قصه حقيقيه كويتيه ( اخ الاختيار صعب )

[سمو الفقيره]

مرحبا
شلونكم ؟ شخباركم ؟
انا حبيت اكتب اليوم قصة تتكون من كذا بارت و القصة هاذي صجيه و صارت صج لناس اعرفهم

بلا نبلش



جاسم :- يلا انت وياه و ياه بسرعه بنلحق عالطياره
(جاسم شاب حده فصله و عبط مو طبيعي و حلو حده طفارته لما يقولوله عمي لانه عمره 19 و مبتلش انه عيال اخوانه و خواته ما فرقه عنهم غير جم سنه )
ساره :- واي واي شفيك تصرخ الطياره بعد ساعه و نص توصل يا ابني
( ساره بنت حبوبه مملوحه بس متينه مع انه متنها مو مبين لانها طويله و كل العايله تحبها عمرها 17 ب12 ع )
جاسم :- يلا بس خلصينا
ساره :- زين زين كاني
بالطياره
نوره :- واي عزوز حدي اشتقت لسارونه بنت خالي
(نوره بنت عمة ساره بنت حلوه و حدها زوغه و مالجه على فهد راح تعرفونه مع الاحداث و اهيا بكلية علوم ادرايه )
عزوز :- ايه و الله حتى اشتقت للشباب و ههو بقلبه (( فديت سوير و الله حتى انا حدي مشتاقلها بس شسوي ماكو استيعاب هالبنت ))
( عزوز حده حلو و حبوب و هادي و رومانسي صوته عذاب يحب يغني وايد عمره 17 بالثاني عشر علمي ))
بالشارع
جاسم :- الووووووووو هلا فهيدان شلونك ؟
فهد :- و الله انا كنت مو زين بس عرفت انه نونو بترد اليوم استانست
جاسم:- استح على ويهك ترى هاذي بنت اختي
فهد :- و مرتي كيفي
(فهد شاب يدرس بكليه علوم اداريه مع نوره و ولد نعمه صج انه عينه زايغه و يكلم بنات بس عنده نوره احلى بنت )
نط عبدالرحمن :- اقول جسوم خلصني دوس ترى اشتقت لاخوي و اختي و ابوي و امي
(عبدالرحمن صبي يدرس اول سنه هندسه حده طيب بس يعصب بسرعه و اذا عصب ما يعرف امه من ابوه و ايده و الكف يطق بعدين يتفاهم بس حده طيب )
جاسم :- تكفى يا الياهل جب بس جب
ساره :- اقول جسوم مو جنك علقت الريال عالخط
جاسم :- ي و الله خلاص فهود نشوفك بالمطار
فهد :- على خير باي
ساره :- حمين جسوم شرايكم اليوم بعد ما يريحون الربع ناخذهم و نطلع نحضر فلم نتمشى اي شي تكفون حده ملل ؟
جاسم :- اي و الله خلاص عيل نقولهم
بالمطار
ام عبدالرحمن :- ما بغينا نرد الديره هذول وينهم ؟
جاسم :- شفيج تتحلطمين الله يهداج كانا
سلمو على بعض و عزوز كان بياكل ساره بعيونه
حمين اهوا ينغز عزوز :- شوي شوي اكلت البنت بعيونك لا يشوفك ابوك استح
عزوز : يا اخي شتبي شكو امك بالموضوع الحين ؟
جمين :- بس عاد
نوره و ساره بعالم ثاني سوالف و ضحك
طبعا ابو عبدالرحمن مخلي سيارته بالمطار فرد فيها اهوا و ام عبدالرحمن
بو عبدالرحمن :- ها يا بنات تردون معانا و لا مع جسوم و الشباب
نطت ساره :- لا وياك عمي احسن خل الشباب اخذون راحتهم و بالصراحه اهيا كانت مستحيه من عزوز واااااااااايد
عزوز حده عصب و طنقر :eh_s(14)::eh_s(14):
حمين قعد يضحك عليه :krkrkr:
و وصلو البيت و طول الطريج كانت نوره تسأل على فهد
نوره :- ساروووووووه فهد ماقال انه بيي ؟
ساره :- امبلا بس مادري شعنده ما يا
نوره :- اخاف صار فيه شي يمكن قلب بالسياره ؟
ساره :- لا تفائلي بالخير يمكن راح يقبل وحده
نوره :- شنهو انشاالله يموت و ا يقابل وحده غيري :eh_s(14):
ساره :- امبيه شكلج عبيط و انتي معصبه لوووووووووووول:krkrkr:
نوره :- جب بس جب
المهم وصلوا البيت و لا فهد ناطرهم عند باب البيت فارش زوليه و قاعد و لابس تي شيرت عليه صورته مع نوره يوم الملجه
اهوا كان حاط بباله انه ام و ابو عبدالرحمن بيروحون لبيت اخو ابو عبدالرحمن لكنهم يو البيت طبعا الولد من الفشله قام يخربط و يقول حجي مخربط و نوره كانت حدها منحرجه و حمين و جسوم فاصلين ضحك
اما ساره كانت شوي و تغشي من الضحك و عزوز يطالع ساره و بقلبه (( الله يدوم هالضحكه و يخليج لي و يجعلج من نصيبي ))
طبعا الساعه 3 العصر ببيت ابو عبدالرحمن
ساره :- شرايج نوروه نطلع ؟
نوره :- اي و الله اشتقت للمجمعات و الفراره بالكويت
ساره :- خلاص نقول لشباب عشان نرووح
راحوا نوره و ساره و قالوا للشباب الشباب وافقوا و قالوا خل ندق على البنات و الشباب الباجين
البنات ما قدروا ييون عشان كانوا يجهزون لعرس اسيل راح نعرفهم مع الوقت
الشباب
محمد :- اكيد بيي عيل نروح شرق اوكي
( محمد واحد حبوب و طيب وااااااااااااااااااااااييد بس عيونه دايما فيها حزن مع انه عمره 29 سنه و للحين ما تزوج و لو تشوفينه تقولين انه عمره 21)
خالد :- و انا بيي بعد
( خالد واااااااااااااااااايد يحب الحياة و الضحك و الغشمره و المقالب مؤمن انه الحب يي بعد الزواج عشان جذي قافل قلبه بمفتاح و حاط المفتاح بالتجوري و ماراح يفتح قلبه الا يوم ملجته على الي تختارها امه )
شرق و صلوا الشباب و معاهم البنات
الشباب (( جاسم \محمد\ حمين \خالد \فهد\ احمد ))
نسيت اقولكم منو احمد احمد اخو ساره شاب حده طيب رومانسي اهوا و جسوم حلالين مشاكل العايله للحين مافي بنت اخذت قلبه يحب كل العايله تكون ايد وحده
احمد :- جسوم اتصلت بسعود ولد عمي عشان يي معانا ؟
جاسم :- لا قلت لحمين يكلمه و حمين يقول جهازه مغلق
حمين :- اووووووووووووووووووووووووووف صراحه انا ما اتصلت اساسا يا اخي هالصبي مليييييييييييق و ما احبه و حده شايف عمره
عزوز :- اي و الله حده بايخ
(سعود واحد شايف عمره حيييييييييييييييييييييييييييييييييل عنده فوق الالف بنت في تلفونه و ما يداني عزوز و حمين بعيشة الله بس هم اهوا حده زوووووووووووووووووووووغه )
احمد :- لا ما يصير هذا ولد عمنا لازم نعزمه
سعود :- الوووو
احمد :- قوه شلونك ؟
سعود :- تمام
احمد :- شرايك تي شرق كلنا متيمعين حده و ناسه
سعود :- شنو هالصدفه انا قريب من شرق الحين ايي
احمد :- اوكي ناطرينك
سعود :- اوكي بقلبه ( فديت اختك يا احمدووووووووووووه فديتج سارونه )
طبعا سعود يحب ساره عناد بعزوز بس مع الايام بدا يحبها
احمد :- بوسعود عزيزان
