قصيدة حلوة عن واقع مرير وهو تدخين الفتاة للشيشة

[كويتية أمورة]

××


.. تجسيد حي هنا لواقع مرير .. هكذا تبدو صورة بعض النساء ..

ها المقــاهي صارت العــوبه والله حاله تضيق العيشــه
والعجيبــة قولة الكوبــه البنات أيدوخــن الشيشــه
كننــا في ديرة النوبــه كــل بقدوه وتحشيشــه
لو تشوف المنظر اعجــوبه الطماشــه والتطميشــه
بين ها الشبــان لهلوبــه والضحك تسمع تراتيشــه
والمعلم تعرف اسلوبــه تزقره وتقولــه شيشــه
لو سمحت أريد سحلوبــه وراس حلو يكون ترويشــه
واللــي منهن عاد مذروبــه الحــيا باقي طواريشــه
اجلست فـ الجنب ع صوبه والا (ف) الموتــر تخشيشــه
وش بقــا ما الطيش والعوبــه غير باقي تشــرب غريشــه
صارت الأيــام مقلوبــة تلعب بنا لعبــة الريشــه
صرنا نفسخ م الحيا ثوبــه نقلد أهل الغــرب ع الفيشــه
لــيت وقت مر حسوا به يــوم كان السمت تنعيشــه
يا حســافه ماتماشوبــه غير كل راح في طيشــه



منقول من الايميل

 

[BlUe SkY GuRl]

مشاركة: قصيدة حلوة عن واقع مرير وهو تدخين الفتاة للشيشة

يسلموووووووووو عالنقل المفيد

 

[under shadow]

مشاركة: قصيدة حلوة عن واقع مرير وهو تدخين الفتاة للشيشة

صج والله مصايب شهالظاهره اللي منتشره بشكل مو طبيعي وبوقاحه بعد

والله عيب
الحياء شعبه من شعب الايمان
وان لم تستحي فافعل ماشئت

مشكووووره كويتيه امووووره وتسلمين على الطرح والنقل المفيد

 

[حبيبة أهلها]

مشاركة: قصيدة حلوة عن واقع مرير وهو تدخين الفتاة للشيشة

اذا لم تستحي فافعل ماشئت اللة يستر علينا وعلى بنات المسلمين

 

[كويتية أمورة]

مشاركة: قصيدة حلوة عن واقع مرير وهو تدخين الفتاة للشيشة

مشكورين بنات على المرور والردود
وصج انا مايبط جبدي الا البنات اللي يشيشون ويدخنون ماخلوا شي للكواولة والهيلق
بروح الناس ناطرين الشارة على الكويت
وبعدين وين الانوثة قطع كافي ريحة الحلج تصير بالوعة من الزقاير
انا مرة انصدمت كنت طالعة من الجامعة ورايحة صالون وردة بحف الساعة 10 الصبح
دخلت ولا القالكم وحدة معانا بالجامعة بنت عااااااايلة وتينن وانا كنت اشوفها معجبة فيها من ذرابتها ولبسها وجمالها
شفتها بالصالون قاطة الجاكيت الجينز ولابسة تحته النفنوف الحفر تايغر مزلط علاق وكل شي طالع برة وحاطة ريل على ريل وتدخن!!!!!!!
انا بطلت حلجي مو مصدقة
عاد هي بترقع الحين ماتوقعت اشوفها هالحزة قامت قالت انا قعدت اليوم الصبح مودي مو شي خخخخخخخخ
شكو المود اي وحدة مودها مو شي تدخن جنها ماني قايلة استغفر الله

 

[كويتية بالغربة]

مشاركة: قصيدة حلوة عن واقع مرير وهو تدخين الفتاة للشيشة

تسلمييييييييييين على النقل

 

[KaTToOoYa]

مشاركة: قصيدة حلوة عن واقع مرير وهو تدخين الفتاة للشيشة

اي و الله كل مالهم و يكثرون هالخمه .. من وين طلعتوا و ليش طلعتوا .. ناقصين غثا و تشمت من غيرنا ؟؟


الحين اللي يزورنا من بره . شنو بيقول عن بناتنا اذا شافوهم جذي ..

و المشكله ساعات اتشوفين الوحده قاعده تشفططط و يمها امهاا .. اللهم لا شماته ..

و الدوله بدال لا تقلل و تساعد على انها تعالج هالظاهره .. قامت حطت شيشه بالأكوابارك !! إي ليش ؟؟ اصلا البنات يروحون حق هالمكان اكثر من الشباب .. شناويين علينا ..

و ليش ما يمنعون البنات من انهم يدشون القهاوي ؟؟ اشحقه بس الشباب اللي يمنعونهم من انهم يدخلون المكان و الفلاني و العلاّني .. خل البنات بعد ينحرمون من انهم يدشون الاماكن اللي المفروض ما يدشونها .. بالله شفايدة القهوه حق البنيه ؟؟ تبين تشيشين شيشي فبيتكم .. ولاّ خايفه اهلج يجكونج ؟؟ ترى اللوم عليهم قبلج .. مو عذر ترى اذا قالت الوحده ( هاذي حرية شخصيه .. ولاّ امي و ابوي راضين .. ولاّ ريلي راضي ) .. لا تنسين انج بنت .. و البنت حلاتها بأنوثتها و بسمعتها و أخلاقها .. و شكلها الاجتماعي .. جدام الناس .. شحادج تسمعين لج كلمة من كل صوب .. لو هو شي زين و يحق لج اتسوينه جان الناس ما اهتمت لج و لا يات صوبج .. بس وين اللي يحس .

و يبطون جبدي لي قالوا ( اناا بشيّش .. بنسى همومي ) .. في شي اسمه قرآن ..
اذا الشيشه تاخذ منج عشر دقايق على ما تشفطينها .. آية وحده من القرآن بثواني , تقدر اتنسيج و اتطمنج و تريحج .. و كفايه ان هالشي فيه حسنات و محد بيلومج ليش انج سويتيه ..

ما قلنالج اقري القرآن كله .. ساعات آيتين يسوون اللي ما يتسوى ..

و اذا عندج وقت اتدقين سلف و اتروحين القهوه ولاّ المكان اللي تشربين فيه شيشتج .. روحي صلي لج ركعتين .. و الله ترى مافيها شي .. اذا جربتي مره ما راح تخسرين و لا راح تندمين و لا راح تحسفين .. بالعكس يمكن راح تتعودين انج تصلين كل ما ظاق خلقج أو تكدرتي ..



الله يستر على بناتنا و أمهاتهم ..

 

[كويتية أمورة]

مشاركة: قصيدة حلوة عن واقع مرير وهو تدخين الفتاة للشيشة

كويتية بالغربة مشكورة حبيبتي على الرد

كاتويا كلامج 100% عدل والله يستر على بناتنا

 

[Om Hayoon]

مشاركة: قصيدة حلوة عن واقع مرير وهو تدخين الفتاة للشيشة

مشكورة كويتيه على قصيد وصح لسانج

اصلا البنت اللي تدخن وتشرب شيشه ... سبحان الله السماحة تطير من وجيهم وتص2ير اسنانهم سودة و ريحتهم اعطنة و تلقين فيهم وقاحة بعد ... كفاية جرأتهم بشرب الشيشه و هذي اكبر عيب