قلبي متحطم الله يفرجها .. بكريه شوروا علي

[ام شيوخه~~]

السلام عليكم شلونكم حبايبي عساكم بخير
بنات انا والله اكتب لكم وقلبي متقطططططع ومخنوقه
انا من فتره كانت طالع لي حبوب بالمنطقه تحت وقالت لي الدكتور هذي ثواليل ومستحيل يولدومج طبيعي لو ماراحت والسبب والحمدالله الحبوب راحت بس مكانها لين الحين حكه والدكتوره تقول فيج نوع فطريات هذي احتمال تعدي الطفل بس سويت مسحه طلعت نظيفه الحمدالله
الخوف من هذا ان الدكتوره قالت لي استمر عالعلاج بحيث لو في شي او شي مايطع لان احتمال تكون الحبوب موجوده بس فترة حضانه وماطلعت عالجلد.. ولحد الحين من عالجت اسبوعين ماشوف في شي لان سوت لي كي .. ولادتي قررررررررريبه خلال اسبوعين والمده بين العلاج والولاده قصيييره ..
حزات اقول يمكن في شي مابي اجازف بالياهل واتعبه معاي وبقرر قيصري حزات افكر اقول ان شاءالله مافي شي وبولد طبيعي شابي بالعمليه وتعبها وحزات اقول لا يمكن في شي ماطلع ويعدي .. ياربييييييييي الخوف لاعب فيني لعب وكل يوم صياح ونياح.. والدكتوره قالت انتي قرري لان انتي فترتج قصيره بين العلاج والولاده هذا من حقج انج تقررين ولو ان كلشي تمام الراس تحت والبيبي بخير ولله الحمد بس اللهم وزن البيبي عندي 3700 حسبتها على يوم الولاده وقالت يمكن يكون في صعوبه شوي عشان الوزن ..انتوا تشوفون الوزن شلون؟؟؟
وماعرف اذا الحوض زين او لا

تكفوووون شووروا علي انا بكريه وله اعرف شي وكل اقول لو مت بالعمليه ادري بتضحكوون بس انا جبانه واخاف لان يقولون العمليه لازم منها مشي عشان نبتعد عن جلطة القدم والرئه والعياذ بالله .. وبنفس الوقت افكر فضنااااي ماعرف شختار .. قلبي خااااااااااااااااااايف موت من العمليه الي جربتها تقولي هل هي تخووف وشكثر اتم بعدها ماتالم وشنو مخاطرها

ادري قرقرت وايييد بس قلبه متروسه
​

:eh_s(16):<<<<<ههههههههههههههههههههه
​

 

[miss_whitemocha]

يا حبيبتي عسى ربي يهون عليج إنشالله و تولدين بالسلامة..
شوفي دكتورتج يا غالية شنو تشور عليج..إهيا أخبر..
وإن قالت قيصرية توكلي على رب العالمين..
لا تخافين ولا توسوسين إنشالله ما فيج إلا العافية..
ربي يحفظج و يحفظلج البيبي من كل شر إنشالله..​

 

[ام شيوخه~~]

miss whitemocha جزاج الله خير الجزاء ياحياتي .. وماقصرتي بس انا خايفه من القيصريه وماعرف شقرر من كثر مايقولون انها خطره ومو زينه وبهدله .. يعني ماعرف شبيصير فيني بعد الولاده من كثر ماخرعوني الي حولي وانا للعلم ماخبرت الا امي لان استحي اقولهم طالع هالشي وهم حسبالهم من نفسي مقرره العمليه وقاعدين تروع بعافيتي وماتم كابوس ماجاني

 

[ام التوحد]

حبيبتي عادي الحبوب او الفطريات انا كانت فيني وعالجتها بس ما كنت حامل
لو انا مكانج اختار العمليه مو زين على البيبي يلقط شي وهو طالع من الرحم تحت ترى مو سهله الفطريات والفيروسات البيبي توه صغير ومناعته ضعيفه توكلي على الله وسوي العمليه خواتي ولادتهم عمليه والحمد لله مافيهم الا العافيه التعب فيج فيج بس الاهم البيبي يكون سليم بعد هالتعب
الله يقومج بالسلامه ووتبشرينا

 

[ام شيوخه~~]

ام التوحد عدل كلامج والله هذا الي افكر لما اكون بحاله ريلاكس بس لين اخاف ماتم فكره مافكر فيها هههه
يعني العمليه مامنها ضرر وله خوف ؟
وماتشوفين شر وزين فتكيتي الله لايعوده عليج ياربي .. بس حياتي لما عالجتي هل قالت الدكتوره ان احتمال يرجع او مجرد ماتختفي الحبوب يعني شفيت؟

 

[الأميرة جوري]

