" قلـــــ مغلقـه ـــــوب " قصة محزنة بس رائعة اقروها لا تفوتكم

[طوق البنفسج]

مشاركة: " قلـــــ مغلقـه ـــــوب " قصة محزنة بس رائعة اقروها لا تفوتكم

صباح الاربعاء كان عاادي جدا هادي جدا النات طلعوا للجامعه ..صقر راح لدوامه ..مزون مازالت بغرفتها مستغربه من تصرف صقر الي كان واضح انه زعلان..امل مازالت نايمه بعد ليله كلها احلام ودموع ..

رجعوا البنات من الجامعه كالعاده وتغدوا وناموا مزون كانت مع ام صقر ينتظرون صقر لكن تفاجأت مزون لما دق تيلفون البيت

ام صقر..الوو
صقر..السلام عليكم
ام صقر..وعليكم السلام هلا يمه
صقر..هلا بك اسف يمه بس مابرجع عالغداء بتغدا مع سعود وسلطان لانتظروني
ام صقر ..بسلامتك الله معك
صقر..مع السلامه
سكرا ام صقر..صقر يقول مابيجي بيتغدا مع سعود وسلطان
مزون رغم النار الي اشتعلت داخلها ابتسمت..بسلامته اجل بروح اجيب لنا الغداء
طلعت مزون وابتسمت ام صقر وهي تعرف انه واضح متخانقين ..

طبعا صقر تغدا ولارجع واتصلت عليه مزون وطلع من المجلس ورد عليها
صقر..هلا
مزون..هلا صقر شلونك
صقر..تمام
مزون..صقر امل عازمتنا عندها اليوم
صقر وانقهر منها لانها حتى ماسألته ليه مارجع..اوكي روحي مع البنات انا مابرجع بتأخر
مزون..اوكي يالله مع السلامه
سكر صقر وهو موصل حده من هالانسانه لكنه غصب نفسه ورجع عند العياال

سعود..صقر بكرا الفجر العائله الكريمه بيرحون مزرعة ابراهيم على شرف الشيخ سلطان
صقر مستغرب..متى صار هالشئ
سلطان..تو ابراهيم مكلمني
صقر باابتسامه..بتروح
سلطان..شرايك انت يعني بقول لابراهيم لا اكيد بنروح
صقر..الله يعينا وليه من الفجر عااد
سلطان..مااعتقد بيجلسون الى الليل
صقر..يصير خير
سعود..تدري ان خالد بيوصل اليوم
صقر..كلمني يقول بيوصل بعد المغرب
سعود..قلت له يبجينا هنا
صقر..ماوافق يقول عامل مفاجئه لناس بيروح لهم بعدين يجي
سلطان ويتلفت عليهم..هي انت وياه تكلموا مثل الناس
سعود..هههههههههه بيروح لامل اول
سلطان..وليه
صقر..لان اقرب وحده له امل
سلطان..تغيرات جديده هذي
سعود..لا مو جديده بس زادت بعد ماسافرت والا امل وخالد من عمرهم قريبين من بعض ولايرضون على بعض اي شئ
صقر..المهم خلونا نطلع
سعود..يالله

عند امل اجتمعوا كل البنات ومعهم امنيات الي انسجمت مع امل كثير بعكس ماكانت متوقعه
امل..هلا امك بتجي عندنا
هلا..لابتتعشى عند ام سلطان
مزون..طيب كلميهم يمكن غيرت راسها
هلا..لا ماغيرته توني مكلمتها الا صدق مزون ماقالك صقر شصار بينه وبين ابوي
مزون مستغربه..شصار لي
هلا..اليوم الصبح كان معصب واسمعه يكلم امي يقول يبيني امسك شغله خفت اسئله لانه معصب
مزون..ماعندي خبر امنيات..وليه ماعندك خبر مو زوجك
امل وماصدقت تكلمت جواهر..صادقه المفروض تعرفين كل شئ عنه مو ماتدرين عن شئ يالخبله
نجود..مزون بصراحه ماتوقعتك كذا
مزون مستغربه..بسم الله كلوني شو اعمل له مايتكلم
هلا..عاد انتي تتكلمين والله تجلسون معنا ساكتين
نجود..خلاص يااختي هذا زوجك
جواهر..والله انا امزح بس الظاهر السالفه جد وانا اقول مزون بتحقق امنياتي
مزون..لا الله يخليك الا انا وصقر مستحيل نحقق امنياتك
جواهر..افا وليه يااختي
مزون..غيروا الموضوع
امل..ليه نغيره ماتبين تشوفين نفسك
مزون وتأخذ نفس..متى بتطلون بكرا
هلا..متى ماقال الشيخ
نجود..بس خالتي تقول الصبح بدري
امنيات..يابختكم خذوني معكم
امل..يالله مافيها شئ
جواهر..فيه مليون شئ
امل..الا صدق جواهر اذا عزمنا امك تجين
جواهر مبتسمه..لا مافيه امل
نجود..امنيااات
جواهر..شفيك
نجود..مشتاقه اقرأ كلامك
جواهر..اذا جيتوا عندي
مزون ..ههههههه اجل مافيه امل تقرينها لان صقر لو امووت عنده ماحقق لي شئ اتمناه
الكل انصدم من رد مزون الي من جت وواضح انها معصبه
امل مبتسمه..اذا ماخاب ظني فيه سؤء فهم بينكم مخليك واصله حدك منه
مزون..هو يوم دووم الله يرحم حالي
هلا..مزوووون والله حرام صقر حبيب
نجود..الظاهر اختي نست انه اخوهم
مزون..مانسيت بس رفع ضغطي
هلا..ههههههههههه خذي راحتك يالله بس قوموا صلي اذن العشاء


بعد الصلاة رجعوا البنات ودخلت عليهم نوره وسلمت
نوره..مشاء الله يااختي اذا بتعزمين بنات حلوات مره ثانيه قولي لي
ابتسمت جواهر بخجل وردت هلا..افا ياام عبدالله سنين وانا بوجهك ماعمرك جبرتي بخاطري
نوره..هههههههه بس القمر مايحتاج نذكره بزينه
هلا..ههههههههههه والله يلوموني فيك
مزون..نوره خالتي مارجعت معك
نوره..لاراحت البيت مع صقر تقول عندها كم شغله
نجود..متى بتمشون نوره
نوره..ابراهيم يقول بعد الفجر وعبادي بيطلع بالليل من هنا
هلا..بسم الله شو بيوديه بالليل
نوره تبتسم..عشان ينام على راحته
هلا..والله ذكي ولدك
نوره..الله يحفظه اموول شفيك
امل مبتسمه..ولاشئ
نوره وتقرب عندها..مو علي قولي لي
امل وتلف وجهها ..مافيني شئ
جواهر ..يالله بنات انا امي وصلت
امل وتوقف ..بدري
جواهر..لا زين اني قدرت اجي
مزون..خالتي برا
جواهر..ايه
طلعوا البنات لكن جواهر انصدمت لما حصلت امها تكلم واحد وهي بالسياره
امل وتضحك..خالد رجع
جواهر..هذا الي تكلمه امي
مزون..ايه روحي يالله لاتعصب عليك
جواهر..استحي
امل..لابيرجع اول مايشوفك مقبله
طلعت جواهر وركبت السياره وامها ولاعبرتها تسولف
ام جواهر..يمه بسألك مافيه بيوت معروضه هنا
خالد مبتسم..فيه ياخاله تشوفين البيات الي مقابل لك هذا معروض
ام جواهر..والله زين مكانه مايصلح اشوفه الحين
ضربتها جواهر والتفتت امها..مافيها شئ مثل ولدي هو
ابتسم خالد..تلمين ياخاله بس الحين بالليل العصر احسن
ام جواهر..الله يعافيك سامحني ياولدي تعبتك
خالد..ولو خالتي مو ان مثل ولدك
ام جواهر..الله يسعدك يالله يمه مع السلامه
راح صقر والتفتت جواهر على امها..يمه فشيله
ام جواهر..مافيها شئ مشاء الله عليه رجال سنع
جواهر..طيب
ام جواهر...ماجاز لك كلامي
جواهر وتضحك لانها تعرف امها قلبها ابيض..لاجاز لي وغصب بعد

دخل خالد واستقبلته امل باابتسامه..نورة الرياض الحمد الله عالسلامه
خالد يرد لها الابتسامه..الله يسلمك عندكم ضيوف
امل..لا البنات وهذي الي طلعت صديقة مزون الا شتسولف مع امها
خالد يضحك..امها ذكرتني باامي كل العيال عيالها تبي بيت وسألتني عن الحاره وهالامور
امل ..والله جواهر مستحيه قبل ماتطلع
خالد..شكلها اشوف امها تكلمها الظاهر انها نغزتها
امل..ههههههههههه مابتدخل
خالد يبتسم..لابروح اسسلم على سلطان وبكرا اشوفك بالمزرعه
امل..طيب
خالد..ماتبين اوصل سلامك
امل تناظره بطرف عينها..مع السلامه
خالد..هههههههه طيب فمان الله


اما البنات وصلوا للبيت وطلعت هلا غرفتها وظلت مزون ونجود بالمجلس
نجود..الى متى بتظلين على هالحال
مزون..اي حال
نجود..حالك مع صقر ماانتي شايفه انه اخر اهتمااماتك
مزون..لا
نجود..خلاص مزون ماتعبتي من القوه ماتبعتي من كثر ماتلبسين قناع الامبالاة حرام عليك عيشي حياتك مثل ماهي ليه تصعبينها ليه تخلين زوجك يشوفك اقل من غير
مزون..شقصدك
نجود..قصدي اني اذا حكت هلا عن اخوانها وتحديدا صقر اتذكر لما تحكي لي عن كلامه قبل الزواج وكيف بتكون حياته اشوف انه هو الي انظلم مو انتي
مزون..ههههههه حتى انتي معه
نجود..لا انا مع الحق انا مو شايفته مقصر معك لكن انتي الي مهمله نفسك مزون حتى لبسك صار ممل مو مثل زمان ليه كل هذا
مزون ونزلت راسها..ماقدرت حاولت بس عذبتي ذكرى زواجي منه وطريقة الزواج
نجود..لازم تنسين
مزون..مااقدر احس اني رخيصه
نجود..مزون شفيك مو معقوله انتي تتكلمين كذا صقر عمره حسسك بهالشئ
مزون...ابدا
نجود ..ارفعي راسك وفكري بكلامي بس بسألك انتي تكرهين صقر
مزون بتردد..لا
نجود..خلاص طاالما ماتكرهينه ليه ماتحبينه ليه ماتعطين نفسك فرصه تترجمين حلمك القديم بالواقع يمكن تشوفين الحب الي طول عمرك تقولي انه وهم
مزون وتتنهد..تعبت
نجود وتوقف..انتي الي خترتي التعب انا بطلع ارتاح وانتي فكري بكلامي واتصرفي بعقلك بس اعطي مساحه لعواطفك تتحكم فيك باااي
طلعت نجود وتركت مزون بحالة صراع بين قلبها الي يطالبها بلحظات حب وسعاده ..وعقلها الي يطالبها بااختيار اسهل الطرق وهي التجاهل للعواطف احتارت وطلعت لغرفتها..

 

[طوق البنفسج]

مشاركة: " قلـــــ مغلقـه ـــــوب " قصة محزنة بس رائعة اقروها لا تفوتكم

عالساعه عشره وصل خالد لمجلس سلطان ..
خالد..السلام عليكم
الكل..وعليكم السلام
سلم عليهم خالد والتفت على سلطان..الحمد الله عالسلامه نورتنا
سلطان..الله يسلمك يقولون من المغرب انت هنا وينك
خالد..رحت للوالده بعدين لامول بعدين عندك
سلطان..ومن امول تزوجت من ورائ
خالد مبتسم..ياليت بس اموول هذي زوجتك حسب اخر معلومات عندي
صقر وحب يغير الموضوع..البنات رجعوا البيت
خالد..وانا جاي اشوفهم طالعين
صقر ووقف..اجل اسمحوا لي انا من الظهر عندك
سلطان مبتسم..مانقدر نقول شئ الحين متزوج
سعود..ههههههههههه وانت شو يالشيخ
سلطان..متزوج بس مع وقف التنفيذ
خالد..انت الخسران
سلطان ويبتم له..كيف
خالد ..لان ست سنوات من غير امل اكيد الخسران الاول انت
سكت سلطان وطلع صقر ورجع للبيت


رجع صقر ودخل للبيت ولاحصل احد طلع غرفته فتح الباب حصل مزون جالسه حاول مايوضح رد فعله على شكلها لانها ولاول مره كانت لابسه بنطلون فيروزي وبدي ابيض بفيروزي
صقر..السلام عليكم
مزون وتمد يدها تاخذ شماغه ..وعليكم السلام
صقر..كيف الاوضاع
مزون..تماام
صقر ويجلس ويمسك الريمونت ومزون مازالت واقفه
مزون..تعشيت
صقر وعينه عالتلفزيون..مااشتهي شئ
مزون..طيب تبي شاهي
صقر..لا
جلست مزون جنبه عالكنبه مزون..صقر
التفت صقر شبه التفاته..نعم
مزون..ماكن قصدي
صقر..شو الي ماكان قصدك
مزون وتقوم وتجلس قباله وهالحركه اربكت صقر ..اسفه
صقر..فيه كلام ماينفع معه اسف
مزون وتبتسم..طيب اسفه
صقر..خلاص مزون
مزون وتمسك يده..خلاص صقر لخاطري هالمره ابتسم
ركز صقر عينه عليها ونزلت راسها ورفعه..هالمره بس لكن اذا تشوفيني ماامثل اهلك جامليني لو بالكلام كوني صريحه يابنت عبدالله بس مو بكل شئ اعطيني وهم وراضي فيه مو لازم انك تعبري عن رايك بجرح
مزون بهدوء..لاصقر اصلا مااقدر اجرحك
صقر مبتسم..وليه ماتقدرين
مزون بنظره صافيه..لانك ماتستاهل الجرح ابدا
صقر..ليه ملاك انا
مزون..لا ماانت ملاك بس بالنسبه لي انت الوحيد الي مايستاهل الجرح حتى لو اخطئ
صقر مبتسم..كذا تخليني اخطي كثير لاني واثق انك مابترديها لي
مزون ..مابجرحك بس بزعل عليك
صقر..ههههههههههههههه يعني فيه عقااب
مزون مبتسمه..زعلي عقااب
صقر وعينه بعينها..اقسى واشد عقاااب لي
استحت مزون
..اوكي الحين بروح اجيب لك عشاء لاني انا الي عاملته
ابتسمت صقر وقبل ماتطلع
صقر..مزون
مزون..ايوه
صقر..خالد رجع وين طالعه كذا
مزون ابتسمت..نسيت
صقر..لاتنسين ثانيه
مزون..من عيوني


من بعد صلاة الفجر طلع ابراهيم مع عياله وامل للمزرعه..
اما صقر ماطلع الا الساعه ثمان مع اهله ..
وصلوا للمزرعه واستقبلتهم نوره بالترحيب ولاحظت مزون على امل انها مرتبكه وانها مو على بعضها وعرفت السبب انها لاول مره من بعد ست سنوات بتتواجد مع سلطان بمكان واحد..

نوره..هلا بتجي اختي منيره
هلا مبتسمه..احلفي يعني بشوف بنتها مشاء الله قمر
ام صقر..الله يحفظها وينهم تأخروا
نوره..كلمتهم يقول سلطان توهم الحين بيطلعون
امل..تعالي مزون
قامت مزون مع امل يتمشون
امل مبتسمه..شفيك
مزون ..تبين الحق
امل..اكيد
مزون بخجل ..انا شاكه اني حامل
امل وقفت مكانه مصدومه فرحانه..صقر يعرف
مزون بسرعه..لا بس انتي
امل ..طيب تأكدتي
مزون..لا
امل ..طيب قولي لصقر الله يخليك قولي له انك شاكه بس خليه يفرح
مزون..لا اذا رجعنا
امل طلبتك الحين قولي له
مزون بخجل..لا مااقدر صعبه
سحبتها امل وراحت عند جلست العيال ونادت صقر
قام لها صقر ..نعم ليه مخليني اقوم مافيه احد تغطين عنه
امل وتسحب عند مزون واستغرب صقر..شفيكم
امل وتضحك ..خذ مزون وابعد عن العذال
صقر ويضحك..شسالفتك
امل تدفه..روح وتعرف
مشى صقر مع مزون وامل رجعت وتفاجأت بالضيوف وصلوا سلمت عليهم وجلست
نوره..يلعب علي اجل سلطان
ام سلطان..لا مابعد وصل انا مع زوج منيره
نوره ..الله يحفظه
ام صقر..امل ودي الشاهي مافيه احد عند العيال
امل ..وزوج منيره
منيره...لاطلع مع ابراهيم
نوره..مابعد سويته اموول اعملي الشاهي ووديه
امل وتقوم..مشكلتي اني طيبه
نجود..بجي معك
امل..يالله اما هلا خلاص شافت شهد ماعاد تدري عن الدنيا ..

