السلام عليكم بنات
هاذي القصه صجيه مليون بلميه
هاذي القصه قصتي انا
في تاريخ 1999
صار فيني مرض السكر في هاذه التاريخ كان عمري 4 سنين شلون صار فيني مرض السكر؟؟؟؟
انولدت اختي الصغيره و كان عندنا خدامه
كانت الخدامه اتدخلني الغرفه و تقفل علي الباب و تقولي: ماما ما يحب انتي صار في بيبي جديد
و كل يوم تقولي نفس السالفه و انا كنت صغيره و كنت ازعل و اعصب و ما اكل
امي لاحظت علي اني صرت ما اكل وكله زعلانه و ما العب
و كنت اروح الحمام وااااايد
فرحت المستشفى و قالو انه فيني سكر و نوموني اسبوع في المستشفى
بعد ما كبرت و صار عمري 10 سنين
ما كنت مهتمه بنفسي و كنت اكل حلويات و ككاوو اخبص بلأكل و اي شي جدامي اكله و ما كنت اقز الابر و طحت بلعنايه لاول مره (الاطفال)
و كانت حالتي صعبه بس قالو حق امي انه ما فيني شي و راح اطلع من العنايه بعد يوم
و لما طلعت رد كل شي على حاله اكل و ما افكر بشي
و بعد 4 سنين طحت بلعنايه مره ثانيه (الكبار) بس كانت هاذي الطيحه قويه لانهم كانو فاقدين الامل اني اعيش و كانو يقولون حق امي انها تدعيلي انا كنت في حال الله يعلم فيه كانو ياخذون مني دم كل ساعتين فشراييني صارو صغار و ما يبينون و قامو يخاذون من ريولي و حطو الدرب بريلي و الاجهزه كلها مركبه علي و حاطين جهاز القلب و كانو ايون بليل و يقعدوني علشان ياخذون دم و انا كنت ابجي من كثر العوار و كانو ينوموني بأبرة مخدر علشان ياخذون دم يعني مت و حييت من اول
و ظليت 3 ايام بلعنايه و اربع في الجناح بس الحمدالله بعد كل الي مريت فيه ما دخلت العنايع مره ثانيه و الحين قمت التزم بأكلي و نومي و النشاط اليومي فنصيحه من مريضة سكر حق كل مرضى السكر
حافظو على صحتكم
و لعبو رياضه
و اكلو بنتظام
لا تخبصون بلاكل
حاولو انكم تحافظون على اجسامكم لانه انا صار فيني الكبد من السكر
و ادعولي علشان صحتي تتحسن
و انا ادعي حق كل الناس الي يعانون من السكر و غير السكر
الله يشافيكم و يحفظكم و يبعدكم عن كل سوء و يعطيكم الاجر كثر ما تتعبون تحصلون اجر :yaaaaaarb:
