شي مثل اول

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

في هاللحظة دخل عبد العزيز البيت يغني ويدندن .. كذه حاله من يوم مايرجع من طلعه طلعها مع اروى او حتى مكالمة

شاف نور غرفة هديل مفتوح .. ابتسم بهدوء وقرب لعند الباب وسمع صوت انينها وبكاها .. سمع صوت تكسير
دخل الغرفه بسرعه وشافها ترمي التحف على الارض وتكسرها واحد واحد وتحط حره في كل وحده منهم رمت نفسها على الارض ودفنت راسها تبكي بقهر وحرقة

عبد العزيز يشوفها وفاتح عينه على الاخر اتقدم بسرعه لعندها وشالها وجلسها على السرير
عبد العزيز : حببتي هديل شفيك ؟؟ ايش صاير فهميني ؟

هديل رمت نفسها في حضن اخوها وتبكي وتشهق وتحاول تتكلم
عبد العزيز يمسح على شعرها بحنان : هدي هدول هدي وقوليلي ايش فيك
هديل لسه تبكي : ليش انا يصير فيني كذه ؟ ليش الكل يطالعني بشفقه ؟ ليش يحسبوني معاقه ؟ ليش انا صرت شاذه عن الكل .. ليش لمن اكون في مكان الكل يطالعني ؟ سمعتي اتشوهت يا عزيز سمعتي في المدرسه صارت في الارض .. كله منها .. هي اللي صورت البنات وحطت الجوال في شنطتي .. هي اللي ركبت صوري مع شباب ونشرت الصور في المدرسة .. هي اللي بعدت عني الناس .. هي اللي شوهتني .. هي اللي خلتني شي غريب بين البنات .. هي اللي بعدت عني البنات كلهم بشكلي هذا .. مين يبي يكون صديقة انسانه معاقه مين يبي يصادق انسانه مشوهه مافي أي فراغ في جسمها صافي .. كل جسمي جروح . انا تعبت يا عزيز تعبت من نظراتهم .. تعبت من كلامهم .. ليش يحزنون علي ؟؟ انا ما ابيهم يحزنون علي او يقولون اني مسكينه .. بليز قولهم لا يقولون عني كذه .. الله يخليك عزييز قولهم

شهقت بقوة ورجعت تبكي

عبد العزيز ساكت يسمع كلامها .. ماعادت تتحمل أي احد .. سكتت كثير وجا الوقت اللي تنفجر فيه

قامت من حضن عبد العزيز وقالت بكل حقد وقهر : كله منها .. كله منها اروى العالي بنت الكلب
عبد العزيز تجمد في مانه من سمع اسم حبيبته على لسانها .. مسكتها من كتفها وقال بجديه : اروى مين يا هديل ؟؟؟؟؟؟؟؟؟؟؟؟؟؟؟؟[/color]

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

نهاية البارت الـ 16 ..

 

[كفاني عذاب]

<<<< الفصل السابــع عشـــر >>>>


[]قامت من حضن عبد العزيز وقالت بكل حقد وقهر : كله منها .. كله منها اروى العالي بنت الكلب
عبد العزيز تجمد في مانه من سمع اسم حبيبته على لسانها .. مسكتها من كتفها وقال بجديه : اروى مين يا هديل ؟؟؟؟؟؟؟؟؟؟؟؟؟؟؟؟

هديل : اروى العالي اللي شوهتني .. اروى العالي اللي خلتني ما امشي .. اروى هي اللي شوهت سمعتي .. اروى اللي ركبت صوري مع شباب ونشرتها في المدرسه اروى هي اللي سوت فيني ذا كله .. هي اروى العالي

حطت راسها على السرير وقعدت تبكي وتشهق

عبد العزيز في موقف ما ينحسد عليه ابد .. يطالع في هديل مصدوم وصوتها يرن في اذنه باسم اروى
طبطب على ظهرها وعدلها على السرير وغطاها وقفل النور وطلع

جلس في الصاله متمدد على وحده من الكنبات ولسه مصدوم .. مصدوم من اتهامات هديل على حبيته اروى .. اول وحده يتعرف عليها ويحبها بالشكل هذا واخر شي تتهمها اخته بانها هي سبب جروحها وسبب كل الم في جسمها

غمض عينه وهو يسترجع شريط حياته كامل مع اروى

تعرفوا على بعض عن طريق ريم في الظهران مول وعطاها رقمه .. جاها بالليل في بيتهم
اليوم اللي بعده كلمته بالظهر وقالت ...................

عبد العزيز : يووه حرام عليكم
اروى : اجل تحاول تعتدي علي ؟
عبد العزيز : لا بعيد الشر عنك
اروى : تخيل لو انا كنت في مكانها الحين .. زين اني قلبت اللي بتسويه معي عليها
عبد العزيز : الحمدلله انها جت فيها مو فيك
اروى تضحك بدلع : ههههه

فتح عيونه بسرعه على صوت نغمة مميزة بصوت عاصي الحلاني

قالوا جن جنوني يا حياتي لما اتعرفت عليك
قالوا بين رموش عيوني شافوا النظرة اللي بعينك
ويقولوا شو ما يقولوا ياما نطرتك عمر بطولوا
اكتر ما بيخطر على بالن حبيتك وبغار عليك

طالع في الشاشه ببرود على غير العاده ..
طالع في الشاشه وما يعرف يرد او يتركه يرن وتقعد هي تنتظره
استسلم وضغط على الزر الاخضر ورد ببرود : الو
اروى استغربت من بروده : الو عزيز ؟
عبد العزيز : هلا
اروى : حياتي كنت نايم ؟
عبد العزيز : لا
اروى حست انه في شي مو طبيعي ابد : اوكي بس بقولك اني وصلت البيت
عبد العزيز : طيب باي

سكر بسرعه بدون ما ينتظر ردها ورمى الجوال على الكنبه اللي قدامه

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما اروى قاعده في غرفتها مستغربه وخايفه من تغير عبد العزيز المفاجئ اتمددت على السرير وحطت الجوال عند ذقنها تفكر

"ايش اللي خلاه يتغير فجأه مو من عادته يكلمني بذي الطريقه ؟
لالا اكيد في سبب .. ولازم اعرفه "

حطت الجوال على الكمدينه وغمضت عينها تحاول تنام

لكن وين تنام وعبد العزيز فيه شي مخوفها

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما عند الماس

متمدده على السرير وحاضنه مخدتها اللي كانت على شكل قلب
تتذكر كلام تركي يوم جا عندها

ليش تعتبر اللي تسويه وئام خيانه ؟
دام انه تركي يعتبرها مثل اخته وهي قررت تعتبره مثل اخوها ليش لمن حبته وئام اعتبرتها خيانه ؟
يمكن لانها ما توقعتها من صديقة عمرها اللي فتحت لها قلبها بكل اللي فيه من هموم والآم
بس مو رجال يفرق بين صداقة صدوقة بين احلى 2

حتى لو مين كان تركي او غيره

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

الساعه 7 الصبح

وئام نازلة من الدرج مسرعه وتفحط تخاف تبدأ الحصة الاولى ( اختبار ) وما وصلت

دخلت السيارة وقالت للسواق يسرع عشان توصل بدري
نزلت من السيارة ودخلت ركض للمدرسه وطلعت الدرج بصعوبة وهي شايله الاغراض .. ما اخذت الشغاله لا تتلكع لها وتاخرها اكثر ماهي متاخرة

مو شايفه اللي حولها كل بالها انها توصل الفصل وتختبر
بدون ما تحس صدمت في الماس اللي كانت طالعه من الدرج الثاني ويلتقي في نقطة وحده في السيب
طاحوا ثنتيناتهم والاغراض والاوراق تناثرت حولهم
وئام مسكت راسها تستوعب بس شافت الماس طايحة قدامها قامت بسرعه ولمت اغراضها واترددت تمد يدها او لا

الماس ابتسمت ومسكت يد وئام وقامت من الارض ولمت اغراضها
مسكت يد وئام وضمتها : وحشتيني يا بقرة
وئام انصدمت من حركة الماس .. معقولة تكون سامحتها ؟؟
وئام دمعت عيونها : الـ ـمآس انـ ـا آسـ ـفـ ـة !
الماس مسحت لها دمعتها : وئام ما بينا اسف .. وبعدين مستحيل احد يفكر يفرق بيني وبينك مهما كان صح او لا
وئام ابتسمت ومسحت بقايا دموعها : صح ..
الماس : يلا امشي ندخل لا نتأخر على الاختبار شكلك جايه كذه وتفحطين متحمسه
وئام ضحكت : ههههه يلا

دخلوا ثنتيناتهم الفصل ودخلوا من باب جديد في حياتهم .. اختبروا وتعلموا تعلموا انه مستحيل احد يفرق بين صداقه مثل صداقتهم مخلصه في هالزمن الغدار .. مهما كان هذا الشخص

الماس قاعده تختبر ومبسوطة من اللي سوته انها سامحت وئام .. وقد ما تقدر رح تحاول تكبر وتزرع بذور الحب في قلب وئام وتركي

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما عند هديل ..