عزوز :- وييييييييييييييع لا تناديني بو سعود لو سمحت
احمد :- لوووووووووووووووول خلاص بس احجز للبنات ساره و نوره و سعود لانه بيي
عزوز :- انشاالله بصوت واطي ( احجزله بجهنم انشاالله )
نوره و ساره وصلوا
طبعا نوره كان شكلها حدها زوغه اهيا و ساروه و نوره مو متحجبه و ساره متحجبه
راحوا الشباب حجزوا لسينما
و البنات كانو يتمشون
و لا سعود يتصل على احمد
سعود :- وينكم ؟
احمد :- خلك عند الباب احنا نيي ناخذك الحين باي
عزوز :- ليش انشاالله ياهل ؟
احمد :-بلا هذره امشوا بس
سعود :- هلا و الله شلونكم ؟ شخباركم ؟
الكل :- تمام و انت ؟
سعود :- بخير
احمد :- يلا خل نتمشى
الصوب الثاني
نوره :- امبيه حدي مشتاقتلج يا الخايسه
ساره : حبيبتي و الله حتى انا اشتقتلج
شلة شباب مارين يم نوره و ساره
و واحد فيهم تحرش بساره
الصبي :- فديت الازرق فديت المنتخب كله عشانج
ساره و اهبا ماسكه نفسها لا تضحك :- لو سمحت عيب عليك ترى
بس الصبي كمل و راهم وراهم
نوره اتصلت على فهد و قالتله
فهد :- زين زين الحين نيي
عزوز :- شصاير ؟
فهد :- شباب يتحرشون بالبنات
عزوز نط : يلا امشوا خ نروح
فهد :- زين زين
حمين :- شفيك بارد جذي فهيدان
فهد :- لانهم تحرشوا بساره مو مرتي عرفت
اهني نط سعود و راح و سحب فهد و مشوا و لحقوهم الشباب
الصبي :- زين سجلي و فكري انتي
ساره : استغفر الله لوسمحت بس عاد
الصبي :- فدت الكعب الواطي انا
عزوز و سعود و اهم ماسكين الولد من قفاه : شرايك هالكعب يطق بنص راسك
و صارت هوشه
بس فاككهم ريال عود و طلعوا الشباب الخمه برى المجمع
عزوز كان حده معصب مو من الشباب كان معصب من سعود حمين يعرف اخوه عدل و يعرف متى يكون متضايق و متى فرحان فحس بأخوه
سعود كان يتميلح عند ساره و يقول شفتيني شلون قوي طشرتهم
ساره :- لووووووووووووووول ايه حده ......... اسمحولي يا جماعه خمس دقايق بروح اشتري تي شيرت حده عجبني امشي نوره
فهد :- لا امي اخاف بعد شباب يتحرشون خلاص بس ماكو روحه بتروحين انتي كبفج
نط سعود :- انا اروح معاج
عزوز عصب و دخن حده:eh_s(14):
حس حمين جان يقول شرايك حمود تروح مع ساره و انت يا سعود ريح عقب الطق
محمد :- ماعندي مانع
ساره و محمد و اهما يمشون كانوا يسلفون و يضحكون و مستانسين دخلوا المحل جان يشوف محمد وحده معاها رفيجاتها و غورقت عيونه دموع لاحظت ساره هالشي بس ما حبت تسأل البنت اول ما شافت محمد قعدت تطالع ساره و تضحكلها باستهزاء
بعدين راحوا محمد و ساره السينما عند الباجي و ظل محمد ساكت و راحوا تعشوا و اهم محمد ظل ساكت
اما سعود كان طول الوقت يفكر شلون يحرق قلب عزوز على ساره و فجاه قال :- لقييتها
منو البنت الي غورقت عيون محمد لما شافها ؟؟؟
و ليش طالعت ساره بهالنظره ؟؟
و شنو خطة سعود؟
تابعوني بالبارت الياي
و ترى بدون ردود سنعه ما راح اكتب
الله بالردود الزينه _03BA:​

