اكابر
New member
- إنضم
- 17 سبتمبر 2009
- المشاركات
- 1,025
- مستوى التفاعل
- 0
- النقاط
- 0
- العمر
- 36
السلام عليكم
بقولكم قصه ولدي واللي راح تكون افبارتين .. يمكن بتقولون اتبالغ ومومعقوله !! بس والله وربي يشهد على كلامي انه كلامي صحيح ومافيه من المبالغه شي ووراح انزل صوره قبل وبعد بس لما اخلص القصه ..
انا تزوجت عمري 17 سنه زواج
تقليدي واول زواجي حملت ويبت ولد سميته مشاري اول ما ولدته كان شوي تعبان لاني انا كنت تعبانه واضريت اولد باول يوم من التاسع تعبه عادي قعد بالحضانه 10 ايام وطلعووه ..
فرحتي كانت كبيره فيه وانا اشوفه يكبر جدامي .. كان زوغه مو عشان انه ولدي لا
كان حجاي وراعي سوالف وسوالفه تاخذ القلب صج ماكان حلو يعني حنطاوي وخشمه مادري شلون صاير وملامحه تشبه اهل ابوه يعني ماكان فيه شي يجذب بس يحلي روحه بسوالفه ..
كان لما احد يسمعه شلون يسولف يقعد يبوسه ويحببه واي ياحلاته ويازين هالسوالف ..
لما صار عمره سنتين حملت ومن حملت حسيت انه
ولدي تغير صار حنان وايد ويبجي ووقتها كنت متابعه مسلسل ويبقى الحب فكان يبجي وقت المسلسل كان افبالي انه ليش صاده عنه ومنتبها مع المسلسل يبي يلفت انتباهي فالبجي والصراخ ..
وفمره كنت قاعده ابدله وانتو بكرامه الدايبر لاحظت في حبه سوده صوب فخذه من فوق قلت لامي قالت وديه
المستوصف وديته قالي هذا قارصته حشره ووصفلي كريم وقال يومين وتروح ..
واليومين صاروا 4 وصاروا اسبوع ورجعت وديته وماكو فايده قالولي دمل وعطوني مرهم اسوده واغير له لمده 3 ايام وهم ماكو فايده قام يعري ولدي ولما يمشي ينفظ ريله ومكان الحبه يصرخ منها ..
وديته الرازي سوله اشعه قالو ماكو شي وديته مستشفى خاص قالو ماكو شي .. ولدي قامت حالته من سيء الى اسوء ..
اول كان بس حزه معينه يبجي ويصرخ صار على مدار اليوم مايسكت من يقعد من
النوم واهو يبجي ليييييييين الليل واهو يبجي .. زادت حالته سوء وصار نومه قليل وقام يطق راسه باي شي بالطوفه بالارض باي مكان يابس .. حتى احنا صار يطق راسه فينا انا امي ابوه واهل ابوه .. ..
مشاري من صغره
يحب قبل لا ينام يلعب بشعري ولانه كان ينام افبيت خالتي ام ريلي فمتعود يلعب بشعر خالتي لين ينام كان غرامه شي اسمه شعر طويل كنت ابطله شعري يقعد يلعب فيه مو بس انا حتى شعر خواتي الصغار ..
تطور اللعب بعدين الى تكمش وتخمط وتقطييع شعر احسه مو بوعيه يمسك شعري ويلفه على ايده ويسحبه حيييييييييييييل واذا شلنا ايده يصرخ ويقعد يكمش شعره اهوو ويشده حيييييييييييييييل ..
ماتم مستشفى خاص ما وديناه ماتم
مستشفى حكومي ما وديناه وماكو فايده .. استمر الموضوع 3 شهور واهو على هالحال وحالته من سيئ الى اسوأ .. لدرجه انه صار ما ينااااااااااااااااااااام نهائيا .. عينه ما تغفي وان نام ينام 5 دقايق ويقوم مفزووع ..
صار ثقييل حيل وياكل بشراههه مع اني قبل كنت الحقه عشان ياكل بالغصب ..
