قضية سندس بمسلسل اسوار اللي ما شاف الحلقة في صور وفيه تصويت @حياكم@

[nono78]

صراحه ما شفت المسلسله كلها

شفت منها حلقات

بس القصه هادفه وفي قصص من هالنوع في واقع الحياة واكثر بعد

وجان زين هالمسلسلات يتعض منها الناس

ومشكوره دموع على طرح الموضوع

تم التصويت بنعم

 

[brownness]

حسافة ماشفت هالحلقة انا اصلا ماشفت الا حلقتين وحسيت باردين

بس في هالشي ماتذكرون الي انحاشت مع الهندي سافرت

 

[bnt_kwt]

المسلسل هادف جدا ويتكلم عن قضايا موجوده بالمجتمع الخليجي عامه وبشكل كبير
يعني الزواج الثاني
عدم منح الثقه للبنات
تدخين البنات بالسر من ورا اهاليهم
والعلاقات المحرمه بين البنت والسواق وهذي اهي اهم نقطه
للاسف في ناس يقولون عن السايق الهندي او من اي جنسيه كان انه مو ريال !!! عااادي اشلون مو ريال بسبب جهلهم واهمالهم يحطون النار يم الحطب ويصير المحظور

المسلس ناجح وهادف وعجيب بصراحه
والله يعطيج العافيه يا دموع على هالموضوع الحلو

 

[ღ•»الًـجٌـوِرٌيّ«•ღ]

يعطيج العافيه دموع

على مناقشة هالموضوع الرائع

وبنفس الوقت المفيد

والي وايد غافلات عنه

وهو بالعكس مسلسل جدا حلوو ويعالج قضايا حقيقيه

وموجوده في مجتمعنا

وانشالله عاد الناس القافلين عن بناتهم المراهقات يراقبونهم ويشوفون اعمالهم

ومشكووره

 

[ضحكة الدنيا]

مشكوووره حبيبتى دموع على الطرح المميز للموضوع
والمسلسل فعلا جرئ وتجسيد الشخصيات قمه فى الروووعه
والمشهد هذه مشهد قوى ومتقن من حيث التصوير والاخراج حتى الممثلين ابدعوا صراحه
وهالقضيه موجوده فعلا وكان يجب انه يسلط الضوء عليها
والمسلسل ناقش قضايا اخرى تهم المجتمع الخليجى على وجه الخصوص

 

[أوركيد]

يعطيج العافية دموع على الموضوع..

للأمانة آنا مو متابعة المسلسل ..بس شفت جم حلقة كفيلة بأنها تعطيني انطباع عنه ورأي ..

المجتمعات ماهي مجتمعات فاضلة وخالية من العيوب ..لكن هل الطريقة لعلاج العيب وتقويمه هي بتصوير هذه العيوب وبمناظر جريئة وبثها على افراد العايلة كلكم ..(حتى الاطفال )..!!!!!

احنا وصلنا عمر نعرف العيب ونبتعد عنه ...لكن بنت صغيرة ومراهق توه راد من المدرسة ويطالع هالجرأه ..وبكثير من اللقطات الجرأة تكون متلذذه فيها البطلة ..او البطل >>>تتوقعون هالمراهق بيفرق بين المرغوب والمنبوذ!!!

اذا كانت وجهات النظر (آنا احترمها) وبشدة ..تنظر انه هالمسلسل يختلف عن مسلسلات رمضاان ..فآنا اعتبره مثلهم ..اهم كان سبقهم المخدرات والخمور والقعدات الماجنة ..وهالمسلسل سبقه بعلاقة البنت مع السايق..وحاله من حال ربعه ..ما يهمهم الا الربح والمردود المالي ..

اوكي ...حتى لو هالشي موجود وفيه مجتمعات تعاني من هالعلاقة بين البنت وسايقهم ....تتوقعون جم حالة؟؟؟؟

وهل تتستاهل الاعداد اني اصور مسلسل واعرضة عشان الناس تحتاط!!!

التلفزيون يا جماعة يربي ...بس مع وجود الام والاب ..

القصد ..الام تقدر تحذر بنتها من السايق والشباب وتنبهها بالقصة والوعظ مو بمسلسل يصور لحظات الحرام والعيب بلذة ووناسة !!!

هذي وجهة نظري ..

 

[aBoOoRa]

مسلسل موجود في الدول كلها مو بس الخليج

والقصه هادفه ان الاهل بفتحون عيونهم اكثر على بناتهم

 

[امون حبيبة زوجها]

اي والله مسلسل هادف
تم التصويت

الله يعطيج العافيه ابله دموع

 

[* مـذهـلـه *]

انا مع المسلسل و جدا هادف و يتكلم عن الواقع و شحيث انه المجتمع الخليجي مو منزهين مع انه دول مسلمه بس فيه بلاوي ..

و عموما الحكره تولد الانفجار لكن في بعض الاهل الله يسامحهم عبالهم تربيه ..

الله يستر علينا و على بناتنا و المسلمات اجمعين ..