كانت نايمة عبد العزيز ما خلا امه او تينا يصحوها لانها اكيد بتكون تعبانه بعد اللي صار امس
عبد العزيز رايح جاي في غرفته .. مانام طول الليل يفكر في اروى وهديل
يحاول يطلع ضد اروى دليل يثبت صحة كلام هديل

لكنها هي مرة قالت له بنفسها انه قلبت اللي بتسويه عليها وصار فيها اللي صار
استغرب للحظات انه الشرطة ماجات المستشفى وحققت في الموضوع

طلع مع الغرفه بسرعه وراح عند امه اللي كانت في الصاله تقرى مجله
عبد العزيز جلس قبال امه : صباح الخير يمة
ام عبد العزيز : صباح النور .. هلا عزيز تفطر ؟
عبد العزيز : لا مالي نفس .. بس بغيت اسئلك .. الشرطه ماجات المستشفى لمن صار لهديل الحادث ؟
ام عبد العزيز : امبلا جو بعد ما صحت هديل .. بس هي كانت ساكته وما كانت تبي تقول اي شي لهم .. جو كم مرة وكانت تسكت .. ومحد كان يعرف شي غيرها .. حققوا في الحمام اللي صار فيه كل هذا ومالقوا اي ادله واضحة .. بس شنقول غير حسبي الله ونعم الوكيل

عبد العزيز كان يسمع كلام امه ويحاول يركب اللي صار مع بعضه

( اروى شوهت سمعة هديل في المدرسة وصورت صديقاتها وحطت الجوال في شنطتها .. وركبت صورها مع شباب ونشرت الصور .. هديل تبي تنتقم من اروى لكن اروى رجعت قلبتها عليها .. وهديل ما تبي احد يعرف انه اروى سبب كل هذا ؟ !! بس ليه ؟؟ )

.. طلع عبد العزيز غرفته بدون ولا كلمة .. بنت عشقها بكل مافيها من غرور وكبرياء وثقه .. حبها واعترف لنفسه بحبه لها .. ممكن تكون هي سبب تعاسه اخته الوحيده هي سبب كل جرح في جسمها ؟؟

اتمدد على السرير وغمض عيونه .. لسه مو قادر يستوعب اي شي صار

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

عبد الرحمن في شركتهم الصغيرة قاعد على مكتبه والاوراق حوله وحايسه عليه الدنيا

رمى الاوراق على الطاولة بطفش وفتح التلفزيون

تعلن شركة الـ ...... لخسارتها بنسبه 90 % من الاسهم بينما تحرز شركة الـ .... نسبة 80 % من نجاحها في الفترة الاخيرة

لفت بسرعه عبد الرحمن على التلفزيون يشوف الخبر
شركة ابو الوليد تعلن خسارتها في البورصة بنسبه 90 % ؟؟؟؟؟؟؟؟؟؟؟؟

داري انه شركتهم حققت ارباح بنسبه 80 % في الفترة الاخيرة بس خبر ابو الوليد جديد
رفع سماعه التلفون بسرعه : ناصر جيب لي بسرعه اخر اخبار شركة ابو الوليد .. الحين ولا تتاخر

ثواني وجاب ناصر الاخبار اللي يبيها عبد الرحمن

ابتسم واخذ الملف معاه وراح علي البيت يوريه الوالد

دخل عبد الرحمن الفيلا لقى امه مع ابوه ورندا في الصاله
استغرب من وجود رندا في البيت وهي نفس الشي استغربت جيته من بدري اليوم

عبد الرحمن : السلام عليكم
الكل : وعليكم السلام

عبد الرحمن : جايب لكم خبر بمليوون
ابو عبد الرحمن : اذا على شركة عمك دريت من شوي .. جا الخبر في التلفزيون
عبد الرحمن : وايش فيك متضايق يبه ؟ بالعكس هذي فرصتنا نـ .....
ابو عبد الرحمن قاطعه : عيب يا ولد مهما يكون هذا عمك ومن واجبنا نساعده
عبد الرحمن : وليه هو فكر يساعدنا قبل ؟
ابو عبد الرحمن : لا تبادل الاساءة بالاساءة يا ولدي .. مهما يكون هذا عمك .. وقد ماصارت مشاكل الى انه في دم يجمعنا

عبد الرحمن انقهر من ابوه وطلع من البيت
استغرب من السيارة السودا اللي واقفه قدام الباب الخلفي
اتقدم يشوف مين لكن انصدم بوجود الشخص اللي ماسك الجوال وكانه يدق على احد يطلعله

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

في المدرسة عند البنات

اروى وقت الفسحة قاعده مع بنات على الكراسي والطاولات في الساحه

شوي وتدخل ريم من الباب بعبايتها وشايلة شنطتها
البنات بس شافوها قالوا بصوت واحد : بدري
ريم طنشتهم وطلعت فوق ورتبت اغراضها وحطت راسهاا على الطاولة بتعب

عند البنات تحت
مشاعل : شفيها ريم ؟
اروى : مدري عنها.. الحين بتنزل اسألوها

اروى كانت دارية انه محمد اخوها حابسها لكن اللي ماتعرفه ليش حبسها ...

طلعت ريم من المدرسه على نهاية الدوام وركبت سيارتها وراحت على البيت
دخلت بهدوء تتمنى محد يشوفها
اقشعر جسمها من البيت البارد من التكييف .. سكرت الباب بهدوء وطلعت المفتاح من جيبها وصعدت على الدرج

لقت شخص واقف قدامها والشر يطلع من عيونه
محمد : وين كنتي حضرتك ؟؟
ريم : وين بكون يعني هالوقت غير بالمدرسه ؟ سؤالك غبي مثلك تصدق
محمد شدها من شعرها : انا مو قايل لك ما تطلعين يا كلبه .. من وين تفهمين انتي هاا ؟
ريم كانت مغمضة عيونها بقوة تتالم من شد محمد لشعرها .. طاحت على الدرج ووقفها محمد واخذ منها المفتاح وقفل عليها ..

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

عند عبد الرحمن في الشركة ..

قاعد على كرسيه عند المكتب ومغمض عينه ويدور فيه

( عبد الرحمن : خير شعندك جاي هنا ؟
الوليد ارتبك من وجود عبد الرحمن وحمد ربه انه ما لحق دق على رندا عشان تطلع .. قال بثقه مصطنعه : جاي ازور عمي
عبد الرحمن : انت واشكال ابوك مالكم دخله على ذا البيت .. فهمت ؟ يلا انقلع من هنا
الوليد انصدم من كلام عبد الرحمن .. بس بين له العكس .. ابتسم وحرك السيارة بهدوء وهو من داخله ميت قهر )

اندق الباب ودخل ناصر ( السكرتير ) معاه اوراق وملفات
ناصر : طال عمرك ذي الاوراق محتاجة توقيعك الحين
عبد الرحمن فتح عيونه لقى ناصر ماسك الاوراق بعده .. اشر له يحطها على المكتب واخذ القلم وقرا الاوراق ووقع عليهم

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

على العصر وقت غروب الشمس اروى في الغرفه كسرت ارقام الجوال من كثر ما تدق على عبد العزيز ولا يرد عليها
دخلت عليها رؤى وقعدت تحوس بين الاشرطة في السلة جنب الاستريو
اروى : تبين شي ؟
رؤى : باخذ شريط بس ..
اروى طنشتها ورسلت لعبد العزيز مسج بنفاذ صبر : عزيز شصاير ليش ما ترد علي ؟؟
رمت الجوال على السرير وقامت طلعت للبلكونة
وقفت تستنشق الهوا اللي تتطاير معاه قطرات المطر وتفكر ايش اللي قلب حال عبد العزيز بهالشكل ؟؟ ليه فجاه ماصار يكلمها ؟؟ ليه مو مثل اول ما يمر يوم الا وهو مكلمها فوق الـ 3 مرات ؟

اما عبد العزيز يطالع في جواله اللي ينور باسم ( ******* ) للحين ما يتخيل اللي صار .. كل مرة ينور فيها الجوال يتخيل شكل اروى وهي ماسكة في هديل تشوهها .. بالمرة مو راكبه معاه الصورة
حرك راسه يبعد هالصور والافكار من راسه وحط الجوال سايلنت وقام من مكانه يروح عند هديل ...

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
اما عند جنا ...

جنا قامت من السرير اللي عند الدكتورة ووجلست على الكرسي عند مكتبها

الدكتوره : الحمدلله انتي شكلك بتواضبي على الفيتامينات اللي بعطيكي منهم وبتاكلي كويس .. انا دلوقتي حكتبلك على فيتامين حديد كمان تاخذيه مرتين في اليوم يعني كل 12 ساعه .. وانا بسجلك في الجيم دلوقتي واذا عندك وقت روحيه دلوقتي وسجلي وابدئي معاهم لانه بدأ الكورس الجديد لانه الرياضه كويسه اوي اسناء الحمل
جنا : اوكي
اخذت جنا الورقه وراحت لقاعه الجيم وسجلت .. انتظرت في قاعة الانتظار وهي تطالع الحريم .. منهم في عمرها ومنهم اكبر .. جات المدربة ونادت عليهم كلهم ودخلوا قاعه كبيرة فيها تلفزيون ويعرض مراحل الجنين وكيف الام تهتم فيه وكيف يكون نظام غذاءها .. الخ

اخذت جنا من الاوراق اللي وزعوها فيها صور وفيها نفس الكلام اللي قالوه من شوي ..

المدربه : اليوم مارح نتمرن .. اليوم بس مقدمة وان شاء الله من بكرة على هالوقت تكونوا هون منشان نبدأ

انتهى كل شي على الساعه 6 المغرب

طلعت من القاعه وجلست في الكافتريا تكلم السواق يجي عند الباب .. كانت تطالع الحريم يكلموا رجالهم يجون وياخذونهم .. الا هي تكلم السواق !!

طلعت من الباب وركبت السيارة حابسه دموعها .. تشوف البنات اللي في عمرها يركبون السيارة مع رجالهم مبسوطين ويحكوهم ايش صار وايش وروهم وعلى وجههم احلى ابتسامة تدل على فرحة قلوبهم والحال المرضي اللي عايشينه

رجعت راسها على ورى وطالعت في الشباك اللي قطرات المطر تمشي عليه ببطئ

تتخيل سعود معها الحين في السيارة .. تتخيله يسالها ايش صار وايش اتعلمتوا ؟ تتخيله ينتظر هالطفل معها على احر من الجمر .. لكن ايش فايده هالتخيلات اذا كانت مو حقيقه ؟؟!!!!!