بمكان شبه منعزل وقف صقر قبال مزون وابتسم..فهميني
مزون منحرجه وخايفه ومتوتره وهالئ واضح عليها
صقر..مزون شصاير..؟؟
مزون بخجل..انا قلت لامل بعدين بس هي نادتك
صقر ويبتسم..طيب شو الي بعدين
مزون ومنزله راسها..انا شاكه مو متأكده ...سكتت
صقر ..من شو
مزون..اني حامل
لحظة صمت من صقر خلت مزون ترفع راسها لكنها ماقدرت تشوفه لانه بحركه سريعه ضمها له
صقر ويبتسم..احلى خبر بأحلى يوم من احلى زوجه
مزون ووجهها صار احمر..ماتأكدت
صقر ومبسوط...حتى بس يكفيني انك مبسوطه انك بتحملين ولدي هالشئ يساوي عندي الكثير
مزون..ماتوقعتك بتفرح كذا
صقر ويبتسم ويحط يده على كتفها وهم راجعين..لانك ماتعرفين غلاتك عندي
مزون..اتمنى اعرفها
صقر بهمس..حسي فيني وتعرفين
مزون بصوت واطي...خايفه
وقف صقر قبالها..من شو خايفه مني..؟؟
مزون..بتردد ..من نفسي
صقر بهدوء..خايفه من نفسك انها تعطيني شئ اتمناه انتظره خايفه من نفسك ليه يامزوون ليه تحرميني من الاحساس
سكتت مزون وحبها صقر على راسها..خلاص كل شئ بينحل بس ابتسمي ياام جودي
مزون باابتسامه..جودي
صقر بفرحه..ابي بنوته حلوه مثل امها واسميها جوود
مزون مبتسمه..واذا ولد بسميه سعد
صقر ومبتسم..ليه
مزون ..لانه خلاني اشوف هالفرحه بعيونك
ابتسم صقر ومسك يدها ورجعوا ..

 

[طوق البنفسج]

مشاركة: " قلـــــ مغلقـه ـــــوب " قصة محزنة بس رائعة اقروها لا تفوتكم

وصلت مزون عندهم وسلمت وقالت لامل ان صقر مايبي احد يعرف لحد مايتأكدون وشكرت امل لانها شافت فرحه صادقه بعيون صقر..


طلعت امل بصينية الشاهي وراحت ودخلت قسم الرجال
امل..سعود
مااحد رد عليها كملت وفتحت الباب برجلها ودخلت
امل ..وليه من الصبح انادي حطت الصينيه ورفعت راسها وكانت الصدمه التفتت عاليمن تكلم سعود وشافته وشافها ..كانت داخلها على طبيعتها بتنوره جينز وبلوزه سماوي شالها على ايدينها شعرها مرفوع ولاحطت اي شئ بوجهها ..اما هو من سمع صوتها وهي تنادي ماقدر يعمل اي شئ وصقر وسعود التزموا اللصمت وفضلوا انها تدخل ..
لحظه التقت فيها عين سلطان بعين امل بعد غياااب ست سنين بعد عذاب ست سنين بعد صبر ست سنين ...


طلعت امل بصينية الشاهي وراحت ودخلت قسم الرجال
امل..سعود
مااحد رد عليها كملت وفتحت الباب برجلها ودخلت
امل ..وليه من الصبح انادي حطت الصينيه ورفعت راسها وكانت الصدمه التفتت عاليمن تكلم سعود وشافته وشافها ..كانت داخلها على طبيعتها بتنوره جينز وبلوزه سماوي شالها على ايدينها شعرها مرفوع ولاحطت اي شئ بوجهها ..اما هو من سمع صوتها وهي تنادي ماقدر يعمل اي شئ وصقر وسعود التزموا اللصمت وفضلوا انها تدخل ..
لحظه التقت فيها عين سلطان بعين امل بعد غياااب ست سنين بعد عذاب ست سنين بعد صبر ست سنين ...

بثواني انعاد شريط الألم والخوف ..شريط الصبر والعذاب ..شريط الفرح والانتظار..شريط الأيام والثواني ..
لاشعورياً رفعت أمل شالها على اكتافها هالحركه مافاتت سلطان الي وقف لاهو قادر يتقدم خطوه ولاينطق بحرف ..سعود نزل رأسه وصقر نفس الشئ التزموا الصمت ولاحبوا يقطعون هالحظه بخروجهم ..اما امل كانت مصدوه مستغربه معقوله سلطان بعد هالغيبه قبالي الحين مابيني وبينه شئ معقوله بقدر اتكلم معه معقوله.. لكنها بثانيه استوعبت الموضوع ورفعت شالها زياده وطلعت من المجلس وتركت سلطان منبهر بالي شافه هذي امل الطفله المراهقه الي تركتها من ست سنوات تغيرت بشكلها 180 درجه ياترى تغير قلبك ياامل مشى سلطان بيطلع وتو صقر بيكلمه واشر له سعود وتركوه يطلع


صقر..بتتركه لحاله
سعود..طبعا خليه يعيش احساس اللحظه براحته
صقر..الله يعينا على امل اكيد زعلت بس يااخي ماقدرت اتحرك صعبه اقول لها لاتدخلين زوجك داخل
سعود..وقطع عليهم كلامهم ابراهيم..السلام عليكم
سعود وصقر..وعليكم السلام
ابراهيم ويجلس ..شفيه سلطان
سعود بهدوء..بالصدفه شاف امل وشافته
ابراهيم..اهاا تكلموا
صقر..لابس وقفوا ثواني بعدين طلعت امل
ابراهيم..خير ان شاء الله العيال وينهم
صقر..عبدالله موجود وخالد مابعد وصل
ابراهيم..سعود ناد سلطان
سعود..خليه براحته
ابراهيم..قوم يارجال ابيه بكلمه
سعود..بو عبدالله لخاطري
يقاطعه ابراهيم..اذكر الله وناده
طلع سعود بعد ماسلم بالامر الواقع وعرف ان ابراهيم مابيتراجع عن قراره وصل لسلطان الي كان جالس وسرحان


سعود..وين وصلت
التفت عليه سلطان..لهالسبب كنت رافض تعطيني صورتها
سعود يبتسم..اوكي هي زوجتك بس مو من حقي اعطيك صورتها وهي ماتعرف
سلطان..ليه قلتي عن كل شئ يصير بحياتها الا هالشئ
سعود مستغرب..الي هو..؟؟
سلطان..يعني مو فاهم امل تغيرت مليون بالميه احلوت كثيير
سعود..ههههههههههههههههههه والله ماانتبهت انها تغيرت
سلطان..وليه تضحك
سعود..لاني اخوها وبوجهي اربعه وعشرين ساعه صعب ادرك هالتغيير الي تتكلم عنه انت
سلطان..ليه تغطت عني
سعود..ماتغطت
سلطان بحزن..لا كأنها تحمي نفسها بالشال
سعود..لك ست سنين ماشفتها
سلطان بحزن...لاتحرق قلبي يعني انا غريب بالنسبه لها
سعود..هالسؤال يتوجه لها
سلطان..مااعتقد
سعود..تعال ابراهيم وصل يالله
قام سلطان مع سعود ودخلوا وسلم وجلس وكان ابراهيم وولده وصقر موجودين



اما امل رجعت بسرعه ودخلت الغرفه من غير مااحد يحس عليها وضحكت ابتسمت ..وانصدمت من رد فعلها توقعت لما تشوفه تزعل تتضايق لكن الي صار انها مبسوطه سعيده حاسه انها رجعت بنت مراهقه فرحانه بشوفة حبيبها وفارس احلامها الوهمي ..حست انها رجعت امل البنت الي كانت طايره من الفرح لما قالوا لها انك بتتزوجين ولد عمك سلطان..الي كل البنات يتمنوه كانت مبسوطه انها بتتزوج بشاب له هيبته وحضوره ومكانته بالعايله..ابتسمت امل وتذكرت شكله ماتغير كثير لكنه نحف وواضح انه مستغرب من شوفته لها بس ضحكت على اشكال سعود وصقر الي واضح انهم حاسين بشكلهم غلط ولاهم قادرين يعملون شئ لاول مره تحس امل انها مو زعلانه من تصرف سعود وصقر لاول مره تتمنى تشكرهم لكن ماتقدر ابتسمت وشافت وجهها بالمرايه وابتسمت اكثر لان الفرحه معطيه وجهها جمال غير ..طلعت عندهم ولااحد انتبه لها غير مزون لكنها فضلت تأجل الكلام لبعدين..

اما عند العيال وصل خالد وسلم عليهم وبغضب التفت على صقر
خالد..انا اخوك بيذبحني
صقر مستغرب..اخوي من بدر
خالد..ايه يالله لو تشوفه شو عامل صادفته من شوي ومعه اخته يالله بغيت اذبحه والله لو ما العيب كانت ضربته قدام العالم
صقر وتحمس..شصاير
خالد..يااخي طالع مهعا وثلاث ارباع وجهها طالع متلثمه وعيونها ولاعيون عروس والمشكله اكلمه يقول لي شو المشكله هذي حريه شخصيه
صقر..الظاهر ماتابت بعد الطق الي جاها
عبدالله..والله ياخالد قبل لاتلومه لوم اخوانه الاكبر
الكلل التفت على عبدالله يطلبون توضيح
عبدالله..صقر وانت ياخالد عليكم مسؤليه اذا ابوكم واسمحولي بهالكلمه يعني مو مهتم ببنته فالمسؤليه تنتقل لاخوانها وللاسف بدر تربية ابوكم او خلينا نقول تربية التقدم السلبي يعني المسؤليه على الاخ الكبير وانت ياخالد
صقر..ضربتها مانفع معها
عبدالله..لاياصقر الضرب ماهو حل انت تضربها على سلوك هي تشوفه صح العقاب اخر الوسائل لازم اول شئ تكسبها لصفك تخليها تحبك مثل ماانت واانت تقبلها مثل ماهي وبعد ماتكسبها تغيرها حتى بدر ماهو ذنبه انه ماربى على تعاليم الدين صح ولاهو ذنبه ان ابوه مهمل ولاهو ذنبه انه دخل اغلى المدارس حتى يأخذ بنهاية العالم شهاده من غير مايعرف عن شو تحكي المناهج ولاهو ذنبه ان اعلامنا فاسد ولاهو ذنبه ان ابوه علاقته سيئه مع اخوانه لكن انتم مسؤلين لازم تحاولون تكسبون اخوكم وبعدها بسهوله اختكم تتغير والا ناسين انها شعر وجيهكم
سكت خالد لانه تأكد ان كل كلام عبدالله صحيح اما صقر ابتسم والتفت لخاله..
صقر..ربيت رجاال ياخال الله يحفظه ياارب
عبدالله ويضحك..لا كذا اصدق نفسي
سلطان..يحق لك والله مااقول الا هني الي بتأخذها
ابراهيم ويبتسم..قولوا هني امك وابوك اول والا دائما خيركم لحريمكم
سعود..احم احم
ابراهيم..خير ان شاء الله شفيك
سعود..ههههههههههه حتى انت
ابراهيم..ام عبدالله تستاهل
صقر..افا يعني حريمنا مايستاهلون
ابراهيم..حرمتك مااعرفها بس حرمته اعرفها
سكت الكل لان ابراهيم التفت على سلطان وقال.. ابراهيم..شوف ياسلطان انا مانت حاب اتكلم بالموضوع الحين بس بما اني عرفت بالي صار اشوف الوقت مناسب
عدل سلطان جلسته..تفضل ابو عبدالله
ابراهيم..انت بمكانة سعود عندي بس امل مو اختي امل بنتي انا بكلمك بصراحه لما طلبت انك تتزوجها فرحت قلت مافيه غير ولد عمها يصونها لكن الله كاتب كل شئ وصار الي صار الطبيعي بعد كذا انكم تتطلقون لكن هي رفضت واصرت على رفضها وانت قلت ان مابينكم شئ وانا عملت نفسي مصدقكم والا انا عارف انكم حتى ماسمعتوا صوت بعض الا مره وحده بعد سفرك الي هي بعد ثلاث شهور وبعدها رفضت امل الطلاق وبلغتني نوره انك رافض بعد ..اوكي قلت يارجال خلهم شهور ويرضون وكل اروح اكلم امل تقول انا راضيه وتقنعني بوجهة نظرها واسكت ولااكلمك لكن الحين اسمح لي ياسلطان
انا بتجاوز امل هالمره لمصلحتها خلاص الناس ماكانت تدري انك ماتكلم زوجتك ولاتدري عن شئ بحياتها لكن الحين رجعت واعتقد اني مجبر احط النقط عالحروف اذا تبيها وهي تبيكم خير وبركه مافيه مجال الطلاق هو الحل وبنظل عيال عم مهما كان
سلطان وحس انه منحرج من ولد عمه بسب تصرفه..والله ماقصرت يابو عبدالله بس اسمحي لي بهالطلب
ابراهيم..تفضل
سلطان..عطني مهلة لمدة اسبوعين الى شهر بالكثير واذا ماانحل الموضوع انا تحت امرك وامر امل
سكت ابراهيم شوي وقال..صبرنا ست سنين ومابتضر شهر ننتظر والله يقدم الي فيه الخير
الكل..ان شاء الله

 

[طوق البنفسج]

مشاركة: " قلـــــ مغلقـه ـــــوب " قصة محزنة بس رائعة اقروها لا تفوتكم

طلع ابراهيم وقام وراه صقر
سعود..وين رايح
صقر..بطلع بااي
سعود ويلتفت على خالد..وين بيروح..؟؟
خالد..علمي علمك بس اكيد يمزح

برا كان ابراهيم واقف وراح له صقر
صقر..خالد اسمحي لي انا طالع
ابراهيم مستغرب..وين مابعد تغدينا ..؟؟
صقر..عندي مشوار ضروري
ابراهيم..الله معك
صقر حس ان خاله زعل..خالي بروح اتأكد مااقدر اصبر
ابراهيم مو فاهم..من شو تتأكد..؟؟
صقر باابتسامه..اني بصير قريب ابو او لا
ابتسم ابراهيم وحط يده على كتف صقر..روح الله معك كلنا مرينا بهالموقف الله يسعدك وطمنا
صقر ويحب راس خاله..الله يخليك لنا مع السلامه


ركب سيارته وقرب عند قسم الحريم واتصلعلى مزون
مزون..هلا والله
صقر مستعجل..البسي عباتك واطلعي وقولي لهم بنروح مشوار
قامت مزون بعيد عنهم..وين بنروح
صقر..للمستشفى نعمل تحاليل
مزون مستغربه من صقر..طيب عيب اذا رجعنا
صقر..مزون لاتخليني اعصب اطلعي وقولي لهم اني انتظرك
مزون..عيب ياصقر استحي
صقر ..مزون انتظر يالله مع السلامه
سكرت مزون وراحت اخذت عباتها
مزون..سامحوني بس صقر يقول اطلعي عنده مشوار ضروري
ام صقر..خير يابنتي فيه شئ
مزون..لا خالتي تطمني
امل وفهمت ان مزون منحرجه..خلوها يمكن عندهم شئ يالله مع السلامه
ابتسمت مزون وطلعت لصقر
نوره..الا صدق يابنات عندنا ندوه بجامعتكم
هلا ..صدق والله ياالبنات بينبسطون عليك
نجود..بصراحه ماحضرت لك ابد
امل..بتعجبك نوره اسلوبها حلوو
هلا..متى المحاضره
نوره..ان شاء الله يوم السبت الساعه عشر
هلا برسل مسج لكل الشله
نوره وتضحك..والله حركه صرت مشهوره
ام صقر..الله يجزاك خير يارب
الكل..امين


بالساره ركبت مزون وساكته
صقر مبتسم..وليه معصبه
مزون..احترق وجهي ماعرف شو اقولهم
صقر..واحد بيطلع مع زوجته فيها شئ
مزون معصبه..زوجتك بوجهك دائم ماحلت لك الا اليوم
صقر ويضحك..خلاص لاتعصبين بطلعك كل يوم ابتسمي انا مبسوط
مزون بخوف..واذا ماصرت حامل
صقر..بتظلين غاليه
مزون..بس انا خايفه
صقر..توكلي على الله يابنت العم
مزون..والنعم بالله
صقر..الا صدق شقالت امل ماصاحت
مزون وتذكرت.. لا بس كانت مبسوطه خايفه من رجعت من عندكم شافت سلطان عندي احساس
صقر باابتسامه..احساسك صح تقابلت مع سلطان
مزون بحماس..شصار..؟؟
قال لها صار الي صار
مزون..ياحياتي الله يسعدها
صقر..آمين
سكت صقر وسكتت مزون لكنها طلعت جوالها وكتبت مسج وارسلته ورجعت تحاول ماتخاف ولاتتوتر لكن ماقدرت وهي تشوف هالفرحه بعيون صقر وتخاف تذبحها ..


بالمزرعه هلا ونجود كانوا يتمشون
هلا..من مين المسج ..؟؟
نجود..من بنت خالي الا صدق بروح لهم كم يوم
هلا مستغربه..ليه
نجود..بس كذا وخالي قالي ولاابي ارده
هلا..لاتطولين من اجلس معه
نجود..وانا لي غيركم
هلا حبت تغير الموضوع ..الا صدق تعالي نروح للجهه الثانيه هناك احسن ..راحوا البنات ولمحوا العيال من بعيد
هلا..الله شوفي سلطان زوج امل
نجود..الي واقف جنب خالك
هلا..لا الي جنب عبادي
نجو التفتت بااستغراب..عبااي ..؟؟
هلا..هههههههههههه الله يخليك لاتناظريني كذا
نجود..لا مابناظرك بس شو عبادي تمونين الظاهر
هلا واستحت..عفويه طلعت
نجود..كل شئ عفوي يعني صاادق
هلا..شقصدك..؟؟
نجود ..ماتزعلين
هلا ..لا قولي
نجود..ماادري عندي قناعه ان الكلمه اذا طلعت عفويه تكون من احساس صادق سواء سلبي او اجابي وعبادي كلمه ايجابيه يعني تحملين له مشاعر ايجابيه
سكتت هلا شوي..مشاعر اجابيه يعني احترام اخوه
نجود..صح هذا احتمال وارد وكبير لكن فيه احتمال ثاني يمكن اعجاب مابقول حب لاني مو مقتنعه ان الحب يكون من غير لقاء وحوار اتوقع اعجاب
هلا تبتسم..اقول اسكتي احسن
نجود..ههههههههههه طيب ياحلوه تصدقين خالد يشبهك توني اكتشف هالشئ
هلا..اكيد ماتشوفينه حلوو
نجود..لا قولي وسيم مايليق رجال وحلوو
هلا..بالله من احلى سعود او خالد
نجود وتفكر..شكلا وهيئه سعود بس ملامح خالد
هلا..اممممممم سعود ملامحه حلوه بس بحاله وحده وللاسف نادر ماتصير
نجود..الي هي
هلا..اذا ابتسم
نجود..وليه نادر مايبتسم
هلا..سعود انسان تشوفين الحزن بعيونه اكيد فيه سبب لكن للاسف انا اجهله رغم انهم يعرفونه
نجود ..ومن في هالدنيا ماهو حزين
هلا ..لا الله يخليك تعالي نرجع احسن خلينا من الحزن

 

[طوق البنفسج]

مشاركة: " قلـــــ مغلقـه ـــــوب " قصة محزنة بس رائعة اقروها لا تفوتكم

بعد ساعتين ونص كانت مزون تمشي
صقر..ماعلي منهم خليني اعبر عن فرحتي
مزون..طيب مو قدام العالم
صقر ويضحك..هالعالم ماهو مدرك اني امر بااحساس رائع
مزون ..صقر الله يخليك بالسياره
ابتسم صقر ومشى ..