 

[لوله ستايل]

ثينكس بس كملي

 

[سمو الفقيره]

ثينكس بس كملي

حبيبتي فديتج و الله هاذي الناس السنعه مو الي يطل و ينحاش لووووووووووووووووووووول
انشاالله كل يوم بنزل بارتين واحد الصبح و واحد عال5 المغرب

و الله اللله بالردود :eh_s(14):

 

[sweet.sanfoora]

كملييييييييييي القصة روعة

 

[sweet.sanfoora]

بلز نزلاي البارت الثاني
ببجي

 

[ام هديل 87]

يلا حبيبتي ناطرينج القصة روعه مثل صاحبتها بس لاتطولين عشان لاننسى الاحداث

 

[T-flower]

وينج حبوبة ناطرين
لا تطولين سعود مبين ثجيل دم

 

[كويتية اكيد]

يلا حبي نزلي البارت شكلها عجيبة الرواية كملي كملي

 

[T-flower]

وينج حبوبة ترا انا مشكلة اذا اندمجت بشي

 

[دمعه حزينه]

كملي حبيبتي

بس ياريت لو تكبرين خط الكتابه عشان نعرف نقرا عدل ..


بانتظارج

 

[sweet.sanfoora]

كملي

 

[أروسا]

القصه حلوه حدي اندمجت

بس بليز بليز كبري خطج

بروحي ما اشوف!!!!

 

[T-flower]

وينج حبوبة
ناطرينج
بس بليز كبري الخط
انا انحولت لوووووووووول بس هم بقرا

 

[أروسا]

waiting

 

[أروسا]

up
up
up

 

[سمو الفقيره]

حبايبي و الله قاعد احاول اني اكتب بس المشكله انه القصة صج و القصة قاعد اخذ الاحداث من الاشخاص نفسهم و قاعد اكتب بس المشكله انه درجاتي بدت تنخفس بالحظيظ و امي شابه نار و شرار عشان جذي راح انقطع فترررررره طويله لين تخلص المغثه الي اهيا الامتحانات و ادعولي اني اجيب نسبه خصوصا اني ب12 ع و محتاجه الدرجات الزينه و انشاالله اول الله اخلص الامتحانات احط لكم القصه كامله انشاالله

 

[سمو الفقيره]

