- إنضم
- 19 فبراير 2011
- المشاركات
- 117
- مستوى التفاعل
- 0
- النقاط
- 0
هاذي ابيات للشاعر: سعود ابن سعد بن ردعان ال مفرج الهاجري
يرثي فيها امهـ رحمها الله
ويقول:
ضاق الحشا مما جرى والزمن شـان
في وجه نفس غاضها مـن نشدهـا
تعبت يا مفـرج ومليـت الاوطـان
ولا عاد للدنيـا طعـم مـن بعدهـا
إليا طرت لي من تسميـك خزنـان
كن العيون غيوم وارجـف رعدهـا
جاني خبرها فـي طريقـي مسيـان
علم حرق حدب الظلـوع وحصدهـا
وعودت مع دربي بالافكار غرقـان
اصـارع همـوم تزايـد عـددهـا
امشي ولا ادري عن طريقي وسرحان
والشوق عبراته بصـدرى حشدهـا
اقول يمكن صاحـب العلـم غلطـان
بعض العلوم احيـان مـا نعتمدهـا
ودخلت مذهـول وضايـق وشفقـان
للـي حنـان الكـون فيهـا وحدهـا
ام حشـى مـا تنتقـدر بالاثـمـان
يا كبر فرجتهـا علـى مـن فقدهـا
ولقيتها والصمـت تشكيـه جـدران
ما كن ربي فـي الخلايـق وجدهـا
وكشفت عن وجه به النـور برهـان
نـوره يبشرنـي بغايـه سعـدهـا
ها ك الجبين اللي كما البدر لا بـان
كـم سجـدة تـال الليالـي سجدهـا
ولميتها من كـل قلبـي بالاحضـان
وقبلـت رجليهـا وقبـلـت يـدهـا
بكيتها لينـه صفـى دمـع الاعيـان
وهي بصمت ولا درت عـن ولدهـا
وانا من اول كل ما جيـت عمسـان
تدري بحالي قبل لا أشكـي نكدهـا
ودعتها بدمـوع وآهـات واحـزان
لحظات فيها النفس محـدن حسدهـا
ومن عقبها لفـوا جسدهـا بالاكفـان
مـا كنهـا الا طفلـة فـي مهدهـا
وشلنا نعشها بيننـا فـوق الامتـان
وانـا الـذي ساويتهـا فـي لحدهـا
قبرعسى فالـه مـن المـزن هتـان
يمطـر دقاقـه مـا يجيهـا بردهـا
ما تنقطع عنـه السحايـب علشـان
يبرد ترابـه مـا يضايـق جسدهـا
حتى يجي من ظمن روح وريحـان
جنـاة عـدن اللـي إلهـى وعدهـا
ما عاد نرجيها وكـان الـذي كـان
اقفـت لياليـهـا وقـفـا عهـدهـا
ما كن مرت فـي مظاهيـر بـدوان
يوم الركايـب مـا يونـي جهدهـا
ولا كنها داجت بعشـب وريضـان
ولا شيدوا سـود البيـوت بعمدهـا
بأرض خلا ما دوجوا فيه حضـران
فيها النصي عذرا تلاعـب جعدهـا
ولا كنهـم وردوا عـدود وغـدران
ولا جاوروا خبرى يسفسف زبدهـا
صفحه زمان وانطوت بيت الازمـان
راحت وكل اللـي عرفهـا حمدهـا
رحمتك يارحمـن ياعالـي الشـان
ياللي جميع ذنـوب خلقـه جردهـا
إلطف بحال الوالـده وانـت رحمـن
وانـا اتحمـل كـل ذنـب ظهدهـا
وصلوا على المبعوث للانس والجان
ما استقبل الكعبـه وحـج وقصدهـا
يرثي فيها امهـ رحمها الله
ويقول:
ضاق الحشا مما جرى والزمن شـان
في وجه نفس غاضها مـن نشدهـا
تعبت يا مفـرج ومليـت الاوطـان
ولا عاد للدنيـا طعـم مـن بعدهـا
إليا طرت لي من تسميـك خزنـان
كن العيون غيوم وارجـف رعدهـا
جاني خبرها فـي طريقـي مسيـان
علم حرق حدب الظلـوع وحصدهـا
وعودت مع دربي بالافكار غرقـان
اصـارع همـوم تزايـد عـددهـا
امشي ولا ادري عن طريقي وسرحان
والشوق عبراته بصـدرى حشدهـا
اقول يمكن صاحـب العلـم غلطـان
بعض العلوم احيـان مـا نعتمدهـا
ودخلت مذهـول وضايـق وشفقـان
للـي حنـان الكـون فيهـا وحدهـا
ام حشـى مـا تنتقـدر بالاثـمـان
يا كبر فرجتهـا علـى مـن فقدهـا
ولقيتها والصمـت تشكيـه جـدران
ما كن ربي فـي الخلايـق وجدهـا
وكشفت عن وجه به النـور برهـان
نـوره يبشرنـي بغايـه سعـدهـا
ها ك الجبين اللي كما البدر لا بـان
كـم سجـدة تـال الليالـي سجدهـا
ولميتها من كـل قلبـي بالاحضـان
وقبلـت رجليهـا وقبـلـت يـدهـا
بكيتها لينـه صفـى دمـع الاعيـان
وهي بصمت ولا درت عـن ولدهـا
وانا من اول كل ما جيـت عمسـان
تدري بحالي قبل لا أشكـي نكدهـا
ودعتها بدمـوع وآهـات واحـزان
لحظات فيها النفس محـدن حسدهـا
ومن عقبها لفـوا جسدهـا بالاكفـان
مـا كنهـا الا طفلـة فـي مهدهـا
وشلنا نعشها بيننـا فـوق الامتـان
وانـا الـذي ساويتهـا فـي لحدهـا
قبرعسى فالـه مـن المـزن هتـان
يمطـر دقاقـه مـا يجيهـا بردهـا
ما تنقطع عنـه السحايـب علشـان
يبرد ترابـه مـا يضايـق جسدهـا
حتى يجي من ظمن روح وريحـان
جنـاة عـدن اللـي إلهـى وعدهـا
ما عاد نرجيها وكـان الـذي كـان
اقفـت لياليـهـا وقـفـا عهـدهـا
ما كن مرت فـي مظاهيـر بـدوان
يوم الركايـب مـا يونـي جهدهـا
ولا كنها داجت بعشـب وريضـان
ولا شيدوا سـود البيـوت بعمدهـا
بأرض خلا ما دوجوا فيه حضـران
فيها النصي عذرا تلاعـب جعدهـا
ولا كنهـم وردوا عـدود وغـدران
ولا جاوروا خبرى يسفسف زبدهـا
صفحه زمان وانطوت بيت الازمـان
راحت وكل اللـي عرفهـا حمدهـا
رحمتك يارحمـن ياعالـي الشـان
ياللي جميع ذنـوب خلقـه جردهـا
إلطف بحال الوالـده وانـت رحمـن
وانـا اتحمـل كـل ذنـب ظهدهـا
وصلوا على المبعوث للانس والجان
ما استقبل الكعبـه وحـج وقصدهـا
