قصه ممزوجه بالصداقه بالحب والنيه ان شاء الله تعجبكم

[الخجوله]

بعض البنات اعتبروا حركه نور .. ضعف منها ...بعضهم.. اعتبروها.. صديقه مخلصه ... اما علياء .. حست انها غلطت لما رضت بسرعه... بس ماتوقعت ان نور اتكون بهالحنان...نور اعتذرت جدامهم كلهم... معقوله نور تكون بهالقوه ؟؟... لا ما اعتقد يمكن لانها اتحبني .. كانت تبي تراضيني بأي طريقه ..هههههه


هالفكره اللي خلت علياء تبتسم ...لانها ارضت غرورها..وقالت في نفسها هي تبتسم لنور :هههههه هالغبيه سوت لي خدمه ..وهي ماتدري .. الحين محد يقدر يزعلني ... واذا زعلت ماراح ارضى بسرعه .. نور عطتهم فكره ان زعلي "جايد"(صعب) وماراح ارضى الا اذا اعتذرت لي جدام البنات وبرضوه بعد هههههههه صج غبيه بس نافعتني


نور فاهمه علياء عدل .. بس اتحبها .. نور ماتنسى وقفاتها معاها .. تحس انها لو شنو سوت ماراح ترد لها الجميل... مع ان علياء ماسوت شي .. كل اللي سوته يقدر يسويه اي صديق مخلص ..بس علياء دايما اتفضل عليها .. واتحسسها ان اللي سوته لها شي كبير..ابتسمت لعلياء بحنان وكملوا الدرس



نور كان ودها تقول حق علياء عن نواف ... بس حست ان الوقت مو مناسب ... وقعدت معاهم و الكل مدحها من الشله على تصرفها .. بس علياء كانت تموت من القهر .. لان نور اصدمتها من هالحركه .. وعرفت اتخلي عليا هي اللي تعتذر



في بيت نواف ...


نواف كان نايم ... مو رايح الدوام .. من صارت سالفته مع عذبي ماله مزاج يداوم ...كان نايم .. بس ازعجه صوت المسج اللي وصل:

( نواف انت ليش جذي قلبك ؟؟.... انا ماقدرت انام .. رد علي .. زفني ... هزئني .. اكرهني ... انا غدرت فيك .. وانت اكثر واحد وقف معاي بعرسي )


نواف شاف المسج و قعد يضحك...: ههههههه لو بيدي كنت ذبحتك... بس اشكر تاج راسك نور .. اللي علمتني اشلون اسامح...قال هالكلام و حذف التليفون و قرر يحقره يمكن يحس هههههههه


حط نواف راسه على المخده... وتوه بسكر عينه بس نط مره ثانيه و تربع على السرير واخذ التليفون .. ودق على نور هههههههههه


نور في المدرسه .. بس هي تاخذ معاها موبايلها .. لان علياء اتكلم الشباب منه في المدرسه ...نور حست ان التليفون في مخباتها يهز ... طالعت علياء تبيها تفهم ان واحد من الشباب داق عليها ...


علياء ما كانت فاهمه لان علياء قالت للشباب .. انها متزعله مع نور .. وماراح اتكلمهم الصبح ..قامت نور راحت مكانهم السري .. على امل ان علياء تقوم وراها ..لما نور شافت التليفون لقت اللي متصل عليها...نـــــــواف

من الخوف نور التفت يمنها ويسارها .. بس مالقت احد ... ردت بسرعه

"نور": نواف انا بالمدرسه اشفيك ؟؟ .... ما اقدر اكلمك الحين لا دق ابدا .. انا اوصل البيت اكلمك ...


سكرت الخط ومسحت الرقم ... علياء شكت فيها .. نور ردت و كانت مرتبكه .. سالتها علياء بمكر : نور اشفيج ؟؟... وين رحتي ؟


"نور": لا ابد رحت اشرب ماي ورديت

 

[الخجوله]

علياء كانت شاكه بس ماحبت تحرج نور ... او بالاصح ماكانت تبي تنحرج.. من رد نور ... يمكن يكون شكها مو بمحله ..بس قالت هي راح تكتشف او نور الغبيه راح تقول لها .. يعني ماعليها الا انها تصبر ...


خلص الدوام المدرسي .. وعلياء كانت تمشي بين البنات و هي مغروره ... وبدينها البوكيه ... حتى ان السايق كان ينتظرها بره .. عطته نظره خلته يزل من السياره بسرعه و يشي عنها الجنطه... واخذ منها البوكيه .. بس طالعت نور ببتسامه وقالت : لالالالا "طاهر" هذا ورد نور .. انا اللي بشيله

قبل لا تركب السياره .. قالت حق نور انها تتصل عليها اليوم ... لانهم يبون يطلعون... سلمت ومشت...


نور في هاليوم الحار نطرت بالمدرسه ونطرت ... وحده وحده من بنات الشله قاعده تروح .. لما راحوا شلتها كلهم ... وقامت تشوف بنت بنت ..ز تروح مع اهلها ... لما خلت المدرسه ... حتى المدرسه المراقبه .. ماكان عندها ضمير... سالت نور اذا في احد بمرها .. نور اكدت انهم بالطريق ... وكانت منحرجه ... راحت المدرسه ... وخلت المرسه بنور ... وبالحارس ... حتى الحارس سكر باب المدرسه .. وظلت واقفه بروحها ...مثل ما توقعت اكيد نسوها... هي تستغرب هالشي .. يحتاجونها ... وينسونها ؟؟؟ مايصير اشلون ...؟؟... طلعت التليفون من مخباتها... تبي تدق على ابوها.. بس شافت مسج:


( نور.. وينج انا ناطرج .. معقوله لي الحين ماوصلتي البيت ..؟؟؟... ولا تتغلين علي ؟.... ترى من تغلى تخلى.. عنه احبابه )

نور ابتسمت ابتسامه قهر ... الله اهلي ناسيني .. وهالانسان يحاتيني ...بس خلني اتصل على ابوي ياخذني لاني انا احترقت بالشمس...


دقت على ابوها ...: الووو هلا يبا .. اشلونك وشخبارك؟؟ يبا انا بالمدرسه .. وماعندي احد ..؟؟ السايق لي الحين ماوصلني .. ميخالف تمر تاخذني ؟؟؟

الاب: هلا بنتي ... انا مشغول وبعيد ماني يمج ... بعدين شكو ادقين علي .. انا ليش حاط لكم سايق .. عشان اتفكوني من هاللغوه ..


نور انحبطت من كلام ابوها ... وقعدت تبجي ... دقت على السايق اللي مارد عليها الا عقب فتره...


"نور": علي وينك؟؟ ليش تاخرت علي ؟؟

"علي السايق": انا في مع ماما... ماما ما يقول روح اخذ نور ؟؟

"نور": اسماء ومريم منو خذاهم ؟؟..و محمد وناصر ؟؟

"علي السايق": اسماء مريم ..روح مع فرند*(اصدقائهم) ومحمد وناصر روح يمشي .. بيت بابا كبير.. انت الحين شنو يبي .. خلاص روح مع فرند انا مع ماما في شغل ماما

سكر الخط بوجها .. ههه حتى علي يزفها .. مسكينه نور .. التفت لقت كرسي بزايه المدرسه .. ومظلل عليه شجره ... اخذت اغراضها.. وسحبت نفسها للكرسي وهي تبجي .. قعدت اتحسر على نفسها ... قررت تدق على مها..




تتوقعون امها شنو قالت لها ؟؟شنو راح تسوي نور ؟؟

 

[الخجوله]

"نور": الوو... يمه .. وينكم ؟؟ انا بالمدرسه بروحي .. ليش تاخرتوا علي ... يمه ترى هذي مو اول مره .. اذا ماتبوني قولوا لي اروح مع وحده من البنات ... ولا اخيس بالحر ... يمه والله حرام ....الشمس احرقتني .. كنتي قلتي لي ارد مع علياء ؟؟



"الام": اشفيج كليتيني بقشوري ... بعد انتي كنتي رحتي مع صديقتج ... انا بعيده شوي ... نطريني اخلص اللي بديني و امرج ... لا تحنين كل شوي اتخربطيني .. خليني اخلص وامرج يالله ...


سكرت الخط ... وقالت حق السايق يرد الديره عشان ياخذ نور ....وهي معصبه ...



اما نواف.... دق على نور .. وكان ناوي يقولها كل اللي بخاطره ...رن التليفون عند نور ...لقت نواف اللي متصل ... كانت متردده اتشيله .. بس كانت خايفه ..قالت يمكن نواف يحسسها بالامان... بس تقوله ولا تسكت ؟؟



"نواف": الوو... نور حرام عليج .. جذي اشدعوه كل هالتغلي ... والله انا تعبت وانا انطرج... لاني اعترفت لج اني اشتاق لصوتج و اشتاق لسوالفج اطنشيني جذي ... ولا لايكون فيج شي.. ؟!... نور تكفين طمنيني عنج لا تسكتين ...




نور لما شافت لهفه نواف ... عليها.. واهتمامه..... زادت دموعها.. وبدا صوتها يتغير ... حاولت ما تبين له ان فيها شي ... بس كان مبين عليها ....نواف حس ان فيها شي ... بس ماحب يسالها .... توقع انها بتقوله كل همومه مثل ماهو يبادلها همومه ...