وصلت البيت ونزلت من السيارة والشغاله وراها بالمظله لداخل البيت
دخلت جناحها اللي كان ماخذ بروده الجو برى سمعت جوالها يرن في شنطتها .. جلست على الكنبه وطلعت جوالها وردت

جنا اتنهدت : هلا اميرة
اميرة : هلااا جنوو ها كيف كان اليوم عند الدكتورة
جنا : الحمدلله تمام .. سجلت في جيم المستشفى
اميرة : حللووو ..
جنا : .............
اميرة : .............
جنا : .............
اميرة فهمت من سكوت جنا انه فيها شي : جنا فيك شي ؟
جنا نزلت دموعها .. اميرة عرفت انها قاعده تبكي وكله من ورى سعود: صار شي بينك وبين سعود
جنا مسحت دموعها تحاول تتكلم وتقول لاميرة اللي صار امس يمكن تساعدها

قالت جنا لاميرة كل شي ومثل ما توقعت عطتها افضل الحلول اللي ممكن ترضي سعود

راحت جنا وبدلت ملابسها واخذت شاور ونزلت تحت .. كالعاده هالوقت مافي احد في الصاله .. الاغلب نايمين هالوقت ويصحوا على صلاه العشا

اخذت عبايتها وطلعت على الظهران مول

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

الماس راحت مع وئام لبيتهم من الظهر وقعدوا مع بعض وسولفوا واستهبلوا .. الخ

دق جوال وئام باسم almasoo 2
الماس : مين ؟
وئام ارتبكت .. طالعت الماس في الرقم : هههههه وراك مرتبكة .. ردي
وئام ابتسمت وردت : الو
تركي : .. هلا
وئام : اهلين
تركي : كيفك ؟
وئام : تمام انت كيفك ؟؟
تركي : الحمدلله تمام
الماس تأشر لوئام ( افتحي سبيكر ) .. وئام هزت راسها وفتحت السبيكر واتكلمت الماس
الماس : تركيييييي يالدب اخبارك
تركي استغرب من هالصوت : الماس ؟
الماس : لا ذهب هاهاها
تركي فهم انهم تصالحوا وضحك : ههههههه
الماس : اخبارك
تركي : تمام انتي كيفك ؟
الماس : تماام
توها الماس بتتكلم بقاطعها صوت ابو الوليد يهاوش من تحت .. الماس من الخرعة قفلت الخط وتحركوا هي ووئام لبرى الغرفه يشوفون شالسالفه

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

هديل في غرفتها متمدده على السرير .. التعب ياكل جسمها اكل .. تحس جسمها يعورها ما تدري من ايش
دق عبد العزيز باب الغرفه ودخل
هديل بصوت متعب : اهلين عزيز ..
عبد العزيز : هلا هدولة كيفك اليوم ؟
هديل : احسن الحمدلله
عبد العزيز بجديه : هديل ابيك في موضوع
هديل : نعم
عبد العزيز : بخصوص اللي صار فيك
هديل لفت راسها عنه : ما ابي اتكلم عنه .. قفلوا الموضوع
عبد العزيز : انا اعرف انه اروى العالي سوت فيك كل هذا واعرف ليش .. واعرف انه انتي كنتي تبين تنتقمين منها بس هي قلبت السالفه عليك
هديل طالعته بصدمة : انت كيف تعرف كل هذا
عبد العزيز ابتسم: نسيتي انك قايلة كل شي امس
هديل تحاول تتذكر اللي صار امس .. فعلا فضحت نفسها بنفسها
هديل نزلت عينها : والحين ايش المطلوب ؟
عبد العزيز : ابيك تقولين لي ليش لمن جات الشرطة ما قلتي لهم شي ؟ وليش ما تبين احد يدري بالموضوع؟
هديل نزلت دموعها : لانه محد له دخل فيني ..
عبد العزيز يراقبها وهي تتكلم : بس هديل انا ابغا دليل ضد اروى هذي يثبت كل شي
هديل رفعت راسها لعبد العزيز : ما تصدقني ؟؟
عبد العزيز : لا اصدقك .. بس كل شي لازم له دليل
هديل احتارت .. تثبت له او لا ؟: ............

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

نهاية البارت الـ 17 .. ان شاء الله يكون عجبكم حبايبي
وحاليا كتبت احداث البارت الـ 18 بس باقي التفاصيل .. وان شاء الله تنزلكم في اقرب فرصه

 

[كفاني عذاب]

<<<< الفصـل الثــامـن عشــر >>>>


عبد العزيز : ابيك تقولين لي ليش لمن جات الشرطة ما قلتي لهم شي ؟ وليش ما تبين احد يدري بالموضوع؟
هديل نزلت دموعها : لانه محد له دخل فيني ..
عبد العزيز يراقبها وهي تتكلم : بس هديل انا ابغا دليل ضد اروى هذي يثبت كل شي
هديل رفعت راسها لعبد العزيز : ما تصدقني ؟؟
عبد العزيز : لا اصدقك .. بس كل شي لازم له دليل
هديل احتارت .. تثبت له او لا ؟: ............
اشرت له على الدولاب .. استغرب بس راح فتحه
هديل : افتح الدرج اللي تحت هذا
فتح عبد العزيز الدرج كان فيه خرابيط واشياء مال امها داعي ..
هديل : بتلاقي ظرف ابيض كبير
عبد العزيز مسك الظرف وقام وجلس على السرير وفتحه

لقى صور كبيرة وورقه داخله مثبته ورى الصور

(اذا عديت عليك اليوم وما طلعتي الصور بتلاقينها على جدران المدرسه )

عبد العزيز طالع في الصور .. مستحيل اللي يشوفها ما يقول انها حقيقه ونسبة التركيب احتمال حتى 1 %
استغرب وطالع في هديل اللي عينها على الصور والحقد كل ماله يكبر وحب الانتقام يزيد

لسه ما لقى الدليل اللي يبيه

هديل فهمت من نظراته انه ما لقى اللي يبيه .. ابتسمت واخذت الظرف الابيض وطلعت منه ظرف ثاني اصغر منه طلعت الميموري الموجود فيه وحطته بجوالها .. فتحت الصور وطلعت صور البنات اللي صورتهم اروى .. وكانت من بينهم

طالع عبد العزيز في شكلها وهو يدعي ربه انه مو اللي في باله .. غمض عينه واتنهد بضيق .. مسك الجوال وفتح عينه ببطئ يخاف تكون هي صدق

هديل كانت تطالعه باستغراب .. ليش كذه يسوي كانه خايف من شي !!

طالع عبد العزيز في الصورة وخابت آماله هي نفسها اروى .. باينه في الصورة كانها هي اللي مصورة نفسها مو احد مصورها

اخذت هديل الجوال وقالت باستهزاء : حاطة صورها ينقال تموه ههههههه بس الظاهر انه الناس صدقوها .. ولمن كتبت هالاكلام فعلا جات وانا ما نزلت لها وما اخذت على كلامها .. ولمن رحت المدرسة لقيت الناس ماسكين الصور ويطالعوني باحتقار .. وفي نفس اليوم المدرسة سوت تفتيش في فصلنا وطلعوا الجوال اللي كان في شنطتي

عبد العزيز كان يطالع في الجوال في يد هديل ويظهر البرود والنار تاكله من داخله اكل

قام بسرعه وطلع من الغرفه وراح اخذ مفاتيحه وطلع من البيت

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

توها الماس بتتكلم يقاطعها صوت ابو الوليد يهاوش من تحت .. الماس من الخرعة قفلت الخط وتحركوا هي ووئام لبرى الغرفه يشوفون شالسالفه

دنوا ثنتيناتهم على درابزين الدرج يشوفون ابو الوليد يهاوش وليد
ابو الوليد : انا ما اقولك لا تدخل في البورصة الا لمن اقولك .. هذي فايده فلسفتك .. خسرنا والسبة انت الله لا يعطيك عافيه

الوليد يسمع لكلام ابوه ومنزل راسه ابوه كذه عصبي وما يعجبه شي يبي كل مرة يربح كل مرة يبي يخرب على شركات الناس ما يبي ولا مرة يخسر او تصير مشكله

ابو الوليد : انقلع من وجهي ومن بكرة تترك قسم الماليه عشان تتعلم اني لمن اقولك كلمة تسمعها .. فهمت ؟
الوليد : ان شاء الله

طلع الوليد لغرفته ودفع الباب وراه باقوى ماعنده لحد ما صار الصدى في البيت كله

الماس كانت مستغربه وتطالع وئام ووئام مو دارية وش السالفه
كل اللي فهموه انهم خسروا بالبورصه

دخلوا الغرفه اخذوها سوالف وضحك واخر وناسة

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

على الساعه 8 الليل

دخلت جنا البيت والظاهر شوق صحت من نومها لان صوت الاغاني مسوي جو بالبيت
طلعت لجناحها ورتبته وحطت الاشياء اللي شرتها وزينت فيها الغرفه .. طالعت في الساعه وابتسمت ..
" اكيد الحين بيكون على وصول "

حطت العشا على الطاولة بعد ما رتبته في صحون والغرفه منورة بنور الشموع الحمرا

ابتسمت باستهزاء.. دايما الرجال يسوي هالحركات عشان يرضي المرأة .. بس الظاهر عندها العكس .. تسوي هالاشياء عشان ترضي سعود !

بس ليش هي سوت شي غلط ؟؟

قعدت على الكرسي عند الطاولة تنتظر سعود يجي

ثواني ودخل سعود .. جنا كانت سرحانه وما انتبهت له يوم دخل

بس انتبهت لظله اللي على الجدار قامت بسرعه تنتظرة يدخل ويبتسم ويقولها ليش متعبه نفسك ويغرقها بكلامة الحلو اللي ماقيد سمعته منه مرة

طالع ببرود في الغرفه اللي ريحه الفواحه طالعة منه .. اندهش من اللي مسويته بس بين العكس .. كان البرود في ملامحة ياكل جنا من ساسها لراسها
الغرفه كانت رومانسيه درجة اولى بس سعود صد عنها وراح للغرفه
جنا استغربت والدموع رمشة من عيونها بس وتتناثر على خدها
انتظرته يمكن يكون يبدل او في الحمام ( الله يعزكم )
لكنة طول .. استغربت .. راحت للغرفه تشوفه لقته متمدد على السرير وماسك الجوال كانه يستعد للنوم

طالعت فيه بنظرات عتاب اقشعر جسم سعود منها
تعاتبه على جفاه .. تعانبه على قسوته معاها .. هي ما غلطت او سوت له شي عشان تستحق هالمعاملة منه
راحت لغرفة الطعام وشالت الشموع وودتهم الحمام وكبت عليهم موية وراحت شالت العشا ونزلته تحت وعطته الشغالات ياكلونة

دخلت الغرفه وبدلت ملابسها وانسدحت على السرير وعطت سعود ظهرها وغمضت عيونها واللي كانت الدموع مغرقتها وبس غمضها اتناثرت على خدها

رسل سعود الرساله وحط الجوال على الكمدينه وقفل الابجورة ونام ولا همه اي شي

بس جنا اللي كان همها همين تبكي بصمت .. اتنهدت بضيق ولفت على سعود لقته نايم في سابع نومة
طالعته ورجعت لفت راسها .. لمتى بتكون معلقة فيه الامل وهو كل يوم يسوء اكثر من اليوم اللي قبله

قامت من السرير ودخلت غرفة الملابس لبست بنطلون جينز وتي شيرت عادي ونزلت تحت

مسحت دموعها ومشت في الدرج تشوف يزيد قاعد في الصاله يقلب في قنوات التلفزيون

جلست تشوف معه بدال القعده فوق مع اللي ما يتسمى

حط على مسلسل ولف راسه على جنا لقاها حاضنة المخده ودموعها على خدها
لاحظت انه يطالعها .. لفت عليه ومسحت دموعها وابتسمت له

إبتسَـم بشفاه ..ودموعه تسيل
في عيونه حزن .. وبثغره أمل
الدموع تجرّح الخد الأسيل ..
والشفاه تورّد الوجنه خجل ..