ثاني يوم الصبح قامت ساره على صوت تلفونها ردت ساره على التلفون
ساره :- الووووووووووووووووو
شهد :- يلا قومي صج انج خياس نوم قومي خنروح نشتري اغراض المدرسه نسيتي انه المر سه الاسبوع الياي يا ناجحه هانم
(( شهد رفيجة ساره حدها حبوبه حلوه و طيبه تحب واحد اسمه حسين واااااااااااااااايد يموت عليها ))
ساره :- ويعه بلا حتى ويعه صووووووووووووتج يا غبااااااااااااااء
شهد :- خلصي خلصي الساعه 4 العصر الحين نص ساعه و امرج و يا ويلج لو ايي و انتي مو خالصه اوكي باي
ساره :- اوكيك باي
قامت ساره من النوم و استأذنت من امها و راحت تلبس
شهد مع السايق تحت البيت
شهد :- برهان دق دق هرن
ساره :- شوي شوي شلتي الفريج بالهرنات نااااااااااااااازله بس اضبط الشيله يا شقول
شهد :- عسى ما تقعدينا لين باجر الصبح بس
ساره نزلت و ركبت السياره مع شهد سلموا على بعض و عقب شهد قرصت ساره
ساره :-اااااااااااااااااااااااااااااااااااااااااح
شهد :- هاذي على شان ما تتأخرين مره ثانيه اوكي ؟
ساره :- اوكي عمتي
عقب ما خلصوا ساره و شهد تسوق حق المدرسه و اهم بالسياره
شهد :- شرايج سارون نروح المارينا ؟؟؟
ساره :- تسأليني بعد فوقه المارينا المرينا
شهد :- هيااااااااااااا بنقز
ساره :- تدرين شهود امس صار شي بشرق و ماني قادره افسره
شهد :- شنو سعود و عزوز تهاوشوا ؟؟؟؟ قولي تحجي
ساره :- بسم الله الرحمن الرحيم لا رحت انا و محمد محل ملابس و شفنه وحده هناك اول ما شافها محمد غورقت عيونه و اهيا طالعتني و ضحكت لي بإستهزاء
شهد :- يمكن كان يحبها قبل و تركوا بعض و لما شافها تذكر ايامهم و اهيا حسبالها انج حبيبته اليديده
ساره :- يمكن كل شي جايز
رن تلفون شهد و كان حسين
شهد :- جب جب حسين دق
ساره :- جب انتي
شهد :- هلا حياتي
حسين :- هلا فيج وينج ؟ عندج احد ؟
شهد :- اي انا طالعه مع ساره بروح المارينا
حسين :- شنو شنو خوش و الله و انا اخر من يعلم
شهد :- ما طرى على بالي انك راح تزعل
حسين :- سمعيني الحين تردين البيت فاهمه نص ساعه و ادق و راح اكون جدام بيتكم اتصل على طول تطلين من الدريشه عشان اتأكد انج بالبيت
شهد :- خلاص بس تكفى بروح فرايديز عشان نتعشى ممكن بليز حياتي بليز
حسين :- مشكلتي اني طيب و احبج خلاص مو مشكله روحي بس ما تطولين اوكي
شهد :- انشاالله حبيبي
حسين :- يلا مع السلامه و سلميلي على ساره
شهد :- تامر امر يوصل
حسين :- تامر حسني لووووووووووووول باي
شهد :- فديته و الله حتى ملاقته تينن
ساره و شهد بفرايديز الافنيوز
شهد :- امبيه ليش هالزحمه
ساره :- مادري شهالمشفح هذول بسم الله
شهد :- اكو هذول قاموا عن الطاوله ركضي حجزيها _03BA:
ساره و اهيا تركض :- يارب محد يسبقنا
و الا في واحد لابس كاب يسابق ساره عالطاوله و ساره تركض جان تزلق :ada:
شهد :- امبيه ساروه فشلتينا انا مااعرفج ترى عقب هالطيحه
الصبي و اهوا يضحك :- عقب هالطيحه خلاص اخذي الطاوله:krkrkr:
ساره :- انت شنو ماكو ذوق نتسابق انا وياك عالطاوله
طبعا الصبي كان مغطي و يهه الكاب جان يرفع الكاب شوي و الا منو
ساره :- سعوووووووووووووووود ويعه انشاالله :eh_s(14):
شهد :- هذا سعود امبيه حده زوووووووووووغه
ساره :- ويعه جب لا يسمعج
سعود :- انا لاحقكم من بيت ساره شلونج شهد ؟؟
شهد و اهيا متنحه :- تمام
سعود :- شرايكم بحماية الشخصيات الي سويتها لكم كل ما لحقكم واحد استلمته زف
ساره :- محد طلب منك
سعود :- بدون ما تطلبين يلا انا ماشي بس عقب الافنيوز عالبيت على طول فاهمه
ساره :- انشاالله عمي
سعود :- يلا باي (( بقلبه وااااااااااااااااااااااااااااااااااي فديتج يا سوير متى الله يحنن قلبج علي و يشيل عزوز من طريجنا ))
عقب ما خلصوا ساره و شهد من فرايديز ردوا البيت بالسياره
شهد :- وااااااااااااااااااااااااااااااااي شنو هالسعود حده زووووووووووووووووغه
ساره :- ادري
شهد :- شكله يحبج
ساره :- ادري
شهد :- تدرين و وضعج عادي :eh_s(14):
ساره :- ادري سعود يحبني و هم عزوز يحبني بس انا ما اميل لأي واحد منهم
شهد :- ليييييييييييييييييييييش ؟ عزوز يحب التراب الي تمشين عليه لا و كاتب اغنية بإسمج و سعود سوا الي ما ينتسوا و حده مينون بحبج :eh_s(14):
ساره :- بس انا احب واحد ثاني
شهد :- هااااااااااااااااااااااااااا منو ؟؟؟؟
هذا البارت تصبيره لين يوم الخميس او اليمعه اليايين و الله الله بالردود و لاتبخلون علي بدعاويكم عشان الله يسهل علي الامتحانات و انا محتاجه الدرجات و النسب ​

 

[كويتية اكيد]

الله يوفقج يارب بس عاد لاتطولين والله روايتج رووعة يلا يلا نزلي البارت