قص علي الشيطان بلحظه غضب

[ToOoTi]

رد: رد : رد: رد : قص علي الشيطان بلحظه غضب

ربي يثبت الحمال ويتمم عليج ان شاء الله
بنت عمج المفروض تخلينها اهي والطوفة واااحد
ماشاء الله بس تنشر سوالفج اما اهي غييير
الحين اللي صار صار اهم شي اخذي بخاطر اميمتج ربي يطول بعمرها
والباجي كله بالطقاق وريلج مره ثانية قولي ليه مو كل شي ينقال

والله يعينج

 

[miss.39loh]

رد : رد: رد : رد: رد : قص علي الشيطان بلحظه غضب

هذا عيب بيت الحمولة مافي خصوصية ابدا ابدا ابدا

 

[shmoo5 2ntha]

رد : رد: رد : رد: رد : قص علي الشيطان بلحظه غضب

أول شي مبروك والله يثبت حمالج ياااااااارب وتيبيين أحلى بيبي بصحه وعافيه ويكون من الذريه الصالحه إن شاء الله

وسالفتها هذي خلاص لحد يقول طيبه بس هذا عيبها

هذي لعانه سوري يعني مو طيبه تنقل كل شي قطيعه ,,

وأحلى خبر تنطرينه من سنين جذي تنشره والله لو ىنا أذبحها وماتنطفي ناري

لاتكلمينها ولاتكلمج ولاإيي لسانج على لسانها اللهم سلام وبسسسسسسسسسسسسسسسسسس

وقولي حق ريلج لايقول شي حق أخوه خلاص

والله يعينكم يارب

 

[المغفره يالله]

رد : رد: رد : رد: رد : قص علي الشيطان بلحظه غضب

الله يرزقج بالذريه واهي لاتحتكين فيها دامها جذي نصيحه

 

[كسر.قلبي.زماني.]

رد : رد: رد : رد: رد : قص علي الشيطان بلحظه غضب

لا حول ولا قوه الا بالله


الله يهديها

ويرزقج بالذريه ويرزقنا بالنصيب الزين

 

[ذوق × ذوق]

حبيبتي اول شي مبروك عالحمال والله يثبته انشاءالله
وهذي لازم تنقرص خلي علافتج فيها سطحيه جدا عشان تعرف انج تدرين بانها ناشره اخبارج بالوحده

 

[um katkot]

حبايبي والله قعدت اقره ردودكم و انا اقراها احس ارتاح
خواتي اللي باركولي الله يبارك فيكم انشالله و يرزقكم كل خير
و اللي نصحوني بنات منكم اللي قالي اواجهها انا مواجهتها من قبل و راح تنكر و تحلف جذب حتى لو تدري اني مو مصدقتها و شي ثاني اذا واجهتها انا راح اتعب و مو ناقصه السالفه خاربه خلاص
بنات اللي قالولي خلي علاقتج فيها رسميه هو فعلا هذا اللي راح يصير مو بكيفي غصبن علي لان ماراح اقدر اجامل و امثل
اكيد بتعرف ليش
انا اول ما اشوف احد متغير علي افكر شنو ممكن يكون السبب و اراجع نفسي سبحان الله و اكيد انتو مثلي اذا مالقيت سبب اسال استفسر يمكن الشخص له حق و يمكن غلطان
انا اللي مضايقني اني تكلمت و قلت حق بنت خالتها اللي قلته لانه مو طبعي و لا انا جذيه بس ماكو فايده
قالت لها و الا ما قالت لها لازم ما يهمني من اليوم و رايح انا سنين عايشه مع حمولتي بدون مشاكل و بدون حجي لغايه ما دخلت البيت صار كله قيل و قال انا لازم اطلع هذا الحل بنات والله في اشياء ما اقولها بس هي تعرفها اقولكم احنا نفس البيت و متزوجين اخوان في اشياء مو بيدج مثل فلانه تطلقت و فلانه مخطوبه ينتشر من اول ساعه السرعه اللي ينتشر فيها الخبر مو طبيعيه اعوذ بالله
بنات احبكم ماقصرتو

 

[حكاية شهرزاد]

رد: رد : رد: رد : قص علي الشيطان بلحظه غضب

اخذي موقف .. حطي حد .. ولا تخجلين ..
عليج بالدعاء لتثبيت الحمل

وتذكري انه الله فوق كلشي

ومايغلبون الله .. اذا الله اراد تم الحمال بخير لو شنو العين عليج \اكا انجلينا جولي تجيب شكثر وتعلن ..

 

[الجــادل]

رد : رد: رد : رد: رد : قص علي الشيطان بلحظه غضب

العيب مو منها العيب منج

لانج تدرين انها بخور السووق وتعلمينها وتبينها تسكت شلون بالله!!!

المفروض اخبارج ما تطلع منج لها ولا من زوجج اللي اتضح انه هو بعد واخوه بخووور السوق

 

[داريني]

والله حاسه فيج خصوصا لما انقهرتي و جسمج قام يرجف و يصخن جربت هالشعور و لانه عندنا مثل طبع بنت عمج والطبع مخرب عليها ماكو شي يطب بحلجهااا الاا و تنشره و تزيد الجيله بعد الحل حقريهااااااا و لا تقولين لها شي كلش اذا تبين خصوصيه*

 

[mimi_el3so0ola]

ألف ألف مبرووووكـ حبيبتي ^_^ صبرتي ونلتي ..
ربي يثبت حملج إن شاءالله ويرزقج الذريه الصاله يارب .،

وبنت عمج هذي الله يعينج عليها =\
وفعلا أحسن حل انكم تطلعون من البيت وتبتعدون عنهم وتسكنون بروحكم <<-- ذكرتني بمرام في زوارة خميس لما تتجسس على حموانها وحريمهم P; خخخخخخخخخ


وبرايي لا تهتمين لمشكلتج معاها هالكثر لأنها ما تستاهل الصراحه ،
بس أهم شي الوالده لو تفهمينها السالفه وتقوليلها انج كنتي حابه تبشرينها بنفسج بس بنت العم الله يهداها صايره بخوور السوق مايمدي السالفه تطالع الا وناشرتها @@ صكت على محمد الرمضان في مسلسل كريموو !!
<<--- والله اني متابعه جيده للمسلسلات لوووولز


والله يوفقج الغلاآ ويسعد قلبج ويهنيج انتي وريلج إن شاءالله ^^

& تقبلي مروري ،

 

[عاشقه رويشد]

حاولي تكون علاقتج وياها رسميه احسن

 

[مناير البيت]

رد : رد: رد : رد: رد : قص علي الشيطان بلحظه غضب

اول شئ .

الف مبرووك على الحمال والله يثبته لج على خير..

وسالفة بنت عمج سالفة ,, البلا انها منج وفيج يعني ملزومة انج تدارين عيوبها,,

بس هالنوعية ماتحس او كل شئ عندها عاادي ,

اهم شئ انتي حذري زوجج لايقول لاخوه شئ وتحااشي تعلمينها باسرارج

والله يصبرج عليها .,

 

["اسطورة العشق"]

رد: رد : رد: رد : قص علي الشيطان بلحظه غضب

اممممم

انا طرف محايد اوكي
ماعرفج و لا اعرفها
صراحه انتي تدرين و متاكده انها فضيحه و السالفه ما تقعد بحلجها يعني لما قلتيلها عن حمالج كنتي متاكده 100% انها بتقول حق كل الناس
انا لو كنت طرف محايد راح اقول ان انتي تبين الخبر ينتشر و فقلتيلها السالفه لانها اسرع وحده تنشر الاخبار !!!

ادري انج محتره و معصبه بس حبيبتي انتي مو غبيه و لا ساذجه عشان تقوليلها خبر ما تبينه ينتشر
تدرين ان لها سوابق و تعرفينها عدل عدل عدل يعني لو ما تبين الخبر ينتشر ما قلتيلها



اهم شي انشالله تطلعين صج حامل .. و الله يثبت حملج .. امين

 

[نواااال]

رد: رد : رد: رد : قص علي الشيطان بلحظه غضب

الغلط من زوجج ليش يتكلم ويعلم اخوو جان نطر الله يهداه والحريم عموما يحبووون يحشرون عمرهم وينقلون السوالف
بس نصيحه الي صار صار درس للمرات الجايه ولا تخربين فرحه حمالج بفلانه درت ولا علانه طااااااااااف

 

[بـــــــرور~]

حبيبتي اللي تقولي لا تقوليلها شي
انا من دريت انها تتكلم ما قمت اقولها شي بس كونا ساكنين مع بعض لازم بتدري عني سافرت عالجت شنو شريت تفاصيل سخيفه ما اتخيل احد يهمه يسولف فيها
و اختي اللي تنبهني اقول حق زوجي ما يتكلم صح كلامج و انا قلت له السالفه و فهمته الموضوع هو نفسه منصدم قال لي متى هالحاله انا اطلع من البيت يعني خلاص حسبي حسابج جم شهر احنا طالعين
عاد كلش مو وقته الحين اطلع ادور لي شقه و انقل و اثث الله يسامحها و ريلي خلاص حط السالفه في باله لانه دره انها قايله هو السبب بالعقم و متكلمه بعيبه حتى ريلها بغه يطلقها على هالسالفه و ريلي ماخذ موقف من اخوه يقوله ما تعرف تربي مرتك يعني احنا قاعدين في بيت واحد لازم بنسولف بنتكلم بناخذ راحتنا ليش اخاف اتكلم في بيتي هي الغلط مو ياهل مره شكبرها

أمبيييه امبيييييه والله عيب :/

حبيبتي إللي راح راح خلااص ~

إللي عليج اتسوينه تسمعين كلاام زوجج وتطلعين بشقه بروحج ~

لا اتقولين مالي خقق ااثث وما ادري شنووو!! والله يا قلبي اريح لج بدال هالمشاكل ~

احسن لج ولزوجج ولحسن لحملج بعيد عن عينها ومشاكلها ~

وان شاءالله ربي يثبت حملج لج ويبارك لج فيه ويبعد عنكم العين والحسد
آآآآآآآآآميييييييييييييين ~

