قـصص بنات منتدى كويتيات ., مع الدعاء ., الاستغفار ., الصدقه., صلاه الليل ., تفضلى

[أنـــفال]

جزاج الله خير حبيبتي
وانا بقولكم تجربة عمتي كانت تستغفر بنية الزواج وتصدقت وكانت تصلي اخر الليل وتكثر الدعاء خاصة في هذا الوقت
وبعدها بمده جاها خطابين وخذت واحد منهم واللحين مستانسة مع زوجها وعندها بنتين ، الله يتمم عليها
سبحان الله وبحمدة سبحان الله العظيم

 

[أنـــفال]

رفع للفائدة

 

[أإلع ـشق دلع ـهـأإ]

كآن فيني سحر وآنآ مآدري

وإستمريت ع البقره وصلاة الليل والصدقه والإستغفآر وترك الذنوب

وربي فرج همي وزوجني من بعده

إستمريت 3 شهور

 

[دآيم آلحب]

انا ذكرت قبل تجربتي مع الاستغفار وبذكرها الحين


قبل شهر قررنا نسافر مكه بيتنا وبيت خالتي وقعدنا ندور حجوزات بس ماحصلنا الا 4 تذاكر واحنا يمكن 8
قالوا بندور على الطيارات الاضافيه وبعد ماحصلوا وغير هاي بعد الفندق كان بعيد عن الحرم واحنا متعودين
على الهلتون او الابراج ان سيييييدا يوصلنا الحرم .. امي رفضت قالت ماقدر امشي وايد بعيد الفندق
وانا في هالفتره كنت ادعي الله طول الوقت بين الاذان والاقامه وفي صلاتي واخر الليل لازم اصلي لو 3 ركعات
واستغفر طوووووووووول الوقت وبين وقت والثاني اتصدق ماقولكم كل يوم كنت اتصدق لا بين فتره وفتره
يوم قالوا مافي حجوزات انا يأسات استغفرالله وكانوا في هالفتره بنات خالي يحنون يالله عزموا عزموا على مكه معانا
امي قالت روحي احجزي مع بيت خالج اذا تبين تروحين ورحت بسرعه السفريات وكان في كرسيين حجزت وخلصت اموري
ورحت مع بيت خالي ..

يعني الله حقق امنيتي اني اروح مكه بس مو مع بيتنا مع بيت خالي بس المهم حقق امنيتي

انتو لو تدرون الاستغفار وقيااااااااام الليل شيسووووي والله معجزززه بنات معجزززه


والله يستر عليكم كلكم ويوفقكم ويرزقكم الازواج الصالحين ياااااااااارب العالمين

 

[بحرينيه كوول21]

استغفر الله الذي لا اله الا هو وأتوب اليه
ادعو لي بالذريه الصالحه
دعاء المؤمن الى اخيه المؤمن مستجاااب

 

[!! Sweety]

صباااااااااااااااح الخير و البركه
اسعد الله صباحكم بكل خير و رحمه و مغفره
عندي لكم تجربه للاستغفار والله كانت احلى تجربه بحياتي و هي :
١) كنت ماخذه ماده بالكليه و هذي الماده حيل دسمه و غثيثه و لازم ندرس الكتاب من الجلده لما الجلده و كلها قواعد و احكام و قوانين و كلها مرتبطه ببعض يعني تتعقدين لما تحلين هالمسأله و هالكورس كنت مركزه اهتمامي على هالماده و اهملت المواد الباقيه و صارت لي ظروف في هالكورس صعبه و اضطريت اغيب كذا يوم و دكتور الماده الصعبه حيل يحاسب عالغياب وشديد وانا طاقتها غايب يمكن ٧ مرات و درجاتي تلوع الجبد يعني اذا خذيت d الحمد لله المهم ضاااق خلقي لاني تعبت هالكورس و اهملت المواد الثانيه وركزت على هالماده الصعبه و غايبي كان لظروف خارجه عن ارادتي المهم قعدت استغفر و استغفر وكنت اقول مستحيل مستحيل مستحيل انجح هالكورس ولما حضرت المحاضره قال الدكتور محد خذا الدرجه الكامله في الاعمال و السبب نسبة الغياب كانت حيل كبيره المهم انا راح اساعدكم اللي تحفظ سورة الكهف كلها مع الترتيل راح تاخذ الدرجه الكاااامله و انا طار قلبي من الفرحه لاني حافظه هالسوره و راحوا البنات سمعوا ولا وحده خذت الدرجه الكامله و لما سمعت و صلت للايه ١٠ قالي وقفي ماله داعي تكملين خذيتي الدرجه الكامله و جا الفاينل و حليت بس كنت اقول الحمد لله مو مهم النتيجه المهم اني نجحت و قعدت استغفر استغفر و لما رحت اشوف النتيجه كااااااااااااااااااااااااااااانت اكبر نتيجه بحياااتي خذيت a ماينس و طاررررررر قلبي من الفررررررررحه و الحمد لله على كل حااااااااااااااااال *

 

[ذكرى الفجر]

ماشاء الله

 

[بوغاتي88]

عن تجربه شخصيه وكانت السبب في شفائي من بعد الله سبحانه وتعالى ولله الحمد احب اقول تجربتي لكل وحده انظلمت او حاشتها عين حاسده او كانت غنيه وفجأه توقف رزقها او وحده ما انخطبت او ما احملت الخ الخ الخ