كل ماطاح بسهم عينه قتيل ..
إنتشى المقتول بسهام النجل ..
مايشيل الهم ذا الخصر النحيل ..
ولا يجوز بحسنها غير الغزل ..

غصن بان ٍ للهوى دايم يميل ..
كيف اذا هبّت عواصفها إعتدل ..
ماخِلق لمزايم الحمل الثقيل ..
الظبي ماينقل حمول الجمل ..

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اروى في الصاله تلعب في جوالها والملل بياكلها .. عزيز ما يرد .. وسعود رسل رسالته السخيفه ونام
وريم ما ترد ووئام مع الماس

اروى رفعت حاجبها وابتسمت بخبث ودورت من بين الارقام على رقم كانت معتاده تدق عليه زمان و تستغل خوف صاحبها منها

ضغطت على الزر الاخضر وكل مالها ابتسامتها تزيد

قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

هديل كانت على كرسيها في الصاله تقلب في قنوات التلفزيون بملل ومافي اي شي يستحق المتابعه
تسمع صوت جوالها يرن في الغرفه قامت تينا وجابت لها الجوال
هديل بس شافت الرقم قلبها زادت دقاته .. شتبغى ذي داقه

هديل ردت وسكتت : .......
اروى : هلا بـ آنسه هديل
هديل : نعم ؟
اروى : نعامة ترفزك مو انا اللي تكلميني كذه فاهمة ؟
هديل : شتبين الحين ؟؟
اروى : وايش ابي في وحده معوقة ؟ دقيت اسلي نفسي
هديل شافت عبد العزيز دخل البيت مدت له الجوال وحركت الكرسي بصعوبة لداخل الغرفه
عبد العزيز شاف الاسم ( اروى ) دق قلبه بسرعه فظيعة .. حط الجوال عند اذنه وسمعها
اروى : هيه انتي .. هيه انتي تراني اكلمك
عبد العزيز حس انها تخنقه .. لمرة الثانيه يطلع دليل ضدها في اللي سوته سكر الخط
ورمى الجوال على الكنبه وطلع لغرفته


; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

عند ريم كانت في غرفتها للحين محبوسة وسامعة صوت اخوانها يتكلمون في الصاله بخصوص امها .. تمنت انها ما تطلع من الغرفه ولا تقوم امها من غيبوبتها انفتح باب الغرفه شوي ودخل ماجد الغرفه
ريم : نعم ؟؟ شتبي انت بعد ؟
ماجد : قومي زوري امك
ريم : انا ؟؟ انا تبيني ازور ذيك ؟ وع لالالا مستحيل انزل نفسي لمستوى ذي المقرفه
ماجد مسك شعرها ووقفها بالغصب : قلت لك بتروحين يعني بتروحين
ريم صرخت في وجهه : مو رايحه يعني مو رايحه .. ومو انت اللي تأمرني .. فهمت والا لا
ماجد : لا اأمرك ونص تدرين انه امك خسرت عينها عشانك .. تدرين والا لا
ريم طالعت فيه باستهزاء : ايه شكلها كانت تطبخ لي وطاحت عينها في الاكل بالغلط
ماجد رد لها ابتسامة الاستهزاء لا غلطانه .. انتي اللي نزفت عينك اليسار وماعدتي تشوفي فيها يوم كان عمرك 8 شهور
ريم طالعت فيه باستغراب ( شيقول ذا ؟ شكله خرف من بدري ) : مو شايف عيني ؟؟ مو ماليه عينك
ماجد اتقدم لعندها ودف راسها باصباعه : هذي عين امك يا ماما .. امك ما قدرت تخليك تكبرين بعين وحده قامت اتبرعت لك بعيونك .. يا ناكرة الجميل .. طيحتي امك في غيبوبة الله العالم متى تقوم منها

ريم طالعت فيه بصدمة .. عشان كذه عينها مميزة .. عشان كذه عينها اليسار حساسة .. عشان كذه عينها اليسار لونها افتح بنسبة قليله من اليمين .. هذا اللي كان يميزها عن الكل واللي كان الكل معجب في عيونها [/color]


نهاية البارت الـ 18
>>>> الفصـل التاسـع عشــر <<<<

ماجد رد لها ابتسامة الاستهزاء لا غلطانه .. انتي اللي نزفت عينك اليسار وماعدتي تشوفي فيها يوم كان عمرك 8 شهور
ريم طالعت فيه باستغراب ( شيقول ذا ؟ شكله خرف من بدري ) : مو شايف عيني ؟؟ مو ماليه عينك
ماجد اتقدم لعندها ودف راسها باصباعه : هذي عين امك يا ماما .. امك ما قدرت تخليك تكبرين بعين وحده قامت اتبرعت لك بعيونها .. يا ناكرة الجميل .. طيحتي امك في غيبوبة الله العالم متى تقوم منها

ريم طالعت فيه بصدمة .. عشان كذه عينها مميزة .. عشان كذه عينها اليسار حساسة .. عشان كذه عينها اليسار لونها افتح بنسبة قليله من اليمين .. هذا اللي كان يميزها عن الكل واللي كان الكل معجب في عيونها

ريم اشرت له على الباب وقالت بانفعال : اطلع برة .. انقلع من وجهي .. وش تخرف انت
ماجد في الغرفه لسه يضحك عليها
ريم عصبت وصرخت باعلى صوتها : اطلـــــع برااااا

ماجد عليت ضحكته ومشى على برى وترك الباب مفتوح

ريم واقفة قدام تسريحتها ماسكة عينها وتفتحها باصابعيها تشوف اذا فيها شي مو طبيعي

ريم : لا هذا اكيد خرف وشو راحت عيني وذيك عطتني عينها

اتمددت على السرير ولسه كلام ماجد يرن في راسها .. مو مصدقة أي شي للحين كل اللي في بالها انه ماجد يخرط عليها بس عشان تروح تزور امها

غمضت عينها وحاولت تنام .. اتقلبت كم مرة تحاول تنام بس طار النوم من عيونها طول الليل تفكر وقلبها تزيد دقاته .. تخاف من جد تكون عينها اليسار عين امها

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

صارت الساعه 9 الصبح .. لبست ريم عبايتها ودعت ربها يكون الباب مفتوح مو قافلينه عليها .. لانه تذكر امس ماجد ما قفل الباب عليها

مسكت يد الباب ولفتها تفتحها وانفتحت معها
انتهدت بارتياح وطلعت راسها تشوف اذا احد صاحي او لا
لكن ماكان في احد .. نزلت على تحت بسرعه وركبت السيارة وراحت للمستشفى
نزلت ودخلت عند دكتور العيون

ريم : اهلين دكتور
الدكتور : اهلين انسى ريم اتفضلي
ريم : معليش انا مو اخذه موعد عشان شي .. كنت بسألك بس عن حاجة
الدكتور : اتفضلي انا بالخدمة
ريم : اللي اعرفه انه الدكتور احمد كان مكانك قبل سنين .. وكان مشرف على علاجي
بس بسأل عن عمليه سويتها وانا صغيرة .. اتوقع مسجله
الدكتور : والله ما ادري الحين يجي الملف واشوفلك
ريم والصبر نافذ عندهات .. تهز رجولها بتوتر وداخلها تدعي ربها انه يطلع كلام ماجد كذب

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

جنا قاعده ترتب الغرفه ومبسووطة وماخذه المنظفات كلها عندها وقاعده تنظفها .. تكره الشغالات يرتبوا اغراضها
لابسه المريلة وحاطة منديل على شعرها وفوطة وكيس في يدها وتغني ومبسوطة على الاخر انها قاعده تنظف اشياءها بنفسها

راحت الحمام اللي عند الصاله شافت الشموع في المغسلة .. اختفت ابتاسمتها من شافتها شالتها ورمتها في الكيس الي في يدها وقعدت تنظف المغسله وارضية الحمام

دخلت ام سعود عيها تدورها لقتها ماسكة المكنسه وتفرك المغسلة وتغني

ام سعود شهقت على شكلها : جنا شتسوين هنا حبيبتي
جنا ابتسمت : ابد انظف جناحي
ام سعود : لالا اتركي ذا الشغل للشغالات لا تتعبين وتجهدين نفسك وانتي حامل كذه
جنا : لا بالعكس انا ارتاح اذا نظفت اشيائي بنفسي
ام سعود تذكرت انها متعوده ومارح تتعب كثير فتركتها على راحتها : اوكي على راحتك .. بس ترى بعد شوي جايينا حريم مهمين .. ابيك تكشخين وتنزلين لهم معاي اوكي ؟
جنا : من عيوني
ام سعود : تسلم لي يونك