بالسياره ..
صقر..مبروك الف مبروك ياام جودي
مزون بحياء..الله يبارك فيك
صقر ومبتسم..احس اني مالك هالدنيا كلها من فرحتي يالله يامزون عمري كله مافكرت اني ممكن اكون اب ولاحتى لما تزوجت
مزون..طبعا لانك مااخذت فرصتك حتى بالتفكير بالزواج
صقر ويلتفت عليها ..مزون انت ليه ماانتي راضيه تفهمين انك معنى كبير بحياتي ليه فهميني
سكتت مزون لانها تفاجأت من كلامه الي كمله..مزون ارجوك حسي فيني لاني تعبت محتاجه كلمه احساس نظره منك تحمل لي معاني احتاجها منك ارجوك
سكتت مزون وسكت صقر
مزون بصوت خايف..صقر
صقر باابتسامه..سمي
مزون..حتى انت
قاطعها صقر ..وصلنا ابي اسمك واشوفك بالبيت نكمل كلام
مزون بخجل..لاكذا احسن متغطيه ماتشوفني
صقر..ههههههههههههههههههههه
مزون وقبل ماتنزل ..بقول لاني مابعيدها احبك
نزلت مزون وجلس صقر ثواني وبعدين ضحك ونزل دخل البيت واتصل باامه

 

[طوق البنفسج]

مشاركة: " قلـــــ مغلقـه ـــــوب " قصة محزنة بس رائعة اقروها لا تفوتكم

ام صقر..الوو
صقر..السلام عليكم
ام صقر..وعليكم السلام هلا يمه
صقر..شلونك الغاليه
ام صقر..بخير انتم ياابوي شفيكم
صقر ومبسوط..انا بصراحه يالغاليه طلعت لان عندي مشوار مهم
ام صقر..طيب كان خليت مزون معنا
صقر ..لا الغاليه المشوار لازم تكون معي فيه
ام صقر..الحين كل يوم هي عندك ولاعمرك طلعتها واليوم بتطلعها
صقر..هههههههههه لهالدرجه انا ماعندي ذوق المهم الغاليه رحنا للمستشفى
ام صقر ويدها على قلبها..بسم الله عليكم شفيكم
صقر..رحنا نشوف جودي بالطريق والا لا
ام صقر مافهمت..شتقول انت وش جودي
صقر..هههههههههه جود بنتي المنتظره الغاليه بتصيرين جده
ام صقر وعلى طول صاحت والكل عرف من الي حولها..الف مبروك يمه الف مبروك الله يتتمم عليها ياارب الله الله فيها وان سمعت انك زعلتها ياويلك مني
صقر..وانا اقدر
ام صقر..سلمني عليها واذا رجعنا باركت لها
صقر..من عيوني يالغاله يالله فمان الله
ام صقر..الله معك

سكر صقر من امه والكل بارك لها وهنوها واتصلت نجود بااختها الي ارسلت لها مسج ومن قبل وقالت لها انها رايحه للمستشفى وهالشئ اسعد نجود لانها حست انها قريبه من اختها ..

بالمزرعه كان سلطان وسعود بجهه وامل وخالد بجهه ثانيه وكان بينهم هالحوار..

سلطان..خلني اشوفها الله يخليك
سعود..ههههههههههه لا جرعه وحده باليوم
سلطان..لاتتريق علي ياسعود الله يخليك
سعود..لا حرام البنت ماعملت حسابها ولالبست
سلطان..والله كانها قمر
سعود ويرفع حاجه..والله
سلطان..تصدق ودي اسمع صوتها
سعود..اقول ازعجتني خلاص
سلطان..ارجوك ساعدني حرام عليك
سعود..الحين ست سنين ماشفتها شمعنى الحين
سلطان..لاني غبي
سعود مستغرب..انت الي تقول هالكلام
سلطان..مازلت مقتنع انها هي الغلطانه وهي الي اختارة بس احس اني خسرت ست سنين من عمري وهذا شئ صعب
سعود ويتنهد..ارجوك غير الموضوع
سلطان وحس فيه..ولايهمك تعال نرجع لابراهيم


بالحهه الثانيه
خالد مبتسم..طيب شو احساسك
امل ..مبسوطه اني شفته لكن احس اني مجروحه
خالد..ياحلوه ياامل ياخالتي كل الجروح نقر نداويها بس اذا عرفنا صح علاجها
امل..شتقصد
خالد..اقصد علاجك واحد من اثنين يالقاء يافراق بمعنى اوضح ياترجعون لبعض او تنفصلون
امل بخوف..تتوقع يطلقني ..؟؟
خالد باابتسامه..بصراحه اشك لان الولد شكله اليوم ولهان
ضربته امل خالد..هههههههههههه انا قلت الصدق
امل..تعال نرجع
خالد..ليه خليك شاعريه يابنت
امل..ارجوك بديت احس انك استنساخ من امنيات
خالد..خلاص زوجيني اياها
التفتت امل وناظرته ..تصدق تناسبك
خالد..توكلنا على الله
امل راحت وخلته..تتريق علي اوريك
ضحك خالد ورجع عند العيال ..


سكر صقر من امه وطلع لغرفته فتح الباب وحصل مزون عند السرير ومعها عباتها قفل الباب ووقف مكانه وعينه عليها مزون حسيت فيه لكن حاولت تكون عادي لكن ماقدرت طولت وقفته والتفتت له واتفاجـأت بشكله وابتسامته واستحت
مزون ..خلاص صقر
صقر ومبتسم وجلس عالكنبه..ابي اسمعها
مزون ..سمعتها خلاص
صقر..هل هي صادقه او مجامله
مزون التفتت له وقربت عنده..ممكن اجاملك بتصرف بموقف لكن بأحساس لا صدقني انا اعني هالكلمه
صقر ..الي هي
مزون مبتسمه..هالكلمه ماتحمل معنى واحد لا بالعكس تحمل معاني كثير اولها الارتياح وهالشئ حسيته من اول مادخلت بيتكم الامان اهديتني اياه بااهتمامك الصدق وصلني بصراحتك الرحمه بمواقفك واحاسيس صعب اني ممكن اترجمها كل احساس كان يعني لي الشئ الكثير كل احساس يوصلني مع باقة ورد موقعه بااسمك صقر
نزلت راسها ودمعت عيونها وظل صقر مكانه يتأملها ..تعرفين مزون هالدمعه الي بعيونك والي تكابرين حتى تمنعيها شو تعني لي
مزون بصمت سالت شو..؟؟

صقر..يعني لي الراحه بعد التعب والتفكير مزون انا مابخبي عليك اول ماتزوجنا حسيت بتوتر وهذا طبيعي بس كل يوم احس اني احبك اكثر اتعلق فيك اكثر اتمنى اني ارجع من الدوام بدري حتى اجلس معك صدقيني مزون حلمت فيك كثير وانا نايم وصاحي سيطرتي على تفكيري لدرجه خياليه وخصوصا اني اشوفك تصددين مشاعري ماشفت منك اي شئ يشجعني اقول لك مشاعري تجاهك حسيتك مغصوبه علي قبل وبعد الزواج وهااحساس عذبني مزون تتذكرين لما طلبتك نطلع وقتها كنت خايف انك تصدميني تمنيت تطلعين معي لو مجامله بس ماينكسر البرواز الي حطيت فيه صوره حلوه لي ولك واليوم البروزاز صار حقيقه وهذا اغلى احلامي
سكت صقر ينتظر رد فعل منها لانها كانت منزله رأسها وشعرها نازل ولاشاف اي رد فعل وقبل مايقول انها مو مجبره على حبه فاجئته ورفعت راسها
مزون بهمس..أحبك
ابتسم صقر ..مو كثيري
مزون ..اكيد لان مثل قلبك مافيه ثنين
صقر..هههههههههههه قلبي مابيتحمل هالمفاجئات الحلوه
مزون مبتسمه..احب ضحكتك تسعدني
صقر..ضحكتي هي انتي
ابتسمت مزون ونزلت راسها

 

[طوق البنفسج]

مشاركة: " قلـــــ مغلقـه ـــــوب " قصة محزنة بس رائعة اقروها لا تفوتكم

الكل رجع بعد صلاة العشاء من المزرعه ..في بيت ام صقر نزل صقر عند امه اما مزون راحت لنجود الي حضنتها وبكت وبكتها معها

نجود تمسح دموعها..الف مبروك
مزون..الله يبارك فيك وقولي امين عقبال ماافرح فيك
نجود وتبتسم..ياارب
مزون..شطاري مو بعاده تفرحين بسيرة العرس
نجود..هذا اول بس الحين الوضع تغير
مزون..نجود متضايقه من وجودك هنا
نجود وتأخذ نفس..لا بس احس اني غريبه مهما حاولوا يحسسوني العكس
مزون وتجلس جنبها..نجود مابكون كذابه واقول لا بالعكس انا معك لكن بالعقل فيه حل ثاني حاليا لا اذن لازم نتكيف مع الوضع حتى مانعيش الحزن
نجود وتغير الموضوع..ماعلينا من هالسالفه شقال صقر فرح
مزون وتبتسم..فرحه عمري ماتوقعتها منه
نجود..وانتي مبسوطه
مزون..تبين الجد
نجود..اكيد
مزون..فرحت بس لما شفت فرحة صقر فرحة اكثر
نجود وتصفق..ياعيني تحققت الامنيه
مزون مبتسمه ..صح امنيات ارسلت لها مسج وطلعت اكيد حرقت جوالي الحين
نجود..تعالي بروح لبيت خالي بكرا وبرجع بعد يومين
مزون..قررتي تنامين
نجود..احس خليني على راحتي
مزون..اوكي بس لاتطولين اكثر
انفتح الباب ودخلت هلا..الف مليون مبروك
مزون..الله يبارك فيك
هلا..المهم وبااختصار خالد قرر يطلعنا يالله تجهزوا
مزون..صقر بيطلع
هلا..اكيد بيطلع وامل بعد
مزون..على وين
هلا..هههههههههه بيذبحني اذا قلت بس بقول بنروح لمطعم بس انا طلبته نروح لسوق وبعدين العشاء
مزون..وصقر وافق غريبه
نجود..لازم يوافق خليه يدللك شوي
مزون..بروح اشوف السالفه
طلعت مزون والتفتت هلا..ياله الحين بيوصل سعود ويعمل لنا قضيه
نجود..بعد سعود بيروح
هلا..كل العائله على حساب خالد

الكل جهز ونزلوا وتفاجئوا بوجود امل وسعود الي طلع من لمح البنات نزلوا
خالد..يالله مشينا
طلعوا البنات وركبوا مع صقر وسعود لان خالد مااخذ سياره وعصبت نجود على هلا الي سحبتها بالغصب معهم بسيارة سعود

سعود..اموووول
امل..نعم
سعود..هههههههههه خلاص اضحكي

امل..ماابي
سعود..مشكلتي مااعرف اراضي احد
خالد..اكيد دام ولد عمك سلطان اكيد انت مثله
سعود..كله ولاسلطان والا شرايك امل
امل..انا رائي انك تشوفون لكم احد غيري توسعون صدركم عليه
هلا..انا تحت امركم بس اهم شئ نبسط
خالد..هلا صدق بسألك شخبار غاده
التفتت على نجود..صح نجود ماقلت لك صادفته اليوم وتخيلي من معها فلانه الفلاني استغربت وحتى هي ماكان ودها اشوفها
خالد ويضحك..الحين اكلمك تكلمين نجود
هلا ..طيب تذكرت
خالد..احسن شئ انها مو معطيتك وجه
هلا والتفتت على نجود..لا بس مستحيه منكم
ضربتها نجود وضحكت هلا ..خالد خلاص غاده طيبه ماعليها
خالد..تكلمينها او بس بالجامعه
هلا..لا بالجامعه بس هههههههههههههههههه
سعود..الحمد لله والشكر
هلا..ههههههه والله تذكرت كلمتها
امل..الي هي ضحكينا معك
هلا..نجود بقولها لاتزعلين كنت اكلمها وطلعت نجود وجلست على الكرسي المهم قلت لها ماشفتي نجود والتفتت واشرت عليها قالت شوفيها الحالمه وقتها انصدمت لان نجود كانت سرحانه وتأكدت انها تكرهها
قطع الموضوع وصول مسج لجوال هلا والكل سكت لان هلا سكتتهم
سعود..قولي لنا
هلا وتقرأ المسج ..حسابنا في البيت يا ....ضربتها نجود وسكت والكل ضحك لان هلا فضت نجود والكل عرف ان نجود الي ارسلت المسج
وصلوا لسوق ودخل صقر مع مزون لحالهم ..وامل وخالد والبنات وسعود وام صقر جلسوا بالصالة المطاعم ..

ام صقر..لو انا جالسين بالبيت ابرك من هالازعاج
سعود ويبتسم..افا والله هنا الزين كله
ام صقر..لا والله مافيه غير قليلات الحياء كلهم كاشخات كنهم رايحين عرس
سعود..لا حرام مو كلهم الا شرايك بهالمزيونه تخطبينها لي
ام صقر..اذا بتعرس عندي لك بنت سنعه مو من بنات السوق نخطب لك
سعود..منهي البنت السنعه
ام صقر..وانا خبله اقول لك اسمها
سعود..قولي اذا عجبتني وافقت
ام صقر..اعرفك مابتوافق بس الله يسعدها
سعود...حلوه
ام صقر..الحلا ماهو بالوجه يااخوي
سعود..ادري وانا اكثر واحد يعرف هالشئ
ام صقر..خلاص لاتدور الزين دور بنت الاصول المتربيه
سعود..الله يعين ماودك تزوجين خالد
ام صقر..بنزوجه بس خله يرجع هنا
سعود..قريب ان شاء الله جات المزعجه بنتك
هلا..سعود روح تمشى
سعود..جالس على راسك مالي خلق
هلا..خل نجود تجلس
ام صقر التفتت..تعالي نجود
نجود..سمي
ام صقر ..اجلسي سعود مثل اخوك يابنتي
سعود انحرج ووقف..لا خذوا راحتكم بروح لخالد
راح سعود وانحرجت نجود والتفتت على هلا..حسبي الله عليك لازم تفشليني
هلا بصوت واطي ..عاادي سعود حبيب
نجود..اسكتي وانا اجمع لك اذا رجعنا البيت اخذت حقي ..
هلا..الله يعيني


صقر..مزون تعالي هذا محل اطفال تعالي نشتري
مزون تضحك على صقر..بدري تشتري من الحين
صقر ..ماعليه خليني افرح يالله تعالي
مزون..اذا بتفرح ماعندي مانع
صقر..تسلمين لي يارب
مزون..بس هذا خر محل اطفال
صقر..من عيوني


خالد..خلاص امل طفشت
امل..بس خلاص اخر محل
سعود..شعندكم
خالد..كويس انك جيت فكني طفشت من محل لثاني مايطفشون ابدا
سعود..الله يعينهم البنات حالتهم صعبه بالسوق ودهم يشترون كل شئ
خالد..جوالك يدق
سعود..غريبه ماحسيت فيه
طلع جواله وابتسم وحط الجوال قدام امل وقرت الاسم..سلطان
سعود ومسك يد امل ورجعها ومعم خالد..هلا والله
سلطان..وينك
سعود..والله مع اهلي طالعين نتمشى
سلطان..وزوجتي معك
سعود..ايه عندك مانع
سلطان..مليون مانع
سعود.. ههههههههههه هذا اول الحين لا
سلطان..لاتقهرني
سعود..اسمع احنا بالسوق ولابقى محل مااشترت منه امل وكل الفواتير برسلها لك
سلطان..عيوني لها
ضحك سعود وانقهرت امل وتركت يده ورجعت عنده عالطاول وابتسم خالد وجلس على طاوله منفصله مع صقر وسعود ..

انتهت السهره حلوه ورجعوا للبيت واستلمت نجود هلا تهزئي لانها احرجتها لكن هلا قلبتها على نجود لحد ماتعبوا وناموا ..


الصباح قررت نجود ماتروح للجامعه ومزون وداها صقر للجمعيه لانها تدريب اماهلا لان عندها اختبار اضطرت تروح لكن مافيه احد يوديها غير سعود لان السياره خربانه واخذت بسرعه اوراقها وركبت مع سعود..