"نور": هلا نواف ... لا والله ما نسيتك .. بس انشغلت شوي ...

سكتت..... وبصوت مبحوح كملت : نواف انا لي الحين بالمدرسه ...(زاد بجيها) عشان جذي ما دقيت عليك ... لا تسالني ليش او وينهم عني .. كل هذا مو مهم ... المهم اني خايفه .... بليز نواف خلك معاي على الخط .. والله الدينا الحين العصر و الشوارع فاضيه ... خلك معاي .. اخاف يصير فيني شي الا احد يدري عني في هالدنيا...



وكملت بجي ... نواف قلبه تقطع من صوتها ...وين اهلها... اخاف صاير عندهم شي في البيت ...ماراح اخليها.. انا لازم اجيها المدرسه على الاقل اراقبها ...نواف خاف يقولها انتي اي مدرسه ... تتهرب وتمانع ... هو خايف عليها ... ويبي يكون يمها اوحواليها حتى لو غصب عنها ...قام يتدرجها بالكلام ... بين الضحك و السوالف عرف هي باي مدرسه ... وراح لها ... شافها...





تتوقعون تعجبه ؟؟؟ نور درت ان راح لها ؟؟؟ متى وصلت امها ؟؟ كل هذا في الجزءالقادم

 

[الخجوله]

انا ناطره توقعاتكم.... عشان اقدر اكمل
بنات ابي ارائكم... الصراحه هذي اول قصه لي وابي رايكم بصراحه ؟؟

 

[SeNyOrA Q8eYa]

روووووووووووعه رووووووووووووعه

بس بغيت أسألج حبيبتي انتي اللي كاتبتها؟؟

 

[الخجوله]

هلا والله حبيبه الكل ... الروعه ردودكم ... اي انا اللي كاتبتها... حبيت اجرب معاكم اول قصه من تاليفي ... الصراحه انا.. اول قصه لي... وانا متخوفه من رده فعلكم بس عشان مرورج الحلو وتشجيعج ...الاروع راح اكمل لكم الاجزاء قريبا

 

[SeNyOrA Q8eYa]

ماشاءالله تبارك الرحمن كتابتج وااايد وااايد حلوة ،،،
الله يوفقج انشاءالله حدي اندمجت فيها ،،،
ولاتأخرين بالتكمله بلييييييييييز

 

[الخجوله]

يا قلبي والله اثلجتي صدري بكلامج الرئع .. وتشجيعج .. وانا الحين في صدد كتابه الجزء القادم... من قلب اشكر مرورج حبيبه الكل ... واشكر لج تشجيعج الروووعه

 

[SeNyOrA Q8eYa]

يا قلبي والله اثلجتي صدري بكلامج الرئع .. وتشجيعج .. وانا الحين في صدد كتابه الجزء القادم... من قلب اشكر مرورج حبيبه الكل ... واشكر لج تشجيعج الروووعه

حبيبتي والله والصج ينقال بعد
وحتى رفيجتي قتلها بحفظلج القصه عشان تقراها من كثر ما اسولفها على الاحداث غثيتها في هالقصه لووووووووووول
بس تستاهل

 

[الخجوله]

في المدرسه ... مازالت نور في زايتها...تنطر الفرج ....واللي مضيع لها وقتها وماخذها من اللي حواليها ... نواف ... كانت قاعده على الكرسي ... شعرها مموج وطويل يوصل لي كوعها...لابسه مريول الثانويه القميص الابيض...والمريول الرمادي...نور متينه وزنها زايد ...بس مملوحه الملامح...بريئه...احلى ما فيها ابتسامتها...كانت قاعده و منزله راسها ومسكره عيونها ...كأنها تبي تنسى المكان اللي هي فيه ..كانت بس تبي تسمع لنواف.... تبي تنسى مكانها اللي هي فيه ....




نواف .. كان معجب..فيها رغم الحزن اللي مبين في ابتسامتها و قعدتها... الا انها سحرته ..بهدوئها... وشكلها و ملامحها ... اول مره نواف مايفكر في الشكل ... عجبته نور رغم عيوبها ..(عيوبها= وزنها)..... صبرها ... اسوبها... تفكيرها ... كل شي فيها حلو .....قعدوا يسولفون لما طرت على بال نواف فكره عبيطه ... كان وده يشوفها اوضح من هالقعده...