طلعت ام سعود ونزلت للمجلس الكبير

جا قعدت تكمل تنظيف وبعدها اتروشت في حمام غرفتها ولبست وتكشخت ونزلت
لبست فستان للركبه حق قعدات نهار وردي هادي بالمرة وبسيط
ام سعود : الله مثل القمر
جنا ابتسمت بخجل : تسلمي
اندق جرس الباب الداخلي وراحت الشغاله فتحته لحد ما ينزلوا الحريم من السيارة
دخلوا وتعدلوا قدام المرايا ودخلوا المجلس الكبير بعدها
جنا طالعتهم .. باينين بطرانين بالمرة .. كانوا 3 حريم .. سلمت عليهم جنا وقعدوا

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

ريم بصدمة : ايش
الدكتور : فعلا في عملية سواها دكتور احمد لعينك اليسار بسبب حادث وصار لك نزيف في عينك واضطروا يشيلولك ياها وامك اتبرعت لك بعينها

ريم كان ساكته مصدومة .. ما تدري ايش تسوي وايش تقول .. قامت بهدوء بدون ما ترد وطلعت من غرفه الدكتور وقعدت في كراسي الانتظار الي جنب الغرفه

رجعت راسها على ورى وسندته على الجدار والدموع في عيونها .. كل كلمة كانت تقولها لامها بسبب نقصها صارت الحين عليها .. طلعت هي المقرفه .. طلعت هي الناقصه .. طلعت هي العله !!
غمضت عيونها ونزلت دموعها على خدها
امها عطتها عينها حتى ما تكون شاذه عن اللي في سنها .. عطتها عينها عشان ما تكبر بعين وحده .. عطتها عينها وهي اللي قعدت بعين وحده .. ومالقت من ريم الا القسوة والجفا والوقاحه

قامت ريم من الكرسي وطلعت للدور الرابع مكان غرف المريضين
ريم تكلم النيرس اللي قاعده عند الكاونتر وصوتها مبحوح من البكا : ابي غرفه ندى محمد الوافي
الممرضة تدور في الكومبيوتر : غرفة 103 .. بس دا حضرتك مش وقت زيارة
ريم طالعتها بحقد : انا مرافق من الحين وطالع

مشت ريم بخطوات سريعه تدور الغرفه .. لقتها واخيرا اترددت تدخل او لا .. تشوف امها اللي هي بنفسها وصلتها لهالمرحله

لفت يد الباب ودخلت بهدوء
مشت في صالة الضيافه لحد ما وصلت عند باب ثاني .. حكمت انها باب غرفه امها حاليا .. مسكت يد الباب ولفتها وفتحته بهدوء
شافت امها منسدحة على السرير ووضعيتها ما تغيرت من يوم ما جابوها لذي الغرفه
اتقدمت لعندها وهي تجر رجولها جر

حسست باصابيعها البارده على عينها اليسار .. مكان فاضي مافيه عين .. اقشعر جسمها

شالت يدها وحطتها على شعرها وتحسسته .. ماتتذكر انها مرة لمستها مثل الحين
هزتها بالخفف تناديها : ماما .. ماما .. ماما قومي انا ريم ..
ريم نزلت دموعها وتغيرت نبرة صوتها : ماما سامحيني .. ماما انا اسفه
ريم فقدت الامل في رد امها .. جلست على ركبتها في الارض ولسه ماسكة يدها تناديها على امل انها ترد عليها .. لكن مع الاسف خابت آمال ريم بعد فوات الاوان !!

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما عند جنا ..

قاعده مع ام سعود وتبتسم مجامله وتحس انه خدودها تشنجوا من الابتسامة طول الوقت

حمدت ربها انهم الحين طالعين .. من يوم ما نزلت للحين وهي مبتسمة

لبسوا الحريم عباياتهم وطلعوا
جنا اتنهدت بارتياح ولمت شفايفها تريحهم
طالعت في ام سعود اللي كانت تتثاوب

ام سعود : حبيبتي انا بروح انام لي شوي اوكي ؟
جنا ابتسمت : اوكي

طلعت ام سعود وقعدت جنا في الصاله مبتسمة من تعامل ام سعود معها كانها وحده من بناتها مو مرت ولدها

طلعت جناحها وفتحت الشبابيك تهويه

جلست في الصاله تقلب قنوات التلفزيون لحد ما اتقرت على محطه تعرض مسلسل مدبلج
تمددت على الكنبه بتعب وحطت يدها على راسها وماحست بنفسها الا وهي بسابع نومة

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

وئام والماس وقت الفسحة قاعدين مع البنات عند الدرج يفطرون ويسولفون

الماس : بنات هديل ليش ما تنزل تقعد معانا
مشاعل : شلون تنزل وهي بكرسيها ؟؟
الماس : ليه فيه الاصنصير
مشاعل : يمكن ما تبي تنزل .. براحتها
وئام : حرام والله مو ناقصه كلام
الماس : بنات تجون عندي اليوم ؟؟
مشاعل : ممممم اليوم الثلاثاء .. انا ما عندي شي
وئام : ولا انا
الماس : الحين تجي مزون ولمن نطلع بقول لهديل
مشاعل : يو صح مزون لسه ماجابت الاكل .. لو انها ايش تشتري خلصت
شوي وتحط مزون الاكل حق البنات على راس مشاعل وتقلد صوتها باستهزاء : لو رحتي جربتي الجهاد اللي كنت فيه كان ما قلتي هالكلام ..
البنات ضحكوا واخذوا اكلهم وشوكالاتاتهم وعصيراتهم من فوق مشاعل واكلوا وخلصوا وطلعوا فوق

الماس : هاي هدول .. اليوم قلت للبنات يجو عندي بعد العصر تجين ؟
هديل : ما ادري والله اشوف .. بدق عليك اذا ماكان موعدي اليوم
الماس : ليش بتفكين يدك اليوم ؟
هديل : لا لسه باقي عليها اسبوعين .. بس مراجعه
الماس : اهاا .. طي اذا خلصتي تعالي عندنا
هديل : ان شاء الله
الماس : لا تنسيين .. انتظرك
هديل ابتسمت : اوكي
اروى قاعده في مكانها وهادية اليوم .. ترسم على الكتاب و طفشآآنة حدها .. ريم غايبة ووئام مع شلتها السخيفه والبنات اللي معها سخيفات ومالها خلق سخافتهم .. قامت من مكانها وطلعت برى الفصل
قابلتها الاستاذه اللي ماخذه الحصة الرابعه : وين وين انسه اروى ؟
اروى : مالي خلق احضر حصتك بروح اتمشى
الاستاذه : اتوقع توك جايه من فسحة
اروى : واذا ؟ انا حرة ما ابي احضر
الاستاذه : اروى اتفضلي داخل بالطيب احسن
اروى : غصب الواحد يحضر الحصه يعني ؟ تبين الصراحه حصتك مملة وانا طفشانه خلقه فبليز لا تزيدينها علي

توها الاستاذه بتتكلم الا اروى راحت من قدامها ومشت بدلع للحمام تعدل شكلها وبعدها تهج

......... : احم احم
لفت اروى على مصدر الصوت لقت سعاد مع اثنين مع شلتها واقفين عند باب الحمام

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما في البيت عند عبد العزيز ...

ام عبد العزيز : عزيز ..!! شفيك مارحت الشركة اليوم
عبد العزيز متمدد على الكنبه ويده على عينه ويفكر: مالي خلق
ام عبد العزيز : بكرة بتطلع مع الشباب كالعاده ؟؟
عبد العزيز طلعت لمبه فوق راسه .. كانه امه جابتها له : ها .. ما ادري
ام عبد العزيز مستغربة منه : انا طالعه اذا بغيت شي دق علي
عبد العزيز وباله مو معه : طيب طيب .. ان شاء الله

عوجت ام عبد العزيز فمها وطلعت
عبد العزيز نقز طلع جواله من جيبه ودق على مشاري

مشاري : هلا وغلا ابو العز
عبد العزيز بسرعه كانه ماصدق انه مشاري رد : مشاري طلبتك قل تم

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

نهاية البارت الـ 19 ..

 

[كفاني عذاب]

>>>> الفصـــل العشــرون <<<<





مشاري : هلا وغلا ابو العز
عبد العزيز بسرعه كانه ماصدق انه مشاري رد : مشاري طلبتك قل تم

مشاري : تم .. امر انت بس
عبد العزيز : امر عليك تعطيني مفاتيح استراحتك الثانيه .. ضروري

مشاري : قصدك استراحه الـ ...
عبد العزيز قاطعة بسرعه : ايه ايه ذيك
مشاري : غريبة .. شتبي فيها ؟
عبد العزيز : يوووه مشاري بتعطيني والا ؟
مشاري : لالا تعال مرني المغرب اعطيك المفاتيح
عبد العزيز : حلو .. يلا سلام
مشاري: سلامين


سكر عبد العزيز من مشاري وابتسم براحه .. اخيرا لقى اللي يبيه !!

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

ريم لسه قاعده على الارض وماسكة يد امها البارده وتبكي

تعاتب نفسها على كل كلمة جرحت امها ووصلتها لذي المرحلة .. اكيد الحين نايمة ومرتاحه من طعنات ريم الحاده في قلب امها الزجاجي الكبير اللي كل ام تحمل مثله .. تحمل مثله حتى تشيل هموم عيالها عنهم .. حتى ما تخلي فيهم أي هم يكدر عليهم .. وريم كانت بكل صد وبكل كلمة تطعن قلب امها لحد ما تكسره ..

انفتح باب الغرفه ودخلوا محمد و ماجد
اثنينهم اول ما دخلوا وشافوا ريم طالعوا في بعض باستغراب .. استغربوا من وجودها هنا

ابتسم ماجد بس لسه علامات الاستغراب على وجه محمد

ماجد همس في اذن محمد : خل نطلع من هنا
محمد لف عليه بسرعه ويطالع فيه كانه يقول ( وش تخربط انت اخاف تسوي جريمة )
ماجد لسه يهمس : تعال وافهمك ليه هي هنا
طلعوا من الغرفه وقال ماجد لمحمد كل السالفه
محمد : اهاا .. طيب امشي ناخذها البيت لا ....
قاطعة ماجد : لا انا اقول خليها هنا احسن .. خليها مع امها

طلعت ريم من الغرفه وسكرت الباب وراها ومسحت دموعها بيدها
انتبهت لوجود شخصين في الغرفه .. رفعت راسها لقت اخوينها محمد وماجد

مشت لعندهم وجلست على الكنبه بتعب
اتنهدت ورفعت راسها تطالعهم لانهم كانوا واقفين : ليه ما قلتولي من اول ؟؟ ليه ما وقفتوني عند حدي ؟؟
محمد : لانها هي ما كانت تبيك تدرين
ماجد : ماكانت تبي تكسر غرورك وتمن عليك بعينها اللي الله العالم بشنو كنتي تستخدمينها
ريم على طول جت مناظر البنات مع مشاري في الاستراحه .. جت مناظر افلام خالعه كانت تشوفها .. جا منظرها وهي تطيح امها من فوق الدرج .. جا منظرها وحولينها الدم .. الخ
غطت وجهها بيدينها وعلي صوتها بالبكي

اتقدموا لعندها محمد وماجد وطبطبوا عليها ويحاولوا يهدوها

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

عند اروى ..

