قطينا المانع الله نبي نحمل

[عزاااه]

انا بنضم معاكم انا لي سنتين اكلهم ان شالله بقطعم على شهر ٥ الله يرزقني ان شالله عندي بنت عمرها سنتين

 

[اسبــانيــة]

رد: قطينا المانع الله نبي نحمل باذن الله

المانع :
اخذت اول شهر (قبل عرسي) خذيت ميرفيلون اتوقع هذا اسمها مو ذاكرته عدل

وحبست الماي بجسمي

بعدين غيرت حولت على سيلست

وشهر 11 كنت استخدم موانع طبيعيه وقطعت المانع

واخر دورة شفتها كانت بشهر 12 خخخخخخخخخخخخخخخخخخخخخخخخ

طبعا غدرا مو بارادتي
الاسباب :
كنت حابه اعرف ريلي واستانس قبل لا ايب اعيال

وخصوصا لاني مربية اخواني الصغار ف ماجله موضوع التربية والمجابل
اخر بيبي :

حامل الحين ببداية الثالث ب بجري
اتمنى :
اتمنى الله يتمم علي ويحفظه ويتمم عليه الخلقه الكاملة ويقدرني اكون ام زينه للياهل اللي فبطني ويهدي ريلي ويقدره على هالمسؤولية اللي يايتنا بهالدرب

احس لي الحين مو متهيئين له

لي رحنا الجمعيه سطرنا البطااط والبيبسي والحلاو والكاكاو ما نعرف ناكل صح احس بعدنا احنا يهال الله يقدرنا يارب:yaaaaaarb::yaaaaaarb:

 

[اسبــانيــة]

شنو احسن حبوب منع !!

على حسب جسمج شنو يتقبل اي نوع

وايد بنات مدحو ميرفلون

وانا حبست الماي بجسمي

ف جربي النوع اللي يريحج

وشوفي تسويلج اعصاب؟ نفسيه؟ متنتتج؟؟ سدت شهيتج؟؟

لاحظي نفسج





لو شنو لا تاخذين ياسمين

ترى اعرف وايد بنات سببتلهم عقم مؤقت وعالجو علشان يحملون

 

[جمالي مو صج]

انا خذيت حبوب جينيرا لمده سنتين وقطعتهم من ٤ شهور وصارلي شهرين ابي احمل وما يصير حمل مع ان كل شي اوكي واراجع عند الدكتوره

اخر بيبي بنت عمرها سنتين ونص

ودي بولد اذا الله اراد

 

[عزاااه]

امين ياارب انا بنتي سنتين ان شالله على شهر الجاي بقطهم

 

["*آآآنؤؤؤقهـ*"]

عزاااااه

قطعيهم وخليج ع المانع الطبيعي

ع الاقل تردين بسلامه وتحمليييييين


الله يرزقنااا ياكرييييم

 

[غرام حمد]

انا بعد وياكم عندي ثنين واصغر وحده عمرها ٣ سنين ونص
وكنت استخدم مانع لزقات ايڤرا حيل ارتحت عليهم والحين خليتهم لي شهرين
والله يرزقني وياكم بالضنا الصالح

 

[عزاااه]

ان شالله بقطعهم

 

[فـراوله]

الموضوع ما يخص التجمعات


ينقل لقسم نساء وحمل وولاده

.







.



​

 

[ام نوني]

والله انا تركت الحبوب صارلي شهر وكنت استخدم جنيرا
وعندي 3بنوتات وبخاطري بولد اذا الله كاتب لي
والشهر هذا ماجتني ححلت ماكو حمل وعطتني الدكتوره حبوب تنزل الدوره اخذها اسبوع وتنزل بعدها ولا انزلت نظرت 3ايام ولا انزلت
وحت مره ثانيه قالت قبل لا افحصت داخلي سوي تحليل حمل ولا طلع وافحصتني سونار داخلي قالت رحمج نظيف حتى المبايض مافيها تكيس
نطري للسبت واذا انزلت اخذي حبوب تنظم الدوره

بليييز منوو مر بنفس حالتي ؟؟؟

 

[الجوهرا]

انا انضم معاكم بعد
عندي بنتين وولدين
حمالي صعب اجهضت5مرات
اكل حبوب سلست سنه وثلاا شهور وتركتهم الشهر اللي فات
وحللت امس وطلعت حامل ادعولي ان الله يثبته ويرزقني بطفل صالح متعافي
والله يرزقكم يارب

 

[عواشه القرقاشه]

وانا بعد ويااكم
صارلي جم يوم قاطه الحبوب
حبوبي جينيرا
ولدي عمره سنه ونص
وخاطري اييب بنووته
ادعووولي بنات بـ بنوته امين يارب

والله يسهل لنا اجمعين ويرزقنا بالذريه الصالحه
واهم شي الصحه ولعافيه :*

 

[عواشه القرقاشه]

بنات انا من قطيت الحبوب صداااع موو طبيعي
صار فيكم جذي ؟
ما نفع لا بندول لا بروفين لا نوم
كله من هالحبه الصغيره تسوي بلاوي