نواف بمكر : نور تذكرين اسالتج العبيطه ههههههههههههههههههه؟؟ ههههههههه جم شعره براسك ؟؟ههههههههههههههههههههههههه

"نور":هههههههههههههههههههههههههه اي اذكر لايكون عديتهم لي؟ههههههههههههههههههههههههههههههههههههه اشفيهم الاسئله ؟؟


"نواف": عندي لعبه ..نفس الطريقه..اشرايج نلعبها ؟؟

"نور": الله يستر من سوالفك هههههههههههههههههه يالله نلعب

"نواف": اي بس بشرط ؟!...... انج اتسوين كل اللي اقولج عليه ... حتى لو يحرج .. عشان اتصير احلى لازم اتنفذين... مو تجذبين علي ترى انا راح اعرف هههههههههه ها اتفقنا ؟؟



"نور": يمه خوفتني هههههههههههههههه يالله اتفقنا



"نواف": نور يالله ابيج توقفين ... ودورين 3 دورات على نفسج بس بالبطيئ هههههههههههههههههههههههههههههههههههههههههههههههههه


"نور": نواف انا مو بالبيت انا بالشارع ههههههههههههههههههه بس اصبراشوف اذا في احد يطالعني



نواف واقف بسيارته جمب بيت مقابل المدرسه .. يشوف نور بوضوح ... حس بمغامره من هالحركات... بس حب هالشي ... اما نور التفتت اتشوف اذا في احد وهي ميته من الضحك ... لاشعوريا التفتت صوب سياره نواف ... وهي تبتسم ... احلى مافي نور ابتسامتها ...ماقدرت تدور ... قعدت و هي تضحك هههههههههههههههههههههههههههه


"نور": ههههههههههههههه نواف احس الناس اطالعني يالله سويتها ههههههههههههههههههههههههههههههههههههههههههههههههههههههه


واستمروا على هالسالفه ساعه تقريبا.... نواف كان يتغزل فيها و يمدحها كأن يشوفها ههههههههههه( اصلا كان يشوفها بس نور ماتدري هههههههه) ههههههههه وهي مستحيه .. وكل حركه اتسويها في ادينها او شعرها او ريولها كانت اتجنن نواف زياده ..هههههههههههه



لما صارت الساعه 4 العصر .. ونور ونواف .. في عالم ثاني ...هههههههههه لما نور سمعت صوت سياره اتقرب منها .....



تتوقعون سياره منو ؟؟؟ وشنو صار في نور ؟؟

 

[الخجوله]

نور اول ما شافت السياره ... سكرت الخط من نواف ... اخذت جنطتها .. وكانت بلا شعور تبتسم .. من كلام نواف ...وتوجهت للسياره ... كان السايق مع امها ... ركبت و الابتسامه مو راضيه تفارقها ... لما امها شافت ابتسامتها .... انقهرت ...




"الام": اشوفج لا انتي خايفه ولا شي .. يعني اشفيها اذا نطرتيني بعد ساعتين .. هذا انتي مستانسه . وعاجبج المكان ...

وجهت كلامها للسايق ... علي روح المجمع اللي كنا فيه انا ما خلصت شغلي ...



"نور": لالالا يمه حرام عليج برد البيت انا من الصبح قاعده بالمدرسه ... عندي واجبات بخلصها ... وبعدين انا مو متغديه .. يمه رديني البيت و كملي شغلج .. المجمع ماراح يطير ... انا تعبانه بنام ..

وجهت نور كلامها للسايق .. علي روح البيت اول ..



السايق ابتلش فيهم... وقال : ماما انا الحين وين اروح ؟؟؟ البيت ولا المجمع ؟؟؟


الام طالعت نور بنظره ... نور مافهمتها ... بس نور نفس شي نظرتها كانت تحدي وقهر وعيونها متروسه دموع ...


"الام": فكني منها وودها البيت ... بعد اذا رحنا المجمع ماراح اتخليني بتقعد تحن على راسي


اسكتوا... وكانت السياره هدوء ... ماكان في صوت الا صوت التكيف ...نور لفت وجها صوب الدريشه اللي على يسارها ... نزلت منها دمعه ... معقوله كل ماتحس بفرحه ... احد من اهلها يقتلها ... ليش ؟؟


اما نواف ... كان سرحان فيها ... ومشى ولا يدري وين رايح .. اكتشف ان كان يلحقها ... ما ارتاح الا لما وصلت البيت ... دز لها مسج ..



( " المعزه" في حياتي ماهي على حبر و ورق!!... " المعزه" في حياتي شوق واحساس والم..."المعزه" من صفاتي لاتشك فيني ابد... ما ابيع اللي اعزه وما اعز الا لسبب..! واعظم اسبابي لمعزتك...!..."طيبتك واصلك ذهب" )





ردت لوجها الابتسامه و هي داشه غرفتها ... اخذفت التليفون بسعاده على السرير... راحت اخذت شاور... وهي تفكر بهالانسان اللي دخل حياتها بسرعه .. وحست ان نواف هو عزاها الوحيد في هالدنيا ...قررت ترد عليه بمسج بس تطلع من الشاور ....




