قطوطي شكله تعبان

[ربي رجوتك]

السلام عليكم

بنات قطوطي حبيبي اليوم طوله ما اكل شئ حسيته فيه حراره شوي عطيته اسبرين الساعه 8 ونص تقريبا خايفه عليه خامل وبس يبغى ينام
مدري ايش اسوي دعاواتكم لحبيبي

 

[ربي رجوتك]

الله يحفظ حبيبي

 

[ربي رجوتك]

راح من شوي الحمام وعمل برازه صغيره اسهال , ماعندى غيره , يعنى ماجته عدوه من قطه ثانيه , مدرى ايش المشكله لكن حرارته نزلت شوي ومو راضي ياكل ولا حتى يشرب ياااااارب

 

[ربي رجوتك]

بسم الله ولا وحده
ياساتر
هذا وانتوا عندكم قطط مثلى يعنى حاسين باللى احسه
على الاقل دعوه ترفع الموضوع
الله يحفظه ويشفيه حبيبي

 

[MROOKOo]

لازم تؤدينه البيطري ليش ناطره لي الحين

 

[عزة وكبرياء]

حبيبتي سمعي مني وإخذيه البيطري ويشوفه الطبيب لا تعطينه شي من نفسج بدون لا يشوفه الطبيب ترى بنت اختي كان عندها قطو وتعب ودقت على بيطري وقالها يببي ابرة من الصيدلية وعطيه الابرة وراح يتحسن وعقب ما عطته مات القطو مباشرة فلا تستهيني بتعب القطاوة حتى لو شي بسيط سيداإخذيه الطبيب ويشوفه ويوصفله العلاج وان شالله ماكو الا العافية طمنينا عليه​

 

[ربي رجوتك]

وديته العيادة من الصبح وقالوا تنويم لانه متسمم يقول البيطري انه اكيد عض سحليه بالحوش وتسمم حبيبي تنوم
بنات تكفووووون دوعاتكم له

 

[Catino]

يا حياتي رحممته المسكين
ي رب يقوم بالسلامه و مايضره شي مرة ثانيه ويخليه لج وتشوفين عياله ان شاء الله

 

[مزيوونة]

الله يشفيه ودية البيطري واخذي رقم اي دكتور/ة عشان تتفاهمين معاهم على طول

موفقه

 

[ربي رجوتك]

يارب دعواتكم يابنات ان شاء الله بكره يصير احسن يارب

 

[عزة وكبرياء]

ان شالله تتحسن صحته وتشوفينه يركض جدامج بالبيت :eh_s(7):​

 

[ربي رجوتك]

آآآآآآمين ياقلبي دعواتكم حبيبي من فتح عينه ماشاف غيرنا الله يعديها على خير يارب

 

[ربي رجوتك]

بنات تسلمون على الدعاء الله يبارك فيكم ويارب ابشركم قريب بسلامته حبيب عمري

 

[هيبة فتاه]

(((((((((((((((((((( فيس مصدوم

 

[ربي رجوتك]

وليه فيس مصدوم , موضوعي حاطته للاخوات اللى رحمتهم من الله للخلق كلهم مو للبشر بس
هذي روح يا اختي الاحسان للخلق يدخلك الجنه , ماتتوصرين لذة الرحمه والعطاء دون انتظار مقابل من هذه المخلوقات
وجودها فى البيت يضمن لك صدقه يوميه

 

[أحلى من الخيال]

سلامات
انزين جم يوم بينومونه
الله يعينج صراحه البيت تحسين ناقصه شي
و اشدراه الدكتور انه متسمم سووله تحاليل

​

 

[أحلى من الخيال]

الله يطمنج عليه
و طمنينا بعد
الله يشفيه
حرام يكسرون خاطري ما يعرفون يشكون​

 

[ربي رجوتك]

الحمد لله طلع وقاعد يتحسن الدكتور امريكي وشاطررر حتى طريقة كشفه عجبتنى خبره اعطوه حبيبي ثلاث جرعات مضاد ياقلبي كان طايح يعور القلب , اليوم كل كم حبة من الكرنشي الدراي فود حبيبي , اصلا انا شفته وهو يضرب الوزغه يوم السبت ويوم الاحد الصباح ماكان طبيعي وعاف الاكل حتى مافطر بس ماجاء فى بالي لما وديته كانت حرارته 40 بسم الله على عمره الحمد لله ان شاء الله انه يتحسن ويرجع ورده مثل الاول واحسن
تسلموووووووون كل من دعت له او دخلت وقالت كلمة حلوه
لاخلا ولا عدم

 

[dodash1984]

حبيبتى لازم يروح للطبيب لان السخونية مع الاسهال مش كويس عليه ولازم الطبيب يشوفه علشان يديله دوا مخفض للحرارة ومينفعش احنا من نفسنا نديله اسبرين لان مش كل الادوية اللى احنا بناخدها هم ينفع ياخدوها​

 

[ربي رجوتك]

يعطيك العافيه وديته للبيطري وتنوم 3 ايام والحمد لله صار احسن الله لا يحرمنى منه