ياكل بدون لايحس بنفسه بشكل غريب كان ياكل 3 او اربع بفك بروحه
وورى بعض يشرب الحليب اللي بالكاكاو او الموز المني بسرعه رهيبه كأنه
شايل اللوز استغربت على حاله .. لانه قبل
كان ضعيف حيييل طلعله بطن كبييييييييييره وجنه بطن حامل .. متخيلين معاي الوضع ولدي عمره سنتين وهذا حاله .. ملامحه تغيرت نظراته تخرع مشيته تغيرت جنه مشيت شايب عمره 80 سنه ظهره صار في حدبه ..
وديناه مشايخ يبناله مشايخ قروا عليه فالبيت ماكو فايده ماي مقري زيت مقري
ماكو فايده سوره البقره شغاله فالبيت وانا اقرى
من صوب وزوجي من صوب وامي وام ريلي من صوب وهم ماكو فايده صار عندنا استنفار وشي مو طبيعي .. والله كنت خايفه عليه ابجي طول الللي ابجي وادعيله ياربي عالاقل اعرف علته شنوو عشان يرتاح قلبي ..
ماتم شيخ بالكويت ما وديناه اللي يقولي مافيه شي واللي يقولي محسود واللي يقولي عارض صحي والاطباء مو عارفين له واللي يقولي نفس ..
اخر شي الله سخرلي شيخ يزاه الله ا خير قرى عليه وعلي وعلى زوجي .. وقال ولدج مافيه شي بس يبيله طبيب شاطر يعرف اشفيه..
قتله ياشيخ ولدي مو مضرور او مسحور ؟؟ وايد قالولي هالحجي
قالي لا لو مضرور او مسحور جان بين معاي وخصوصا
انه مو انا اول شخص يقرى عليه وانتو مودينه مشايخ كبار ومعروفين .. نصحني يزاه الله خير اوديه عياده اعصاب ومخ صادف انه هالعياده الوحيده اللي مافكرت فيها ماتوقعت انه ولدي ممكن يكون في مرض براسه ليش مادري ..
بنفس اليوم اللي ولدت فيه اكتشفوا الاطباء انه الحبه اللي بريله سببها
ابره مكسوره داشه بريله بسبب التطعيم .. بس اهما رقعوا السالفه وقالو ابره خياطه انا شايفه الابره عقب ماطلعوها بس ما سويت شي ولا اشتكيت عليهم لانه اهما لفوا السالفه وقالو الابره ابره خياطه وبالتقرير انكتب نفس الشي ..
طلع من المستشفى واهو من شاف البيبي واهو قام يصرخ ويبجي تقولون شايف شبح يبجي ويقول مابي وخروها قطوها بالزباله { وانتو بكرامه}
قلنا يمكن غيران حاله استمر وزاد حيييييل قام يسعبل وايد وريحته حتى لو اسبحه واعطره تصير خموره وخيسه .. قام يطلع اصوات ميااااااو نفس القطوه او وانتو بكرامه جلب ولا ساعات سياره تقحص واحسه لما يطلع هالاصوات كأنه مو بوعيه لاني احركه اطقه ولا كأنه وبعدها جنه يحس على عمره ولما اكمله اقوله ليش يايمه جذي تسوي اشفيك يخز فتره بعدها يهجم علي ويطقني وكانت فيه قوه مو طبيعيه ..
للاسف بالكويت ماكو الا بالحكومه عياده اعصاب ومخ اما الخاص مافيه ومواعيد الكويت الله بالخير حطولنا موعد حق تخطيط المخ بعد شهر وقابلنا الطبيب وسواله تحاليل وفحوصات وسونار عشان يعرفون سبب انتفاخ بطنه المفاجإ ..
تحاليله سليمه .. الحمدلله والسونار طبيعي بس الانتفاخ سببه الغازات مو معقوله انتفاخ بطنه عجيب والله يابس وكأنه حاط كره ..
بيوم النخطيط لعوزهم مايبي ينام والتخطيط لازم يسونه واهو نايم طبعا مارضى عطوله منوم والله والله يا بنات مانام انسطل اي بس ما نام حتى النيرس اتقول غريبه شلون مانام مع جرعه المخدر ..
خلص التخطيط وبيوم موعد مقابله الدكتور رحنا ولا الدكتور مو مداوم وحطولنا موعد بعد اسبوعين ..
طبعا ما قدرنا نصبر خصوصا انه حاله مشاري حيييييييييييل صعبه ويكسر الخاطر رحنا للطبيب ما رضى يستقبلنا بحجه انه مشغول مع العلم عيادته فاااااضيه وكان قاعد يقرى جريده ويشرب قهوه ..
