قصـــــــيده حـــــلوه مثـــــــــــــــلي .. دون غرور

[النوفي]

القصيده اعجبتني واكيد اكيد رااح تعجبكم حباايب قلي ولا تبخلوون علي بالرد يالحلوووين ..



انا من كثر ماغليها كتبت بمعصمي حرفين ..

الاول بسمها والثاني اسمٍ فيه ادللها ..


من حدود اليمن والشام لحدود العجم والصين ..

من اجناس البني بالكون ماخلقن مثايلها ..

لها بين الحنايا ود يكبر من ثلاث اسنين ..

ولها تحت الجفن صوره بوسط العين شايلها ..

تعيش بداخل اعروقي ولا اثر في غلاها البين ..

وانا ماناظرت عيني ولا شافت بدايلها ..

اجيها اركض فرح دايم لو اكتب بالغزل بيتين ..

واقول الشعر من فرحي وانا عيني تخايلها ..

واقول الله لابتسمت بتجبر خاطر المسكين ..

وتلزم صمتها الدايم وانا الافكار اعللها ..

الين ارخت على حدب الضلوع بكفها سكين ..

وقامت تطعن اشواقي واحاسيسي وتقتلها

بيدها خنجر الفرقا تميلها على الصوبين ..

وانا بين الرجا والياس بالضحكات اجاملها ..

ويوم ارخت خناجرها وشبت بالحشا نارين ..

اذا رمد لهيب النار توقدها وتشعلها ..

وانا صابر واقول الله على جرح الخفوق يعين ..

على رجوا بشايرها ابصبر واتحملها ..

لزوم ان العشق يطرق سويدا قلبها وتلين ..

وتمطر مزنها بالصدر وديانه تسيلها ..

 

[بنوته دلوعه]

يسلموووووووووووو
حدج ذوووووووووق يالغلا

 

[ابوس ترابج ياكويت]

,

,

اكيد بتكون حلوه مثلج

بس انتي تفرقين بالحلا عنها باشــوي :eh_s(6):

,

,​

 

[نبض الخواطر]

خياااااااااااااال
متألقه كعادتج

 

[قبله الدياحين]

تعرفين ردي مايحتاج اقولج عن اختياراتج الاكثر من روعه
ومنها لاعلى ياروح القصيد
مفروض تكونين باللجنه التحكيم للشاعر المليون
مرسي

 

[الصمت@]

حيل روعه بس منو اللى كاتبها
اختيار موفق

 

[قمـــر عشر طعش]

بصراحه هذي بروحهــــــــا عن البوم قصايد


يعطيج العافيـــه ننتظر جديدج

 

[جنتي نوف]

رووووووووووعه ..تميزتي وابدعتي بختيارج ​

للقصيد:ggdw:

 

[النوفي]

يسلمووووووا حبااايب قلبي فديتكم والله فديت طلتكم الله لا يحرمني هالطله خوياااااااااااااااااااااتي ...


ابوووس اترااابج ياااكويت تسلمين بعد عمري الحلا منج وفيج يا عسل ..

 

[غــلا مطيـــــر]

ماشاء الله ماشاء الله

لايستغرب الذوووق من منبعه

تسلم يمناك لاعدمناك

ننتظر جديدك

يالغــــلا

 

[حـــــــــصه]

مميزه وكلماتهاحلوه
بس ... القهر ان الشعراء بكل وادي يهيمون ... تقبلي مروري

 

[قطوة@@]

يعطيج العافيـــه