 

[طوق البنفسج]

مشاركة: " قلـــــ مغلقـه ـــــوب " قصة محزنة بس رائعة اقروها لا تفوتكم

هلا..السلام عليكم
سعود..وعليكم السلام
سعود ويبتسم..شهالحوسه والاوراق
هلا..مستعجله واخذت دغتر واوراق نجود بخليه معك والله يعافيك لايجيها شئ
سعود..اوكي

وصل سعود هلا لكن فضلوه دفعه يفتح الدفتر ومايعرف ليه هالاحساس جاه حب يشوف شئ لهالانسانه الي حتى صوتها ماعمره سمعه رغم انها ركبت معه مرتين .. اخذ الدفتر وفتحه وكانت محاضرات ولفت نظره خطها كان جدا مميز وجميل ولكن بعد اكثر من صفحه حصل ورقه وواضح انها مو محاضره لانها رسومات واغاني وبالوسط مكتوب هالكلام


هل تسمعون ندائي ..هل تشعرون بألمي ..هل تدركون مدى ضياعي
لااعلم فكل مااعلمه انني تائهه ..ضائعه..مشتته ..ليس فقط بمكاني بل بااحساسي
فقدتكم واشتقت لوجودكم ..لااعلم هل الكلام يجدي الان ام هو نوع من الاستسلام ..؟؟
صفحات ايامي لايدونها سوى حبر دموعي والالامي وذكريات احلامي ..
هل تشعر ايها القلم بقوة نزفي ام انك لاتشعر مثل كثير حولي ..
ايتها السعاده..الم يأتي وقتي الم يأتي دوري ام انني لست اوهلا للفرح..
دموعي حبيبتي انتي صديقتي انتي غاليتي انتي وفيتي وبقيتي معي دائما..
لااحد يدرك المي غيرك ولااحد يواسيني سوالك دموعي بالليل يكون لقاءنا وبالصباح يكون وداعنا
فهل سيأتي اليوم الذي اودعك به بالمساء واجد شخص يواسيني ويمسح دموعي...؟؟لااعتقد


قفل سعود الدفتر وسافر بخياله بعيد..بنت يتيمه ضايعه تايهه بهالدنيا ..

سعود..آآه عليك يادنيا
غير سعود مساره وراح لبيت ام صقر واعطى السولق الدفتر وطلب منه انه يسلمه لهلا اذا رجعت من الجامعه حتى ماتشك نجود انه شافه او اطلع عليه ..وراح عند سلطان ..

الصباح مزون بالجمعيه مع امنيات جالسين
جواهر..طيب وبعدين
مزون..مااعرف المشكله مابيدي حل نجود متضايقه وانا مااقدر اقدم لها شئ
جواهر..مزون وضع نجود صعب بس لازم تتكيف لان مافيه حل ثاني
مزون..اله يعين انتي شو اخبارك
جواهر..ولاشئ امي تدور بيت بننقل والى الان ماحصلت شئ وبصراحه انا طفشت من بيتنا ودي ننقل
مزون..طيب تعالوا قريب من بيتنا
جواهر..صح امي تقول قولي لولده شحليله
مزون مستغربه..من ولده
جواهر..خالد مو كلمته لما كنت عند امل وسألته عن البيوت
مزون..طيب خالد عنده اجازه وموجود خلي صقر يسأله
جواهر..لاالله يخليك فشيله
مزون..والله عاادي خالد خدوم جدا
جواهر..ماعلينا مابتجون عندي
مزون..بقول لصقر اذا وافق قلت للبنات
جواهر..حاولي مو تقولين واذا قال لا تسكتين
مزون..من عيوني


عند سلطان سعود كان سرحان ولاهو معه
سلطان..وبعدين الى متى بكلم نفسي
سعود..معك يااخي كمل
سلطان..لاماانت معي قولي بشو تهوجس
سعود ويتنهد..ولاشئ
سلطان..سعود مو توني اعرفك
سعود..شئ خاص
سلطان..الله خاص علي
سعود وسكت..صعب احكي لك
سلطان..ليه صعب اكيد شئ غلط
سعود..هههههههههه فاهمني بصراحه مو غلط لكن مو من حقي
سلطان..قول شو عملت..
سعود..قريت كلام لبنت عم صقر اخت زوجته
سلطان ورافع حاجبه..شلون وصل لك
سعود..دفترها نسته معي هلا وتصفحته
سلطان..ههههههه ملقوف شو الكلام
سعود..لاتحاول لاني مابقوله بس اثر فيني كثير
سلطان..وهذا احساسك تجاهها
سعود..لا احساسي بداخلي يغلي ولاراح يطلعه الا ريشتي بااي اشوفك بالليل
قام سلطان ووقف بوجهه

سلطان..مابتطلع الا اذا وعدتني اشوف امل اليوم واكلمها
سعود..مابتوافق
سلطان..رتب لي لقاء معها من غير ماتعرف
سعود..ياشيخ بتزعل مني
سلطان..واذا زعلت لازم اشوفها
سعود..اعفيني سلطان ارجوك
سلطان..بالليل بكون عندك عالساعه عشره وبشوفها وبترتيب منك
سعود..يصير خير
سلطان..سعود اكيد
سعود..يالله خلاص طيب مرني بس كلمني قبل ماتوصل عشان اشوف الوضع
سلطان..اوكي الحين بااي
سعود..بااي


رجعت هلا من الجامعه ومعها دفتر نجود وحطته ولاانتبهت نجود لشئ
هلا...لي ماقلتي لي انك مابتروحين
نجود وتبتسم..ماقررت الا متأخر
هلا..فاتك شفت غاده اختي اليوم مع ساره واستغربت ساره ملتزمه وغير عن غاده بس تفاجأت فيني وسلمت عليه وقلت لها ان نوره بتعمل محاضره حسيت مايهمها بس لما قلت مع السلامه سألتني عن موعد المحاضره ومكانها وغريبه والله منها
نجود..صح غاده بالنسبه لي صفر عالشمال ماتشكل اي اهميه بس احس انها سله بالتأثير عليها يعني لو تحاولين تكسبينها بتقدرين
هلا..معك حق بس المشكله اخواني مو متقبلينها ولاهي لكذا صعبه تجي هنا
نجود..اقنعي اخوانك
هلا..اخواني مايتفاهمون
فتحت مزون الباب..اقول انتي وياها انزلوا تعبت انا من كثر ماانادي عليكم
نجود..مزون بعد الغداء بروح لبيت خالي
مزون..اوكي مو مشكله
هلا..كيف جواهر من زمان عنها
مزون..عازمتكم بكرا
نجود..سوري انا اعتذر
مزون..ماقلت لصقر للحين واحتمال مايوافق
هلا..اقنعيه طفشنا بنطلع
مزون..يصير خير يالله


بعد الغداء كان خالد وصقر يسولفون ومزون وهلا باصاله بس يسمعوهم..

صقر..رحت لابوي اليوم
خالد..غريبه ليه
صقر ويعدل جلسته..من كم يوم كنت عنده اتصل علي وقال تعال ابيك بسالفه رحت له وقال لي انه بيسافر ويبيني امسك شغله
خالد مستغرب..غريبه انت
صقر..انا استغربت ورفضت وعصب علي قلت له انت بتسافر اسبوعين وانا عندي شغل مااقدر خل بدر يمسكه المهم كلمه مني وكلمه منه وعصب قال انت ماتحب غير نفسك وبصراحه انا عصبت وقلت مابشتغل لعيالك وطلعت
خالد..قلت له كذا..؟؟
صقر ..ايه بس ندمت ورحت له اليوم واعتذرت وقلت له انا تحت امرك
خالد..شقال ..؟؟
صقر..تصدق عجزت احدد رد فعله فيه شئ متغير بس مافهمته المهم قال اوكي مو يومي بس عالاقل كل يومين وقال اصلا سفرته احتمال تكون ثلاث ايام او اربع
خالد..غريب هالطلب
صقر..الى يومك انا مستغرب بس لو مو ابوي كنت شكيت بالموضوع

بالصاله كانت هلا ومزون يسمعونهم
هلا..صقر وين بيسافر ابوي
صقر..بسم الله منين طلعتي
خالد..لازم مايفوتها شئ
هلا..ردوا وين بيسافر
صقر..ماسألته ..؟؟
خالد..وين امل مابتجي عندنا
هلا..لا
خالد..يالله اسمحولي بطلع نام عن اذنكم



عالساعه عشر صقر كان نايم لانه تعبان ..مزون كلمت جواهر وبلغتها موافقة صقر واعتذرار نجود..هلا كانت تدرس..خالد,,طالع مع اخوياه..وسعود بالمرسم وعنده سلطان..عبدالله نايم..ابراهيم بمكتبه ونوره مع عيالها بقسمهم ..وامل بغرفتها تتفرج على مجله ..

 

[طوق البنفسج]

مشاركة: " قلـــــ مغلقـه ـــــوب " قصة محزنة بس رائعة اقروها لا تفوتكم

سعود..سلطان والله بتزعل
سلطان..خلاص لاتذلنا يالله
سعود..حسبي اله عليك طيب اذا دخلت اطلع انا
سعود..خليها بوقتها مانعرف شو بيكون رد فعلها
سعود..يصر خير اتصل على امل وطلب منها تجي عنده بالمرسم ووافقت
طلعت من غرفتها عليها جلابيه احمر بااسود ورافعه شعرها فتحت الباب ودخلت
امل..هلا
سعود والتفت على جهة سلطان والتفتت امل ولفت بتطلع لكن سلطان وقف ومسك يدها
سلطان..لحظه امل
بعدت يده عنها وكأنها خايفه
سلطان..ارجوك
سعود..اموول لازم تتكلمون مع بعض
سلطان..لازم تسمعيني
كانت امل معطيتهم جنبها والتقتت عليهم وبعيونها دموعها وصاحت وهي تقول ..

..اسمع بعد ست سنين حاي تبين اسمع وانتي يااخوي تقول لازم نتكلم فهموني من المسؤل عن هالحظه البشعه مين ..؟؟ انت ياولد عمي الي رفضا تسمعني وانا اترجاك ..نسيت تحب اذكرك واقول لك كيف ترجيتك ماقلت لك بالحرف..لطان اسمعني حتى تقدر تفهمني ..مارديت بقسوه وقلت لي ..سمعت منك الي يكفيني..ماكسرت قلبي ودست على كرامتي وقلت ..اخر مره هذي تسمعني بس هالمره..ماطعنتني بااهانتك وقلت لي..بتقولين لي كلام اغاني ومسخره ..تحب اقول لك اني قلت لك بنتظرك ..وانت ضحكت وقلت انتظري اذا تقدرين ..

نزل سلطان راسه لانه انحرج انها حافظه الحوار رغم السنين ..انحرج لانه انحط بهالموقف قدام سعود الي كان بيطلع لكنها التفتت عليه وقالت ..تعالي يااخوي طالما لازم نتكلم


اسمع يااخوي وافهم الي تمنيتك تفهمه انت والدكتور افهوما ياالي قبتوا انتي الغلطانه ياامل ..البنت الي تربة يتيمه من غير ام ..اسمعني يامتعلم يامثقف ياالي ارتفعت بفكرك ولاقدر تجاري بنت مراهقه..اسمعني يااخوي يالي وقفت مع ولد عمك ضدي وافهم ليه انا عملت كذا ليه رفضت اسافر وليه قلت لسلطان اني مو متحمله اجلس معه هنا حتى اسافر معه بالله عليكم فهمتوا شو تعني هالكلمه اخذتوها على انها اهانه لا يامتعلمين انا بنت مراهقه ماهو ذنبي اني مااعرف شو يعني زواج ولاهو ذنبي اني فرحانه بالقنوات والاغاني والافلام ولاهو ذنبي انك انت ياسلطان يامتعلم تزوجتني وانا مراهقه ولاهو ذنبي يااخوي انكم ماقلتوا لي اني بعيش ست سنين برا مثل بالضبط ماهو ذنبي اني مااعرف من الزواج الا فستان ابيض وفرح وحب ليه بعد العذاب تطالبوني اسمع نقدكم لي

قاطعها سعود وحب راسها..لخاطري اجلسي معه

طلع سعود ووقفت امل مقابل سلطان ودموعها مغطيه وجهها وسلطان مصدوم من انفجارها ولاهو عارف شو يعمل
سلطان..امل لازم نقدر نفهم بعض
امل وتمسح دموعها..بعد ست سنين
سلطان..لو بعد مليون سنه خليني اتكلم وارجوك اسمعيني للاخر واجلسي رجاء
جلست امل وبدأ سلطان يتكلم وهي منزله راسها..امل انا حبيتك وتمنيتك من انتي صغيره لما قررت اسافر قررت اتزوجك وفعلا خطبتك وتحقق حلمي بزواجي منك والي اسعدني هو الفرحه الي شفتها بعيونك لكن بعد اسبوع من زواجنا انصدمت بتجاهلك لي صرت اشوفك بس تتابعين افلام وتسمعين اغاني وانا من اخر اهتماماتك ماتترددين لحظه وحده من مدح واو ابدا اعجابك بأي رجل وكأن الي معك مو زوجك وهالشئ جرحني امل انتي كنتي تنامين بغرفة التلفزيون وانا انام لحالي واصحى لحالي واتغدا واتعشى لحالي ماكنت بحياتك شئ كنت انتظر منك اهتمام ولااشوف اي شئ بالعكس التجاهل هو الي كان ظاهر انا بالنسبه لك لك اخ مو مهم ولاانتي مفكره تهتمين فيه


امل لما فاتحتك بموضوع السفر تتذكرين شو قلتي قلتي بالحرف..انا مااقدر اسافر انا هنا والي مصبرني اني اتابع التلفزيون واروح لاهلي هناك شلون بتحمل كلمتك ذبحتني حطمت كل شئ بداخلي ماقدرت اتحمل قدرمت سفري ورحت لكن قبل مااروح بالغرفه قلت لك كلمتين ..قلت لك اتمنى ماتندمين وقلت لي باابتسامه..اتمنى وذبحتيني زياده ..امل انا ماتحملت كلامك كان سكاكين بصدري

امل وتمسح دموعها..صح هذا كله صار بس مو ذنبي منن المفروض ينزل لمستوى تفكيري مو انت انا صعبه اني اكون بمستوى تفكيرك انت كنت انضج مني انا كنت مراهقه توني بااول سنه بالثانوي حتى ماكملتها سلطان ماكنت اعرف شو يعني زواج كل الي اعرفه خطوبه وزواج وفستان ابيض وحب وغرام مثل الي نشوفه بالافلام ماتوقعت المسؤليه ولا توقعت الالتزام ارجوكم افهوني ولاتلوموني انا انسانه تزوجت بمرحله كنت صغيره ولاقدرت افهم

سلطان..امل لاتحطين الخطا كله علي
امل وعصبت..لا مابحطه لاني ادركت غلطتي واعتذرت بس انت رفضت وارجوك خلاص قفل الموضوع عن اذنك

مسك يدها سلطان..مابضغط عليك اكثر بالكلام لان شكلك قرفانه مني بس هذي الاوراق اقريها ارجوك

طلع سلطان وطلعت امل لغرفتها ومرت عند سعود بالصاله لكنها تركها لحالها حتى تهدا ..


بألم وقهر ..وتذكرت الاوراق فجأه وعدلت جلستها وكانت اربع اوراق وبدموع قرت الورقه الاولى

الطعنه الاولى ...

كتبت هالورقه وانا مااعرف ياامل هل ممكن تقريها بيوم اولا ..؟؟
كتبت هالالم والاحساس وانا مااعرف الله بيعطينا العمر ونلتقي بعد الغياب..؟؟
كتبت هالنزف وانا ماادري هل انا بظل زوجك او لا لكن كتبتها ..
امل انا هنا بعيد عنك مالي ايام غايب واحس بنار تحرقني تحرق احساسي بالفرح بزواجي منك
بداخلي بركان غضب على اهانتك لي وتقليلك من مكانتي ووجودي بحياتك..
امل انتي جرحتي سلطان الزوج والرجل وابن العم ..جرحتيني بنبذك لي
ماتخيلت بيوم اني اكون ممل لك وحضوري ماله اي داعي لك..
امل تعرفين اني امووت كل مااتذكر انك كنتي تبتسمين لما سافرت
تتخيلين شكثر اني قاسيه علي رغم اني احبك ولااشوف بالدنيا غير
للاسف ماعرفت اختار صح وفضلت عاطفتي على عقلي واخترتك وبالنهايه انا الخسران
بس خلاص حتى القلم والورق مايستاهلون القسوه ماراح اكتب اكثر


حضنت امل الورقه وصاحت..آه ياسلطان مو انت الي تعذبت لحالك عذبتني معك كلكم عذبتوني واولهم اخواني مو ذنبي لاتلوموني حرام عليكم

فتحت الورقه الثانيه ..

الاشتياق ..

امل رغم اني قررت مااقسى عالورق بس ماقدرت وحشتيني تمنيت انك معي حتى لو قاسيه
حتى لو متجاهله وجودي يكفي اشوفك تغنين مع الاغنيه او منسجمه وتصيحين مع فلم او معصبه على صديقاتك وتتكلمين بالتيلفون او حتى تمرين من عندي ولاكأني موجود..
وحشتيني حتى لو اني تعبان ولاتسألين عني ..وحشتيني حتى وانتي متضايقه وتقولين الله يعافيك مو ناقصتك..
وحشتيني وانتي جالسه ببجامتك واخر اهتمامك انك تلبسين لاني موجود ..
وحشتيني وانتي تقولين رجا ء لاتزعجني الصباح اذا صحيت
وحشتيني وانتي تطعنيني وتقولين ماتحملتك هنا اتحملك هناك ..

ابتسمت امل بدموع..وحشتني اكثر واكثر حتى وانت مر على اني الغلطانه..


فتحت الورقه الثالثه وكانت بعنوان ..

سامحيني ..

امل سمعت صوتك وفرحتي تملا هالدنيا بس سامحيني ماقدرت ابين لك لان كرامتي فوق كل شئ ..
اعرف اني اهنتك بس كان لازم اخذ حقي منك امل لازم تحسين باانك منبوذه مثل ماحسيت وانظلمت منك..
امل انا حلفت ماارد عليك بعد هالمكالمه وصدقيني من قلبي اتمنى اني اقدر لاني فعلا مجروح منك لدرجه مو ممكن تتصورينها لكن..
يمكن الايام تغير شئ ونرجع نلتقي لكن الحين انا يكفيني صوتك..