يتبع
بقولكم قصه ولدي واللي راح تكون افبارتين .. يمكن بتقولون اتبالغ ومومعقوله !! بس والله وربي يشهد على كلامي انه كلامي صحيح ومافيه من المبالغه شي ووراح انزل صوره قبل وبعد بس لما اخلص القصه ..
انا تزوجت عمري 17 سنه زواج
تقليدي واول زواجي حملت ويبت ولد سميته مشاري اول ما ولدته كان شوي تعبان لاني انا كنت تعبانه واضريت اولد باول يوم من التاسع تعبه عادي قعد بالحضانه 10 ايام وطلعووه ..
فرحتي كانت كبيره فيه وانا اشوفه يكبر جدامي .. كان زوغه مو عشان انه ولدي لا
كان حجاي وراعي سوالف وسوالفه تاخذ القلب صج ماكان حلو يعني حنطاوي وخشمه مادري شلون صاير وملامحه تشبه اهل ابوه يعني ماكان فيه شي يجذب بس يحلي روحه بسوالفه ..
كان لما احد يسمعه شلون يسولف يقعد يبوسه ويحببه واي ياحلاته ويازين هالسوالف ..
لما صار عمره سنتين حملت ومن حملت حسيت انه
ولدي تغير صار حنان وايد ويبجي ووقتها كنت متابعه مسلسل ويبقى الحب فكان يبجي وقت المسلسل كان افبالي انه ليش صاده عنه ومنتبها مع المسلسل يبي يلفت انتباهي فالبجي والصراخ ..
وفمره كنت قاعده ابدله وانتو بكرامه الدايبر لاحظت في حبه سوده صوب فخذه من فوق قلت لامي قالت وديه
المستوصف وديته قالي هذا قارصته حشره ووصفلي كريم وقال يومين وتروح ..
واليومين صاروا 4 وصاروا اسبوع ورجعت وديته وماكو فايده قالولي دمل وعطوني مرهم اسوده واغير له لمده 3 ايام وهم ماكو فايده قام يعري ولدي ولما يمشي ينفظ ريله ومكان الحبه يصرخ منها ..
وديته الرازي سوله اشعه قالو ماكو شي وديته مستشفى خاص قالو ماكو شي .. ولدي قامت حالته من سيء الى اسوء ..
اول كان بس حزه معينه يبجي ويصرخ صار على مدار اليوم مايسكت من يقعد من
النوم واهو يبجي ليييييييين الليل واهو يبجي .. زادت حالته سوء وصار نومه قليل وقام يطق راسه باي شي بالطوفه بالارض باي مكان يابس .. حتى احنا صار يطق راسه فينا انا امي ابوه واهل ابوه .. ..
مشاري من صغره
يحب قبل لا ينام يلعب بشعري ولانه كان ينام افبيت خالتي ام ريلي فمتعود يلعب بشعر خالتي لين ينام كان غرامه شي اسمه شعر طويل كنت ابطله شعري يقعد يلعب فيه مو بس انا حتى شعر خواتي الصغار ..
تطور اللعب بعدين الى تكمش وتخمط وتقطييع شعر احسه مو بوعيه يمسك شعري ويلفه على ايده ويسحبه حيييييييييييييل واذا شلنا ايده يصرخ ويقعد يكمش شعره اهوو ويشده حيييييييييييييييل ..
ماتم مستشفى خاص ما وديناه ماتم
مستشفى حكومي ما وديناه وماكو فايده .. استمر الموضوع 3 شهور واهو على هالحال وحالته من سيئ الى اسوأ .. لدرجه انه صار ما ينااااااااااااااااااااام نهائيا .. عينه ما تغفي وان نام ينام 5 دقايق ويقوم مفزووع ..
صار ثقييل حيل وياكل بشراههه مع اني قبل كنت الحقه عشان ياكل بالغصب ..
ياكل بدون لايحس بنفسه بشكل غريب كان ياكل 3 او اربع بفك بروحه
وورى بعض يشرب الحليب اللي بالكاكاو او الموز المني بسرعه رهيبه كأنه
شايل اللوز استغربت على حاله .. لانه قبل
كان ضعيف حيييل طلعله بطن كبييييييييييره وجنه بطن حامل .. متخيلين معاي الوضع ولدي عمره سنتين وهذا حاله .. ملامحه تغيرت نظراته تخرع مشيته تغيرت جنه مشيت شايب عمره 80 سنه ظهره صار في حدبه ..