اروى دفتها وصرخت في وجهها : هييه انتي .. الغلط مو علي .. الغلط عليكم انتو اللي ماخلصتوا عليها على الاخر
سعاد : والله والله .. لو سمعت أي كلمة عنا من هنا والا من هنا .. لا اخليك ما تشوفين لا ليل ولا نهار .. فاهمة ؟!!!
اروى ابتسمت باستهزاء : نشوف

سعاد طلعت من الحمام ووقفت اروى قدام المرايا وفكت شعرها ورتبته وطلعت من جيبها الحكل والقلوس وحطت منهم وطلعت

اتمشت في الساحه على العشب لحد ما وصلت لمرجيحه ركبتها واتمرجحت عليها بالخفيف وبالها مو معها

" ليه عبد العزيز ما يرد علي ؟؟ انا ايش سويت له ؟؟ سويت له شي ما عجبه ؟؟ زعلته في شي ..؟؟ يووه حرام عليه يسوي فيني كذه .. كم مرة ادق ولا يرد علي .. "

قامت من على المرجيحه ودخلت لداخل وصارت تتمشى في السيب ..

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

صارت الساعه 4 .. وجنا لسه نايمة .. جا سعود ورجع راح ولا قومها تتغدى او قومها تنام في الغرفه
قامت على صوت المنبه عشان تجهز وتروح الجيم
جنا قامت بسرعه ونزلت تاكل الا قابلها ندى في طريقها

ندى : اهين جنوو .. وينك ما نزلتي للغدا ؟
جنا : همم .. راحت علي نومة
ندى : هههه ايه شكله سعود ما حب يزعجك
جنا ابتسمت لها ببرود وطالعت في صحنها تكمل اكل
ندى ما حبت تزعجها واضح انه علاقتها مع سعود مو اوكي

جنا خلصت اكل وغسلت يدها وفمها ولبست وراحت على الجيم
قعدت في قاعة الانتظار مع المشتركين اللي معها لحد مانادت عليهم المدربة ودخلوا قاعة الرياضة

جنا تطبق اللي تسويه المدربه وبالها مو معها ... تحسب كم باقي على ولادتها وهي لسه في الشهر الثاني
رجب شعبان رمضان شوال .... محرم !!!

ولادتها بتكون في محرم وهم لسه في في رجب .. شايلة هم رمضان واللي احتمال تفطره اغلبه عشان مو كويس للبيبي .. ابتسمت على تفكيرها اللي مو وقته الحين ابد .. طالعت في المدربه وتحاول تركز عشان تعرف ايش تسوي


خلصوا وجلست على الكراسي تشرب من قارورة الموية اللي في يدها .. قامت للمرايا اللي ماخذه مساحة جدار كامل وتوقف بكل الاشكال تبي تشوف اذا بطنها بارزة او لا

مسكتها تشوف باين شي او لا لكن لسه مافي أي شي بارز او واضح .. ودها يكبر بطنها وتحس من جد انه في كائن حي داخلها ويعيش على نبضها

شالت الجاكيت من على خصرها و لبسته وطلعت من جيبها مفتاح اللوكر حقها ( دولاب يحطون فيه اغراضهم ) وطلعت لها منشفه وملابس وراحت اتروشت على السريع في الحمامات على السريع وطلعت

قابتها المدربه على الطريق وقالت لها : مدام جنا .. الدكتورة باعته خبر تروحي لها
جنا : اوكي

طلعت جنا من قسم الجيم وراحت للعياده ..
الدكتورة : اهلين مدام جنا .. دنتي نسيتي زرف الصور بتاع الشهر دا والا ايه ؟؟
جنا طالعت في الظرف : اووه سوري
الدكتورة مدت لها اياه واخذته وطلعت

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما في البيت عند سارة

قاعده في الصاله مع العائلة كلها

ابو فيصل اكيد في حضنه اروى والباقي حولينه ..
ابو فيصل : ومتى قررتوا الملكة آخر شي ؟
سارة : والله للحين ما استقرينا على كلمة .. بس بندر يقول الملكة والعرس في يوم واحد احسن شي .. يعني بعد 3 اسابيع
ام فيصل : يوه .. لا حبيبتي مرة مايمدري اجهز لك ولا شي في ذي الثلاث الاسابيع .. وش اشتريلك وايش اخليلك في ذي الكم يوم
سارة : نوزع الشغل علينا مافي مشكله
اروى : من الحين فستان العرس واحتياجاته علي وانتي عليك تقولين ايه او لا
نجلاء : وانا ونوف بنستفرد في الملابس
نوف : ورؤى وماما القاعه وتجهيزاتها

نجلاء : انحلت
ام فيصل : بس ولو لسه بعد في الكروت وفساتين اخواتك وبيتكم و ...
سارة : لا تخافين ماما البيت مجهز وخالص .. وفساتين خواتي ما يحتاج .. كل وحده ماشاء الله عندها درزن فساتين جدد ولا لبسوها .. اكشخ شي يلبسوه وخلاص
رؤى : نونو .. انا عن نفسي رح اشتري لي شي .. مااعرف البس شي شريته من اول
اروى : ولا انا وبعدين حنا خوات العروسة لازم نكون احلى شي .. اقلها نجيب فساتين من برى
سارة : ابو الفشخرة بس .. ترى ما يحتاج .. يـ ..
اروى قاطعتها : خلاص كل وحده تسوي اللي تبيه وبيكفي
ام فيصل : والله احترت معكم .. اذا كذه لازم من بكرة ننزل السوق
الكل : اكيييد
ابو فيصل : خلاص انتو سووا اللي تبون واي شي تحتاجونه الجيب مفتوح
سارة : الله يخليك ان شاء الله
ام فيصل قاعده ومعوجة بوزها .. مرة موعاجبها كلامهم .. الحين كل الفشخرة والمخططات مايمدي تسوي شي منها

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما في المستشفى عند هديل

فهد كان يفتح الشاش من على يدها ويطالع في وجهها اللي خايف من شكل يدها شلون بيكون ؟ اول مرة تشوفه شي طبيعي بتكون تخاف يطلع شكله مشوه

ابتسم على شكلها ورجع طالع في يدها يكمل شغله .. رفعت هديل عينه تطالعه وهو يشتغل وباله مو معه .. ابتسمت على شكله .. باين انه سرحان !! نزلت عينها لقته مخلص خلاص .. رمشت اكثر من مرة تطالع يدها ... جلد وفيه خطوط بيضا ومكرمش على بعضه .. بلعت ريقها واقشعر جسمها من شكل يدها

فهد : يدك بعد سنة ان شاء الله من الحين بنسوي لها علمية تجميل .. بس الحين بتروحين تسوين اشعه ونرجع نربط لك ياها
مد لها ورقة تعطيها الرسبشن حق قسم الاشعه
هديل طالعت فيه ببرود واخذت الورقه و ولفت كرسيها وطلعت .. فهد انقهر من حركتها السخيفه الي ولا حتى شكرته

طلعت هديل من الغرفه وراحت لقسم الاشعه .. طالعت في الورقه وحاولت تقرا الكلام المكتوب لانه خط انجليزي مشبك ومحوس ومو واضح أي شي منه .. طالعت في الختم لقت اسمه الثلاثي فهد خالد العالي
شهقت ورمشت اكثر من مرة تقرا الاسم لكنه نفسه تمنت يتغير لكن هذا الواقع

كرمشت الورقه بين يدينها واتجمعت الدموع في عيونها ودها تصرخ بقهر .. اقرب شي يخص اروى بين يديها الحين .. قاطع افكارها صوت النيرس تطلب الورقه منها .. عطتها هديل اياها وطلب منها تنتظر

دفت لها تينا الكرسي وقعدت جنبها على الكراسي حقة الانتظار

هديل بلعت ريقها وتذكرت جمعة البنات عند الماس .. تروح او لا ؟؟ تروح او لا ؟؟
غمضت عينها و اتنهدت ..
( احس ماله داعي اروح واثقل عليهم .. وكل ما يبون يتحركون انا اعطلهم .. )
سمعت اسمها على لسان الدكتور ينادي عليها

دخلت الغرفه وحطت يدها واخذوا منها صور

انتظرت 5 دقايق واعطوها الصور ورجعت عند مكتب فهد

رمتله الصور على مكتبه وطالعت فيه باشمئزاز
خزها فهد وطلع الصور وشافها وقال للنيرس تربط لها يدها

قبل لا تطلع نطقت هديل باستهزاء : على فكرة دكتور فهد .. اتمنى تحط عينك على اختك
فهد طالع فيها ببرود ورجع للي في يده وقال : نعم ؟
هديل بنفس الاسهزاء لفت بكرسيها ومشت لبرى الغرفه

فهد عقد حواجبه ووحرك رجوله يبي يلحقها لكن تردد ووقف على اخر لحظة
جلس على مكتبه وقال للنيرس تنادي المريض الثاني

اما هديل اللي كانت على كرسيها وتينا تدفها في الممر تطلع من المستشفى وشايله في عيونها دموعها

( نفس الوقاحه ونفس النظرات .. نفس البرود ونفس الغرور .. عائلة غريبه .. كل همها غرورها .. )

طلعت من المستشفى ودقت على الماس من السيارة وتحاول تعدل صوتها حتى ما يبان فيه البكا

هديل : اهلين الماس
الماس : هلا هدوله وينك ؟
هديل : لا سوري مارح اقدر اجي
الماس: ليييييه ؟؟
هديل : رجعت من المستشفى تعبانه .. سوري ان شاء الله مرة ثانيه
الماس : اكيد ؟
هديل: ان شاء الله
الماس : اوكي اهم شي راحتك
هديل : تسلمين ما قصرتي
الماس : الله يسلمك ولو حنا خوات
هديل : اوكي لا اعطلك .. يلا باي
الماس : باي

سكرت الماس من هديل ورجعت للبنات
الماس : بنات هديل مو جايه
البنات : لـــيه ؟
الماس : تقول رجعت تعبانه .. والظاهر صحيح لانه صوتها كان تعبان
توهم البنات يبون يتكلمون الا يقطع عليهم صوت جوال وئام بنغمة مميزة ..