امل..كرامتك حرمتنا من بعض ست سنين

فتحت الورقه الرابع وكانت بعنوان ابتسمت له امل

غبي

لاول مره اكتشف اني غبي مع مرتبة الشرف امل..
رفضت اكلمك وكنت متوقع اني اعذبك لكني اعذب نفسي بنفسي
نسيت ان امل بنتعمي ومابتعيد المحاوله اكثر من ثلاث مرات ..
انتظرتك تحاولين الرابعه ولو قلتي لي ارجع لحظتها رجعتامل خسرتك وخسارت حياتي لكن كرامتي وكرامتك هم الي انتصروا
وانهزم قلبي لكن قلبك مااعتقد لانه ماحمل لي اي مشاعر


حضنت الاوراق امل وسافرت مع خيالها لايام حبتها وعاشتها ..تذكرت لما سافر سلطان وترك فراغ كبير بحياتها..تذكرت لما فقدت حبه وحنانه وخوفه..تذكرت كيف تمنت تشوفه او تسمع صوته..تذكرت كيف سعت انها تثقف نفسها بنفسها وتقرأ اكثر حتى تفهم..تذكرت اشياء كثيره قطعها سعود الي دخل ووقف عندها

سعود وحب راسها..ماابيك تقولين ولاكلمه امل انا اسف من قلبي اقولها سامحيني اختي ظلمتك وفعلا وقفت مع سلطان ضدك لكن انا مثلك ماني فاهم ولاجات سالفة العمر ببالي
امل..الي راح راح يااخوي
سعود..ارجوك سامحيني امووول
امل تبتسم..عمري ماازعل منك
سعود..تسلمين لي بس مايصلح اقرا الاوراق الي معك
امل وتبتسم..يعني ماقريتها
سعود..والله مارضى بس يالله تصبحين على خير ولاتفكرين كثير
امل..ان شاء الله
طلع سعود وترك امل مع ذكرياتها ودموعها ومع مسج قطع عليها وفاجئها..

" سامحيني يالغاليه انا الغلطان وانا الولهان وانا الندمان ..سلطان "
ابتسمت امل وقفلت جوالها ونامت



الصباح الكل صحى وراح لمكان عمله وبالجامعه كانوا البنت مجتمعين عند قاعات الندوات عشان محاضرة نوره الي يحبون اسلوبها بنات الجامعه لمحت هلا من بعيد غاده واشرت لها

غاده..هلا
هلا..هلا بيك مابتحضرين
غاده..متردده
هلا وتمسك يدها..تعالي حلوه واجلسي معي ياله
دخلت غاده لان بالاصل ودها تشوف نوره لكن تكابر ودخوا حضور المحاضره الرائعه لنوره ام عبدالله الي شدت البنات بااسلبها الرائع

الكل كان صامت الكل كان متأثر وخائف الكل كان مترقب لباقي القصص والحوداث لكن هنا بكت الكثيرات لما بدت نوره تروي القصه ..

اسموع يابنات هذا الشيخ ماذا يقول ..كنت في رحله الى القريات شمال المملكه وبعد المحاضره حضر لي شخص معه ابنه وقال ياشيخ في طريقي مررت بحادث سياره جيب لشابين انقلبت بهم السياره اكثر من مره حتى تطايروا خارج السياره وتبعثرت ملابسهم وقفت اتصلت بالاسعاف اقبلت انظر اليهم من اول وهله تنظر الى ملابسهم وقصات شعورهم تعرف يقينا حالهم لاحول ولاقوة الا بالله توجهت مسرعا احاول انقاذ مااستطيع الاول كان منكبا على الارض تمرغ وجهه بالتراب ولايزال جسمه حار لاادري هل مات ام لا تمزق بنطالهوقميصه والغبار اختلط بالدماء قلبته على ظهره فاذا لحم وجهه قد تمزق حتى تكاد لاترى شيئا حركته وناديته لكنه قد قضى اسرعت الى الثاني فاذا هو على وجهه والارض حوله مليئه بالدماء وثيابه حمراء وعظامه بارزه ويبدوا ان الضربه كانت على راسه فقد انشقت جمجمته لم اتحمل المنظر تذكرت ان ابني معي التفت واذا ابني مركز نظره على الاغراض وكانت جواز ودخان ومحفظه لم يشدني هذا فلم انتظر مسواكا ولا مصحفا ولكن رأيت شريط واقع على الارض ليس بينه وبين الشاب شيئا خفضت راسي انظر الى اسم الشريط ووجدت قطه من المخ غطت على اسمه تحاملت على نفسي ورفعت الشريط وقرات الاسم كان اغاني في حبك ..لاحظت ان بكرة الشريط مسحوبه الى الاخر وكانت متصله بالشئ وهو جهاز التسجيل وصل الاسعاف وايقنت انها فارقا الاحياة ولكن سألت نفسي هل تفتح لهم ابواب السماء وتبشر بروح وريحان ام تخر من السماء فتخطفها الطير ..او تهوي بها الريح في مكان سحيق ..ذهب الاسعاف وبدأت احمل اغراضهم ساعه وكميرا واوراق وظرف كتب عليه يسلم لابي محمد فتحته واذا هو لاكثر من خمسين فتاة عرايت حاولت ان اخبيها عن النا س حتى لاافضهم ولكن كيف ستكون فضيحتهم بالاخره عند الاولين والاخرين مع اشتداد الرعب والفزع وتطاير الصحف اللهم استرنا بسترك ..

ماضرهما لو اطاعا الله فما كافهما شططا اقامة خمس صلوات وفعل الواجبات وترك المحرمات وليس بذلك مشقه فالمحرمات اشياء معدوده ماضر العبد لو تركها طاعة للملك ليحبه ويدخله جنته ..


انسجموا البنات مع المحاضره الي تصيح والي تقاوم حتى ماتصيح والي طلعت ماقدرت تتحمل القصص وحست بتأنيب الضمير والي ازداد صوت بكائها ولفت انتباه البنات ..وفضلت نوره تنهي المحاضره ببض الاحاديث ..

عن اب سعيد الخدري رضي الله عنه قال كان النبي صلى الله عليه وسلم يقول ( اذا وضعت الجنازه فاحتملها الرجال على اعناقهم فاذا كانت صالحه قالت قدموني واذا كانت غير صالحه قالت لاهلها ياويلها أين تذهبون بها يسمع صوتها كل شئ الا الانسان ولو سمع الانسان لصعق ) رواره البخاري

 

[طوق البنفسج]

مشاركة: " قلـــــ مغلقـه ـــــوب " قصة محزنة بس رائعة اقروها لا تفوتكم

عن ابي قتاده بن ربعي الانصاري ان رسول الله صلى الله عليه وسلم مر عليه بجنازه فقال: ( مستريح ومستراح منه ) قالوا : يارسول الله ماالمستريح وماالمستراح منه؟ قال ( العبد المؤمن يستريح من نصب الدنيا واذها الى رحمة الله والعبد الفاجر يستريح منه العباد والبلاد والشجر والدواب ) رواه البخاري

قال تعالى ( ياأيها الناس ان وعد الله حق فلا تغرنكم الحياة الدنيا ولايغرنكم بالله الغرور )

صدق الله العظيم وصلي اللهم وسلم على نبينا محمد وعلى اله وصحبهوسلم..


انتهت المحاضره وبدوا البنات يطلعوا ومسكت هلا غاده وسلموا على نوره

نوره..هلا والله شلونك ياغاده
غاده..الحمد لله
هلا..محاضرتك رائعه الله يجزاك خير
نوره..صدق ان شاء الله يستفيدون البنات
غاده بخجل..قصصك مأثره
نوره وفرحت..هذي من كتيب لشيخ محمد العريفي اسمه رحله الى السماء معي لحظه
طلعته واعطته غاده الي ماقدرت ترده لكنها اعتذر وراحت وحتى هلا لان عندهم محاضره ..

صحت امل الظهر وحصلت بجوالها مسج فتحته.." صباح الورد والياسمين اتمنى اكون احتليت ثواني من خيالك مثل ماحرمتيني النوم بجفاك ""

ابتسمت امل وحست ان الحياة ابتسمت لها من جديد وقامت بكل حب ونشاط

العصر وصلها مسج ثاني .."" امل ارجوك لازم نتكلم بهدوء كلنا غلطانا ومالازم يستمر الغلط "
قفلت جوالها ورجعت فتحته بعد ساعه وحصلت ثلاث مسجات
" زعلانه ولك حق بس مو من حقك ماتسمعيني "

" نسيت اقول لك انك تغيرتي شكلا 180 درجه للاحلى او للاسواء مابقول لك "

" امل ارجوك كفايه ابراهيم كلمني ولازم نحط حد للموضوع "

استغربت امل ابراهيم تدخل بالموضوع قررت تسأل سعود عن السالفه واتصلت عليه

امل..هلا سعود
سعود..هلا وغلا
امل..سعود ابراهيم كلم سلطان بموضوعنا
سعود..من قال لك
امل..قولي
سعود..ايه قال له لازم حل للموضوع وسلطان طلب مهله لشهر اذا ماحل الموضوع معك مستعد ينفذ اي شئ يقوله ابراهيم
امل بصدمه..طيب مع السلامه
سعود..هههههههشفيك خفتي
امل..ماخفت فمان الله
سعود..مع السلامه

اتصل سلطان على سعود

سلطان..هلا سعود
سعود..هلا بك وينك
سلطان..بالبيت كيف امل اليوم
سعود ومبتسم..تماام ماقلت لي شو الاوراق
سعود..ههههههههه للحين بقلبك
سعود..ودي اعرف شو فيها
سلطان..المهم صقر وينه
سعود..صقر عنده سالفه كبيره حيييييييل مع ابوه ولاهو راضي يقولي عليها
سلطان..وكيف عرفت
سعود..كلمني من شوي وقال لي ابيك بموضوع مهم بالليل وابي توقف معي ضد الكل
سلطان..غريبه
سعود..هو انا شاك فيه من كم يوم بس اليوم تأكدت ان فيه سالفه وقويه بعد بس الله يستر
سلطان..ان شاء الله مافيه الا الخير
سعود..اتمنى المهم خالد بيسهر عندي تعال اوكي
سلطان..خلوها عندي احسن
سعود..مو مشكله بينا الوو
سلطان..على خير يالله فمان الله
سعود..الله معك




نجود ماراحت للجامعه وقررت ترجع للبيت بالليل لان ببيت خالها مافيه احد يوصلها للجامعه لكنها ماعرفت ان البنات راحوا لجواهر العصر وهي رجعت عالمغرب ولاحبت تخرب على مزون وتتصل قالت تجلس مع ام صقر الي دخلت تريح بعد المغرب شوي ولافيه غير نجود الي كانت متضايقه ولاهي عارفه شو تعمل وراحت اتصلت بجواهر الي استغربت اول ماردت

نجود..كلميني برا لااحد يدري
جواهر..شفيك
نجود وصاحت..تعبانه ولالقيت غيرك اكلمه
جواهر..اسمعك خذي راحتك
فتحت الباب نجود وجلست بالصاله ولاانتبهت ان الباب انتفتح وكان فيه شخص مصدوم وهو يسمع هالكلام ...

 

[طوق البنفسج]

مشاركة: " قلـــــ مغلقـه ـــــوب " قصة محزنة بس رائعة اقروها لا تفوتكم

نجود ماراحت للجامعه وقررت ترجع للبيت بالليل لان ببيت خالها مافيه احد يوصلها للجامعه لكنها ماعرفت ان البنات راحوا لجواهر العصر وهي رجعت عالمغرب ولاحبت تخرب على مزون وتتصل قالت تجلس مع ام صقر الي دخلت تريح بعد المغرب شوي ولافيه غير نجود الي كانت متضايقه ولاهي عارفه شو تعمل وراحت اتصلت بجواهر الي استغربت اول ماردت

نجود..كلميني برا لااحد يدري
جواهر..شفيك
نجود وصاحت..تعبانه ولالقيت غيرك اكلمه
جواهر..اسمعك خذي راحتك
فتحت الباب نجود وجلست بالصاله ولاانتبهت ان الباب انتفتح وكان فيه شخص مصدوم وهو يسمع هالكلام ...

نجود وتتنهد..جواهر بمووت
جواهر تحاول تكون طبيعيه..وينك فيه شصار
نجود..رجعت انا بالبيت بس تعبااانه وهالكلمه قليله قدام احساسي
جواهر..تكلمي انا اسمعك وقولي كل الي بخاطرك
نجود..خلاص احس هالدنيا ماتسوى شئ بعيوني مليت من كثر مااصيح ولااحد يواسيني تعبت من كثر مااتكلم ولااحد يسمعني احس الظلام مل من كثر مايحتويني صدقيني جواهر انا انبسط لما اشوف طيف ابتسامه بوجه مزون ولااحب اضيق صدرها بس خلاص تعبت ..احس اني ضيفه ثقيله لاصقر ماخذ راحته ولاخالد ولاحتى هلا وربي اتمنى اموت ولااعيش باقي عمري على هالاحساس
ساعات اقول اصبري وتحملي هذا قدرك بس ماقدرت جواهر هالحياة كل يوم تزيد ضغوطها علي مااقدر ودي ارجع لبيت اطين اهون من اني احس اني ثقيله على احد صدقيني جواهر ببيت خالي كأني غريبه لازوجته ولابناته وجهوا لي كلمه خايفين انبسط واقرر اسكن عندهم جواهر نجود بنت عبدالله انهانة كثير كثير وهالاهانه اقوى من اي طعنة غدر ممكن يتصورها الواحد اي حزن اقوى من حزني بنت فاقده امها وابوها الكل خايف من مسؤليتها الكل يحاول يجاملها باابتسامه الكل يراقب حركاتها رغم اني واثقه من نفسي واتحدى اي شخص يقول عني اي كلمه لكن تذبحني النظرات والله
سكتت نجود وهي تصيح
جواهر بصوت ثابت..نجود انتي قلتي انك يتيمه ووحيده ولالك حتى بيت رغم انه عندك اخت تسوى الدنيا
نجود بدموع..مزون هي كل حياتي والي يذبحني اني مااقدر اقولها ابي لها السعاده
جواهر..خليني اكمل انتي فقدت كل شئ مثل ماقلتي وذكرتيي كل شئ وقلتي ان الكل قفل بابه بوجه لو ضمننا مو علانا لكن نسيتي الي بابه مفتوح الي يسمعك ويعطيك ويرحم واحن عليك من امك وابوك نسيتي سبحانه وتعالي ليه يانجود مهما زادت همومك تذكري ربي وارفعي يدينك له وادعيه
نجود وهي تصيح..ياارب ارحمني تعبت

سعود ماقدر يتحمل اكثر طلع بهدوء ولاحتى شاف اخته الي جاي لها ..ركب سيارته وكلام نجود ينعاد مره وثنتين وثلاث ..
سعود..يارب ارحمني يالله شكثر هالانسانه تعاني
رجع سعود للبيت وكلمته امل لكن اشر لها ومشى ورجعت غرفتها لانها تعرف سعود اذا رفضت الكلام يكون بباله شئ بيرسمه ..

مرت ساعه وثنتين وثلاث وسعود ماطلع واستغربت امل انه مقفل المرسم وهذي اول مره يعملها سعود

بالبيت وصلت مزون وهلا وحصلوا نجود نايمه وجلسوا بالصاله يسولفون مع ام صقر

امل اتصل بها صقر..هلا امووول
امل مستغربه..هلا صقر
صقر..مستغربه صح
امل..تقريبا شفيك
صقر..انا قلت لسعود يجي للبيت عندنا عندي موضوع مهم وابيك تجين معه محتاج لك
امل خافت.شصاير خالد فيه شئ اتصلت عليه ولارد
صقر ويتنهد..لامافيه شئ بس معصب مني شوي واكيد مابيرد على احد المهم انتظركم باي
قفلت امل وطلعت لسعود الي حصلته بالصاله وشكله سرحان ويفكر
امل..شفيه صقر
سعود..علمي علمك يالله مشينا


بالسياره كان سعود سرحان ويفكر فضلت امل تتركه على راحته ..لكن بالها مشغول معه ومع صقر الي اتصل عليهم وطلبهم بالوقت وليه خالد معصب منهم


وصل سعود وامل وكانت نجود بتطلع لكن صقر طلب منها تجلس الكل مستغرب من جمعت صقر لهم

سعود..السلام عليكم
الكل..وعليكم السلام
سعود ويسلم على اخته..هلا وغلا شلونك الغاليه
ام صقر..بخير انت شلونك
صقر..الحمد لله التفت عالكل وقال..مساء الخير جميعا
امل..وين خالد
صقر..اجلسي اموول خالد مافيه شئ
ام صقر ..تكلم يمه شفيك
صقر ويتنهد ..انا جمعتكم لاني بقول لكم خبر ماابي احد يزعل
سعود..خير ان شاء الله قول
صقر..بكرا بدخل المستشفى
رفعت مزون يده لقلبها وهالحركه مافاتت صقر الي حول نظره لامه الي قالت
ام صقر..مستشفى
صقر عرف ان امه منصدمه من كلامه فااستعجل بالكلام..بدخل اعمل عمليه او بمعنى اوضح بتبرع بالكلى
ام صقر بصوت عالي وهي تصيح..تتبرع ليه عايف عمرك
صقر ويناظر سعود حتى ينقذه..بتبرع لابوي
مزون قامت وطلعت ولحقتها نجود اما ام قر الجمتها المفاجئه ماعادت قادره ترد
هلا وهي تصيح..ليه مايتبرع له بدر او غاده الي عايشين بعزه
سعود..امل خذي هلا واطلعوا
طلعوا البنات وظل سعود يواسي اخته

