قطوي تعبان وغرفتي بارده :(

[Stay alive]

توني شاريه قطو عمره شهرين ...

ماصارلي اسبوع مستلمته ... كان فيه اسهال خفيف وانتو بكرامه

وريحة القطو خايسه مادري من حلجه او شنو ..

راعيه معوده يعطيه اكل خاص قوطي

وانا ابي اعوده على اكل البيت انظف وصحي اكثر

مجربه قطاوتي اللي قبل اكل خاص .. ريحه خايسه ومامنه فايده

وفوق جذي مصرف ميزانيه ... قلت دامه صغير اعوده عاللي ابي

المهم كان ياكل دجاج مسلوق ... ويشرب ماي ... وشوي ياكل دراي فود خفيف


المشكله العويصه انه غرفتي بارده خلقه ... بالشتا تصير حيل بارده

واهلي مايبون انزل القطو تحت كان الاتفاق انه ممنوع ينزل تحت

واصلا ماكو مكان تحت كله مفتوح ع بعض يعني راح يمشي ويوصخ غصبن عنه لان مو قاعد بمكان محدد

القطو صار يعاطس وبس يلحقني يقعد بالحظن وينام

انا حسيت انه بردان

حطيت دفايه بغرفتي ... وصارله يومين مايبي ياكل دجاج ..

بس يشرب ماي واكل شوية دراي فود .. انا شاريتله نوع رويال كانون كتن

واليوم ثالث يوم مو راضي يقرب صوب الدجاج والعصر وديته لمستشفى الدهما عند الدكتور جوزيف ... فحصه وعطاه ابرتين اليوم وحده وباجر وحده وقال اهم شي مايقعد بالبرد عشان يطيب ...

وطلع باذونه جرب يقول اذا ما تعالج راح يطلع برا ويسببله فطريات ...

نظفهم له ... وعطاني حبوب كسرهم اربع قطع ... وقال كل يوم الصبح تعطينه ربع حبه وبالليل ربع حبه



نرجع لمشكلتي الحين الدفايه والدار البارده شالحل

للعلم اهي دفاية كهربا .. اذا بروح للدوام شلون ؟

والاكل ... اليوم ماشفته ياكل فاقد الشهيه ...


بليز لاتبخلون علي بخبراتكم

 

[موريا آدم]

اب للافادة

 

[Stay alive]

^
^

رفع الله قدرج

 

[بنت النوخذا]

وانا ابي اعوده على اكل البيت انظف وصحي اكثر
المهم كان ياكل دجاج مسلوق ... ويشرب ماي ... وشوي ياكل دراي فود خفيف
القطو صار يعاطس وبس يلحقني يقعد بالحظن وينام
انا حسيت انه بردان
حطيت دفايه بغرفتي ... وصارله يومين مايبي ياكل دجاج .
بس يشرب ماي واكل شوية دراي فود ..
واليوم ثالث يوم مو راضي يقرب صوب الدجاج
وقال اهم شي مايقعد بالبرد عشان يطيب ...
وطلع باذونه جرب يقول اذا ما تعالج راح يطلع برا ويسببله فطريات ...
نظفهم له
اذا بروح للدوام شلون ؟
والاكل ... اليوم ماشفته ياكل فاقد الشهيه ...

الحل
نونو معدته ضعيفه خاصه مع البرد
نصيحه بس عطيه حليب
و نتفي له جبنه بيضاء مقدار ملعقتين كبارهرسيها في نص توسته
ورشي فوقها ثلاث ملاعق كبيره حليب

وابتعدي عن اللحوم لمده اربع يام
حاولي ادخلين بحلجه نقط عسل ... باليوم اربع مرات

خلي عندج فوطه صغيره
هاتي ليبل لبتون ( شاي ) و بللي طرف الفوطه و دعكي اذونه
من داخل ..... و غسلي الفوطه
علي طول
اربع مرات باليوم

البروده
كمبل اطفال خليه خاص له
و حطي له كرتونه ( سويها بيت حقه )
بس كرتون واسعه شويه ( يفضل النوعيه لونها ابيض )

 

[بنت النوخذا]

لالالالا تقريبن ...... الاكل المعلب او المجفف
نهاااائي

خلي معدته تهدئ يومين او ثلاثه ايام

بعدها عطيه بياض ربع بيضه مسلوقه نتفيه و خلطيه مع نتفة جبن ابيض
و نتفة توسته


الحين معدته تعبانه

 

[بنت النوخذا]

(( شامبو نيوزرال مفيد للفطريات بس خفيفه مع المائ الدافئ ))

 

[Stay alive]

مشكوره اختي بنت النوخذه


بس ماقدر اعطيه حليب او مشتقاته ... القطو كان فيه اسهال وانتي بكرامه وتو وقف عنه ...

سألت الدكتور البيطري عن الاكل قالي عادي ياكل بس دراي فود بس لازم يكون مال كتن

انا شاريتله بيت نفس اللي حطيتي صورته يدفيه .. بس اهو مايقعد داخله يطلع

والتسبيح ماقدر حاليا اسبحه اخاف تزيد حالته سوء


ابتشلت والله يعيني

 

[بنت النوخذا]

يحليله بس جربي
و نتفي له جبنه بيضاء مقدار ملعقتين كبارهرسيها في نص توسته
ورشي فوقها ثلاث ملاعق كبيره حليب خالي الدسم والحليب بس علشان يطري الاكل للبلع يدوب نتفه
بعد بتوقف الاسهال ويعدل مزاجه و يشبعه
بس كميه حيل قليله كل ساعتين عطيه نتفه

بالنسبه للبيت
مع اني ما انصحج كلش بالدراي فود
بس حطي جم حبه داخل البيت
ولعبه اهو يحبها اوكره او قرقاشه بيبي و اذا عندج كركوشه صغيره
علقيها فوق الباب ... لا تخلين البيت من داخل فاضي
و خلي البيت قريب من سريرج
و انتي بعد قعدي يم البيت دخلي ايدج بالبيت
حطي فوطه ما تبينها فيها ريحتج خليها بالبيت
ههههههه لانه يحبج و يبي ريحتج حتي يطمن

يحليله هههههه

 

[Stay alive]

ههههه فديتج
واشكرج على متابعتج للموضوع


للاسف القطو اعداني ... صار فيني فطريات