مشكوره حبيبتي و تم التصويت
​

 

[miss-Kuwaiteya]

المسلسل واااااايد حلو وهادف والصراحه سندس تستاهل الي صارلها

 

[irresistible]

صراحه المسلسل حلو وجرئ لان حكي أشياء حقيقية قاعدة تصير أنا وريلي ما طوفنا ولا حلقة خو من الملل هني قمت كل شي أتابع

 

[^^دموع الكويت^^]

مشكووووووووورين خواتي على المرور ....


ونسبة التصويت اكثرها على نعم هالقضايا موجودة بالخليج

مزيد من الصور

الفنان حسن عسيري: لم أصلِّ في الكنيسة بل مثلت

وصف الفنان حسن عسيري ما نشرته إحدى ساحات الإنترنت من صور ومقالات بعنوان "حسن عسيري يتعبد داخل كنيسة" بالأمر "المؤلم" وأنه يجعل البعض يشكك في عقائد الناس بطريقة غير مرغوبة. وقال عسيري لـ"الوطن" "إننا كسعوديين أبناء بيئة دينية معتدلة ومتسامحة وتربينا على احترام الدين وقدسيته وأنا إنسان أحرص على صلاتي وعباداتي". وأضاف عسيري أن ما يحصل من تفسير للأمور من بعض الذين يختفون وراء شاشات الكمبيوتر يعكس فقر عقولهم. وعلق عسيري على بعض ردود أفعال القريبين منه حيال الموضوع بأنه تلقى الكثير من الاتصالات حول الأمر واصفا إياه بالجريمة ومضيفا "لقد أساء إلي هذا الموضوع وهذا هو الحرام بعينه لذلك أرجو أن يتم التعامل مع مثل هذه المواقع بحزم". وحول الإجراءات التي سيتخذها العسيري قال عسيري "إن كل ما يهمني الآن هو أن يتم حذف هذا الموضوع المسيء لي أنا بالتحديد".
يذكر أن الفنان حسن عسيري يقوم حاليا بتصوير مسلسل خليجي بعنوان "أسوار" وهو يناقش عدداً من القضايا في المجتمع الخليجي ويتطرق إلى التقارب والحوار مع الآخر وتضمن العمل ثلاثة مشاهد تم تصويرها داخل إحدى الكنائس في مدينة فيينا النمساوية. ويشارك في العمل عدد من الممثلين والممثلات في الخليج منهم غانم الصالح وزهرة عرفات.

 

[صبره بنت حلتيته]

بصراحه شوقتيني اشوف المسلسل في منه شريط فيديو وين اللاقيه؟؟؟؟

يعطيج العافيه.

 

[نوارة الكويت]

انا ما شفت المسلسل بس اعتقد أنه قصته واقعية وتصير عندنا ........

 

[SeNyOrA Q8eYa]

موضوع حده مهم وخطيييييييييييييييييير..
والله يادموع انا اشوف انه مسلسل ناجح مليون بالمية..صج في جرائه موطبيعية..
بس نبه الناس على شغلات وايد يعني بين مساوء غفلة الابو عن كل شي يسير في بيته وضياع العيال بدون قائد..
ونبه هم على فترة المراهقه وشنو ممكن يسير فيها من حب ويتطور هذا الحب الى اشياء ثانية..
واشياء وايد بس للأسف هالحله هذي الوحيده اللي ماشفتها..
ياليت احد عنده الرابط يعطيني اياه

 

[بنوته كيوووت]

تم التصويت

نعم

يعطيج العافيه ع الموضوع

 

[أوركيد]

اللــــــــــه ..اشكثر استهلكو دم !!:eh_s(3):

 

[العـذوب]

هالقضية موجودة فعلا وتعاني منها بعض العوايل بسكااات في المجتمع الخليجي


وهي موب مختصة بالبنات الصغار لا فيه حريم عوانس ومطلقات عجبتهم هاللعبة

 

[نونو جين]

الله يكفينا الشر يابنات
والله بلاوي
اهم شي تقربووو من بناتكم وصيرو صديقات لهم
والا ترى بيضيعون وخلو عنكم العيب واسمعوهم ولاتزفونهم جنج رفيجتها
والله يصلح الجميع يارب​

 

[الغاليه نونو]

السايق صبي مونبي وابليس لامنه حضر يخرب بيوت اشحال بنات يتسنعون ويكشخون ويتسمتون مع هالسواق يودي واييب فيهم والاهل يالله من فضلك نايمين بالعسل المسلسل واقعي وصج وصاير بكل مكان عسا ربي يحفظنا ويحفظ بناتنا وعيالنا من الشر والله شى يعور القلب بس شنقول لاحول ولاقوة الا بالله

لوبيدي ويحصل لي طلعت قرار باعدام كل ام لاهيه عن بنتها ومؤبد لكل ابو مضيع عياله بس مالي حظ نوريه ومعصومه سبقوني وانا انشاءالله بصير وزيرة داخليه بالخطه الخمسيه اليايه هههههههههه