وئام طالعت في الماس .. الماس فهمت انه تركي .. اشرت لها بعيونها على الغرفه الثانيه وراحت وئام
مزون : هااا .. بدينا شغل الالغاااز
الماس : هههههه لا بس الظاهر مكالمة مهمة
مشاعل : ترى مو علينا هالحركات اعترفي مين اللي داق
الماس : هههههه وانا ايش دراني لا تناظرون كذه

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

عند وئام في الغرفه ..

ايش ؟؟ ...
الحين ؟؟ ... لالا الحين انا ببيت الماس ما اقدر
ايه طلعوا مافي غيرنا مع الخدم في البيت ..
لالا بليز تركي في بنات غيرنا ترى فضيحة ..
لا عاد و كذه حتى انا ابي اشوفك بس مو الحين ..
لالا خليها بكرة .. يووووه تركي لا تصير زنان
خلاص قلت لك بكرة .. ما ينفع اليوم
يؤ .. توني جيت كيف تمرني ؟؟
لالالالا خلاص بحدد معك موعد بكرة وتعال ونطلع بس كذه الحين لا
باي

سكرت وئام وهي تتنهد من طلبات تركي اللي ما تلخص .. صار له اكثر من مرة وهو يطلب مها تقابله بس كانت ترفض بعده حجج ..

طلعت من الغرفه وراحت على الصاله لقتهم قاعدين يدورون في درج السيديهات
وئام : ايش تدورون ؟
الماس : رح نرقص ... ندور على سي دي مصري
وئام : اووه رقص مصري .. يلا اجل هاتوا شي ادوره معكم
مزون : بنات بنات .. في سي دي دربوكات ( طق طبول يعني )
وئام : اللله طق مصري ام الحركات .. شغلي يلا شغلي

علوا على الصوت واخذوها رقص وهبال

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما عند جنا ..
الساعه 6 الليل
ركبت السيارة وراحت على البيت وهي تحس جسمها ثقيـل من التعب
ماصدقت اول ماشافت السرير على طول رمت نفسها عليه بتعب واستسلمت للنوم

بعد ساعات

دخل سعود الغرفه وسكر الباب وراه بقوة متعمد يزعجها لعانه بس !
قامت بسرعه متخرعه .. شافت سعود يبتسم باستهزاء قامت من على السرير ولا طالعت فيه

دخلت غرفة الملابس بعد ما عطته خزة تطلع قهرها فيه .. اخذت روبها ودخلت اخذت لها شاور على السريع وبدلت ملابسها ونزلت تحت بدون أي كلمة

اما سعود شاف الشنطة اللي تاخذها معها الجيم وجنبها ظرف كبير ابيض حق المستشفى اللي تروحه
اتقدم بفضول وفتح الظرف وطلع اول صورة

عقد حواجبه وصغر عيونه يحاول يفهم وش ذا اللي قاعد يطالعه

استوعب للحظات انها صورة طفله المنتظر .. رمش اكثر من مرة وهو يشوف الشي الصغير اللي محدد حولينه بالقلم حتى يبين ..
طلع الصورة الثانيه وكانت تقريبا نفس الشي

ابتسم بخبث وهو يتخيل شكل جنا وهي تشوف نواياه

مسك الصورتين من النص باصابعه وشقها كذا مرة .. اكيد جنا تبغاهم عشان كذه شقها .. ما يبي ولد
ما يبي شي منها .. غلط يوم حاول يلمسها

رمى الاوراق على الارض ودخل بدل ملابسه وطلع

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما عند وئام اللي كانت مندمجة مع البنات في الرقص .. رن جوالها واكيد تركي المتصل !!

وئام : نعم ؟؟ برى ؟؟ طيب ثواني

طلعت وئام من الغرفه وسحبت الماس شوي شوي

وئام : تركي برى .. يبيني اطلع معه
الماس : اطلعيله بسرعه ..
وئام طالعت فيها بدهشه : من جدك ؟
الماس : ايييه بسرعه .. اطلعي واستانسي يلا
وئام باست خدها واخذت عبايتها : باي .. وقولي للبنات اني رحت
الماس : اكييد .. يلا باي
وئام : باي

طلعت وئام وركبت في سيارة تركي
تركي : هههههههه وسويتها فيك والله
وئام : الحين انت مستانس لانك سويتها فيني .. من قالك اني كنت ما ابغا اليوم بس مزاج
تركي : كيف يعني
وئام : كنت ابغاها بكرة لاني كنت مجهزة لك مفاجأه بس الظاهر انت خربتها
تركي : ههههه انتي بكبرك احلى مفاجأه .. وينتحبي نروح ؟؟
وئام : أي مكان
تركي : خلاص بروح تشيليز
وئام رافعه حاجبها : من جدك ؟
تركي : لا من عمي .. مو انتي تبين أي مكان .. انا مشتهي تشيليز بنروح شيليز
وئام : اوكي يلا سير
تركي ضحك لانه شكلها كانت متوقعه شي ارقى
وصلوا المطعم .. نزلت وئام ومشى جنبها تركي
مسك يدها .. وئام لفت عليه بسرعه مستغربه من حركته
تركي ابتسم وطالع فيها : حرام امسك يد حبيبتي ؟
وئام احمرت ولفت راسها عنه ودخلوا لداخل

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

جنا دخلت الغرفه شافت سعود نايم واشياء مشققه حولينه .. قربت وجست على السرير وخذت القطع الباقيه من الاوراق

شهقت بالخفيف من عرفت ايش هم .. لفت عليه بحقد وقامت من السرير وراحت لجهته
مدت يدها ودها تخنقه وتخلص منه على الاخر . انسان حقير ووصخ ونذل .. ما تدري من وين جايب عرق النذاله .. امه واخواته وابوه كل واحد قلبه احن من الثاني .. ودها تخل مه اليوم قبله بكرة هالحقير اللي ما يهمه الا نفسه وبس !!

شالت يدها واتعوذت من الشيطان ولمت الاوراق ورجعتهم في الظرف ودخلتهم في درج كمدينتها

نزل تحت في الصاله لقت لسه يزيدوندى وشوق قاعدين
يزيد متمدد على الكنبه .. وندى لى الكنبه الثانيه جالسه تتابع الفلم . وشوق جالسه على الارض قدام التلفزيون بالضبط وعليها صحن بوب كورن مندمجة الاخت بالمرة ...


جنا ضحت عليها وجلست جنب ندى
ندى : شفيه سعود غريبه نايم بدري بالعاده يسهر معنا الثلاثاء .. تعبان ؟
جنا كرهت نفسها يوم سمعت اسمه : لا
ندى سكتت من رد جنا الجاف . ( شكله من جد العلاقه مو تمام .. الله يهديك يا سعود )

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;


نروح عند اروى اللي كانت متمدده على سريرها بطفش جوالها بطفش تبغى تدق على عبد العزيز كالعاده لكنه مايرد .. حست بالصيحه تخنقها ..
( ليه يسوي معاي كذه ؟؟ أيش سويت غلط معاه عشان فجأه يسوي معاي كذه ؟؟ )

جات فكرة ببالها وعلى طول راحت للبيانو و مسكت جوالها وقعدت تسجل

انا مقدر اكون اصدق من احساسي ومن اشواقي
تبي تعرف كبر شوقي شوف عيوني وتكفي

اذا ما يكفي اني اصرخ باسمك داخل اعماقي
واشوف العمر بك وحدك فرحي صار ملك ايديك

تراني ما عرفت القى لحبك حل او معنى
تخيل كثر ما احبك انا صاحي واحلم فيك

تراني ما عرفت القى لحبك حل او معنى
تخيل كثر ما احبك انا صاحي واحلم فيك

انا مقدر اكون اصدق من احساسي ومن اشواقي
تبي تعرف كبر شوقي شوف عيوني وتكفي

تعال وناظر بقلبي علك فيني تلاقي
جواب الكل اسالتك غرامي سرك ويرضيك

انا يومي عشقتك قلت يا شمسي واشراقي
ترى من يومها ما غاب نور اشرق بطاريك

تراني ما عرفت القى لحبك حل او معنى
تخيل كثر ما احبك انا صاحي واحلم فيك

انا مقدر اكون اصدق من احساسي ومن اشواقي
تبي تعرف كبر شوقي شوف عيوني وتكفي

انت فقلبي الدايم وانت فبالي الباقي
لك الله كيف ما تدري ابيع الكون لك واجيك

لقيت فحبك الراحة بعد ما كنت انا الشاقي
صرت بعمري القصه ولامر يوم الا احكيك

تراني ما عرفت القى لحبك حل او معنى
تخيل كثر ما احبك انا صاحي واحلم فيك

انا مقدر اكون اصدق من احساسي ومن اشواقي
تبي تعرف كبر شوقي شوف عيوني وتكفي


سكرت التسجيل ورسلته على الاستديو ورسلتها له رساله صوته .. وتدعي يارب يرد عليها

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

عبد العزيز في سيارته راجع من بيت مشاري .. سمع صوت الرساله خذ الجوال وفتحها

علاعلى الصوت وزادت دقات قلبه

( والله حتى انا مشتاق لك )

سكر المسج وراح على البيت

دخل غرفته واتروش وبدل ملابسه ونزل لغرفه هديل .. شاف النور مسكر والباب مردود
فتحه بهدوء ودخل
فتح الدرج واخذ الظرف وطلع