:aha:

 

[حور العيون]

رد : قص علي الشيطان بلحظه غضب

مبرووك ع الحمال والله يتمم عليج بالخير ويثبته ويجعله من العيال الصالحين ياارب


حبووبه نصييحه كوني معاها رسسسمييه حيييل
واهم شي نبهي زوجج ان مو اي شي يقوله لأخووه في اسرار المفروض ماتطلع من البيييت



والله يوفقج

 

[أمانيQ8]

خواتي حبيباتي انا حاسه بالذنب و تانيب الضمير و مو مرتاحه ابي اتكلم و ابي اسمع ردودكم انشالله تريحني
بحاول ما تكون السالفه وايد واضحه مابي احد يعرفني
انا و بنت عمي متزوجين اخوان و ساكنين في بيت واحد مع اهل ريلي
و البنت الله يعلم شكثر احبها و اموت عليها هي زينه معاي وايد مو شويه بس مهما يكون احنا بشر محد خالي محد مافيه عيب
مثل ما انا فيني و هي حابتني انا حابتها بعيوبها و صداقتنا كانت تتطور مع الايام و السنين مع بعض يوميا من الصبح و الليل
عشت وياها احله الايام
بس عندي معاها مشكله مو قادره اتنرفز منها حاولت اطنش بس ماكو مو قادره
تتكلم تفتن ما عندي خصوصيه كل اخباري بره عند اهلها و عند اهل ريلي انا كله مفضوحه و لما اكلمها بالهداوه تحلف و تكفر انها ماقالت و مو هي اللي متكلمه تبجي بجي تقولي احبج اموت فيج ماراح اخسرج على شويه كلام اطوف
كلامها قام يسويلي مشاكل بالبيت مع اهل ريلي و هي تقول مو انا و ريلها زافها جدامي يقول سمعتها تتكلم و انا مابي مشاكل و عوار راس
المهم الحل دام دريت اني ما اقولها شي صح و كل امورنا اوكي
الحين انا اعالج حق الحمال صارلي فوق ال8 سنين ما حملت و ماقلت حق احد مالازم احد يدري موضوع حساس الصراحه و الحين سويت تحليل قالي الدكتور احتمال حامل عندج تحليل عقب يومين نشوف هرمون الحمل زاد و الا لا ناكد لج ما تكلمت حتى حق اهلي قلت خل اتاكد من الخبر و اقول حق اهلي و الناس اذا صار لي شهرين قلت لهم
تفاجات بنفس اليوم اللي طلع الخبر بنت خالتها ادق علي تقولي مبروك
بنااااااات حدي انصدمت و مقهورة
ادري ماردها الناس بتردي بس ليش ما عندي خصوصيه
طلع ريلي قايل حق اخوه و اخوه قايلها و هي ناشره الخبر عند اهلها واهلها داقين يباركون حق امي اللي انا ما قلت لها
ليييييش
والله اني صخنت حسيت جسمي صار حار و يرجف احتريت
والله اني ما اسويها و لا عمري سويتها بس بلحظتها قص علي الشيطان و قلت كلام حق بنت خالتها تحسفت عليه الحين
قلت حق بنت خالتها هي يوم كانت حامل لي الرابع داشه الخامس انا ما ادري و راحت سكنت بيت اهلها عشان ما ادري و تقولي انها متخانفه مع ريلها و احتمال تتطلق و انا ابجي عليها الليل و النهار و تطلع حامل
بس ما احرجتها و قلت لها ليش سويتي جديه و قلت لها اني ماقصرت معاها تاخذ مني فلوس سلف ما ترد و انا مسامحتها فيهم قلت لها ماخلت علي شي كل شي عطيتها و سويت لها قلت لها انا سامعتها متحجيه فيني من قبل و طوفت لها بس حشه والله ما قلت اسرارها
بس بالضبط هذا اللي قلته من حر مافيني و حاسه بالذنب
مو خايفه بنت خالتها توصل لها ما همني بس احتريت على روحي بنات حاسه يتانيب الضمير و ما كلمتها او شفتها من عقب السالفه ما ادري شنو راح يكون رد فعلي اذا شفتها او كلمتها ماراح اقدر اجاملها
امي اللي ناطرتني سنسن تطلب لي و تدعيلي يوصلها الخبر بهلطريقه حرقت علي فرحتي
الله يسامحها و يهداها

خلاص انتي الحين عرفتيها...خلاص تحفظي على خصوصياتج يعني اخذي منها ولا تعطينها شي

خلي علاقتج مثل ماهي واحلا مايكون بس شيلي من مخج انج بعد اتقولين لها عن كل شي يخصج وصيري حذره

 

[bnt-elghali]

رد: رد : رد: رد : قص علي الشيطان بلحظه غضب

دام انقرصتي منها مره ليش تقولين لها خصوصياتج مره ثانيه خلي علاقتج معاها رسميه او لا تقولين لها شي سولف معاها سوالف عاديه عشان لا تصير لج مشاكل

 

[** نــــــــــــــــور **]

مبرررررررررررروك الحمل والله يثبته انشاء الله

افضل علاقتك تكون فيها سطحية