سوره البقرة
الاستغفار الف مره او اكثر خاصه وقت الفجر او وقت صلاة المغرب
الصدقة
النيه الطيبه
ان كنتي ظالمه احد او متكلمة بسوء على احد او مغتابة لازم تقطعين هالاثم عشان يستجاب دعائج
قراءة اواخر سورة الحشر والدعاء باللي تبينه وتتمنينه والله اللذي لا اله الا هو اني كل مادعيت ربي الحمد لله ثم الحمد لله والف مره اقولها اللي اتمناه يصير الف حمد وشكر لك يارب على كل عطاياك

 

[ana moo ana]

عن تجربه شخصيه وكانت السبب في شفائي من بعد الله سبحانه وتعالى ولله الحمد احب اقول تجربتي لكل وحده انظلمت او حاشتها عين حاسده او كانت غنيه وفجأه توقف رزقها او وحده ما انخطبت او ما احملت الخ الخ الخ

سوره البقرة
الاستغفار الف مره او اكثر خاصه وقت الفجر او وقت صلاة المغرب
الصدقة
النيه الطيبه
ان كنتي ظالمه احد او متكلمة بسوء على احد او مغتابة لازم تقطعين هالاثم عشان يستجاب دعائج
قراءة اواخر سورة الحشر والدعاء باللي تبينه وتتمنينه والله اللذي لا اله الا هو اني كل مادعيت ربي الحمد لله ثم الحمد لله والف مره اقولها اللي اتمناه يصير الف حمد وشكر لك يارب على كل عطاياك

سووره الحشر انتي قلتي اواخرها

يعني كم رقم الصفحه؟؟ انتي دايم تقرين من ايه رقم كم وتعتبر اواخرها

 

[بوغاتي88]

اواخر سورة الحشر من الاية رقم 21 حتى الاية 24

لو انزلنا هذا القرآن على جبل لرأيته خاشئا متصدعا من خشية الله وتلك الامثال نضربها للناس لعلهم بتفكرون هو الله الذي لا اله الا هو عالم الغيب والشهادة هو الرحمن الرحيم هو الله الذي لا اله الا هوالملك القدوس السلام المؤمن المهيمن العزيز الجبار المتكبر سبحان الله عما يشركون هو الله الخالق البارىء المصور له الاسماء الحسنى يسبح له مافي السماوات والارض وهو العزيز الحكيم

 

[ana moo ana]

جزاك الله خير

 

[حنان الحربيه]

الموضوع حلو

انا الحمدالله من الاستغفار والصدقه وسورة البقره
توظفت صحيح مو طموحي الوظيفه بس الحمدالله خير وبركه
بس ياقيلي الزوج الصالح
يارب عاجلا غير اجل

 

[^^ ǺГฬα]

أبـ ابـ

 

[ana moo ana]

استغفرالله وااتوب اليه

 

[ana moo ana]

اب اب اب

 

[H.Heavn]

السلام عليكم

يزاكم الله خير على هالموضوع الرائع

انا اذكر اول ما بلشت استغفار بدت اشياء وايد حتى لو كانت بسيطة تصير لي بس من افكر فيها
يعني مثال مرة من المرات كنت ابي كتاب من رفيجتي بالدوام وانا بالطريج قلت بنفسي ويه نسيت اقولها اتييبه فكرت اتصل جان اقول لا خله باجر وهذي رفيجتي نساية!! بس لمن وصلت الدوام قالت لي تفضلي هذا الكتاب استانست
وغير اشياء وايد كلها تصير بفضله سبحانه
هم عندي مثال مساعة صار كنت ابي اروح الجمعية اشتري لي اغراض ابي اسوي ريجيم بس يوم تشيكت على حسابي لقيت مبلغ زهيد فضاق خلقي وامي شافتني ضايق خلقي قلت بقلبي اطلب منها فلوس؟؟ قلت لا بخليها على الله اهو الرزاق سبحان الله امي خذتني بنفسها شرت لي الاغراض اللي ابيها وعطتني فلوس نفس المبلغ اللي ابيه من غير ما اتكلم ودفعت لي فلوس تقرير مسويته للدوام يالللللللللللله ما اعظمك!!!
بس لي الحين احسني مقصرة بحق ربي خاصة ان الموضوع الاهم لي الحين ما صار واتمنى انه يصير بالقريب العاجل لاني صار لي فترة اشوف بهالموضوع باحلامي بشارة من عقب ماكان مسكر!! الله كريم

بنات لاتنسون الصدقة والدعاء موضوعي شوي شوي بادي يتحقق بفضل الدعاء والحمدلله
واحسن دعاء دعيت فيه اهو "اللهم اني استودعتك ...... فيامن لا تضيع ودائعه احفظه لي انك خير من استودعت"
دعاء عجيييييييييييب ما اطلع من البيت الا لمن اقوله لدرجة اني من انسى شي بالدوام واكون طالعة او بالسيارة اييون البنات بنفسهم ويعطوني اغراضي سبحان الله!!

يا رب ثبتني وزيدني على طاعتك وحسن عبادتك يا رب

 

[امة الودود]

جزاك الله خير

 

[امة الودود]

ارجع

 

[ana moo ana]

نبي تجارب بليز بنات لاتبخلون علينا

 

[ana moo ana]

اب اب