ركب سيارته وهو يتنهد .. يفكر اللي يسويه صحوالا غلط .. هل هذا الشي بيسعد ويشفي دم غليل هديل او لا ؟؟

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اما عند اروى ..
رن جوالها على نغمة نانسي .. تركت اللي في يدها بسرعه وركضت عند جوالها .. ردت بسرعه وقالت بلهفه

: عزيز .. عزوزي حبيبي كيفك انت بخير .. عزيز رد علي بليز قولي ليش ما ترد علي ؟
عبد العزيز يبتسم : اراوي حبيبتي هدي .. انزلي تحت وانا افهمك كل شي بالهداوة
اروى بغباء : وين تحت ؟
عبد العزيز : انا تحت في السيارة انتظرك .. يلا انزلي
اروى : اوكي اوكي

سكرت منه ولبست أي شي على السريع وطالعت في شكلها .. كويس انها مرتبته من قبل .. لبست عبايتها واخذت جوالها وشنطتها ونزلت له بسرعه

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

عبد الرحمن قاعد في مكتبه يشوف احوال شركته هو وابوه .. الاوضاع احسن مرة مرة بكثيييير .. طالع ملف اخبار شركة عمه .. الاوضاع عنده سيئة وخسران هالايام بزياده

ابتسم عبد الرحمن وسكر الملف وطلع للصاله

لقى ابوه وامه ورندا وريناد مع بعض يطالعون مسلسل

عبد الرحمن بملل : ياذا المسلسل اللي ما تفكونه منه .. حفظناه ترى حفظنااه
ريناد : انت وش فهمك .. هذا لو شفته مليون مرة كل مرة بتشوف شي جديد
عبد الرحمن : هذا دليل على عبقريتك الزايده
ريناد : ههههه ايه اعرف اصلا انا من قد عبقريتي
عبد الرحمن : اكرمينا بسكاتك بس بالغرور انتي
ريناد : ههههههه
رندا كانت كل ما تشوف عبد الرحمن ما تتكلم .. لان كل كلامها بيكون عن احوال الوليد مع شركته لانه هالايام ابد ما بيدق عليها .. فمولازم تفضح نفسها بنفسها

عبد الرحمن : على فكرة .. ترى الاوضاع في شركة العم ميييييييح
ابو عبد الرحمن حرك راسه .. يعرف ايش في بال ابو الوليد بس تركه هو يبدأ .. لانه طماع .. واذا صار اللي يبيه بيكون كل شي في صالحه


; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

وصلوا عبد العزيز واروى الاستراحه اللي ماخذها من مشاري

اروى : هذي مفاجأتك ؟
عبد العزيز : لسه انتي ما شفتي شي
مسك يدها ودخلوا الاستراحة .. كانت رومانسيه بزياااده ولمباتها ابجورات وشموع بس ..

عبد العزيز : وش تشربين حياتي ؟
اروى كانت مبسوطة انها وياه اخيرا : اللي تحبه انا احبه
عبد العزيز ابتسم وراح جابلها عصير .. لكن ماحط في شي .. يبيها تكون بوعيها في كل اللي تسويه

شربت اروى العصير وسولفوا وضحوا وكله كان من خطيط عبد العزيز ..

عبد العزيز كان بكل ابتسامة من اروى تطعن قلبه .. ليش هالجمال وهالبراءة اللي يشوفها في نظره تسوي كذه ؟؟ ليه هي حقيرة ؟؟ ليه سوت كذه ؟ كانت بكل ابتسامة تطفي نار الانتقام وبكل ضحكة تنعش قلب عبد العزيز من جديد

اتردد في مخططاته .. خلاص بيتركها في حالها .. ورح يروح يعالج اخته .. هي تموت فيه .. وفراقه بيكون اكبر عذاب لها

لاحظت عليه اروى الشرود : عزيز ؟
طالع فيها : همم
اروى : شفيك شارد .. اللي ماخذ عقلك يتهنى به ؟
عبد العزيز ابتسم : هو في بعقلي غيرك
اروى : ههههه
طالع في عبد العزيز فيها وقعد يتأملها ويفكر .. كيف ممكن يخدش هالانسانه اللي في نظره مستحيل تسوي اللي سوته

مرت فجاه بباله هديل .. لحظات كانت مع هديل فيها وصوت انينها من الالم يرن في اذنه

(1)

هديل : تكفى عزيز .. ابي اطلع من هنا

عبد العزيز : هدول حبيبتي .. كلها اسبوع وتطلعي .. اصبري
هديل بترجي ودمعتها في عيونها : تكفى عزيز .. تكفى .. تعبت من الابر .. تعبت من العلاج .. ابي اروح البيت .. تكفى

عبد العزيز حن قلبه على اخته المسكينه لكن ما يقدر يقول للدكتور يطلعها .. لازم تكمل علاجها : هدوله حبيبتي ما اقدر اطلعك .. شالفايده اطلعك وانتي تعبانه وما ترتاحي .. كملي علاج وارتاحي وبعدها بتطلعين ان شاء الله مرتاحه

هديل تبكي بقهر : كله منها .. كله منها حسبي الله عليها .. الله لا يوفقها يارب .. الله لايوفقها
دفنت راسها بالمخده وظلت تبكي بقهر وشهقاتها تطلع من قلب

(2)

هديل لسه تبكي : ليش انا يصير فيني كذه ؟ ليش الكل يطالعني بشفقه ؟ ليش يحسبوني معاقه ؟ ليش انا صرت شاذه عن الكل .. ليش لمن اكون في مكان الكل يطالعني ؟ سمعتي اتشوهت يا عزيز سمعتي في المدرسه صارت في الارض .. كله منها .. هي اللي صورت البنات وحطت الجوال في شنطتي .. هي اللي ركبت صوري مع شباب ونشرت الصور في المدرسة .. هي اللي بعدت عني الناس .. هي اللي شوهتني .. هي اللي خلتني شي غريب بين البنات .. هي اللي بعدت عني البنات كلهم بشكلي هذا .. مين يبي يكون صديقة انسانه معاقه مين يبي يصادق انسانه مشوهه مافي أي فراغ في جسمها صافي .. كل جسمي جروح . انا تعبت يا عزيز تعبت من نظراتهم .. تعبت من كلامهم .. ليش يحزنون علي ؟؟ انا ما ابيهم يحزنون علي او يقولون اني مسكينه .. بليز قولهم لا يقولون عني كذه .. الله يخليك عزييز قولهم

شهقت بقوة ورجعت تبكي

عبد العزيز ساكت يسمع كلامها .. ماعادت تتحمل أي احد .. سكتت كثير وجا الوقت اللي تنفجر فيه

قامت من حضن عبد العزيز وقالت بكل حقد وقهر : كله منها .. كله منها اروى العالي بنت الكلب

...................

ومرت في باله هديل الاولانيه .. اخته الوحيده اللي كان البيت ما يحيى الا بها .. تحييه بضحكتها ووجودها .. لازم يرجع هديل الاولى .. لازم يرجع الضحكة في البيت من جديد !!

طالع في اروى اللي كانت تلعب بالمزاز العصير وتقلب فيه الكاسه

عبد العزيز : اراوي تعالي معاي ..
اروى طالعت فيه : وين ؟
عبد العزيز ابتسم بخبث ورف حاجبه : مفاجأه ... يلا تعالي
قامت اروى من الكرسي ومسكت يد عبد العزيز ومشوا
دخلوا رفه كانت كلها احمر في احمر والابجورات شغاله والغرفه طالع شكلها رومانسي بزياده
اروى : وآآو خيال الغرفه
لفت على عبد العزيز اللي كان مسند نفسه على الباب ويدخل المفتاح في جيبه
عبد العزيز يقرب منها : جد عجبتك
اروى ابتسمت بحسن نيه ما تدري وش بيصير لها : ولو .. اكيد لازم تعجبني دامك انت مجهزها

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

عند تركي ووئام في المطعم ..

وئام تشرب العصير ببطئ وسرحانه .. تركي يراقبها ويبتسم
وئام رفعت عينه طالعته : شفيك ؟؟ شكلي غلط ؟
تركي : لا بالعكس زي القمر
وئام ابتسمت بثقه : ادري
تركي : اموت يالثقه
وئام : مو من حقي ؟
تركي : لا من حقك ونص
تركي مسك يدها وقال بترجي : وئام بطلب منك طلب ...
وئام لفت راسها تشوف الناس اذا يطالعوهم او لا ورجع لتركي : امر
تركي : تطلعين معاي في الاسبوع 3 مرات بس ؟
وئام : بس ؟
تركي : بس
وئام : ليش هالطلب الغريب
تركي : انتي ما تفهمين والا تبين شي ثاني يفهمك اكثر
وئام ضحكت تفهم نواياه الشينه واللي مو بمكانها ابد : ههههه لا فهمت
تركي : اجل لا تسألين .. احيانا تنرفزيني
وئام : يؤ ليه ؟
تركي : ما ادري .. اقول امشي نطلع من هنا احس اني بسوي شي شين فيك
وئام : هههههه يلا

طلعوا تركي ووئام من المطعم ورجع تركي وئام لبيت عمه

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

عند ريم ..

كانت جنب امها تمسح وجهها وجسمها بالماي .. لحين هي بتتعب معها كثر ما تعبتها زمان .. خلصت وقامت اتوضت وصلت لها كم ركعه توقف فيهم قدام ربها وتتوب له
طولت بالسجود .. وهي تدعي ربها يشفيلها امها ويتوب عليها .. من الحين ناوية بدايه صفحه جديده مع امها .. والله يعطيها طولة العمر يآرب ..

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اروى كانت تطالع في عبد العزيز مصدومة منه .. مو هو اللي يطلع منه كذه

عبد العزيز قاعد على الكرسي يدخن والبرود واضح عليه

اروى طالعت في شكلها وهي متقرفه .. لفت على عبد العزيز وصرخت في وجهه ودموعها على خدها تنزف : حراااام علـــــــــــــيك وش سويـــت فيني ؟؟
رمت نفسها على الارض وبكت بحرقه قلبها

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;


نهايه البارت الـ 20 ..