كانت لابسه روب الحمام....ورافعه شعرها بالفوطه ... اقعدت على السرير.. اخذت التليفونم بحب .. وابتسامتها ما فارقتها ... ودزت مسج لنواف ...



( في هالزمن .. ينولد انسان و يموت انسان ..ونقابل من هالبشر اشكال والوان..ناس ماودك بشوفتها..وناس احلى من الورد على الاغصان ..وكل يروح وتطويه صفحه النسيان .. الا معزتك ...ما تنطوي مهما يفرقنا الزمان)





نواف فرح بالمسج ... وطار في السما ... يا فديت احساسها ....دز لها مسج ينصحها .. انها تنام و ترتاح ... ويوصيها انها من تبطل عيونها .. تتصل عليه ..

 

[SeNyOrA Q8eYa]

اللي بعدووو خجووووووووله بلييييييييييييز

 

[الخجوله]

اول مره نور تنام قريره العين ...نامت وهي تضحك ... من زماااااااان ما نامت فرحانه... دايما دمعتها تسبق خدها للمخده...اخيرا احد يسال عني .. اخيرا... في احد يهتم ... ياخوفي تكون نفس هالشباب ... بس فتره ..وتعدي...




كانت اتفكر .. وتفكر ... حتى غلبها النوم ونامت...قعدت الصبح كالعاده .. بس كان يوم خميس ... تحسفت انها قاعده امبجر ... كانت بترد تنام..بس تذكرت نواف... ابتسمت ابتسامه عذبه ...ها ادق ولا اتغلى .... لا ماراح ادق .. مو كل ما قالي شي اسويه ..(ههه تبي اطلع شخصيتها على هالمسكين ههههه)



قامت اخذت شاور .. وبطلت كبتها ... اتزهب لها ملابس .. لان اليوم الخميس.. يعني عندهم زواره بيت جدها .. خالاتها و عيالهم و خوالها و عمات امها و اعيالهم ... كلهم راح يكونون هناك... نور مو من طبيعتها اتحط مكياج بس فكرت انها تحط ... مزاجها رايق اليوم ... راحت لاسماء اختها.. تتسلف حمره او كحله .. ايو يمكن اتخليها اتمكيجها ... ماتدري ليش تبي اتكون حلوه اليوم .. ههههههههه




اما في غرفه نواف .. توه بطل عينه ... على طول التفت على التليفون .. يمكن يلقى فيه شي ... مايدري ليش هالهفه اللي فيه ... هالبنت شنو سوت له ...



مر اليوم عادي عليهم .. كلموا بعض عادي وكان نواف يتشره ... مايبيها تتغلى عليه ... نواف نسى ربعه .. ونسى اهله... بس قاعد يفكر في اللي خذت عقله وتفكيره ... اهله في البيت .. يدرون عن قصته ... توقعوا ان حزين على حبيبته نوال ... وطعنت حبيبه و صديقه عذبي له .. مخلينه على راحته ... بس نواف همه هم ثاني ...


في يوم من الايام .. نور ونواف كانوا يسولفون عادي .. خلاص تعودوا على بعض .. بس نور كانت اتكلم نواف عن علياء .. وكانت صريحه جدا معاه ... كان املها في هالدنيا نواف .. كانت تعتبره نفسها .. روحها .. حبته وتعلقت فيه ...خلاص نواف صار بالنسبه لها روحها المعلقه ..



"نور": وهذي كل سوالفنا... نواف انا ادري ان غلط .. بس والله ما اقدر اردها ... تدري ان علياء تغار مني ... مع انها احلى مني ... واحسن مني .. واجراء مني... بس تغار .. لان ربعها يحترموني ... حاولت وايد انها اهزئني جدامهم .. بس ما قدرت ...





"نواف": نور .. انا ما اقدر اجبرج علي شي .. بس نصيحتي تتركين هالبنت خلاص نور لي متى انتي بتجاملينها ؟؟



وكان اي موقف يصير مع علياء ..تقوله لنواف .. بنيه صافيه ...تدري ان بيزعل منها ... بس هي تفضل ان تقوله ولا ان يسمع من بره ... ونواف كان نوعا ما يقدر هالشي .. بس كان يتمنى ان نور تبطل من هالسوالف ...


في يوم من ايام نهايه الاسبوع .. علياء اعزمت نور على الشاليه ... نور ماكانت تبي تروح مع اهل علياء ... بس علياء ومن غير سابق انذار .. دقت على ام نور واستأذنت منها .. ورضت بس بشرط .. ان نور ماتنام تروح يوم كامل و ترد بالليل... زهبت نور اغراضها للشاليه .. وهي ماتبي تروح... لانها ماراح تقدر اتكلم نواف .. لان علياء ماتدري ... وماصار فرصه انها تقول لها ...