وديناه مشايخ يبناله مشايخ قروا عليه فالبيت ماكو فايده ماي مقري زيت مقري
ماكو فايده سوره البقره شغاله فالبيت وانا اقرى
من صوب وزوجي من صوب وامي وام ريلي من صوب وهم ماكو فايده صار عندنا استنفار وشي مو طبيعي .. والله كنت خايفه عليه ابجي طول الللي ابجي وادعيله ياربي عالاقل اعرف علته شنوو عشان يرتاح قلبي ..
ماتم شيخ بالكويت ما وديناه اللي يقولي مافيه شي واللي يقولي محسود واللي يقولي عارض صحي والاطباء مو عارفين له واللي يقولي نفس ..
اخر شي الله سخرلي شيخ يزاه الله ا خير قرى عليه وعلي وعلى زوجي .. وقال ولدج مافيه شي بس يبيله طبيب شاطر يعرف اشفيه..
قتله ياشيخ ولدي مو مضرور او مسحور ؟؟ وايد قالولي هالحجي
قالي لا لو مضرور او مسحور جان بين معاي وخصوصا
انه مو انا اول شخص يقرى عليه وانتو مودينه مشايخ كبار ومعروفين .. نصحني يزاه الله خير اوديه عياده اعصاب ومخ صادف انه هالعياده الوحيده اللي مافكرت فيها ماتوقعت انه ولدي ممكن يكون في مرض براسه ليش مادري ..
بنفس اليوم اللي ولدت فيه اكتشفوا الاطباء انه الحبه اللي بريله سببها
ابره مكسوره داشه بريله بسبب التطعيم .. بس اهما رقعوا السالفه وقالو ابره خياطه انا شايفه الابره عقب ماطلعوها بس ما سويت شي ولا اشتكيت عليهم لانه اهما لفوا السالفه وقالو الابره ابره خياطه وبالتقرير انكتب نفس الشي ..
طلع من المستشفى واهو من شاف البيبي واهو قام يصرخ ويبجي تقولون شايف شبح يبجي ويقول مابي وخروها قطوها بالزباله { وانتو بكرامه}
قلنا يمكن غيران حاله استمر وزاد حيييييل قام يسعبل وايد وريحته حتى لو اسبحه واعطره تصير خموره وخيسه .. قام يطلع اصوات ميااااااو نفس القطوه او وانتو بكرامه جلب ولا ساعات سياره تقحص واحسه لما يطلع هالاصوات كأنه مو بوعيه لاني احركه اطقه ولا كأنه وبعدها جنه يحس على عمره ولما اكمله اقوله ليش يايمه جذي تسوي اشفيك يخز فتره بعدها يهجم علي ويطقني وكانت فيه قوه مو طبيعيه ..
للاسف بالكويت ماكو الا بالحكومه عياده اعصاب ومخ اما الخاص مافيه ومواعيد الكويت الله بالخير حطولنا موعد حق تخطيط المخ بعد شهر وقابلنا الطبيب وسواله تحاليل وفحوصات وسونار عشان يعرفون سبب انتفاخ بطنه المفاجإ ..
تحاليله سليمه .. الحمدلله والسونار طبيعي بس الانتفاخ سببه الغازات مو معقوله انتفاخ بطنه عجيب والله يابس وكأنه حاط كره ..
بيوم النخطيط لعوزهم مايبي ينام والتخطيط لازم يسونه واهو نايم طبعا مارضى عطوله منوم والله والله يا بنات مانام انسطل اي بس ما نام حتى النيرس اتقول غريبه شلون مانام مع جرعه المخدر ..
خلص التخطيط وبيوم موعد مقابله الدكتور رحنا ولا الدكتور مو مداوم وحطولنا موعد بعد اسبوعين ..
طبعا ما قدرنا نصبر خصوصا انه حاله مشاري حيييييييييييل صعبه ويكسر الخاطر رحنا للطبيب ما رضى يستقبلنا بحجه انه مشغول مع العلم عيادته فاااااضيه وكان قاعد يقرى جريده ويشرب قهوه ..
يتبع