تاكدي اكثر من دكتور عادي الحوامل يصير فيهم التهابات وفطريات ...وانتى سويتى تحليل ومسحه وكل شيء زين ....بعض الدكاتره يخربطون ولاتنسين اذا سويتى قيصريه احتمال باجى قيصري ....استشيري وسوي تحليل بالخاص وتاكدي اكثر ...والله يسهل عليج وحجم البيبي زين انا بنتى كانت اكبر وولدت طبيعي

 

[miss_whitemocha]

miss whitemocha جزاج الله خير الجزاء ياحياتي .. وماقصرتي بس انا خايفه من القيصريه وماعرف شقرر من كثر مايقولون انها خطره ومو زينه وبهدله .. يعني ماعرف شبيصير فيني بعد الولاده من كثر ماخرعوني الي حولي وانا للعلم ماخبرت الا امي لان استحي اقولهم طالع هالشي وهم حسبالهم من نفسي مقرره العمليه وقاعدين تروع بعافيتي وماتم كابوس ماجاني

حبيبتي..لا تسمعين لأحد..الناس وايد تهول و تزود من عندها..
في ناس تموت خوف من شي اسمه عملية و تخدير و ينقلون خوفهم حق اللي حواليهم..
انا معظم حريم العايلة عندنا والدين قيصري و ما فيهم إلا العافية و عيالهم مثل القمر..
وبنت خالتي بجرية ولدت قيصري تقولي والله القيصري رحم حالي.. ماكانت قادرة تولد طبيعي..
السهالات من الله يا حبيبتي..و ربج الحافظ...
لا تحاتين ولا تتوترين عشان البيبي لا يتوتر معاج يا حبيبتي..
وكلي أمرج حق ربج وإنشالله بتقومين بالسلامة و تشوفين ضناج بحظنج و تنسين التعب كله إنشالله..​

 

[@ام يوسف@]

الله يهون عليج وتولدين بالسلامه واهم شئ صحه البيبي وسلامته

 

[عضـــــوه]

حبيبتي بنت خالي صار فيها نفسج وراحت عند دكتور استشاري بدار الشفا وولدها طبيعي ومافيها الا العافيه

وكانت بجر والحين كل ةلاداتها عنده تقول يعرف حالتي واهو ادرى فيها حبيبتي انا كل ةلاداتي قيصري بسبة اخطاء دكاترة الخاص  ولله الحمد على ماكتب لي ربي استشيري لا تاخذين راي طرف واحد

اهم سؤال :----
انتي وين تراجعين ؟!؟؟!؟

لازم تبذلين الاسباب وتستفسرين وربج يسهلها لج ان شااااااااء الله طبيعي ياااااارب واذا مافي ضرر على البيبي لاتخافين ان شااء الله طبيعي

 

[iTaLiyA]

الله يعينج حبوبه
أنا اقول روحي حق دكتوره ثانيه شوفي شتقول لا تاخذين براي واحد شوفي جم راي عشان تتطمنين و حزتها فكري شتسوين يا طبيعي يا قيصري
و الله يكتب اللي فيه الخير و يقومج انتي و البيبي بسلامه

 

[روحي ابوي]

البناات ماقصروا وانا اقول مثل ماقالوا لاتاخذين بس راي دكتورتج اخذي كذا راي ..
الله يكتبلج اللي فيه خيير انشاءالله..

 

[المسكـ]

استخيري ربج
ماينفع كلامنا
واللي الله كاتبه بيصير

 

[ملح على الجرح]

نصيحه استخير ربك وشوفي الحل

وكمان اسمعي كلام دكتورتك شوفي وش تنصحك فيه وسويه

وربي يكتب لكي الي فيه الخير ويسهل عليج ويشفيج ان ولي ذ لك والقادر عليه

وبعدين العمليه احسن ماتحسي بعوار الولاده الطبيعيه ولا شي لان حماتي اول طفل جابته بعمليه لانها تعسرت ولادتها والثاني جابته طبيعي ماشاءالله اهم شي استخير ي

 

[ضي القـمـر]

الله يهووون عليج حبيبتي استخيري وربج ما يضيعج ان شالله

 

[الشموخ~~]

روحي استشارة حق دكتورة ثانية وثالثة ورابعة ما يضر وشوفي الاجماع بأرائهم شيطلع ائا الاغلب قالو لج ممكن تضر البيبي استخيري وسوي العملية واذا قالو لج ما تضر تكلي علي الله طبيعي بعدين يا قلبي انا رفيجتي طلع فيها ثاليل وتعالجت وولدت طبيعي وخواتي ثنتينهم ولدو بعملية وكاهم ما فيهم الا العافية مادري ليش البنات يتخوفون من العمليات الحافظ الله وربي يقومج بالسلامه

 

[دآنة آلرشآيده]

الله يشآفيج ويعآفيج
لاتحاتين ان شآء الله مافيج الا العافيهـ
الله يهون عليج ويسهل عليج وتولدين طبيعي ​

 

[فراوله زوجي]

الله يكون بعونج وان شاءالله الله يكتبلج اللي فيه الخير لج وللبيبي

 

[غلاي6]

الله يشفيج يارب