تماسكت ام صقر على قد ماتقدر..صقر رح شف زوجتك ماهو زين لها الزعل
صقر يحب راس امه ..سامحيني اعرف اني غالي عندك بس هذا ابوي
ام صقر..الله يوفقك رح لزوجتك يمه
طلع صقر بعد مااشر له سعود واول ماطلع انفجرت امه بالصياح
ام صقر..بيتبرع لابوه الي عمره مافكر فيه بيتبرع لابوه الي يما فشله وكسر خاطره وقلبه سعود شسوي علمني هذا ولدي جنيني عمري واول فرحتي مااقدر اقول له لا ولا اقدر اخليه يعملها
سعود..يالغاليه يااختي انتي انسانه مؤمنه وتعرفين اذا الله كاتب لولدك شئ بيصير تبرع لابوه او لا وبعدين هذا صقر الكبير كبير يالغاليه دائما تصرفاته هي الي تحكي ماهو كلامه ام صقر ولدك ماعمل الا واجبه كأبن تجاه ابوه مهما كان قاسي اذكري الله وادعي له
ام صقر وتمسح موعه..امسكني خلني ادخل اصلي يارب ثبتني
مسكها صقر وجلس بالصاله ينتظر صقر الي نزل بعد ماترك مزون رافضه حتى تفتح الباب له

دخل صقر وحصل سعود..وين امي
سعود..خلها تصلي وترتاح تعال اجلس قلي السالفه كامله
جلس صقر وتنهد وبدأ يحكي له السالفه..قلت لك ان ابوي طلب مني اروح للمحل المهم رحت وكلمه تجر كلمه قال لي الهندي انه تعبان واكثر من مره يوديه السواق للمستشفى المهم انا استدرجته لحد ماصدمني وقال ان ابوي بالمستشفى ولااحد يعرف غيره الزبده رحت وقابلت الدكتور وقال ان معه فشل من سنتين واكثر وان حالته تتردى طبعا من غير تردد جاني احساس مختلف وطلبت اني اتبرع له وعملت التحاليل وفرح الدكتور لان فيه حالات تبرع بس ماوافقت معه المهم اتفقنا اني اعمل العمليه بعد بكر الصباح هالكلام له اسبوع
سعود مستغرب..كل هالاجراءت تمت بهالسرعه
صقر..لان حالة الوالد متاخره كثير
سعود..وشقال لما عرف انك بتتبرع له
صقر ومنزل راسه..مايعرف قلت لهم قولوا له فاعل خير وبس
سعود ووقف ..بتظل صقر مايتغير فيك اي شئ مهما زادت قسوتك الي حولك عموما هذا ابوك والي تشوفه صح اعمله
صقر ويطلع معه..يعني تشوفه خطأ
سعود,,الي اشوفه خطأ وانت تشوفه صحه تحكمه عاطفه قويه انت تحس فيها تجاهه مااحسها انا يالله عن اذنك
صقر..الله معك

 

[طوق البنفسج]

مشاركة: " قلـــــ مغلقـه ـــــوب " قصة محزنة بس رائعة اقروها لا تفوتكم

مزون كانت بغرفة هلا مع نجود وامل وكانت حالتها جدا سيئه ودموعها على خدها

امل..اذكري الله يامزون خلاص
نجود وتحاول تهدي اختها..مزون خلاص والله مو زين لك اهدي الله يعافيك
مزون وتمسح دموعها..مااقدر صح المنطق يقول هذا ابوه بس بنفس الوقت هذا الانسان الوحيد الي حبيته بحياتي هالانسان الوحيد الي دخل الفرح لقلبي بعد غياب طويل لاتلوموني وبعدين ماقال لي بكرا بيروح الصبح يعني الظهر مابيتغدى معنا .....
صاحت مزون وحضنتها امل لكن سمعو صوت صقر وتغطت نجود وطلب منهم صقر يطلعون وجلس مع مزون الي كانت تصيح بشكل يقطع القلب


صقر جلس قبالها عالارض ..اسمعيني يالغاليه انتي غاليه علي وتعرفين مكانتك عندي بس هذا ابوي صح علاقتي مو كويسه معه بس ابوي مااقدر
مزون..ليه ماقلت لي
صقر..ماابيك تتعبين بكرا مزون بروح وبعد يومين بكون بخير ابيك تدعين لي
صاحت مزون وجلس صقر يحاول يهديها لحد ماهدت


سعود وصل البيت وكلم اخوه وولده وحتى سلطان عرف والكل انشغل مع الموضوع الا خالد الي كان غايب عن البيت ولا رجع الا الفجر وحصل امل تنتظره

امل بخوف..وينك فيه
خالد..قال لكم صقر
امل..ايه
خالد..خلاص عصبت منه وتاخرت هذي السالفه يالله بطلع انام
امل..الله معك


انتهى اليوم بهدوء حزين ..مزون من كثر ماصاحت نامت من غير احساس ..هلا من التفكير تعبت ونامت ام صقر ماقدرت تنام الا الفجر والباقي بعد معناة قدر ينام ..

الساعه سبع الصبح صحى صقر وطلع بهدوء من الغرفه ومن البيت وراح للمستشفى وارسل مسج لسعود وخالد بلغهم انه دخل المستشفى وهالتصرف زاد مزون حزن منه وعليه ودخلت بحالة بكاء جديده خصوصا انهم رفضوا انها تروح له الا بكرا الصباح وهذا طلب صقر الي رفض اي احد يزوره قبل العمليه ..


راح خالد للمستشفى ودخل وسلم على ابوه

خالد..سلامتك ماتشوف شر
ابو صقر وشكله تعبان..الله يسلمك اخيرا احد تذكر اني بالمستشفى
خالد..ليه احنا احد عطانا خبر
ابو صقر..انا مكلم بدر وقايل له
خالد..المهم تقوم بالسلامه
ابو صقر..واخوك وينه مايبي يشوف وجهي والا فرحان
خالد حاول يمسك نفسه لكنه ماقدر..ولدك الي تقول انه فرحان بكرا بيعمل عمليه
ابو صقر ..حجه عشان مايجي يشوفني
خالد وعصب..لا مو حجه صقر ياابوي هو الي بيتبرع لك بالكلى
صدمه قويه بانت على وجه ابو صقر ماتحملها خالد وطلع من الغرفه وتركه مصدوم لدرجة انه بعد مااستوعب نزلت دموعه الي ماهي معروفه هل هي نابعه من فرح بولده او خوف او حزن او اي احساس اخر


سعود كان بالبيت مشغول يرسم الاحزان الي تراكمت بلحظه بداخله يفرغ احساس مكبوت بداخله من زمان توه يقدر يتنفس ..

امل عند اختها ساعه تهدي ام صقر وساعه تطلع لمزون الي حالتها كانت سيئه
مزون بحزن..خلا ص مليت من الحزن
جواهر..استغفري مزون خافي ربك لايخليك الحزن تغلطين
نجود..يالله عاد بكرا بتشوفينه مافيه الا العافيه ليه مكبره الموضوع
مزون..الموضوع بالنسبه لي صدمه
امل..يالله لخاطري ننزل تحت
هلا..يالله امي لحالها تحت
نزلت مزون بعد ماتذكرت ام صقر الي اكيد حالتها مو اقل من حالها


حاولت ام صقر تكون قويه ومتماسكه قدام البنات لكن الحزن كان واضح على وجهها وطريقة كلامها وصل خالد وطلعت له ام صقر عند باب الصاله لان جواهر موجوده

خالد..تطمني يمه مافيه شئ وعمليه بسيطه انتي ادعي له
امل من داخل تنادي خالد,,خالد توصلني للبيت
خالد..لا
امل..افا ليه
خالد..لاني تعباان من امس مانمت الا اذا مستغنيه عن عمرك يالله
ام صقر..شهالكلام يمه رح نام وهي بتنام عندنا
خالد..الا امل عندي لك خبر
امل..قوله
هلا..خلاص انتم قدروا ان عندكم ضيوف
خالد مستغرب..من عندكم
هلا..ههههههه وانا اقول مو بالعاده يسولف
خالد يسأل امه بصوت واطي..عندكم احد
ام صقر..صديقة مزون
خالد يهز راسه ويمشي..الله يهديكم ماتعطون الواحد خبر


امل عصبت..ماخليتيه يقول لي الخبر
هلا..روحي بسرعه قبل ماينام وتعالي علمينا

طلعت امل ودخلت بغرفة خالد الي واضح انه متضايق منهم
امل ..مايستاهل الموضوع خالد
خالد ويجلس قبالها..امل انا انظر للموضوع من جهه ثانيه
امل..الي هي
خالد..انا عن نفسي ماارضى ان واحد يسولف مع اهله بوجود اختي كصديقه لبنتهم وضيفه عندهم والي ماارضاه لاختي مابرضاه لبنات الناس صح
امل..صح بس جواهر حبوبه
خالد مبتسم..امل حبوبه اوكي بس تتوقعين انها بتقول لكم خلي اخوكم يسكت لازم يكون عندنا احنا احترام لناس وبناتهم صح بعدين البنت دخلت بيتنا ومن واجبنا نصونها مثل مانصون خواتنا انا بصراحه ماعجبتني حركتكم توقعت مافيه الا نجود الي تعودنا عليها بس بنت غريبه كبيره بحقنا نعمل هالحركه الي لو عرفوا اهلها مابيرضون
امل تبتسم..خلاص طيب قولي الخبر
خالد..مستحيل تعترفون بخطاكم الخبر ان سلطان كلمني
امل ..ليه
خالد ..عااساس اني قريب منك حاب اني اقرب مابينكم وهذا الكلام قبل مانعرف عن صقر

امل ..يصير خير
خالد ويضحك..ماعجبك الكلام المهم انا مو رايق لشئ بنام يالله
امل..طيب تصبح على خير

نزلت امل ولاحصلت جواهر راحت جلست مع البنات شوي بعدين تفرقوا بهدوء لان الجلسه غالب عليها جو الحزن

في بيت ابو صقر وصل بدر عالساعه عشر وحصل امه واخته جالسين
بدر..هاي
ام بدر..هلا رجعت
غاده..بدر بتروح لابوي
بدر وهو طالع..بكرا اذا صحيت
ام بدر..انا بروح الصبح مع غاده وانت اذا صحيت تعال على راحتك
بدر..اوكي
غاده..يمه ليه مانروه الحين
ام بدر..ماله داعي بكرا نشوفه بعد العمليه الحين بتجي عندي اختي
غاده..اجل انا بطلع انام


عالساعه عشر ونص الكل كان بالمستشفى ينتظرون ابو صقر وصقر لكن فيه اشخاص ناقصين هو عبدالله وبدر الي التقوا مع بعض عند السوبر ماركت

عبدالله..هلا والله
بدر ببرود..اهلين
عبدالله..سلامة الولد ان شاء الله ربي يقومه بالسلامه
بدر..ان شاء الله
عبدالله..طالع للمستشفى
بدر..ايه
عبدالله..حتى انا يالله تخاويني
بدر مستغرب..بتروح لابوي
عبدالله..ايه لابوك ولولد عمتي صقر
بدر..صقر
عبدالله..اكيد لان صقر هو الي نتبرع
الصدمه كانت واضحه على وجه بدر..صقر متبرع لابوي
عبدالله..ايه ماتدري
بدر..لا المهم يالله مشينا نشوف من يوصل الاول
عبدالله باابتسامه..نلعب باارواحنا
بدر ويضحك..اثرك جبان
عبدالله..لا بس الله سبحانه وتعالى قال: ( ولاتلقوا بأيديكم إلى التهلكة )
بدر..المهم انا غالبك يالله
ركب بدر سيارته وعبدالله سيارته وراحوا للمستشفى


بالمستشفى كانت ام صقر ومزون هم اكثر الاشخاص المتأثرين وكانت نوره تحاول تهديهم على قد ماتقدر ..

غاده بصوت واطي..نوره تعالي نروح لغاده اختي
نوره ..يالله
طلعت هلا ونوره بيرحون غرفة ابو صقر عند ام بدر وغاده لكن هلا وقفت تكلم خالد ودخلت نوره وحصلت ام بدر غافيه لكن غاده كانت منسجمه تقرأ
نوره مبتسمه..السلام عليكم
اتفاجئة غاده ودخلت الكتاب بالشنطه ..وعليكم السلام ماحسيت فيك
نوره تبتسم..والله طقيت الباب والمفروض اني ماادخل بس والله خفت لما مااحد رد
غاده متفاجئه..لا مااقصد ارتحي
نوره وتجلس..مسكينه شكل الوالده تعبانه
غاده..ملت قالت ترتاح
نوره..شرايك بالكتب حلو
غاده ارتبكت لان نوره شافت الكتاب..بصراحه مؤثر
نوره..مؤثر كثير كل مااقراه اصيح
غاده مستغربه..تصيحين انتي مع انك ملتزمه
نوره باابتسامه..عندي عيوب وذنوب وكلنا فقراء نطلب رحمة الله
غاده..اجل احنا شو نقول
نوره انبسطت من كلمة غاده..تطلبين العفو والغفران من الله
غاده..اذا انتي قبالي ولاشوف منك ولاشئ متستره وتطلبين العفو والرحمه اناالي لابسه عبايه مثل قلتها وغطى وجهي ماله اي داعي مجرد ديكور وكل شئ خطا اعمله
نوره ..قال تعالى (قل ياعبادي الذين اسرفوا على انفسهم لاتقنطوا من رحمة الله ان الله يغفر الذنوب جميعا انه هو الغفور الرحيم)

دخلت هلا وقطعت الكلام على نوره وغاده وتغير الموضوع لكنه ظل بذهن غاده تتساءل بينها وبين نفسها كيف هالانسانه بكل بساطه تقول لي اطلبي العفو والمغفره معقوله ممكن اكون انسانه ثانيه ..ظلت غاده بحيره من نفسها وبصراع مع يسر الدين ومغفرة الرحمن ورحمة الواسعه وبين مبادئ كذابه اوجدها ناس هدفهم زعزعة الدين والقيم الاسلاميه..

بالطريق كان بدر وعبدالله رايحين للمستشفى لكن كان فيه تناقض كبير بينهم عبدالله يسوق بهدوء ويسمع اذاعة القران وبدر يسوق بشكل استعراظي واكأنه يجاري النغمات الصاخبه الي الكل يتنرفز منها ..

اما نقطة الفصل بين االاثنين هي لحظة ماانقلبت سيارة بدر بأسلوب غريب وكأنها حتى بالحادث تجاري نغمات المسجل انقلبت مره وثنتين وثلالث الكل وقف ونزل يشوف واولهم عبدالله السياره شكلها انتهت صعبه يكون فيه امل ان الي بداخلها عايش الكل تدمر الا شئ واحد المسجل مازال يشتغل وبصوت عالي وبالاخير توقف الكل يدعي للولد بصعوبه طلعوه وبصعوبه وصل الاسعاف ونقله وكان معه عبدالله الي مستغرب معقوله مازال عايش بعد الدمار الي صار مازال عايش ..سبحان الله

 

[طوق البنفسج]

مشاركة: " قلـــــ مغلقـه ـــــوب " قصة محزنة بس رائعة اقروها لا تفوتكم

شئ غريب الاب وابناءه الاثنين بيوم واحد بالمستشفى صقر وابوه عمليتهم انتهت ولله الحمد نجحت ..وعبدالله مازال مع بدر الي بغرفة العنايه المركزه
طلع الدكتور وراح له عبدالله..طمني دكتور
الدكتور..سبحان الله هالانسان الله كتب له عمر جديد كل شئ فيه يتألم رجوله وايدينه تكسرت الفك مكسور عنده تمزقات كثيره لكن قدرة الله سبحانه وتعالى فوق كل شئ
عبدالله..يعني بيعيش
الدكتور..انت اخوه
عبدالله..انا قريبه
الدكتور..اذا الله كاتب له عمر بيعيش لكن بيتعذب كثير كثير الله يكون بعونه عن اذنك

اتردد عبدالله ماهو عارف شو يعمل لكنه توكل على اله وراح عند خالد للمستشفى الثاني وطمنه خالد

خالد..الحمد لله صقر بكرا نقدر نشوفه اما الوالد يحتاج وقت
عبدالله..الحمد لله على سلامتهم
خالد..الله يسلمك الا وينك تأخرت
عبدالله..اعرف ان وضعك صعب لكن مجبر اقول لك
خالد..خير
عبدالله..بدر اخوك عمل حادث
خالد..عمل حادث وكيف عرفت
قال له عبدالله لي صار..
خالد..لاحول ولاقوة الا بالله والحين شلون بقول لامه
عبدالله..والله ماادري بس الولد حالته صعبه
خالد..يارب رحمتك
عبدالله ..سعود وينه
خالد..مع الدكتور هذا هو وصل
سعود..السلام عليكم
عبدالله وخالد..وعليكم السلام
سعود بعد ماعرف الي صار..اسمع خل نوره ام عبدالله تبلغها هي مشاء الله ايمانها قوي وبتقدر
خالد..اوكي كلم امك عبدالله وقل لها



بعد ماعرفت نوره الي صار قالت لام صقر والبنات
ام صقر..لاحول ولاقوة الا بالله الله يصبر قلبها
هلا..بتقولين لها
نوره..الله يعيني
نجود..طيب اكيد بتروح تشوفه
هلا..نروح معها يمه
ام صقر..انا مافيني يابنتي والله قلبي عورني ولاعاد اقدر اتحمل روحي انتي مع نوره
نوره..يالله ياهلا تعالي والله يعينا ويعينها

راحت نوره وهلا لام بدر الي استقبلتهم ببرود لكن طيبة قلب نوره ماشافت البرود بالعكس وجدت لها مليون عذر

نوره بهدوء..ام بدر انا عارفه انك تعبانه لكن انتي مؤمنه وتعرفين ان المؤمن دائما مبتلى والله ان شاء الله يرفع منزلتك بالجنه
ام بدر مستغربه بس ساكته..
نوره..ياام بدر الله سبحانه وتعالى يبني لنا بيوت بالجنه اذا قلنا بعد المصيبه انا لله وانا اليه لراجعون ويكتب عليها بيوت الصابرون وانتي ان شاء الله انك تعرفين ماقال الله ورسوله ياام بدر بدر ولد تعرض لحادث بس اصابته ان شاء اللله خفيفه
ام بدر مصدومه من سحر كلامه ومن صدمتها بولدها غاده عينها على امها استغربت صمتها امها ام بدر تسكت كذا صاحت غاده وهلا ونطقت ام بدر وقامت..انا لله وانا اليه لراجعون بروح اشوفه ودوني ..طاحت ام بدر مغمى عليها وبعد ماصحت اصرت تروح تشوف ولدها وشافت وصاحت بدل الدموع دم صاحت قهر وخوف والم حاولوا يمسكونها يهدونها لكنها وقفت قبال خالد وصرخت..ليه ياخالد فقدتهم بيوم واحد يارب رحمتك مااتحمل كذا اخطيت كثير عذبت هاليتيمات وعاقبني ربي الله مايطق بعصا هذا حقي هذا نصيبي هذي النار الي بداخلي مال هالايتام عاقبني ربي انا وياك بيوم واحد ياابو صقر ربي انتقم لكم مني يابنات عبدالله يارب سامحني يارب

طلب خالد من الممرضه تعطها مهدي وفعلا ارتاحت وظلت غاده عندها تايهه بكل ماتعني هالكلمه من معنى ..