نور دقت على نواف ... وقالت له انها ماتقدر تكلمه لانها بتكون مع علياء .. وحذرته ما يدق ولا يدز مسج... وبس توصل البيت راح اتكلمه ...نواف متعود على هالوضع .. لان نور معودته ان لما تكون مع علياء ماتقدر اتكلمه .. وافقها غصب .. ورضخ للامر الواقع ..




في الشاليه شنو صار بين نور وعلياء...؟؟ وشنو راح يصير عقب ؟؟ نطروا الجزء القادم

 

[SeNyOrA Q8eYa]

انطرج مابي اقول شي

 

[بنت الخور]

جاري الانتظار ....

 

[الخجوله]

في الشاليه .. كانوا اهل علياء ..مجتمعين ... ومستانسين..ز وعلياء نفس الشي ... نور ماكانت تبي تروح ... بس بنفس الوقت ماتبي تزعل علياء ... كانت تشيل و تحط معاهم ... كل ما طرشوا علياء اتجيب شغله .. نطت نور اتجيبها لهم .. كل هذا عشان ماتكون بروحه مع اهل علياء ... عقب ما تغدوا ...علياء نادت نور وبنظره غريبه ... ما فهمتها نور .. انهم يتمشون على اليال*(الشاطئ) ... ابتسمت نور ومشت مع رفيجتها...


"علياء": نور.. بس ابي اذكرج .. اني انا اعرف كل شي ... والصراحه ما توقعت انج تكونين ..غبيه ..او تفكرين اتخشين عني شي..

"نور": علياء شتقولين .. مادري شنو تتكلمين عنه .. اشفيج قلبتي علي ؟

"علياء": انتي على بالج انا ماادري عن نواف ؟؟ انا ادري عن كل شي .. ليش يا نور غبيتي السالفه علي .. ليش ما قلتي لي ؟؟ انا اقولج ليش ؟؟ لانج تدرين ان علاقتج في نواف غلط .. وكنتي خايفه مني..سمعيني عدل ... اذا تبينا نستمر صديقات ..لازم تهدينه .. وتنهين علاقتج فيه .. وتكلمين علي اللي انا اكلمه لاني وبصراحه مليت منه ... وبعدين ذبحني كل كلمه و الثانيه يسال عنج.. ها شقلتي؟؟




نور اذا رفضت .. اهيا لا بمكان يسمح لها انها ترفض شي الحين .. لان علياء راح اتبهذل عيشتها... وتفشلها جدام اهلها...ونور تدري ان علي حتى ما فكر فيها ... بس علياء تبي اتخلص منه .. وماكو طريقه الا نور عشان تفكها منه ... نور.. فاهمه الوضع .. وقالت بثقه ...


"نور" : علياء .. انا كنت بقولج قصه نواف بس مالقيت فرصه .. بالمدرسه مابي البنات يعرفون شي .. ولما اكلمج في البيت خواتي حوالي .. ما اقدر اتكلم ... حتى انا قلت الشاليه فرصه حلوه اقولج كل شي ... انتي ظلمتيني و سبقتيني ... لو ناطره على رزقج كان ياج ... المهم .. ما بيني وبين نواف شي .. بعدين انتي اشلون عرفتي ؟؟



"علياء" ببتسامه نصر: قل ت لج انتي غبيه .. اشلون اتكلمين واحد من شات .. انا وياج ندخله .. وانتي تدرين كلهم ربعي .. وانا موصيتهم عليج...يعني أي شي بتسوينه راح اعرفه ..وعلى فكره محد فيهم مدح نواف يعني راح تتركينه ...سمعتي



نور حست بهالشي ..بس ماتقوعت ان الشباب رهن اشاره علياء ... وتذكرت ان نواف قال بالعامه ان يحترمها .. ومدحها جدامهم ... وتذكرت ردت فعل الشباب .. كان الصمت ..حست ان علياء تغار من نواف .. لان مو هي اللي اختارته ... ولان ما مر عليها و فحصته قبل لا تقطه علي ... ههههههه.....وقعدت نور تفكر شتقول ... لما قطعها صوت علياء ...



"علياء": نور دقي عليه بكلمه ...الحين بشوف اذا نيته


"نور": علياء شكو الحين .. اكيد نايم ..خليها بعد شوي

"علياء": هههههههههههههه اشفيج خفتي اخذه منج ؟هههههههههه حبيبتي انتي تدرين اذا ابيه اسويها والله وانتي تعرفيني ههههههههه اقول دقي خلينا نقعده من النوم



"نور": هههههههههههه ادري فيج ... واذا تبين نواف ترى ما بغلى عليج ... بس فكيني من علي مابيه


نور حاولت كثر ما تقدر انها اتنسيها نواف... بس علياء مصره ... اللي مريح نور ان نواف يدري عن سوالف علياء .. ان متوقع منها الغير متوقع ..