دخل خالد لجناح ام بدر وجلس وهو تعباان والتفت وحصل غااده كانت جالسه بشكل غريب خايفه ودموعها على خدها كسرت خاطره ورغم الالم قام وجلس عندها..

خالد..خلاص غاده اذكري الله ان شاء الله بيقومون بالسلامه
خالد بدموع..انا خايفه
خالد..من شو خايفه
غاده ..خالد انا خايفه على بدر وامي وابوي وعلى نفسي احس ربي بيعاقبني انا من طلعت على هالدنيا ماحسيت بشو يعني حرام ماكنت اعرف هالكلمه عمري مافكرت فيها كنت اطلب وتتحقق طلباتي كنت اسافر ارمي عباتي واخوي وابوي وامي يبتسمون ويعلقون علي كنت اسمع البنات الي تقول ابوي مايرضى اتأخر برا والي تقول اخوي رافض يكون عندي جوال كنت اضحك واقول متخلفين خالد انا ماكنت اصلي الا اذا كنت تعبانه او برمضان عمر امي او ابوي ماصحوني اصلي حياتي كلاها سهر وطلعات وافلام وسفرات اخر شئ افكر فيه ديني اخرتي عمري مافكرت انبهرت بكل شئ حولي كنت حابه اكون مميزه وسويت كل شئ مقزز حتى الفت الانتباه وبعزيمة مزون كنت جايه افشلكم وابين اني احسن منكم لكن فشلت نفسي خفت لما شفت الكل يناظرني وكأني انسانه ساقطه لكن حسيت بالانسانه الوحيده الي اعطتني شالها كأنها حمتني من بركان نار كان بيحرقني
صدقني خالد انا لما اشوف بدر يكلم بنات قدامي احس انه هذا الاخ الي يشرف مو صقر الي ضربني عشان عباتي خالد انا خايفه احس ان ربي بيعاقبني مثل اهلي خايفه امووت
خالد رغم انه مصدوم من كلامها..غاده حبيبتي مو انتي الغلطانه حتى احنا انا وصقر وهلا وابوي لاننا ابتعدنا عن بعض بعدين يمكن ربي يحب بدر وصار له الحادث حتى يذكره ان الدنيا ممر للاخره هذا الحادث يمكن يكون خير وانتي ليه كذا متشائمه الله غفور رحيم انتي انوي التوبه وربي يسهل امرك الله سبحانه وتعالى يفرح بتوبة عبده يالله قومي وغسلي وتوضي وصلي ركعتين وادعي الله وربي ان شاء الله بيفتحها بوجهك لكن انتي ناويه تتوبين
غاده بدموع هزت راسها ..
خالد..اوكي انا بطلع نص ساعه وراجع لك مع احلى هديه
ابتسمت غاده وطلع خالد وهو فرحان ومصدوم بنفس الوقت ..

بالمستشفى الثاني الكل راح ولابقى غير سعود ينتظر صقر يصحى وكان باله مشغول ويفكر

بعد نص ساعه دخل خالد على غاده
خالد..السلام عليكم
غاده..وعليكم السلام
خالد ويمد له الكيس ..تفضلي اول القران مني وبعدين هالكيس
فتحت غاده الكيس وصاحت بعد ماشافت العبايه الي جابها خالد وقامت حضنت اخوه وهي تصيح من الفرح والخوف والكل المشاعر المتضاده..


وبلمح البصر مرت ثلاث شهور كأنها يوم عند البعض وكأنها سنين عند الباقي ..

صقر رجع مثل اول لكنه يحتاج راحه وعدم اجهاد

خالد رجع لشغله بعد الشد العصبي الي تعرض له

مزون رجعت تحس بالامان بعد ماشافت صقر رجع لها وبدأ يتعافى شوي شوي

هلا رجعت لحياتها الطبيعه لكن مع فرحه كبيره بعلاقاتها مع الي حولها الي تحولت بشكل ايجابي وخصوصا اخوانها

نجود رجعت لدوامت الحزن الخاصه فيها بعد ماطلعت لفتره لأحزان غيرها ..

ام صقر فرحانه مرتاحه لكن فيه بداخلها هموم كل أم الي مهما كبروا عيالها بعيونها صغار يحتاجون رعايه..

ابو صقر مازال تعبان ويحتاج وقت لكن الغريب انه بحالة صمت غريبه من بعد العمليه وهو رافض الكلام مع اي احد

ام بدر تغيرت كثير وخصوصا وهي كل يوم تعاني وتتعذب بسبب حالة ولدها

غاده مشت بالطريق المليان بالورود والفل والياسمين بدت تقطف كل يوم ورده وتتنمى ان تطير من السعاده الي مايحس فيها الا الي ذاق حلاوة الايمان ..

بدر حادث سريع غير حياته وحوله الى انسان عاجز عن كل شئ حوله لانسان مختلف مصدوم متردد ضايع

سلطان ..مافقد الامل بأنه يسترجع حياته الماضيه

امل..مازالت تقاوم عاطفتها

سعود ..يضع اللمسات الاخيره على لوحة عذابه

جواهر..كل يوم تنتظر الاجمل والامل يعطي لحياتها طعم اخر

ام عبدالله وعبدالله..كان لهم التأثير الاكبر



بيوم رجع صقر للبيت متأخر ولاحصل احد صاحي غير مزون الي استغربت من شكله

مزون..صقر شفيك
صقر ويحاول يبتسم..سلامتك انتي ياام جود شلونك
مزون..انا بخير بس انت فيه شئ شاغل بالك
صقر ويتنهد ويجلس..كنت مع عبدالله ولد خالي
مزون..وبعدين
صقر..السالفه اانه عبدالله قوية علاقته مع بدر اخوي الفتره الاخيره والحمد لله اثر عليه بشكل كبير يقول عبدالله اعطيته شريط لشيخ العجمي وكان كل يوم يسمعه بااعتبار انه صعب يقرا او يعمل شئئ المهم يقول عبدالله فاجئني بدر لما قال لي ان الممرضه قالت له انا كل ماادخل غرفتك اسمع هذا الصوت وتأشر على قلبها وتقصد انها ترتاح يقول عبدالله اني جلست اشرح لبدر كيف ان حادثه جلب له فوائد وان الله سبحانه وتعالى رحيم وانه ممكن هالممرضه تهتدي وتسلم يقول انه صاح وتذكر ايامه قبل وكيف كان يسجل على الاشرطه الدينيه اغاني المهم يقول قررت اجيب له كتيبات بلغتها ويخلي احد البنات تعطيه للمرضه
مزون وتمسح دموعها..الله يشفيه ياارب
صقر ويبتسم..مالفت نظرك شئ مهم
مزون..لا شو
صقر..عبدالله طلبت البنات يعطونها للمرضه خاف ان الممرضه تفسر اهتمام بدر على جانب شخصي خصوصا انها مو مسلمه
مزون..مشاء الله تبارك الله الله يحفظه
صقر ويفكر..تصدقين انا مفكر بشئ
مزن..شو
صقر..ابي عبدالله يتزوج هلا اختي
مزون مصدومه..شلون
صقر..عبدالله رجال انا بطلب من سعود يحاول يقوله
مزون..ماادري
صقر..ادري بيدخل بالموضوع كرامه وكلام نظري لكن تهمني مصلحت اختي عبدالله رجال
مزون..اذا الله كاتبهم لبعض مااحد بيمنعهم
صقر..صح


الصباح قبل مايطلع صقر قال لمزون انه بيتغدا مع سعود ..

الكل راح لدوامه ولاظل احد بالبيت غير ام صقر الي تعبت وهي تقول لمزون ترتاح لكنها قررت تنتهي من هالمستوى وتتخرج قبل ماتولد..

 

[طوق البنفسج]

مشاركة: " قلـــــ مغلقـه ـــــوب " قصة محزنة بس رائعة اقروها لا تفوتكم

امل كانت محتاره خايفه خلاص ابراهيم قرر انه ينهي موضعها مع سلطان ولازم تتخذ موقف سلطان تعب وهو يرسل لها مسجات ولاترد عليها لكنها قررت ترد وهالقرار كان قبل موعد سلطان مع ابراهيم الي هو بعد يومين ارسلت مسج مكون من كلمتين ( انتظر اتصالك)

سلطان كان بالدوام واتفاجئ وفرح وانصدم من المسج وعلى طول استأذن وطلع واتصل عليها

وارتاعت لما شافت اتصاله ماتوقعته بهالسرعه لكنها انبسطت لانها لحالها وتقدر تأخذ راحتها ..

سلطان..السلام عليكم
امل بخوف..وعليكم السلام
سلطان..كيفك امل
امل..تمام
سلطان..دوم ان شاء الله امل انا حاولت وحاولت وحاولت لكن صديتني بااسلوب جميل وقاسي وجارح قدرت الايام تعلمك اياه وصدقيني مازال عندي امل اننا نقدر نتجاوز ست سنين لكن السؤال انتي عند استعداد
امل ........
سلطان..لشهور وانا اتكلم خلاص ارجوك الحين ردي علي وقولي اذا عندك استعاداد او بلاش اهانات زياده
امل وتتنهد..انا ماقصدت اهينك لكن كنت ابي اعتذاراتك لي تداوي جراحك

صمت استمر لمدة دقيقه سببته هالكلمه الجريئه من امل انصدم سلطان منها
سلطان..جراحي
امل ودموعها تسبق صوتها..ايه جراحك ست سنين وجروحي تنزف لبست قناع البنت القويه الي مو مهتمه وانا بكل ثانيه قلبي يتقطع تعرف شعور البنت لما تكون معلقه لاهي مطلقه ولامزوجه تعرف لماتسمع كل الي تزوجي معي عندهم طفل واثنين تعرف لما تنحط بموقف محرج وتنسئل عن الزوج الغائب هذي جروحي استكثرت علي كم شهر تعتذر لي فيها ولااستكثرت ست سنين دفعت انا ثمنها دفعت ثمن يتمي وعدم توعية اخواني وتكبر زوجي
سلطان باابتسامه..الله ياامل انا متكبر
امل باانفععال..ومليون متكبر
سلطان..ههههههههههه خلاص طيب انا متكبر لكن انا اسف عذبتيني خلاص
امل.........
سلطان..امل بقول لك سؤال وعلى اساس اجابتك راح تتحدد حياتنا
امل بخوف..اسأل
سلطان..انا عازم نفسي الليله عندك شرايك..؟؟
امل وحبت تحرق اعصابه وسكتت ....
سلطان حس بخيبة امل..اوكي
قاطعته امل..حياك الله
سلطان بفرحه غير..تسلمين لي
امل..يالله مع السلامه
سلطان..الله معك
قفلت امل من سلطان وعيونها مليانه دموع لكن هالمره دموع فرح دموع امل دموع احساس السعاده ..قامت ساعه تقرر شو بتلبس ولكن بالاخير دخلت للمطبخ تعمل كل شئ تتذكره من الي يحبه سلطان وتفاجئة بدخلة سعود

سعود..السلام عليكم
امل..وعليكم السلام
سعود..بكتبها بالتاريخ امل بالامطبخ
امل بضحكه..طبعا اليوم غير
سعود يفكر..ليه شو فيه اليوم ..؟؟
امل وعطت ظهرها سعود..عندنا ضيف
سعود..ضيف او ضيفه
امل..ضيف
سعود..مين ..؟؟
امل سكتت.....
سعود وكأنه تذكر..سلطان
امل..ايه
سعود..ههههههه اخيرا حنيتي عالرجال يالله الله يوفقكم ويسعدكم
امل..امين
سعود..اموول انا بغرفتي معي صقر اذا جهز الغداء عطوني خبر
امل ..اوكي


بغرفة سعود بعد ماقال لصقر عن سالفة سلطان حس ان صقر بيروح للمرسم
سعود..اجلس لاتروح
صقر مستغرب..ليه
سعود..لان عذابي ماكتمل
صقر..للحين
سعود..المهم قولي شو السالفه الي عندك
صقر ..يعني بتغير الموضوع اوكي السالفه تخص عبدالله وهلا اختي
سعود مستغرب..هلا وعبدالله
صقر..ابي منك تكلم عبدالله وتقول له شرايه بهلا اختي زوجه له
ابتسم سعود..بتخطب لأختك؟؟
صقر..ايه عبدالله رجال ينشرى بفلوس
سعود ويبتسم..تعرف دائما كنت اقول صقر رجال وافعالك الي تحكي وبوقتنا مايخطب لبنته او اخته الا الرجال وهم قليل
صقر..بس انا ماابي اهين اختي
سعود..اعرف راح تخطب لاختك بطريقه تتفق مع واقعنا ومجتمعنا وهي عن طريق وسيط الي هو انا وانت تعرف ان هلا وعبدالله مكانتهم غاليه عندي ابشر بسعدك انا بكلمه وكانها مبادره مني
صقر..كفوا والله الحين وين الغداء
سعود..تعال نروح لامل شكلها نستنا


ببيت ام صقر كانوا مجتمعين عالغداء

هلا..يمه كلم خالد يقول بيجي هالاسبوع
ام صقر..الله يوصله بالسلامه متى كلم
هلا..من شوي وقلت له اننا نتغدأ
ام صقر..حسبي الله على عدوانك ليه ماخليتيني اكلمك
هلا..هههههههه ماقال وين امي
نجود..ياكذبك مكلمته عندي وقالت له كلمها بعدين خلنا نتغدى
هلا غصت بالاكل..بسم الله منك مايفوتك شئ
ام صقر..قومي اتصلي عليه
هلا بزعل..يمه بكمل اكلي
ام صقر..اقول قومي
هلا..خلي مزون تتصل شوفيها ماتأكل
ام صقر وانتبهت لمزون..ليه ماتكلين يابنتي
مزون..شبعت ياخالتي
اام صقر..مايصير يابنتي
مزون..ان شاء الله بأكل خالتي
الكل انتهى من اكله ونست ام صقر سالفة خالد..


بالليا كانت امل مع سلطان وقدروا بجلسه هاديه رايقه يغسلون الالام ست سنين بعد ماقرروا انهم يتنازلون عن امور كثيره حتى تستمر حياتهم ولاتنهد بسبب افعال بسيطه لولا انها تراكمت ماكانت اثرت بهالشكل الكبير ..

كلمت امل مزون وقالت لها كل الي صار
مزون..الله يسعدكم بس عندي سؤال يحتاج اجابه
امل بفرح..اسألي
مزون..ليه مااحد حاول من اهله يصالحكم..رفض وقال بالحرف اذا قالت طلقني بطلقها لكن محاولات الصلح رفضها وهذا كله كبرياء كذاب
مزون..ههههههههه وينه يسمعك
امل..قلتها بوجهه
مزون..الله يسعدكمومتى بترجعين
امل..بعد اسبوع
مزون..ماهو قليل
امل..ههههههههه هذا بعد المحاولات
مزون..يالله اجل الله يعينك عالسوق
امل..وانتي مابتطلعين معي
مزون..والله انتي شايفه وضعي بس نجود وهلا معك
امل وتضحك..الله يعيني عليهم
مزون..امين


بنفس الوقت كان سعود وعبدالله سهرانين مع بعض وسأل سعود عبدالله بعد سوالف طويله

سعود ..عبدالله مافكرت تتزوج
عبدالله باابتسامته الدائمه..ليه فكرت انت
سعود ويتنهد..لاتجاوبني بسؤال
عبدالله..لاتتنهد ياعم ليه تعمل بنفسك كذا بس ولايهمك بجاوبك فكرت بس مأجل الموضوع شوي
سعود باابتسامه..وليه التأجيل
عبدالله..ظروف كثيره لكن بدت تنحل ولله الحمد
سعود..والعروس من هي
عبدالله..الي الله كاتبها لي
سعود ويبتسم ..اعرف يعني لسى مابحثت
عبدالله..قصدك الولده بحثت
سعود ويعدل جلسته..طيب لاتدقق على كلامي انا عندي لك شور
عبدالله..سمعنا ماعندك
سعود..هلا بنت اختي
عبدالله متفاجئ..هلا بنت عمتي
سعود..اسمعنى انت حر لكن هلا بنت ماعليها كلام من كل النواحي
عبدالله..بس انا ابي وحده ملتزمه
سعود..انا معك هلا ماهي ملتزمه مثلك لكن تقدر انك تعينها يعني بااسلوبك بسهوله تقدر تخليها تتخلى عن امور كثيره تافهه وماتسوى مثل الاغاني وغيرها لكن هلا بحجابها ملتزمه
عبدالله ..كلامك منطقي بس يحتاج تفكير
سعود ويقوم بيطلع..فكر والقرار لك انا قلت لك رائي ويالله تصبح على خير
عبدالله..وانت من اهله

طلع سعود وترك عبدالله يفكر بااقتراحه بان تكون هلا بنت عمته زوجته ..

 

[طوق البنفسج]

مشاركة: " قلـــــ مغلقـه ـــــوب " قصة محزنة بس رائعة اقروها لا تفوتكم

تحدد يوم الاربعاء يكون يوم رجعت امل لسلطان ..وبنفس اليوم بيوصل خالد بااجازه لمدة اسبوع لرياض..لكن قبل هاليوم وتحديداً يوم الثلاثاء العصر كانت نجود بالصاله تتفرج عالتلفزيون لحالها ودخلت عليها الخدامه ومعها لوحه حطتها عالكنبه قبال نجود الي سالتها
نجود..مين فيه
الخدامه..بابا سعود اعطي انا وروح

طلعت الخدامه وتركة نجود تتأمل اللوحه بااعجاب وحزن ماقدرت تقاومه مسكت القلم وبدت تكتب احساس اللوحه الي تحمل بحر هايج امواجه عاليه بس بين الامواج كان الالم والحزن الي واضح جدا

هلا..الله ياعيني سعود عندنا
نجود..لاجابتها الخدامه تقول اعطاها وراح
هلا..خطير سعود رسمه رائعه
نجود..ايه مشاء الله عليه
هلا..بس احسها هالمره غامضه
نجود..كيف
هلا..فيه فرح وامل وحزن

سمعوا صوت سعود برا وطلعت نجود من الصاله بسرعه ودخلت هلا خالها الي ابتسم ووقف مع هلا يتفرج عالوحه وجلس قبالها


هلا ..مشاء الله عليك خالي شو هالرسمه
سعود..عجبتك
هلا..مره
سعود وظل يناظر الوحه والتفت على هلا بس شافها مشغوله تقرا وطاحت عينه على ورقه جنبه عنوانها

(((أحزان مجففه)))


ليلٍ اسود ..
بحر هايجٍ ..
موج متلاطم ..
ويرتفع صوت الرعد فوقه ..
وتتصادم سماه بموجه ..
ويظهر ذاك الشكل ..
شعرٍ اسود منسدل ..
يبعثره موج من بحر هايجٍ ..
ونشوفها يد غادره ترتفع ..
تحمل بكفها سكين !!
يا تذبحه او تنذبح ..
مسكين كافي مامضىله من ذيك سنين ..
ياترى ..؟؟
هو يحبها ؟! هي تملكه ؟!
ولا مجرد صورة مبهمة ..
اتقنتها ريشة الرسام ..
ياترى !!
هي تخونه..؟؟ هو يودها..؟؟
كني شفت بعيونه بقايا حنين ..
ابسألك ..؟؟
ياترى هي تجرحك ؟
او تحبسك طول السنين ..
ياترى تبي تذبحك ؟!
كأنك تمتلك سرٍ كبير ..
وعيونك بتفضحك ..هي الي تعرفك
ابسألك..؟؟
هذا حزنٍ لفى يبي يستقر ..؟؟
غريبه هو بقلبك دايم مستقر ..
اتركه لايلقى له مكان وخله يحتضر
جاء الوقت الي ينكسر به قيد الحزن
ويترك القلب يتهنئ ويحب ..
كان ظنك انك بهمك وحيد ..
وان كلك امتلى بطعون غدر تجدد تزيد
تعــــال ..
تعال شفني ..
وش تقول ؟!!
بكل ثانيه انجرح ..
وكل جسمي طعون ..
لاتظن الشقا لك مخلوق..
لا واللذي خلق موتي والحياه ..
كل تقاسم فرحه ويا شقاه ..
يا يطغى الفرح ولا الهموم ..
تعال شفني كيف عايشه ..
تدري في كل يوم اعايش حزنك ..
وتدري ان السكين ماخلت فيني مكان ..
طعنات في كل كلي ومابقى لي ..
غير قلبٍ ينزف اهات وانين ..
ودمعة متعلقه برمش هالعين ..
تتنتظر ارمش لها وتنزل وتهين ..
كان جرحك واحد ..
وطعنتك وحده ..
ياكثرها جروحي ..
كان ودك روح ولمها ..
اجمع شتاتها ثم ضمها ..
صدّقت وش كثر جروحي كثااااااار ..
لو تقعد سنين ماتقدر تعدها..
شفت ورود الكون وشلون ؟!
خذلك ورده وتركها تجف ...
شف شكلها بعدها وشلون يصير ..
بسرعه تتفتت بيدينك وتطير ..
هذي هي همومنا .. هذي هي الاحزان ..
مثل الورود الملونه ..
تكون ندّيه بالاول ..
ثم نجففها وتطييييير ..
هذي همومنا ..
تصيبنا بقوة وتصدمنا ..
ثم نبكي عليها ونصيح ..
ثم(ن) تجف دموعنا ..
ماعادت تطيح ..
وقتها ..
تكون احزاننا رحلت ..

ياانت
ياانت ..
بريشتك حولتها احزانك
بس وينها احزاني
منهو يجففها وتطير ..؟؟
أه أه يمكن بيسقيها الغدر
ويحميها الالم
وتداريها الجراح
وتظل عايشه فيني ومعي وماتجف
ياهمومي كوني مره مثل ورودي
وجفي وتفتفتي وطيري
وخليني ارجع احب واحس ..

( الخاطره لرائعه اختي عاشقة الوهم )

سعود ..هلا انتي كتبتي هالكلام
هلا وبزعل..مو من حقك تقراه
سعود..اوكي اسف بس انتي الي كاتبته
هلا..لا
سعود..مين..؟؟
هلا..مو مهم عطني الورقه
سعود ويبعد الورقه..جاوبيني
هلا..خلني اشوف شو مكتوب
سعود..خاطره
هلا ..نجود بنت عمي
سعود ومسك الورقه..بخذها
هلا مستغربه..لا والله
سعود..اجل اكتبها لي
هلا ..سعود مااقدر
سعود..اسمعيني وخلي عنك المثاليه
هلا..اسفه
سعود..اوكي خذي الورقه
هلا..سعود لاتزعل
سعود..روحي نادي امك خلني اسلم عليها
هلا..والله مايليق عليك الزعل
سعود..روحي
طلعت هلا ومسك سعود القلم وكتب الخاطره على بعض اوراقه ورجعها مكانها وبعد ماجلس مع اخته طلع ورجع يقرا الخاطره للمره الثانيه والثالثه والعاشره ولاقدر يوصل لربع احساس هالبنت اليتيمه الي واضح ان الحزن سيطر عليها لدرجة اي حزن ثاني تشوفه قليل وتافهه قدام احزانها


الاربعاء وصل خالد الصباح وطبعا ماكان فيه غير امه جلس معها وبعدها دخل ينام ..

امل رفضت انها تعمل اي شئ طلعت من بيت اهلها لبيت سلطان بكل هدوء ولاكأنهم لهم ست سنوات مفترقين

بالسياره

سلطان مبتسم..كأني بحلم
امل ..الاحلام دائما حلوه
سلطان..بس بسرعه تنتهي وانا ابيك معي طول عمري
امل..انت الي ضيعت من عمرنا ست سنين
سلطان..هههههههه خلاص اموول ذليتيني
امل..حتى تحس بقيمة الايام ولاتزعلني
سلطان..وانا اقدر اعيدها خلاص


في بيت ام صقر كان خالد جالس مع امه

خالد..يمه بطلبك
ام صقر..قول يمه
خالد..بتزوج
ام صقر..هذي الساعه المباركه
خالد..لان نقلي مطول ولاعاد اتحمل الوحده هناك مليت
ام صقر..ابشر من عيوني من بكرا ادور لك
هلا..شو تدورين له
ام صقر..بسم الله مايفوتك شئ بدور له عروس
هلا مبسوطه..بتتزوج الف مبروك
خالد..عندك لي عروس
هلا ..شرايك بنجود
خالد..لا ماابي اقارب
ام صقر..ليه
خالد..بس
هلا ..خلني افكر
صقرالسلام عليكم
الكل..وعليكم السلام
صقر..شخباركم
هلا..خالد بيتزوج
خالد..هههههههههههههه ماعندك وقت
صقر..صدق
خالد..ان شاء الله
صقر..الله يكتب لك الي فيه الخير هلا نادي مزون ونجود وتعالوا
هلا..طيب
ام صقر..شفيكم
صقر ..الحين بقولكم السالفه
دخلت مزون ونجود وسلموا عالكل وجلسوا
صقر قام وحط قبالهم ملف ..هذي اوراق تخص كل ميراثكم من عمي
مزون..شلون
صقر..ابوي اتصل علي واعطاني هالملف وقال هذا حق بنات عمك كامل ويستسمح منكم
مزون..الله يسامحه
نجود..كل شئ نقدر نرجعه بس احساس الكرامه والامل والسعاده مستحيل عن اذنكم
طلعت نجود وطلعت لها مزون



وصل سعود بالليل لبيت ام صقر وحصل الكل موجود

سعود..السلام عليكم
الكل..وعليكم السلام
سلم على خالد..الحمد الله عالسلامه
خالد..الله يسلمك
سعود..شلونك ياام صقر
ام صقر..بخير وانت شلونك
سعود..تمام
صقر..بار ك لخالد قرر يتزوج
سعود مستغرب..الف مبروك
خالد..الله يبارك فيك
سعود..تعال خالد ابيك بموضوع براا
طلع سعود مع خالد للملحق وحصل اللوحه وظل خالد مبهور بالاحاس الي حسه وهو يتامل اللوحه

سعود..انا بيوم وعدتك احكي لك قصة عالم دموعي بس لما تكتم لوحته وجاء الوقت الي احكيها لك
خالد..اذا هالشئ يضايقك انسى خلاص وارمي كل شئ وراء ظهرك
سعود..ماراح اقولك تفاصيل معرفتي فيها عرفتها بالصدفه وانا رايح زياره للمستشفى لواحد من العيال كانت منهاه وتصيح المهم تكررت زياراتي وكررت الصدف المتعمده وعرفتها يوم بعد يوم وشهر بعد شهر لحد ماوصلنا لسنين حبيتها بكل ماتعني الكلمه من معنى تمنينت اليوم الي اتزوجها فيها عرفت تفاصيل حياتي من صوتها تتغير نفسيتي وحالي يتبدل
خالد ولاول مره يشوف الضعف بعيون سعود ..وبعدين
سعود ويبتسم..كلمتني وبكل برود قالت خلاص بتزوج

احتد صوت سعود وقف وكمل..تعرف شو احساس والانسانه الوحيده الي ساكنه قلبك تتزوج غيرك ..تعرف شو الاحساسس لما تكتشف انها طايره من الفرح ..تعرف لما تتخيل الانسانه الي شفتها زوجتك تروح لغيرك..او بمعنى اوضح تعرف لما تحس بالفرح وفجاه ينسرق منك ومن نفس الشخص الي اهداك اياه خساره ياعبير حبيتك من كل قلبي
خالد..ليه ماتزوجتها
سعود..تقول لو تزوجنا زواجنا بيفشل لانه بالاساس خطا
خالد..معها حق
صرخ سعود..طيب ليه لعبت بقلبي واحساسي ومشاعري ليه خلتني احبها تعذبت انجرحت انطعنت من هالانسانه
خالد..انساها
سعود..ههههههه تصدق على قد ماحبيتها رحمتها لما ترجتني ماافضحها اول شئ استغربت قلت افضحك وانا احبك لكن بعد مافكرت عرفت اني غبي والا بوقتنا فيه حب
خالد..فيه بس نادر
سعود..خلاص قلت لك مختصر القصه لاني لو قلت التفاصيل بتنزل دموعي وعبير ماتستاهل الا لوحه ورسمه اعتبرها من اسوا مارسمت
خالد..ربي بيعوضك
سعود..من قررت تتزوج
خالد..قلت لامي تدور لي
سعود..وبنت عمك
خالد..نجود لاماابي من الاقارب
سعود..امممم اوكي انا بخطبها

خالد منصدم..بتتزوج..؟؟
سعود..ايه وبروح اقول لاختي وصقر تعال
طلع سعود مع صقر عند اهله

سعود..ام صقر قررت اتزوج
ام صقر ..تتزوج مابغيت هذي الساعه المباركه
صقر..واخيرا
سعود..وبخطب بنت عمك
صقر مستغرب..نجود
سعود..ايه
صقر..بس من ابوي تطلبها
سعود..ماعندي مانع

 

[طوق البنفسج]

مشاركة: " قلـــــ مغلقـه ـــــوب " قصة محزنة بس رائعة اقروها لا تفوتكم

###صور من بين البوم السنين ###


#هلا ..يمه عبدالله ولد خالي
ام صقر..ايه ولا بتلاقين مثله
هلا وبفرح..بس
ام صقر..طولنا ماردينا عليهم يالله
هلا..اوكي
ام صقر..ردي مثل العالم
هلا باابتسامه تحضن امها..موافقه
ام صقر ..الف مبروك والله يوفقك#


#امل..تناسبك صدقني
خالد..جواهر اسمها حلو
امل وتضحك..ورسمها حلو واخلاقها حلوه
خالد..بتوافق تسكن معي برا الرياض
امل ..بتوافق لان الي يعنيها الحب هي انسانه حالمه
خالد..توكلنا على الله #


#بدر..عبدالله انت انسان غيرت حياتي
عبدالله..عبدالله انت الي غيرتها
بدر..جزاك الله كل خير رغم اني انسان مريض لي اشهر هنا ماحسيت لاني عايش بحلاوة الايمان خليتني اندم على كل ثانيه مرت من حياتي
عبدالله..الله يثبتك
بدر..امين ويوفقك ويسعدك
عبدالله..اجمعين#


#بالثلث الاخير من الليل الكل نايم الا هي تصلي وتتهجد وترفع اكفها لله طالبه عفوه وغفرانه
هذي هي غاده الي تغيرت حياتها للاحسن وانضمت لمدرسة تحفيظ القران وحفظت الى الان خمس اجزاء ..هي هي غاده الي عاشت حياة الترف والغرور والانحراف ربي فتح على قلبها الله يثبتها ويهدينا جميعا ..#


#امل..وافقت بس بشرط مثل ماقلت لك
سعود..تبي تعرف اوكي اتصلي عليها
امل..ليه
سعود..اتصلي اقول
اتصلت على نجود وبعد السلام طلب منها سعود تقولها تسكت واخذ الجوال
سعود..السلام عليكم اعرف انه تصرف خطأ لكن بقول لك بااختصار قصتي الي كل يعرف
ان بحياتي انسانه صح كانت بحياتي بس تبخرت خلاص حب تم بطريقه عن طريق علاقه وانتهت الي انهاها هي قالت بتتزوج وقلت الله يوفقك التفاصيل مالها اي معنى هذي هي الحقيقه والله يعلم اني قررت الزواج بقناعه مو عشان انساها لانها خلاص صفحه احترقت من حياتي مالها اي وجود معك امل
امل..هلا نجود
نجود..اهلين
امل..سوري نجود بس
قاطعتها نجود..خلاص انا موافقه#


#دخل بصمت الكل كان يرقبه باابتسامه قرب عندها وحب راسها وبنظرة حب
صقر..خوفتيني عليك الحمد الله عالسلامه
مزون بتعب وابتسامه..الله يسلمك
صقر..صرتي ام
مزون..وانت ابو جود
ابتسم والتفت عالبنت الصغيره ومساعدة امل حضنها وظل دقايق حاضنها والكل بكى واولهم مزون الي قالت بصوت عالي ..الحمد لله ربي عوضني فيك
ابتسم صقر..واهداني احلى مزون
اامل بضحكه..بس خلاص انت وياها#


##انتهت القصه لكن باقي لقطات لثواني ##


*امنيات وخالد ..عاشوا حياة حب وامل لكن ناقصها ضحكة طفل لكن هذا مااثر على حبهم عايش واملهم بالله كبير

*سعود ونجود..حياتهم بالبدايه كانت صعبه بس مع الايام استرجعت نجود نفسها المرحه واسترجع سعود ثقته بالحب وعاشوا احلى حب مع صرخة اول مولود لهم عبدالله

*غاده..تزوجت انسان ملتزم وبدت تشوف الحياة اروع مع اهل زوجها الي عايشين ببيئه رائعه لانها تراعي الله بكل شئ

*بدر..بدت حالته تتحسن بس مازال تعبان وهالشئ يزيده قرب من حلقات الذكر والتحفيظ الي اصبح يداوم عليها واثر على مجموعه كبيره من اصدقاءه

*امل وسلطان..احلى حب ممكن يترجم هو حبهم لانه كان حب معذاب واحلى مابالحب عذابه على رائي سلطان

*مزون وصقر..استقرار رائع هادي مع بنتهم جود واخوها الي بالطريق

 

[طوق البنفسج]

مشاركة: " قلـــــ مغلقـه ـــــوب " قصة محزنة بس رائعة اقروها لا تفوتكم

انتهت

ان شاء الله تعجبكم

 

[* مـذهـلـه *]

مشاركة: " قلـــــ مغلقـه ـــــوب " قصة محزنة بس رائعة اقروها لا تفوتكم




تسلمين حبيبتي و ما قصرتي و يعطيج الف الف الف عافيه ..

القصه جد جد جد جد جد روووووووووووووووووووووووعه و حيل اندمجت فيها و لازم معاها

دمووووووع ..

 

[طوق البنفسج]

مشاركة: " قلـــــ مغلقـه ـــــوب " قصة محزنة بس رائعة اقروها لا تفوتكم

حيااج الله مذهله

 

[beauty]

مشاركة: " قلـــــ مغلقـه ـــــوب " قصة محزنة بس رائعة اقروها لا تفوتكم

يعطيج العافيه حبيبتي

قصه روووووووووووعه

خلصت بيوم وما ودي تخلص