نور اخذت التليفون و بتردد دقت على نواف .... من جهه ثانيه .. نواف استغرب اتصال نور ... هو يدري اشكثر نور ... متحفظه بعلاقتها فيه جدام علياء ... حتى لو كانت مشتاقه .. ما اتجازف في علاقتها وتدق عليه .. بس اكيد في شي ... واتوقع علياء هي الشي ...


رد نواف.... على اتصال نور .. وحس في صوتها انها متوتره ...



"نور": الوو .. اشلونك نواف ... نايم ؟؟ اسفه ازعجتك .. بس علياء مصره و تحن الا اتسلم عليك ... وانت تدري اني ما اقدر ارد لها طلب ... يالله هذي علياء سلم عليها

"نواف": نور شنو هالاحراج .....


بس سمع وحده تضحك ضحكه ...شريره ... وقالت بدلع

"علياء": الووو... اشدعوه احراج ...هههههههههه ترى انا ما اخوف ...اشلونك نواف وشخبارك ؟؟ شوف اسمعني بقولك شي ... حط نور بعيونك ... وخاف عليها ... لا تحط في بالك ان ماوراها احد ... ترى وراها علياء ... وانا واعوذ بالله من كلمه انا ... اعرف اشلون اخذ حق صديقتي ...اوكي ههههههههههههههه



نواف استغرب هالتهديد ... ويدري ان نور تحب علياء .. وايد تحترمها ... بس ماتوقع علياء تكون بالهذي الوقاحه ... وبعدين من اولها تهديد... حس انها ياهل ... ونبرت صوتها .. انها تبي تخرب عليه نور قالها ...


"نواف": اشدعوه علياء ... انا شسويت عشان تهدديني جذي ...بس والنعم فيج .. انا احسد نور ان عندها صديقه مثل تخاف عليها ... والله ونستيني بتصالج ... وعسى الله لا يفرقكم ... بس ميخالف اكلم نور بعد اذنج ؟



علياء استانست ... بس في اخر كلامه كسر فيها.. وما يبي يكلمها ... حقدت عليه و احذفت التليفون على نور .. واشرت لها اتسكره بسرعه ...



نور بتردد.. وخوف من اللي الحوار اللي صار بينهم ... وخافت من نظره علياء...

وبتردد....."نور": الووو.. هلا نواف ...

"نواف": نور ليش اتخليني اكلمها ... كرهتها و كرهت اسلوبها .. هذي وقحه .. اول ما توصلين البيت دقي علي.... لا تكلميني وهي جمبج ... اوكي... يالله حطي بالج على نفسج .. وموتنسيني


نور انحرجت منه ... علياء فشلتها ... بس شتسوي طول ما هي معاها و بمكانها ما تقدر اتكلم ... حاولت اتبين حق علياء ان نواف مدحها ... فكانت مبتسمه .. وقالت :

"نور": ههههههههه خلاص اوكي .. يالله مع السلامه



مر اليوم بالشاليه .. عادي .. نور حست بنظرات علياء ... بس قرت تتجاهلها ... لان او انها عطتها فرصه ... راح تفتح موضوع ماراح يتسكر ...



المغرب.. نور ردت البيت .. تعبانه من اللعب .. والسباحه .. واللي متعبها اكثر ... نواف شنو قال عنها الحين ... ماقدرت اتكلمه ... نامت

 

[SeNyOrA Q8eYa]

وبعدين؟؟

 

[SeNyOrA Q8eYa]

خجوله بليييز كمليها والله القصه تشوق وناااااااااسه

 

[الخجوله]

اما نواف .. كان ينتظر اتصالها ... هو كان متاكد ان نور .. ماراح اتنام بالشاليه ... صار الليل و نور لا حس ولا خبر ... نطر .. ونطر .. حاول يدخل النت... مالقى احد .. مع ان ربعه كلهم موجودين .. بس محد.. كان يهمه .. تفكيره .. ومحاتاته .. كل عندها ...قرر يدق عليها.. ما انتبه للوقت .. كان الفجر...اتصل.. واتصل ..ماكو اي اجابه ... قلبه ينغزه ... ونور بسابع نومه ...



نور..قامت على رنه التليفون .. وهي منزعجه .. حتى مانتبهت للرقم .. شالته.. وهي دايخه ...


"نور" وصوتها كله نوم : الوو


نواف اخترع من صوت نور ... على باله فيها شي... نسى الوقت وماتوقع انها نايمه .. بخوف قالها ..


"نواف": نور اشفيج... صوتج مو عاجبني ....عسى ما فيج شي .. نور لا تسكتين ردي علي ؟؟!!



نور انصدمت ... مو مستوعبه من النوم ..بس عقب كلام نواف ..بطلت عينها اطالع التليفون .. استوعبت ان نواف ... قامت و فركت عيونها .. وشافت الساعه .. وقعدت على السرير...تكلمه ...


"نور": هلا هلا نواف اسفه ماعرفتك ... اشفيك ؟؟ عسى ماشر ؟؟؟ عسى مافيك شي ؟؟؟ خرعتني ... انت تدري الساعه جم الحين ؟؟


"نواف": اول قولي لي شفيه صوتج؟؟؟ وينج فيه لي هالحزه ؟؟... وليش مادقيتي علي...؟؟ انا قاعد احاتيج ...طمنيني عليج ؟؟


"نور": مافيني شي .. انا نايمه ... انا بالبيت من المغرب...نواف رديت تعبانه و ماشوف من التعب نمت ... اسفه موقصدي ازعلك .. او اخوفك علي ...نواف لا تزعل مني والله مادري نمت على طول ..انت لي الحين ما نمت؟؟


"نواف": خلاص نور روحي نامي ... دام اني تطمنت عليج الحين .. روحي نامي وباجر انتفاهم ... تغطي عدل ... نوم العافيه .. تصبحين على خير ..

قبل لا يسكره .... شاف الساعه .. وكان مو باقي على اذان الفجر الا 10 دقايق ... قالها... ترى بعد 10 دقايق بدق اقعدج للصلاه اوكي ؟؟



"نور": اوكي نواف ...تصبح على خير



وحذفت راسه على المخده... ونامت احلى نومه .. رغم التعب



اما نواف ... قعد يبوس التليفون ... حس انها بريئه .. وهاديه ..وفرح لما سمعها شلون كانت .... خايفه عليه ...ضحك من قلب ....وقاعد ينطر الساعه عشان تمر الدقايق و يسمع صوتها مره ثانيه...




ومرت الدقايق عليه ... طوييييييييييييله ... قام يفتلا بالغرفه ... مره يمسك التليفون بقعدها ... بس كاسره خاطره ... صوتها تعبان ...بس مشتاق لها ...

 

[الخجوله]

خلصوا الدقايق ... نواف راح توضى و صل الفجر .. وقعد يدعي ...ودعاء من القلب ...

"نواف": اللهم اني اعوذ بك من الكفر و الفقر و عذاب القبر و اعوذ بك من جهنم
اللهم اني اعوذ بك من فتنه المحيا و الممات و من فتنه المسيح الدجال
اللهم اغفرلي. يارب ...اللهم احفظ لي نور .. وابعد عنها ...كل الشرور .. اغسل قلبها من الهم و الحزن و الكرب... يارب العالمين .. وارزقني اياها يارب العالمين ..





وسلم....وانهى صلاته ... وركض على التليفون ... يدق علي نور ...يبيها اتصلي .... يرن ويرن التليفون ... ونور بسابع نومه ... تضايق ...بس ما ياس .... لما شالته نور بكسل ...



"نور": الووو... منو ؟؟ انا نايمه حرام عليكم هالازعاج



"نواف": افا نور الحين انا صرت ازعاج ؟؟.... نور انا قلت لج اني بقعدج حق الصلاه ...يالله قومي صلي الفجر .. وادعي لي يالله نور ..



"نور": نواف بنام ... حدي تعبانه ...يالله شوي واقوم ...



"نواف": لالالا ماراح اسكره لما اسمعج قمتي .. ورحتي غسلتي وجهج ..وتوضيتي ... وحتى بسمعج تقولين الله اكبر ..يالله قومي ولا ترى بقعد احن على راسج و ازعجج لين تقومين ...هههههه




نور بياس ... بطلت عينها ... وطالعت التليفون بحب..وقامن من غير لا كلمه .. راحت توضت ..وهي ماخذه التليفون معاها ... كانت تتوضى وهي اطالع التليفون بخجل .. حست كان قاعد يطالعها ..لووووووول


اما نواف ... كان يسمع خطواتها .. وكان يبتسم لا شعوريا ... حتى نسمها .. وتثوابها ... كان يضحك لما يسمعها تتثاوب ...اخذت السماعه و قالت يالله انا بسكره لاني بصلي .. انت تاكدت اني قمت من النوم..


"نواف": لالالالالا انا قلت لج بسمعج اتكبرين و لا اذا خلصتي صلاه بكلمج شوي واخليج اتنامين


بدت نور اتصلي ... وكان نواف يسمع همسها بالصلاه .. حس ان هو قريب منها ... كانها اتصلي جدامه ... حب الفكره ..وقرر ان كل يوم يسمعها و هي اتصلي ....



واستمرت علاقتهم سنه ... سنه من الحب والاهتمام... نور كانت طايره من الفرحه ..